86 SamaikyAndhra Students making physical attacks will hurt themselves సమైక్యాంధ్ర విద్యార్ధులు భౌతికదాడులకు దిగితే వారే నష్టపోతారు

86 SamaikyAndhra Students making physical attacks will hurt themselves సమైక్యాంధ్ర విద్యార్ధులు భౌతికదాడులకు దిగితే వారే నష్టపోతారు

---

చర్చనీయాంశాలు: bifurcation, విభజన, విద్య

సమైక్యాంధ్ర జాక్ కు చెందిన విద్యార్ధి నేతలు, సమైక్యాంధ్రకు వ్యతిరేకంగా మాట్లాడితే భౌతిక దాడులకు దిగుతామని ప్రకటించటం ఘోరం. నిజంగా వారు భౌతిక దాడులకు దిగనక్కరలేదు. బెదిరింపులుకూడ భారతీయ శిక్షాస్మృతి ప్రకారం శిక్షార్హ నేరాలే.

దీని వల్ల వారు అనవసరం కేసుల్లో ఇరుక్కొని విద్యావకాశాలు కోల్పోయే అవకాశం ఉంది. నిజంగా భౌతికదాడులకు దిగితే, వారు బెయిలుకు కూడ ఇబ్బంది పడే సెక్షన్ల క్రింద ఇరుక్కు పోతారు.

ధనిక కుటుంబాల నుండి వచ్చిన విద్యార్ధులకు ఉద్యోగాల అవసరం లేదు. కాలేజీలు, డిగ్రీలు అనేవి వారికి కాలక్షేపం బఠానీలు, కట్నాలను పిండుకోటానికి సాధనాలు. కానీ పేద, దిగువ మధ్య తరగతి కుటుంబాల విద్యార్ధుల పరిస్థితి అలాకాదు. కేసుల్లో ఇరుక్కుంటే జీవితాలు నాశనమవుతాయి. ప్రభుత్వోద్యోగాలు మాత్రమే కాదు, కొన్నిసార్లు ప్రైవేటు ఉద్యోగాలు కూడ రావు.

తెలంగాణలో విద్యార్ధులు కొందరు ఇప్పటికే దెబ్బ తిన్నారు. వారికి కెసీఆర్ హామీలు ఇచ్చి ఉండవచ్చు. కేసులు ఎత్తివేయిస్తామని, ఉద్యోగాలు సృష్టించి ఇస్తామని,పెన్షన్లు, తామ్రపత్రాలు ఇస్తామని చెప్పి ఉండవచ్చు.


సమైక్యాంధ్ర విద్యార్ధులకు ఎవరైనాచాటుగా ఇటువంటి హామీ ఇచ్చారేమో మనకి తెలీదు. హామీ ఇచ్చేవారు తమ రాజకీయ అవసరాలను బట్టి సవా లక్ష హామీలు ఇచ్చినా వారు తమ హామీలను గుర్తుంచుకోటం కష్టం.

నిజానికి సమైక్యాంధ్ర కన్నా ,సరియైన పధ్ధతుల్లో అంటే సమన్యాయంతో, జరిగితే విభజనే లాభం. సమైక్యాంధ్రలో కేవలం హైదరాబాదే అభివృధ్ధి అవుతుంది. హైదరాబాదులో చోటేది? చీమల్లాగా జనం. హైదరాబాదును కేంద్ర పాలిత ప్రాంతం చేయించు కోగలిగితే, చిన్నరాష్ట్రాల పధ్ధతిలో ఉత్తరాంధ్ర, దక్షిణాంధ్ర, రాయలసీమ రాష్ట్రాలను ఏర్పరుచుకోగలిగితే, అన్ని ప్రాంతాలూ అభివృధ్ధి మార్గం పట్తాయి.

సమైక్యాంధ్ర విద్యార్ధులకు నిరసనలు ప్రకటించుకోటానికి సవాలక్ష మార్గాలు ఉన్నాయి. ఉదాహరణకు: దారుణంగా వ్యవహరిస్తున్నది కేంద్ర ప్రభుత్వం. కేంద్ర ప్రభుత్వానికి నిరసన ప్రకటించ దలుచుకున్నవారు, కేంద్ర పన్నుల నిరాకరణోద్యమం ,సహాయనిరాకరణం వంటివి చేపట్టి ప్రజలకు నచ్చచెప్పవచ్చు. గాంధీగారు ఇలాటి ఉద్యమాలతోనే కదా విజయాలను సాధించింది.

వ్యూహాలను అందరూ కలసి నిర్ణయించుకోవచ్చు.

ఎట్టి పరిస్థితులలోను పేదవిద్యార్ధుల బ్రతుకుతెరువు భవిష్యత్ ను పణంగా పెట్టరాదు.

ఆర్టికిల్ 3 ప్రకారం, కేంద్రం రాష్ట్రాలను విభజించాలన్నా, క్రొత్తవాటిని ఏర్పరచాలన్నా రాజ్యాంగ సవరణ అవసరం లేదంటున్నారు కాబట్టి, 2013లో కాంగ్రెస్ ప్రభుత్వం, చేసే తప్పులను 2014లో వచ్చే క్రొత్త ప్రభుత్వం తేలికగానే సవరించవచ్చు. కాబట్టి ఇప్పుడు ఏవైనా అన్యాయాలు జరిగినా, అన్యాయం చేసిన వారికి ఎన్నికల్లో బుధ్ధి చెప్పి ఇంటికి పంపి, కొత్త ప్రభుత్వం చేత అవసరమైన మార్పులు చేయించుకోవచ్చు.

ఈమాత్రం దానికి కేసుల్లో ఇరుక్కోటం తొందరపాటే అవుతుంది.

085 Why and how, did Arjuna make Draupadi to weep? అర్జునుడి వల్ల ద్రౌపదికి దుఃఖం ఎందుకు కలిగింది?

అర్జునుడంటే, ద్రౌపదికి ప్రత్యేక ప్రేమ అనేవిషయం విజ్ఞులకు తెలుసు. మత్స్య యంత్రాన్ని భేదించిన వీరవరేణ్యుడిగా ఈ ప్రేమ ఎంతో సమర్ధనీయం కూడ. Readers know that, among Pandava five brothers, Draupadi has special love towards, the third Brother Arjuna. As a Great Archier who had conquered the Matsya-yantram (An archer has to, using his bows and arrows, strike the targeted fish which moves in a pool of water beneath on the ground), that special love towards Arjuna is appreciation-worthy and understandable. But what did Arjuna do to Draupadi in return to her Love?

కానీ అర్జునుడు ద్రౌపది యందు ఇటువంటి ప్రేమనే చూపించాడా? Did arjuna reciprocate draupadi's love in equal degree? సందేహాస్పదమే. మనవాడెక్కడి కెళ్ళినా, స్త్రీలను ఆకర్షించేవాడు. స్త్రీలచేత అమితంగా ఆకర్షింపబడేవాడు. (ఊర్వశి యెడల నిగ్రహంతో వ్యవహరించటానికి కారణం, ఆమె దేవవేశ్య, ముఖ్యంగా ఇంద్రుడి కచేరీకి చెందిన ఆస్తి. మాతృసమానురాలైన ఆమె కోరికను మన్నిస్తున్న సమయంలో, వెయ్యి కళ్ళున్న ఇంద్రుడికి పట్టు పడితే, శాపం గ్యారంటీ).

ధర్మజుడు ద్యూతంలో పరాజయం పొందాక, దుర్యోధన ప్రేరితుడైన దుశ్శాసనుడు ద్రౌపదీ వస్త్రాపహరణం చేయటానికి ప్రయత్నించటం (ఆధునిక కాలంలో assault,molestation, rape వంటి నిర్వచనాల్లోకి తీసుకు రావచ్చు), పాండవ వనవాసం సినిమాలో, సావిత్రి ద్రౌపదిగా 'దేవా ! దీనబాంధవా!' అని పాడుతూ విలపించటం మనం గుర్తుకు తెచ్చుకోవచ్చు.

అర్జునుడు ద్రౌపదికి కలిగించిన క్షోభను చూద్దాం. We shall see the agony created by Arjuna on Draupadi, by marrying Subhadra, without the knowledge of Draupadi:--

నన్నయ శ్రీమదాంధ్ర మహాభారతం, ఆదిపర్వం, అష్టమాశ్వాసం, 211వ వచనం. సందర్భం: అర్జునుడు శ్రీకృష్ణ ప్రోద్బలంతో, దేవేంద్ర సమక్షంలో సుభద్రను వివాహమాడి, ఆమెను అపహరించుకొని ద్వారకనుండి ముకుంద ప్రేరితులైన దాశార్హవీరులతో, ఇంద్రప్రస్థానికి చేరుకొని, ఒకచెట్టునీడలో విశ్రమించి, సుభద్రతో ఇలా అంటున్నాడు.

మన మివ్విధంబనఁ జనునప్పుడు నిన్నుఁ జూచి ద్రుపదరాజపుత్రి యప్రియంబులు పలుకునో యప్పరమ పతివ్రత పలుకు నిక్కువంబగుం గావున నీవేకతంబ గోపాలబాలికలతో ముందఱ నరిగి యక్కోమలిం గనుమని పనిచిన సుభద్రయు నిజేశ్వరు పంచిన మార్గంబున నింద్రప్రస్థపురంబునకుం బోయి కుంతీదేవికి ద్రౌపదికి మ్రొక్కిన :

తేటగీతి పద్యం, ఇది చాల సుందరమైన పద్యం.
పంకజాక్షి నీపతి ప్రతిపక్ష వీర,
విజయుఁ డయ్యెడు నీవును వీరపుత్ర
జనని వగుమని దీవించె సంతసంబు
తోడ వసుదేవ పుత్రి నాద్రుపదపుత్రి.

ఇక్కడ పాఠకులు గమనించవచ్చు. నన్నయ ద్రౌపదిని ఎంతో ఔదార్యవంతురాలిగా చిత్రించాడు. భర్త సవతిని తెచ్చాడు. తెలివిగా ముందామెను తనవద్దకు పంపి కాళ్ళమీద పడేశాడు. ఆమె దీవించమంది. ద్రౌపది కూడ హృదయపూర్వకంగానే దీవించింది. ఓ పంకజాక్షీ (సుభద్రా) నీ వతి ప్రతిపక్షవీర విజయుడౌతాడు. అర్జునుడు అయ్యాడు కదా!
నీవును వీరపుత్ర జనని వగుము. అభిమన్యుడి తల్లి అయ్యింది కదా!

వ్యాసుడిచ్చిన original treatment

అర్జునుడు ముందుగా సుభద్రను పంపించి, ఆమెచేత ద్రౌపది కాళ్ళమీద పడ వేయించి దీవెనలు కోరించటం వంటి సున్నితమైన ముందు చూపు మనకి కనిపించదు.

వ్యాస భారతం, ఆదిపర్వం, 213వ ఆధ్యాయం, 15వ శ్లోకం నుండి 21వ శ్లోకం వరకు

15 తం ద్రౌపదీ ప్రత్యువాచ ప్రణయాత్ కురునందనమ్
తత్రైవ గచ్ఛ కౌన్తేయ యత్ర సా సాత్వతాత్మజా
సుబధ్ధస్యాపి భారస్య పూర్వబన్ధః శ్లదాయతే
16 తదా బహువిధం కృష్ణాం విలపన్తీం ధనంజయః
సాన్త్వయామాస భూయశ్చ క్షమయామాస చాసకృత్
17 సుభద్రాం త వరమాణశ్చ రక్తకౌశేయ వాససమ్
పార్ధః ప్రస్థాపయామాస కృత్వా గోపాలికా వపుః
18 సాధికం తేన రూపేణ శోభమానా యశస్వినీ
భవనం శరేష్ఠమ్ ఆసాద్య వీర పత్నీ వరాఙ్గనా
వవందే పృథు తామ్రాక్షీ పృథాం భద్రా యశస్వినీ
19 తతో ఽభిగమ్య త్వరితా పూర్ణేందు సదృశాననా
వవందే ద్రౌపదీం భద్రా ప్రేష్యాహమ్ ఇతి చాబ్రవీత్
20 ప్రత్యుత్థాయ చ తాం కృష్ణా స్వసారం మాధవస్య తామ్
శాస్వజే చావదత్ ప్రీతా నిఃసపత్నో ఽస్తు తే పతిః
తదైవ ముదితా భద్రా తామ్ ఉవాచైవమ్ అస్త్వ ఇతి
21 తతస్తే హృష్టమనసః పాణ్డవేయా మహారథాః
కున్తీ చ పరమప్రీతా బభూవ జనమేజయ

సంస్కృత వ్యాస భారతాన్ని సంపూర్ణంగా, వీలైనంత మూలానికి దగ్గరగా, 1899 ప్రాంతంలో ఆంగ్లంలోకి అనువదించిన కీర్తి శేషులు శ్రీకిశోర్ మోహన్ గంగూలీ అనువాదాన్ని చూడండి.

At last the hero went unto Draupadi. Draupadi, from jealousy, spoke unto him, saying, ‴Why tarriest you here, O son of Kunti? Go where the daughter of the Satwata race is! A second tie always relaxes the first one upon a faggot!‴ And Krishna lamented much in this strain. But arjuna pacified her repeatedly and asked for her forgiveness. And returning soon unto where Subhadra, attired in red silk, was staying, Arjuna, sent her into the inner apartments dressed not as a queen but in the simple garb of a cowherd woman. But arrived at the palace, the renowned Subhadra looked handsomer in that dress.

The celebrated Bhadra of large and slightly red eyes first worshipped Pritha. Kunti from excess of affection smelt the head of that girl of perfectly faultless features, and pronounced infinite blessing upon her. Then that girl of face like the full moon hastily went unto Draupadi and worshipped her, saying, ‴I am your maid!‴ Krishna rose hastily and embraced the sister of Madhava from affection, and said, ‴Let your husband be without a foe!‴ Bhadra then, with a delighted heart, said unto Draupadi, ‴So be it!‴ From that time, O Janamejaya, those great warriors, the Pandavas, began to live happily, and Kunti also became very happy.

వైబీరావు గాడిద షుమారు అనువాదం. అనువాదంలో లోపాలు ఏవైనా ఉంటే నావే. గంగూలీవి కావు.


చివరికి హీరోగారు ద్రౌపది దగ్గరకు వెళ్ళారు. ద్రౌపది అసూయతో ఇలా అన్నది: ఓ కుంతీ పుత్రా! ఇక్కడ ఎందుకు తారట్లాడతావు? ఆ శాత్వతి దగ్గరకే వెళ్ళు.(శాత్వత వంశీకురాలు అయిన ఆ శాత్వతి ఎక్కడ ఉందో అక్కడికే వెళ్లు). ఎంత సుబధ్ధంగా మనం పీటముడి వేసినా, మొదట వేసిన ముడిపై రెండవ ముడి ఎక్కి సుఖంగా కూర్చుంటుంది. ఈవిధంగా ద్రౌపది కొంత తడవు చాల విలపించింది. కానీ అర్జునుడు ఆమెను శాంతింపచేయటానికి ప్రయత్నించాడు. క్షమాపణ వేడుకున్నాడు. (మొత్తానికి శాంతింపచేయటంలో విజయుడైనాడు).

తరువాత ఎర్ర చీరె కట్టుకున్న సుభద్ర దగ్గరకు వెళ్ళాడు. సుభద్రను మహారాణిగా కాక సాధారణ గోపాలక కాంత గా వేషం వేయించి, ద్రౌపది అంతఃపురానికి పంపాడు. ద్రౌపది అంతఃపురానికి గోపాలక కాంత వేషంలో వెళ్ళినా సుభద్ర ఎంతో అందంగా కనిపించింది.

ఇక్కడ గంగూలీగారు సుభద్రను పెద్ద ఎర్ర కళ్ళు ఉన్నట్లుగా (The celebrated Bhadra of large and slightly red eyes) అనువదించారు . నాకు సంస్కృతం పెద్దగా రాదు. పృథుతామ్రాక్షీ అనే విశేషణం అక్కడే ఉన్న కుంతికేమో నని నా అనుమానం.

సుభద్ర ముందు కుంతికి నమస్కరించింది. కుంతి ప్రేమతో సుభద్ర తల నిమిరి ఆమెకు అనంతమైన దీవెనలనిచ్చింది.

సుభద్ర తరువాత ద్రౌపదికి నమస్కరించింది. నేను నీ సేవకురాలిని అంది. ద్రౌపది వెంటనే నిలబడి, మాధవుడి చెల్లెలిని కౌగలించుకుని , ఆమెను దీవిస్తూ ఇలా అన్నది.

'నిఃసపత్నో ఽస్తు తే పతిః'. పైన ఇచ్చిన గంగూలీగారి అనువాదం ప్రకారం ‴Let your husband be without a foe!‴. అంటే నీ భర్తకు శత్రువులు ఉండకుండు కాక, అంటే శత్రుంజయుడు అగు కాక.

నాకు తెలిసిన సందర్భోచితమైన అనువాదం ఏమిటంటే, సపత్ని అంటే సవతి. నిః సపత్ని అంటే సవతులు లేకుండుట. ఓసుభద్రా , నీకైనా సవతుల బాధ ఉండకుండు కాక,అని దీవించింది అనుకున్నాను.

నా తప్పుకు సవరణ,క్షమాపణ: ద్రౌపదిమీద సానుభూతితో నేను పొరపాటు పడ్డాను. అధరసపత్న పదానికి సంస్కృతాంగ్ల నిఘంటువు rival అంటే పోటీదారు లేకపోటం అంటే నిర్జించిన శత్రువులు కలవాడు, అనే అర్థం ఇచ్చింది. సవతికూడ ఒకరకం పోటీదారే (భర్తృప్రేమను పంచుకోటంలో). ద్రౌపది నేను నిన్ను బాధ పెట్టనులే అని సుభద్రకు హామీ ఇచ్చింది అనే అర్థం నేను తీసుకున్నాను. సుభద్రకూడ నీవన్నట్లే జరుగును గాక అనటంలో నేను కూడ నిన్ను బాధ పెట్టనులే అని వాగ్దానం చేసిందా అనిపించింది.

సుభద్రకూడ, ద్రౌపదిని 'తామ్ ఉవాచైవమ్ అస్త్వ ఇతి' అని స్వస్తి పలికింది. గంగూలీ: So be it! నీవన్నట్లే అగునుగాక.

వైశంపాయనుడు,జనమేజయుడికి ఈకథ చెప్తున్నట్లు మనం మర్చి పోకూడదు. 'ఓజనమేజయా! అప్పటినుండి మహారథులైన పాండవులు ఆనందంగా జీవించటం మొదలు పెట్టారు. కుంతి కూడ ఎంతో సంతసించింది.'

వాగ్దానం చేసుకున్న ప్రకారమే, ద్రౌపదీ సుభద్రలు మంచి స్నేహంగానే వ్యవహరించినట్లు కనిపిస్తుంది. ఇద్దరు కలిసి మద్యం సేవించిన విషయాన్ని ఇంకో వ్యాసంలో ప్రస్తావిస్తాను.

---

21వ శతాబ్దపు పాలకుల ధర్మ పత్నులు, అధర్మపత్నులు

మనం 21వ శతాబ్దానికి వద్దాం. కేంద్ర మంత్రుల, ఎంపీల ఖాతాల సంగతులు మనకు తెలీదు కానీ, రాష్ట్రమంత్రులకు,శాసన సభ్యులకు, రెండు, అంతకన్నా ఎక్కువ ఖాతాలే ఉన్నాయని ఒకసారి మనరాష్ట్ర శాసనసభలో చర్చకు వచ్చినట్లు నాకు జ్ఞాపకం. ఆపైన, ఆనాటి సభాపతి శ్రీ సురేష్ రెడ్డి గారు ఒక విచారణా సంఘాన్ని నియమించి నట్లుకూడ నాకు గుర్తు. తరువాత ఎన్నికలు వచ్చాయి. శ్రీ సురేష్ రెడ్డిగారు సభాపతి పదవి నుండి దిగిపోయారు. కొత్త శాసనసభ వచ్చింది. కమిటీ ఏమైందో ఎవరికీ తెలీదు.

శాసన సభ్యులకు, రాష్ట్ర మంత్రులకు, ఎంపీలకు, కేంద్రమంత్రులకు, మాజీ ముఖ్యమంత్రులకు ఉన్న ధర్మ పత్నులు, అధర్మ పత్నుల విషయం వోటు వేయవలసిన వోటర్లు , ముఖ్యంగా మహిళా వోటర్లు తెలుసుకోవలసిన అవసరం ఉందా లేదా , లేక ఇది పాలకుల ప్రైవేటు వ్యవహారమా ఇవి అన్నీ నాన్ -సెన్సా?

ఎంతమంది ద్రౌపదులు కుమిలి పోతున్నారో, కమిలి పోతున్నారో తమ వోట్లను సద్వినియోగం చేసుకోవలసిన \ చేసుకోదలచిన పౌరులు స్థానికంగా విచారించుకోవలసిన అవసరం ఉందేమో.

084 What we have to see inside the brains of Manmohan and Sushma? మన్మోహన్, సుష్మాల బుర్రల్లో ఏముంది?

---

చర్చనీయాంశాలు: bifurcation, విభజన, ప్రధానమంత్రి, కేంద్రప్రతిపక్షాలు, బిజెపి, తెలంగాణ

ఈరోజు (4-12-2013) విశేషం ఏమిటంటే, ప్రధాని మన్మోహన్, సుష్మా ఒకే రకంగా ప్రవర్తించారు. వాళ్ల మనసుల్లో ఏముందో తెలుసుకోవాలంటే, మనకు మాయాబజార్ సినిమాలో వాడిన సత్యపీఠంకావాలి.



తెలంగాణాను వేగవంతం చేయాలని లోక్ సభలో ప్రతిపక్ష నేత సుష్మా స్వరాజ్ గారు కోరారు. తెలంగాణాకు తాము కట్టుబడి (వచన్ బధ్ధ్) ఉన్నామని ప్రధాని మన్మోహన్ సింగ్ గారు ఉద్ఘాటించారు. వీళ్ళిద్దరికీ , సోనియామాతకు, తెలంగాణాపై ప్రేమ ఎందుకు కారిపోతున్నది? లేని ఆదేవుడికే తెలియాలి. 2014 మే నెల దాకా ఆగితే ప్రజల తెలంగాణ, రాయలసీమ, కోస్తాంధ్ర, అఖిల భారత జనం, అభిప్రాయాలు ఏమిటో తెలుస్తుంది కదా. కానీ ఎందుకు ఆగలేక పోతున్నారు? సీమాంధ్ర ప్రజలు చికాగో నగరంలోని కబేళాలో తల నరికే యంత్రాలక్రింద మెడలు పెట్టిన ఆవులు, ఎద్దుల్లాగా ప్రధాని, ప్రతిపక్షనేత మనోఫలకంపై గోచరిస్తున్నారా? కెసీఆర్, జైపాల్ రెడ్డి, కిషన్ రెడ్డి లు వాళ్ళకి ఆపద్బాంధవుల్లాగా సాక్షాత్కరించటంలో బలవత్తర కారణాలేమిటో ?

దేశంలోని రాజకీయ పార్టీలకు ఉచ్చలగుంటల్లో చేపలు పట్టే లక్షణాలు వంటబట్టాయని కొంత అనాగరికమైనా మరల వ్రాయక తప్పటంలేదు. ఇంతకన్నా సౌమ్యమైన లోకోక్తి కొరకు మనం అన్వేషించాలి. దేశంలో తిండి, బట్ట, ఇల్లు, నిరుద్యోగం, ఆదాయం-సంపద పంపిణీల్లో అసమానతలు,మొ|| ప్రధాన సమస్యలని మెడకాయమీద తలకాయ ఉన్నవాడెవడైనా చెప్తాడు.

వీటన్నిటినీ వదిలేసి, బిజెపి భవిష్యత్ ప్రధాని గాచలామణీచేయించుకుంటున్న నరేంద్రమోడీ గారు, కాశ్మీర్ కు సంబంధించిన రాజ్యాంగం ఆర్టికిల్ 370ని ఎందుకు కెలుకుతున్నట్లు?

తెలంగాణా ఏర్పాటు తెలంగాణా ప్రజల పేదరికం, నిరుద్యోగం సమస్యలను పరిష్కరించదు. కొత్త రాష్ట్రం ఏర్పడ్డాక ఆసమస్యలకు పరిష్కారాలను వెతుక్కోవాల్సిందే. వేలు లక్షల ఉద్యోగాలు పుట్టుకొస్తాయని, డబుల్ ఇంక్రిమెంట్లు, డబుల్ ప్రమోషన్లు, కుప్పలుగా ఇవ్వచ్చనీ కెసీఆర్ తెలంగాణ ప్రజలను రెచ్చగొట్టి మభ్యపెట్తుంటే, అది అవాస్తవమని బిజేపి రాష్ట్రనేతలు తెలంగాణా ప్రజలకు చెప్పద్దా? బిజేపి కేంద్రనేతలు కెసీఆర్ తో పొత్తుకు ఆశ పడటం వల్లనే, తెలంగాణా పై శ్రీమతి సుష్మా స్వరాజ్ అతి వేగానికి కారణం. ఒకవేళ కెసీఆర్ జానెడు జాగా ఇవ్వకపోయినా, తాము తెలంగాణా ప్రజలకు ఉధ్ధారకులమని ప్రచారం చేసుకుని, తెలంగాణలోని ఆ 17సీట్లకై ఆరాటపడటం ఒకవింత. సోనియామాతకు, మన్మోహన్ గారికీ గులాబి కండువా మీద మహా నమ్మకం. 2004 లో తమను అధికారంలోకి తెచ్చింది గులాబి కండువాయే నని వారి మూఢ విశ్వాసం.

మరల తిట్లపురాణానికి సిధ్ధం కండి

రాయల్ తెలంగాణాకు వ్యతిరేకంగా కెసీఆర్ గారు మరల యుధ్ధం మొదలు పెట్టారు. ఇంక మనకు నిత్యం తిట్లే ఆహారం. గతంలో శ్రీవారు మన్మోహన్ సింగు గారిని చప్రాసీతో పోల్చారు. ఇప్పుడు ఇంక ఏమంటారో చూడాలి.

సీమాంధ్ర కేంద్ర మంత్రులు హోమ్ మంత్రి సుశీల్ కుమార్ షిండే గారి ఛాంబర్ గేట్ల దగ్గర ప్రాణాచారం పడటం మానలేదు. పాపం, ఆయన తన తప్పు లేకుండా, కుదరదని చెప్తూనే ఉన్నాడు. కొందరు సీమాంధ్ర ఎంపీలనయితే, ఇంచుమించుగా గెంటించి వేశాడు. షిండేగారు నిస్సహాయుడు. అంతా సోనియా అమ్మవారి చేతుల్లో ఉంది. ఆయన మాట్లాడే ప్రతి మాటా, అమ్మగారి ఆజ్ఞ మేరకే.

ఇంటర్వ్యూ దొరకని సోనియా మాత ఇంటి గేట్లవద్ద ప్రాణాచారం పడాలంటే, చలి చంపేస్తుంది. అంతేకాదు, జెడ్ కేటగిరీ భద్రతా ఏర్పాట్లకింద, ఆమె రక్షకులు, ప్రాణాచారం పడే సీమాంధ్రనేతలను చితక బొడిచినా అయ్యో అనే దిక్కు లేదు.

ఈ గందరగోళంలో రాష్ట్రమంత్రి శ్రీ డొక్కా వరప్రసాద్ గారు సీమాంధ్ర రాజధాని గుంటూరు జిల్లా అమరావతిలో పెట్టాలంటున్నారు. అమరావతి వారి స్వంత నియోజకవర్గం తాడికొండలో భాగం. లేదంటే, కొండవీడు కావాలిట. ఇది కూడ సమీప ప్రదేశమే. ఇక గుంటూరు ఎంపీ శ్రీరాయపాటి సాంబశివరావు గారికి సీమాంధ్ర రాజధాని గుంటూరు కావాలి. పనబాక లక్ష్మిగారు, పురందేశ్వరి గారు, విజయవాడ గుంటూరు మధ్య ఉండాలన్నారు.

కేంద్రమంత్రి శ్రీ కిషోర్ చంద్రదేవ్ గారికి రాజధాని విశాఖలో ఉండాలి. శ్రీ బొత్స సత్యనారాయణ,గంటా శ్రీనివాసరావు, చిరంజీవి, మొ|| వారి అభిమతం కూడ అదే కావచ్చు.

శ్రీ కోట్ల సూర్యప్రకాశ రెడ్డి గారు, టీజీ వెంకటేష్ గారు, రాయల తెలంగాణ కుదరకపోతే కర్నూల్ రాజధాని కావాలన్నారు.

అందరి కోరికలు ఒక్క సీమాంధ్రతో ఎలాతీరుతాయి? కనీసం మూడు రాష్ట్రాలు ఉంటేకాని, ఈకోరికలు తీరవు.

2014 మేనెల దాకా ఆగితే, ఈలోగా ప్రజల్లో, నేతల్లో మరింత స్పష్టత పెరిగి కనీసం నాలుగు రాష్ట్రాల దిశగా మనం ప్రయాణించచ్చేమో. చచ్చేమో!

083 Why didn't nannaya highlight abduction of Subhadra by Arjuna ? అర్జునుని కిడ్ నాపర్ గా చిత్రించని నన్నయ

083 Wasn't Subhadra kidnapped as per nannaya ? అర్జునుని కిడ్ నాపర్ గా చిత్రించని నన్నయ

---

చర్చనీయాంశములు: మహాభారతం, నన్నయ , వివాహాలు, వ్యాసభారతం, పద్యకవిత్వం

నన్నయ ప్రణీతమైన శ్రీమదాంధ్ర మహాభారతం, ఆదిపర్వం, ప్రథమాశ్వాసం, 194వ వచనం.

ఇట్లు వాసుదేవుండు వసుదేవాక్రూర సారణ సాంబ సాత్యకి సహితంబుగా నంతర్ద్వీపంబుననుండి వచ్చిన యనంతరంబ యమరావతి నుండి యమర సిధ్ధ సాధ్య ముని గణ పరివృతుండై యమరేంద్రుండు వచ్చెనంత బృహస్పతి యిచ్చిన యుత్తమ లగ్నంబున నగ్ని యమ నిరృతి వరుణ వాయు ధన దేశానాది సురవరులు , నత్రి భృగు నారద వశిష్ఠ వామదేవ ప్రభృతి మహామునులు సదస్యులుగాఁ గశ్యపప్రజాపతి హోమకర్తగా నరుంథతియు , శచియు, సత్యభామయు, రుక్మిణియు, అప్సరోగణంబులతోడం పురంధ్రీ కార్యంబులు నిర్వహింప సుభద్రార్జునుల వివాహ మహోత్సవం బతి రమ్యంబయ్యె నంత.

(ఇంద్రుడి ఆనంద బాష్పాలు)
తరువోజ ఛందస్సు.
అనిమిష ప్రభుఁడు నిజాత్మజు ననఘు నర్జునుఁ బ్రీతితో నభిషిక్తుఁ జేసి
మనుజేంద్రుఁ గాంచనమణిమయోత్తుంగ మకుట విభూషణ మస్తకుఁ జేసి
యనుపమ కేయూర హారాది భూషణాభిశోభితుఁ జేసి యప్పుడానంద
జనితాంబు కణికార్ద్ర చక్షు సహస్ర జల రుహంబులు దాల్చె సమ్మదం బెసగ.

ఇక్కడ ఇంద్రుడి ఆనందాన్ని నన్నయ తన తరువోజలో వర్ణించిన విధం మనోజ్ఞంగానే ఉన్నది. ఇంద్రుడికి అహల్య భర్త గౌతముడి శాపం వల్ల 1000 కళ్ళు శరీరమంతా వ్యాపించాయనేది విజ్ఞులైన పాఠకులకు తెలుసు. నన్నయ గారి సొగసైన వర్ణన ఏమిటంటే, ఇంద్రుడి వెయ్యి కళ్లలోంచి కూడ ఆనంద బాష్పాలు వచ్చాయిట. ఊహించండి, వెయ్యి కళ్ళు. వెయ్యి కళ్లల్లోంచీ కన్నీళ్ళు. ఇది నన్నయ నానారుచిరార్థ సూక్తినిథిత్వానికి, ప్రసన్న కథాకలితార్ధయుక్తికి నిదర్శనం.

వ్యాస భారతం, ఆది పర్వం, 211 వఆధ్యాయం , 1 నుండి , 212 వఆధ్యాయం , 10 వరకు శ్లోకాలు.

రైవత పర్వతం వద్ద యాదవులు ఉత్సవం జరుపుకుంటున్నారు. కృష్ణార్జునులతోపాటు, సుభద్ర తండ్రి వసుదేవుడు, పెద్దన్న బలరాముడు కూడ ఉన్నారు. (నన్నయ కథనంలో బలరాముడు నగరంలో ఉన్నాడు).
సుభద్రను చూచిన అర్జునుడు మన్మథ తాపంతో బాధ పడుతున్నాడు.
దీన్ని గమనించిన శ్రీకృష్ణుడు:

వనేచరస్య కిమ్ ఇదం కామేనాలోడ్యతే మనః
17 మమైషా భగినీ పార్ధ సారణస్య సహోదరా
యది తే వర్తతే బుథ్ధిర్ అ వక్ష్యామి పితరం స్వయమ్.

సారం: ఎందుకు కామంతో బాధ పడతావు? నాసోదరిని వివాహం చేసుకోటం నీకిష్టమైతే, నేను మానాన్నగారితో మాట్లాడతాను.

అర్జునుడు:

దుహితా వసుదేవస్య వసుదేవస్య చ స్వసా
రూపేణ చైవ సంపన్నా కమ్ ఇవైషా న్ మోహయేత్
19 కృతమ్ ఏవ తు కల్యాణం సర్వం మమ భవేద్ ధ్రువమ్
యది స్యాన్ మమ వార్ష్ణేయీ మహిషీయం స్వసా తవ
20 ప్రాప్తౌ తు క ఉపాయః స్యాత్ తద్ బ్రవీహి జనార్దన
ఆస్దాస్యామి తదా సర్వం యది శక్యం నరేణ తత్

సారాంశం: వార్ష్ణేయి నాకు మహిషి అవుతందంటే మహదానందమే. ఆఉపాయం కృష్ణా నీవే చెప్పు.

శ్రీకృష్ణుడు :

స్వయంవరః క్షత్రియాణాం వివాహః పురుషర్షభ
స చ సంశయితః పార్ధ స్వభావస్యానిమిత్తతః
22 ప్రసహ్య హరణం చాపి క్షత్రియాణాం ప్రశస్యతే
వివాహ హేతొః శూరాణామ్ ఇతి ధర్మవిదో విదుః
23 స త్వమ్ అర్జున కల్యాణీం ప్రసహ్య భగినీం మమ
హర స్వయంవరే హయ అస్యాః కొ వై వేద్ అ చికీర్షితమ్.

సారాంశం: కన్యలను అపహరించటం క్షత్రియులకు ధర్మమే అని ధర్మ విదులు చెప్తారు. కాబట్టి కల్యాణి, ప్రసహ్య భగిని, అయిన నాచెల్లెలిని నీవు అపహరించుకొని తీసుకుపో.

అర్జునుడు సరే అన్నాక, వారు ధర్మరాజు అనుమతి కోసం వార్తావహులను పంపి, ఆయన అనుమతిని సంపాదించారు.

ఆది పర్వము - అధ్యాయము - 212
1 [వైశంపాయనుడు -అర్జునుడు సుభద్రను అపహరించుకొని వెళ్ళిన విధాన్ని వర్ణించాడు.]
తతః సంవాదితే తస్మిన్న అనుజ్ఞాతో ధనంజయః
గతాం రైవతకే కన్యాం విదిత్వా జనమేజయ
వాసుదేవాభ్యనుజ్ఞాతః కదయిత్వేతికృత్యతామ్
2 కృష్ణస్య మతమ్ ఆజ్ఞాయ ప్రయయౌ భరతర్షభః
3 రధేన కాఞ్చనాఙ్గేన కల్పితేన యదావిధి
సైన్యసుగ్రీవ యుక్తేన కిఙ్కిణీజాలమాలినా
4 సర్వశస్త్రొపపన్నేన జీమూతర్ వనాదినా
జ్వలితాగ్నిప్రకాశేన ద్విషతాం హర్షఘాతినా
5 సన్నథ్ధః కవచీ ఖడ్గీ బధ్ధ గోధాఙ్గులిత్రవాన
మృగయా వ్యపదేశేన యౌగపథ్యేన భారత
6 సుభద్రా తవ అథ శైలేంద్రమ్ అభ్యర్చ్య సహ రైవతమ్
దైవతాని చ సర్వాణి బ్రాహ్మణాన్ స్వస్తి వాచ్య చ
7 ప్రదక్షిణం గిరిం కృత్వా ప్రయయౌ ద్వారకాం ప్రతి
తామ అభిద్రుత్య కౌన్తేయః ప్రసహ్యారోపయద్ రధం
8 తతః స పురుషవ్యాఘ్రస్ తామ్ ఆదాయ శుచిస్మితామ్
రధేనాకాశగేనైవ ప్రయయౌ స్వపురం ప్రతి
9 హర్యమాణాం తు తాం దృష్ట్వా సుభద్రాం సైనికో జనః
విక్రోశన్ పరాద్రవత్ సర్వో ద్వారకామ్ అభితః పురీమ్
10 తే సమాసాద్య సహితాః సుధర్మామ్ అభితః సభామ్
సభా పాలస్య తత్ సర్వమ్ ఆచఖ్యుః పార్ధ విక్రమమ్.

ఇక్కడేమున్నది? సుభద్ర రైవత పర్వతాన్ని పూజించింది. బ్రాహ్మణులు స్వస్తివాక్యాలు పొందింది. సుభద్రను అర్జునుడు బలవంతంగా రథంలో ఎక్కించుకున్నాడు. రైవత పర్వతానికి ప్రదక్షిణంచేసారు. అడ్డు వచ్చిన యాదవులను, అర్జునుడు ఓడించి వెనక్కి పంపాడు. వాళ్ళు వెళ్లి ద్వారకానగరంలో జరుగుతున్న సుధర్మ అనే యాదవ రాజ సభలో మొర పెట్టుకున్నారు.

ఇంద్రుడేడీ? వాడి వెయ్యి కళ్ళేవి? ఆవేయి కళ్లలో ఆనంద బాష్పాలేవి? వశిష్ఠ వామదేవాదులు ఏరి? నన్నయగారు చేసిన కల్పనలు ఇక్కడ కన్పించవేం. వాసుదేవుడు ఎత్తుకెళ్లమన్నాడు. అర్జునుడు ఎత్తుకెళ్ళాడు. అంతే.

తరువాత బలరాముడికి తెలియటం, ఆయన ఉద్రేక పడటం, కృష్ణుడు సముదాయించటం వంటివి మామూలే.

నన్నయ కథను తన ఇష్టం వచ్చినట్లు మార్చేశాడు. ఇతిహాసం అంటే 'ఇదికదా జరిగినది ' అని అర్థం. వ్యాసుడు జరిగింది జరిగినట్లు చెప్పాడో లేదో మనకు తెలియదు కానీ, నన్నయ మటుకు వ్యాసుడు వ్రాసిన దాన్ని తన ఇష్టం వచ్చినట్లు వాడేసుకున్నాడు.

బాధాకరమైన విషయం ఏమిటంటే, గుళ్ళల్లో, టీవీల్లో పురాణాలు చెప్పేవాళ్ళు నన్నయ వర్ణనలు అన్ని నిజంగా జరిగినట్లుగా వర్ణించేస్తారు. జనం అవన్ని నిజం అనుకుంటారు. అసలు వ్యాసభారతంలోనే , పురాణ పండాలు ప్రక్షిప్తం చేసినవి ఎన్నున్నాయో మనకు తెలీదు. నన్నయ అదనంగా జోడించటం, ఒక కావ్యం , కవిత్వం కోణంలోంచి చూస్తే బాగుంటుంది. కానీ దానిని ఇతిహాసం అనలేం.

శ్రీకృష్ణార్జునయుధ్ధం చలన చిత్రం

ఎంతో జనాదరణ పొందిన ఈచలన చిత్రరాజాన్ని ఇంతవరకు నేను, దురదృష్టవశాత్తు చూడలేకపోయాను. అందువల్ల ఏమీ వ్రాయలేక పోతున్నాను. నా నమ్మకం: చిత్ర దర్శకులు కీర్తశేషులు శ్రీ కె.వి.రెడ్డి గారు నన్నయ గారి కథనాన్ని అనుసరించి ఉంటారు.అంటే ఇంద్రుడు, వశిష్ఠ వామదేవాది మునుల సమక్షంలోనే సుభద్రార్జునుల వివాహం జరిగి ఉండవచ్చు.

082 Won't people have any role in bifurcation of AP? విభజనలో రాష్ట్ర ప్రజలకు పాత్ర ఉండదా?

---

చర్చనీయాంశాలు: bifurcation, విభజన, బిజెపి, రాయలసీమ, నదీజలాలు, కడప, చిత్తూరు

కేంద్ర బిజెపి స్వభావం, ఉచ్చలగుంటల్లో చేపలు పట్టే తత్వం లాగా తయారు అయ్యింది. ఈసామెత అనాగరికం అనుకుంటే, అత్తగారూ మీకొంగు తొలగిందన్నా తప్పే, తొలగలేదన్నా తప్పే అన్నట్లుగా తయారు అయ్యింది.



లోక్ సభలో ప్రతిపక్ష నేత సుష్మా స్వరాజ్ ను చూడండి. ఆమె సీమాంధ్రలో విస్తృతంగా పర్యటించిన నేత కాదు. అసలు సీమాంధ్ర ప్రజలు అనేవాళ్ళు 5కోట్లమంది ఉన్నారో లేదు ఆమెకు తెలియదు. ఉండిరిపో వారి సమస్యలేమిటో ఆమెకు తెలియదు. పార్లమెంటు శీతాకాలం సమావేశాల్లోనే తెలంగాణ బిల్లును ప్రవేశపెట్టాలని ఆమె వెంట పడుతున్నది. నిజంగా కేంద్రం తెలంగాణా బిల్లును శీతాకాలం లోక్ సభ సమావేశాల్లో ప్రవేశ పెట్టినా, బిజెపి ఏదో ఒక అభ్యంతరాన్ని లేవదీస్తుంది. కాంగ్రెస్ ను ఏదో విధంగా దుయ్యబట్టి ఆపార్టీని గద్దె దించటమే వారి లక్ష్యం తప్ప న్యాయాన్యాయాల ప్రసక్తి లేదు.

అలాగని బిజేపి వారు తెలంగాణ బిల్లుకు వ్యతిరేకంగా వోటు వేయక పోవచ్చు. ఎందుకంటే, బిజెపి కేంద్రనేతల మెడ గొలుసు, సర్వశ్రీ కిషన్ రెడ్డి, విద్యాసాగర్ రావు, దత్తాత్రేయల చేతిలో ఉంది.

నదీజలాల వ్యవహారం

కెసిఆర్ రాయల తెలంగాణను అభ్యంతరం చెప్పటానికి రెండు ముఖ్యకారణాలను ఊహించ వచ్చు. 1. హైదరాబాదు పై పెత్తనాన్ని రాయలసీమ భూకులం నంబర్ 1 తో పంచుకోటం ఇష్టం లేకపోటం. 2. కెసీఆర్ కోరిక అయిన జూరాల నుండి కృష్ణా జలాలను మెదక్ కు, గోదావరి నది వరకు పంపింగ్ చేసుకోటానికి రాయలసీమ నేతలు అభ్యంతరం చెప్పవచ్చు. క్రింద శ్రీశైలం నుండి కడపకు, చిత్తూరుకు కృష్ణా జలాలను తరలించుకు వెళ్ళాలన్న రాయలసీమ నేతల కోరికకు కెసీఆర్ కోరికకు సంఘర్షణలు అనివార్యం.

జైపాల్ రెడ్డి గారు రాయల తెలంగాణను అభ్యంతరం చెప్పటానికి రెండు ముఖ్యకారణాలను ఊహించ వచ్చు. 1. సోనియా ముఖ్యమంత్రులను నిర్ణయించేటపుడు రాయలసీమ భూకులం నంబర్ 1 కి ప్రాధాన్యం ఇస్తున్న సంగతి మనకు తెలిసిందే. కిరణ్ కు ఆఅవకాశం ఇవ్వటం, కోట్లకు ఆఅవకాశాన్ని ఇవ్వచూపటం, మనకు దృష్టాంతాలు. 2.జైపాలుడికి స్వంత నల్గొండ, మహబూబ్ నగర్ జిల్లాల పై ఎంత ప్రేమ ఉందో మనకు తెలియదు. నల్గొండ దిగువ ప్రాంతాలవారికి కొంత సాగర్ నీటి రుచి తెలిసినా, ఎగువవారికి, మహబూబ్ నగర్ తూర్పు వారికి ఇంతవరకు ఆరుచి లభించలేదు. శ్రీశైలం ఎడమకాలం సొరంగం , లిఫ్ట్ ఇరిగేషన్ ప్రాజెక్టులు ఏడుస్తున్నాయి. రాయలతెలంగాణా ను నెత్తినేసుకుంటే, ఆయన నీటినీ కడపకు పంపించాల్సి ఉంటుంది. నల్గొండ, మహబూబ్ నగర్ వారికి న్యాయం చేయలేడు.

సహజన్యాయం

ఏనది నీళ్ళైనా ముందు ఆనది సమీప ప్రాంతాల వారి సాగునీటి, త్రాగు నీటి అవసరం తీర్చాలి. ఆ తరువాత, నదికి లంబంకాలువలద్వారా సుదూర ప్రాంతాలకు తరలించటం. అంటే, మొదటి శ్రేణి కాలువలు నదులకు సమాంతరంగానే ఉండాలి. లంబం కాలువలు ఎక్కువ దూరం వెళ్ళకూడదు. నదీజలాలను సుదూరం తీసుకు వెళ్తున్న కొద్దీ ఇంకుడు నష్టాలు, ఆవిరి నష్టాలు, ఎక్కువవుతాయి. ఇంతచేసినా ఆఖరు లో ఉన్నవాళ్ళకి నీళ్ళు అందవు. అంతేకాదు, కృష్ణాజలాలు పూర్తిగా వరదలపై ఆధార పడినవి. అంటే కర్నాటకలో వరదలు వస్తేకానీ అవి నిండవు.

నదీజలాలను ఎన్ని కిలో మీటర్ల వరకు లంబంగా తీసుకు వెళ్ళటానికి అనుమతించవచ్చు అనేదానిపై శాస్త్రీయమైన, సాంకేతిక అధ్యయనాలు జరగాలి. ఆ గరిష్ఠ దూరాన్ని (మాట వరసకు నాగార్జున సాగర్ నుండి లంబంగా 50కిలోమీటర్లు) ఆనదీజలాల పంపిణీ చట్టాల్లో పొందు పరచాలి. కెసీఆర్ ఒకటంటే, జైపాల్ మరొకటంటే, కోట్ల మూడోమాటంటే, దివాకర్ నాలుగో మాటంటే, నదీజలాలను కుక్కలు చింపిన విస్తరి లాగా పంచుకోలేరు కదా.

తెలుగుదేశం వ్యూహం

తెలుగుదేశం పార్టీ, కోస్తాంధ్ర భూకులం నంబర్ 1, మరియు చిత్తూరు జిల్లా భూకులం నంబర్ 2 వారి కుటుంబ నాయకత్వంలో ఉన్న విషయం పాఠకులకు తెలిసిందే. రాష్టంలోని రెండు ప్రముఖ తెలుగు దిన పత్రికలు కూడ తెలుగు దేశం నేతల ప్రభావానికి లోనైయున్న విషయం పాఠకులకు తెలిసినదే. అందరి సమష్ఠి కోరిక ఏమిటంటే, కర్నాటక ఆల్ మట్టీ వద్ద తమ వాటా నీటిని వాడుకోకుండా, మొత్తం నీటిని తొలకరి వానలు పడ్డ మొదటి పక్షంలోనే కృష్ణా డెల్టాకు విడుదల చేయాలి. కృష్ణాడెల్టాలో రెండు పంటలు పండగా నీరు మిగిలినా మిగిలక పోయినా, చేపల చెరువులు,రొయ్యల చెరువులు నిండాలి. ఎగువ ప్రాంతాలు ఎండి పోయినా తమకు అభ్యంతరం లేదు. ఈకోరిక తీరటంతో పాటు, చంద్రబాబునాయుడు గారి చిత్తూరు జిల్లాకు కూడ సాగునీరు వెళ్ళాలి. సమైక్యరాష్ట్రం అయితే ఇది తేలిక. టీడీపీ బ్రజేష్ ట్రిబ్యునల్ తీర్పుపై (కొంత అతిగా) స్పందించటం, ఈఆవేదనలో ఒక భాగమే. ఇది తప్పా రైటా అనే వ్యాల్యూ జడ్జిమెంటు వ్రాయటం నా పని కాదు. ఎందుకంటే, ప్రజా సమస్యలకు, ప్రాంతీయ సమస్యలకు ఎన్నో కోణాలు ఉంటాయి.

జూరాలనుండి గోదావరి వరకు, కృష్ణనీటిని తరలించటాన్ని కెసీఆర్ కల కనటం తప్పనలేం. తన స్వంత జిల్లా కడపకు కృష్ణనీటిని తరలించుకెళ్ళాలనే స్వర్గీయ రాజశేఖర రెడ్డి తపన తప్పన లేము . కానీ అవి నల్గొండ, మహబూబ్ నగర్, కర్నూల్, అనంతపురం లను మాడ్చకుండా జరగాలి. పోలవరం, దుమ్ముగూడెం, పులిచింతల, సాగర్ టెయిల్ పాండ్ వంటి రాజశేఖర రెడ్డి ప్రణాలికలు కృష్ణాడెల్టా వారికి గోదావరి నీటిని అలవాటు చేసి, శ్రీశైలంనుండి దిగువకి నీటిని పారకుండా చేయటానికే. నేను సూచించినట్లుగా శ్రీశైలం నుండి లంబంగా 50 లేక 100కిలో మీటర్లు వంటి పరిమితులను విధిస్తే ఈకోరిక ఎన్నటికి తీరదు.

రాజశేఖర్ రెడ్డి, చంద్రబాబు నాయుడు, కెసీఆర్, జయపాల్ లు, శకుని మామలకు ఏమాత్రం తీసిపోరు.

కడపకు, చిత్తూరుకి సాగునీటి ఉపాయాలు చెప్పండి

శ్రీశైలం నుండి కర్నాటక వదిలే వరదనీటితో కడప, చిత్తూరుల కడుపు నిండదు. కర్నాటక స్వార్థం, నీళ్ళన్నీ ఎండకి ఆవిరవటం, భూమివేడికి ఇంకి పోటం , కాలువల పూడికలు, డిజైన్ లోపాలు, ఇంజనీర్ల అవనీతి ఎన్నో కారణాలు.

సముద్రజలాల శుధ్ధే పరిష్కారం

నెల్లూరు, ప్రకాశం జిల్లాల తీరంలో, సముద్రజలాల శుధ్ధి కర్మాగారాలను నెలకొల్పుకొని శుధ్ధ జలాలను, విద్యుత్ ను ఏకకాలంలో ఉత్పత్తి చేసుకోవాలి. శుధ్ధిచేసిన జలాలను పెన్నానదిలోకి మళ్ళించి అక్కడనుండి ఎగువకు పంపు చేసుకోవాలి. అవసరాన్నిబట్టి, తూర్పునుండి పడమరకు నీటిని పంపు చేసుకోటానికి వీలుగా, అదనపు కాలువలను, పైపులైన్లను నిర్మించుకోవాలి.

ఇవన్నీ పగటి కలలు కావు. సాంకేతిక విప్లవం మనముందుకు తెచ్చిన అభివృధ్ధి ద్వారాలు. వినియోగించుకోవాలా, లేక తన్ను కోవాలా అనేది మన ఇష్టం.

సారాంశం

విభజన అనేది ప్రజల భాగస్వామ్యంలో జరగాల్సిందే తప్ప, ఢిల్లీలో కూర్చొని సోనియాగాంధి, సుష్మా స్వరాజ్ లు చేయాల్సింది కాదు. ఒక పది కంపెనీల సైన్యాన్నో, పెరామిలిటరీ దళాలనో రంగంలోకి దించితే జనాలను అణచి వేయవచ్చు అనుకోటం, ప్రమాదకరం. తాత్కాలికంగా జనం సద్దు మణిగి అణగి ఉన్నా, తగిన సమయంలో వారు పేట్రేగుతారు. ప్రజాస్వామ్యం ప్రజాభిమతానికి వ్యతిరేకంగా ప్రవర్తించటం కుదరదు.

విభజన విషయంలో తక్షణ తాత్కాలిక పరిష్కారం చెప్పండి.

కష్టం. అయినా ఈక్రింది ప్రతిపాదనను పరిశీలించ వచ్చు. తాత్కాలికం మాత్రమే.

హైదరాబాదును యూనియన్ టెరిటరీ (కేంద్ర పాలిత ప్రాంతం చేయటం). 10 జిల్లాల తెలంగాణాను ఇవ్వటం. నదీజలాల సమస్యను కేంద్ర అథారిటీల ద్వారా పరిష్కరించటం.

తాత్కాలిక సీమాంధ్ర తాత్కాలిక రాజధానిని విజయవాడ గన్నవరం విమానాశ్రయం చుట్టుపక్కల గల మూతబడ్డ ఇంజనీరింగ్ కాలేజీ భవనాలను వెతికి లీజుకు తీసుకొని వాటిలో నెలకొల్పటం, శాసనసభను, సచివాలయాన్ని అక్కడికి తరలించటం. రాష్ట్ర ప్రభుత్వం యొక్క ప్రతి కార్యాలయం శాఖను కర్నూలు లో నెలకొల్పి, విజయవాడకుప్రయాణాలను తగ్గించటం. శాసనసభ కొన్ని సమావేశాలను కర్నూలులో నిర్వహించటం. ఆర్ టీ సీని మూడు గా విభజించటం. విజయవాడ హైదరాబాదు బస్సులను తగ్గించటం. విజయవాడ అనంతపురం బస్సులను రాయలసీమ ఆర్టీసీకి అప్పగించటం.

తరువాత, సీమాంధ్రను ఎన్ని చిన్నరాష్ట్రాలు చేయాలి, వాటి రాజధానులు ఎక్కడుండాలి, అనే సమస్యలకు చర్చలద్వారా శాశ్వత పరిష్కారాలను వెతుక్కోటం. ముందు సీమాంధ్రులు కెసీఆర్-కోదండరాం-సోనియా-సుష్మా-కిషన్ రెడ్డి ల కుట్రల నుండి బయట పడాలి.

081 Were Aryans also as much obsessed about color of body as Europeans and Americans? శరీరం రంగుల పిచ్చి యూరోపియన్లకే , అమెరికన్లకే కాక ఆర్యులకి కూడా ఉండేదా?

We know that Europeans and North Americans are enamoured with body color, thinking that their body color being 'white' shows their racial superiority, although body color depends on presence of melanin which is black in color, In respect of those humans who lived in hotter regions of the world, this melanin content in skin will be high, whereas those who live in colder regions lose their melanin in skin, over evolution of their bodies in Centuries of Human History.

శరీరం రంగుల పిచ్చి యూరోపియన్లకి, అమెరికన్లకే కాక, ఆర్యులకి కూడ ఉండేదా?

వ్యాస భారతం, సంస్కృతం, శాంతి పర్వం, 181వ ఆధ్యాయం (ప్రతిని బట్టి స్వల్పంగా నంబర్ మారచ్చు), 5వ శ్లోకం.

--Santi Parva 181 005 (bhrigu explained to bharadvAja):
brahmaNAnAm sito varNah kshatriyANAm tu lohitah-
vaiSyAnAm pItako varNah SUdrANAm asitas tathA

brahmins white color. kshatriyas red color. vaisyas yellow color. sUdras black color.

బ్రాహ్మణానాం సితో వర్ణః
క్షత్రియాణాం లోహితః
వైశ్యానాం పీతకో
శూద్రానాం అసితస్ తథా.

శ్లోకసారం: బ్రాహ్మణులది తెలుపు రంగు. క్షత్రియులది ఎరుపు రంగు. వైశ్యులది పసుపు రంగు. శూద్రులది నలుపు రంగు.

మహా భారతంలో సందర్భం: మహాభారత మహా సంగ్రామం అయి పోయింది. అంతా పోయారు. ఇప్పుడు యుథిష్ఠిరుడికి కిల్బిషం భయం (పాపం అనే మకిల భీతి) అంటుకుంది. భీష్మ పితామహుడు ఇంకా అంపశయ్య పై పండుకునే ఉన్నాడు. యుధిష్ఠిరుడు ఆయన దగ్గరే కూర్చుని ఆయన బోధించిన నీతులు ఓపికగా విన్నాడు. శాంతి పర్వం చాలా సుదీర్ఘమైనది. కొన్ని వందల ఆథ్యాయాలతో ఒక్కసారి చదవగలగటమే గగనం. నీతులన్నీ నిజంగా భీష్ముడే చెప్పాడో, ఆయన పేరుతో పురాణ బోధక పండాలు దానిలోకి చొప్పించారో కానీ, ఆనీతులన్నీ దండకారణ్యం లాగా దుర్భేద్యంగా అల్లిబిల్లిగా అల్లుకొని ఉన్నాయి. తిక్కన ఆ శాంతి పర్వాన్ని ఎంతో ఓపికగా అనువదించాడు, అందులో ఛందో బధ్ధంగా పద్యాల్లో చెప్పాడు, అంటే ఎంతో గొప్ప తపశ్శీలి, మహా శక్తిశాలి అయితే తప్ప అసాథ్యం.

తిక్కన తన ఆరాథ్య దైవమైన హరిహరనాధుడి ఆజ్ఞమేరకు మహాభారతాన్ని తెనిగిస్తున్నట్లు చెప్పుకున్నాడు.

మహాభారతం, భీష్మ పర్వంలో నిక్షిప్తమై 700 శ్లోకాలతో నిండి ఉన్న భగవద్ గీతను 70 పద్యాలకు కుదించిన సంగతి విదితమే.

తిక్కన శాంతి పర్వాన్ని కూడ బాగానే కుదించాడు. వావిళ్ళ వారి 1915 ప్రచురణలో 295 పేజీలు వచ్చింది. అహో!

పైశ్లోకాన్ని ఎలా అనువదించాడో చూద్దాం.

భారద్వాజ ముని ప్రశ్నలకు భృగు మహర్షి ఇచ్చిన జవాబులుగా ,భీష్ముడు ధర్మరాజుకి బోధించాడు.

శాంతిపర్వం, చతుర్ధాశ్వాసం, 97వ పద్యం. సీసపద్యం.

ఆగమ సత్య ధర్మాచార తపముల
    కునికిపట్టుకాగ వనజభవుడు
కలిగించె మును బ్రాహ్మణుల మఱి కల్పించె
   నృప వైశ్య శూద్రుల నిర్మలాత్మ
బ్రాహ్మణాదికముగఁ బరగు నన్నాలుగు
   జాతుల యుజ్జ్వల ఛాయ లోలి
సొంపారు తెలుపునుఁ గెంపును బసపుచా
   యయుఁ గప్పునయ్యు నండ్రార్య వర్యు

ఆటవెలది పద్యం.
లాత్మ కర్మ మెడలి యనులోమ వృత్తి నె
జ్జాతి సొచ్చు నన్యజాతి పనికి
దానికట్టి భంగి దలకొనుఁ బెక్కులు
పనులఁ జేసి జారతనము వచ్చు.

98వ పద్యం. కందం.
సిత రక్త పీత నీలము,
లతులమతీ మొదలు తొడఁగి యంతంతకు హీ
నత దాల్చుగాన యెఱిగిం
చితి నీ పరిపాటి కర్మశీలత కొరకున్.

సితం= తెలుపు. రక్త = ఎరుపు. పీత = పసుపు. నీలము = బ్లూ లేక బహుశా నలుపు (శ్యామ వర్ణం). వ్యాసుడు అసితం అనేశాడు.

వైబీరావు గాడిద వ్యాఖ్య.

97వ పద్యం లో ఉన్న ఆటవెలది మొదటి లైను లోని, అనులోమ వృత్తి కి వివరణ

ఎక్కువ కులం గల పురుషుడు, తక్కువ కులంగల స్త్రీలను పెళ్ళాడటం, అనులోమం. బ్రాహ్మణుడు క్షత్రియ, వైశ్య, శూద్ర కన్యలను,
క్షత్రియుడు వైశ్య శూద్ర కన్యలను,
వైశ్యుడు శూద్ర కన్యలను,
వివాహ మాడే సౌకర్యం అనులోమం.

97వ పద్యం మరియు 98వ పద్యాల సారాన్ని మనం కలిపినపుడు, ఈ అర్ధం తీయచ్చేమో: ఎక్కువ కులంగల పురుషులు అనులోమం ద్వారా తక్కువ కులం గల స్త్రీల ద్వారా పిల్లలను కన్నప్పుడు, 1. జార తనం పెరుగుతుంది. 2. రంగు దిగజారి పోతుంది.

నోట్: విలోమం ఆకాలంలో అనుమతించలేదు కాబట్టి ఇక్కడ ప్రస్తావించినట్లు కనపడదు. విలోమం అంటే, తక్కువ కులం గల పురుషుడు, ఎక్కువ కులంగల స్త్రీని వివాహం చేసుకోటం, విలోమం. అనుమతించక పోటానికి ముఖ్యకా రణం మానవ స్వార్ధ ప్రకృతియే. తాము తక్కువ కులంగల స్త్రీలను స్వేఛ్చగా అనుభవించాలి. కానీ తమ స్త్రీలను (చెల్లెళ్ళను, కూతుళ్ళను మొ||) తక్కువకులంగలవాళ్ళు ఆకర్షించకూడదు.

21వ శతాబ్దపు భారత దేశంలో , పాకిస్థాన్ లో , నేడు జరుగుతున్న పరువు కోసం హత్యలు (honor killings) ఇంచుమించు ఇటువంటి మనస్తత్వాన్నే సూచిస్తున్నాయి.

తిక్కన వ్యాసుడి మూలాన్ని మార్చాలని నేను కోరటం లేదు. ఎలాగో భగవద్గీత 700 శ్లోకాలను కత్తిరించే ధైర్యం చేశాడు కాబట్టి, ఇక్కడ కూడ చిన్న వివరణ పద్యం ఒక కందాన్ని జత చేస్తే బాగుండేదేమో అనిపిస్తుంది. అయితే తిక్కనకాలపు 13వ శతాబ్దపు సామాజిక పరిస్థితులు ఎలా ఉండేవో మనకు తెలియదు కాబట్టి, ఈవ్యాఖ్య కూడ న్యాయంకాదు. పైగా హరిహరనాధుడి ఆజ్ఞ మేరకు వ్రాస్తున్నాడు కదా, ఈరంగుల గోలను వ్యాసుడు వ్రాసి ఉండడు, తరువాత వారెవరో జోడించి ఉంటారు, అనేభావంతో ఎత్తిసినా బాగుండేదేమో. గ్రంధంయొక్క నిడివి కూడ తగ్గేది.

---

వైబీరావు గాడిద రెండవ వ్యాఖ్య

పలువురు చరిత్రకారులు అంగీకరించిన దేమిటంటే, ఆర్యులు మధ్య ఆసియానుండి వచ్చారు. లోకమాన్య బాలగంగాధర తిలక్ గారు ఆర్యులు ధ్రువ ప్రాంతాలనుండి వచ్చినట్లు అభిప్రాయపడినట్లు నాకు గుర్తు. నా మిత్రులు కొందరితో నేను ఈవిషయాన్ని ప్రస్తావించినపుడు, వారు, ఆర్య సంస్కృతి భారతీయులు స్వంతం. ఇక్కడనుండి విదేశాలకు వ్యాపించింది. వారికి గోచీ పెట్టుకోటం రానపుడు మనం వారికి గోచీ పెట్టుకోటం నేర్పాం అన్నారు. నాకు సరియైన సాక్ష్యాలు దొరకక నోరు మూసుకొని ఊరుకున్నాను.

శరీరం రంగుల పిచ్చి (racialism) యూరోపియన్లకు, అమెరికన్లకు ఎక్కువ అనే అభిప్రాయం సర్వత్రా ఆమోదం పొందింది.

మనం వ్యాస భారత శ్లోకం లోను,తిక్కన పద్యం లోనూ, ఏమి గమనించాం? ఆర్యులకు కూడ శరీరం రంగుల పిచ్చి ఉండటమేకాక, ఆరంగులను ఇష్టం వచ్చినట్లుగా కులాలకు అంటగట్టటం చూశాం. ఆర్యులు ఉత్తర యూరప్ నుండి వచ్చారు అనే విషయాన్ని మనం అంగీకరించ గలిగితే, వారికి ఉన్న రంగుల పిచ్చి దిగుమతి చేసుకున్నట్లు అవుతుంది. లేదూ, ఆర్యులు స్వదేశీయులే. విదేశీయులకు గోచీ పెట్టుకోటం నేర్పారు అనుకుంటే, ఈ రంగుల పిచ్చిని కూడ మనం విదేశాలకు ఎగుమతి చేశాం అని అంగీకరించ వలసి వస్తుంది.

రంగుల పిచ్చి ఎగుమతి వస్తువా, దిగుమతి వస్తువా అని నిర్ణయించుకునే స్వేఛ్ఛ భారతీయులకు ఉంది. కాబట్టి వారే నిర్ణయించుకుందురు గాక!

080 Danger to RAyalasIma in Royal TelangANa రాయల తెలంగాణలో రాయల సీమకు పొంచి ఉన్న ప్రమాదం

---

చర్చాంశాలు: రాయలసీమ, విభజన, bifurcation


పత్రికల్లో వచ్చిన నేటి (2-12-2013) వార్తలబట్టి చూస్తుంటే, కొద్దిమంది రాయలసీమ నేతలు, తమ స్వంత ఎజెండాలో భాగంగా, రాయలసీమ లోని రెండు జిల్లాలను తెలంగాణలో కలిపించుకోటంలో కృతకృత్యులైనట్లు కనిపిస్తుంది. ఉపముఖ్యమంత్రి దామోదర్ తాను ఒప్పుకోలేదని స్పష్టంగా చెప్పగా, కొందరు తెలంగాణ నేతలకు ఆసక్తి ఉన్నట్లు కనిపిస్తుంది.

ఆంధ్రజ్యోతి వ్రాసిన ప్రకారం చూస్తుంటే, రాయలసీమ రెడ్డి సామాజిక వర్గ నేతలు, తెలంగాణ రెడ్డి సామాజిక వర్గ నేతలు ఏకమై తమ అధికారాన్ని స్థిర పరుచుకోటానికి ప్రయత్నిస్తున్నట్లు తోస్తుంది.

తెరాస నేతలు, టీజాక్ నేతలు, హైదరాబాద్ పై తమ పెత్తనం కొరకు ఆవుర్ ఆవుర్ మంటుంటే, వార్ రాయలసీమ భూకులం నంబర్ 1 వారి పెత్తనాన్ని అంగీకరిస్తారని ఆశించటం వృధా. ఫలితంగా విభజన తరువాత కూడా, హైదరాబాదులో కుమ్ములాటలు తప్పవు. కెసీఆర్ కెటీఆర్ హరీష్ కవిత లు పెట్టే పొగకు తట్టుకోలేక, రాయలసీమ ప్రజలు తిరిగి బయట పడటానికి ప్రయత్నించ వలసి వస్తుంది. లేదా రాయలసీమ నేతలను బయటకి పంపటానికి కేసీఆర్ కొత్త వ్యూహాల వెతుక్కోవలసి వస్తుంది.

రాయలసీమ స్వతంత్ర రాష్ట్రంగా అవతరించటమే మేలు. గుంతకల్లు - ద్రోణాచలం మధ్యప్రదేశాన్ని రాజధానిగ్ పెట్టుకొని, రాయలసీమ నాలుగు జిల్లాల సరిహద్దు ప్రదేశాలను పారిశ్రామికంగా వృధ్ధి చేసుకొని, ఉపాధి అవకాశాలను పెంచుకుంటే, రాయలసీమ ప్రజలు సుఖంగా జీవించ వచ్చు. బంగారు పంజరంలో బంధించబడిన చిలుకలాగా జీడి పప్పు కొరకు ఆశపడేకన్నా , స్వతంత్ర విహంగాల్లా రాగులు, సజ్జలపై బ్రతకటం మేలు. రాజధానిని షెడ్ లలో ఏర్పాటు చేసుకున్నా రోజులు గడిచి పోతాయి. అవి మనకొరకు ఆగవు.

కెసీఆర్ కృష్ణనీటిని రాయలసీమకు ధారా దత్తం చేస్తాడని రాయలసీమ నేతలు, ప్రజలు ఆశిస్తే అంతకన్నా అవివేకం ఇంకోటి ఉండదు. స్వతంత్ర రాష్ట్రంగా ఉంటే, కనీసం ట్రిబ్యునళ్ళను, సుప్రీంకోర్టును ఆశ్రయించవచ్చు.

079 Purifying water of Bay of Bengal is the only solution సముద్ర జలాలను శుధ్ధి చేయటమే మార్గం

చర్చాంశాలు: వ్యవసాయం, విద్యుత్ , న్యాయం

---

ఈరోజు వార్తల్లో అతిముఖ్యమైనది కృష్ణా జలాల పంపకంపై బ్రిజేష్ ట్రిబ్యునల్ తీర్పు. రాష్ట్రంపెట్టుకున్న ఆశలన్నీ అడియాసలైనాయి అన్నమాట నిజమే. రాష్ట్రప్రభుత్వం ఎలాగో సుప్రీం కోర్టుకు వెళ్తుంది. మరల కొన్ని నెలలు లేక కొన్నేళ్ళు మనం ఊపిరి బిగపట్టుకొని ఎదురు చూడాలి. అది గంటకు లక్షల్లో ఫీజులు తీసుకునే సుప్రీంకోర్టు న్యాయవాదులు , సూటూబూటూ వేసుకునే న్యాయమూర్తులూ తేల్చాల్సిన విషయం. ఇప్పుడు మనం ఇక్కడ ఆపంపకంలో వాటాలను చర్చించి ప్రయోజనం లేదు.

ముఖ్యకారణం

ట్రిబ్యునళ్ళు, కోర్టులు, ఎన్ని పంపకాలు చేసినా, ఎన్ని తీర్పులు ఇచ్చినా, ఎగువరాష్ట్రాలు, అతిస్వార్ధంతో అన్ని తీర్పులను బండకేసి కొట్తే ఆపగలవాళ్ళవరూ లేరు. తీర్పులను అమలు చేయాలి, దిగువరాష్ట్రాలకు న్యాయం చేయాలి అనే కోరిక, అమలుచేసే శక్తి కేంద్రానికి లేనంతకాలం, మొత్తం ఊకదంపుడు గానే మిగులుతుంది. భారీ వరదలు వచ్చినప్పడే జూరాలకు నీళ్ళు వస్తాయి. తెలంగాణ ప్రజలు ఆవురు ఆవురు అంటూ ఉంటారు కాబట్టి జూరాల సమీప లిఫ్ట్ ఇరిగేషన్ పథకాలు , కొంతమేరకు శ్రీశైలం ఎడమకుడి కాలువలు వాటిని వాడేసుకుంటాయి.

విజయవాడపై ఆంగ్లేయులు బ్యారేజీ నిర్మించిన కాలంలో , తరువాత మనం నాగార్జునసాగర్ నిర్మించుకున్నకాలంలో ఎగువలో నీటి వినియోగం లేదు. కర్నాటకలోని పీఠభూమి ప్రాంతాలు, తెలంగాణలోని పీఠభూమి ప్రాంతాలు బాగా ఎత్తులో ఉండి, నది పల్లంలో ప్రవహించటం వల్ల అక్కడ నీటి పారుదల ప్రాజెక్టులను నిర్మించటం సాధ్యం కాలేదు. ఇప్పుడు సాంకేతికతి బాగా అభివృధ్ధి చెందింది. ఎన్ని కోట్ల లీటర్ల నీటినైనా తోడిపోసే మోటార్లు వచ్చాయి. ఎన్నికిలోమీటర్ల సొరంగాలనైనా త్రవ్వి తీసే డ్రిల్లింగ్ యంత్రాలు వచ్చాయి. నీళ్ళు దిగువకు పొర్లిపోతూ ఉంటే, తమపొలాలు ఎండి పోతూ ఉంటే ఏరైతు చూస్తూ ఊరుకుంటాడు? అంతదూరం ఎందుకు, మనసాగర్ కెనాల్ సమీప రైతులు, కృష్ణా డెల్టాకాలువల రైతులు, రాత్రిపూట కాలువలకు మోటార్లు పెట్టి నీళ్ళు తోడుకొని ఎంతదూరమైనా నీటిని తీసుకువెళ్ళి అవసరానికి మించి తమ మాగాణీలను ముంచెత్తరా? లస్కర్లకూ, ఇంజనీర్లకు లంచాలు ఇస్తే వారే దారులు చెప్పరా? కాలువల టెయిల్ ఎండ్ లో ఉన్న గ్రామాల రైతుల గోడు ఎవరైనా ఆలకిస్తున్నారా?

వీటన్నిటినీ దృష్టిలో ఉంచుకొని సీమాంధ్ర ప్రజలు కృష్ణాజలాలపై ఆశలు వదలుకోటమే మేలు. అలాగని ఏడుస్తూ కూర్చోనవసరం లేదు. సాంకేతికత మనకు దారి చూపిస్తుంది. కొద్ది రోజుల క్రితం గల్ఫ్ దేశమైన యునైటెడ్ అరబ్ ఎమిరేట్స్ డుబాయ్ లో జరిగింది. రోజుకు 20 మిలియన్ లీటర్ల సముద్ర జలాలను శుధ్ధం చేయటం, 20 మెగావాట్ల విద్యుత్ ను ఉత్పత్తి చేయటం, సాకారం చేసుకున్నారు. ఇది ఏమాత్రం కాలష్యం, పూడికలు, పర్యావరణం సమస్యలు లేకుండా. ఈసముద్రజల శుధ్ధి కర్మాగారం సూర్యశక్తితో నడుస్తుంది. మనకు సూర్యశక్తికూడా కరువు లేదు. ముఖ్యంగా ఎండా కాలంలో అహో! అద్భుతం.

అదృష్ట వశాత్తు, సీమాంధ్రకు అద్భుతమైన తీరరేఖ ఉన్నది. ఎంత తోడుకున్నా తరగని బంగాళాఖాతం జలాలున్నాయి. శుధ్ధి చేసుకొని, సాగునీటిని , త్రాగునీటిని సమకూర్చుకోవచ్చు. విద్యుత్ ను కొన్న వేల మెగావాట్లు ఉత్పత్తి చేసుకోవచ్చు. సీమాంధ్ర ప్రజలు, యువకులు, వృధ్ధులూ కూడ ఎంతో శ్రమ పడే తత్వం కలవారు. అందుచేత అతిగా చింతించన్ పనిలేదు.

078 హోమియో మందులు వాడటం, తాయత్తులు కట్టుకోటం,ఒకటేనా? Are using homoeo medicines and wearing talismans equal?

There will be no difference between using Homoeo medicines and having wearing a talisman (amulet, charm, fetish, talisman, juju, periapt ) around neck. Reason: Homeo medicines contain nothing but alcohol and sugar globules. Not correct to say that alcohol and sugar pills will activate body's inherent powers of immunity. Not to correct to say diluting something excessively will create/increase potencies. There is no such thing as a potency being created. Often, when the body's immunity mechanism works on its own, we get cured whether we use medicines or not. These cures should not be confused, as cures resulting from consuming Homoeo medicines.

హోమియో మందులు వాడటం, తాయత్తులు కట్టుకోటం,ఒకటేనా? దీనికి జవాబు, ప్రస్తుతం లభిస్తున్న సాక్ష్యాలను బట్టి 99 కరక్టే అనుకోవాలి. Can we consider that use of Homeo medicines and wearing of Amulets is same or similar? Answer for this, as per the available evidneces is 99% yes.
How far Homeo medicines are scientific? హోమియో మందులు ఎందుకు అశాస్త్రీయం?


The Theoretical and Practical Weakness of Homoeopathic Medical System is, homoeopathic medicines do not contain any medical substances except alcohol, milk sugar or sugar.

హోమియో మందుల్లో ప్రధానంగా ఉన్న సైధ్ధాంతిక లోపం ఏమిటంటే, వాటిల్లో ఔషధం ఉండదు. హోమియో సిధ్ధాంతం, ఔషధాలను అతిపల్చన చేయటం పై ఆధారపడింది. ముడి ఔషధంలో, విపరీతంగా ఆల్కాహాల్ (సారాయి)ని కలిపి టించర్లను తయారు చేస్తారు. పౌడర్ల విషయంలో నయితే, ముడి ఔషధంలో, పాలపంచదారను కలిపి తయారు చేస్తారు.
Question: Give an example for excess dilution of tinctures? ప్రశ్న: టింక్చర్లను అతిగా పల్చన చేయటానికి ఒక ఉదాహరణ ఇవ్వండి.
Answer జవాబు:

హోమియో సమర్ధకులు పొటెన్సీలు =శక్తి పెంచబడినవి, పొటెన్సైజ్ చేయటం= శక్తిపెంచటంగా అనే పదాలను వాడతారు.

ఎక్స్ అనే పొటెన్సికి అర్ధం, 10 రెట్లుకు లేక పదవ వంతుకు పల్చన చేయబడింది అని అర్ధం. మనకి హోమియోలో 3X, 6X, 12X వంటి పదాలను వాడతారు.

C సీ అనే పొటెన్సికి అర్ధం, 100రెట్లుకు లేక వందవ వంతుకు పల్చన చేయబడింది అని అర్ధం.

ప్రయోగం:
ఒక బీకర్ లో , 1 గ్రాం ఉప్పు (నేట్రంమూర్) తీసుకోవాలి. 9 గ్రాములు ఆల్కాహాల్ ను కలపాలి. హానిమాన్ గారు చెప్పినన్ని సార్లు మాత్రమే ఆ మిశ్రమాన్ని కుదపాలి. ఎక్కువ కుదపకూడదు, తక్కువ కుదప కూడదు. కుదపటానికి ఆంగ్లం: succussion = shake.

పొడులకు: 1 గ్రాం ఉప్పు (నేట్రంమూర్) తీసుకోవాలి. 9గ్రాములు పాలపంచదారను కలపాలి. హానిమాన్ గారు చెప్పినన్ని సార్లు మాత్రమే ఆ మిశ్రమాన్ని నూరాలి. ఎక్కువ నూరకూడదు. తక్కువ నూరకూడదు. నూరటానికి ఆంగ్లం: trituration = grind, pound.

ఇలా నూరగా వచ్చిన మిశ్రమంలో పదో వంతు తీస్తే అది 1X పొటెన్సీ అవుతుంది.

ఇప్పుడు ఈపదోవంతుకు అంటే .10 gram ఉప్పు ఉండే అవకాశం ఉన్న ఈ ఒక గ్రాము మిశ్రమానికి 9గ్రాములు పాలపంచదారను లేక సారాయిని కలపాలి. మళ్ళీ నూరుడు లేక కుదుపుడు. ఇపుడు వచ్చే 10 గ్రాములు మిశ్రమంలో నుండి ఒక గ్రామును బయటికి తీయాలి.
ఈ ఒక్క గ్రాములో .01 గ్రాము నేట్రంమూర్ ఉంటుంది. ఇది 2X పొటెన్సీ.
ఇంకోసారి చేయండి. .001 గ్రాము నేట్రంమూర్ ఉంటుంది. అంటే ఒక మిల్లిగ్రాము. ఇది ౩ X పొటెన్సీ.
ఇలా 12X పొటెన్సీ రావాలంటే 12సార్లు చేయాలి.
బెల్డోనా 200 వివరించండి


జవాబు:

100వ వంతుకు పల్చన చేయటం 1C అవుతుంది. 10000వ వంతుకు పల్చన చేయటం 2C అవుతుంది. పది లక్షలోవంతుకు లేక మిలియనోవంతుకు పల్చన చేయటం 3C అవుతుంది. 200C పొటెన్సీ రావాలంటే 200 సార్లు చేయాలి. కాలగమనంలో C పొటేన్సీలకు చివర్లో C తగిలించటం మానేసి వట్టి నంబర్లతో వ్యవహరించటం వచ్చింది. బెల్డోనా 200 అంటే, బెల్డోనా 200C, అంటే ప్రతిసారీ 100వ వంతు చొప్పున పల్చన చేయబడింది అని అర్థం చేసుకోవాలి.
దానిలో మందు ఉంటుందా?
జవాబు:

మీరే ఊహించండి. ఒక జీడి పప్పు పలుకును మెత్తగా నూరి దానిని ఒక గంగాళం పాయసంలో కలపామనుకోండి. దానికి జీడిపప్పు పాయసం అని పేరు పెట్టాం అనుకోండి. సాంకేతికంగా అది జీడిపప్పు పాయసమే కావచ్చు. ఆగంగాళం జీడిపప్పు పాయసాన్ని ఒక వెయ్యి మంది అతిథులకు వడ్డించామనుకోండి. ఆజీడిపప్పు నలకలు వచ్చిన వాళ్ళు అదృష్టవంతులు. అదే పధ్ధతిలో బెల్లెడోనా నలక వచ్చిన హోమియో పేషెంట్లను ఊహించండి.
ఆ నలుసు వచ్చిన పేషెంటుకు వ్యాధి తగ్గుతుందా?
జవాబు:

ఏమందు శరీరంపై తన ప్రభావం చూపాలంటే, కనీస పరిమాణం మందు అవసరం లేదా? మందు కనీస కనిష్ఠ పరిమాణంలో లేకపోతే (ఉదా: 50 మిల్లీగ్రాములు) లేకపోతే అది ఎలా పని చేస్తుంది. గరిష్ఠ మోతాదులో (బాగా ఎక్కువగా) ఉంటే, సైడ్ ఇఫెక్ట్స్ ఉంటాయి అనేది నిజమైతే, కనీస మందులేకపోతే అది దేహంపై ప్రభావంచూప లేదు అనేది కూడ నిజం కావాలి.
హోమియో అణుశక్తిలాగా పనిచేస్తుంది. అణువు ఎంతసూక్ష్మ పరిమాణంలో ఉండి అపరిమితమైన శక్తిని ఉత్పత్తి చేసినట్లుగానే, పొటెన్సీలు సూక్ష్మ పరిమాణంలో ఉండి అపరిమితమైన శక్తిని ఉత్పత్తి చేస్తాయి అనచ్చు కదా?
జవాబు:

చూడండి సార్: పరమాణు విఛ్ఛేదానికి (fission) వేలకోట్లరూపాయలు ఖరీదు చేసే అణు రియాక్టర్లు కావాలి. మనం అణు పరిజ్ఞానాన్ని అమెరికానుండి, రష్యానుండి కొంటున్నాం. fusion పరామాణు సంయోగం ఇంకా కష్టం. అంత సంక్లిష్టమైనదాన్ని కేవలం హానీమాన్ గారు చెప్పినన్ని సార్లు కుదిపి లేక నూరి ఎలా సాధించటం.

ఎన్నిసార్లు కుదపాలి లేక నూరాలి అన్నదాని విషయంలో హానీమాన్ గారి వ్రాతను ఒకసారి చూద్దామా?

Materia Medica Pura (1827) p46 ....... we must act with moderation in order to avoid increasing the powers of the medicines to an undue extent by such trituration. A drop of Drosera in the 30th dilution succussed with 20 stokes of the arm at each dilution, given as a dose to a child suffering from whooping-cough, endangers life, whereas, if the dilution phials are succussed only twice, a globule the size of a poppy seed moistened with the last dilution cures it readily.

హానీమాన్ గారి మెటీరియా మెడికా ప్యూరా (1827 సంవత్సరం) p46వ పేజీ. సుమారు తెలుగు అనువాదం: ...నూరటం అతిగా చేసి మందుల యొక్క శక్తిని మనం అపరిమితంగా పెంచటంనుండి తప్పించుకోవాలి. అంటే మనం మితంగానే వ్యవహరించాలి (వివరణ: మితంగా నూరాలి లేక కుదపాలి). 30సార్లు చేసిన పల్చనల్లో, ప్రతిసారీ 20సార్లు కుదిపి తయారు చేసిన మందును కోరింత దగ్గుతో బాధ పడుతున్న ఒక శిశువుకి ఇస్తే ఆశిశువుకి ప్రాణాపాయం కలిగిస్తుంది. అదే 2 సార్లు మాత్రమే కుదిపితే, ఆ ద్రావణంతో చల్లిన గసగసం గింజ సైజు కలిగిన ఒక పంచదార గుండు ఆ జబ్బును వెంటనే నయం చేస్తుంది.

వైబీరావు గాడిద వ్యాఖ్య:
రెండు సార్లు కుదిపితే వ్యాధి నయం కావటమేమిటి, ఇరవయి సార్లు కుదిపితే శిశువు మరణించటం ఏమిటి? హోమియో మందులు తయారు చేసే ఫార్మసిస్టులు లేక కుదుపుడు యంత్రాలు ఎన్నిసార్లు కుదుపుతున్నారు లేక కుదుపుతున్నాయి ఎవరు పర్యవేక్షిస్తారు? బోడిగుండుకు బట్టతలకు ముడి పెట్టినట్లుగా, కుదుపుడు సంఖ్యకు పిల్లవాడి మరణానికి సంబంధం అంటగట్టటం సాధ్యమా?

ఎన్నిసార్లు కుదిపారో కుదుపలేదో మనకెందుకు? మందు ఉంటే మనకెందుకు, లేకపోతే మనకెందుకు? వ్యాధులు నయమౌతున్నాయా లేదా?
జవాబు:

అందుకే తాయిత్తుతో పోల్చింది. తాయిత్తులో ఏముందో మనకెందుకు? ఒక వందరూపాయలు పారేస్తే మాంత్రికులు తాయిత్తు ఇస్తారు. అది కట్టుకున్న వాళ్ళకీ ఎంతో కొంత శాతం మందికి వ్యాధులు తగ్గుతున్నాయి. ఎవరికి తగ్గకపోతే ఫకీర్ల దగ్గరకు ఎవరు వెళ్తారు?

దీనికి జవాబు: శరీరంలో సహజరోగనిరోధక శక్తి, తెల్ల రక్త కణాలు ఉంటాయి. మనం మందు వాడినా, వాడకున్నా, హోమియోలో మందు ఉన్నా లేకున్నా, తాయిత్తుల్లో మందు ఉన్నా లేకున్నా , రోగాలు ఎంతో కొంత తగ్గుతాయి. ఆసహజ శరీర రోగ నిరోధక శక్తితో వచ్చే సత్ఫలితాలను మనం ఇంగ్లీషు మందులకు, ఆయుర్వేదం మందులకు, హోమియో మందులకు, తాయిత్తులకు, సువార్తాకూటాల ప్రార్ధనలకూ ఎలా ఆపాదించగలం? కార్య, కారణ, ఫలిత సంబంధాలను ఆపాదించాలంటే, బలమైన సంబంధం ఉండాలి. ఇంగ్లీషు మందులు, ఆయుర్వేదం మందులు విషయంలో, ఎంతో కొంత ఔషధ పదార్ధం ఉంటుంది కాబట్టి ప్రాథమిక దశలోనే వాటిని త్రోసి పారెయ్యలేము. హోమియోలో అతిపల్చన వల్ల మందు ఉండదు కాబట్టి , ఆ benefit of doubtని ఇవ్వలేం. అసలు ఏ మందు తీసుకోకపోతే, ఎంత రోగనిరోధకశక్తి ఉంటుందో, హోమియో మందులు తీసుకున్నా అంతే ఉంటుంది, తప్ప ఎక్కువ ఉండదు.
ప్రశ్న: హోమియో మందులు రోగనిరోథక శక్తిని ప్రేరేపిస్తాయంటారు

ఋజువులేవి? కేవలం సారాయి (అది కూడ కొద్ది బొట్లే), పంచదార గుళ్లకి ఆశక్తి అసాధ్యం.
ప్రశ్న: హోమియో మందులు కొత్త రోగాలను పుట్టించవు కదా?

పంచదార, స్వల్ప సారాయి తప్ప అందులో ఇంకేమన్నా ఉంటే కదా సైడ్ ఇఫెక్ట్స్ రావటానికి. ఇంగ్లీషు మందులు, ఆయుర్వేదం మందులల్లో ఎంతో కొంత మందు ఉంటుంది కాబట్టి సైడ్ ఇఫెక్ట్స్ వచ్చే అవకాశం ఉంది.
ప్రశ్న: హోమియో మందులు నెమ్మదిగా పనిచేస్తాయంటారు

పనిచేసేది హోమియో కాదు. పనిచేసేది శరీర రోగ నిరోధక శక్తి. ఇది కొందరిలో వేగంగ మరి కొందరిలో నెమ్మదిగా నిద్రలేస్తుంది. శరీర రోగ నిరోధక శక్తి మేలుకొని పనిచేయటానికి జూలు విదిలించు కుంటున్న సమయంలో, మనం హోమియో మందు వేసుకోటానే రోగం తగ్గింది అనుకుంటాం. దీన్నే కాకతాళీయం అంటారు. ఒకకాకి ఒకతాటి చెట్టు మీదవాలింది. అదే సమయానికి ఆచెట్టుపై బాగా పండి రాలటానికి సిధ్ధంగా ఉన్న ఒకతాటిపండు, రాలి కింద పడింది. కాకి అనుకుంది కదా, తన శక్తికే బలానికే, తాటిపండు రాలింది అనుకుని మీసం మలేస్తుంది. ఈవిమర్శ ఇతరవైద్యవిధానాలకు, రెకీ వంటి ప్రార్ధనా పద్ధతులకీ వర్తిస్తుంది.

Film stars, taking the incarnation of brand ambassadors, and recommending Corporate Hospitals, how far is it justifiable? You can read this in my blog post No. 249.

फिल्म स्टार्स, ब्रांड रायबारी बन कर, कार्पॊरेट दवाखानाओं को सिफारस करना कहा तक समर्धनीय होता? इस को आप ब्लाग पोस्टं नं. २४९ में पढ सकते।

సినీనటులు బ్రాండ్ ఎంబాసెడర్ అవతారం ఎత్తి, కొన్నికోట్లు ప్రతిఫలం తీసుకొని, కార్పొరేట్ హాస్పిటళ్ళను సిఫార్సు చేయటం ఎంతవరకు సమంజసం? దీనిని మీరు బ్లాగ్ పోస్ట్ నం. ౨౪౯ లో చదవగలరు.

http://problemsoftelugus.blogspot.com/search/label/249

 (ఈవ్యాసం అసంపూర్ణం. త్వరలో పూర్తి చేస్తాను. ఈలోగా పాఠకులనుండి ప్రశ్నలను ఆహ్వానిస్తున్నాను. తిట్టినా ఫరవాలేదు. అందుకే కదా, గాడిద అని చివరలో తగిలించుకున్నది.)

077 Is Union Cabinet a crowd of petty clerks? కేంద్ర మంత్రివర్గం ఒక గుమాస్తాల గుంపా?

కేంద్ర హోం మంత్రి శ్రీ సుశీల్ కుమార్ షిండేగారు షిండే గారు మీడియాకు ఇచ్చిన సమాచారాన్ని బట్టి, మంత్రివర్గ బృందం నివేదిక 4-12-2013 ఉదయానికి కేంద్ర మంత్రివర్గానికి చేరుకుంటుందట. అదేరోజు కేంద్ర మంత్రి వర్గం నివేదికను, తెలంగాణ బిల్లును, ఆమోదిస్తుందట. As per the information given by HOme Minister Mr. Sushil Kumar Shinde to Media, the Report of Group of Ministers will reach the Central Cabinet by 4thDec. 2013, morning. On the same day, the Union Cabinet will accept the Report of the Group of Ministers, and the Telangana Bill.

Question ప్రశ్న:అదేరోజు కేంద్రమంత్రులు ఆనివేదికను, బిల్లును, ఎలా చదువుతారు? అభ్యంతరాలు ఏమీ లేవదీయరా! తూతూ మంత్రం చర్చ తప్ప, లోతైన చర్చ జరుగదా? How can the Union Cabinet Members study the Report of the Group of Ministers and the Telangana Bill on the same day? Won't they read it? Won't they get their doubts clarified?

జవాబు: మనం పగటికలలు కనకూడదు. ప్రస్తుతం, రాష్ట్రవిభజన విషయంలో జరుగుతున్న తంతును చూస్తుంటే, కేంద్రమంత్రివర్గం ఒక గుమాస్తాలగుంపుగా వ్యవహరించబోతుంది అనిపిస్తుంది. అంతే తప్ప ఒక బాధ్యతకల విధాన నిర్ణేతల బృందంగాకానీ, కార్యనిర్వాహక బృందంగా గానీ వ్యవహరించబోటం లేదు, అని అనుమానం కలుగుతున్నది. English Ans: We should not day dream. When we see the shoddy and hasty manner in which the Bifurcation Bill of A.P. Cabinet is being handled, we can believe that it is going to act like a group of sheep or Petty Clerks. They are not going to at like Responsible Policy Makers or Team of Executives.

Question ప్రశ్న: మీరు మరీ అతిగా స్పందిస్తున్నారేమో.

జవాబు: కేంద్ర మంత్రివర్గం ఒక గుమాస్తాల గుంపు కాదు, కాకూడదు అన్నది నిజమే. అయితే అది నెహ్రూగారి రాజ్యంలో 1957 తరువాత గుమాస్తాల గుంపుగా మారిపోయింది.

Question ప్రశ్న: ఎందుకు మారింది?

జవాబు: తన మంత్రివర్గంలో ఎవరు ఉండాలి, ఎవరు ఉండకూడదు, అని నిర్ణయించే సర్వాధికారాలూ, ప్రధాని చేతుల్లోనే ఉన్నాయి. కేంద్రమంత్రివర్గ సమావేశాల్లో ఏమంత్రియైనా ప్రధానమంత్రికి అసౌకర్యం కలిగించే ప్రశ్న వేశాడూ అంటే, అతడిని ప్రధాని తొలగించే అవకాశం ఉంది. అందుచేత, మంత్రులు డూడూ బసవన్నలలాగా తయారు అయ్యారు.

Question ప్రశ్న: ప్రధానమంత్రి సములలో ప్రధముడు,అని కాదా, అర్ధం?

Answer జవాబు:

ఆ అర్ధం నెహ్రూ గారి కాలం లోనే కొడి గట్టింది. నెహ్రూగారు తనతో సములైన వారిని క్రమ క్రమంగా తొలగించుకున్నాడు. లేదా, వారంతవారు రాజీనామా చేసి వెళ్ళిపోయే పరిస్థితులను కల్పించాడు. ప్రధాని ముందు మంత్రులు కుబ్జులు (పొట్టి వాళ్ళు dwarfs) గామారటం నెహ్రూగారి రెండవ రౌండు కాలంలోనే జరిగిపోయింది. నేడు వచ్చిన అదనపు మార్పు ఏమిటంటే,

ప్రధాని కూడ, పార్టీ అధ్యక్షురాలి దయా దాక్షిణ్యాలపై కాలం గడపవలసి రావటం.

Question ప్రశ్న: పరిష్కారాలు లేవా?

Answer జవాబు:

కొన్ని పరిష్కారాలు ఉన్నాయి. వాటిలో ఒకటి: ప్రధానమంత్రిని, కేంద్ర మంత్రులను, అన్ని పార్టీల లోక్ సభ సభ్యులు రహస్య బ్యాలెట్ ద్వారా ఎన్నుకోటం. పోటీచేసే సమయంలోనే, మంత్రులు నిర్వహించబోయే శాఖల వారీగా నామినేషన్లను స్వీకరించటం, వోట్లు వేయటం జరగాలి.

Question ప్రశ్న: పైన వ్రాసిన విషయాలు రాష్ట్ర ముఖ్యమంత్రులకూ, రాష్ట్ర మంత్రి వర్గ సభ్యులకూ వర్తిస్తాయా?

Answer జవాబు:

అనుమానమేల? స్వర్గీయ రాజశేఖర రాజ్యంలో మన డూడూ బసవన్నలు ప్రతిదాన్నీ ఏకగ్రీవంగా ఆమోదించి, మంత్రివర్గాలకు తప్పుడు సమాచారాలు పంపి, మంత్రివర్గ నిర్ణయాలను సరిగా పరిశీలంచకుండా తప్పుడు జీవోలను జారీచేసి, లేక జారీ చేయమని అధికారులపై ఒత్తిడి తెచ్చి, కోట్లు సంపాదించుకున్నారు. విధి వక్రించి కొందరు జైలు పాలయ్యారు. అధికారులు జైలు పాలుకావటానికి కారకులయ్యారు.

ఈ సందర్భంగా, జగన్ సంబంధిత కేసుల్లో ఇరుక్కున్న అధికారిణి రాణీ రత్నప్రభ జగన్ ని కోర్టు ఆవరణలోనే తిట్టినట్లుగా వార్తలు వచ్చాయి. మరొక అధికారిణి శ్రీలక్ష్మి గతికూడ దయనీయంగా మారింది.

నేర్చుకోటానికి పాఠాలు అందరికీ ఉన్నాయి. స్వార్ధంతో కళ్ళు మూసుకు పోటం వల్ల నేర్చుకోవాలనే కోరికే లేదు.

Added on 30.6.2014

ప్రశ్న: కేంద్రంలో కాంగ్రెస్ మంత్రివర్గాలకు, బిజెపి మంత్రి వర్గాలకు ఏమైనా తేడా ఉందా?

జవాబు: అందరూ డూడూ బసవన్నలే. బిజేపీ కేంద్ర మంత్రివర్గంలో మంత్రుల నోరు నొక్కబడి ఉన్నట్లుగా తోస్తుంది. అయితే తొందరపడి మనం ప్రిజుడైస్ లు ఏర్పరుచుకోకూడదు. శ్రీనరేంద్రమోడీకి తగినంత దిద్దుబాటు సమయాన్ని ఇవ్వాలి.