264 Have we gained anything by replacing Sonia-manmo raj with modi-jaitley-rajna raj??

264 మనము సోనియా-మన్మో రాజ్ స్థానంలో మోడీ-జైట్లీ-రాజ్నా రాజ్ ను స్థాపించుకొని లాభ పడ్డామా?
చర్చనీయాంశాలు: 264, మన్మోహన్, సోనియా, నరేంద్రమోడీ, అరుణ్ జైట్లీ, రాజ్ నాథ్ సింగ్, ధరలు, గ్యాస్, సారానాథ్, బౌధ్ధం

మన్మోహన్ ముఖోటాగా ఏలబడిన, సోనియా రాజ్యం పోయిందని మనం సంబరపడటం ఎంత మేరకు సబబు? వీపు మీదనుండి రెండు బండరాళ్ళను క్రింది దించుకొని ఊపిరి పీల్చుకోటంలో తప్పులేదు.

అయితే మనం అంతే బరువు గల మూడు వెయిట్స్ ను వీపుపైకి ఎక్కించు కున్నాము, అని మర్చిపోతున్నాము.

గణిత శాస్త్రంలో strictly equivalent అనే గుర్తు ≣ఉంటుంది. దీనిని సర్వ సమానత్వం అనలేం కానీ గాఠిగా సమానం అనచ్చు.
≅ approximately equal. అంటే సుమారుగా సమానం అన్నమాట.
సోనియా మన్మోహన్ రాహుల్ త్రయాన్ని, మోడీ జైట్లీ రాజ్ నాథ్ త్రయాన్నీ పోల్చి మనం ≅ approximately equal. అంటే సుమారుగా సమానం అనలేం. ≣ గాఠిగా సమానం అనే అనాలి.
రైలు ఛార్జీలు పెంచటం, గవర్నర్లను బలవంతంగా రాజీనామా చేయించటం, పాతవాళ్ళు చేసినవే మేము చేస్తున్నాం అనటం, స్వదేశంలో పనులను తప్పించుకుని విదేశయాత్రలు చేయటం, మెజారిటీలనో మైనారిటీలనో ఎవరినో ఒకరిని మతప్రాతిపదికగానో, కులప్రాతిపదికగానో, ప్రోత్సహించటం ఇవన్నీ ఇరువురి సమాన ధర్మాలు.

కాబట్టి రాబోయే ఐదేళ్ళ పాలన ఇంక దిగజారిపోతుందా మెరుగవుతుందా? దీనికి జవాబు తేలికే. శాసించే పారిశ్రామిక వేత్తలు ఇరువురికీ ఒకరే కదా. శాసించే షేర్ బ్రోకర్లు, పవర్ బ్రోకర్లు ఇరువురికీ ఒకరే ఇంక మార్పేమిటి?

నవభారత్ టైమ్స్ హిందీ దిన పత్రికలో సీపీఐ నేత అతుల్ అంజాన్ అనే సీపీఐ నేత చెప్పిన విషయాలు అక్షరాలా నిజాలు.

अभी तो सरकार भूटान जाएगी, बांग्लादेश जाएगी, यूएस कांग्रेस को संबोधित करेगी। इराक के बारे में जरा देर से सोचेगी: अतुल अंजान (सीपीआई)

తెలుగు సారం: ఇపుడు సర్కార్ భూటాన్ వెళ్తుంది. బంగ్లాదేశ్ వెళ్తుంది. యు ఎస్ కాంగ్రెస్ (అమెరికా వారి లోక్ సభ-దిగువసభ) ను సంబోధిస్తుంది. ఇరాక్ గురించి కొద్దిగా ఆలస్యంగా ఆలోచిస్తుంది.


ऐसा लग रहा है, मोदी जी और यूपीए में प्रतियोगिता चल रही है कि कौन आम आदमी को ज्यादा परेशान कर सकता है: अतुल अंजान(सीपीआई)
తెలుగు సారం: ఎలా కనిపిస్తున్నదంటే, మోడీజీకి మరియు యుపిఎ కి మధ్య ఎవరు ఎక్కువ ఆమ్ ఆద్మీని పరేశాన్ చేస్తారు అనే విషయంలో ప్రతియోగిత (పోటీ -- కాంపిటీషన్) నడుస్తున్నది. రైలు ఛార్జీలను పెంచటం అయిపోయింది. ఎల్ పిజి సిలిండర్ ను నెలకొక పదిరూపాయల లెక్కన పెంచుతారట. నవభారత్ టైమ్స్ వారి వార్త చదవాలనుకునే వారికి లింకు. http://m.nbt.in/text/details.php?storyid=36983632§ion=top-news. క్లిక్.

ఐదేళ్ళ భాజపా రాజ్యంలో ఐదేళ్ళు అంటే 60 నెలలే కదా, అంటే రూ. 600 మాత్రమే కదా పెంచేది, అని సంతోషించండి. అంటే రూ. 412 ఉండేది రూ. 1012 మాత్రమే కదా అయ్యేది.

పెట్టుబడిదారీ విధానంలో పెట్టుబడి పెట్టకున్నా, కాదేదీ వ్యాపారాని కనర్హం

ఉత్తర ప్రదేశ్ సారానాథ్ లో, బుధ్ధుడు మొదటిసారిగా తన బోధను ప్రారంభించిన ప్రదేశంలో, ఉన్న ఒక మర్రి చెట్టు కొమ్మ ఒకటి పెద్దది విరిగి పడిందట.

దాని పవిత్రతను వ్యాపారంగా మలుచుకున్న భిక్షువులు, పరిసరవాసులు, ఆకొమ్మలను చిన్నచిన్న టుకడాలుగా నరికి ప్రపంచ వ్యాప్తంగా వచ్చే బౌధ్ధ యాత్రికులకు అమ్మి సొమ్ము చేసుకుంటున్నారుట.

మహాకవి శ్రీశ్రీ కుక్కపిల్లా, అగ్గిపుల్లా, సబ్బుబిళ్ళా కావేవీ కవితకనర్హం అన్నారు. కావేవీ వ్యాపారానికనర్హం అనికూడ అంటే బాగుండేది.

224 Shri Modi lacks minimum courtesy and manners

224 శ్రీనరేంద్ర మోడీ కనీస గౌరవ మర్యాదలు చూపించలేని వ్యక్తియా?

చర్చనీయాంశాలు: సోనియా, నరేంద్రమోడీ, బిజెపి, కాంగ్రెస్

---

ఈయనయే గరీబ్ ఆద్మీ, చాయ్ వాలా

శ్రీ నరేంద్రమోడీ అన్నట్లుగా చెప్పబడుతున్న మాటలు:

हमें गर्व है कि हमने कहा कि लोगों को और मत लूटिए। लोगों को जो लूटते हैं उन्हें कहने की जरूरत नहीं है। आपने गरीबों के लिए कुछ भी नहीं छोड़ा है। यह आप जैसे लोगों को कहना है, क्योंकि हमने कभी नहीं लूटा है। तो क्यों नहीं ‘ये दिल मांगे मोर’। केवल सोनिया जी ही क्यों? आपको सम्मानित तरीके से जाने की तैयारी करनी चाहिए।

తెలుగు సారం: ప్రజలను ఇం కా లూటీ చేయటం మానమని చెప్పటానికి మాకు గర్వంగా ఉంది. ప్రజలను లూటీ చేసే వారు ప్రజలకు చెప్పవలసిని అవసరం లేదు. మీరు పేదలకు కొంత కూడ వదలలేదు. మేము ప్రజలను ఎప్పుడూ లూటీ చేయలేదని , మీలాటి వ్యక్తులకు చెప్పాల్సి ఉంది. అలాటపుడు ''యే దిల్ మాంగే మోర్ '' ఎందుకు అనకూడదు? మీరు మర్యాదాకరమైన పధ్ధతిలో వెళ్ళిపోటానికి సిధ్ధపడాలి.

వైబీరావు గాడిద వ్యాఖ్యలు

English: All parties have looted the country and the people. How about the pillage of the iron ore in Karnataka State under BJP Rule, by Shri Gali Janardana Reddy? BJP in Karnataka encouraged iron ore plunderers, and made them Ministers. లూటీలనేవి అన్ని పార్టీల వారూ చేశారు. కర్నాటకలో బిజెపి రాజ్యంలో జరిగిన ఇనుప ఖనిజం లూటీ సంగతేమిటి? ఇనుప ఖనిజం దొంగలను, దానిని ప్రోత్సహించిన నాటి బిజెపి ముఖ్యమంత్రినీ, బిజెపి పెద్దపీట వేసి వెనక్కి ఆహ్వానించింది కదా.

శ్రీ నితీన్ గడ్కారీ పై వచ్చిన అవనీతి ఆరోపణలపై విచారణ జరుగుతుందా?

కాంగ్రెస్ రాజ్యంలో భారీగా అవినీతి జరిగి ఉండ వచ్చు. అయితే ఈ విషయంలో బిజెపి వెనుకంజ వేసి లేదు.

గెలుపూ వోటములు అనేవి రాజకీయాలలో పడుగూ పేకల వంటివి. ఐదేళ్ళ సమయంలోనే, కొన్ని సార్లు మధ్యంతర ఎన్నికలు వస్తే ఇంకా తక్కువ సమయంలో అదృష్టాలు తారుమారు అవుతూ ఉంటాయి. ఒకసారి ఎన్నికలలో ఓడి పోయినంత మాత్రాన రాజకీయ జీవితాలు సమాప్తం కావు కదా. జయంట్ వీల్ లో కూర్చున్న వాళ్ళు కొన్ని సార్లు ఆకాశానికి ఎగురుతారు. మరి కొన్నిసార్లు ఉపరితలానికి వస్తారు.

లూటీల విషయానికి వస్తే, చట్టం తన పని తాను నిశ్శబ్దంగా చేసుకుపోయి అవినీతి పరులకి శిక్షలు పడితే, ప్రజాస్వామ్యానికి న్యాయానికి జరిగినట్లే.

అరిచే కుక్క కరవదు. కరిచే కుక్క అరవదు. శ్రీ మోడీ అధికారంలోకి వస్తే కాంగ్రెస్ కాలం అవినీతిపై విచారణ జరిపించి వారిని నిస్సందేహంగా జైలుకు పంపచ్చు. దీనికి ఆర్భాటం అక్కరలేదు.

ఈ మధ్య శ్రీ మోడీ, రాహుల్, శ్రీమతి సోనియా, ప్రియాంకా అందరూ తిట్లకి లంకించు కుంటున్నారు. ఇది ప్రజాస్వామ్యానికి శ్రేయస్కరం, కాదు.

ఇక, మత తత్వం, కులతత్వం విషయానికి వచ్చినపుడు కాంగ్రెస్, బిజెపి లతో సహా రాజకీయ పార్టీలన్నీ విభజించి పాలించు పధ్ధతిలో నే నడుస్తున్నాయి.

క్రొత్త లోక్ సభ సజావుగా పని చేయాలంటే

లోక్ సభకు శ్రీమతి సోనియా ఎన్నికయినప్పటికీ, ఆమె తన ఆరోగ్య సమస్యల వల్లో సభకు తరచుగా హాజర్ కాక పోవచ్చు. కాంగ్రెస్ తరఫున శ్రీ రాహుల్ గాంధీయే ఎక్కువగా ప్రసంగించ వలసి రావచ్చు.

ఈసందర్భంగా నా అల్ప దృష్టికి , శ్రీ నరేంద్రమోడీ వాక్ తపస్సు చేయటం మేలేమో ననిపిస్తుంది. లోక్ సభ నిబంధనల, సభ సదాచారాల నిపుణులు, మరియు వాయిస్ మాడ్యులేషన్ నిపుణుల దగ్గర ఆయన శిక్షణ పొంది, ఒక ఆదర్శ నేతగా, జాతికి సరియైన మార్గ దర్శకుడుగా రూపొందితే బాగుంటుంది. గతం గతః అనుకోటానికి, ప్రజలు సిధ్ధంగా ఉండ వచ్చు. నా భయం ఏమిటంటే, మోడీ పధ్ధతులకి బిజెపి సీనియర్ నేతలే ఖిన్నులై యున్నారు. ఆయన కొంతైనా ఆత్మ పరిశీలన చేసుకుని, కొంతైనా తన పధ్ధతులను మార్చుకుంటే, జాతికి మహోపకారం చేసిన వారవుతారు. జాతి ఆయనకు ఇస్తున్న ఈ అవకాశాన్ని ఆయన సద్వినియోగం చేసుకోవాలి.

164 KCR cheated dalits and coronated his own Son as Prince कॆसीअर दलितों को धोका दिया और अपने बेटे को युवराजा बन दिया కెసీఆర్ దళితులకు చేయిచ్చి తన కొడుకుకే పట్టాభిషేకం చేసుకున్నాడు

164 IS EVERYTHING A DELUSION? అంతా భ్రాంతియేనా జీవితానా వెలుగింతేనా

---

చర్చనీయాంశాలు: పవన్ కల్యాణ్,కెసిఆర్,సోనియా గాంధీ,కాంగ్రెస్,తెరాస,చంద్రబాబు


శ్రీపవన్ కల్యాణ్ గారు రాజకీయాలలోకి వస్తారట. కిరణ్ వెనుకాడుతున్నందు వల్ల శ్రీపవన్ కల్యాణ్ గారు రాజకీయాల్లోకి దూకే అవకాశం ఉందిట.

పాతనీరు పోయి కొత్తనీరు రావటంగా మనం భావించి స్వాగతం చెప్పటమే మేలు. కొత్తనీరు పాతనీరు కన్నా మురికిగా ఉండకూడదనేమీ లేదు. అయినా కూడ మార్పు ఎల్లపుడూ అభిలషణీయమే.

ఆక్రోశించి ఫలితమేమి?

శ్రీచంద్రబాబు నాయుడు గారు కెసీఆర్ తన దగ్గర పాఠాలు నేర్చుకొని తనకే పంగనామాలు పెట్టాడని కెసీఆర్ పై ఆక్రోసిస్తున్నారు. మరి తానిచ్చిన ట్రెయినింగు ఎలాంటిది? ఇద్దరూ కలిసి ఎన్ టీ ఆర్ కి వెన్నుపోటు పొడవలేదా?

కెసిఆర్ దళితుడికి ముఖ్యమంత్రి పదవి ఇవ్వరా? Won't KCR allow a dalit to become the first Chief Minister of TelangaNa?

సోపన్ జోషి గారి చిత్రం తెహల్కా.కామ్ వారి దయతో.

15.1.2011 నాడు శ్రీ కె చంద్రశేఖర రావు గారు శ్రీ సొపన్ జోషి గారికి ఒక ఇంటర్వ్యూ ఇచ్చారు. అందులో ఏమన్నారో చూడండి.

Are you doing all this to become the CM of the new state? ఇదంతా మీరు కొత్త రాష్ట్రానికి ముఖ్యమంత్రి అవుదామని చేస్తున్నారా?

This is rubbish. I’ve said it not less than a thousand times that the first Telangana CM will be a Dalit. We have not zeroed in on a name right now, but there are so many leaders. When the occasion comes, we will evolve a consensus on a Dalit CM. The Telangana society is in such a mood that nobody can rule here unless they bring us statehood. It is ultimately a political decision. Let wisdom prevail on the Prime Minister and Sonia Gandhi that they deliver on the promise they made to the people of Telangana.

తెలుగు సారం: ఇది చెత్త. తెలంగాణ మొదటి ముఖ్యమంత్రిగా ఒక దళితుడు ఉంటాడని నేను వేయి సార్లకు తక్కువ కాకుండా చెప్పాను. ఇప్పటికిప్పుడు మేము పేరును నిర్ణయించుకునే దశకు రాలేదు. ఆ సమయం వచ్చినపుడు దళిత ముఖ్యమంత్రిపై మేము ఏకాభిప్రాయాన్ని సాధిస్తాము. తెలంగాణ సమాజం ఈరోజు ఏస్థితిలో ఉందంటే, తెలంగాణకి రాష్ట్రాన్ని సాధించకుండా ఇక్కడ పాలన చేయలేని మూడ్ లో ఉన్నది. అది చివరికి ఒక రాజకీయ నిర్ణయము. తాము తెలంగాణ ప్రజలకు చేసిన వాగ్దానాన్ని నెరవేర్చాలనే వివేకం ప్రధానమంత్రి మరియు సోనియా గాంధీలో ఉదయించు గాక.

వైబీరావు గాడిద వ్యాఖ్యలు

సీమాంధ్ర ప్రజలను తీవ్రంగా అవమానించటానికి కూడ వెనుకాడకుండా ప్రధానమంత్రి, సోనియా గాంధీ, తాము అన్నమాటలను నెరవేర్చారు కదా. మరి కెసీఆర్ గారు తాను వేయి సార్లకు తక్కువగా కాకుండా అన్నమాటలను నెరవేర్చరా?

కాంగ్రెస్ లో విలీనానికి తెరాస నిరాకరణ

ఊహించినదే. కెసీఆర్ చంద్రబాబు పాఠశాలలో చదివాడు కదా. అందుకని వెన్నుపోట్లు తప్పవు.

శ్రీమతి సోనియా గాంధీ, దిగ్విజయ్ సింగ్, జయరాం రమేష్ లు కలిసి పాడుకోవాల్సిన ఈనాటి పాట

దేవదాసు నుండి. శ్రీ సి.ఆర్. సుబ్బరామన్ సంగీతం. సముద్రాల రచన. గానం: కె.రాణి.
ప్రస్తుత పరిస్థితి కనుగుణంగా మార్చి.

అంతా.. భ్రాంతియేనా.. జీవితానా.. వెలుగింతేనా
ఆశా.. నిరాశేనా.. మిగిలేది చింతేనా..ఆ ఆ...
మరల అంతా భ్రాంతి||

చిలిపితనాల చెలిమే మరచితివో.. ఓ ఓ ...
మరల.
తల్లిదండ్రుల మాటే దాటా వెరచితివో.. ఓ ఓ ...
మరల.
పేదరికమ్ము ప్రేమపథమ్ము మూసివేసినదా.. నా ఆశే దోచినదా ...

అంతా భ్రాంతియేనా జీవితానా వెలుగింతేనా
ఆశా నిరాశేనా మిగిలేది చింతేనా

మనసునలేని వారి సేవలతో.. ఓ ఓ ...
మరల.
మనసీయగలేని నీపై మమతలతో.. ఓ ఓ ...
మరల.
వంతలపాలై చింతిలుటే మా వంతా తెరాసా.. మా వంతా తెరాసా..

అంతా భ్రాంతియేనా జీవితానా వెలుగింతేనా
ఆశా నిరాశేనా మిగిలేది చింతేనా

౦76 రాజధానుల సంగతి మొదట చేపట్టాలి Home Minister should first take up the question of SImAndhra Capitals!

---

bifurcaton, విభజన, బిజెపి, కాంగ్రెస్, సోనియా


ఎవరినీ గాయపరచకుండా, బాధ పెట్టకుండా తెలంగాణా రాష్ట్రాన్ని ఏర్పాటు చేయటానికి ప్రయత్నిస్తున్నామని కేంద్ హోం మంత్రి శ్రీ సుశీల్ కుమార్ షిండే గారు అన్నారు. శ్రీవారి కోరిక మంచిదే. కానీ అది 201౩ లోక్ సభ శీతాకాలం సమావేశాల్లోగా కుదరదు.

సోనియా గాంధీ గారు గానీ, రాహుల్ గాంధీ గారు గానీ, మన్మోహన్ సింగ్ గారు గానీ, సుశీల్ కుమార్ Shinde గారు గానీ ఇంతవరకు సీమాంధ్ర ప్రజల ముఖం చూడలేదు. ఏదైనా సభ పెట్టి వారికి నచ్చచెప్పే ప్రయత్నం చేయలేదు. వోట్లుకావలసి వచ్చినపుడు, చేతులు బాగానే ఊపుతారుగా. ఇప్పుడు సీమాంధ్ర ప్రజలముందుకు వచ్చి తామేం చేయబోతున్నారో చెప్పటానికి భయం ఎందుకు. భయంకాకపోతే, ఎంతకాలం తీరిక లేదనే నెపంతో కాలక్షేపం చేస్తారు? బిల్లు పెట్టక ముందు ప్రజలకు వివరిస్తారా, లేక వాతలు పెట్టి బర్నాల్ రాస్తారా?

ఇంతవరకు కాంగ్రెస్ పార్టీ పాటించిన వ్యూహం ఏమిటంటే, శ్రీ కావూరి సాంబశివరావుకి, శ్రీ జే.డీ.శీలంకి, మంత్రి పదవులనిచ్చి వారిని లోబరుచుకోవాలని ప్రయత్నించటం. అది కొంతవరకు ఫలించినట్లే కనిపిస్తుంది.

ఈసారి సోనియా గాంధీ గారు గానీ, రాహుల్ గాంధీ గారు గానీ, మన్మోహన్ సింగ్ గారు గానీ, సుశీల్ కుమార్ మోడీగారు సీమాంధ్ర ప్రజల ముందుకు వచ్చి చేతులు ఊపగలుగుతారని అనుకోటం దుర్లభం. హెలికాప్టర్ నుండే చేతులు ఊపి వెళ్ళిపోతారని నమ్మవచ్చు. అఖిలభారత బిజేపి నేతలకు, ఆభాగ్యం కూడ దక్కక పోవచ్చు.

లోక్ సభలో బిజెపి తెలంగాణ బిల్లుకు అడ్డం పడుతుంది అనుకుంటే, అది ఒక భ్రమ. అడ్డు పడితే, వారు కిషన్ రెడ్డికి, దత్తాత్రేయకు, విద్యాసాగర్ రావుకు తమ ముఖం చూపలేరు. దానికన్నా, కేంద్రంలో అధికారం లోకి వస్తే, శ్రీ వెంకయ్యనాయుడికి ఒక మంత్రి పదవి, సీమాంధ్ర బిజెపి నేతకు, ఒకచిన్న పదవి పారేస్తే, పని నడుపుకోవచ్చు అని బిజేపి అధిష్ఠానం భావిస్తూ ఉండ వచ్చు.

2004 నుండి 2013 వరకు నిద్ర పోయినందుకు కాంగ్రెస్ కి, 1999 నుండి 2004 వరకు నిద్ర పోయినందుకు బిజేపి వారికీ ఈ దుస్థితి తప్పదు.

శ్రీ సుశీల్ కుమార్ షిండే గారికి నిజంగా ఎవరినీ గాయపరచకుండా, తెలంగాణ ఏర్పరచాలనేకోరిక ఉంటే, తక్షణమే సీమాంధ్ర రాజధానులు ఏక్కడ ఉండాలనే ప్రశ్నను నాయకులముందు, ప్రజలముందు ఉంచాలి. తెలంగాణవారికి కూడ, హైదరాబాదుని తప్ప వేరే పట్టణాలను రాజధానులుగా కోరుకోమని చెప్పాలి.

ఆయన ఈ ముఖ్యవిషయాన్ని పట్టించుకోకుండా, తెలంగాణాను ముందుకు నెట్తే , ఇంటెలిజన్స్ ఛీఫ్ గారు ఇప్పటికే ఊహించి, రాబోయే తుఫానులను చెప్పినట్లుగా జరుగుతుంది. స్కాట్ లాండు ప్రజలు ఇంగ్లండు నుండి స్వాతంత్ర్యం కోరటానికి ౩౦౦ ఏళ్ళు పట్టింది. స్వాతంత్ర్యం వచ్చిన 40 ఏళ్ళకే సిక్కులు ఖలిస్థాన్ ఉద్యమాన్న లేవదీశారు. సీమాంధ్ర ప్రజల్లో అవివేకులు , ఉద్రేకులు, ఎవరైనా ఉంటే, స్వతంత్ర సీమాంధ్ఱ లేక స్వతంత్ర కోస్తాంధ్ర లేవదీస్తే, పంజాబ్ విశ్రాంత డీజీపీ శ్రీ గిల్ ను సీమాంధ్రకు పంపాల్సి రావచ్చు. రక్షణ మంత్రి ఆంథోనీ కొంతవరకు వాస్తవిక ధోరణిలో ఆలోచిస్తున్నట్లుగా కనిపిస్తుంది. హోం మంత్రి, రక్షణ మంత్రి కలిసి , శ్రీమతి సోనియా గాంధీ గారిని కలిసి రాష్ట్ర విభజనను ఎన్నికల తరువాత చేపట్టటం మేలు.

---

సందట్లో సడేమియాలాగ, రాష్ట్ర ముఖ్యమంత్రి కిరణ్ కుమార్ రెడ్డి గారు వేల కోట్ల రూపాయల తాగునీటి పథకాన్ని తన స్వంతజిల్లాకు కేటాయించుకున్నారు. ఇదే అదనుగా తెరాస నేత హరీష్ రావు హైకోర్టులో కేసు వేశారు. ఇది గాక టెండర్లలో గోల్ మాల్ జరిగాయని వార్తలు వచ్చాయి.

---

రాయలసీమ నేతలకు, ముఖ్యంగా కర్నూల్, అనంతపురం జిల్లాల వారికి ప్రత్యేక రాష్ట్ర అభిలాష కన్నా, రాయల తెలంగాణాలో కలసి, హైదరాబాదుపై పెత్తనం చెలాయించా లన్న కోరిక బలంగా ఉన్నట్లు కనిపిస్తుంది. పత్రికల కథనం ప్రకారం, రాయలసీమకు చెందిన ఒక కేంద్రమంత్రిగారు ఎంపీడీవోల ద్వారా వేలాది గ్రామాల సర్పంచులపై ఒత్తిడి చేయించి, రాయలతెలంగాణాకు అనుకూలంగా తీర్మానాలపై సంతకాలు పెట్టించి అధిష్ఠానానికి అందించటానికి సిధ్ధ పడుతున్నారట. రాయలసీమనుండి చీలిపోయి తెలంగాణాలో కలవాలనుకోటం, రాయలసీమకు ద్రోహం చేయటమే.

రాయలసీమలో నాలుగు జిల్లాలే ఉన్నా దానికి ఉన్న వనరులు, చరిత్ర, జనాభా, ప్రత్యేకరాష్ట్రం కోరటానికి అనుకూలంగానే ఉన్నాయి. అచ్చమ్మ పెళ్ళిలో బుచ్చమ్మ శోభనం లాగా , Centre తెలంగాణా రాష్ట్రాన్ని ఇచ్చే సమయంలోనే ప్రత్యేక రాయలసీమను కూడా సాకారం చేసుకుంటే సరిపోతుంది. మరల ఈ సువర్ణావకాశం పాతికేళ్ళదాకా రాకపోవచ్చు.

---

ముఖ్యమంత్రి శ్రీకిరణ్ కుమార్ రెడ్డి గారి సోదరులు వసూళ్ళకు పాల్పడుతున్నారని టీడీపీ నేతలు చేసిన ఆరోపణలపై దర్యాప్తు అవసరం. వారు తప్పుడు ఆరోపణలు చేస్తున్నట్లయితే, వారిపై కేసులు పెట్టి , నిరూపించి, వారిని జైలుకు పంపచ్చు. ఇటువంటి ఆరోపణననే విశ్రాంత డీజీపీ శ్రీ రమేశ్ రెడ్డి చేశారు. ఇంతవరకు ఆయన ఆరోపణలపై దర్యాప్తు జరగలేదు. కేంద్రం ఈవిషయంలో ఎందుకు నిద్ర పోతున్నట్లు? దీనికి సమైక్యాంధ్ర , తెలంగాణ ఉద్యమాలకు సంబంధం లేదు.

తెరాస నేత శ్రీ కె.టీ.ఆర్. పై ఆంధ్రజ్యోతి దినపత్రిక ప్రచురించిన కథనాలపై ఇంతవరకు చర్యలు తీసుకోలేదు.

ఈరాష్ట్రం ఏమై పోతుందో ఏమిటో?

Added on 29.04.2014 నాడు జోడించబడింది

పోలింగుకి ఇంకా వారమే సమయమే ఉంది. ఇంతవరకు, సోనియా గానీ, రాహుల్ గాంధీ గానీ, నరేంద్రమోడీ గానీ, సుష్మా స్వరాజ్ గానీ శేషాంధ్రలో పర్యటించి ప్రజలముఖం చూసి చేతులు ఊపలేదు. వస్తే ఎటువంటి భద్రతా ఏర్పాట్లు చేస్తారో ఊహించనలవి కాకుండా ఉంది. వారెవరూ వస్తారని నేననుకోటం లేదు.

కేంద్రహోం శాఖ వారు , శేషాంధ్ర రాజధాని ఎక్కడ ఉండాలి అనే విషయం పై ప్రజల సూచనలను ఆహ్వానించారు, సంతోషమే. కానీ ఇది ఒక మొక్కుబడి తంతు అనే విషయం శేషాంధ్ర ప్రజలకు తెలియదా? శేషాంధ్రను ఒక మధ్య సైజు రాష్ట్రంగా ఉండనిచ్చే కన్నా, ఉత్తరాంధ్ర, దక్షిణాంధ్ర, రాయలసీమలు గా విడదీయటమే మేలు. ఈ రాష్ట్రాలు సైజులో జనాభాలో గానీ, పంజాబ్, హరియాన, కేరళ, హిమాచల్ ప్రదేశ్ మొ|| రాష్ట్రాలతో సమానంగానే ఉంటాయి. అందువలన ఆందోళన చెందాల్సిన అవసరమేమీ లేదు. ప్రజలు హింసాయుత ఉద్యమాలు చేపట్టే దాకా ఆగేకన్నా, ముందుగానే వారికేమి కావాలో ఊహించి ఇవ్వటమే మేలు.

పదవులు పంచిపెట్తేనో, సీఆర్ పిఎఫ్ ను పంపి చావగొట్టి చెవులు మూస్తేనో ప్రజలు ఉద్యమాలు చేపట్టరనుకోటం అనుకోటం ఒక భ్రమ. అది తాత్కాలిక శాంతిని కొనుక్కునే ఒక చిట్కాయే తప్ప శాశ్వత పరిష్కారం కాదు.

నల్లమల కొండలు, ఘాట్ లు, రాయలసీమకు , కోస్తాకు మధ్యలో - రోడ్డు , రైలు రవాణాకి తీవ్ర ప్రతిబంధకం. టైగర్ రిజర్వు ఫారెస్టు గుండా ప్రయాణించాల్సి వస్తుంది. కర్నూలు రాజధానిగా ఉండగా ఇటువారటు, అటువారటు ప్రయాణించలేకే, కర్నూలుకి హైదరాబాదు సౌకర్యమని, విజయవాడకి హైదరాబాదు సౌకర్యమని సమైక్య ఆంధ్రప్రదేశ్ అనే బురద ఊబిలోకి దూకారు. ఇపుడు దాన్ని కడుక్కోటానికి బయటకి వచ్చారు. ఈసందర్భంగా సీమాంధ్రులకు కొన్ని మానసిక గాయాలు తగిలాయి.

1957లో విశాలాంధ్రప్రదేశ్ కి వెళ్ళటానికి కులాల కుమ్ములాట కూడ ఒకకారణం. కోస్తాలో డామినేటింగ్ కులం వేరు. కర్నూలు, కడప, అనంతపురాల్లో డామినేటింగ్ కులం వేరు. చిత్తూరు లో రెండుకులాల డామినేషన్ ఉంది. జనం అంతా కాకపోయినా, గ్రామపెద్దలంతా, కులాలనే పాములచేత కరువబడ్డవాళ్ళు.

ఇపుడు కొత్త రాజధాని నిర్మాణానికి వేలకోట్లేవో వస్తాయని నేతలు, గుత్తేదారులు కాచుక్కూర్చున్నారు. రాజధాని వస్తుందని అనుమానం ఉన్న ప్రతిచోటా, అంగుళం చోటు లేకుండా రియల్టర్లు, స్పెక్యులేటర్లు కొనిపారేశారు. నాలుగు నగరాల్లో ఏఒక్కనగరానికి రాజధాని వచ్చినా , మిగిలిన మూడు నగరాల రియాల్టర్లు ఉద్యమాలకు ఇంధనానికి సమకూరుస్తారు.

అంతం కాదిది ఆరంభం.

18.6.2014 నాడు అదనంగా వ్రాయబడింది

శ్రీచంద్రబాబు నాయుడు గారు, శ్రీ కె.యి. కృష్ణమూర్తిగారు రాజధాని విగుంతే లోనే ఉంటుందని ఊదర కొట్తూ అక్కడి రియాల్టర్ల లావాదేవీలకు ఊతమిస్తుంటే, చిత్తూరు వాణిజ్యవేత్త అయిన శ్రీగుంటూరు ఎంపీ గల్లా జయదేవ్ గారు పెట్టుబడులు ఇక్కడ పెట్తామని ప్రజలకు ఆశలకిక్కు లెక్కిస్తుంటే, రాయలసీమ వారు ఉత్తరాంధ్రవారు మౌనంగా ఉండటం గమనార్హం. ఎలాగైనా 20,000 ఎకరాల సాగు భూమిని రైతులనుండి గుంజుకొని రాజధానిని నిర్మించి, ఆచుట్టు ప్రక్కల తాము బినామీ పేర్లతో కొని పారేసిన భూముల విలువ పెంచుకోక పోతే, మన నేతలకు నిద్రి పట్టే లాగా లేదు.

కోటి డాలర్ల ప్రశ్న ఏమిటంటే మన రాష్ట్రాన్ని జ్యోతిష్కులు వాస్తు సిధ్ధాంతులు పాలించబోతున్నారా, రియాల్టర్లు, గుత్తే దార్లూ పాలించ బోతున్నారా, అనేదే. శ్రీనారా లోకే ష్ గారు సాహెబ్ జాదా పట్టాభిషేకానికి రెడీ కావటమే మిగిలింది.

24.6.2014 నాడు జోడించినది

రాజధానుల విషయం నిర్ణయం తీసుకోకపోయినా, ప్రతి జిల్లా కేంద్రానికీ, ఏదో ఒక శాఖకు చెందిన రాష్ట్రస్థాయి డైరక్టరేట్ ను ఏర్పాటు చేస్తే, వికేంద్రీకరణ ఇఫెక్టివ్ గా జరుగుతుంది. అందరూ పోలోమని విజయవాడ, గుంటూరు, మంగళగిరి, గన్నవరం, ఏలూరులకి ఊరేగ వలసిన అవసరం ఉండదు. ఆశాఖకు చెందిన, మంత్రి కార్యాలయాన్నీ, రాష్ట్రస్థాయి సచివాలయ విభాగాన్ని కూడ, డైరక్టరేట్ నెలకొల్పే జిల్లా కేంద్రంలోనే ఏర్పాటు చేస్తే, ప్రతిదానికీ ఇంటర్ నెట్, మొబైల్ ఫోన్లు, వీడియో కాన్ఫరెన్సులు, వీడియో అప్ లోడింగులు ఉంటాయి కాబట్టి రికార్డుల నిర్వహణలో కష్టం ఉండదు. కేవలం అసెంబ్లీ, ముఖ్యమంత్రి కార్యాలయం, రాజ్ భవన్, లను మాత్రమే కొత్త రాజధానిలో ఉంచుకుంటే, 20,000 హెక్టారుల భూసేకరణ, ఫ్లైవోవర్ల నిర్మాణం, మెట్రోల అవసరం ఉండదు. కేంద్రం నిధులు ఇవ్వటం, వాటిని మనం వాడుకోటం మంచిదే, కానీ మబ్బుల్లో నీళ్ళు చూచి ముంత ఒలకబోసుకోలేం కదా. వికేంద్రీకరణ వల్ల జిల్లా కేంద్రాలలో కొంత భూస్పెక్యులేషన్ జరిగినా, ప్రాంతీయ వాదాలకు చోటుండదు. తరువాత ప్రతి జిల్లావారికీ తాము రాష్ట్ర అభివృధ్ధి లో భాగస్వాములమే నన్న భావం కలుదుతుంది.

ప్రస్తుతం మనకు ఒక అవకాశవాది, వెన్నుపోటుదారు, బినామీ ఆస్తులు భారీగా ఉన్నాయని చెప్పబడుతున్న వ్యక్తి ముఖ్యమంత్రిగా ఉండగా, లక్షకోట్ల అవినీతి ఆరోపణలు, సీబీఐ కేసులు ఎదుర్కుంటున్న వ్యక్తి ప్రతిపక్ష నేతగా ఉన్నాడు. ఇలాంటి వ్యక్తులను అధికార పీఠం ఎక్కించిన ఆంధ్రప్రదేశ్ వోటర్లు, ఎం.ఎల్.ఎ లు ధన్యులు.

#055 బిజెపికి వోటు వేస్తే పటేల్ కి వేసినట్లా? కాంగ్రెస్ కి వోటు వేస్తే జవహర్ కి వేసినట్లా?

ఎన్నికలు, అద్వానీ, నెహ్రూ, పటేల్, కాంగ్రెస్, బిజెపి, సోనియా, మోడీ, జగన్, వైయస్
అద్వానీ గారు మరల నెహ్రూగారిని డౌన్ చేయటానికి, సర్దార్ పటేల్ గారిని ఆకాశానికి ఎత్తటానికి మరల బ్లాగింగ్ మార్గాన్ని ఎంచుకున్నారు.

శ్రీవారు చేస్తున్నది వృధా ప్రయాసేనని, నేను ఒకసారి మనవి చేశాను. మరల వ్రాయవలసి వస్తున్నది. నెహ్రూ కుటుంబం, జవహర్లాల్ నెహ్రూ గారిపై ఆధారపడి లేదు. ఎందుకంటే, జవహర్లాల్ నెహ్రూ గారిని నెహ్రూ కుటుంబం మర్చిపోయింది. జనం కూడ మర్చిపోయారు. ఇప్పడు సమాధులపై పుష్పగుఛ్ఛాలు ఉంచటం మాత్రమే మిగిలింది.

శ్రీమతి సోనియా గాంధీగారికి , జవహర్ గురించి పెద్దగా అవగాహన లేదు. అదీగాక జవహర్ ది సహజ మరణం. హత్యలకు గురియైన అత్తగారు ఇందిరా గాంధీ గురించి సోనియాకు, మనుమడు రాహుల్ కు బాగా తెలుసు. అదేవిధంగా, హత్యకు గురియైన తనభర్త రాజీవ్ గాంధీగురించి, సోనియాకు బాగా తెలుసు. తెలియని జవహర్ గురించి ప్రస్తావించే కన్నా, తెలిసిన అత్తగారిని , భర్తను, మృతవీరులుగా ప్రస్తావించి, ప్రజల సానుభూతిని పొందటం తేలిక అని సోనియా అర్ధం చేసుకుంది.

రాహుల్ కి జవహర్ గురించి లోతైన అవగాహన ఉందని అనుకోను. Discovery of India ముత్తాత వ్రాసిన పుస్తకాన్ని, నాయనమ్మ ఇందిరకు జవహర్ జైలునుండి వ్రాసిన లేఖలను ఆయన లోతుగా చదివాడని నేను అనుకోను. నాయనమ్మ ఇందిర, ప్రజలకు అమ్మగా పరిచయం. తండ్రి రాజీవ్ కూడ, ఈకాలం ప్రజలకు తెలుసు. అందుకనే, రాహుల్ సభలలో తన తండ్రి, నాయనమ్మ గురించి మాట్లాడుతున్నాడు. జవహర్ గురించి తక్కువ ప్రస్తావిస్తాడు. జవహర్ గతకాలానికి చెందిన వాడు. చరిత్రలో ఒకభాగం. ఆయన్ని ప్రజలకి గుర్తు చేయటం క ష్టం అని రాహుల్ కి అర్ధం అయినట్లుంది.

ఇందిర, రాజీవ్ లు కూడ, చరిత్రలో భాగంగా మారి, ప్రజలలో సానుభూతి స్పందనలు కలిగించటం తగ్గిపోయే రోజులు దూరంగా లేవు. కాంగ్రెస్ క్రొత్త సానుభూతి కలిగించే అవకాశాలను వెతుక్కోవాల్సి వస్తుంది. హిందీ బెల్ట్ లో ఇప్పటికే ఇది జరిగింది. సీమాంధ్రులకు, కర్నాటికులకు మాత్రమే ఇది పూర్తిగా వదలలేదు.

పటేల్, నేతాజీలు కూడ గత చరిత్రలో భాగమే. వారి యందు ప్రజలకు ఎంతో ఆదరభావం ఉన్నా, ఆఆదరణ జనం పోలింగ్ బూత్ లకు పరుగెత్తుకెళ్ళి బిజెపికి వోట్లు వేసేందుకు సరిపోదు.

బిజెపికి వోటు వేస్తే పటేల్ గారికి పట్టం కట్టినట్లు, కాంగ్రెస్ కు వోట్ వేస్తే జవహర్ కి పట్టం కట్టినట్లు, టిడీపీకి వోటు వేస్తే స్వర్గీయ ఎన్టీఆర్ కు, జగన్ కు వోటు వేస్తే స్వర్గీయ వైయస్ కి పట్టం కట్టినట్లు , ఎవరైనా భావిస్తే వారు మోసపోయినట్లే.

కాంగ్రెస్ తన మైనారిటీ మతతత్వాన్ని దాచుకుంటూ, లౌకికవాదం అనే మేక తోలును కప్పుకున్నా, ప్రజలు పట్టించుకోటంలేదు. శ్రీమతి సోనియా గాంధీ తెలంగాణ చర్చలమిషతో ఎమ్ ఐ ఎమ్ నేతలని తమకు మద్దతు నివ్వమని ప్రార్ధించటం గమనార్హం. బిజెపి కూడ, మైనారిటీ ఓటు బ్యాంకులను సృష్టించుకోవాలనే కోరికను దాచుకోటంలేదు. కొద్దిరోజుల క్రితం గుజరాత్ ఖెడా జిల్లా కేంద్రంలో ఒక మైనారిటీ వర్గీయుల వైద్యశాలను ప్రారంభించే సమయంలో, శ్రీనరేంద్ర మోడీ కోరిక చక్కగానే బహిర్గతం అయ్యింది. ఇరుపార్టీలనూ మనం తప్పు పట్టలేం. అది రాజకీయ అవసరం. అదే సమయంలో వారు తాము పేద ప్రజలను, దిగువ మధ్యతరగతి వారిని, రకరకాల పధ్ధతులలో విడతీసి పాలిస్తున్నామనే విషయాన్ని మరచి పోకూడదు.

సారం: ఎవరైతే తమను వివిధ పధ్ధతులలో విడదీసి వోట్లు గుంజుకోవాలని చూస్తున్నారో వారి యెడల ప్రజలు తూష్ణీంభావాన్ని , ఆగ్రహాన్నీ చూపకపోతే వినాశనం పొంచి ఉంటుంది.

#049 No SImAndhra leader to come forward to work as CM of AP ముఖ్యమంత్రిగా పనిచేయటానికి ఏనేతా ముందుకు రాకపోవచ్చు

#049 No SImAndhra leader to come forward to work as CM of AP ముఖ్యమంత్రిగా పనిచేయటానికి ఏనేతా ముందుకు రాకపోవచ్చు
రైల్వే శాఖ సహాయమంత్రి శ్రీకోట్ల సూర్యప్రకాశరెడ్డికి ఆంధ్రప్రదేశ్ ముఖ్యమంత్రి పదవిని ఇవ్వచూపినా, తన వ్యక్తిగత ప్రతిష్ఠకు, కాంగ్రెస్ ప్రతిష్ఠకు, భంగకరమని ఆయన గుర్తించి , తిరస్కరించటం ముదావహం.

రవాణా మంత్రి శ్రీ బొత్స సత్యనారాయణకు ఈ ఆఫర్ ఇచ్చి ఉంటే ఆయన ముందుకు వచ్చే వాడేమో. శ్రీమతి పురందేశ్వరి, పనబాక లక్ష్మి , కిల్లి కృపారాణి వంటి వారు కూడ ముందుకు వచ్చేవారేమో. కానీ కాంగ్రెస్ సంస్కృతిలో ముఖ్యమంత్రి పదవి ఎక్కువగా రాయలసీమ ప్రాంతానికి చెందిన ఒకేకులం వారికి దక్కుతూ ఉండటం గమనార్హం.

ఏది ఏమైనా పదవుల తాయిలాలను పంచిపెట్టి, తెలుగు వాళ్ళను లొంగతీసుకునే కాంగ్రెస్ అధిష్ఠానం ఇంద్రజాలాలకు కాలం చెల్లబోతుందని, కాంగ్రెస్ అధిష్ఠానం గుర్తించటం అవసరం.

సీమాంధ్ర కాంగ్రెస్ నేతలు రాష్ట్రపతి ప్రణబ్ ముఖర్జీపై ఎన్నో ఆశలు పెట్టుకున్నట్లు కనిపిస్తుంది. అవన్ని, అడియాసలు కాకమానవు. సీమాంధ్రప్రజలకు న్యాయం చేస్తే ఆయనకు ఏమి లాభం వస్తుంది? ఆయన,గతంలో రాజీవ్ ని, సోనియామాతను ధిక్కరించి బెంగాల్లో దెబ్బ తిని ఆమె విశ్వాసాన్ని పొందలేక ప్రధాన మంత్రి అయ్యే అవకాశాన్ని కోల్పోయి అతికష్టంమీద రాష్ట్రపతి పదవిని పొంది ఉన్నవాడు. అణకువగా ఉంటే రాష్ట్రపతిగా రెండవ టరమ్ లభిస్తుంది. లేకపోతే మాజీ రాష్ట్రపతిగా బెంగాల్లో చిన్న చిన్న చెరువుల్లో చేపలు పట్టుకుంటూ, శేషజీవితాన్ని గడపాల్సి వస్తుంది.

దిగ్విజయసింగ్ గారు, చెప్తున్నదాని బట్టి చూస్తుంటే, రాష్ట్రశాసనసభ అభిప్రాయాలను పట్టించుకోకుండా, కేంద్రమంత్రివర్గం తెలంగాణా బిల్లును ముందుకు నెట్టబోతుంది. లోకసభలో బిజెపికూడ కాంగ్రెస్ తో కుమ్మక్కయ్యే సూ చనలు కనిపిస్తున్నాయి. ఇదే గనుక జరిగితే అఖిల భారత పార్టీలైన బిజెపి, కాంగ్రెస్ లు, ప్రజాస్వామ్యాన్ని ఖూనీ చేసిన పార్టీలుగా చరిత్రలో నిలబడపోతున్నాయి.

రాష్ట్రశాసనసభల తీర్మానాలను పట్టించు కోకపోటం అనేది అసాధారణమైన వాటిలో అసాధారణమైన కేసుల్లో (rarest of the rarest) కేసుల్లో జరగాలి. ఇప్పుడు అటువంటి పరిస్థితులేమీ లేవు. శాసనసభలో సీమాంధ్ర,తెలంగాణా సభ్యుల మధ్య విభేదాలు ఉంటే వాటిని చర్చల ద్వారా పరిష్కారాలను వెతకాలి. అసలు ఈ పనిని కాంగ్రెస్, బిజేపీలు, 2004-2012 మధ్యలో ఎప్పుడో చేయాల్సి ఉంది. చేయకుండా ఎందుకు నిద్ర పోయారు? ఇప్పుడు, శాసనసభను కూడ పట్టించుకోకుండా, ఎందుకు చిందులు తొక్కుతున్నారు?

రాష్ట్ర విభజన అనేది, మాతృదేవతలు పడే ప్రసవ వేదనల వంటిది కాదు. సిజేరియన్ చేసి పిల్లను తీయకపోతే తల్లికీ, పిల్లకు ప్రమాదం అనే భయం ఇక్కడ ఇప్పుడు పొంచి లేదు.

పదవీవేదనతో బాధ పడుతున్న చంద్రశేఖరరావుకి సోనియామాత ఎందుకు భయపడుతున్నదో అర్ధంకాదు. ఆంధ్రప్రదేశ్ శాసనసభలో ఫిబ్రవరి 26, 1997 నాడు శ్రీ చంద్రశేఖరరావు ఏమన్నారో చూస్తే ఆయన నక్కజిత్తులు అర్ధం అవుతాయి.

"ఎవరి ప్రభుత్వం ఉన్నా తెలంగాణలో , రాయలసీమ లో ఉద్యమాల కోసం ఏదో సమితి అనేది పెడుతున్నారు. రాయలసీమ లో రాయలసీమ విమో...చన సమితి, రాయలసీమ పోరాట సమితి, తెలంగాణ ప్రజా సమితి ఈ విధంగా అనేక పేర్లతో సమితి నాయకత్వాన ఉద్యమం చేపట్టే ఉద్యమకారుడు ఏదైనా ఉద్యోగం లభించినట్లయితే ఆ ఉద్యోగాన్ని అనుభవిస్తున్నారు కాని వారికి హోదా వచ్చిన తర్వాత ఆ ఉద్యమాన్ని కొనసాగించడానికి ప్రయత్నించరు. పలు నినాదాలు వస్తున్నాయి. ఇందాక హౌస్ లో దామోదరరెడ్డి గారు స్లోగన్ తో సహా జైతెలంగాణ అని కూర్చున్నారు. ఈ నినాదాలు పెరగకుండా ముఖ్యమంత్రిగారు తక్షణ చర్యలు చేపట్టాలి."

036 The Flames of Prices, NannechODA's poetic Glory दामों के दावाग्नि ज्वालाए और, नन्नॆचोड महाकवी के कविता वैभव ధరల మంటలు -- నన్నెచోడ కవితా వైభవం

The manner at which prices of vegetables are flaring in India, should enflame the mind of every Indian with the exception of the Finance Minister of India. Of course, Mr. Chidambaram has already made clear that it is not the duty of his Government to control prices. But he considers that it is his duty to ensure that Indian Stock Exchanges boom and Sensex climbs up to over 20000. తోటకూర కట్ట రూ. 15/-. దొండకాయలు పావుకిలో రూ. 15/-.

ఇవి 3-11-2013 దీపావళి నాటి గుంటూరు కూరగాయల ధరలు. టపాకాయలు ఎలాగో కొనలేము. బ్రతికుంటే బలుసాకు తిని బతకచ్చు అని అంటారు. ప్రస్తుతం, జనంలో పలువురికి బలుసాకు ఎక్కడ దొరుకుతుందో, ఎలా వండుతారో లేక నూరుకొని తాగుతారో తెలియదు కనుక, కనీసం ఆకులలములు తిని బ్రతకాలనుకునే వారికి తోటకూర కూడ దొరకని పరిస్థితి వచ్చింది. ఇటీవల ఎడతెగక కురిసిన వర్షాలతో ఆకుకూరల తోటలు మునిగి పోటం వల్ల ఈస్థితి వచ్చి ఉండవచ్చు. ఒక్క నెలలో పరిస్థితి మెరుగు కావచ్చు.

పూర్వం మునులు ఆకులు మాత్రమే తిని తపస్సు చేసే వారంటారు.

పరమేశ్వరుని పెండ్లాడాలనుకున్న పార్వతి, (హైమవతి _ హిమవత్ పుత్రి_ హిమవత్ పర్వతము యొక్క కుమార్తె) ఆకులు కూడా తినకుండా తపస్సు చేసింది, అంటారు. అందుకే ఆమెకు అపర్ణ అని పేరు వచ్చింది అంటారు.

నన్నెచోడ మహాకవి కవితా వైభవం

నన్నెచోడ మహాకవి విరచిత కుమార సంభవం కావ్యం నుండి. షష్ఠాశ్వాసం. 90 వపద్యం. వచనం.

అట్లు గౌరి నగంబు నందు, పరమేశ్వరుం గోరి ఘోరతపంబు సేయం దొడంగి విహిత స్నానార్చనా హోమాది నిత్యకర్మంబుల, శాకాహార ఫలాహార పర్ణాహార జలాహార మారుతాహార నిరాహారాది మహాతపో వ్రతంబుల , నంద వాసాభ్రక వాసైక పాదాంగుష్ఠోర్ధ్వ బాహూర్ ఊర్ధ్వముఖాధోముఖా గ్నిముఖ పంచాగ్నిమధ్యాది అనేకోగ్ర తపంబులం, ప్రాణాయామ ప్రత్యాహార ధ్యాన ధారణ జప సమాధులను , షడంగ యోగంబుల, మనోవాక్కాయ కర్మంబుల, నతినిష్ఠానుష్ఠానంబులం బరమేశ్వరాధన తాత్పర్యయై , నిరంతారానంత తపోవృత్తిం బ్రవర్తించుచుండెనంత.

ఆహారానికి సంబంధించి నంత వరకు, తపో ___అంశాలు

ప్రథమదశ: శాకాహారం, కాయగూరలు.
ద్వితీయదశ: ఫలాహారం, పండ్లు మొదలగునవి.
జలాహార: మంచినీళ్ళు మాత్రమే.
మారుతాహార: గాలి ఆహారం.
నిరాహార : అసలు ఆహారమే లేకుండా.
ఆది మహాతపో వ్రతంబుల == మొదలైన గొప్ప తపోవ్రతములతో.

---

---

ఈ ధరల దెబ్బకు, ఏ గడ్డి పాకల్లో ఏ నారీ మణులు ఏఏ స్థాయిల్లో ఈఈ మహా తపో వ్రతాలు చేస్తున్నారో, హిమాద్రి తనయవలె తపః పునీత లవుతున్నారో మనకు తెలియదు.
చాలా మంది పట్టించుకోరు గానీ, మన వ్యవసాయం, కూరగాయలు--తోటలపెంపకాలు కుదేలవటానికి, పట్టణాలు విస్తరించి వ్యవసాయభూములను స్వాహా చేయటమే ముఖ్యకారణం.
సోనియా మాత, మన్మోహన్ సింగ్ మామయ్య, ఆహార భద్రత బిల్లు పెట్టామని డప్పు కొట్టుకుంటున్నారు. తోటకూర భద్రత బిల్లు, పాలకూర భద్రత బిల్లు, ఎప్పుడు ప్రవేశ పెడ్తారో?

To continue. सशेष. ఇంకా ఉంది.

028 Limits to criticisms between Jagan and Chandra Babu Naidu జగన్ మరియు చంద్ర బాబు నాయుడుల మధ్య విమర్శలకు పరిమితి అవసరం.

Wont's Mr. Jaganmohan Reddy and Mr. Chandra Babu Naidu have any secret understandings? Mr. Naidu said on 27.10.13 that Jagan had a secret understanding with Ms. Sonia Gandhi and that Jagan had permission of Sonia Gandhi, to say "Will you go to Italy?".

On 26.10.2013, in the "Samaikya SankhArAvam" Rally for United Andhra Pradesh, Mr. Jaganmohan Reddy was reported to have asked Ms. Sonia Gandhi whether she should like to go back to Italy. 26.10.2013 సమైక్య శంఖారావం హైదరాబాదు సభలో "ఇటలీ వెళ్తారా" అని జగన్ సోనియాను అడిగిన విషయం పాఠకులకు విదితం.

27.10.13 శ్రీ చంద్రబాబు నాయుడు గారు శ్రీకాకుళంలో ఒక ప్రైవేటు హోటల్లో ఏర్పాటు చేసిన మీడియా సమావేశంలో ఒక వ్యాఖ్య చేశారు. సోనియా అనుమతితోనే జగన్ సోనియాపై ఆవిమర్శ చేశారుట. ఇదంతా వారిద్దరి మధ్య కుదిరిన రహస్య ఒప్పందంలో భాగమేనట.

సోనియా జగన్ లమధ్య రహస్య ఒప్పందాలు ఉంటే ఉండ వచ్చు. కానీ ప్రతి దాన్నీ రహస్య ఒప్పందంలో భాగం అంటే ఎలా? అలా అనుకుంటే శ్రీ చంద్రబాబు నాయుడు గారికీ, నరేంద్ర మోడీకి ఏరహస్య ఒప్పందాలున్నాయో ఎవరికి తెలుసు? శ్రీ చంద్రబాబు నాయుడు గారికీ, శ్రీకిరణ్ కుమార్ రెడ్డి గారికీ , ఏమి రహస్య ఒప్పందాలున్నాయో ఎవరికి తెలుసు?

సోనియా, జగన్, శ్రీ చంద్రబాబు నాయుడు ల మధ్య అవినీతి లో ఉండే అంతరాలు స్వల్పమైనవా, సంక్లిష్టమైనవా అనేది తెలిసేది, సరియైన విచారణలు జరిగితే కదా .

శ్రీ చంద్రబాబు నాయుడు గారు చెప్పే ప్రతి దానినీ ప్రజలు నమ్మాలని కానీ, నమ్మకూడదని కానీ ఏమీలేదు. భారీగా వోట్లు వచ్చినంత మాత్రాన నమ్మారని కూడా ఏమీలేదు. ప్రజలు, ముఖ్యంగా పేదలు, చిన్నరైతులు తమ బాధల్లో తామున్నారు.

ఈ సందర్భంగా మనం వేమన గారిని స్మరించుకోవాలి.

తప్పు లెన్ను వారు తండోప తండంబు
లుర్వి జనుల కెల్ల నుండు తప్పు
తప్పు లెన్ను వారు తమ తప్పు లెరుగరు
విశ్వదాభిరామ వినుర వేమ.

Added on 16th Jan. 2016

Both Mr. Chandra Babu Naidu and Mr. Y. Jaganmohan Reddy have let down the people of Residual Andhra Pradesh.

To be re-written. पुनः समीक्षा करने का है. పునః సమీక్షించ వలసి ఉన్నది.

019 రాజు తలుచుకుంటే దెబ్బలకు కొదువనా

Added on 4th Jan. 2016: People of Residual Andhra Pradesh have not learnt any lessons from the forced unjust bifurcation of United Andhra Pradesh. The People of Residual A.P. deserve this treatment.

అఖిల భారత కాంగ్రెస్ కమిటీ (AICC) అధికార ప్రతినిధి, మాన్యశ్రీ సందీప్ దీక్షిత్ గారు , పత్రికల ప్రకారం ఒక ప్రకటన చేశారు. దాని సారం ఇది.

ముఖ్య మంత్రులు , పార్లమెంటు చేసే రాష్ట్రాల విభజనలను ఆపలేరు.

పరిశీలన.
________

ఇది దీక్షిత్ గారి వ్యక్తిగత అభిప్రాయమో లేక కాంగ్రెస్ పార్టీ యొక్క అధికారిక అభిప్రాయమో తెలియదు. అధ్యక్షురాలు, ఉపాధ్యక్షుడు శ్రీ రాహుల్ గాంధీ అనుమతి తో ఇలా చెప్తున్నారో తెలియదు.

కేంద్ర హోం మంత్రి, కాంగ్రెస్ రాష్ట్ర పరిశీలకుడు, టీ నాయకులు, సీమాంధ్ర కేంద్ర మంత్రులు, ఇలానే అంటున్న్రారు. అందరూ కలసి సీమాంధ్ర ప్రజలపై కక్షకట్టారా అనిపిస్తుంది. లేక సీమాంధ్ర ప్రజలు విధి వంచితులా అనిపిస్తుంది.

అలనాటి పాండవులు అడవులకు వెళ్ళారంటే, అందులో జూదమాడటం అనే స్వంత లోపం ఉంది. కానీ సీమాంధ్ర సామాన్య ప్రజలలో అటువంటి దోషాలేమీ లేవు. దేశంలో ఎక్కడైనా బ్రతుకుతెరువు సంపాదించుకోటం, చిన్నచిన్న ఆస్తులను సంపాదించుకోటం వారి ప్రాధమిక హక్కు. ఈ హక్కు ఒక మానవ హక్కు. దీనిని దేవుడే తొలగించలేడు. ఇంక పార్లమెంటేమి తొలగిస్తుంది ! కాంగ్రెస్ మరియు బిజెపి కుమ్మక్కై ఏక పక్షంగా రాష్ట్ర విభజనకు పూనుకోటం హృదయ విదారకం. సీమాంధ్ర ప్రజల శ్రామిక బ్రతుకు తెరువు హక్కులకు భంగకరం. కేవలం కొన్ని ఆత్మహత్యలు జరిగాయని (ఇవి కూడా ఎక్కువగా టీ లీడర్ల దుర్బోధల వల్ల జరిగినవే ), సీమాంధ్ర ఆమ్ ఆద్మీని సంప్రదించకుండా, తమకు ఇష్టం వచ్చిన రీతిలో విభజనకు పూనుకోటం ఘోరం, అమాయక తెలంగాణా_సీమాంధ్ర ప్రజల భవిష్యత్తును తెరాస నేతల కబంధ హస్తాల్లో పెట్టటం దారుణం. తెరాసను కాంగ్రెస్ లో లీనం అవమని ప్రార్ధించటం , వారు మోసం చేయటానికి ప్రయత్నించటం , ఇంక ఏం జరుగుతుందో , మనం తెరపై చూడాలి.

ఇప్పుడు కేంద్రమంత్రుల బృందం MOG కి అప్పగించిన terms of reference లో కూడా కీలక విషయాలేమీ లేవు. సీమాంధ్ర ప్రజలు ఏ సూచనలను పంపినా కూడా అవి మా terms of reference లో లేవు అని తొక్కి పారేసే అవకాశం ఉంది. సూచనలను ఆహ్వానించటం అనేది ఒక కంటి తుడుపు చర్యగా మిగిలి పోయే అవకాశాలు బహుళం.

రాజు తలుచుకుంటే దెబ్బలకు కొదువనా అని కదా కేంద్ర ప్రభుత్వం న్యాయాన్యాయాలను పట్టించుకోకుండా అడ్డు దారులు, నియంతృత్వ దారులు వెతుక్కునే అవకాశాలున్నాయి. సందీప్ దీక్షిత్ ప్రకటన కూడా అందులో ఒక భాగమే.

ఇటువంటి దారుణ పరిస్ధితులు , కేవలం సీమాంధ్ర ప్రజలకే కాదు, దేశంలోని ఏ ప్రాంత ప్రజలకైనా రావచ్చు. ఇతర రాష్ట్రాల ప్రజలు కొందరు దీనిని వినోదంగా చూస్తుంటే, మరి కొన్ని ప్రాంతాలవారు , తమ భవిష్యత్ ఉద్యమాలకు ఒక case study గా తీసుకొని సీమాంధ్ర ప్రజలవలె నిద్దుర మత్తులో మునుగ కుండా జాగ్రత్తలు పడే అవకాశం ఉంది.

2014లో అధికారంలోకి వచ్చే ప్రభుత్వాలకు పలు కఠిన పరీక్షలు రెడీగా ఉంటాయి. ఇల్లలుకగానే పండుగ అవదు అని సోనియా, రాహుల్, మోడీ, సుష్మా స్వరాజ్ ల వంటి అగ్రనేతలే కాక ఇతరులు కూడా గ్రహించటం మేలు.