289 Should the future of Telugu people, always be quarrelling? Can't we put an end to it?

289 Should the future of Telugu people, always be quarrelling? Can't we put an end to it?
289 తెలుగు ప్రజల భవిష్యత్ తన్నుకోటమేనా? దానికి మనం ముగింపుపాడలేమా?
చర్చనీయాంశాలు: 289, తెలంగాణ, సీమాంధ్ర, రాయలసీమ, రాజధాని, హరీష్ రావు, కెటిఆర్, కెసిఆర్

---

సీమాంధ్ర ప్రజలపై శ్రీ కెసిఆర్, హరీష్ రావు, కెటిఆర్ లు పగబట్టినట్లుగా కనిపిస్తున్నది. వాళ్ళు నోరు తెరిస్తే సీమాంధ్ర ప్రజలపై విషం కక్కుతున్నారు. వారి ప్రతిచర్య యొక్క గమ్యం, తెలంగాణ అభివృధ్ధి కన్నా, సీమాంధ్ర ప్రజలను వేధించటమే లక్ష్యం గా కనిపిస్తుంది. వారికి, శ్రీచంద్రబాబునాయుడికి మధ్య పాత పదవీ కుళ్ళు ఏదైనా ఉంటే ఉండవచ్చు. అలాంటివేమైనా ఉంటే వాళ్ళూ వాళ్ళూ చూసుకోవాలి. హైదరాబాదులో శ్రీ చంద్రబాబుకి బినామీ ఆస్తులు ఉన్నాయనీ, తాను ముఖ్యమంత్రి అయితే వాటన్నిటినీ బయట పెడతామనీ గతంలో కెసీఆర్ అన్నారు. ఇపుడా పని చేయవచ్చు కదా? జగన్ అక్రమాస్తులు ఏమైనా ఉంటే వాటిపై చర్య తీసుకోవచ్చు కదా? శ్రీచంద్రబాబు గారు కూడ కెసీఆర్ ధంధాలను బయట పెడతానన్నారు. ఆపని చేసి తెలంగాణ ప్రజలను రక్షించ వచ్చు కదా. చేయరెందుకు?

కెసీఆర్ కుటుంబం, ఒకే ప్రాంతం ప్రజలపై పగబట్టినట్లుగా వ్యవహరించటం సమంజసం కాదు. ఈవిషయంలో, కేంద్ర హోమ్ మంత్రి గారు ఇరు ప్రాంతాల వారిని తన్నుకోవద్దని సలహా ఇచ్చారే కానీ, పార్లమెంటులో తమ రాజకీయ స్వార్ధం కోసం, అతిఘోరమైన తడిగుడ్డతో గొంతును కోసే విభజన బిల్లును పాస్ చేయించి, సీమాంధ్ర ప్రజలను హైదరాబాదులో సరియైన కార్యాలయం లేని వాళ్ళుగా రోడ్డున పడేయటంలో, అఖిల భారత బిజేపి నేతలయైన తమకు, అఖిల భారత కాంగ్రెస్ నేతలకు పాత్ర ఉందని మర్చిపోయారు. ఈసందర్భంగా శ్రీమతి సుష్మా స్వరాజ్ గారు తనను తెలంగాణకు చిన్నమ్మగా చెప్పుకోటాన్ని మర్చిపోరాదు.

ఇపుడు కెసీఆర్ భారత్ లో తెలంగాణను ఒక నిజాం రాజ్యంగా మార్చేశాడు. భారత దేశం ఒక దేశం, ఈ దేశంలో ప్రజలు ఎక్కడనుండి ఎక్కడకైనా పొట్టకోసం వలస వెళ్ళవచ్చు, పరిమితికి లోబడి చిన్న చిన్న ఆస్తులను సమకూర్చుకోటానికి రాజ్యాంగం అనుమతిస్తున్నది, అని ఆయన మర్చిపోయాడు. నియంత్రించ వలసిన కేంద్ర ప్రభుత్వం తనకేమీ పట్టనట్లుగా వ్యవహరిస్తున్నది. రాష్ట్రాలు అనేవి స్వతంత్ర దేశాలు కావు. ఒక రాష్ట్రంలో ఉండే భూమి అంత ఆ ఒక్క రాష్ట్ర ప్రజలది కాదు. ఆభూమి మొత్తం భారత దేశానికి చెందినవి. ఒక నగరానికి వచ్చిన వివిధ ప్రాంతాలవారు, అక్కడ వివిధ రకాల పన్నులను చెల్లిస్తున్నప్పుడు, ఆ పన్నులతో చేపట్టే సంక్షేమ కార్యక్రమాల ఫలితాన్ని అందరూ అనుభవించాలి తప్ప, ఆప్రదేశంలో 1956 కు ముందు అక్కడికి వచ్చిన వాళ్ళు, అక్కడ పుట్టిన వాళ్ళు మాత్రమే కాదు. ఈ దేశంలో అందరూ ముల్కీలే. తెలంగాణా ముల్కీలనీ, సీమాంధ్రముల్కీలని, బీహార్ ముల్కీలని, ఉత్తరప్రదేశ్ ముల్కీలని ప్రత్యేకంగా ఉండరు.

కెసీఆర్ -హరీష్ రావు-కెటీఆర్ ల ప్రవర్తన, రైల్లో టవలు పరుచుకొని సీటుని ఆక్రమించుకొని పండుకున్నవాళ్ళు, మిగతావాళ్ళను గెంటి వేయటానికి బోగీతలుపులు వేయటానికి ప్రయత్నించినట్లుగా ఉన్నది.
తెలంగాణలో బండిలాగే కూలి వాడి కొడుక్కి సీమాంధ్రనుండి వచ్చినా, బీహార్ నుండి వచ్చినా, ఝుంజున్ను నుండి వచ్చినా, వాళ్ళు 1956 ముందు వచ్చారా తరువాత వచ్చారా అనేదానితో సంబంధం లేకుండా సర్వసమాన ఫీజు రీయింబర్సుమెంటు ఇవ్వాల్సిందే. అందరూ ముల్కీలే. ఇక్కడ నిజాం రాజ్యంలేదు.

కేంద్ర ప్రభుత్వానికి ఈ మౌలిక సూత్రం మీద విశ్వాసం ఉంటే, వెంటనే కెసీఆర్ దుష్ట చర్యలను నలిఫై చేస్తూ , రాజ్యాంగ పరిస్థితిని స్పష్టం చేస్తూ పార్లమెంటులో చట్టం చేయాలి. లేకపోతే , దేశంలో, ప్రతిరాష్ట్రంలోనూ కెసీఆర్ లాంటి నిజాములు తయారయి, స్వంత రాజ్యాలను నెలకొల్పుకుంటారు. కేంద్ర ప్రభుత్వం ఇంకా చూస్తూ ఊరుకుంటే, సోవియట్ యూనియన్ వలె , భారత్ కూడ విఛ్ఛిన్నం బాట పట్టే అవకాశం ఉంది.

తోటకూర దొంగిలించిన నాడే పిల్లవాడికి మంచి చెడు నేర్పితే, వాడు మంచి పౌరుడుగా రూపు దిద్దుకునే అవకాశం ఉంటుంది. బాగా చేసావురా అని మెచ్చుకుంటే, తాను చేస్తున్న పని సరియైనదే అనుకొని అతడు మరీ పేట్రేగి పోయే అవకాశం ఉంది.

కేంద్రానికి దేశప్రజలు ఎక్కడినుండి ఎక్కడకైనా స్వేఛ్ఛగా వలస పోవచ్చు, అక్కడి ప్రజలతో సమానంగా జీవీస్తూ, హక్కులను, బాధ్యతలను రెండిటినీ స్వీకరిస్తూ సంచరించే హక్కు ఉన్నది అనే మౌలిక సూత్రం పై నమ్మకం లేక పోతే ఆవిషయమే స్పష్టం చేస్తే బాగుంటుంది. సీమాంధ్ర ప్రజలు ఏనుయ్యో గొయ్యో చూసుకుంటారు.

దీనిని , ఎవరి మనోభావాలైనా దెబ్బతింటున్నాయో గమనించి తిరగ వ్రాయవలసి ఉన్నది.

233 Visit of the Central team for selecting Seshandhra Capital

233 Visit of the Central team for selecting Seshandhra Capital

233 శేషాంధ్రకు రాజధానిని ఎంపిక చేయటానికి పంపబడిన కేంద్ర అధికారుల బృందం

చర్చనీయాంశాలు: సీమాంధ్ర, శేషాంధ్ర, రాజధాని, విశాఖ, రాయలసీమ, కర్నూలు, విగుంతె

---

కేంద్ర ప్రభుత్వం వారు పంపిన అధికారుల బృందం వారు మాపులు ముందేసుకుని, విశాఖలో రాజధాని కవసరమైన డేటాకై ఏదో తంటాలు పడ్డారు. ఒక సంతోషకరమైన విషయం ఏమిటంటే, వారు విజయవాడకు సింహాద్రి ఎక్స్ప్రెస్ లో వస్తున్నారట. అపుడు కానీ సుమారు 350 కి.మీ. ల ప్రయాణం ఎంతటెడియస్ గా ఉంటుందో అర్ధం కాదు. వీళ్ళు డెల్టాలో తిరిగినంతకాలం అంతా పచ్చగా ఉన్నట్లు కనిపిస్తుంది. రాజమండ్రి కడియంలో పూలతోటలు చూసి సీమాంధ్ర అంతా అభివృధ్ధి చెందింది అని భ్రమ పడే అవకాశం ఉంది. వీరు తమ పర్యటనను రాయదుర్గంనుండో అనంతపురంనుండో మొదలెట్టి దొనకొండ, మార్కాపురం, గిద్దలూరు, గుంటకల్, నాగార్జునసాగర్, కడప, కర్నూలు, లను కూడ చూస్తే బాగుంటుంది. సంపూర్ణమైన అవగాహనకి గ్రీన్ బెల్టులతో పాటు, డ్రై బెల్టులను కూడ చూడాలి.

శేషాంధ్ర అనే పేరు ఎందుకు వాడుతున్నానంటే: 1) శేష అంటే శేషాచలం. తిరుపతిలోని సప్తగిరులలో (ఏడుకొండలలో) ఒకటి. నాదృష్టిలో ఇది రాయలసీమకు సంకేతం. 2) శేష అంటే మిగిలిన. తెలంగాణను కత్తిరించిన తరువాత మిగిలింది కనుక శేషాంధ్ర (Residual Andhra Pradesh). శేషాంధ్ర పాము ఆకారంలో ఉందనుకుంటే, తల అనంతపురం, తోక చివర శ్రీకాకుళం అవుతుంది.

శేషాంధ్ర గరిట ఆకారంలో ఉందనుకుంటే, అనంతపురం గరిట మూతి అవుతుంది. శ్రీకాకుళం, విజయనగరం, విశాఖ తోక అవుతుంది.

ఏవిధంగా చూసినా ఈచివరనుండి ఆచివరికి 700 కిలో మీటర్ల ప్రయాణం తప్పదు. గుంటూరు కర్నూలు, ఒంగోలు కర్నూలు ఘాట్ రోడ్లపై ప్రమాదాలు తప్పవు. వీటికి అదనంగా జాతీయ రహదారి నం. 5 పై అనవసరపు ప్రయాణాలు. వీటిని దృష్టిలో పెట్టుకుంటే విశాఖ శేషాంధ్రకు రాజధానిగా పనికిరాదు. కావాలనుకుంటే, విశాఖ రాజధానిగా, చుట్టుప్రక్కల ఉన్న ప్రాంతాలను కలిపి (అవసరం అనుకుంటే బరంపురం, కోరాపుట్ , రాయగఢ్, లను కలిపి మరొక కొత్త రాష్ట్రాన్ని తయారు చేసుకోవచ్చు. లేదు , భారతీయులు , తెలుగు వాళ్ళు వెల్డింగులకు తగరు అనుకుంటే, శ్రీకాకుళం , విజయనగరం, విశాఖ, తూగోజీ, లతో ఒక రాష్ట్రాన్ని ఏర్పరచ వచ్చు. పూర్వం గోదావరి ఉత్తర ప్రాంతమంతా గజపతులచే పాలించబడింది. విజయనగర రాజైన శ్రీకృష్ణదేవరాయలు దండయాత్రలకు వెళ్ళి సింహాచలంలో విజయ స్థంభాన్ని పాతినా, అది కప్పం వసూలు చేసుకోటానికి ఉపయోగ పడిందే కానీ, నిజమైన రాయల పాలన జరగలేదు.

తూర్పు సముద్రానికీ, రాయలసీమకు మధ్యలో నల్లమల అడవులు శేషాచలం కొండలు పెట్టని కోటగోడలులాగా ఉండి ఇరు ప్రాంతాల మధ్య రాకపోకలకు ఆటంకంగా ఉంది. ఘాట్ రోడ్ లలో దొంగల బెడద, వానాకాలం వాగులు పొంగి వాహనాలు కొట్టుకుపోటం, ఎత్తు పల్లాలకు ఒళ్ళు హూనం కావటం జరుగుతాయి. అందుకే మానసికంగా రాయలసీమ వారూ, కోస్తావారు కలిసి పోలేదు. రాయలసీమలో చిత్తూరు, కడప జిల్లాల వారికి చెన్నై సౌకర్యం. అనంతపురం, కర్నూలు వారికి బెంగూళూరు సౌకర్యం. అందుచేత, ఆఏడుకొండలవాడిని దర్శించుకోటానికి తప్ప కోస్తా , రాయలసీమల మధ్య రాకపోకలు లేవు. ఆప్రయాణం నెల్లూరు జిల్లా గూడూరుకి పశ్చిమ దిశగా, వెంకటగిరి, కాళహస్తిల మీదుగా జరుగుతుంది. తుంగభద్ర డాం, రాజోలిబండ పథకం వచ్చేక, కొందరు కోస్తాంధ్రులు హోస్పేట, బళ్ళారి, శాంతినగర్ (అలంపురానికి పశ్చిమం, తెలంగాణ) లలో కాలువ ఇరిగేషన్ భూములు కొని అక్కడకి వలసపోయి కాంపులను స్థాపించుకోటం జరిగింది. అక్కడ వాళ్ళు పక్కాగా వెల్డింగ్ అయ్యారని నేను అనుకోలేక పోతున్నాను. రాయలసీమ వారికి చెన్నై, బెంగుళూరు సౌకర్యం కావటం వలననే, వారు ఆంధ్ర ఉద్యమంలో పాల్గొనటానికి ఉత్సాహం చూపలేదు. వారికి నచ్చచెప్పటం కొరకే 1937 లో చెన్నయిలోని కాశీనాధుని నాగేశ్వరరావు పంతులుగారి శ్రీబాగ్ అనే భవనంలో ఆనాటి కోస్తానేతలు, రాయలసీమ నేతలు శ్రీబాగ్ ఒడంబడిక అనే ఒప్పందం చేసుకోటం జరిగింది. దీని ప్రకారం ఆంధ్రరాష్ట్రానికి రాజధాని రాయలసీమలో ఉండాలి. ఈరోజు రాయలసీమ నేతలు మౌనంగా ఉన్నా, తిరిగి వారు ప్రత్యేక రాయలసీమ ఉద్యమాన్ని తీవ్రంగా సాగించే అవకాశం ఉంది.

ప్రత్యేక రాయలసీమ అవసరం

కొత్తసీమాంధ్ర రాజధాని నిర్మాణానికి జరిగే వేలకోట్ల నిర్మాణ కాంట్రాక్టులలో వాటా కోసం రాయలసీమ రాజకీయవేత్తలు, గుత్తేదారులు, కోస్తా రాజకీయనేతలు, గుత్తేదారులు తన్నుకోటం నిశ్చయం. ఇది కాక రియల్ ఎస్టేట్ వ్యాపారాలలో, కొత్తరాజధానిలో ఎవరు ఎన్ని ఎక్కువ భూములను చేజిక్కించుకున్నారు అనేదానిపై ప్రవర్తనలు ఆధారపడి ఉంటాయి. దానికి అనుగుణంగానే మాఫియా ముఠాలు చెలరేగుతాయి. వీటిని దృష్టిలో ఉంచుకుంటే, రాయలసీమకు నేడే ప్రత్యేక రాష్ట్రం ఇవ్వటం మేలు. వారు ఎక్కువగా ముంబాయి చెన్నయి రైల్వే లైనుపై, కర్నూలు బెంగుళూరు రైల్వే లైనుపై ఆధారపడతారు. కోస్తావారు దానికి భిన్నంగా కోల్ కత్తా చెన్నయి ట్రంకు లైను పై ఆధార పడతారు.

నాదృష్టిలో క్రొత్త శాసన సభకు అప్పగించ వలసిన బాధ్యతలు

రాష్ట్రాన్ని మూడు ముక్కలు చిన్నరాష్ట్రాలు సౌకర్యవంతంగా విభజించుకొని, కొత్తజీవితాలను ప్రారంభించుకోటం. శాసనసభలో సభ్యుల సంఖ్య పెంచుకోటం, నియోజకవర్గాల వైశాల్యాన్ని తగ్గించుకోటం, ప్రతిమండలాన్ని ఒకనియోజకవర్గంగా ప్రకటించటం, శాసన సభ్యులకి కొన్నైనా ఎగ్జిక్యూటివ్ ఆధికారాలను, బాధ్యతలను ఇవ్వటం, ఎంఆర్ఓ గది పక్కనే శాసన సభ్యుడి గదిని ఏర్పాటుచేయటం, ఎంఆర్ఓ అధికారాలకి, శాసన సభ్యుడి ఆధికారాలకు మధ్య స్పష్టమైన విభజన రేఖలను గీయటం, శాసన సభ్యులు అధికార దుర్వినియోగం చేసినపుడు, అవనీతికి పాల్పడ్డప్పుడు క్రిమినల్ లయబిలిటీని నిర్వచించటం, ఇవన్నీ ప్రజాస్వామ్యాన్ని వికేంద్రీకరించటానికి దోహదం చేస్తాయి. ప్రస్తుతం 86,000 దాకా ఇస్తున్న ఇతర భత్యాలను తగ్గించి, ప్రభుత్వ అద్దె వాహనాలను ఏర్పాటుచేయాలి.

మూడు కొత్తరాష్ట్రాలకు మూడు రాజధానులను నిర్మించుకోటం.

ఈపని జగన్, చంద్రబాబు చేయరా?

చేయరు. చేస్తే వాళ్ళకేమి వస్తుంది? ఏమీరాదు, కనుక చేయరు. ఆయా జిల్లాల ప్రజలే తమ తమ శాసన సభ్యులపై వత్తిడి తెచ్చుకొని, ఈ 720 కిలోమీటర్ల ప్రయాణ బాదరబందీల నుండి తప్పించుకోవాలి. పెద్ద రాష్ట్రాలయితే ఎక్కువమంది ఎంపీలతో ఢిల్లీలో చక్రాలు తిప్పి , ఎక్కువ నిధులు తెచ్చి, చెరో లక్ష కోట్లు పోగేసుకోవచ్చని వారనుకుంటూ ఉండ వచ్చు. చిన్న రాష్ట్రాలలో అది కుదరదు. చిన్నరాష్ట్రాలలో ప్రజలకు జవాబుదారీగా ఉండకుండా, అంతర్జాతీయ సమావేశాలూ, ఫెస్టివల్సూ నిర్వహించుకుంటూ, గోల్ఫ్ కోర్సులకి భూములు ధారాదత్తం చేస్తూ, నిమిషానికొకసారి విదేశాలకు వెళ్లటం కుదరదు.

218 Seemandhra people are not only Great Beginners, but also Self-respect-less persons

218 సీమాంధ్రులు ఆరంభ శూరులే కాదు, ఆత్మగౌరవశూన్యులు కూడాను.

చర్చనీయాంశాలు: సీమాంధ్ర, నరేంద్రమోడీ, రాహుల్ గాంధీ, హిందూపురం, తిరుపతి,బిజెపి, కాంగ్రెస్

---

స్కామాంధ్ర కావద్దని సీమాంధ్ర ప్రజలను తిరుపతిలో శ్రీమోడీ గారు కోరారు.

సీమాంధ్రులు స్కామాంధ్రులు మాత్రమే కాదు, ఆరంభశూరులు మాత్రమే కాదు, ఆత్మాభిమాన శూన్యులు కూడాను. ఋజువు: ఆంధ్రప్రదేశ్ శాసనసభను జాతీయ పార్టీలైన కాంగ్రెసు, బిజెపిలు రెండూ అవమానించాయి. చీకటిలో గొంతు నులిమి చావగొట్టి చెవులు మూసిన విధంగా, ఈమధ్య ముంబాయి శ్రీశక్తిమిల్స్ కేసులో సామూహిక మానభంగం చేసినట్లుగా లోక్ సభలో,రాజ్యసభలో, కాంగ్రెస్, బిజెపిలు కుమ్మక్కయ్యి , లోక్ సభ టీవీ ప్రసారాలను బంద్ చేసి, సీమాంధ్ర ఎంపీలను అవమానిస్తు తెలంగాణ బిల్లును పాస్ చేసుకున్నాయి. తామేదో ఘనకార్యం చేసేమని చెప్పుకుంటున్న సోనియా , రాహుల్ గాంధీలు, ఆనాడు సభకే డుమ్మా కొట్టారు.

మహాత్మా గాంధీగారు స్వాతంత్ర్యోద్యమ కాలంలో passive resistance అనే సూత్రాన్ని అమలు చేసేవారు.

సీమాంధ్రులు ఆసూత్రాన్ని చక్కగా అమలు చేసే అవకాశం హిందూపూర్ రాహుల్ గాంధీ సభలో, తిరుపతి మోడీ సభలో కలిగింది. నిజంగా సీమాంధ్రులకి ఆత్మగౌరవం అనేది ఉండి ఉంటే, వారు పైసా ఖర్చులేకుండా, హింస, ఆస్తి విధ్వంసం, రక్తపాతాలు లేకుండా, తమ అసంతృప్తిని చాల తేలికగా చూప గలిగి ఉండే వాళ్ళు.

అదెలాగు? మోడీ సభలకు, రాహుల్ సభలకు, ఒక్క పురుగుకూడ హాజరు కాకుండా, సీమాంధ్రులు తమతమ వృత్తులను చేసుకోటమో, లేక ఇంటి దగ్గర విశ్రాంతి తీసుకోటమో చేసి ఉంటే, సందేశం నిశ్శబ్ద విప్లవం లాగా జరిగి ఉండేది.

కొద్దినెలల క్రితం మమతా బెనర్జీగారు, అన్నాహజారే గారు ఢిల్లీలో ఒక సభ జరపాలని తలపెట్టారు. వారి మధ్యలో ఏమి జరిగిందో గానీ ఒక్క పురుగు కూడ హాజరు కాలేదు. ఖాళీ కుర్చీలు వెక్కిరించాయి. ఖాళీ కుర్చీలు దర్శనమీయ బోతున్నాయని తెలిసిన హజారేగారు మైదానానికి హాజరు కాకుండా ముంబాయి తిరిగి వెళ్ళిపోయారు.

సభలకు హాజరు కాకపోటం వల్ల అవతల వాడు చెప్పేది మనం వినాలి (audi alterim partem) అనే న్యాయ శాస్త్ర సూత్రానికి భంగం కలిగిస్తున్నాం అని మనం కంగారు పడనక్కరలేదు. ఎందుకంటే శ్రీరాహుల్ గాంధీ, శ్రీనరేంద్రమోడీలు తాము చెప్పదలుచుకున్న విషయాన్ని సుదీర్ఘంగానే పత్రికలకు స్పెషల్ ఇంటర్వ్యూల ద్వారా చెప్పారు. ఈ ఇంటర్వ్యూలను ఆంధ్రప్రదేశ్ నం. 1 దిన పత్రిక పత్రిక పతాక శీర్షికలలో అక్షరానికి అక్షరం ప్రచురించింది. చదివే ఓపిక ఉన్నవారు వాటిని చదివితే సభకు హాజరు అయిన దానికన్నా ఎక్కువ ఎవేర్ నెస్ కలుగుతుంది. హాజరు అయిన అందరికీ బీరు సీసాలు, బిరియానీ పొట్లాలూ ఇవ్వరు కాబట్టి ఎండలో ఆయాస పడవలసిన అవసరం కూడ ఉండదు.

168 CPI-CPM

168 All are Bourgeois అందరూ బూర్జువాలే

చర్చనీయాంశాలు: కమ్యూనిజం,మార్క్సిజం,తెలంగాణ,సీమాంధ్ర,సీపీఐ,సీపీఎం,CPI,CPM,Marxism

సీపీఎం

వైఎస్ ఆర్ పీ, తెదేపా లతో పొత్తుకు తమకేమీ అభ్యంతరాలేమీ లేవు. --- న్యూఢిల్లీలో సీపీఎం నేత శ్రీ తమ్మినేని వీరభద్రం.

వైఎస్ ఆర్ పీ తో పొత్తును త్రోసి పుచ్చలేము. --- శ్రీప్రకాశ్ కారత్, సీపీఎం జాతీయ కార్యదర్శి.

ఫ్రంట్ లో చేరటానికి ఎన్ సీ పీ NCP కి స్వాగతం. - CPIM.

అవినీతి మయమైన జయలలిత అన్నా డిఎమ్ కే తో పొత్తుకు సీపీఐ ఎమ్ కి అభ్యంతరం లేదు. ఒకటో రెండో సీట్లు ఎక్కువ విదిలిస్తే చాలు.

ఎన్నికల ఖర్చు గరిష్ఠ పరిమితి పెంచటానికి సీపీఐ ఎం వ్యతిరేకంట.

సీపీఐ

సీపీఐ నారాయణ గారు సిపీఎమ్ ను కూడ బూర్జువా పార్టీలో జమ కట్టారు. తమ పార్టీ బూర్జువా పార్టీ అవునో కాదో శ్రీనారాయణ గారికి తెలియదనుకోవాలా?


విభజనానంతర సీపీఐ రాష్ట్ర కమీటీ విజయవాడ సమావేశంలో శ్రీనారాయణ గారు సీమాంధ్ర అభివృధ్ధికి ఇచ్చిన డిమాండ్ల లిస్టు హాస్యాస్పదంగా ఉంది. ఆయన ఈ డిమాండ్ల లిస్టును విభజనకు ముందు ఇవ్వాల్సింది. కొన్ని డిమాండ్లనైనా కేంద్ర ప్రభుత్వం అమలు చేశాక, ఆయన విభజనకు మద్దతు ఇవ్వాల్సింది. నిన్నటి వరకు ఆయన తెలంగాణ ప్రాంతీయ నేతలాగా చిందులు తొక్కారు. నేడు సీమాంధ్ర ప్రాంతీయనేతల డిమాండ్ల పట్టీ చదువుతున్నారు. ఇదేమన్నా చిల్లర కొట్టునుండి తేవాల్సిన సరుకుల పట్టీనా? అంతా బోగస్. ఇపుడు నారాయణ గారి నేతృత్వం లేకపోయినా విజయవాడలో, సీమాంధ్రలో సీపీఐ బ్రతికే ఉంటుంది. ఎలాగో సీమాంధ్రకు, తెలంగాణకు విడివిడిగా రాష్ట్రస్థాయి కమీటీలు వస్తాయి.


ఈయన కమ్యూనిస్టేనా? ఖమ్మం సీపీఐ నేతగా సుపరిచితులైన శ్రీ పువ్వాడ నాగేశ్వర రావు గారు ఖమ్మంలో ఒక సూపర్ స్పెషాలిటీ హాస్పిటల్ నడుపుతున్నారు. ఇటీవల వార్తలలో వచ్చిన లిక్కర్ కుంభకోణంలో వీరి పేరు కూడ బయటకు వచ్చింది. తమకు అలాంటి లిక్కర్ సంబంధాలేమీ లేవని శ్రీవారు ఖండించారు. లేకపోతే మంచిదే.

మెడికల్ కాలేజీలను నడపటం అంటే సామాన్యం కాదు. ప్రభుత్వాలే మెడికల్ కాలేజీల ఎక్విప్ మెంటు, ప్రొఫెసర్ల జీతాల ఖర్చులు భరించలేక గుడ్లు తేలేస్తున్నాయి. ప్రభుత్వ మెడికల్ కాలేజీలలో కొన్న సౌకర్యాలు, ప్రొఫెసర్ల కొరత ఉన్నా మొత్తం మీద అవి పేద విద్యార్ధులకు భారం కావటం లేదు. మరి మన కమ్యూనిస్ట్ నేత గారి పార్టీ డొనేషన్లు భారీగా వసూలు చేస్తుందా చేయదా? ఆహాస్పిటల్లో కమ్యూనిస్టునేత గారి పెద్ద పటం పెట్టారు. తరువాత విగ్రహం పెడతారేమో. వారి మెడికల్ కాలేజీలో డొనేషన్ల రేట్ల పట్టీ కూడ పెడితే బాగుంటుంది. అక్కడ డొనేషన్లనేవి ఉన్నాయా లేవా?

కమ్యూనిస్టు నేతలు ఎంతవరకు బూర్జువా వ్యాపారాలను చేయవచ్చు అనే విషయంలో స్పష్టత లేదు. సొసైటీలు వ్యాపారాలా అనే విషయంలో కూడ స్పష్టత రావాలి. ట్రస్టుల్లో, సొసైటీల్లో స్థాపకులు తమ, తమ కుటుంబ సభ్యుల కంట్రోల్ ని తగ్గించుకుంటూ పోతే వారి చిత్తశుధ్ధిని శంకించ వలసిన అవసరం రాదు. ప్రస్తుతం శ్రీవారి సంస్థలపై శ్రీవారికి 100 శాతం పట్టు ఉన్నట్లుగా కనిపిస్తున్నది. ఈవిషయంలో తన చిత్తశుధ్ధిని నిరూపించుకుని, సీపీఐని ఉన్నత పీఠంపై నిలబెట్టవలసిన బాధ్యత శ్రీవారి పైనే ఉంటుంది.

ఏవిషయంలో రాజీ పడచ్చు, ఏవిషయంలో రాజీ పడకూడదు అనే దానిపై సీపీఐలో అన్నిస్థాయిలలో చర్చ జరగాలి. లేదంటే బూర్జువాలు కమ్యూనిస్ట్ నేతలుగా చలామణీ అయ్యే అవకాశం ఉంది.
శ్రీ బివి రాఘవులు గారు సీపీఎమ్ నేతగా సుప్రసిధ్దులు. వీరు ఇప్పుడు తేల్చి చెప్ప వలసింది ఒకటే. లక్ష కోట్ల అవినీతికి పాల్పడ్డట్లుగా కోర్టు కేసుల నెదుర్కుంటున్న, కొన్నైనా ప్రాథిమిక ఆధారాలు బయట పడ్డ శ్రీజగన్ నేతృత్వంలోని వైయస్ ఆర్ పీ పార్టీతో ఎలా పొత్తు పెట్టుకుంటారు. పొత్తుపెట్టుకోము అని స్పష్టం చేయాల్సిన బాధ్యత ఈ సీపీఎం నేతపై ఉంది.

ఢిల్లీనుండి వారి కేంద్ర కమీటీ ఆజ్ఞాపించినా సిధ్ధాంతాలకు విరుధ్ధం కాబట్టి ఒప్పుకోకూడదు కదా. తమ పార్టీ పధ్ధతులు నచ్చకపోతే బయటకు రావలసిన బాధ్యత వీరిపై ఉండదా? ఉంటుందా?

వైఎస్ ఆర్ పీ పార్టీతో పొత్తుల కోసం సిపిఎమ్ ఖమ్మం యూనిట్ తొందర పడుతున్నట్లు కనిపిస్తుంది.

పార్టీలు నడిపేటప్పుడు తీవ్ర ఆర్దిక ఇబ్బందులు తలఎత్తినపుడు, నడపకుండా కొంత నెమ్మదించినా ఫరవాలేదు. సిధ్ధాంతాలకో రాజీ పడటం వల్ల పార్టీలు ప్రజావిశ్వాసం కోల్పోతారు. ఈవిషయంలో బూర్జువా పార్టీలకు మిగిలిన పార్టీలకు తేడ్ అవసరం. వాళ్ళు చేస్తున్నారు కాబట్టి మేము చేస్తున్నాం అనే వాదన నిలవదు.

ఎమార్ బౌల్డర్ హిల్స్ స్కాం

దీని గురించి వామపక్షాలు బయటకు ఆందోళనలు చేస్తున్నా, వీరికి కూడ రెండు ప్లాట్లు ముట్టాయా అనే అనుమానాలు ప్రజలలో ఉన్నాయి. తమ నిర్దోషిత్వాన్ని నిరూపించుకోవలసిన బాధ్యత వామపక్షాలపై ఉంటుంది.

ఈ ఆరోపణ|అనుమానం చాల ముఖ్యమైనది. ఎందుకంటే, ఇతర బూర్జువా పార్టీల వలెనే వామపక్షాలకు కూడ బడా నగరాలలో బడా భవనాలు, ఫర్నీచర్లు, ఎసీలు అంటే వ్యామోహం ఉన్నట్లు కనిపిస్తున్నది. కష్టజీవులు సమావేశం కావాలంటే ప్యాలెస్ లే అవసరం లేదు, పార్కులైనా సరిపోతాయి. భవనాలకోసం, విలువైన స్థలాలకోసం కక్కూర్తి పడి బూర్జువా పార్టీలను బయటనుండి సమర్ధించటం, పొత్తులకు దిగటం చేయనవసరం లేదు.

పట్టణాలలో, నగరాలలో స్థలం కొనుక్కోలేక పోతే కమ్యూనిస్టు పార్టీలు గ్రామాల బయట వేస్ట్ లాండ్ కొనుక్కొని రేకుల షెడ్ లలో తమ కార్యాలయాలను నడుపుకోవచ్చు. ప్రాథమికంగా కమ్యూనిస్టు పార్టీలు గ్రామాల పునాదిగా పనిచేయాలి కాబట్టి నగరాలలో తిష్ఠవేయటం, విమానాలలో తిరగాల్సిన అవసరం ఉండదు.

162 Narendra Modi

162 Killing the mother during childbirth పురుడు పోసి తల్లిని చంపటం

---

చర్చనీయాంశాలు: Narendra Modi, నరేంద్ర మోడీ,bjp,బిజెపి,సీమాంధ్ర,తిక్కన,విభజన,మహాభారతం
---->ఇతగాడు నాయకుడు కాదు, రక్షకుడు.

పురుడు పోసి తల్లిని చంపేశారు.

...బిడ్డకు జన్మనిచ్చి తల్లిని పురిట్లోనేచంపేసిన చందంగా ఆంధ్రప్రదేశ్ రాష్ట్ర విభజన విషయంలో కాంగ్రెస్ వ్యవహరించింది. ...

... తామే గనుక అధికారంలో ఉండి ఉంటే తల్లీ బిడ్డా ఆరోగ్యంగా ఉండేలా రెండు ప్రాంతాలకూ సమన్యాయం చేసి చూపించే వాళ్ళం. ...

... సీట్ల కోసం సీమాంధ్రకు అన్యాయం చేసిన కాంగ్రెస్ వల్ల తెలంగాణ రాష్ట్రం ఏర్పడ లేదు. 60 ఏళ్ళకి పైగా సుదీర్ఘ పోరాటం, వెయ్యికి పైగా బలి దానాలు, ఎందరో తల్లుల కడుపు కోత వల్లనే ప్రత్యేక రాష్ట్రం సిధ్ధించింది. ...

... సీమాంధ్రకు యూపియే అధినేత్రి చేసిన అన్యాయం పూడ్చలేనిది. అందరూ భారతమాత బిడ్డలే. అన్నదమ్ముల్లా ఉండే తెలుగు ప్రజల మధ్య చిచ్చు పెట్టారు. విభజనతో సీమాంధ్రుల గుండెలు గాయపడ్డాయి. వారందరి వెంటా భాజపా, నరేంద్రమోడీ ఉంటారని భరోసా కల్పిస్తూ కన్నీళ్ళు తుడుస్తా. తెలంగాణ సీమాంధ్ర ప్రయోజనాలు రెండూ ముఖ్యమే. తెలంగాణ పునర్నిర్మాణం లో భాజపా పాత్ర ప్రత్యేకంగా ఉండ బోతుంది. వచ్చే వంద రోజుల అనంతరం రెండు ప్రాంతాలను అభివృధ్ధి దిశగా ముందుకు నడిపేందుకు కృషి చేస్తాం. త్వరలోనే తెలంగాణ, సీమాంధ్రలలో పర్యటిస్తా. ... శ్రీ నరేంద్ర మోడీ.

వైబీరావు గాడిద వ్యాఖ్యలు

పురుడు పోయటానికీ, ఒక రాష్ట్రాన్ని విడగొట్టటానికీ చాల తేడా ఉంది. రాష్ట్రాన్ని విడగొట్టటాన్ని వందరోజులు వాయిదా వేయ వచ్చు. పురుడును వాయిదా వేయలేరు.

లోక్ సభలో అత్యంత ఘోరమైన ఆంధ్రప్రదేశ్ పునర్వ్యవస్థీకరణ బిల్లును అడ్డుకునే అవకాశం బిజెపికి వచ్చింది. వందరోజులలోనే అధికారంలోకి వచ్చి ఇరు పక్షాలకు న్యాయం కలిగేలా విభజన చేయగలమనే ఆత్మవిశ్వాసం, న్యాయం చేయాలనే కోరిక ఉంటే, కాంగ్రెస్ తో కుమ్మక్కయ్యేది కాదు.

తెలంగాణ వోట్లు, సీట్లు లేకుండా తాము అధికారం లోకి రాగలము అనే నమ్మకం బిజెపికి ఉండి ఉంటే, బిల్లును అడ్డుకొని, వంద రోజుల తరువాత రెండు పక్షాలకు న్యాయం కలిగేలా విభజన చేపట్టేది. ఆ కోరిక, తీరిక, ఓపిక బిజెపికి, మోడీకి లేవు.

తెలంగాణ 60 ఏళ్లు ఆలస్యం కావటం వల్ల నష్టపోయింది సీమాంధ్ర ప్రజలే కానీ తెలంగాణ కాదు. ఈ 60 ఏళ్ళలో హైదరాబాదు లో పెట్టబడిన పెట్టుబడులలో కొంత భాగమైనా సీమాంధ్ర పట్టణాలకు చేరి అవి అభివృధ్ధి చెంది ఉండేవి.

చంద్రబాబు లాంటి తెలివితక్కువ నేతలు హైటెక్ సిటీని హైదరాబాదులో స్థాపించి పొరపాటు చేశారు. అలా కాక అన్ని ప్రాంతాలకు అందుబాటులో ఉండే ఏ నాగార్జునసాగర్ లాంటి చోట స్థాపించినా సరిపోయేది. లేదా మూడు హైటెక్ సిటీలు స్థాపితం అయ్యేవి. సినిమా రంగం ఆనాడే హైదరాబాదు, విశాఖ, తిరుపతి మధ్య విభాగితం అయ్యేది.

1972 లో సీమాంధ్ర ప్రజలు జై ఆంధ్రా ఉద్యమం చేశారు. తెలంగాణ నేతలు విభజన మాకు వద్దని అడ్డుకున్నారు. దీని వల్ల 1969 లో తెలంగాణ వారు చేసిన ఉద్యమానికి చెల్లుకు చెల్లు అయిపోయింది.

1999- 2004 మధ్య బిజెపి ఆధికారంలో ఉంది. ఉత్తరాఖండ్, ఝార్ఖండ్, ఛత్తీస్ గఢ్ ల డిమాండ్ కన్నా జైతెలంగాణ, జైఆంధ్ర ఉద్యమాలు పాతవి. పాతసమస్యలను పరిష్కరించకుండా బిజెపి కొత్తరాష్ట్రాలను ఎలా చేపట్టింది? నిజంగా తెలంగాణ ప్రజలమీద, వారి ఉద్యమం మీద బిజెపి కీ సానుభూతి ఉంటే చంద్రబాబు వద్దన్నా, ఉత్తరాఖండ్, ఝార్ఖండ్ రాష్ట్రాలతో పాటు బిజెపి ప్రత్యేక తెలంగాణ , ప్రత్యేక ఆంధ్ర రాష్ట్రాలను ఇచ్చి ఉండేదే. బిజెపి కనీసం ఆదిశలో ప్రయత్నించలేదు. అపుడే తెలంగాణ బిల్లును తయారు చేసి ఆంధ్రప్రదేశ్ శాసనసభకు బిల్లును పంపి అభిప్రాయం కోరి ఉండాల్సింది. ఎందుకు కోరలేదు?

నేడు సీమాంధ్ర ప్రజలను ''అతి భీభత్సంగా తిడ్తున్న కెసీఆర్ '', ఆంధ్రప్రదేశ్ శాసన సభలో తెలంగాణను సమర్ధించే వాళ్ళను ప్రోత్సహించకూడదని ప్రసంగించాడా లేదా? తెలంగాణ ఉద్యమం 60 ఏళ్ళదని నమ్మేవాడు తెలంగాణకు వ్యతిరేకంగా అసెంబ్లీలో మాట్లాడ వచ్చా? మంత్రివర్గంలో స్థానం కోల్పోగానే ప్రత్యేక తెలంగాణ ఉద్యమం ప్రారంభించాలనే తపన ఆయనకు ఎలా కలిగింది?

వేయి మంది తెలంగాణ యువకులు బలి కావటానికి కెసీఆర్ అండ్ కో, కోదండరాం అండ్ కో చేసిన విద్వేషపూరిత ప్రసంగాలే కారణం. వారిపై చర్యలు తీసుకోకపోటం కేంద్ర హోమ్ మంత్రి, ఆంధ్రప్రదేశ్ ముఖ్యమంత్రుల తప్పు.

సీమాంధ్ర ప్రజలను కెసీఆర్ అండ్ కంపెనీ ఛండాలంగా తిడ్తుంటే బిజేపీ గానీ, మోడీగానీ, సుష్మా స్వరాజ్ గానీ, అద్వానీ గానీ, రాజ్ నాథ్ సింగ్ గానీ, వెంకయ్య గానీ ఎప్పుడైనా ఖండించారా? ఎక్కడైనా ఖండించారా? తెలంగాణ బిల్లును ప్రవేశ పెట్టమని వెంట పడ్డారే తప్ప, ఇరు వర్గాలకు ఆమోద యోగ్యమైన బిల్లును తయారు చేయించి, ఎన్ డీఏ బిల్లుగా గానీ, ప్రైవేటు బిల్లుగా గానీ ఎందుకు ప్రవేశ పెట్టలేదు? లోక్ సభ నిబంధనలు, రాజ్యసభ నిబంధనలు, ప్రైవేటు బిల్లులను, ప్రతిపక్షాల బిల్లులను నిషేధించవే?

తెలంగాణను కేవలం వందరోజుల వాయిదా వేసి ఉంటే, ఈరోజు మోడీకి ఈ మొసలి కన్నీళ్ళు కార్చవలసిన అవసరం తప్పేది కదా.

మోడీ గారు ఇక్కడ తెలంగాణ ప్రజల, సీమాంధ్ర ప్రజల కళ్ళనీళ్ళు తుడుస్తూ కూర్చుంటే, అక్కడ శ్రీమతి జశోదా బెన్ గారి కన్నీళ్ళు ఎవరు తుడుస్తారు? ఆమె అశోకవనంలోని సీత వలే ఇంకా ఎన్నాళ్ళు కుమిలి పోవాలి?

సీమాంధ్ర ప్రజలకు తమ దీనస్థితిపై అవగాహన ఉంటే, సీమాంధ్ర ప్రజలు తాగుబోతులు కాకుంటే, చేయవలసిన పని

1. సోనియా గాంధీతో సహా కాంగ్రెస్ నేతలు ప్రసంగించే సభలకు, సీమాంధ్ర ప్రజలే కాదు ఒక చీమ కూడ హాజర్ కారాదు. కేవలం మైకుల వాళ్ళే ఉండాలి. ఇది స్వఛ్ఛందంగా, శాంతియుతంగా జరగాలి.

2. నరేంద్ర మోడీతో సహా బిజేపీ నేతలు ప్రసంగించే సభలకు, సీమాంధ్ర ప్రజలే కాదు ఒక చీమ కూడ హాజర్ కారాదు. కేవలం మైకుల వాళ్ళే ఉండాలి. ఇది స్వఛ్ఛందంగా, శాంతియుతంగా జరగాలి.

ఈనాటి పద్యం

తిక్కన కవిబ్రహ్మ ప్రణీత శ్రీమదాంధ్ర మహాభారతం

శాంతి పర్వం, ప్రథమాశ్వాసము.

సందర్భం.

భారతయుధ్ధం అయిపోయింది. అందరూ చచ్చారు. ధర్మరాజుకి పాపం అంటుకున్నదన్న భీతి పట్టుకుంది. (మొసలి?) కన్నీళ్ళు కార్చటం మొదలు పెట్టాడు. నారదుడు కర్ణుడి జన్మ వృత్తాంతం చెప్పాడు. ధర్మరాజు గారు, ఆడవాళ్ళ నోళ్ళలో నువ్వు గింజ దాగదని ఒక శాపం పారేశాడు. ఈసందర్భంగా అభినయించిన పశ్చాత్తాపంలో ఒక పద్యం క్రింద ఇస్తున్నాను. ఈ పద్యానికి జవాబుగా అర్జునుడు నీతి బోధ చేశాడు.

౪౫వ పద్యం. సీస పద్యం.
జ్ఞాతుల నందఱఁ జంపితి మది యాత్మ
  వధమ కాదే రాజవర్తనంబు
గాల్పు మహింస నిక్కము దాల్మి మత్సర
    వర్జనమిది వనవాసజనుల
కాగమవిహితంబు లటె యింత యొప్పునే,
   వనమున వసియింప వలయు, వింటె
యసుఖదంబైన రాజ్యామిషంబునకుఁ గు
   క్కల భంగిఁ దమలోనఁ గాటులాడి

తేటగీతి.
కులము నెల్లను బొలియింపఁ గుత్సితంపు
బ్రతుకు వచ్చెనె యను వగ పాలు వడఁగఁ
ప్రమద మొసగదు త్రైలోక్యరాజ్యమైనఁ,
కాన యేనొల్ల మహి మీర కైకొనుండు.

తెలుగు సారం: మనం అంతా మాంసం ముక్కల కోసం కుక్కలు కాట్లాడుకున్నట్లుగా రాజ్యం కోసం కొట్టుకున్నాం. అందుకే ఈకుత్సితం బ్రతుకు వచ్చింది. వగపు వచ్చింది. మూడులోకాలపై ఆధిపత్యం కూడ నాకు సంతోషం ఇవ్వదు. ఈభూమి నంతా మీరే ఉంచుకోండి.

ప్రాధమికంగా ధర్మరాజు మొసలి కన్నీళ్ళకు ధృతరాష్ట్రుడు మొసలి కన్నీళ్ళకు తేడా తక్కువ. అదే విధంగా నరేంద్ర మోడీ మొసలి కన్నీళ్ళకు సోనియా గాంధీ మొసలి కన్నీళ్ళకు కూడ తేడా తక్కువయే.

కొసమెఱుపు

29 సంవత్సరాలు ఎంపీగా పని చేసిన శ్రీకావూరి సాంబశివరావు గారు రైతులకు ''నేనేం చేయాలో చెప్పండి'' అని బహిరంగలేఖ వ్రాశారు.

జవాబులు: నిజంగా నిద్ర పోయే వాడిని లేపచ్చు. నిద్ర పోయినట్లు నటించే వాడిని ఎవరూ లేపలేరు.

కేంద్ర మంత్రివర్గ సమావేశంలో విభజన బిల్లును టేబుల్ ఐటం గా ప్రవేశ పెట్టినప్పుడు, మీరు దానిని అధ్యయనం చేయటానికి రెండు రోజులు సమయం అడిగినపుడు ధృతరాష్ట్ర మన్మోహన్ సింగ్ గారి సమక్షంలోనే మీకు అవమానం జరిగింది. చీమూ నెత్తురు ఉన్నవాడయితే మరల ఆ గుడ్డి ప్రధానమంత్రి, ఆ దుష్ట మంత్రుల ముఖం చూస్తాడా?

29 సంవత్సరాలు ఎంపీగా సేవ చేశారు కదా, ఈసారికి ఇంకొకరికి అవకాశం ఇవ్వండి, అని ప్రజలే నిర్ణయిస్తారేమో.

శ్రీ సుశీల్ కుమార్ షిండే

శ్రీ సుశీల్ కుమార్ షిండే గారు హోం మంత్రిగా ఇంక మీకు కన్పిస్తానో లేదో, ఇదే ఆఖరిసారేమో, అని పోలీసు ఉద్యోగులతో అన్నారుట.

పరిష్కారం: టీ ఆర్ ఎస్, బీజేపీల మధ్య పొత్తు జరిగే అవకాశమున్నదని వార్తలు వస్తున్నాయి. శ్రీవారు టీ ఆర్ ఎస్. టికెట్ పై తెలంగాణ నుండి లోక్ సభకు పోటీ చేసి, గెలిచి, తెరాస కోటాలో, నరేంద్రమోడీ గారి మంత్రివర్గంలో హోం మంత్రి అవవచ్చు. ఇంకా తెలంగాణ ప్రజలకు ఏమైనా సేవలు చేసుకోవాలనుకుంటే తేలికవుతుంది.

152 Residual Andhra Pradesh Capital

152 Temporary arrangements for Residual Andhra Pradesh State Capital శేషాంధ్ర రాజధానికి తాత్కాలిక ఏర్పాట్లు

---

చర్చనీయాంశాలు: bifurcation, Capital of Andhra Pradesh, రాజధాని, తెలంగాణ, సీమాంధ్ర

''There is no purpose of staying back in Telangana State after division. It is in the best interests of Seemandhra people that the administration of the new State should be carried out from Andhra Pradesh and not Telangana. ... We cannot live here facing abuse and humiliation."
కొమ్మినేని.ఇన్ఫో అనే వెబ్ సైట్ వారు వ్రాసినది: కాంగ్రెస్ సీనియర్ నేత,శాసనమండలి సభ్యుడు పాలడుగు వెంకట్రావు కొత్త రాష్ట్రం ఏర్పడిన తర్వాత వెంటనే హైదరాబాద్ నుంచి వెళ్లిపోదామని అంటున్నారు. విభజన తీరుతో సీమాంధ్ర ప్రజల మనసులు తీవ్రంగా గాయపడ్డాయని, ఈ సమయంలో పాలనా కార్యక్రమాల పేరిట హైదరాబాద్‌లోనే ఉండడం కరెక్టు కాదని ఆయన వాదిస్తున్నారు.హైదరాబాద్‌లోని భవనాలు, రోడ్లు చూసి ఇక్కడ ఉండేకన్నా గుడిసెల్లో ఉండైనా మన పాలన మనం చేసుకుందామని వివరించారు. ఇక్కడ ఉండడం ఏ మాత్రం సరికాదని ఆయన అన్నారు. వీర సమైక్యవాది అయిన పాలడుగు వెంకటరావు ఇప్పుడు మరీ ఇంత తీవ్రంగా మాట్లాడుతున్నారు. పది ,పదిహేను రోజులలో మొత్తం ఖాళీ చేసి వెళ్లి పోవడం ఎలా సాధ్యమో వెంకట్రావు చెప్పాలి.

వైబీరావు గాడిద వ్యాఖ్యలు

నేను గతంలో చేసిన పరిశోథనలను బట్టి, పెట్టుబడిదారి రాజకీయాలలో ఉండి కూడ అర్ధవంతంగా మాట్లాడే అతి కొద్దిమంది రాజకీయవేత్తలలో శ్రీ పాలడుగు వెంకట రావు ఒకరని తేలింది. పైనా వ్రాసిన కొమ్మినేని.ఇన్ఫో వారు వ్రాసిన వార్త ఈవిషయాన్నే ధృవీకరిస్తున్నది. నేను వ్రాద్దామనుకున్నదే శ్రీవెంకట రావు చెప్పటం వల్ల నాపని తేలికయింది. పది, పదిహేను రోజులలో కాకపోయిన వీలైనంత త్వరగా వచ్చేయటం మంచిది. ఈసందర్భంగా నేను కొన్ని సూచనలు చేయ దలుచుకున్నాను.

దీర్ఘకాలిక లక్ష్యాలు

మూడు రాష్ట్రాలు: ఉత్తరాంధ్ర, దక్షిణాంధ్ర, రాయలసీమ. ఈలక్ష్యంకొరకు సమష్టిగా కేంద్రం లో ఏపార్టీలు అధికారంలో ఉన్నా వారి మీద వత్తిడి తెచ్చుకోవచ్చు. విశాఖ, వి-గుం-తె, కర్నూల్ లను ప్రాంతీయ రాజధానులు గా అభివృధ్ధి చేసుకోటం. అంటే, ఏప్రాంతానికి చెందిన కంప్యూటర్ ఫైళ్ళను, కాగితం దస్త్రాలను వీలైనంత వరకు ఆప్రాంతాలలోని స్టోర్ చేసుకోటం. అథికార వికేంద్రీకరణ చేసుకొని ప్రాంతీయ రాజధానులలోనే ఎక్కువ నిర్ణయాలను తీసుకోటం.

స్వల్పకాలిక తాత్కాలిక ఏర్పాట్లు

రాజధాని కొరకు మనకుమ్ములాటలను ఢిల్లీ తీసుకెళ్ళి అక్కడ తన్నుకొని చులకన అయ్యే కన్నా, మనం ఈక్రింది తాత్కాలిక ఏర్పాట్లు చేసుకోవచ్చు.

శేషాంధ్ర రాజధాని

౧. ప్రతి రెండేళ్ళకు కర్నూలు, విశాఖ, వి-గుం-తె, కర్నూలు మధ్య రాజధానిని రొటేట్ చేసుకోవచ్చు. ప్రస్తుతం కాశ్మీరులో ఎండకాలం రాజధాని శ్రీనగర్ లోను, చలికాలం రాజధాని జమ్ములోను పెట్టుకుంటు ప్రతి ఆరునెలలకు ఒకసారి దస్త్రాలను తరలించుకు పోతున్నారు. మంచుకొండలలోనే వారు ప్రతి ఆరు నెలలకొకసారి వారా పని చేయగలుగుతున్నపుడు మనం రెండేళ్ళకొకసారి తరలించుకు వెళ్ళలేమా. గవర్నర్ కు తాను ఎక్కడ కావాలంటే అక్కడ ఉండే స్వేఛ్ఛనివ్వ వచ్చు. ఎందుకంటే ఆయన కేంద్ర ప్రభుత్వ బంట్రోతు కాబట్టి ఆయన రాజభవన్ ఎక్కడుండాలో కేంద్రప్రభుత్వం, ఆయన నిర్ణయించుకుంటారు. హైకోర్టు విషయంలో ఒక మెయిన్ హైకోర్టు, రెండు బెంచీలు సంపాదించుకో గలిగితే బాగుంటుంది. మెయిన్ హైకోర్టు ఎక్కడుండాలా అనే విషయాన్ని సుప్రీంకోర్టుకు వదలి వేయవచ్చు.

శేషాంధ్ర ముఖ్యమంత్రి పదవి

ఏపార్టీ అధికారంలో ఉన్నా ముఖ్యమంత్రి పదవిని రెండేళ్ళ కొకసారి క్యాలెండర్ సంవత్సరం ప్రాతిపదికన రొటేట్ చేసుకోవచ్చు.
ఉదాహరణ:
2014, 2015 క్యాలండర్ సంవత్సరాలు అంటే 2014 జనవరి నుండి 2015 డిసెంబర్ వరకు: ఉత్తరాంధ్రకు చెందిన వారు ముఖ్యమంత్రి. టీడీపీ గెలిచినా కూడ ఉత్తరాంధ్రకు చెందిన వారినే ముఖ్యమంత్రి కానివ్వాలి. కాకపోతే టీడీపి ఉత్తరాంధ్ర నేత ముఖ్యమంత్రి అవుతాడు.

2016, 2017 క్యాలండర్ సంవత్సరాలు: అంటే 2016 జనవరి నుండి 2017 డిసెంబర్ వరకు: దక్షిణాంధ్రకు చెందిన వారు ముఖ్యమంత్రి. టీడీపీ గెలిస్తే టీడీపి దక్షిణాంధ్రవాడు మొ||

2018, 2019 క్యాలండర్ సంవత్సరాలు: 2018 జనవరి నుండి 2019 డిసెంబర్ వరకు: రాయలసీమ నేత ముఖ్యమంత్రి. ఏపార్టీ గెలిచినా ఏరియా రిజర్వేషన్ ను మరచి పోరాదు.

ఈ ఏరియా రిజర్వేషన్ లలోనే బీసీ, ఎస్ సీ, ఎస్ టీ లకు కూడ కొంత రిజర్వేషను చేసుకోవచ్చు.

మంత్రి పదవుల పంపిణీ

రాష్ట్రానికి గరిష్ఠంగా ౩0 మంది మంత్రులు ఉండవచ్చు అనుకుంటే ప్రతి ప్రాంతానికీ పది చొప్పున. ప్రతి ప్రాంతంలో బీసీ, ఎస్ సీ, ఏస్ టీ రిజర్వేషన్ లను మరువరాదు.

శాఖల కేటాయింపులు

శాఖలను ప్రాధాన్యతలు బట్టి A,B,C లుగా వర్గీకరించుకోవాలి. ఉదా: మొత్తం ౩0 శాఖలలో 9 A కేటగిరి శాఖలు, 9 B కేటగిరి శాఖలు, 12 సీ కేటగిరి శాఖలు ఉన్నాయనుకుందాం.
రాయలసీమ: ౩A, 3B, 4C శాఖలు పొందుతుంది. ఈ శాఖల సెట్ ను గులాబి అందాం.
ఉత్తరాంధ్ర: ౩A, 3B, 4C శాఖలు పొందుతుంది. ఈ శాఖల సెట్ ను సంపంగి అందాం.
దక్షిణాంధ్ర: ౩A, 3B, 4C శాఖలు పొందుతుంది. ఈ శాఖల సెట్ ను మల్లె అందాం.

ఈగులాబీలను, సంపంగులను, మల్లెలను, మూడు ప్రాంతాల వారూ రొటేట్ చేసుకోవచ్చు. ఇది ఎందుకవసరం అంటే ఒకే ప్రాంతంవారు గులాబీలను స్వంతం చేసుకొని మిగిలిన వారిని అన్యాయం చేయకుండా. గతంలో రైల్వే శాఖను బెంగాల్, బీహార్ వారు స్వంతం చేసుకొని రైల్ ప్రాజెక్టులను కొట్టేసిన సంగతి మరువరాదు,

ఇవన్నీ చెప్పటానికి తేలికే, కాని ఆచరణలో కష్టం

అనే వారికి జవాబు: మనం తన్నుకొని ఢిల్లీ వెళ్తే అక్కడ ఎవరు అధికారంలో ఉంటారనేదాన్నిబట్టి దిగ్విజయ్ సింగ్ చేతో, కమల్ నాథ్ చేతో, సుష్మా స్వరాజ్ చేతో, మోడీ గారి చేతో మెడ బెట్టి గెంటించు కోవలసి వస్తుంది. అది నయమా, లేక మన సమస్యలను మనమే పరిష్కరించుకొని, మన 25 మంది ఎంపీల బలంతో గర్వంగా ఢిల్లీ వీధుల్లో తిరగటం నయమా.

మరి బిల్డింగులు

విశాఖలో మొదటి రొటేషన్ రాజధానిని నడుపు కోటానికి ఆంధ్రాయూనివర్సిటీ వారి నుండి కొన్ని భవనాలను తీసుకోవచ్చు. మూతబడిన ప్రైవేటు ఇంజనీరింగు కాలేజీలను, మూసివేసిన సినిమా హాళ్ళను, కొన్ని కల్యాణ మంటపాలను, అద్దెకి తీసుకోవచ్చు. రెండేళ్ళంటే ఎవరైనా ఇస్తారు.

మొదటి రొటేషన్ విశాఖలో రాజధాని ఉన్న కాలంలో కర్నూలులో, వి-గుం-తె లలో కొన్ని భవనాలను నిర్మించుకోవచ్చు. నైట్ లాండింగ్ విమానాశ్రయాలు ఏర్పాటు చేసుకోవచ్చు. మూసివేసిన సినిమా హాళ్ళను, ఇంజనీరింగు కాలేజీలను అద్దెకి తీసుకోవచ్చు. కర్నూలు తుంగభద్రా తీరంలో కొన్ని రేకుల షెడ్లు వేసుకోవచ్చు. కొన్ని భవనాలను అద్దెకి తీసుకోవచ్చు. వి-గుం-తె లో నాగార్జున యూనివర్సిటీ వారిని కొన్ని భవనాలను అడుక్కోవచ్చు. దాని ఎదురుగా నిర్మించబడుతున్న డూప్లెక్స్ ఇళ్ళను, సింగపూర్ ఎపార్టుమెంట్లను అద్దెకి తీసుకోవచ్చు. రెండేళ్ళేగా.

కోరిక ఉంటే మార్గం ఉంటుంది. సింహం నోటిలోకి ఆహారం అదంతట అదే వచ్చి పడదు. అది తిరిగి వెతుక్కోవాలి.

147 Telangana Bill

147 Telangana Bill forced through Rajya Sabha తెలంగాణాబిల్లుని రాజ్యసభలో తోశారు

---

చర్చనీయాంశాలు: Telangana Bill, Rajya Sabha, Andhra Pradesh, Seemandhra, BJP, తెలంగాణ, రాజ్యసభ, ఆంధ్రప్రదేశ్, సీమాంధ్ర


ఊహించినట్లుగానే తెలంగాణ బిల్లును ముందుకి త్రోశారు. వాయిస్ వోట్ తోనే పాస్ అయిందని రాజ్యసభ డెప్యూటీ స్పీకర్ ప్రకటించారు. సోనియా కాంగ్రెస్ స్వార్ధం గురించి కొత్తగా వ్రాయవలసినది ఏమీలేదు.
బిజెపి బండారం పూర్తిగా బయటపడింది.

ఇపుడిది రాష్ట్రపతి ప్రణబ్ ముఖర్జీగారి దగ్గరకి ఆమోదానికి వెళ్తుంది. ఆయన స్వార్ధాలు ఆయనకుంటాయి. బెంగాల్లో వాళ్ళబ్బాయికి కాంగ్రెస్ టికెట్ కావాలి. ఢిల్లీలో కానీ, మరొక భద్రమైన ప్రదేశంలో వాళ్ళమ్మాయికి కాంగ్రెస్ టికెట్ కావాలి. ఇంక ఆయన సంతకం పెట్టక ఏమి చేస్తాడు?

సీమాంధ్ర ప్రత్యేక రాష్ట్రంలో పన్నుల మినహాయింపు

దీన్ని బిజెపి, కాంగ్రెస్ లు ఘన కార్యంగా చెప్పుకోవచ్చు కానీ, దీనిలో కూడ రెండు పార్టీలకు బయట కనిపించని స్వార్ధం ఉంది.

పారిశ్రామిక వేత్తలేవో పరిశ్రమలు పెడ్తారు, అబ్బో ఎక్కడ చూసినా ఉద్యోగాలే అని సీమాంధ్రు పొంగి పోనవసరంలేదు. ప్రాధమికంగా పారిశ్రామిక వేత్తలు పరిశ్రమలు పెట్టేది తమ లాభ నష్టాలను ఒకటికి రెండు సార్లు అంచనాలు వేసుకొని తృప్తిచెందాకే. తేరగా చవకగా భూములు వస్తాయని లెక్కలేసుకున్నాకే. పరిశ్రమలు పెట్టేది దేశసేవకు, ప్రజాసేవ అనే భ్రమలుండకూడదు. పెట్టుబడిదారీ విధానం లో దేశ సేవలను, ప్రజాసేవలను మనం ఆశించకూడదు. సీపీఐ, సీపీఎం కు చెందిన నేతలు పరిశ్రమలు, వ్యాపారాలు పెట్టినా ఈ కఠోర వాస్తవానికి లోబడే వ్యాపారాలు చేసుకుంటారు.

ఈపరిశ్రమలు పెట్టే వాళ్ళలో విదేశీ పారిశ్రామికులుంటారు. ఇతరరాష్ట్రాల పారిశ్రామికులుంటారు. స్వారాష్ట్రానికి చెందిన వారుంటారు. నానా పార్టీల పెద్ద పెద్ద మంత్రులు, ఎం.ఎల్.ఏ, ఎంపీలు, వారి బంధువులు, బినామీలు, ఛోటామోటా నేతలు, ఉంటారు. కాబట్టి పన్నుల మినహాయింపుల లాభం ప్రజలకా? వ్యాపారులకు-పారిశ్రామికులకా? మంత్రులు, ఎం.ఎల్.ఏలు, ఎంపీలకా?

నిజంగా గొప్పలాభాలు వస్తాయనుకుంటే, శ్రీ రాబర్ట్ వధేరా గారే వచ్చి శేషాంధ్రలో పరిశ్రమలు పెట్టరా?

రాజధాని కోసం కుమ్ములాటలు

ఈసినిమా షూటింగ్ ఇంకా మొదలు కాలేదు. ఇపుడు మొదలవుతుంది. ఇది ఒకేసారి అవుట్ డోర్, ఇండోర్, పలువురు డైరక్టర్లు, హీరో, హీరోయిన్లతో జరుగుతుంది.

140 future alternatives for SImAndhra

140 Some methods for people of Residual Andhra Pradesh సీమాంధ్రప్రదేశ్ ప్రజలకు కొన్ని మార్గాలు |పధ్ధతులు

---

చర్చనీయాంశాలు: bifurcation, విభజన, శేషాంధ్ర, సీమాంధ్ర, బిజెపి, కాంగ్రెస్, టీడీపి, రాజశ్రీ

ఆంధ్రప్రదేశ్ విభజన బిల్లు

ఆంధ్రప్రదేశ్ విభజన బిల్లు మూజువాణి వోటుతో లోక్ సభలో పాస్ చేయబడే సూచనలు కనిపిస్తున్నాయి. అడ్డు వచ్చే మిగిలిన సీమాంధ్ర కేంద్ర మంత్రివర్గ సభ్యులను, ఎం.పీ. లను బహిష్కరించి వారు చర్చలో గానీ, వోటింగులో గానీ పాల్గొనకుండా అడ్డుకోటం, డివిజన్ వోటింగ్ కోరకుండా చేయటం జరగచ్చు.

బిజెపి పాత్ర

బిజెపి మొదటి నుండి తెలంగాణ పక్షానే ఉంటున్నది.
టిఆర్ఎస్ తో చెలిమి చేసింది. బిజెపి అగ్ర నేతలందరు తెలంగాణ బిల్లును లోక్ సభలో ప్రవేశ పెట్టమని కాంగ్రెస్ ను పొడిచిన సంగతి మనం మరువరాదు. కాంగ్రెస్, బిజెపి పోటీపడి తెలంగాణ ప్రజలకు హామీలు ఇచ్చుకుంటూ వెళ్ళారు. సీమాంధ్ర ప్రజలకు న్యాయం అనే పల్లవి రాజకీయ అవకాశవాదంలో భాగంగా ఒక నెల క్రింద మాత్రమే ఎత్తుకున్నది. బిజెపి అగ్రనేత కాంగ్రెస్ ఏదో విషబీజాలు నాటిందని ప్రసంగాలు చేస్తున్నారు గానీ విషబీజాలు నాటటంలో ఇరువురూ పోటీపడ్డారు.

బిజెపి ప్రతిపాదించిన సవరణల గతి

కొన్నిటిని నామమాత్రంగా కాంగ్రెస్ అమలు చేసినా, చెప్పుకోతగ్గ సవరణలు ఉండవు. బిజెపి తన తెలివి తేటలను ఉపయోగించి మూజువాణీ వోటుతో బిల్లును పాస్ చేయనిస్తుంది. మబ్బుల్లో నీళ్ళుచూసి ముంత ఒలకపోసుకోనా అనే సామెత గుర్తుకు తెచ్చుకొని తెలంగాణలో వచ్చే ఒకటి రెండు మూడు సీట్లతో సరిబుచ్చుకుంటుంది.

తాము వచ్చాక సీమాంధ్రకు న్యాయం చేస్తామనే వాగ్దానం

ఇది వట్టి కల్లబొల్లి హామీ. అపుడు మాజిక్ ఫిగర్ 271 కి సీట్లు తక్కువ బడితే వెన్నుపోటు సార్వభౌమ చంద్రబాబును, అవినీతి సార్వభౌమ జగన్ ను, వాడుకోవాలనే పథకం తప్ప మరేమీ కాదు. అప్పటి ఆర్ధిక మంత్రిగా ఎవరుంటారో తెలియదు. బడ్జెట్ లోటు ఎంత ఉంటుందో తెలియదు. అమెరికా, ఇంగ్లండు, ఫ్రాన్స్, ఐ.ఎమ్.ఎఫ్. లనుండి ఎటువంటి ఒత్తిళ్ళు వస్తాయో తెలీదు. బిజెపికి నిజంగా ఇవ్వాలనే కోరిక ఉంటే ఇవ్వగలిగేది రాజధాని నిర్మాణానికి ఆర్ధిక సాయం, హైదరాబాదును కోల్పోయిన ఫలితంగా వచ్చే రెవిన్యూ లోటును పూడ్చుకోటానికి సహాయం చేయటం. ఇది భాజపాకు ఆనాటికి సీమాంధ్ర ప్రజలతో, ఎంపీలతో కలిగే అవసరాలను బట్టి ఉంటుంది.
నరేంద్ర మోడీ రికార్డును బట్టి చూస్తే ఆయన శ్రీరామచంద్ర మూర్తి లాగ అగ్ని సాక్షిగా వివాహమాడిన ధర్మపత్నిని, '' నేను ఆయన ధర్మపత్నినే '' అని కలవరించే లాగ చేస్తున్నాడు. ప్రచురించ బడిన పరిమితమైన రిపోర్టులను బట్టి, ఆయన భార్య పైనే నిఘా ఉన్నది.

ఆయనకు తన కన్నా పదేళ్ళు సీనియర్ నేతలైన కేశూభాయ్ పటేల్, శంకర్ సింగ్ వాఘేలా వంటి వారిని భ్రష్టు పట్టించి, ఢిల్లీనుండి ముఖ్యమంత్రిగా దిగివచ్చిన చరిత్ర ఉంది.
ఆయనను పెంచి పోషించిన వాజపేయీ, లాల్ కృష్ణ ఆద్వానీలు ఇప్పటికే పశ్చాత్తాప పడుతూ ఉండవచ్చు. భవిష్యత్ లో పశ్చాత్తాప పడాల్సిన వాళ్ళలో సుష్మా స్వరాజ్, జస్వంత్ సింగ్, మురళీమనోహర్ జోషీ, అరుణ్ జైట్లీ, గడ్కారీ, వెంకయ్యనాయుడు ఎవరైనా ఉండచ్చు. అందరూ ఉండచ్చు. ఏది ఏమైనా శేషాంధ్ర ప్రజలకు సహాయం పరిమితంగానే ఉండచ్చు.

టాటా నానో కార్ల ఫ్యాక్టరీ భూ యజమానులను సత్కరించినట్లు నరేంద్రమోడీ సార్ సీమాంధ్ర ప్రజలను సత్కరిస్తారా?

బెంగాల్ నుండి విరమించుకున్న టాటాలకు నానో యూనిట్ కు గుజరాత్ లో స్థలం సేకరించటానికి శ్రీ నరేంద్రమోడీ వ్యూహం ఏమిటంటే, ఎకరం ౩ లక్షల రూపాయలు చేసే భూమికి ౩౦ లక్షలు చొ|| ఇవ్వటం. ఈఔదార్యం వల్ల అక్కడి రైతులు కోటీశ్వరులుగా మారారు. వారికి టాటాలు నానో కారును చవకగా అమ్మజూపితే, వారు మాకు నానో ఎందుకు? మేము ఆడీ కారు కొనుక్కుంటున్నామన్నారు.
ఇలా భారీ పరిహారాన్ని ఇవ్వటాన్ని నేను తప్పు పట్టటం లేదు. అటువంటి ఔదార్యాన్ని, గుజరాత్ ప్రభుత్వం తరువాత జరిగిన భూసేకరణల్లో ఎక్కడా చూపలేదు. జన్మకొక్క శివరాత్రి లాంటిదన్నమాట. ఈభాగ్యం రైతుకు కలగటం మహాశివరాత్రిలాంటిదని చెప్పనక్కరలేదు. శేషాంధ్ర ప్రజలపై అటువంటి ఔదార్యాన్ని శ్రీమోడీ చూపిస్తారని కోరటం, దురాశే అయినా, ఆశించే సాహసం చేస్తున్నాను.

రైళ్ళలో ఢిల్లీ వెళ్ళిన వారి సంగతి

సీమాంధ్ర ప్రజలు అనేవాళ్ళు ఒకళ్ళు ఉన్నారని ఢిల్లీ ప్రజలకి తెలుస్తుంది. బహుశా లాఠీలతో బాదటం, నీళ్ళు చిమ్మటం, బాష్పవాయు గోళాలను ప్రయోగించటం, గాలిలోకి కాల్పులు వంటివి జరగచ్చు. ఢిల్లీ ప్రజలు కూడ ముంబాయి ప్రజల వలె మొద్దు బారి పోయారు. ఒక ఐదు నిమిషాలు ఈవింత చూసిన తరువాత, వాళ్ళు ఎవరి దారిన వారు వెళ్ళిపోతారు.

సీమాంధ్ర నుండి 8 రైళ్ళు ఢిల్లీ బుక్ చేయటానికి అయిన ఖర్చు ఎవరిచ్చారో కానీ, వారి లక్ష్యమేమిటో కాని, సామాన్యమైనది కాదు. అట్టై బుట్టై అన్నట్లుగా తోటకూర కాడల్లాగ రావచ్చు. లేక ఇతరుల ఖర్చుతో ఢిల్లీ వెళ్ళి ఆటపాటగా ఆగ్రా తాజ్, బృందావనం మొ|| చూచుకొని, కనాట్ సర్కస్ లో షాపింగులు మొ|| చేసుకుని ఖుషీగా కూడ రావచ్చు.

ఇప్పుడు సీమాంధ్ర ప్రజల దుర్గతి

కాంగ్రెస్ , బిజేపీ లను చెత్తకుండీ లో పారేయక తప్పదు. తెలుగు దేశం, జగన్ గారి వైయస్ఆర్ పీ లనూ కూడ చెత్తకుండీలో పారేయక తప్పదు. కిరణ్ తన సోదరుడి పై వచ్చిన ఆరోపణలపై, ఇంతవరకు విచారణలకు తలఒగ్గటం వంటి చర్యలేమీతీసుకోలేదు. చివరి రోజులలో కాంట్రాక్టర్లకు అంచనాలను పెంచివేసి కోట్లు పంచి పెట్తున్న సూచనలు కనిపిస్తున్నాయి. భూముల పంద్యారం కూడ జరుగుతున్న వార్తలు వస్తున్నాయి. అంతే కాక ఆయన వైయస్ రాజశేఖర్ రెడ్డి మరియు జగన్ ల అవనీతి విషయంలో రాష్ట్ర శాసన సభ స్పీకర్ గా తూష్ణీంభావం వహించి పరోక్షంగా భాగస్వామి అయ్యారు. కనుక ఆయన పెట్టబోయే సమైక్యాంధ్రపార్టీ కూడ అలానే తయారయ్యే అవకాశం ఉంది.

ఆం ఆద్మీ, లోక్ సత్తా

రెండు పార్టీలు అవగాహన లేకుండా తెలంగాణ ను సమర్ధించాయి. సమన్యాయం అన్నా అవగాహన ఉన్నట్లు కనపడదు.

సారాంశం

1. ఇపుడు రెండు కొత్త పార్టీలను స్థాపించుకోవాలి. లేక సీపీఎమ్ కు, మరొక కొత్త పార్టీకి, ఒక అవకాశం ఇవ్వవచ్చు.

2. బిజెపి ఏదో ప్రేమతో న్యాయం చేస్తానంటుంది
కాబట్టి, అది కేంద్రంలో అధికారానికి వస్తే, ఉత్తర ఆంధ్రా, దక్షిణ ఆంధ్రా, రాయలసీమ మూడురాష్ట్రాలను ఇవ్వమని అడగాలి. మూడురాష్ట్రాల రాజధానుల నిర్మాణానికీ ఆర్ధిక సాయం కేంద్ర బడ్జెట్ లోంచి చేయాలి. ఎవరో అడ్డమైన పారిశ్రామిక వేత్తలకు పన్ను మినహాయింపులు ఇవ్వాలని ప్రతిపాదించింది కదా. దాని బదులు మూడు చిన్న రాష్ట్రాలకు మూడు చిన్న ప్యాకేజీలనిచ్చి తన చిత్తశుధ్ధిని నిరూపించుకోవచ్చు.

ఈనాటి పాట

దేవుడమ్మ చిత్రంలోది.
రాజశ్రీ వ్రాశారు. బాలసుబ్రహ్మణ్యం గొంతు.

ఎక్కడో దూరాన కూర్చున్నావు..ఇక్కడి మా తలరాతలు రాస్తున్నావు
చిత్రమైన గారడి చేస్తున్నావు..తమాష చూస్తున్నావు … సామీ …ఎక్కడో||
Oh God! You have sat far away
And writing fate on our faces here
And seeing fun!

లేనిపోని భ్రమలెన్నో కలిగిస్తావు..
You create unnecessary illusions in us ..
మమ్ము తోలుబొమ్మలను చేసి ఆడిస్తావు
You play making us puppets
లేనిపోని|| you create ||
అంతా మా సొంతమని అనిపిస్తావు ..
You make us believe that everything is our own ..
అంతలోనే మూడునాళ్ళ ముచ్చటగా..హ హ హ..చేసేస్తావు.. సామీ ఎక్కడో దూరాన||
In no time, you make everything fugacious! You have sat||

పెరుగుతుంది వయసనీ అనుకుంటాము..కాని తరుగుతుంది ఆయువని తెలుసుకోము పెరుగుతుంది||
We think that we are growing but we never understand that our lifespan is dwindling We think that we are|| (repeat)
కళ్ళు తెరిచి నిజమేదో తెలిసే లోగా
Before we open our eyes and realise the truth
మా కళ్ళముందు మాయతెరలు..కప్పేస్తావు
you cover our eyes with delusions … సామీ ఎక్కడో|| Oh Lord, you have sat||

ఇంకా ఉంది. తిరిగి ఎడిటింగ్ చేయాల్సి ఉంది.

129 Unjust bifurcation

129 Center persisting with its unjust Telangana bill తన అన్యాయపూరిత తెలంగాణ బిల్లును పట్టుకొని ఇంకా వేళ్ళాడుతున్న కేంద్రం

---

చర్చనీయాంశాలు: bifurcation, విభజన, సుప్రీంకోర్టు, తెలంగాణ, సీమాంధ్ర

8.2.2014 నాటి వార్తల ఆధారంగా

ముందుగా ఒక వాస్తవం

సీమాంధ్ర ప్రజలు, రాష్ట్ర విభజనకు వ్యతిరేకం కాదు. 1972లో వారు జైఆంధ్రా ఉద్యమాన్ని ఉధృతంగా నడిపారు. తెలంగాణ నేతలు 1972లో రాష్ట్ర విభజనను వ్యతిరేకించారు. అపుడే సీమాంధ్ర ప్రజలు కోరినట్లుగా రాష్ట్ర విభజన చేసి ఉంటే సీమాంధ్ర 2014 నాటికి ఎంతో కొంత అభివృధ్ధిని సాధించి ఉండేది. 1972 - 2014 మధ్యకాలంలో హైదరాబాదులో విపరీతంగా పెట్టుబడులు పెట్టి ఆనగరాన్ని ఉపాధి ఆశా నగరంగా తయారు చేశారు. హైదరాబాదు పోయి ఇడ్లీలు అమ్మో కూల్ డ్రింకులు అమ్మో బతకచ్చనే ఆశ రాష్ట్రంలో ప్రతి ఒక్కరికీ కలిగింది. సీమాంధ్ర పట్టణాలను అశ్రధ్ధ చేయటం వలన అవి వెలవెలా పోతున్నాయి. జనాభా ఉండటం వల్ల ఇళ్ళు భారీగా కనపడటం వల్ల అక్కడేదో అభివృధ్ధి జరిగిందన్న భ్రమ కలుగుతున్నది, తప్ప గ్రామీణ తెలంగాణ లోని పేదల దైన్యానికి సీమాంధ్ర పేదల దైన్యానికి భేదమేమీ లేదు.

సీమాంధ్ర నేతల పొరపాటు

టీ నేతల దుర్బోధల వల్ల తెలంగాణ ప్రజలు సీమాంధ్ర ప్రజలను ద్వేషిస్తున్నారు. ఈద్వేషం పోవటానికి ఒక శతాబ్దం పైగానే పట్టవచ్చు. ఈలోగా బలవంతంగా కలిసి ఉండాలనుకోటం, తెలంగాణ ప్రజలను కలిసి ఉండమని బలవంతం చేయటం కుదరని పని. సీమాంధ్ర ప్రజలు, నేతలు చేపట్టవలసిన ఉద్యమం సమ న్యాయ ఉద్యమమే తప్ప సమైక్యాంధ్ర ఉద్యమం కాదు. విభజన ఆలస్యం అయ్యే కొద్దీ సీమాంధ్ర ఇంకా ఎక్కువ నష్టపోతుంది. సీమాంధ్ర పట్టణాలు అభివృధ్ధి కావు.

విభజన వల్ల తెలంగాణకే నష్టం

విభజన వల్ల తాము బాగా లాభపడతామని తెలంగాణ ప్రజలు ఆశ పడుతున్నారు. 23 జిల్లాల రాష్ట్ర రాజధానిగా హైదరాబాదుకు ఉండబోయే మార్కెట్ కన్నా, 10 జిల్లాల రాజధానిగా హైదరాబాదుకి ఉండబోయే మార్కెట్ తగ్గబోతున్నది. ఫ్లోటింగ్ జనాభా సగం కన్నా తగ్గుతుంది. కొనుగోలుదారులు లేక షాపులు మాల్స్ విలవిల లాడతాయి. హోల్ సేల్ డిస్ట్రిబ్యూషన్ దెబ్బతింటుంది. మార్కెట్ లు దెబ్బతింటే పన్నుల వసూళ్ళు తగ్గుతాయి. ఇపుడు హైదరాబాదునుండి వస్తున్న ఆదాయంపై , రియల్ ఎస్టేట్లపై టీ-నేతలకు గుత్తస్వామ్యం లభించినా అది పది ఏళ్ళకన్నా ఉండదు. ఈదూరదృష్టి తెలంగాణ నేతలకు , వారి దుర్బోధలను వినే తెలంగాణ ప్రజలకు లేకపోతే వారు పశ్చాత్తాప పడేరోజులు ముందు ఉంటాయి. ఈసందర్భంగా వారు అమెరికా లోని డిట్రాయిట్ నగరంయొక్క అనుభవాన్ని గుర్తుకు తెచ్చుకోవాలి.

9000 సవరణలు చెత్తకుండీలోకి

ఆంధ్రప్రదేశ్ శాసనసభపై, మరీ మాట్లాడితే దేశంలోని రాష్ట్రాల శాసనసభలకూ కేంద్ర పాలకులు ఎంత విలువ ఇస్తున్నారో కదా, ఆహా!!! రాష్ట్రశాసనసభలో శాసనసభ్యులు ప్రతిపాదించిన సవరణలను కేంద్రపాలకులు కనీసం పార్సెల్ విప్పి చూడలేదు. చెత్తకుండీలో పారేసినట్లయింది.

సీమాంధ్ర రాజధాని ఎక్కడ

కేంద్ర ప్రభుత్వం, 2009 లోనే విభజన అనివార్యం అనే విషయాన్ని స్పష్టం చేసి, రాజధాని ఎక్కడ ఉండాలి అనే విషయాన్ని ప్రజల్లో, సీమాంధ్రనేతల్లో చర్చకు పెట్టి ఉంటే, ఇప్పటికల్లా ప్రజలు, నేతలు స్పష్టమైన డిమాండ్లతో ముందుకు వచ్చేవాళ్ళు. బహుశా వారు రాయలసీమ (బహుశా కర్నూలు రాజధానిగా), దక్షిణాంధ్ర (బహుశా వి-గుం-తె రాజధానిగా), ఉత్తరాంధ్ర (విశాఖ రాజధానిగా) ప్రత్యేక రాష్ట్రాలను కోరి ఉండేవాళ్ళు. ఈ రాష్ట్రాలు జనాభాలో గానీ కేరళ, హిమాచల్, గోవా వంటి రాష్ట్రాలకు తీసి పోవు కాబట్టి, దేశానికి 50 శాశ్వత చిన్నరాష్ట్రాల ప్రతిపాదనలో భాగంగా ఇవ్వటం తేలికయ్యేది.

ముందు రాజధాని నగరాల్లో ఇన్ఫ్రాస్ట్రక్చర్ సిధ్ధం చేసుకోవద్దా

ముందు కాబోయే రాజధానులకు ఇన్ఫ్రాస్ట్రక్చర్ సిధ్ధం చేసుకొని ఆతరువాత విభజన బిల్లుని పెడితే కార్యాలయాల బదిలీ చాలా తేలికయ్యేది. ఇపుడు హైదరాబాదులో కనీసం నాలుగైదేళ్ళు సీమాంధ్ర తెలంగాణ ప్రభుత్వాల మధ్య తొక్కిసలాట జరగబోతున్నది. గుర్ఱం ముందు బండిని కట్టటం వల్ల బండి ముందుకు వెళ్ళటం కష్టం.

క్రొత్త రాజధానికి 5,౦౦,౦౦౦ కోట్ల కేటాయింపు వార్త

ఈ 5,౦౦,౦౦౦ కోట్లు కాంట్రాక్టర్లకు, నేతలకు గొప్పవరం కాబోతున్నాయి. ఈకాంట్రాక్ట్లలో పర్సెంటేజీల కోసం, రాజధానిని వైజాగ్ లో ఉంచమని, వి-గుం-తె లో ఉంచమని, కర్నూల్ లో ఉంచమని కుమ్ములాటలు మొదలవుతాయి. శ్రీబాగ్ ఒడంబడిక ప్రకారం, పైగా పాత ఆంధ్ర రాష్ట్ర రాజధానిగా కర్నూలు యొక్క అర్హతలను కాదనటం న్యాయం కాదు. అంతేకాదు వైజాగ్, వి-గుం-తెలు ఇప్పటికే చీమలు దూరని జనారణ్యాలుగా మారాయి. భూముల ధరలు ఆకాశానికంటాయి.

పై వార్తకు సవరణ, మరియు పాఠకులకు క్షమాపణ

సవరణ చేస్తున్న సమయం 8.2.2014, 6.35 సాయంకాలం. ఉదయం వ్రాసిన పై రాష్ట్రరాజధాని నిర్మాణానికి రూ. 5,౦౦,౦౦౦ కోట్లు కేటాయించిన వార్త ది హాన్స్ ఇండియా THE HANS IDIA ఆంగ్ల దినపత్రిక మొదటి పేజీ పతాక శీర్షికలో వచ్చినది. వారు ఎక్కడో పొరపాటు పడినట్లున్నారు. రూ. 5,౦౦,౦౦౦ కోట్లు ఇవ్వటానికి ఆర్ధికమంత్రి శ్రీచిదంబరం ఒప్పుకున్నారని నేను నమ్మటం నా బుధ్ధి తక్కువ. ఏది ఏమైన పాఠకులకు నా '' ఖేద్ '' .

కర్నూలు రాజధాని అయితే రాబోయే సమస్యలు

రాజధాని ఎక్కడ ఉంటే అక్కడ ఉపాధి అవకాశాలు ఉంటాయనేది అనుభవైక వేద్యం. కాబట్టి ఇఛ్చాపురం నుండి, తడనుండి, నిజాంపట్నం నుండి కూడ ప్రజలు కర్నూలుకి వలస పోవాల్సి వస్తుంది. వలసలు పెరిగినపుడు భూములధరలు ఆకాశాన్నంటటం, సెటిల్ మెంట్లు పెరగటం, మాఫియాలు చెలరేగటం వంటివన్నీ ఉంటాయి. మా ఉద్యోగాలన్నీ సీమాంధ్రులు కొట్టుకెళ్తున్నారు అని తెలంగాణ ప్రజలు అనుకున్నట్లే రాయలసీమ ప్రజలు అనుకోటం తథ్యం.

భవిష్యత్ దృష్టి అవసరం

సోనియా గాంధీకి గుల్బర్గా, రాహుల్ గాంధీకి మెదక్ లేక కరీంనగర్ అన్నట్లు కాకుండా తెలుగుప్రజలు ఇంకా తన్నుకోకుండా ఉండాలంటే ఏమి చేయాలి అని ఆలోచించటం అవసరం.

ఏకైక పరిష్కారం

ఉత్తరాంధ్ర, దక్షిణాంధ్ర, రాయలసీమ రాష్ట్రాలే.

ప్రస్తుతానికి ముగింపు

రైల్వే మంత్రి మల్లిఖార్జున్ ఖర్గే గారు తన స్వంత లోక్ సభ నియోజక వర్గమైన గుల్బర్గాకు రైల్వేడివిజన్ ను సృష్టిస్తూ ఉండటం గమనార్హం. కాజీపేటకు కర్నూలుకు అనకున్న రైల్వే ప్రాజెక్టు నొకదానిని సోనియా నియోజకవర్గం అయిన రాయ్ బెరెలీకి తరలించటం గమనార్హం. శ్రీమతి సోనియా గాంధి ఇటీవల గుల్బర్గా వెళ్ళి ఒక పెద్ద 1000 కోట్ల ప్రాజెక్టును ప్రారంభించి వచ్చారు. దీనిని బట్టి ఒకసంకేతం ఏమిటి? సోనియా గాని రాహుల్ గానీ గుల్ బర్గానుండి పోటీ చేయవచ్చు.

సోనియా సీమాంధ్రను ఎందుకు సందర్శించటం లేదు? ఆమె కెసీఆర్ అంటే ఎందుకు వణికి పోతున్నదో అర్ధం కావటం లేదు.

116 Musings on Scholars and Ignoramuses.

116 Who is scholar and who is ignoramus? ఎవరు పండితుడు? ఎవరు శుంఠ? చర్చనీయాంశాలు: bifurcation, విభజన, తెలంగాణ, సీమాంధ్ర, స్వామి వివేకానంద

జైపాల్ రెడ్డి

కేంద్రమంత్రి శ్రీ జైపాల్ రెడ్డి గారి మాటల్లో చూద్దాం:

టంగుటూరి ప్రకాశం పంతులు, బోగరాజు పట్టాభి సీతారామయ్య వంటి ఉద్దండులు పుట్టిన చోట ఇప్పుడంతా పరమ శుంఠలు జన్మించారు.

వ్యాఖ్య:జైపాల్ కూడ ఈగడ్డమీదే పుట్టాడుకదా.

భారత దేశంలో పుట్టినవారు ఎక్కడైనా ఎమ్మెల్యే కావచ్చు, ముఖ్యమంత్రి కూడా కావచ్చు. ఎక్కడో పంజాబ్‌లో పుట్టిన షీలా దీక్షిత్ ఢిల్లీకి మూడు సార్లు ముఖ్యమంత్రి కాలేదా అని ప్రశ్నిస్తూ సీమాంధ్రులకు శక్తి ఉంటే తెలంగాణాకు ముఖ్యమంత్రి కావచ్చు

వ్యాఖ్య: సీమాంధ్రులు తెలంగాణ ముఖ్యమంత్రి కావటం సంగతి అలాఉంచండి. జైపాల్ లాంటి రెడ్డిశ్రీలు, కెసీఆర్ లాంటి వెలమశ్రీలు, ఎప్పటికైనా తెలంగాణలో జన్మించిన బీసీని కానీ, దళితుడిని కానీ ముఖ్యమంత్రి కానిస్తారా? కళ్లుకాయలు కాచేలా వేచి ఉండటమేనా వారు చేయవలసిన పని?

వైబీరావుగాడిద వ్యాఖ్యలు
తిట్లు, శాపనార్ధాలు మామూలుగా చంద్రబాబుగారి రాజకీయపాఠశాలలో నేర్పిస్తారు. ఈవ్యాధి కెసీఆర్ కి ఆయనద్వారా సోనియా రాజకీయపాఠశాలకి వ్యాపించినట్లుగా కనిపిస్తుందికాని, భారతీయలకీ తిట్లరోగం మహాభారత కాలంనుండీ ఉన్నది.
మహాభారతంలో భీముడు, కర్ణుడినుద్డేశించి

నన్నయ ఆంధ్రమహాభారతం, 6వ ఆశ్వాసం, 57వ పద్యం.
తేటగీతి.
ఉత్తమ క్షత్రియ ప్రవరోపయోగ్య
మైన అంగరాజ్యంబు నీ కర్హమగున
మంత్ర పూతమై గురుయజ మాన భక్ష్య
మగుపురోడాశ మదికుక్క కర్హ మగునె.

అప్పటికి భీముడికి కర్ణుడికి లేక పాండవులకు కర్ణుడికి వైరములేదు. అయినా భీముడు కర్ణుడిని తిడ్తున్నాడు. కుక్క యజ్ఞపాయసాన్ని తినటానికి ఎలా అర్హం కాదో నీవు అంగరాజ్యానికి అలా అర్హుడవుకావు , అని భీముడు కర్ణుడిని తిడ్తున్నాడు.

మనం ఈ 150వ జన్మదినోత్సవ శుభసందర్బంలో, తిట్లపురాణంలో స్వామీ వివేకానందగారికి ప్రథమ స్థానం ఇవ్వాలి.

వాళ్ళంతా రాస్కెల్స్, కుచ్చితులు, కలియుగ రాక్షసులు

సందర్భం: స్వామీ వివేకానందగారు, శ్రీహరిదాస్ విహారీదాస్ దేశాయి గారికి లేఖవ్రాశారు. ఈయన, జునాగఢ్ సంస్థానానికి దివాన్. తారీకు: 22.8.1892. వ్రాసింది ముంబాయి నుండి.

"... Poor fellows! Whatever the rascally and wily priests teach them — all sorts of mummery and tomfoolery as the very gist of the Vedas and Hinduism (mind you, neither these rascals of priests nor their forefathers have so much as seen a volume of the Vedas for the last 400 generations) — they follow and degrade themselves. Lord help them from the Raakshasas in the shape of the Brahmins of the Kaliyuga..."

షుమారు సారం: పాపం దరిద్రులు ! రాస్కెల్స్ , మోసగాళ్ళు అయిన పురోహితులు ఏమి బోధించినప్పటికి, చొప్పదంటు కర్మలను, అర్ధరహితమైన ప్రవర్తనను, వేదసారం మరియు హిందుయిజంగా బోధించినప్పటికి, (తెలుసుకోండి, ఈరాస్కెల్స్ అయిన పురోహితులు , వాళ్ళ తాతముత్తాతలు, గత 400 తరాలుగా వేదాలయొక్క ఒకసంపుటంకూడ చూసి ఉండరు). -ఆదరిద్రులు (పురోహితులు బోధించే చెత్తనే) పాటిస్తారు, తమనితాము దిగజార్చుకుంటారు. కలియుగ రాక్షసులైన ఈబ్రాహ్మణులనుండి వారిని ఆభగవంతుడే రక్షించాలి.

వైబీరావు గాడిద వ్యాఖ్య
పురోహితులు రాస్కెల్ స్, కుచ్చితులు, కలియుగ రాక్షసులు. తానేమో గొప్ప ప్రబోధకుడు. పురోహితులు చేసేవన్ని చెత్తపనులు. మరి స్వామీజీ తన ఆఖరురోజుల్లో క్రిస్టీనా గ్రీన్ స్టైడెల్ అనే యువతికి వ్రాసిన లేఖలో ఏమని డబ్బా కొట్టుకున్నారు? ఈదుర్గపూజ సందర్భంగా మేము ఒక మేకను బలి ఇచ్చాం. టపాకాయలు కాల్చాం. తన ప్రాణ రక్షణ కోసం మేకను బలి ఇచ్చే స్వామీజీ చేయించిన పనిని గొప్పపని అనాలా చెత్త పని అనాలా? కానీ బేలూరి మఠ్ వారి అధికారిక వెబ్ సైట్ ప్రకారం, స్వామి వివేకానందా గారి మేకను బలి ఇద్దామంటే, శారదా మాత అంటే రామకృష్ణ పరమహంస భార్య, అరటిపండ్లను నివేదన చేసే ఆచారాన్ని ప్రవేశపెట్టింది. ఈయన గురువుగారు , ఇంకా తెలివైన వాడు. కాళికాదేవికి మేకను బలి ఇస్తే అభ్యంతరంలేదు. కానీ అష్టమినాడు మాత్రమే బలి ఇవ్వాలి. ఆమేక మాంసాన్ని పరమహంసగారు తన నుదుటికి అద్దుకొని ఆరగిస్తారు. ఈపరమహంసగారు గదాధరుడనే బ్రాహ్మణశ్రేష్ఠుడుట.
ఇంకొక ఉదాహరణ: వాళ్ళంతా క్రాంకులు
స్వామి వివేకానంద గారు ఆల్బర్టా సర్జెస్ గారికి వ్రాసినలేఖ. తారీకు 5.12.1895. అట్లాంటిక్ ప్రాంతంలోని ఒక ఓడనుండి వ్రాశారు.

"...In your country, Alberta, the Vedantic thought was introduced in the beginning by ignorant "cranks", and one has to work his way through the difficulties created by such introductions ..."
షుమారు భావం: మీదేశంలో, ఓ ఆల్బర్టా, వేదాంతిక ఆలోచనలను మొదట ప్రవేశపెట్టిన వాళ్ళు అజ్డానులైన క్రాంకులు (పిచ్చివెధవలు). వారిచే ప్రవేశపెట్టబడిని ప్రథమవివరణలలోంచి (introductions) వచ్చే కష్టాల్లోంచి పనిచేసుకుంటూ వెళ్ళాలి.

వైబీరావు గాడిద వ్యాఖ్య
వివేకానందగారి ముందు కొద్దిమంది భారతీయులు అక్కడికి వెళ్ళిన వాళ్ళు తమకు తెలిసిన వేదాంత తత్వవిచారాలను అక్కడివారికి పరిచయం చేయాలని ప్రయత్నించి ఉండవచ్చు. ఆంగ్లభాషా ప్రావిణ్యలేమి వల్లకానీ, వాక్చాతుర్యలేమి వల్లకానీ, వారు అందులో కృతకృత్యులు అయి ఉండకపోవచ్చు. అంతమాత్రానే వారిని క్రాంకులు (పిచ్చివెధవలు) అనాలా. ఈ ఆల్బర్టా అనే అమ్మాయికి వివేకానందా గారు లేఖ వ్రాసిన సమయానికి కేవలం 19 ఏళ్ళే. స్వామీజీ వ్రాసిన వన్నీ నిజమే అని ఆ అమ్మాయి అనుకొని ఉంటుంది. జైపాల్ రెడ్డిగారు సీమాంధ్రనేతలను శుంఠలు అన్నట్లుగా, కొందరైనా తెలంగాణ ప్రజలు నమ్మినట్లుగా.

ఎవరు రెలిజియస్ ఫెనెటిక్ స్ (మత పిచ్చి, అహంకారం కలవారు) ఎవరు కాదు?

భారతీయులలో క్రైస్తవమత ఫెనెటిజం ప్రబలటానికి యూరోపియన్ ల ప్రోత్సాహం, ఇస్లాం మత ఫెనెటిజం ప్రబలటానికి జిన్నా వంటివారు ఎంతకారకులో, హిందూమత ఫెనెటిజం ప్రబలటానికి వివేకానందగారు కూడ అంతే కారకులు అనే విషయాన్ని సర్వశ్రీ సోనియా, మన్మోహన్, మోడీ, అద్వానీ వంటి వారు గ్రహించక పోవటం దురదృష్టకరం. ఫలితంగా, స్వామీజీ 150వ జయంతి ఉత్సవాల ముగింపు సందర్భంగా, సర్వశ్రీ మన్మోహన్, సోనియాల ప్రబోధం వోట్లకొరకు చేసినదో, లేక ఆఉత్సవ నిర్వాహకులు అడిగారు కాబట్టి ఏదో మర్యాదకోసమో చేసినవైనాయి తప్ప, వాస్తవాలు తెలుసుకొని చేసినట్లు కనిపించవు.

ప్రజలలో, పరిశీలకులలో ప్రబలి ఉన్న అభిప్రాయం ఏమిటంటే, కాంగ్రెస్, సమాజవాది, ఆర్ జె డీ, బి ఎస్ పీ వంటి పార్టీలు పరోక్షంగా మైనారిటీ మతతత్వాన్ని పోషిస్తు ఉండగా, బిజెపి మెజారిటి మతతత్వాన్ని పోషిస్తున్నది. ఏపార్టీకా పార్టీ అద్దంలో చూసుకుంటే, తమప్రతిబింబం కనపడుతుంది.

నిజమైన పండితులు, మేధావులు వెలువరించే అభిప్రాయాలకు భారత్ విలువ ఇచ్చేరోజులు రావాలంటే, ప్రజలు పండితులు, మేధావులుగా మారాలి.

శుంఠలు, రాస్కెల్స్, క్రాంకులు, అని తమకు ముందు ఉన్నవారిని, తమపోటీదారులని తిట్టిపోసేవారిని ప్రజలు నమ్మినంతకాలం ఈదేశం బాగుపడదు.

093 కెసీఆర్ యముడిని ప్రత్యేక తెలంగాణ నరకం సృష్టించమని అడుగుతాడు. KCR will ask for a separate telangANA hell in main hell!

93

కెసీఆర్ యముడిని ప్రత్యేక తెలంగాణ నరకం సృష్టించమని అడుగుతాడు. KCR will ask for a separate telangANA hell in main hell!

---

చర్చనీయాంశాలు: bifurcation, విభజన, తెలంగాణ, సీమాంధ్ర

Main hell is India. We can compare India to a train. Andhra Pradesh is an unreserved second class bOgi. Today telangANA is one compartment and SImAndhra is another compartment in AP. Tomorrow, there will be a separate telangANA coach and SImAndhra coach. If Center can give two big unreserved coaches, we can welcome it. But Sonia mAta is cutting one unreserved coach into two cells/shells with a saw. KCR will ask this arrangement in hell also.

ముఖ్యమంత్రి కిరణ్ కుమార్ రెడ్డిగారికి ఇంగిత జ్ఞానం లేదని, రాజ్యాంగం అంటే కనీస అవగాహన లేదని కెసీఆర్ గారు అన్నారు. నిజమేనా?

జవాబు: కెసీఆర్ గారికి ఉన్నదా!

లోక్ సత్తా అధ్యక్షుడు జయప్రకాశ్ నారాయణకు రాజ్యాంగ రచయిత బీ.ఆర్.అంబేద్కర్ కన్నా ఎక్కువ తెలివితేటలున్నాయా అని కెసీఆర్ ప్రశ్నించారు. దీన్ని ఏమనాలి?

జవాబు: జయప్రకాశ్ నారాయణకు ఉన్నాయో లేవో కానీ, కెసీఆర్ కు ఉండచ్చు. లేదా ఆయన దృష్టిలో నిజాం నవాబుకు ఉండచ్చు.

సీమాంధ్ర పాలకులు చేసిన తప్పులు పొరపాట్ల వల్లనే ఇప్పుడు రాష్ట్రం విడిపోయే పరిస్థితి వచ్చిందని కెసీఆర్ అన్నారు. నిజమేనా?

సీమాంధ్రా పాలకులే కాదు , అఖిలభారత పాలకులు కూడ కలిసి చేసిన తప్పులు. అందరు కలసి హైదరాబాదుపై లక్షల కోట్లు వెచ్చించి మిగిలిన తెలుగు పట్టణాలను, గ్రామాలను ఘోరంగా నిర్లక్ష్యం చేశారు. ఫలితంగా ఇపుడు కెసీఆర్ కు హైదరాబాదుకు 21వ శతాబ్దనిజాంగా ఆవిర్భవించాలని కోరిక పుట్టింది. ఆయనకు తెలంగాణ సుదూర చిన్న పట్టణాలు, గ్రామాలపై ప్రేమ లేదు. కెసీఆర్ తెలంగాణ ఏర్పడ్డాకైనా తెలంగాణ సుదూర చిన్న పట్టణాలు, గ్రామాలపై దృష్టి పెట్తే మేలు. జరగబోయేది, క్రొత్త తెలంగాణా రాష్ట్రంలో, హైదరాబాదుపై పెత్తనానికి, తెలంగాణ స్థానిక నేతలైన శ్రీ దానం నాగేంద్ర, గౌడ్ లు, యాదవ్ లు మధ్య, ఉత్తర తెలంగాణ నంబర్ 1 భూకులం, దక్షిణ తెలంగాణా భూకులం నంబర్ 2 మధ్య కుమ్ములాట మొదలవుతుంది.

అలంపురంనుండి భద్రాచలం వరకు సీమాంధ్ర ప్రాంతం నుండి వచ్చిన వారున్నారని, ఆంధ్రనేతలు ఇప్పుడు విషబీజాలు నాటవద్దని శ్రీ కెసీఆర్ గారన్నారు. దీన్ని ఏమనాలి?

సీమాంధ్రనేతలకు కెసీఆర్ ఆ అవకాశం ఎక్కడిచ్చాడు. ఆవిషబీజాలు నాటే పనిని కెసీఆర్ గారే గుత్తకు తీసుకున్నారు. అంతేకాదు, సీమాంధ్రనుండి తెలంగాణాకు తరలి వెళ్ళిన వారిలో పలువురు, నేడు ఫక్తు తెలంగాణ సమర్ధకులుగా మారి తెలుగు ప్రజలలో విషబీజాలను నాటే పనిలో కెసీఆర్ గారికి తోడ్పడుతున్నారు. సెటిలర్లలో కెసీఆర్ రగిలించిన అభద్రతా భావం, వారి స్థానిక స్వార్ధాలు దీనికి కారణం కావచ్చు. కెసీఆర్ పూర్వీకులుకూడ శ్రీకాకుళంనుండి తెలంగాణకు వలస వెళ్ళిన వాళ్ళే. ఇపుడు, కేసీఆర్ అలంపురంనుండి భద్రాచలం వరకు సీమాంధ్ర ప్రాంతం నుండి వెళ్ళిన సెటిలర్లను పరోక్షంగా బెదిరిస్తున్నట్లు మనం గుర్తించాలి. రిజర్వేషన్ లేని జనరల్ రైలు పెట్టెలో ముందు ఎక్కి తువ్వాలు పరచుకున్నవాడు, కొత్తవాళ్ళు ఎక్కకుండా, తలుపులు మూసేయాలంటాడు. ఒక్క అంగుళంకూడా జరగడు. పెట్టె మొత్తం నాదే అంటాడు.

కెసీఆర్ కి అన్నీ పాకిస్థాన్ సృష్టికర్త జిన్నా లక్షణాలు కదా. అన్ని హామీలు ఇచ్చినట్లు కనిపిస్తాడు కానీ అన్నీ కపటం హామీలే.

మద్రాసు నుండి ఆంధ్రా రాష్ట్రం విడిపోయినపుడు ఆనాటి మద్రాసులో ఆంధ్రులు ఒక్కరోజు కూడ ఉండవద్దని రాజాజీ ఆగ్రహం వ్యక్తం చేశారని, కేసీఆర్ గుర్తు చేశారు. దీన్నేమనాలి?

రాజాజీ గారు నిజంగా అలా అన్నారో లేదో తెలియదు. అని ఉంటే, ఆయనకు శ్రీ ప్రకాశంగారి మీద ఉన్న అక్కసు వల్ల అలా అని ఉండవచ్చు. రాజాజీ గారికి, ప్రకాశంగారికి ఉన్న వివాదాలకు, --- కెసీఆర్ కు చంద్రాబాబునాయుడు గారికి ఉన్న వివాదాలకు కొన్ని పోలికలున్నా , నాటి స్వాతంత్ర్య యోధులైన రాజాజీ, ప్రకాశంలను --- నేటి వెన్నుపోటుదారులైన కెసీఆర్ - బాబు లను ఒకే గాట ఎలా కట్టేయ గలం?

పరోక్షంగా ఇక్కడ, కెసీఆర్ గారు హైదరాబాదు లోని సీమాంధ్రులకు చేస్తున్న హెచ్చరిక ఏమిటంటే, 'మీరు హైదరాబాదులో ఒక్కరోజుకూడ ఉండవద్దనే.'

గవర్నర్ కు ప్రత్యేకాధికారాలు ఉండద్దని కెసీఆర్ గారు అన్నారు. దీన్నేమనాలి?

హైదరాబాదులోని సీమాంధ్రుల భద్రత తన దయా దాక్షిణ్యాలపై ఆధారపడి ఉండాలని కెసీఆర్ కోరిక. అందరు తెరాసకు రక్షణ సుంకం చెల్లించాలని ఆయన అభిప్రాయం కావచ్చు. గవర్నర్ తానే సుంకాలను వసూలు చేసుకోటం ప్రారంభిస్తే? ఒక ఒరలో రెండు కత్తులు ఇమడవు కదా.

ఇప్పుడున్న హైకోర్టును హైదరాబాదుకు ఇచ్చేసి ఆంధ్రలో మరో హైకోర్టును ఏర్పాటు చేయటమే మంచిది. హైకోర్టులోని న్యాయవాదులు ఇప్పటికే నిట్ట నిలువుగా చీలీపోయారు. అని కెసీఆర్ గారు అన్నారు. దీన్నేమనాలి?

కెసీఆర్ అడిగినా అడగక పోయినా, ప్రత్యేక హైకోర్టు కాలగమనంలో ఎలాగో ఏర్పడుతుంది. కెసీఆర్ లో కొద్ది నెలలు, లేదా ఒకటి రెండేళ్ళు ఓర్చుకునే శక్తి కూడా లేదు. కెసీఆర్ కాలధర్మం చెంది యముడి ముందుకు వెళ్ళినా, నరకంలో ప్రత్యేక తెలంగాణ నరకం ఇవ్వమని అగ్నిగుండాలు సృష్టిస్తాడు. యముడు , సోనియా గాంధీని, దిగ్గీని, శ్రీ నారాయణను, శ్రీ విద్యాసాగర్ రావును సలహాలడగాల్సి వస్తుంది.

కెసీఆర్ చేసిన ఇతర డిమాండ్ల సంగతి ఏమిటి?

ఇది అంతం కాదు ఆరంభం మాత్రమే. సోనియా రాజ్యం పోయి మోడీ రాజ్యం వస్తే, శ్రీకిషన్ రెడ్డి, కెసీఆర్ లు మార్చుకోబోయే వ్యాఖ్యానాలను మనం హైదరాబాదు తెరపై చూడాలి.

౦89 Plight of SImAndhra parents, children and SimAndhra politicians సీమాంధ్ర ప్రజలు, సీమాంధ్రనేతల దుస్థితి.

---

చర్చనీయాంశాలు: bifurcation, విభజన, సీమాంధ్ర

కొందరు తెలంగాణా నేతలు కోరుతున్నట్లుగా, క్రొత్త తెలంగాణా రాష్ట్రానికి సోనియా ల్యాండ్ అని పేరు పెట్టాలి. సీమాంధ్ర ప్రజలు తమ దౌర్భాగ్యానికి తిట్టుకోటానికి అనువుగా ఉంటుంది. సీమాంధ్ర తల్లి దండ్రులు మటుకు తమ పిల్లలకు సోనియా , రాహుల్, ప్రియాంక, అని పేరు పెట్టకూడదు. పెట్టితే, పిల్లలపై కోపం వచ్చినప్పుడు, ఇంకా నాలుగు ఎక్కువ తగిలించే అవకాశం ఉంది. స్కూల్లో టీచర్లు కూడ ఇంకానాలుగు దెబ్బలు ఎక్కువ వేసే అవకాశం ఉంది. ఇప్పటికే ఎవరైనా తల్లిదండ్రులు, తమ పిల్లలకు సోనియా, రాహుల, ప్రియాంక, అని పేర్లు పెట్టిన వాళ్ళుంటే, వాటిని మార్చుకోటం క్షేమదాయకం.

ఊరంతా వడ్లెండ బెట్టుకుంటుంటే, నక్క తోక ఎండ బెట్టుకున్నదట.

ఈసామెత సీమంధ్ర తెలుగు వాళ్ళకి చక్కగా వర్తిస్తుంది. 06-12-2013 చేసిన సీమాంధ్ర బంద్ వల్ల ఎవరు నష్టపోయారు? చిన్నవ్యాపారులు, బండ్ల వ్యాపారులు, కాలిబాట వ్యాపారులు, కనీసం ఒకపూట బేరాలను కోల్పోయారు. కేంద్ర క్యాబినెట్ చేత పూచికపుల్ల లాగా తీసి వేయబడ్డాక కూడ, నలుగులు సీమాంధ్ర కేంద్ర మంత్రులు ప్రధానిని, సోనియాను కలిసి తమ రాజీనామా విషయం ఆమెకు చెప్పాలని నిర్ణయించుకోటం, మనం ఏస్థాయికి దిగజారామో చూపిస్తుంది.


ప్రధాని మన్మోహన్ సింగ్ గారు, చిదంబరం గారి మాటకు ఇచ్చిన విలువ, సీమాంధ్ర క్యాబినెట్ మంత్రులకు ఇవ్వరని ఋజువయ్యింది కదా. అయినా వ్యామోహం ఎందుకు వదలటం లేదు?

వ్యామోహం కన్నా భయం ఎక్కువ ఉంది అని చెప్పుకోవాలి. ఎవరి వ్యాపారాలు వారికి ఉన్నాయి. ఆవ్యాపారాల్లో తెలిసో, తెలియకో తప్పులు జరుగుతూ ఉంటాయి. పన్ను ఎగవేతలు జరుగుతూ ఉంటాయి. దొంగ బిల్లులు పెడుతూ ఉంటారు. తానెందుకు బయట పడటం, సీబీఐ చేతికి చిక్కటం, బ్రతుకంతా బెదిరింపుల పాలవటం ఎందుకు అనే భయం ఉంటుంది.

చిప్ప తెచ్చుకొనరా తిమ్మా అంటే, మరి ఇంకాస్తెయ్యమ్మా అంటారు. కట్టెలు తేరా తిమ్మా అంటే, కడుపులొ నొప్పే మాయమ్మ, అంటారు.

మంత్రి పదవి రావటమే కష్టం. వచ్చిందాన్ని చేతులారా కాలదన్నుకోటానికి ఎవరు ఇష్టపడతారు? ఇప్పుడు మనకు టంగుటూరు ప్రకాశం, పొట్టి శ్రీరాములు, గొల్లపూడి సీతారామ శాస్త్రి, గరిమెళ్ళ సత్యనారాయణ, తిరుమల రామచంద్ర, వంటివారు ఎక్కడ దొరుకుతారు?

As desired by some telangANA leaders, the new TelangANA State should be named "Sonialand". This name will be convenient to enable SImAndhra people to curse their own misfortune. But, SimAndhra parents should not name their children as Sonia, Rahul, PriyAnka. Reason: If parents get angry with their children, such parents there is a danger of adding some additional blows. Teachers in Schools may also add some supplementary blows to children. If any SimAndhra parents have already named their children as Sonia, Rahul, PriyAnka, it will be in the interest of the children to change their names.

कुछ तेलंगाना के नेताओं द्वारा वांछित के रूप में, नए तेलंगाना राज्य "सोनिया ल्यांड" नाम दिया जाना चाहिए. यह नाम अपने स्वयं के दुर्भाग्य अभिशाप SImAndhra लोगों को सक्षम करने के लिए सुविधाजनक हो जाएगा. लेकिन, सीमांध्रा माता - पिता सोनिया, राहुल, प्रियंका के रूप में अपने बच्चों का नाम नहीं होना चाहिए. कारण: माता पिता अपने बच्चों के साथ गुस्सा हो, तो ऐसे माता - पिता कुछ अतिरिक्त वार जोड़ने का एक खतरा है. स्कूलों में शिक्षकों ने बच्चों के लिए कुछ अनुपूरक चल रही जोड़ सकते हैं. किसी भी सीमांध्रा माता पिता पहले से ही सोनिया, राहुल, प्रियंका के रूप में अपने बच्चों को नामित किया है, तो यह उनके नाम परिवर्तित करने के लिए बच्चों के हित में होगा. translation made using translate.google.com. गलतीयों कुछ हो, तो माफी माँगता हूँ.

कुछ तेलंगाना नेताओं द्वारा वांछित के रूप में, नए तेलंगाना राज्य 'सोनियाल्यांड' नाम रखना चाहिए। इस नाम के SImAndhra लोग अपने दुर्भाग्य श्राप को सक्षम करने के लिए सुविधाजनक हो जाएगा। लेकिन, SimAndhra माता पिता अपने बच्चों के रूप में सोनिया, राहुल, प्रियंका का नाम नहीं होना चाहिए। कारण: यदि माता-पिता अपने बच्चों के साथ गुस्सा हो, ऐसे माता-पिता वहाँ कुछ अतिरिक्त चल रही जोड़ने का एक खतरा है। शिक्षकों के स्कूलों में भी बच्चों के लिए कुछ अनुपूरक चल रही जोड़ सकते हैं। अगर किसी भी सीमांध्रा माता पिता पहले से ही अपने बच्चों के रूप में सोनिया, राहुल, प्रियंका का नाम है, यह उनके नामों को परिवर्तित करने के लिए बच्चों के हित में होगा।
अनुवाद: ऐऎम् ट्रान्सलेटर्.नॆट्. गलतीयों कुछ हो, तो माफी माँगता हूँ.

కొందరు తెలంగాణా నేతలు కోరుతున్నట్లుగా, క్రొత్త తెలంగాణా రాష్ట్రానికి సోనియా ల్యాండ్ అని పేరు పెట్టాలి. సీమాంధ్ర ప్రజలు తమ దౌర్భాగ్యానికి తిట్టుకోటానికి అనువుగా ఉంటుంది. సీమాంధ్ర తల్లి దండ్రులు మటుకు తమ పిల్లలకు సోనియా , రాహుల్, ప్రియాంక, అని పేరు పెట్టకూడదు. పెట్టితే, పిల్లలపై కోపం వచ్చినప్పుడు, ఇంకా నాలుగు ఎక్కువ తగిలించే అవకాశం ఉంది. స్కూల్లో టీచర్లు కూడ ఇంకానాలుగు దెబ్బలు ఎక్కువ వేసే అవకాశం ఉంది. ఇప్పటికే ఎవరైనా తల్లిదండ్రులు, తమ పిల్లలకు సోనియా, రాహుల్, ప్రియాంక, అని పేరు పెట్టిన వాళ్ళుంటే, వాటిని మార్చుకోటం క్షేమదాయకం.

87 Damn it! Plans went bust! డామ్న్ ఇట్ కథ అడ్డం తిరిగింది

---

చర్చనీయాంశాలు: bifurcation, విభజన, రాష్ట్ర రాజకీయం, కేంద్ర రాజకీయం

గురజాడ వారి కన్యాశుల్కంలో గిరీశం డైలాగ్ ఇది. డామ్న్ ఇట్ కథ అడ్డం తిరిగింది (ఎన్ సైలెంట్), గిరీశం డైలాగు. గీరీశం బుచ్చెమ్మను లేవదీసుకొని వెళ్ళిపోవాలని వేసుకున్న ప్రణాలిక సౌజన్యారావు సమయస్ఫూర్తితో భగ్నం కావటంతో , విచారంతో కూడిన ఆశ్చర్యాన్ని వ్యక్తం చేశాడు.

సీమాంధ్ర కేంద్రమంత్రుల పన్నాగాలు, సోనియా, మన్మోహన్ సింగ్ ల రాజకీయ అవసరాల వల్ల బెడిసి కొట్టాయి. కేంద్ర కేబినెట్ లో సీమాంధ్రేతర మంత్రులు , మంత్రులబృందం MOG సభ్యులు కేవలం డూడూ బసవన్నలే. సోనియా, మన్మోహన్ లను తృప్తి పరచటం తప్ప వేరే ఎజెండా ఏమీ లేదు.

సీమాంధ్ర కెంద్ర మంత్రుల అంచనా: రాయలతెలంగాణను సమర్ధిస్తే, కర్నూలు తెలంగాణకు వెళ్తుంది. శ్రీబాగ్ ఒడంబడిక ప్రకారం, కర్నూలుకు రాజధాని ఇవ్వటం తప్పుతుంది. ఆప్రాంతం వారికి మధ్య మధ్య అయినా ముఖ్యమంత్రి ఛాన్స్ ఇవ్వటం తప్పుతుంది. కేవలం చిత్తూరు, కడపల బలహీన రాయలసీమను, కోస్తాంధ్ర రాజకీయవేత్తలు బాగా ఆడించుకోవచ్చు.

విశాఖను రాజధాని చేసుకొని, అక్కడ భూములను, కైవసం చేసుకొని బిల్డింగ్ వ్యాపారాలు లాభసాటిగా చేసుకోవచ్చు. అని ఉత్తరాంధ్ర రాజకీయవేత్తలు అనుకున్నారు.

ఏలూరు రాజకీయవేత్తలకు విజయవాడ అయినా విశాఖ అయినా భూ, బిల్డర్ వ్యాపారాలకు సౌకర్యమే. కర్నూలు సౌకర్యం కాదు.

దక్షిణాంధ్ర రాజకీయవేత్తలకు విజయవాడ గుంటూరు మధ్యకానీ, ఒంగోలు సమీపంలో కానీ, భూ, బిల్డర్ వ్యాపారాలకు అనుకూలం. కర్నూలు సౌకర్యం కాదు. కర్నూలునుండి తప్పించుకోవాలనే క్షుద్ర ప్రయత్నమే రాయలతెలంగాణాను సమర్ధించటానికి కారణం. అయ్యో, ఒక ప్రాంతాన్ని అన్యాయంగా చీలుస్తున్నామే అనే దృష్టి వారికి లేదు.

కర్నూలు, అనంతపురం రాజకీయవేత్తలకు హైదారాబాదు భూ ధంధాలపై మోజు ఉన్నది. ఇప్పటికే వారు అక్కడ ఆపనిలో నిమగ్నం అయి ఉన్నారు. అందుకే వారు సర్పంచులచేత తూతూమంత్రం తీర్మానాలు చేయించి కేంద్రం పై ఒత్తిడి తెచ్చారు.

తెలంగాణ నేతలు, ప్రజలు, తామేదో ఘన విజయం సాధించాం అని అనుకుంటూ ఉండ వచ్చు. ఇది అక్కడ రాబోయే వారి అంతర్గత తుఫానులముందు ప్రశాంతి మాత్రమే. పాకిస్థాన్ ప్రజలు ఇప్పుడు ఎంత సుఖంగా ఉన్నారు?

కథను అడ్డం తిప్పింది ఎవరు? నాలుగు రాష్ట్రాల ఎగ్జిట్ పోల్ అంచనాలు. నాలుగింట్లోనూ కాంగ్రెస్ కు చుక్కెదురవుతుందన్న భయం కాంగ్రెస్ నేతలను ఆవహించింది. ఇంక ఆలస్యం చేయకూడదని ప్రధాని అనటంలో కూడా నిగూఢంగా కొంత ఈభయం దాగి ఉండవచ్చు. నరేంద్రమోడీ అధికారంలోకి వస్తే, కోల్ గేట్ ను, టెలికాం కుంభకోణాన్ని ఇంకా ఇతర కుంభకోణాల్ని కెలికించి, ప్రధానిని, కొందరు కేంద్ర మంత్రులను,ఐయేయస్ అధికారులను తాత్కాలికంగా నైనా జైలుకు పంపే అవకాశం ఉన్నది. సోనియా పదివేలకోట్ల సంపదపై కూడ అనుమానంతో దర్యాప్తు చేపట్టే అవకాశం ఉంది. వాషింగ్ టన్ పోస్టు పత్రిక ఎందుకో వెనక్కు తగ్గింది.


కానీ మోడీ దుస్సాహసి. ఆయన పాకిస్థాన్ తో యుధ్ధం పెట్టుకోక పోతే, కుంభకోణాలను దున్నించే పనికి ప్రాధాన్యం ఇచ్చే అవకాశం ఉంది. ఇప్పడు జగన్ పడుతున్న బాధలను, సోనియా, మన్మోహన్ లు పడ వలసి రావచ్చు. అందుకే వారు, అంధ్రప్రదేశ్, కర్నాటకలు చేయి జారిపోకుండా చూసుకోటానికి నానాబాధలు పడుతున్నారు. కోస్తాలో కనీసం సగం సీట్లైనా వస్తాయి. తెలంగాణలో టీఆర్ఎస్ గెలిచినా, టీకాంగ్రెస్ గెలిచినా లాభమే. అందుకే రాయలతెలంగాణపై టీఆర్ఎస్ ఒక్కరోజు బంద్ ప్రకటించగానే కేంద్రం దిగి వచ్చింది. మోడీ చేతిలో నరకబాధలు పడే కన్నా కెసీఆర్ కు లొంగి పోవటమే నయమని కాంగ్రెస్ అధిష్ఠానం అనుకుందేమో.

హైదరాబాదుకు యూటీ ఇవ్వకపోటంకూడ, ఈలొంగి పోటంలో భాగమే.

ఏది ఏమైతేనేం? ఉత్తరాంధ్ర , దక్షిణాంధ్ర, రాయలసీమ నేతలు నేర్చుకోవాల్సిన పాఠాలు చాలా ఉన్నాయి. ఒక ముతక, బాధాకరమైన సామెత ఉన్నది. తిండి-బట్ట ఇవ్వని తాగుబోతు మొగుడు మానం పగిలి పోయేలాగా గుద్దాడు, అనే లోకోక్తి వాడటం దుఃఖకరమైనా వాడక తప్పదు. తిండి బట్ట ఇచ్చే, తాగుబోతు కాని మొగుడు గుద్దటం చేతకాని వాడైనా ఫరవాలేదా, అని వాదించే వాళ్ళు ఉండ వచ్చు. సంసారులైన స్త్రీ పురుషులకు సందర్భానుగుణంగా తిండీ బట్టలు, గుద్దుళ్ళూ రెండూ కావాల్సిందే. హైదరాబాదులో 1956 నుండి 2013 వరకు కేంద్ర రాష్ట్ర ప్రభుత్వాలు వెచ్చించి అభివృధ్ధి చేసిన సంస్థలు ఇప్పుడు సీమాంధ్ర నిరుద్యోగులకు అందుబాటులో లేకుండా పోతున్నాయి. తమరాజకీయ స్వార్ధం కోసం, కెసీఆర్ ను తృప్తి పరచటంకోసం, సీమాంధ్ర నిరుద్యోగులను చావు దెబ్బ కొట్టారు. 10 సంవత్సరాల ఉమ్మడి రాజధాని వల్ల సీమాంధ్ర ప్రజలకు ఒరిగేదేమీ లేదు. కెసీఆర్ కెటీఆర్ హరీష్ కవిత ల చేత తిట్టించుకోటం తప్ప.

ఇప్పడు ఏంచేయాలి?

స్వార్ధంకానీ, నిస్వార్ధంకానీ, మూడు ప్రాంతాల నేతలకు, ప్రజలకు కూడ కోరికలున్నాయి. అవి నెరవేరాలంటే మూడు రాష్ట్రాలు ఉత్తరాంధ్ర,దక్షిణాంధ్ర, రాయలసీమ తప్పనిసరి.


ఇప్పుడైనా మూడు ప్రాంతాల నేతలు కళ్ళు తెరచి మూడు రాష్ట్రాలను ఏర్పరిస్తే తప్ప, ఇంక ఎంత మాత్రం కుదరదు అని కేంద్రానికి చెప్పాలి. కేంద్రం పట్టించుకోకపోతే, 2014 లోక్ సభ ఎన్నికలను బహిష్కరించాలి లేదా ఉమ్మడి అభ్యర్ధులను గెలిపించుకోవాలి. బలహీన వర్గాల ప్రజల పేదరిక నిర్మూలన పథకాలు దెబ్బతింటాయి కాబట్టి, సీమాంధ్ర రాష్ట్ర శాసన సభకు, ఎన్నికలను జరగనిచ్చి, మంత్రి వర్గాలను పనిచేయనివ్వాలి. మన పేదలకు, మన నిరుద్యోగులకు మనమే దెబ్బలు కొట్టుకోకూడదు. ఇంక, ఎంతమాత్రం అంతఃకలహాల రాజకీయాలను కొనసాగనీయకూడదు.

కేంద్రానికి నిరసనలను తెలపటానికి, ఆదాయపు పన్ను , కేంద్ర ఎక్సైజ్ పన్ను, సేవాపన్నుల చెల్లింపును వాయిదా వేసి ప్రత్యేకంగా సీమాంధ్ర రాష్ట్ర ప్రభుత్వం వద్ద జమ చేయాలి. విద్యార్ధులు తమ చదువు కోల్పోకూడదు. భౌతిక హింసకు, ప్రభుత్వ ఆస్తుల విధ్వంసానికి దిగ కూడదు. నేలమట్టమైన ఆస్తులను పునర్నిర్మించుకోవాలంటే, రాష్ట్ర ప్రజలపై పన్నుల భారం పెంచ వలసి వస్తుంది.

ఆంధ్రులు ఆరంభ శూరులు అంటారు. కానీ Slow and steady wins the race అని ఋజువు చేయాలి.

సారాంశం: మూడు రాష్ట్రాలకన్న గత్యంతరం లేదు. ఉద్యమించటం నేతల విధి.