236 What is there to inquire about election results?

236 What is there to inquire about election results?
236 ఎన్నికల ఫలితాల గురించి అంత చెవులు రిక్కించుకొని వినాల్సింది, టీవీల్లో కళ్ళు పొడుచుకొని చూడాల్సింది ఏముంది?
చర్చనీయాంశాలు: ధరలు, బూర్జువా పార్టీలు, ఎన్నికల ఫలితాలు, టిడిపి, బిజెపి, తెరాస

---

ఈరోజు 16.05.14 తెల్లవారి రోడ్డు మీది నడవటం ప్రారంభించ గానే, ఒక ఇస్త్రీ బండి అబ్బాయి అడిగాడు, ఏమిటి పరిస్థితి అని. అతడి ఉద్దేశ్యం రాష్ట్ర ఎన్నికలలో పార్టీల పొజిషన్ ఏమిటి , అని.

నా మైండ్ వేరే చోట ఎంగేజ్ అయ ఉన్నది. మా నాన్న గారు 86 ఏళ్ళవాడు, యాత్రల మీద వ్యామోహం, కొంచెం ఎండతగ్గగానే మేము నీకు అన్నియాత్రలు చూపిస్తాము అనిబ్రతిమాలుతున్నా వినకుండా, ఇంట్లో చెప్పకుండా వెళ్ళి మూడురోజులయింది. రైళ్ళు ఎక్కలేడు, బస్సులు ఎక్కలేడు, ఏమయ్యాడో ఏమిటో నని, మేము రైలు బస్సు స్టేషన్ ల చుట్టూ తిరుగుతున్న సమయంలో చివరికి ఫలించి ఆయన ఇంటికి చేరాడు . ఆ ఆనందంలో మేము ఉండి, తెలిసిన వారు ఎదురైనపుడు మీనాన్నగారు వచ్చారా అని వారడగటం, అవునండీ కథ సుఖాంతం అని చెప్పటం ఇలా ''ఊయలలూగే మనసూ'' అన్నట్లయింది.

ఆ ఇస్త్రీ మాస్టర్ నావంక ఎగాదిగా చూసి కథ సుఖాంతం అంటే చంద్రబాబా జగనా అన్నాడు. ఇస్త్రీ పెట్టె మహా వేడి మీద ఉంది. అతడి మనసే, అతడి దగ్గర లేదు. బాబా, జగనా అన్నట్లు అతడి మనస్థితి ఉన్నది.

నేను సుఖాంతం అని చెప్పింది, మానాన్నగారు దొరకటం గురించి. అతడు మా నాన్నగారి గురించి అడుగుతున్నాడేమో ననుకొని ఆయన గురించి చెప్పాను. దీనినే మనం న్యాయ శాస్త్రంలో కన్ సెన్సస్ యడ్ ఇడెమ్ అంటాము. తెలుగులో మీటింగ్ ఆఫ్ దీ మైండ్స్. పరస్పర ఏకీభావం. ఇద్దరూ ఒకే వస్తువుగురించి ఆలోచించటం, వ్యవహరించటం.

బాబా , జగనా, త్వరగా చెప్పండి, ఎన్నికల్లో సుఖాంతం, దుఃఖాంతం ఏమిటి అని అతడు విసుక్కున్నాడు. మీరేదో సుఖాంతం సుఖాంతం, అంటున్నారు. (అతడు నాకు స్క్రూ లూజయిందనుకున్నాడు). ఈలోగా అతడు ఇస్త్రీ చేస్తున్న చొక్కాపై పై పెట్టెను అలాగే వదలివేయటంతో, చొక్కా కాలర్ నల్లగా కమిలింది.

''నేను, నా పొరపాటును అర్ధం చేసుకొని, ఉదయం తొమ్మిదిన్నర అయితే గానీ ట్రెండ్స్ బయటకు రావు. ఎందు కంత తొందర? మీరు వెయ్యాలనుకున్నవారికి మీ వోటు వేశారు కదా?'' అందామనుకున్నాను.

నాకు తెలిసిన ప్రకారం, అతడు తన కుటుంబ వోట్లను చక్కగా అమ్మేసుకుని , తనకు రావలసిన క్యాష్ ను రాబట్టుకొని, తన వోట్లయజ్ఞాన్ని పూర్తిచేశాడు. ఇంక ఎందుకు ఆరాటం? తాను డబ్బులు తీసుకున్న అభ్యర్ధికి వేశాడో, వేరొకరికి వేశాడో మనకి తెలియదు. తాను డబ్బు తీసుకున్న అభ్యర్ధికే వోటువేసి ఉంటే, అతడు గెలుస్తూ ఉంటే, అభ్యంతరం లేదు. తాను డబ్బుతీసుకున్న అభ్యర్ధికి వోటేయకుండా వేరొకరికి వేసి ఉంటే, తన నిర్ణయం సరియైనదా లేదా అని అతడు పరీక్షించుకోవాలనుకుంటున్నాడనుకోవాలి.

''నీకెందుకంత ఆరాటం, నీడబ్బులు నీకు వచ్చాయిగా '', అని అందామనుకున్నాను, కానీ అనకపోటమే మంచిదయింది. అనుంటే, అతడు నన్ను చెప్పు తీసుకొని కొట్టి ఉండే వాడు. ''నేను డబ్బులు తీసుకుంటే నీకెందుకు, తీసుకోకపోతే నీకెందుకు, అని వుతికేసేవాడు.''

విచిత్రమేమిటంటే, నావోటు, నాభార్యవోటు, మా అబ్బాయి వోటు కూడ అమ్ముడు పోయాయి. మా ఏరియాలో ఉండే పెద్దమనుషులు అనుకునేవారు, వారిని పెద్ద మనుషులు అనుకునే అభ్యర్ధుల దగ్గర, మాఇంట్లోని మూడు వోట్లకూ Rs. 1,500 x 3 = Rs. 4,500 చొ|| వసూలు చేసుకున్నాడు. ఆడబ్బులను తానే వాడేసుకున్నాడు. మా అబ్బాయి హైదరాబాదు వెళ్ళటం వల్ల వోటు వేయటం కుదరలేదు. నేను పోలింగు స్టేషన్ కి వెళ్ళుంటే నోటాకి వేసి ఉండే వాడిని. నోటా వల్ల నిష్ప్రయోజనం అని తెలిసింది కనుక, స్టేషన్ దూరంగా ఉండటాన , ఆటో ఖర్చులెందుకులే అని వోటు వేయలేదు. ఈవిధంగా మాఇంట్లో రెండు వోట్లు మురిగి పోయాయి. మూడో వోటు కూడ ఆ డబ్బులిచ్చిన అభ్యర్ధికి పడి ఉంటుందని నేను అనుకోను. ఏది ఏమైతేనేం, వోట్లు కొనుక్కున్న ఆఅభ్యర్ధికి మటుకు, రూ. 4,500 క్షౌరం అయ్యింది. ఈవిషయంలో నేను పోలీసురిపోర్టో, ఈసీకి ఫోన్ చేసినా పెద్ద ప్రయోజనకరమని నాకినిపించలేదు. ఎందుకంటే , మానాన్నగారి మిస్సింగు విషయంలోనే , పోలీసు స్టేషన్ కి వెళ్ళి రిపోర్టు ఇచ్చినపుడు, నేను ఆశించిన పధ్ధతిలో, నాకు వారినుండి సహాయం లభించలేదు. అలాంటప్పుడు ఎవరో , ఇంకెవరి దగ్గరో మీవోట్లకో సం డబ్బులు తీసుకున్నారంటే, మేమెట్లా నమ్మటం , సాక్ష్యాలేమన్నా ఉంటే తీసుకురా అని ఉండే వాళ్లు.

కొన్ని షాకులు మనకి తెలిసినవే అయినా విలవిల లాడిస్తాయి

తెల్లారి లేవగానే, పాలప్యాకెట్ లకి వెళ్తాం. ఇవాళ్టినుండి ప్యాకెట్ రూపాయి పెరిగింది, అని తక్షణమే అమలు లోకి వచ్చింది. పాల ప్యాకెట్ల ధరలు మూడు నెలలకో ఆరునెలలకో పెంచటం మనకి తెలిసిన విషయమే. డీజెల్ కూడ, అంతే, వీటికి షాక్ పొందాల్సిన అవసరం లేదు. ఎన్నికలయి పోయినాయి, సమీపంలో ఐదేళ్ళదాకా ఇంకే ఎన్నికలులేవు, అని తెలిసినపుడు, ఇంక కేంద్ర రాష్ట్ర ప్రభుత్వాలకూ, ప్రైవేటు వారికీ కూడా ఆటవిడుపే.

పెంచిన ధరలో కొంత భాగమైనా, ఉత్పత్తిదారుకి చేరినపుడు పాలధర పెంపుపై మనం నిరసన తెలుపనవసరం లేదు. ఎందుకంటే, మద్యం ధర పెరిగినంత వేగంగా పాల ధర పెరగటంలేదు. సినిమాటికెట్ల ధర పెరిగినా మద్యం ధర పెరిగినా, చికెన్ బిరియానీ ధర పెరిగినా, చెంగు చెంగునా గంతులు వేసుకుంటూ కొనే వాళ్ళే, పాలధర పెరిగినపుడు ఎందుకు ఏడుపు ముఖం పెడ్తారో అర్ధం కాదు.

నాబాల్యంలో మాకు ఒకటి | రెండు గేదెలు ఉండేవి. వాటికొరకు కిలోమీటరు దూరం నుండి గడ్డిమోపులు మోసుకురావటం , పేడతీసి పిడకలు కొట్టటం , ఇళ్ళ దగ్గర పాలు పోసిరావటం, వంటి పనులను నేను చేయటం వల్ల పశుపోషణలోనాకు నరేంద్రమోడీగారు చాయ్ వాలా పనిచేయటం, లాంటి అనుభవమే ఉంది. మా గేదె(లు) ఎండాకాలంలో సరియైన నీడలేక ఎండకి ఎండుతూ ఉండేవి, వానాకాలంలో సరియైన కొష్టం లేక తడుస్తూ ఉండేవి. చలి ఎక్కువైనపుడు పాలు సరిగా ఇచ్చేవి కావు.

ఒక సుఖాంతం కథ

పెద్దయినాక, బ్యాంకులో వ్యవసాయ ఋణాల క్షేత్రాధికారిగా పనిచేస్తున్న కాలంలో, ఒక దరఖాస్తుదారు మహిళ ఒక ప్రభుత్వ పథకం క్రింద రెండుగేదెల కొనుగోలుకు అప్లికేషన్ పెట్టి నా పైవిపరీతమైన వత్తిడి తెచ్చింది. నాకు ఆగ్రామస్తులే చాటుగా సమాచారం అందించారు. ఆమెకు ఇప్పటికే రెండు గేదెలున్నాయి. మీరు గనుక లోన్ ఇస్తే ఆమె తన గేదెలనే చూపించి డబ్బు కొట్టేస్తుంది. ఆమెకు లోన్ ఇవ్వకండి, ఇస్తే మేము పై అధికారులకి ఫిర్యాదు చేస్తాము, తరువాత మమ్మల్ని అడగకండి, అని బెదిరించారు. గ్రామ రాజకీయాలలో ఈ బెదిరింపులు, ఇకిలింపులు, సకిలింపులు ఒక భాగం. అయితే, ఎన్ని రాజకీయాలున్నా, గ్రామస్తులు, తమ స్వార్ధానికి అనుకూలంగా నిజానిజాలను రోడ్డుమీదికి వదులుతూ ఉంటారు. వారు నిజాలు చెప్పినపుడు మనం వాటిని పట్టించుకోకుండా ముందుకు వెళ్తే మేం చెప్పినా వినలేదు, అని ఫిర్యాదులు చేస్తారు. తెలియక పొరపాటు పడటం , చెప్పినా వినకపోటం రెండిటి మధ్యా, చాలాభేదం ఉన్నది.

ఒక రోజు ఆమె బ్యాంకుకు వచ్చి వారేదో చెప్పారని మీరు నాకు లోనివ్వకపోతే ఎలా? నాకు ఏ గేదెలూ లేవని, నేను ఫలానా కులానికి చెందిన దానిననీ, వీడీవో సర్టిఫికెట్ ఇచ్చాడు, ఎంపీడీవో రికమెండ్ చేశాడు. మహిళలన్నా, తక్కువకులాలకు చెందిన వాళ్ళన్నా మీకు చులకనలా ఉంది, అది మంచిది కాదు. గవర్నమెంటు ఇస్తానంటుంటే, మీరెందుకు అడ్డం పడతారు అన్నది. కళ్ళనీళ్ళు కూడ పెట్టుకున్నది.

దీన్ని పరిష్కరించటానికి నేను ఒకరోజు పెందలాడి నిద్దరలేచి, ఆమె ఉన్నగ్రామానికి నడుచుకుంటూ వెళ్ళాను. అది ఇప్పటిలాగానే మే నెల. ఎండ వేడి 45 డిగ్రీలదాకా చేరి ఉంటుంది. ఆమె ఇంటికి వెళ్ళాను. ఇల్లు తాళం వేసి ఉన్నది. ఆవరణలో రెండు బర్రెలు కట్టేసి ఉన్నాయి. మేత చాలక గింజుకుంటున్నాయి. రెండూ, ఎండకి ఎండుతున్నాయి. అవి ఆమె బర్రెలే నని అర్ధం అయ్యాయి. ఆమె ఎండు గడ్డి ఎవరో బదులిస్తానంటే, తేవటం కోసమని వెళ్ళిందని పక్కవాళ్ళు చెప్పారు.

నేను ఈలోగా బాకీలు వసూలు చేసుకోటానికి ఇళ్ళ వెంబడి పోయాను. నా కది అలవాటు. సాధారణంగా బ్యాంకుల క్షేత్రాధికారులు, మేనేజర్లు ఏమి చేస్తారంటే, వాళ్ళు చిన్న బకాయి దారుల ఇళ్ళచుట్టూతిరగరు. ఏ పెత్తందారింట్లోనో కూర్చొని గ్రామ కావలిదారునో, లేక పెత్తందారు జీతగాడినో ఫలానా వెంకమ్మను పిలుచుకు రమ్మని ఫరమాయిస్తారు. వారు అతడిని |ఆమెను పిలుచుకు రావటమో, లేక ఇల్లు తాళం వేసుందనో చెప్తారు. నేను ఇల్లిల్లూ తిరగటం వల్ల వారు అప్పు కట్టలేక పోటానికి కారణాలు ఇల్లు చూసినపుడు అర్ధం అవుతుంది. నేను వాళ్ళింటికి వచ్చి వెళ్ళానని తెలిసాక, బకాయిదారులు సాధారణంగా బ్యాంకుకు వచ్చి తమ సమస్యలు వివరించుకొని వెళ్ళే అలవాటును నేను ప్రోత్సహించాను.

నేను వీధులు కవర్ చేసుకుని , మొదట వెళ్ళిన గేదెల దరఖాస్తుదారు ఇంటికి వెళ్ళేసరికి గాలి దుమారం, వాన వచ్చాయి. ఆ గేదెలు ఆవానకి గింజుకున్నా ఎక్కడికీ వెళ్ళలేక అక్కడే నానుతున్నాయి. ఈసారి ఆమె ఇంటి తలుపులు తెరుచుకు ఉన్నాయి. ఆమె ఇంటిముందు ఒక ఎండు గడ్డిమోపు పడేసి ఉంది.

నన్ను చూసి ఆమె లేచి వచ్చింది. ''చూశారు కదా'', అన్నది. నీకు కావలసింది గేదెలు కాదు, నీకు కావాల్సింది షెడ్ కు లోన్. నీవు గేదెలపేరుతో లోన్ తీసుకున్నా ఆడబ్బుతో కొత్త గేదెలను కొని ఉండేదానివి కాదు. షెడ్ వేసి ఉండే దానివి. కొంత డబ్బుతో గడ్డి కొని ఉండేదానివి. నీకు షెడ్ కొరకే , దానికి అవసరమైనంత లోన్ ఇప్పించే ప్రయత్నం చేస్తాను అని ఆమెను ఓదార్చి నేను కార్యాలయానికి వెనక్కి వచ్చాక, మా బాస్ తో ఈవిషయాన్ని ప్రస్తావించాను. ఆమెకు మనం షెడ్ నిర్మించుకోటానికి ఒక మధ్యకాలిక ఋణం ఇద్దాం, అని ప్రతిపాదించాను. బెంగుళూరు పెంకులు, ఇటుకలు , సిమెంటు స్థంభాలు తెచ్చుకొని, ఆమె షెడ్ వేసుకుంటుంది అన్నాను. ఈవిధంగా, ఆమె సత్యం చెప్పినట్లు అవుతుంది. మనం, అర్హత, అవసరం ప్రాతిపదికగా ఋణం ఇచ్చినట్లవుతుంది. గ్రామస్తులుకూడ కంప్లెయింటు చేయటానికి అవకాశం ఉండదు.

ఆయన నవ్వి , నీకు వాస్తవిక, ఆచరణాత్మక దృక్పథంలేదోయ్. ఇపుడు ఈ ఏడాది షెడ్లకు గవర్నమెంటు పథకాలుగానీ బ్యాంకు డైరక్టులోన్ పథకాలు గానీ లేవు. అవి ఎప్పుడొస్తాయో తెలీదు. ఆమె షెడ్ కట్టాలనుకుంటున్న స్థలం ఆమె కొన్నదో, ఆక్రమించుకున్నదో తెలియదు. రెండు గేదెల పథకం క్రింద, గవర్నమెంటు ఆమెకు సబ్సిడీ ఇస్తుంది. మార్జిన్ ఇస్తుంది. ఆమె మనం ఇప్పించిన గేదెలను అమ్ముకుంటే నీకెందుకూ, ఉంచుకుంటే నీకెందుకు. ఇలా అయితే నీవు ఒక్క స్కీమును కూడ గ్రౌండ్ చేయలేవు అన్నాడు.

నేను కూడ ఆలోచించుకున్నాను. మనం షుగర్ ఫ్యాక్టరీకి లోన్ ఇస్తాము. వాడు కొన్ని కోట్లు తీసుకెళ్తాడు. అందులో వాడు కొన్ని కోట్లను ఏ డిస్టిలరీకో (సారా తయారీ యూనిట్) మళ్ళిస్తాడు. లేకపోతే బియ్యం స్పెక్యులేషన్ చేస్తాడు. వాడి లీలలన్నీ మనకి తెలిసినా, వాడిని మనం నిలదీయట్లేదు కదా. ఈమె తన లోన్ తో షెడ్ వేసుకోటం పాపమా? వస్తుందో రాదో తెలియని ఆ షెడ్ స్కీముపై ఆమెకు ఆశలు పెంచే కన్నా, ఇదే మేలేమో, అని సర్దుకున్నాను.

చివరికి ఆమెకు, మేనేజరు గారి ఆజ్ఞ ప్రకారం, ప్రభుత్వ పథకం క్రింద గేదెలనిప్పించటం, జరిగింది. ఆమె తన రెండు పాత గేదెలలో ఒకదానిని, రెండు కొత్త గేదెలలో ఒకదానిని అమ్ముకున్నది. డబ్బులు మిగిలినట్లున్నాయి. ఒక చిన్న కొష్టాన్ని కూడ నిర్మించు కున్నది. ఒక పాత ఒక కొత్త రెండు గేదెలు సమకూరాయి. లోన్ కొంత కట్టింది. కొంత కట్టలేదు. మిగిలింది రాని బాకీల క్రింద మాఫీ చేయబడింది. మొత్తానికి కథ సుఖాంతం అయ్యింది.

బ్యాక్ టూ ఎన్నికల ఫలితాలు

తెలంగాణలో తెరాస, శేషాంధ్రలో టిడిపి, వైయస్ ఆర్ పీ, అఖిల భారత స్థాయిలో బిజెపి ఎన్ డి ఎ ముందంజలో ఉంటాయనేది బాలీవుడ్ క్లైమాక్సులా మనకు ముందే తెలిసిందే. ఈమాత్రం దానికి ఇస్త్రీ పెట్టెను షర్ట్ మీద వదిలేసి దానిని మాడకొట్టాలా?

కథ సుఖాంతమవుతుందా, దుఃఖాంతమవుతుందా?

బూర్జువా పార్టీల్లో ఎవరు గెలిస్తే ఏమి లాభం? వ్యభిచార గృహాల్లో బంధితులైన స్త్రీల పరిస్థితి ఎలా ఉంటుందో, భారత పౌరుల పరిస్థితి కూడ అంతే. వాడైతేనేం, వీడైతేనేం, ప్యాసింజరనే వాడు, అంగచూషణం చేయమని డబ్బులాశ చూపేవాడే కదా. ఇష్టపూర్తిగా పాల్గొంటే, రేప్ అయినా మధురమే కదా. కొంత అసభ్యంగా వ్రాయవలసి వచ్చినందుకు క్షమాపణ కోరుతున్నాను. ఈదుఃఖ సమయంలో ఇంతకన్నా వ్రాయలేను.

ఏది ఏమైనా, శ్రీ నరేంద్రమోడీ, శ్రీ చంద్రబాబు, శ్రీ కెసిఆర్ లకు మన అభినందనలు.

శ్రీచంద్రబాబు నాయుడు గారు, మద్యనిషేధం విషయంలో రాష్ట్ర ప్రజలను మోసగించారు. మద్యనిషేధ ఉద్యమంలో ప్రముఖ పాత్ర పోషించిన, మల్లాది సుబ్బమ్మగారు కీర్తిశేషురాలు కావటం ఖేదకరం. శ్రీచంద్రబాబు నాయుడుగారిని , మద్య నిషేధాన్ని శేషాంధ్రప్రదేశ్ లో తిరిగి ప్రవేశ పెట్టి, రాష్ట్రమహిళామణులను రక్షించవలసిందిగా ప్రార్ధిద్దాము.

శ్రీ కెసీఆర్, ఆయన కుటుంబం, ఇంక విజృంభించే అవకాశం ఉంది. వారు కుటుంబ నియంతృత్వ దిశగా పయనించినా ఆశ్చర్యపోనవసరం లేదు.

ఆంధ్ర ప్రదేశ్ మాజీ గవర్నర్, మాజీ కేంద్ర మంత్రి శ్రీ ఎన్ డీ తివారి గారు చివరికి ఉజ్వలా శర్మగారిని 89 ఏళ్ళ వయసులో సాంప్రదాయ బధ్ధంగా వివాహంచేసుకొని, ఆమెకు సముచిత స్థానాన్ని కల్పించటం ముదావహం. (ఈ సందర్భంగా శ్రీ ఎన్ డీ తివారీ పై -ఆయన +ఉజ్వల శర్మల- పుత్రుడు చేసిన న్యాయ పోరాటాన్ని గుర్తు తెచ్చుకోండి. శ్రీ నరేంద్రమోడీ గారు కూడ తన ధర్మపత్ని జశోదాబెన్ గారికి సముచిత స్థానాన్ని కల్పిస్తారని ఆశిద్దాము.

(దీనిని ఇంకా కొంత మధురంగా ఉండేలా తిరగవ్రాస్తాను).

207 రాహుల్ జ్ఞానోదయం Rahul Gandhi's enlightenment

207 రాహుల్ జ్ఞానోదయం
Topics for discussion, చర్చనీయాంశాలు : Rahul Gandhi, రాహుల్ గాంధీ, తెరాస, కెసిఆర్, TRS, KCR, నరేంద్రమోడీ, Narendra Modi

---

చరిత్రలో రాహుల్ గౌతమ బుధ్ధుడి కొడుకు. జ్ఞానోదయం అయ్యింది బుధ్ధుడికి. రాహుల్ బాలుడు. కానీ ఇరవయి ఒకటవ శతాబ్దంలో జ్ఞానోదయం అయ్యింది కొడుకు రాహులుడికే, తల్లి సోనియాకి కాదు.

బుధ్ధుడికి జ్ఞానోదయం కలగటానికి 12 సంవత్సరాలు పట్టింది. శ్రీ రాహుల్ గాంధీకి ఎన్ని సంవత్సరాలు పట్టింది. జవాబు: 10 ఏళ్ళు. 2004లో అయ్యగారు, అమ్మగారు, కెసీఆర్ తో సంధి చేసుకుని తెలంగాణలో లాభపడ్డారు. ఇపుడు 2014. కెసిఆర్ వెన్నుపోటు పొడుస్తాడని తెలుసుకోటానికి 10 ఏళ్ళు పట్టింది.




కెసీఆర్ వెన్నుపోటు పొడుస్తాడని తెలుసుకోటానికి శ్రీ రాహుల్ కి 10 ఏళ్ళు పట్తే, శ్రీ నరేంద్ర మోడీకి ఎన్నేళ్ళు పట్తుంది? ఆవిషయం తనను తాను తెలంగాణ చిన్నమ్మగా ప్రకటించుకున్న శ్రీమతి సుష్మా స్వరాజ్ గారు చెప్పాలి.




శ్రీ కెసిఆర్ వెన్నుపోటు పొడుస్తాడని కనుక్కోటానికి 10 ఏళ్ళు పట్తే, చైనా, పాకిస్థాన్, అమెరికా, ఇంగ్లండు, ఫ్రాన్స్ లు వెన్నుపోట్లు పొడవగలరు అని కనుక్కోటానికి శ్రీ మోడీ, శ్రీ రాహుల్ గాంధీలకు ఎన్నేళ్ళు పట్టుతుంది?

ఈనాటి పద్యం

Cobras have their venom in their hoods.







తలనుండు విషము ఫణికిని, Cobras have their venom in their hoods.
వెలయంగా తోకనుండు వృశ్చికమునకున్ Scorpions have their venom in their tails.
తలతోక యనక నుండును Irrespective of head or tail,
ఖలునకు నిలువెల్ల విషము కదరా సుమతీ. wicked humans have poison everywhere in their bodies. కదరా, గదరా= Isn't it. SumatI = O virtuous minded person!





Scorpions have their venom in their tails.






Wicked humans have poison everywhere in their bodies. నీచులకు శరీరమంతా విషమే నిండి ఉంటుంది. తలనా తోకనా అని నెత్తి పగులగొట్టుకోవలసిన అవసరం లేదు.

203 అవి ఏవో చెప్పమ్మా? బయట పెట్టమ్మా

203 అవి ఏవో చెప్పమ్మా?

చర్చనీయాంశాలు, topics for discussion: Vijayashanti, విజయశాంతి, తెరాస, కెసిఆర్

---

10-4-2014 నాడు మెదక్ అసెంబ్లీ స్థానానికి నామినేషన్ వేసిన అనంతరం, సినీనటి, భీకర తెలంగాణా వాది, విజయశాంతిగారు మీడియోతో ఇలా అన్నారు.

ప్రస్తుతం ఈ వేదికపై అంతర్గత విషయాలు చెబితే తెరాసను ఖతం చేస్తారు.

వైబీరావు గాడిద వ్యాఖ్యలు

చెప్పకుండా ఎంత కాలం దాస్తారు? తెరాస ఏమి చేసిందో చెప్పవలసిన బాధ్యత శ్రీమతి విజయశాంతి గారిపై తప్పక ఉంటుంది. దాచి పెట్టి, తడవ తడవకూ బెదిరించుకుంటూ పోతే అది బ్లాక్ మెయిలింగు అవుతుంది. చెప్పాక, తెరాసను ఖతం చేయాలా వద్దా, రాళ్ళు వేయాలా వద్దా అనేది ప్రజలు నిర్ణయించుకుంటారు. ఒక వేళ ప్రజలు సరియైన నిర్ణయం తీసుకోకపోతే అది వారి కర్మం. కనుక శ్రీమతి విజయశాంతి గారు తమ కర్తవ్యాన్ని నిర్వహించటం కొరకైనా ఆమె దాస్తున్న విషయాలను బయట పెట్టాలి. బయట పెట్టక పోతే సిబిఐ విచారణ కోరుతూ, కేంద్ర ప్రభుత్వానికి లేఖ వ్రాయవలసిన బాధ్యత గవర్నర్ గారిపై ఉంటుంది.

తెరాస వారు తన మీదనే దాడి చేస్తే అనే ధర్మ సందేహం ఆమెకు రావచ్చు. జవాబు: అడ్డుకోటానికి బౌన్సర్లను ఇప్పటికే నియమించుకొని ఉండాలి. గతంలో అలాంటి తెరాస కార్యకర్తల మద్దతుతోనే కదా ఆమె లోక్ సభకు ఎన్నికయ్యింది. అపుడు మంచివాళ్ళుగా ప్రవర్తించిన తెరాస కార్యకర్తలు ఇపుడు గూండాలుగా మారరు కదా!!

ఈనాటి తెలుగు పద్యం

కూరిమి కల దినములలో
నేరము లెన్నడు కలుగ నేరవు మరి యా
కూరిమి విరసంబై నపుడు
నేరములో తోచుచుండు నిక్కము సుమతీ!!

164 KCR cheated dalits and coronated his own Son as Prince कॆसीअर दलितों को धोका दिया और अपने बेटे को युवराजा बन दिया కెసీఆర్ దళితులకు చేయిచ్చి తన కొడుకుకే పట్టాభిషేకం చేసుకున్నాడు

164 IS EVERYTHING A DELUSION? అంతా భ్రాంతియేనా జీవితానా వెలుగింతేనా

---

చర్చనీయాంశాలు: పవన్ కల్యాణ్,కెసిఆర్,సోనియా గాంధీ,కాంగ్రెస్,తెరాస,చంద్రబాబు


శ్రీపవన్ కల్యాణ్ గారు రాజకీయాలలోకి వస్తారట. కిరణ్ వెనుకాడుతున్నందు వల్ల శ్రీపవన్ కల్యాణ్ గారు రాజకీయాల్లోకి దూకే అవకాశం ఉందిట.

పాతనీరు పోయి కొత్తనీరు రావటంగా మనం భావించి స్వాగతం చెప్పటమే మేలు. కొత్తనీరు పాతనీరు కన్నా మురికిగా ఉండకూడదనేమీ లేదు. అయినా కూడ మార్పు ఎల్లపుడూ అభిలషణీయమే.

ఆక్రోశించి ఫలితమేమి?

శ్రీచంద్రబాబు నాయుడు గారు కెసీఆర్ తన దగ్గర పాఠాలు నేర్చుకొని తనకే పంగనామాలు పెట్టాడని కెసీఆర్ పై ఆక్రోసిస్తున్నారు. మరి తానిచ్చిన ట్రెయినింగు ఎలాంటిది? ఇద్దరూ కలిసి ఎన్ టీ ఆర్ కి వెన్నుపోటు పొడవలేదా?

కెసిఆర్ దళితుడికి ముఖ్యమంత్రి పదవి ఇవ్వరా? Won't KCR allow a dalit to become the first Chief Minister of TelangaNa?

సోపన్ జోషి గారి చిత్రం తెహల్కా.కామ్ వారి దయతో.

15.1.2011 నాడు శ్రీ కె చంద్రశేఖర రావు గారు శ్రీ సొపన్ జోషి గారికి ఒక ఇంటర్వ్యూ ఇచ్చారు. అందులో ఏమన్నారో చూడండి.

Are you doing all this to become the CM of the new state? ఇదంతా మీరు కొత్త రాష్ట్రానికి ముఖ్యమంత్రి అవుదామని చేస్తున్నారా?

This is rubbish. I’ve said it not less than a thousand times that the first Telangana CM will be a Dalit. We have not zeroed in on a name right now, but there are so many leaders. When the occasion comes, we will evolve a consensus on a Dalit CM. The Telangana society is in such a mood that nobody can rule here unless they bring us statehood. It is ultimately a political decision. Let wisdom prevail on the Prime Minister and Sonia Gandhi that they deliver on the promise they made to the people of Telangana.

తెలుగు సారం: ఇది చెత్త. తెలంగాణ మొదటి ముఖ్యమంత్రిగా ఒక దళితుడు ఉంటాడని నేను వేయి సార్లకు తక్కువ కాకుండా చెప్పాను. ఇప్పటికిప్పుడు మేము పేరును నిర్ణయించుకునే దశకు రాలేదు. ఆ సమయం వచ్చినపుడు దళిత ముఖ్యమంత్రిపై మేము ఏకాభిప్రాయాన్ని సాధిస్తాము. తెలంగాణ సమాజం ఈరోజు ఏస్థితిలో ఉందంటే, తెలంగాణకి రాష్ట్రాన్ని సాధించకుండా ఇక్కడ పాలన చేయలేని మూడ్ లో ఉన్నది. అది చివరికి ఒక రాజకీయ నిర్ణయము. తాము తెలంగాణ ప్రజలకు చేసిన వాగ్దానాన్ని నెరవేర్చాలనే వివేకం ప్రధానమంత్రి మరియు సోనియా గాంధీలో ఉదయించు గాక.

వైబీరావు గాడిద వ్యాఖ్యలు

సీమాంధ్ర ప్రజలను తీవ్రంగా అవమానించటానికి కూడ వెనుకాడకుండా ప్రధానమంత్రి, సోనియా గాంధీ, తాము అన్నమాటలను నెరవేర్చారు కదా. మరి కెసీఆర్ గారు తాను వేయి సార్లకు తక్కువగా కాకుండా అన్నమాటలను నెరవేర్చరా?

కాంగ్రెస్ లో విలీనానికి తెరాస నిరాకరణ

ఊహించినదే. కెసీఆర్ చంద్రబాబు పాఠశాలలో చదివాడు కదా. అందుకని వెన్నుపోట్లు తప్పవు.

శ్రీమతి సోనియా గాంధీ, దిగ్విజయ్ సింగ్, జయరాం రమేష్ లు కలిసి పాడుకోవాల్సిన ఈనాటి పాట

దేవదాసు నుండి. శ్రీ సి.ఆర్. సుబ్బరామన్ సంగీతం. సముద్రాల రచన. గానం: కె.రాణి.
ప్రస్తుత పరిస్థితి కనుగుణంగా మార్చి.

అంతా.. భ్రాంతియేనా.. జీవితానా.. వెలుగింతేనా
ఆశా.. నిరాశేనా.. మిగిలేది చింతేనా..ఆ ఆ...
మరల అంతా భ్రాంతి||

చిలిపితనాల చెలిమే మరచితివో.. ఓ ఓ ...
మరల.
తల్లిదండ్రుల మాటే దాటా వెరచితివో.. ఓ ఓ ...
మరల.
పేదరికమ్ము ప్రేమపథమ్ము మూసివేసినదా.. నా ఆశే దోచినదా ...

అంతా భ్రాంతియేనా జీవితానా వెలుగింతేనా
ఆశా నిరాశేనా మిగిలేది చింతేనా

మనసునలేని వారి సేవలతో.. ఓ ఓ ...
మరల.
మనసీయగలేని నీపై మమతలతో.. ఓ ఓ ...
మరల.
వంతలపాలై చింతిలుటే మా వంతా తెరాసా.. మా వంతా తెరాసా..

అంతా భ్రాంతియేనా జీవితానా వెలుగింతేనా
ఆశా నిరాశేనా మిగిలేది చింతేనా

141-Vijayasanti. Why did this umbrella get torn? यह छत्र क्यों फटा हूआ है ? ఈగొడుగు ఎందుకు చినిగిపోయింది?

Where is the fierce Telangana State Campaigner Vijaya Shanti, and acclaimed Telugu actress now? What is she doing? For sometime, she was a right-hand person for Mr. Kaluvakolanu Chandra Sekhara Rao, the Chief Minister of Telangana State.

141 Why did this umbrella get torn? ఈగొడుగు ఎందుకు చినిగిపోయింది?

---

చర్చనీయాంశాలు: రాష్ట్రరాజకీయాలు, తెలంగాణ, తెరాస

ఈ చిత్రం చూడండి. Pl. look at this picture.


ఇది ఆమె 2010లో తెలంగాణ భవన్ లో అన్నమాట:

If somebody obstructs formation of Separate Telangana, I shall stomp him down. This was at a time, when she was under the umbrella of Mr. K. Chandrasekhara Rao. ప్రత్యేక తెలంగాణ రాష్ట్ర ఏర్పాటుకు ఎవరైనా అడ్డుపడితే అడ్డంగా తొక్కేస్తాను. కెసిఆర్ తో ఒకే గొడుగు క్రింద ఉన్నప్పటి సంగతి.

25.11.2012 నాడు మీడియాతో మాట్లాడుతూ ఏమన్నారు?

I do not have any differences with Mr. KCR , the President of TRS. I could not attend the Suryapet Meet only because of ill health. It will not be proper for Media to twist the matters. For that reason only I could not attend the Meet. There is no truth in the propaganda that is taking place that I and KCR have differences. I shall continue as a Worker of TRS. Media is unnecessarily creating stories, and alleging faults on me. I shall continue in TRS for ever. Hereafter, Media should not write this type of faulty stories. తెలంగాణ రాష్ట్ర సమితి అధ్యక్షులు కేసీఆర్‌తో నాకు ఎలాంటి విభేదాలు లేవు. అనారోగ్యం కారణంగానే సూర్యపేట సభకు హాజరుకాలేకపోయాను. దీన్ని మీడియా వక్రీకరించడం తగదు. అందుకే బహిరంగసభకు హాజరుకాలేకపోయాను. కేసీఆర్‌కు నాకూ మధ్య విభేదాలు ఉన్నట్లు జరుగుతున్న ప్రచారంలో వాస్తవం లేదు. నేను టీఆర్‌ఎస్‌ కార్యకర్తగానే కొనసాగుతాను. మీడియా ఏవేవో కథనాలు సృష్టిస్తూ అనవసరంగా నిందలు వేస్తున్నారు. ఎప్పటికీ టీఆర్‌ఎస్‌లోనే కొనసాగుతాను. ఇకపై ఇలాంటి తప్పుడు కథనాలు రాయరాదు.

25.6.2013 నాడు ఏమన్నారు:

... అధ్యక్షుడు కేసీఆర్ అడిగితే ఇవ్వటానికి మెదక్ ఎంపీ సీటు చాక్లెట్ కాదు. మెదక్ నా ఊపిరి తెలంగాణ నా ప్రాణం. 'సెటిల్‌మెంట్లు' పార్టీకి నష్టమే. ...

...నన్నురాజకీయంగా అణగదొక్కేందుకు టీఆర్‌ఎస్ నేతలు కుట్రపన్నారు. అడుగడుగునా ఆంక్షలు విధించారు. ఆ పార్టీ నేతలు నా చావును కోరుకున్నారు. అయితే నేను వాటిని ప్రజాబలంతో జయించాను. నేనెన్నడూ కుటుంబ సభ్యుల భవిష్యత్ కోసం రాజకీయాలు చేయలేదు.
...టీఆర్‌ఎస్ నుంచి సస్పెండ్ చేసి నన్ను ఒంటరిని చేశారు. అడుగడుగునా ఆంక్షలు విధిస్తూ అభివృద్ధికి అడ్డుపడ్డారు. ఆ పార్టీ నేతలు నా చావును కోరుకున్నారు. అడుగడుగునా ఎన్నో కుట్రలు పన్నారు.
...వెన్నుపోటు పొడవాలనుకున్నారు. నా నియోజకవర్గానికి వెళ్తానంటే వద్దన్నారు. ఎవరు సహకరించక పోయినా నియోజకవర్గంలో తిరగబట్టే ప్రజా సమస్యలు తెలిశాయి. ఒకవేళ నేను నియోజకవర్గంలో తిరగకపోయి ఉంటే ఈ రోజు మెదక్ రైల్వేలైన్ వచ్చేదా?
...ఈ క్రెడిట్ నాకు దక్కుతుందన్న అక్కసుతోనే శంకుస్థాపన కార్యక్రమాన్ని సైతం అడ్డుకునేందుకు కుట్రలు చేశారు.
...ప్రజాసంక్షేమాన్ని దృష్టిలో పెట్టుకొని, ఎన్నికుట్రలు పన్నినా ఓపికతో మిన్నకుండిపోయా. ప్రజాబలమే శ్రీరామరక్షగా అందరి ఎత్తుల్నీ చిత్తుచేశాను. ప్రజలకోసం, వారి సంక్షేమం కోసం ప్రాణాలైనా పణంగా పెడతా.
...నాకు పెరుగుతున్న ప్రజాదరణను చూసి ఓర్వలేకే కొన్ని పత్రికల్లో నాపై తప్పుడు కథనాలు రాయిస్తున్నారు. దయచేసి వాస్తవాలు గ్రహించి రాయాలని, ఎవరో చెప్పిన మాటలు వినవద్దని మీడియాకు విజ్ఞప్తి చేస్తున్నా.
...నా జీవితంలో ఏ నేతకీ తలవంచను. కావాల్సినంత సంపాదించాకే రాజకీయాల్లోకి వచ్చా. ఎన్నికలు ఏవైపునకు దారితీస్తాయో.. ఏ క్షణాన ఏం జరుగుతుందో.
...నా రాజకీయ జీవితంలో పాపాలు చేయలేదు. అవినీతికి పాల్పడలేదు. నాకు స్విస్ బ్యాంకుల్లో అకౌంట్లు లేవు. కుటుంబ సభ్యుల కోసం రాజకీయాలు చేయటం లేదు.

ఇంక నరసరావుపేట ఎంపి శ్రీ మోదుగుల వేణుగోపాలరెడ్డి గారు 15.2.2015 నాడు ఏమన్నారో చూడండి.

...విజయశాంతిని తీసుకొచ్చి పక్కా ప్రణాళికతో వారిద్దరూ నాపై దాడికి పాల్పడ్డారు. ...

ఇక్కడ వారిద్దరూ అంటే తెలంగాణ నేతలు నామా నాగేశ్వరరావు, రమేశ్ రాఠోడ్.

ఇప్పుడు మరల విజయశాంతి బాధలను చూద్దాం. ఇవి 18.1.2014 నాటివి.

నేను ఎప్పుడు చనిపోతానా అని కొందరు ఎదురుచూస్తున్నారు.
తెలంగాణ కోసం 10 సంవత్సరాలపాటు కష్టపడితే నన్ను ఒంటరిని చేసి రోడ్డున పడేశారు.
నన్నిక ప్రజలే ఆదరించాలి.
టీఆర్ఎస్ నన్ను వెన్నుపోటు పొడిచింది.
నాపై రాజకీయాలు ఆపి ప్రజల సంక్షేమం గురించి ఆలోచించాలి.
రాజకీయాలు కాదు, ప్రజల ఆప్యాయత ముఖ్యం.
నేను పాలకపక్షంలో లేను. విపక్షంలో ఉన్నాను.
నేను ఒంటరిని.. నాకంటూ ఎవ్వరూ లేరు.

ఈనాటి పాట

చిత్రం : రంగుల రాట్నం.

Writer: Shri Bhujangaraya Sarma.

కలిమి నిలవదూ లేమి మిగలదూ, కలకాలం ఒకరీతి గడవదూ, Wealth does not stay for ever, poverty does not remain for ever, time does not run in the same manner forever,
కలిమి నిలవదూ లేమి మిగలదూ, కలకాలం ఒకరీతి గడవదూ, Wealth does not stay for ever, poverty does not remain for ever, time does not run in the same manner forever,

నవ్విన కనులే చెమ్మగిల్లవా వాడిన బ్రతుకే పచ్చగిల్లదా the eyes which laughed will get moist.

ఇంతేరా ఈ జీవితం తిరిగే రంగుల రాట్నం
ఇంతేరా ఈజీవితం, తిరిగే రంగుల రాట్నం|| This is all the life. a revolvng giant wheel. ||
ఆఆఆఆ అఆఆ ఆఆ humming.

---

ఏనుగుపైని నవాబూ, పల్లకిలోని షరాబూ, The nawab on the elephant, a shroff in the pallanquin,
గుఱ్ఱం మీది జనాబూ, గాడిదపైని గరీబూ, the Noble on the horse, the impoverished on the donkey,
నడిచే దారుల గమ్యమొక్కటే ... the direction all walk is the same,
ఆ ఆ ఆ ఆ అఅఆఆ, humming.
నడిచే దారుల గమ్యమొక్కటే ... the direction all walk is the same,
నడిపేవాడికి అందరొక్కటే ... all are equal for the driver,
ఇంతేరా ఈజీవితం, తిరిగే రంగుల రాట్నం|| This is all the life. a revolvng giant wheel. ||
ఆ ఆ ఆ ఆ అఆ humming.

---

కోరిక ఒకటి జనించూ, తీరక ఎడద దహించూ, A desire sprouts, relentlessly consumes the mind (or heart, if translated literally),
కోరనిదేదో వచ్చూ, శాంతిసుఖాలను తెచ్చూ, something unwanted arrives, and brings in peaee and comfort,
ఏది శాపమో ఏది వరమ్మో .. ఏది శాపమో ఏది వరమ్మో which is a curse and which is a gift, which is curse and which is gift,
అఅ ఆ అఅ ఆ humming,
ఏది శాపమో ఏది వరమ్మో .. ఏది శాపమో ఏది వరమ్మో which is a curse and which is a gift, which is curse and which is gift,
తెలిసీ తెలియక అలమటించుటే anguishing in darkness
ఇంతేరా ఈజీవితం, తిరిగే రంగుల రాట్నం|| This is all the life. a revolvng giant wheel. ||

---

త్యాగమొకరిది, ఫలితమొకరిదీ, sacrifice is for one, fruit is for another,
అమ్మ ప్రాణమా యిద్దరిదీ, mother's love is for both,
వ్యథలూ బాధలు, కష్టగాధలు, చివరికి కంటికి ఎన్నో కథలూ, miseries, sufferings, tales of hardships, at the end numerous stories for the eye,
ఇంతేరా ఈజీవితం, తిరిగే రంగుల రాట్నం|| This is all the life. a revolvng giant wheel. ||

---

ఆగదు వలపూ, ఆగదు వగపూ, love does not stop, sadness does not stop,
ఆగదు జీవనమాగదూ, life does not stop,
ఎవరు కులికినా, ఎవరు కుమిలినా, even if somebody wassails or somebody wails,
ఆగదు కాలం ఆగదూ time does not stop. ఇంతేరా ఈజీవితం, తిరిగే రంగుల రాట్నం|| This is all the life. a revolvng giant wheel. ||

---

కలిమి నిలవదూ, లేమి మిగలదూ, కలకాలం ఒకరీతి గడవదూ, నవ్విన కళ్ళే చెమ్మగిల్లునూ, వాడిన బ్రతుకే పచ్చగిల్లునూ. Wealth does not stay for ever, poverty does not remain for ever, time does not run in the same manner forever, the eyes which laughed will get moist.
ఇంతేరా ఈ జీవితం తిరిగే రంగుల రాట్నం|| This is all the life, a revolving giant wheel.
అఅ అఆఆ humming.

---

ఇరుగింటిలోన ఖేదం, పొరుగింటిలో ప్రమోదం, sorrow in this house, revelry in that house,
రాలిన పూలూ రెండూ, పూచే గుత్తులు మూడూ, flowers that dropped are two, clusters that blossom are three,
అఅఆ humming
ఒకరి కనులలో చీకటి రేయీ , ఇరువురి మనసుల వెన్నెల హాయీ, dark night in one's eyes, moonlight in minds of two,
అఅఆ ఆఆ humming
ఇంతేరా ఈ జీవితం, తిరిగే రంగుల రాట్నం|| This is all the life, a revolving giant wheel.
అఅ అఆఆ humming.

86 SamaikyAndhra Students making physical attacks will hurt themselves సమైక్యాంధ్ర విద్యార్ధులు భౌతికదాడులకు దిగితే వారే నష్టపోతారు

86 SamaikyAndhra Students making physical attacks will hurt themselves సమైక్యాంధ్ర విద్యార్ధులు భౌతికదాడులకు దిగితే వారే నష్టపోతారు

---

చర్చనీయాంశాలు: bifurcation, విభజన, విద్య

సమైక్యాంధ్ర జాక్ కు చెందిన విద్యార్ధి నేతలు, సమైక్యాంధ్రకు వ్యతిరేకంగా మాట్లాడితే భౌతిక దాడులకు దిగుతామని ప్రకటించటం ఘోరం. నిజంగా వారు భౌతిక దాడులకు దిగనక్కరలేదు. బెదిరింపులుకూడ భారతీయ శిక్షాస్మృతి ప్రకారం శిక్షార్హ నేరాలే.

దీని వల్ల వారు అనవసరం కేసుల్లో ఇరుక్కొని విద్యావకాశాలు కోల్పోయే అవకాశం ఉంది. నిజంగా భౌతికదాడులకు దిగితే, వారు బెయిలుకు కూడ ఇబ్బంది పడే సెక్షన్ల క్రింద ఇరుక్కు పోతారు.

ధనిక కుటుంబాల నుండి వచ్చిన విద్యార్ధులకు ఉద్యోగాల అవసరం లేదు. కాలేజీలు, డిగ్రీలు అనేవి వారికి కాలక్షేపం బఠానీలు, కట్నాలను పిండుకోటానికి సాధనాలు. కానీ పేద, దిగువ మధ్య తరగతి కుటుంబాల విద్యార్ధుల పరిస్థితి అలాకాదు. కేసుల్లో ఇరుక్కుంటే జీవితాలు నాశనమవుతాయి. ప్రభుత్వోద్యోగాలు మాత్రమే కాదు, కొన్నిసార్లు ప్రైవేటు ఉద్యోగాలు కూడ రావు.

తెలంగాణలో విద్యార్ధులు కొందరు ఇప్పటికే దెబ్బ తిన్నారు. వారికి కెసీఆర్ హామీలు ఇచ్చి ఉండవచ్చు. కేసులు ఎత్తివేయిస్తామని, ఉద్యోగాలు సృష్టించి ఇస్తామని,పెన్షన్లు, తామ్రపత్రాలు ఇస్తామని చెప్పి ఉండవచ్చు.


సమైక్యాంధ్ర విద్యార్ధులకు ఎవరైనాచాటుగా ఇటువంటి హామీ ఇచ్చారేమో మనకి తెలీదు. హామీ ఇచ్చేవారు తమ రాజకీయ అవసరాలను బట్టి సవా లక్ష హామీలు ఇచ్చినా వారు తమ హామీలను గుర్తుంచుకోటం కష్టం.

నిజానికి సమైక్యాంధ్ర కన్నా ,సరియైన పధ్ధతుల్లో అంటే సమన్యాయంతో, జరిగితే విభజనే లాభం. సమైక్యాంధ్రలో కేవలం హైదరాబాదే అభివృధ్ధి అవుతుంది. హైదరాబాదులో చోటేది? చీమల్లాగా జనం. హైదరాబాదును కేంద్ర పాలిత ప్రాంతం చేయించు కోగలిగితే, చిన్నరాష్ట్రాల పధ్ధతిలో ఉత్తరాంధ్ర, దక్షిణాంధ్ర, రాయలసీమ రాష్ట్రాలను ఏర్పరుచుకోగలిగితే, అన్ని ప్రాంతాలూ అభివృధ్ధి మార్గం పట్తాయి.

సమైక్యాంధ్ర విద్యార్ధులకు నిరసనలు ప్రకటించుకోటానికి సవాలక్ష మార్గాలు ఉన్నాయి. ఉదాహరణకు: దారుణంగా వ్యవహరిస్తున్నది కేంద్ర ప్రభుత్వం. కేంద్ర ప్రభుత్వానికి నిరసన ప్రకటించ దలుచుకున్నవారు, కేంద్ర పన్నుల నిరాకరణోద్యమం ,సహాయనిరాకరణం వంటివి చేపట్టి ప్రజలకు నచ్చచెప్పవచ్చు. గాంధీగారు ఇలాటి ఉద్యమాలతోనే కదా విజయాలను సాధించింది.

వ్యూహాలను అందరూ కలసి నిర్ణయించుకోవచ్చు.

ఎట్టి పరిస్థితులలోను పేదవిద్యార్ధుల బ్రతుకుతెరువు భవిష్యత్ ను పణంగా పెట్టరాదు.

ఆర్టికిల్ 3 ప్రకారం, కేంద్రం రాష్ట్రాలను విభజించాలన్నా, క్రొత్తవాటిని ఏర్పరచాలన్నా రాజ్యాంగ సవరణ అవసరం లేదంటున్నారు కాబట్టి, 2013లో కాంగ్రెస్ ప్రభుత్వం, చేసే తప్పులను 2014లో వచ్చే క్రొత్త ప్రభుత్వం తేలికగానే సవరించవచ్చు. కాబట్టి ఇప్పుడు ఏవైనా అన్యాయాలు జరిగినా, అన్యాయం చేసిన వారికి ఎన్నికల్లో బుధ్ధి చెప్పి ఇంటికి పంపి, కొత్త ప్రభుత్వం చేత అవసరమైన మార్పులు చేయించుకోవచ్చు.

ఈమాత్రం దానికి కేసుల్లో ఇరుక్కోటం తొందరపాటే అవుతుంది.

#049 No SImAndhra leader to come forward to work as CM of AP ముఖ్యమంత్రిగా పనిచేయటానికి ఏనేతా ముందుకు రాకపోవచ్చు

#049 No SImAndhra leader to come forward to work as CM of AP ముఖ్యమంత్రిగా పనిచేయటానికి ఏనేతా ముందుకు రాకపోవచ్చు
రైల్వే శాఖ సహాయమంత్రి శ్రీకోట్ల సూర్యప్రకాశరెడ్డికి ఆంధ్రప్రదేశ్ ముఖ్యమంత్రి పదవిని ఇవ్వచూపినా, తన వ్యక్తిగత ప్రతిష్ఠకు, కాంగ్రెస్ ప్రతిష్ఠకు, భంగకరమని ఆయన గుర్తించి , తిరస్కరించటం ముదావహం.

రవాణా మంత్రి శ్రీ బొత్స సత్యనారాయణకు ఈ ఆఫర్ ఇచ్చి ఉంటే ఆయన ముందుకు వచ్చే వాడేమో. శ్రీమతి పురందేశ్వరి, పనబాక లక్ష్మి , కిల్లి కృపారాణి వంటి వారు కూడ ముందుకు వచ్చేవారేమో. కానీ కాంగ్రెస్ సంస్కృతిలో ముఖ్యమంత్రి పదవి ఎక్కువగా రాయలసీమ ప్రాంతానికి చెందిన ఒకేకులం వారికి దక్కుతూ ఉండటం గమనార్హం.

ఏది ఏమైనా పదవుల తాయిలాలను పంచిపెట్టి, తెలుగు వాళ్ళను లొంగతీసుకునే కాంగ్రెస్ అధిష్ఠానం ఇంద్రజాలాలకు కాలం చెల్లబోతుందని, కాంగ్రెస్ అధిష్ఠానం గుర్తించటం అవసరం.

సీమాంధ్ర కాంగ్రెస్ నేతలు రాష్ట్రపతి ప్రణబ్ ముఖర్జీపై ఎన్నో ఆశలు పెట్టుకున్నట్లు కనిపిస్తుంది. అవన్ని, అడియాసలు కాకమానవు. సీమాంధ్రప్రజలకు న్యాయం చేస్తే ఆయనకు ఏమి లాభం వస్తుంది? ఆయన,గతంలో రాజీవ్ ని, సోనియామాతను ధిక్కరించి బెంగాల్లో దెబ్బ తిని ఆమె విశ్వాసాన్ని పొందలేక ప్రధాన మంత్రి అయ్యే అవకాశాన్ని కోల్పోయి అతికష్టంమీద రాష్ట్రపతి పదవిని పొంది ఉన్నవాడు. అణకువగా ఉంటే రాష్ట్రపతిగా రెండవ టరమ్ లభిస్తుంది. లేకపోతే మాజీ రాష్ట్రపతిగా బెంగాల్లో చిన్న చిన్న చెరువుల్లో చేపలు పట్టుకుంటూ, శేషజీవితాన్ని గడపాల్సి వస్తుంది.

దిగ్విజయసింగ్ గారు, చెప్తున్నదాని బట్టి చూస్తుంటే, రాష్ట్రశాసనసభ అభిప్రాయాలను పట్టించుకోకుండా, కేంద్రమంత్రివర్గం తెలంగాణా బిల్లును ముందుకు నెట్టబోతుంది. లోకసభలో బిజెపికూడ కాంగ్రెస్ తో కుమ్మక్కయ్యే సూ చనలు కనిపిస్తున్నాయి. ఇదే గనుక జరిగితే అఖిల భారత పార్టీలైన బిజెపి, కాంగ్రెస్ లు, ప్రజాస్వామ్యాన్ని ఖూనీ చేసిన పార్టీలుగా చరిత్రలో నిలబడపోతున్నాయి.

రాష్ట్రశాసనసభల తీర్మానాలను పట్టించు కోకపోటం అనేది అసాధారణమైన వాటిలో అసాధారణమైన కేసుల్లో (rarest of the rarest) కేసుల్లో జరగాలి. ఇప్పుడు అటువంటి పరిస్థితులేమీ లేవు. శాసనసభలో సీమాంధ్ర,తెలంగాణా సభ్యుల మధ్య విభేదాలు ఉంటే వాటిని చర్చల ద్వారా పరిష్కారాలను వెతకాలి. అసలు ఈ పనిని కాంగ్రెస్, బిజేపీలు, 2004-2012 మధ్యలో ఎప్పుడో చేయాల్సి ఉంది. చేయకుండా ఎందుకు నిద్ర పోయారు? ఇప్పుడు, శాసనసభను కూడ పట్టించుకోకుండా, ఎందుకు చిందులు తొక్కుతున్నారు?

రాష్ట్ర విభజన అనేది, మాతృదేవతలు పడే ప్రసవ వేదనల వంటిది కాదు. సిజేరియన్ చేసి పిల్లను తీయకపోతే తల్లికీ, పిల్లకు ప్రమాదం అనే భయం ఇక్కడ ఇప్పుడు పొంచి లేదు.

పదవీవేదనతో బాధ పడుతున్న చంద్రశేఖరరావుకి సోనియామాత ఎందుకు భయపడుతున్నదో అర్ధంకాదు. ఆంధ్రప్రదేశ్ శాసనసభలో ఫిబ్రవరి 26, 1997 నాడు శ్రీ చంద్రశేఖరరావు ఏమన్నారో చూస్తే ఆయన నక్కజిత్తులు అర్ధం అవుతాయి.

"ఎవరి ప్రభుత్వం ఉన్నా తెలంగాణలో , రాయలసీమ లో ఉద్యమాల కోసం ఏదో సమితి అనేది పెడుతున్నారు. రాయలసీమ లో రాయలసీమ విమో...చన సమితి, రాయలసీమ పోరాట సమితి, తెలంగాణ ప్రజా సమితి ఈ విధంగా అనేక పేర్లతో సమితి నాయకత్వాన ఉద్యమం చేపట్టే ఉద్యమకారుడు ఏదైనా ఉద్యోగం లభించినట్లయితే ఆ ఉద్యోగాన్ని అనుభవిస్తున్నారు కాని వారికి హోదా వచ్చిన తర్వాత ఆ ఉద్యమాన్ని కొనసాగించడానికి ప్రయత్నించరు. పలు నినాదాలు వస్తున్నాయి. ఇందాక హౌస్ లో దామోదరరెడ్డి గారు స్లోగన్ తో సహా జైతెలంగాణ అని కూర్చున్నారు. ఈ నినాదాలు పెరగకుండా ముఖ్యమంత్రిగారు తక్షణ చర్యలు చేపట్టాలి."

047 KCR's love of dharma is genuine or a stick to beat BJP with? कॆसीआर् के धर्म निरति प्रदर्शन असली है या बीजॆपी को मारने के लिये एक लाठी है బిజెపి తో పోటీనా నిజంగా ధర్మం అంటే ప్రేమేనా?

#047 Rivalry with BJP or real love of dharma బిజెపి తో పోటీనా నిజంగా ధర్మం అంటే ప్రేమేనా? తెరాస నేత శ్రీ చంద్రశేఖరేంద్రుల వారికి, కాంగ్రెస్ భయం పెద్దగా ఉన్నట్లు కనపడదు కానీ, మహబూబ్ నగర్ లోక్ సభ ఉపఎన్నికల తరువాత, బిజెపి భయం అధికమైనట్లు తోస్తుంది.

నిజాం నవాబు పాలనను ఎంత నెత్తిన పెట్టుకున్నా, మైనారిటి వోటర్ల మద్దతు తో పాటుమెజారిటీ వోటర్ల మద్దతు కూడ అవసరం అని శ్రీవారు గుర్తించి నట్లు వారు వ్యవహరిస్తున్నారు.

ఈమధ్య శ్రీవారు నగరంలో రవీంద్రభారతిలో, శ్రీపాలకుర్తి నృశింహరామ సిధ్ధాంతి గారికి ఘన సన్మానం జరిపించారు. కెసిఆర్ గారు సిధ్ధాంతిగారి పల్లకీని మోశారు. శ్రీపాలకుర్తి నృశింహరామ సిధ్ధాంతి గారికి పసిడి కంకణ ధారణకూడ చేయించారు. ఛాయాచిత్ కూడ పత్రికల్లో వచ్చింది.

ఈనాడు 5-11-2013, 11వ పేజీ చూడండి. శ్రీవారివి కొన్ని సుభాషితాలు మచ్చుకి:--

ధర్మం పునాదులపైనే దేశం .
దేశంలో ధర్మాత్ములు 98% ఉన్నారు. విఛ్ఛిన్నం చేసే వారు, లఫంగాలు , కేవలం 2% మాత్రమే.
త్వరలోనే అయత చండీ యాగం చేయాలని యోచిస్తున్నాను. దేశంలో గతంలో ఒకే ఒక్క సారి అయత చండీయాగం జరిగింది.
గతంలో శ్రీశృంగేరీ పీఠాధిపతి గారు తన పుట్టిన రోజు యాగం చేశారు. నేను కూడా అలాటి యాగం చేయాలని తలపెట్టాను. శ్రీపాలకుర్తి నృశింహరామ సిధ్ధాంతి గారి అధ్వర్యం లోనే నేనీ యాగాన్ని నిర్వహిస్తాను.

శ్రీకెసిఆర్ గారు తెలంగాణ రాష్ట్రానికి ప్రధమ దళిత ముఖ్యమంత్రిని ఇస్తామని వాగ్దానం చేశారు. ఇప్పుడు యజ్ఞాలు, యాగాలూ చేసి, ఆయజ్ఞఫలంతో, చివరకి తన కొడుకునో, కూతురునో , అల్లుడినో, ప్రజలపై రుద్దుతారా? మన్మోహన్ ప్రధాని అయినా, అధికారం మొత్తం సోనియా మాత చేతిలో ఉన్నట్లుగా, దళితుడికి ముఖ్యమంత్రి అయ్యే సౌభాగ్యాన్ని కెసీఆర్ ప్రసాదించినా, అది కేవలం తన గుమాస్తాగాయే, అని వ్రాయనవసరంలేదు.

శ్రీవారికి యజ్ఞయాగాదులపై మొదటినుండి మోజు ఉన్నది. అయితే , బిజెపిని మించి పోవాలనే తపన, ఈకోరికను ఇనుమడింప చేస్తున్నదా?

ఆ రెండు శాతం లఫంగాలు ఎవరో తెరాస నేత శ్రీ చంద్రశేఖరేంద్రుల వారు చెప్పలేదు.