221 Chennai Railway Station explosions

221 చెన్నయి స్టేషన్లో బెంగుళూరు గౌహతి ఎక్స్ ప్రెస్ ప్రేలుళ్ళలో గుంటూరు యువతి మృతి మరియు 20 మందికి గాయాలు

చర్చనీయాంశాలు: 221,ఉగ్రవాదం, తమిళనాడు, బిజెపి, తీరాంతర తీవ్రవాదం, సీమాంతర తీవ్రవాదం

---

1.5.2014 నాటి బెంగుళూరు గౌహతి ఎక్స్ ప్రెస్ బోగీల్లో చెన్నయి రైల్వే స్టేషన్ వద్ద జరిగిన జంట పేలుళ్ళలో మరణించిన ఒకయువతి గుంటూరికి చెందిన పరుచూరి స్వాతి, స్వంత స్థలానికి ఎంగేజిమెంటు కొరకై వస్తుండగా ఉగ్రవాదానికి బలి కావటం దురదృష్టకరం. ఇంకో 20 మంది గాయాల పాలుకావటం విచారకరం.

అంతకు ముందురోజే చెన్నయి పోలీసులు పాక్ ప్రేరిత ఇస్లామిక్ తీవ్ర వాదిని ఒకరిని గుర్తించ అరెస్టుచేసి అతడివద్ద ఇంక్రిమినేటింగు వస్తువులను, సమాచారాన్ని, స్వాధీనం చేసుకోటం జరిగింది. దురదృష్టవశాత్తు వారీ ప్రేలుడిని నివారించలేకపోయారు.

ఈసందర్భంగా చెన్నయి రాజకీయాల ప్రకారం, కరుణానిథిగారు జయలలితను తప్పు పట్టటం జరిగిపోయింది.


తమిళనాడు బిజెపి నేత గారు ఈపేలుళ్ళు నరేంద్రమోడీని ఉద్దేశించినవే అనటం కూడ జరిగింది.

రైలు గంటన్నర లేటు కావటం వల్ల, లేటు కాకుండ ఉంటే మోడీ ప్రసంగించే దక్షిణ ఆంధ్రప్రదేశ్ భాగాలకు అది చేరుకొని ఉండేది కాబట్టి, దక్షిణ ఆంధ్రప్రదేశ్ లో జరగవలసిన పేలుడు చెన్నయి స్టేషన్ లో జరిగింది అనేది విశ్లేషణ.

ఈనాటి పాట

దేవుడమ్మ చిత్రంలోది.
రాజశ్రీ వ్రాశారు. బాలసుబ్రహ్మణ్యం గొంతు.

ఎక్కడో దూరాన కూర్చున్నావు..ఇక్కడి మా తలరాతలు రాస్తున్నావు
చిత్రమైన గారడి చేస్తున్నావు..తమాష చూస్తున్నావు … సామీ …ఎక్కడో||
Oh God! You have sat far away
And writing fate on our faces here
And seeing fun!

లేనిపోని భ్రమలెన్నో కలిగిస్తావు..
You create unnecessary illusions in us ..
మమ్ము తోలుబొమ్మలను చేసి ఆడిస్తావు
You play making us puppets
లేనిపోని|| you create ||
అంతా మా సొంతమని అనిపిస్తావు ..
You make us believe that everything is our own ..
అంతలోనే మూడునాళ్ళ ముచ్చటగా..హ హ హ..చేసేస్తావు.. సామీ ఎక్కడో దూరాన||
In no time, you make everything fugacious! You have sat||

పెరుగుతుంది వయసనీ అనుకుంటాము..కాని తరుగుతుంది ఆయువని తెలుసుకోము పెరుగుతుంది||
We think that we are growing but we never understand that our lifespan is dwindling We think that we are|| (repeat)
కళ్ళు తెరిచి నిజమేదో తెలిసే లోగా
Before we open our eyes and realise the truth
మా కళ్ళముందు మాయతెరలు..కప్పేస్తావు
you cover our eyes with delusions … సామీ ఎక్కడో|| Oh Lord, you have sat||

ఇంకా ఉంది. తిరిగి ఎడిటింగ్ చేయాల్సి ఉంది.

220 Relationships need sociological studies

220 Relationships need sociological studies
220 స్త్రీ పురుష సంబంధాలపై సామాజిక శాస్త్ర పరిశోధనలు, అధ్యయనాలు జరగాలి

చర్చనీయాంశాలు: స్త్రీపురుష సంబంధాలు, వివాహేతర సంబంధాలు, వివాహాలకు దారితీసే సంబంధాలు, సహజీవన సంబంధాలు, భిన్నలింగ సంపర్కాలు, జననార్తులు

---

190 నంబర్ పోస్టు రతిరాజు క్యూపిడ్ ఈరోస్ ఎమోర్ అనే పోస్టును చూడండి. క్లిక్ టుగోటు 190 దాని కొనసాగింపుఇది.

చరిత్ర:

తనకు వివాహం అయిన విషయాన్ని శ్రీనరేంద్రమోడీ ఎన్నికల అఫిడవిట్లలో ప్రకటించకుండా, దాటవేసుకుంటూ కుంటూ వచ్చి, చివరికి 2013 నాటి సుప్రీం కోర్టు ఆదేశాల ప్రకారం, నామినేషన్ అఫిడవిట్ లో ప్రకటించటం తప్పనిసరి అయి చివరికి ప్రకటించటాన్ని, కాంగ్రెస్ సీనియర్ నేత, మధ్యప్రదేశ్ భూతపూర్వ ముఖ్యమంత్రి శ్రీ దిగ్విజయసింగ్ తప్పు పట్టటాన్ని గుర్తుకు తెచ్చుకొండి.

ఇపుడు 67 ఏళ్ళ శ్రీదిగ్విజయసింగ్ గారు తనకు అమృతారాయ్ అనే 43 ఏళ్ళ మహిళామణితో సంబంధం ఉందని ట్విట్టర్ లో ప్రకటించి, తాను ఆమెను వివాహం చేసుకోబోతున్నానని చెప్పారు.

ఆమె కూడ ఈవిషయాన్ని ట్వీట్ చేసి, తాను తన భర్తతో పరస్పర ఆమోదిత విడాకులకై దరఖాస్తు చేశామని, అవి లభించగానే, తాను శ్రీ దిగ్విజయ్ సింగు గారిని వివాహం చేసుకుంటానని తెలిపింది.

ఆమె భర్తకూడ ఈవిషయంపై ట్వీట్ చేసి ఆమెకు తన శుభాకాంక్షలను తెలిపాడు.

అందరూ కూడ ఇది మా ప్రైవేటు వ్యవహారం కాబట్టి మా ప్రైవెసీలోకి చొరబడి మమ్మల్ని ఇబ్బంది పెట్టద్దని అన్నారు.

ఇవన్నీ కొంత వరకు న్యాయంగానే ఉన్నాయి. ఈసందర్భంగా వచ్చిన ట్వీట్ ల , వార్తల తెలుగు సారాన్ని పరిశీలిద్దాము.

ఇది ఇంటర్ నెట్ లో సర్క్యులేషన్ లో ఉన్న ఒక ఫొటో. ఈఫొటో ఇక్కడ ప్రచురించటం నాకు ఇష్టంలేదు. కారణం ఏమిటంటే, వాళ్ళు మా ప్రైవెసీకి భంగం కలిగించ వద్దో దేముడా అని మొత్తుకుంటున్నారు. కానీ ఇప్పటికే ప్రపంచ వ్యాప్తం అయిపోయిన తరువాత ఒక తెలుగు సామెత గుర్తుకు వచ్చింది. ''అతి రహస్యం బట్ట బయలు అన్నట్లు ''. నా ఈమెయిల్ అకౌంటు, కంప్యూటర్ హ్యాకింగ్ అయినాయి, అందులోని కంటెంట్స్ టాంపరింగు అయ్యాయి, అని పాపం ఆమె మొత్తుకుంది.

వైబీరావు గాడిద వ్యాఖ్య

దీని బట్టి ఒక నీతి ఏమిటంటే, కంప్యూటర్లలో, ఈమెయిల్ ఖాతాల్లో రహస్యంగా ఉండాల్సిన ఫొటోలను పెట్టుకోటం ప్రమాదం అని. రక్షణ శాఖల కంప్యూటర్లే ప్రపంచ వ్యాప్తంగా హ్యాకింగు అవుతున్నాయి కాబట్టి, వ్యక్తిగత ఖాతాల పరిస్థితి మరీ అధ్వాన్నంగా ఉంటుంది.

శ్రీ దిగ్విజయ్ సింగ్

“I have no hesitation in accepting my relationship with Amrita Rai. She and her husband have already filed a mutual consent divorce case.”

తెలుగుసారం: నాకు అమృతారాయ్ తో ఉన్న సంబంధాన్ని అంగీరించటంలో ఎలాటి సందేహమూ లేదు. ఆమె , ఆమె భర్త పరస్పర ఆమోద విడాకుల కేసును ఇప్పటికే ఫైల్ చేసుకున్నారు.

“Once that is decided we would formalise it. But I do condemn encroachment in our private life.”

తెలుగుసారం: అది ఒకసారి నిర్ణయించబడింది అంటే మేము దానిని (మా సంబంధాన్ని) అధికారికం చేస్తాము. కానీ , మాప్రైవేటు జీవితంలో కి (బయటవాళ్ళు) చొరబడటాన్ని నేను ఖండిస్తున్నాను.

Not coward like Narendra Modi:

తెలుగు సారం: నరేంద్రమోడీ వలె నేను పిరికివాడిని కాదు.

“I don’t hide my relationship, which Mr. Modi does. I am not a coward. My relationship is a private matter that I have made public,”

తెలుగు సారం: నేను నా సంబంధాన్ని దాచను, కానీ శ్రీ మోడీ దాస్తాడు. నేను పిరికివాడిని కాదు. నా సంబంధం ప్రైవేటు విషయం. దానిని నేను బహిర్గతం చేశాను.

“Modi is a coward as he has hidden his wife for years, but I have the courage and conviction to face the consequences for what I have said and done,”

తెలుగుసారం: ఎన్నో సంవత్సరాలు మోడీ తన భార్యను దాచాడు కాబట్టి మోడీ పిరికివాడు. కానీ నాకు నేను చెప్పిన వాటికీ, చేసిన వాటికీ వచ్చే పరిణామాలను ఎదుర్కునే ధైర్యం, ధృఢ నమ్మకం, శక్తి నాకు ఉన్నాయి.

శ్రీమతి అమృతా రాయ్

“I have separated from my husband and we have filed a mutual consent divorce papers. After which I have decided to marry with Digvijaya Singh.”

తెలుగుసారం: నేను నా భర్తనుండి విడిపోయాను. మేము పరస్పర ఆమోదంతో విడాకులకు కాగితాలను ఫైల్ చేసుకున్నాము. అది నిర్ణయించ బడిన తరువాత నేను శ్రీ దిగ్విజయ్ సింగ్ ను వివాహం చేసుకోటానికి నిర్ణయంచుకున్నాను.

శ్రీమతి అమృతారాయ్ భర్త

"We have been separated for some time now and applied for the mutual consent divorce. Relationship between us has ended long back and Amrita is free to take any decision regarding her life and I will respect it,"

తెలుగుసారం: మేము కొంత కాలంగా విడిగా ఉంటున్నాము, ఉభయులకి ఆమోదమైన విడాకుల కొరకు దరఖాస్తు చేసుకున్నాము. మా మధ్య సంబంధం చాల కాలం క్రితమే ముగిసింది. తన జీవితం గురించి ఏ నిర్ణయమైనా తీసుకునే స్వేఛ్ఛ ఆమెకు ఉంది. దానిని నేను గౌరవిస్తాను.

మా ప్రైవెసీని గౌరవించండి. మాకు ఇబ్బందికరమైన స్థితులను కలుగచేయకండి.

"Since it is a legal procedure, it takes its own time but our relationship has ended long time back. I wish her well for her future. I know that my friends, well wishers and students are sad due to this but I also know that they are standing by me."

అది (డైవోర్స్) చట్టపరమైన కార్యక్రమం కాబట్టి, దాని సమయం అది తీసుకుంటుంది. కాని మా సంబంధం చాల కాలం క్రితమే ముగిసింది. ఆమెకు నా శుభాకాంక్షలు. నాకు తెలుసు, నా స్నేహితులు, శ్రేయోభిలాషులు మరియు విద్యార్ధులు దీని వల్ల ఖిన్ను లయ్యారని. కానీ వారు నాకు అండగా నిలుస్తారని నాకు తెలుసు.

బిజెపి ప్రతినిథి శ్రీమతి లేఖి గారి అభిప్రాయాలు

"Secret marriage is not possible because there is no divorce. All I can say is that the lesson of morality gives a perverted definition and I think Congress leadership should take into cognisance because I cannot react more than this as I am not Mr Digvijay Singh."

తెలుగు సారం: రహస్య వివాహం సాధ్యం కాదు, ఎందుకంటే డైవోర్సు లేదు కాబట్టి. నేను చెప్పగలిగేదేమిటంటే నీతి యొక్క పాఠం ఒక వక్రముఖం గల నిర్వచనాన్ని ఇస్తుంది. మరియు కాంగ్రెస్ నాయకత్వం దీనిని పరిగణనలోకి తీసుకోవాలి. ఎందుకంటే నేను ఇంత కన్నా ఎక్కువ ప్రతిస్పందించటానికి నేను దిగ్విజయ్ సింగుని కాదు కాబట్టి.

"By law, it is also an offence. There can be punishment as per law, as there is no divorce yet. It is for the husband to act. There is a criminal activity involved and the husband has to act."

తెలుగు సారం: చట్ట ప్రకారం అది నేరం కూడాను. ఇంతవరకు డైవోర్సు లేదు కాబట్టి, చట్టప్రకారం శిక్ష ఉండ వచ్చు. చర్య తీసుకోవాల్సింది ఆ భర్త. నేరపూరితమైన చర్య ఉంది కాబట్టి భర్త చర్య తీసుకోవాలి.

"A new definition of morality has been given by the actions of senior Congress leader Digvijay Singh Sahab. Those who preach lessons of morality should first look within themselves to see if they are practising what they are preaching to others. As far as the legal aspect of the matter of adultery is concerned, it is up to the husband of the lady to pursue the matter."

తెలుగు సారం: శ్రీదిగ్విజయసింగ్ సాహెబ్ గారి చర్యల ద్వారా నీతికి ఒక క్రొత్త నిర్వచనం ఇవ్వబడింది. నీతి పాఠాలను బోధించే వారు ముందుగా , ఇతరులకి బోధిస్తున్నది తాము ఎంతవరకు ఆచరిస్తున్నామా అనేదానిని తమలోకి తామే చూసుకోవాలి. అడల్టరీ (వివాహేతర అనధికార సంబంధం, కల్తీ అడల్టరేషన్ వంటి పదం) యొక్క చట్ట పరమైన విషయానికి సంబంధించినంత వరకు, ఈవిషయాన్ని ఎంతవరకు ముందుకు తీసుకు వెళ్ళాలి అనేది నిర్ణయించుకోవాల్సింది, సంబంధిత స్త్రీ యొక్క భర్త.

AAP leader Somnath Bharti ఆప్ లీడర్ సోమనాథ భారతి

"Its disgusting n dangerous @digvijaya_28 in affair with 43 yr old married woman and TV anchor @amrritarai, how mny such politicians r there?

"Friends who are siding with @digvijaya_28 ji, plz understand that he has violated law as well of adultery and don't know when this affair started."

"There was one Pamella Bordes in UK who had got many politicians there trapped and country's many secret info was compromised. Plz think.''

''A politician when in power gets 2 much of authority in hand, lacs of crores worth of contracts get decided by him, secret info he possesses. As an ordinary citizen one hs more freedom than someone who gets into politics, recall what Bill Clinton had to go through for monica issue.''

తెలుగు సారం: ఒక రాజకీయనేత అధికారంలోకి వచ్చినపుడు, మితిమీరిన అథారిటి చేతిలో కలిగి ఉన్నప్పుడు, లక్షలకోట్ల విలువగల ఒప్పందాలు అతడిచేత నిర్ణయించబడతాయి. అతడు రహస్య సమాచారాన్ని కలిగి ఉంటాడు. రాజకీయాలలో ప్రవేశించే వ్యక్తి కన్నా సాధారణపౌరుడికి ఎక్కువ స్వాతంత్ర్యం ఉంటుంది. మోనిక ఇష్యూలో బిల్ క్లింటన్ దేని గుండా వెళ్ళాల్సివచ్చిందో (ఎలాంటి విచారణలను ఎదుర్కోవలసి వచ్చిందో) గుర్తుకు తెచ్చుకోండి.

"A characterless politician is the most dangerous weapon in the hands of enemies to the nation. @arunjaitley ji had earlier stated that."
తెలుగు సారం: శీలం లేని రాజకీయవేత్త, జాతి శత్రువుల చేతులలో అతిప్రమాదకరమైన ఆయుధం. ఆసంగతి అరుణ్ జైట్లీగారు గతంలో చెప్పారు.

వైబీరావు గాడిద వ్యాఖ్యలు

ఆప్ నేత శ్రీభారతి గారి వ్యాఖ్యలు కొంత తీవ్రంగా ఉన్నాయి. ఈవిషయాలన్నిటినీ చర్చించటానికి వేయి బ్లాగపోస్టులు, వ్రాయాలంటే వేయి దస్తాల కాగితాలు కావాలి.

ప్రైవేటు విషయాలు, పబ్లిక్ ఇంటరెస్ట్ విషయాలు ఈరెండిటి మధ్య విభజన రేఖను స్పష్టంగా నిర్వచించే ప్రయత్నం చేస్తే గానీ మనం ముందుకు వెళ్ళలేం.

ప్రస్తుతం ఒక్క విషయాన్ని మాత్రమే మనం వ్రాసుకోవచ్చేమో. ఆంధ్రప్రదేశ్ శాసనసభ్యుల, మంత్రుల వివాహేతర సంబంధాల గురించి గతంలో ఆంధ్రప్రదేశ్ శాసన సభలో ప్రస్తావనకు రావటం, నాటి స్పీకర్ శ్రీ సురేష్ రెడ్డి గారు ఒక సభా సంఘాన్ని నియమించటం, ఆసభా సంఘం నివేదికను ఇవ్వకుండానే నశించటం గమనార్హం. ఆంధ్రప్రదేశ్ రాష్ట్రానికి సంబంధించినంతవరకు, శాసనసభ్యులలో మంత్రులలో సగం మంది దాకా ఏదో ఒకరకం వివాహేతర సంబంధాలను కలిగి ఉన్నారు. ఇదే అనాలజీని మనం పార్లమెంటుకి వర్తింపచేసి, వివాహేతర సంబంధాలను కలిగి ఉన్న రాజకీయవేత్తలను ఏరి వేస్తే చివరికి మనకి ఎవరూ మిగలరేమో.

సామాజిక కోణం లోంచి చూసినపుడు మొదటి భార్యను (లేక మొదటి భర్తకు అన్యాయం జరుగుతున్నదా) అనేదే ముఖ్యమైన ప్రశ్న. వారు సర్దుకు పోతూ నా భర్త ప్రధానమంత్రి కావాలని నేను వ్రతం చేస్తాను, లేకపోతే నా భూతపూర్వభార్య కి నా శుభాకాంక్షలు అంటున్నారంటే, వారు స్వేఛ్ఛగా, ఎటువంటి భయాలకు వత్తిడులకు, ప్రలోభాలకూ, లోనుకాకుండ ఔదార్యం చూపించినంత కాలం , వివాహేతర సంబంధాలను ప్రైవేటు విషయాలుగానే పరిగణించాల్సి వస్తుంది.

సాధారణ భార్యా భర్తల విషయంలో మనకి ఇటువంటి ఔదార్యం కనిపించటం లేదు. సెలబ్రిటీ ల భార్యలు, భర్తల విషయంలోనే ఈఔదార్యం కనిపిస్తుంది. ఎందరో సినీ హీరోల భార్యలు, తమ భర్తలు రెండో వివాహానికి ఒడి గట్టినపుడు సర్దుకుపోటం కనిపిస్తుంది. రాజకీయనేతల విషయంలోనూ ఇదే ఔదార్యం. ఔదార్యం వల్ల కలిగే ఆర్ధిక, సాంఘిక లాభాలు,-=-= తగాదాల వల్ల, రచ్చల వల్ల రావేమోనని వారు సర్దుకు పోతున్నారేమోనని అనుమానించాల్సి వస్తుంది.

ఇప్పటికే ఈవ్యాసం, సుదీర్ఘం అయినందు వల్ల ఇంకో సారి కొనసాగిద్దాము. ఈలోగా ప్రైవేటు విషయాలలో మనమేమైనా తలదూరుస్తున్నట్లయితే, శ్రీ నరేంద్రమోడీ, శ్రీమతి జశోదాబెన్, శ్రీదిగ్విజయ్ సింగు, శ్రీమతి అమృతారాయ్, ఆమె భర్తకు మన క్షమాపణలు.

219 Where in India, looting didn't take place?

219 Where in India looting didn't take place?

219 భారత్ లోలూటింగు ఎక్కడ జరగలేదు?
చర్చనీయాంశాలు: 219, జగన్, నరేంద్రమోడీ, తిరుపతి, జలయజ్ఞం, గుజరాత్, ఋణభారం

---

శ్రీ నరేంద్రమోడీగారు ఆంధ్రప్రదేశ్ లో లూటీ అయిన సొమ్మంతా కక్కిస్తామంటున్నారు. ఇదెంతవరకు సాధ్యమో నాకు తెలియదు. కర్మకాలి సీమాంధ్రలో జగన్ కి భారీగా లోక్ సభ సీట్లు వచ్చి, ఎన్ డీ ఎకి ఆ కాసిని సీట్లే తక్కువయితే, జగన్ మద్దతు కోసం శ్రీ మోడీ ప్రయత్నిస్తారా, ప్రయత్నించరా? అపుడు కేసులనన్నింటినీ హుష్ కాకీ చేయించరా? ఈలోకంలో కొన్నిసార్లు మాత్రమే యే దిల్ మాంగే మోర్ అని శ్రీ మోడీ కోరినంత పరిమాణంలో, కోరినంత నాణ్యతతో లభించవచ్చు. సాధారణ సమయాలలో, దొరికిందానితో సర్దుకుపోవాల్సిందే.

ఆంధ్రప్రదేశ్ లో జరిగిన లూటీ జగన్, వైయస్ఆర్ ల తెలివిలేమి వల్ల బయటపడింది. ఇతర రాష్ట్రాలలో లూటీ జరగట్లేదని ఎవరు చెప్పగలరు? లూటీ సొమ్ము హవాలా మార్గాలలో విదేశాలకు చేరి ఉంటే, ఎవరు కనుక్కోగలరు?

అందరూ కూడ అహింసా పురుషులే, కానీ మధ్యలో ఉన్న రొయ్యల గంప మాయమయ్యింది చందం కదా.

ఆంధ్రప్రదేశ్ అప్పు

2004లో ఆంధ్రప్రదేశ్ అప్పు షుమారు రూ. 66,000 కోట్లు. నేటి ఉమ్మడి ఆంధ్రప్రదేశ్ అప్పు రూ. 1,79,637 కోట్లు. అంటే ఇంచుమించుగా గుజరాత్ అంతే. షుమారు రూ. 1,13,000 కోట్లు పెరిగింది. మూడు రెట్లయ్యింది. దీనిలో ఎంత భాగం అభివృధ్ధికి వెళ్ళిందో, ఎంత భాగం రెవిన్యూఖర్చులకు వెళ్ళిందో, ఎంత భాగం లూటీలకు వెళ్ళిందో ఎవరికీ తెలీదు.

కొంత భాగం అయితే జలయజ్ఞం కాంట్రాక్టర్లకు వెళ్ళిందనుకోవచ్చు.

గుజరాత్ అభివృధ్ధి మోడల్

శ్రీ నరేందర్ మోడీజీ గుజరాత్ ముఖ్యమంత్రి అయినపుడు ఆరాష్ట్ర అప్పు షుమారు రూ. 27,000 కోట్లు. నేడు ఆరాష్ట్ర అప్పు రూ. 1,80,000 కోట్లు. అంటే షుమారు రూ. 1,53,000 కోట్లు పెరిగింది.


ఆర్ధిక నిర్వహణలో ప్రూడెన్స్ (జాగ్రత్త) ఏమి చెప్తుందంటే, రోజువారీ ఖర్చులను పన్నులు మొ|| ఆదాయాలతో గడుపుకోవాలి. అప్పులు తెచ్చిన మొత్తాలను అభివృధ్ధికి వాడుకోవాలి. అభివృధ్ధి చేసినపుడు, నిర్మించబడే ఆస్తులలోంచి వచ్చే ఆదాయాలలోంచి అప్పులపై వడ్డీలను, వాయిదాలను చెల్లించుకోవాలి.

గుజరాత్ తో సహా, భారత్ లో ప్రతి రాష్ట్రం నేడు చేస్తున్న పని ఏమిటంటే అప్పుగా తెచ్చిన మొత్తాలను కూడ ఆదాయాన్ని కల్పించే ఆస్తులను నిర్మించటానికి కాకుండా, పప్పు బెల్లాలుగా పంచి పెట్టటం.

దానిని బట్టి పై రూ. 1,50,000 కోట్ల అప్పులలో ఎంత శాతం లూటీ అయినట్లుగా మనం భావించ వచ్చు?

భారత్ లోని 28 రాష్ట్రాలలో జరిగిన లూటీలను అంచనా వేయాలంటే ఒక కాగ్ చాలడు. 28 మంది కూడ చాలరు. సీడాక్, ఇస్రో మొ|| వాళ్ళ వద్ద ఉండే సూపర్ కంప్యూటర్లు, సరిపోవు.

ఎవరి వద్ద ఎవరు

శ్రీరాజశేఖర్ రెడ్డిగారు బ్రతికి ఉన్నరోజులలో భారత్ లో మోస్టు డైనమిక్ ముఖ్యమంత్రి ఎవరు వంటి పోల్స్ జరిగేవి. టీవీ ఛానెల్స్ వాళ్ళూ, ఇండస్ట్రియలిస్టులు అంతా కలిసి ఒక్కోసారి గుజరాత్ మోడీ గారిని మరో సారి వైయస్ ను అత్యంత చైతన్యవంతుడైన ముఖ్యమంత్రిగా కిరీటం పెట్టిన సందర్భాలున్నాయి. పోటీ దేనిలో? భూములను పారిశ్రామిక వేత్తలకు పంద్యారం చేయటంలో. రెడ్డిగారు శ్రీ మోడీ దగ్గర నేర్చుకున్నారో, లేక మోడీ గారే శ్రీ రెడ్డి దగ్గర నేర్చుకున్నారో, లేక ఇద్దరూ కలిసి ఇంకో బడాగురువు దగ్గర నేర్చుకున్నారో కానీ రేసు మటుకు అంగారక గ్రహానికి వెళ్ళే ఉపగ్రహం వేగం అందుకుంది. శ్రీమోడీ ఆ విద్యను వదలలేదు సరికదా, యావత్ భారతదేశానికీ విస్తరించటానికి సిధ్ధం అవుతున్నారు.

218 Seemandhra people are not only Great Beginners, but also Self-respect-less persons

218 సీమాంధ్రులు ఆరంభ శూరులే కాదు, ఆత్మగౌరవశూన్యులు కూడాను.

చర్చనీయాంశాలు: సీమాంధ్ర, నరేంద్రమోడీ, రాహుల్ గాంధీ, హిందూపురం, తిరుపతి,బిజెపి, కాంగ్రెస్

---

స్కామాంధ్ర కావద్దని సీమాంధ్ర ప్రజలను తిరుపతిలో శ్రీమోడీ గారు కోరారు.

సీమాంధ్రులు స్కామాంధ్రులు మాత్రమే కాదు, ఆరంభశూరులు మాత్రమే కాదు, ఆత్మాభిమాన శూన్యులు కూడాను. ఋజువు: ఆంధ్రప్రదేశ్ శాసనసభను జాతీయ పార్టీలైన కాంగ్రెసు, బిజెపిలు రెండూ అవమానించాయి. చీకటిలో గొంతు నులిమి చావగొట్టి చెవులు మూసిన విధంగా, ఈమధ్య ముంబాయి శ్రీశక్తిమిల్స్ కేసులో సామూహిక మానభంగం చేసినట్లుగా లోక్ సభలో,రాజ్యసభలో, కాంగ్రెస్, బిజెపిలు కుమ్మక్కయ్యి , లోక్ సభ టీవీ ప్రసారాలను బంద్ చేసి, సీమాంధ్ర ఎంపీలను అవమానిస్తు తెలంగాణ బిల్లును పాస్ చేసుకున్నాయి. తామేదో ఘనకార్యం చేసేమని చెప్పుకుంటున్న సోనియా , రాహుల్ గాంధీలు, ఆనాడు సభకే డుమ్మా కొట్టారు.

మహాత్మా గాంధీగారు స్వాతంత్ర్యోద్యమ కాలంలో passive resistance అనే సూత్రాన్ని అమలు చేసేవారు.

సీమాంధ్రులు ఆసూత్రాన్ని చక్కగా అమలు చేసే అవకాశం హిందూపూర్ రాహుల్ గాంధీ సభలో, తిరుపతి మోడీ సభలో కలిగింది. నిజంగా సీమాంధ్రులకి ఆత్మగౌరవం అనేది ఉండి ఉంటే, వారు పైసా ఖర్చులేకుండా, హింస, ఆస్తి విధ్వంసం, రక్తపాతాలు లేకుండా, తమ అసంతృప్తిని చాల తేలికగా చూప గలిగి ఉండే వాళ్ళు.

అదెలాగు? మోడీ సభలకు, రాహుల్ సభలకు, ఒక్క పురుగుకూడ హాజరు కాకుండా, సీమాంధ్రులు తమతమ వృత్తులను చేసుకోటమో, లేక ఇంటి దగ్గర విశ్రాంతి తీసుకోటమో చేసి ఉంటే, సందేశం నిశ్శబ్ద విప్లవం లాగా జరిగి ఉండేది.

కొద్దినెలల క్రితం మమతా బెనర్జీగారు, అన్నాహజారే గారు ఢిల్లీలో ఒక సభ జరపాలని తలపెట్టారు. వారి మధ్యలో ఏమి జరిగిందో గానీ ఒక్క పురుగు కూడ హాజరు కాలేదు. ఖాళీ కుర్చీలు వెక్కిరించాయి. ఖాళీ కుర్చీలు దర్శనమీయ బోతున్నాయని తెలిసిన హజారేగారు మైదానానికి హాజరు కాకుండా ముంబాయి తిరిగి వెళ్ళిపోయారు.

సభలకు హాజరు కాకపోటం వల్ల అవతల వాడు చెప్పేది మనం వినాలి (audi alterim partem) అనే న్యాయ శాస్త్ర సూత్రానికి భంగం కలిగిస్తున్నాం అని మనం కంగారు పడనక్కరలేదు. ఎందుకంటే శ్రీరాహుల్ గాంధీ, శ్రీనరేంద్రమోడీలు తాము చెప్పదలుచుకున్న విషయాన్ని సుదీర్ఘంగానే పత్రికలకు స్పెషల్ ఇంటర్వ్యూల ద్వారా చెప్పారు. ఈ ఇంటర్వ్యూలను ఆంధ్రప్రదేశ్ నం. 1 దిన పత్రిక పత్రిక పతాక శీర్షికలలో అక్షరానికి అక్షరం ప్రచురించింది. చదివే ఓపిక ఉన్నవారు వాటిని చదివితే సభకు హాజరు అయిన దానికన్నా ఎక్కువ ఎవేర్ నెస్ కలుగుతుంది. హాజరు అయిన అందరికీ బీరు సీసాలు, బిరియానీ పొట్లాలూ ఇవ్వరు కాబట్టి ఎండలో ఆయాస పడవలసిన అవసరం కూడ ఉండదు.

217 Communist Parties and Bourgeoise behavior కమ్యూనిస్టు పార్టీలు, బూర్జువా ప్రవర్తనలు

217 Communist Parties and Bourgeoise behavior కమ్యూనిస్టు పార్టీలు, బూర్జువా ప్రవర్తనలు

చర్చనీయాంశాలు: సీపీఐ, సీపీఎమ్, వామపక్షాలు, ఖమ్మం, వైద్యవిద్య, మద్యం

---

పోస్టునంబరు 168, మార్చి ౪, 2౦14 నాడు వ్రాసింది ౧౬౯ చూడండి.

ఊహించినట్లే అయ్యింది. 168లో వామపక్షాల నేతలు ప్రైవేటు వైద్యకళాశాలలను నడపటం గురించి వ్రాశాను.

ఇపుడు పత్రికలలో వచ్చిన వార్తలను బట్టి శ్రీకమ్యూనిస్టునేత గారు నడుపుతున్న వైద్య కళాశాలలో మద్యం సీసాలను, క్రికెట్ కిట్లను పోలీసులు స్వాధీనం చేసుకున్నారని ఇవి ఖమ్మం కాంగ్రెస్ అభ్యర్ధి తరఫున పంచి పెట్టేందుకు సిధ్ధం చేసుకున్నవని అర్ధం అవుతున్నది. ఈకాంగ్రెస్ నేతగారు శ్రీ కమ్యూనిస్టునేత గారి పుత్రరత్నం కదా. సిపిఐకి చెందిన జితేందర్ రెడ్డి అనేవారు ఆ రోడ్డులోనే నగదు పంచుతుండగా చిక్కారు, అని ఆంధ్రజ్యోతి లో వచ్చింది.

సీపీఐ కాంగ్రెస్ తో సంధిచేసుకోగా, సీపీఎమ్ తెరాసతోనూ, వైఎస్ఆర్పీ తోనూ సంధి చేసుకోటం తెలంగాణలో జరిగిన విచిత్రం.

ఎవరికైనా బూర్జువా పార్టీలుగా మారే హక్కు, బూర్జువాలు లాగా ప్రవర్తించే హక్కు ఉంటుంది. కమ్యూనిస్టులు అనే లేబుల్, వామపక్షాలు అనే లేబుల్ తగిలించుకొని బూర్జువాలలాగా ప్రవర్తించే కన్నా పార్టీపేరునే మార్చుకోటం మేలుగా ఉంటుందేమో.

నాకు ఖమ్మం నగరం పై ప్రత్యేక అభిమానం ఉంది. 1975 లో నా వివాహం ఖమ్మం పట్టణంలో జరిగింది. ఆతరువాత ఖమ్మం పట్టణాన్ని దర్శించే భాగ్యం 2014 దాకా దొరకలేదు. ఒక బంధువు ఖమ్మంలో ఉన్న వైద్యకళాశాల హాస్పిటల్ లో ఉంటే పరామర్శించటానికి వెళ్ళవలసి వచ్చింది. ఖమ్మంలో జరిగిన అభివృధ్ధి నాకు ఎంతో ఆనందాన్ని ఇచ్చింది. కానీ ఇడ్లీ, మొ|| తినుబండారాల ధరలే నాకు కళ్ళనీళ్ళు తెప్పించాయి. వైద్యకళాశాలకు అనుబంధంగా ఉన్న ఆహాస్పిటల్ రిసెప్షన్ హాల్లోకి ప్రవేశించగానే మొదట కనిపించింది శ్రీకమ్యూనిస్టునేతగారి పెద్ద రంగుల ఫొటోనే. స్ఫూర్తిదాత మొ|| పదాలతో సుందరంగా వర్ణించారు. ఆయన ఆకళాశాలకి, ఆవైద్యశాలకి చాలా సహాయం చేశారు కాబోలు, అందుకే కృతజ్ఞతతో ఆఫొటో పెట్టారు కాబోలు అనుకున్నాను. ఎంత బాధ్యతాయుతమైన ప్రతినిథియో కదా అనుకున్నాను. కానీ నా గాడిద బుధ్ధి స్కెప్టిసిజానికి, సినిసిజానికీ అలవాటు పడటాన, మనసు కొంత ఆందోళితంగా ఉండగానే, తిరుగు ప్రయాణానికి రైలెక్కాను.

రైల్లో ఒక పిజి వైద్యవిద్యార్ధితో యాదృఛ్ఛికంగా వైద్యవిద్య, నేటి వ్యాపారంగా మారిన వైద్యం గురించి మాట్లాడటం జరిగింది. అతడు తాను ఖమ్మం నేటివ్ నని చెప్పాడు. అక్కడే వైద్య విద్య నభ్యసించానని చెప్పాడు. నేను ఉండబట్టలేక అక్కడ రిసెప్షనలో చూసిన శ్రీకమ్యూనిస్టునేత ఫొటోగురించి చెప్పి ఎంత గొప్ప సేవచేసారో కదా, ఆవైద్యకళాశాల వారు శ్రీకమ్యూనిస్టునేతగారి ఫొటో పెట్టారు, అన్నాను.

అతడాశ్చర్యపోయి, ఫొటో ఎందుకుండదు, ఆకాలేజీ , ఆహాస్పిటల్, ఆయనవే అన్నాడు.

ఆయనవే అంటే ఆయన స్వంత ఆస్తా అని నేను అడిగాను. అతడు తలఊపాడు.

శ్రీకమ్యూనిస్టునేతగారి సంగతి అలా వదిలేద్దాం.

రాష్ట్రంలో ఎక్కడ చూచినా ఇంజనీరింగు కళాశాలలు, వైద్యకళాశాలలు, బియీడీ కళాశాలలు, పాలీటెక్నిక్కులు, మొ|| సర్వ విధ విద్యాసంస్థలు ఫీజు రీయింబర్సుమెంటులతో వ్యాపారం చేసుకుంటూ లక్షలు లేక కోట్లు గడిస్తున్నాయి. వీటికి బహుశా ఆదాయపన్ను మినహాయింపు ఉండి ఉంటుంది. ఎందుకంటే వీటిని సొసైటీల చట్టం 1860 క్రింద రిజిష్టర్ చేయటం, లేక ట్రస్టుల చట్టం క్రింద రిజిస్టర్ చేయటం జరుగుతుంది. పార్ట్నర్ షిప్ లు , లిమిటెడ్ కంపెనీలు చాలా అరుదు. అలాంటప్పుడు స్వంతం అనే ప్రసక్తి ఉండకూడదు.

శ్రీ నారాయణ, శ్రీసురవరం ల రాజ్యం వచ్చాక సీపీఐ నైతిక పతనం ఎక్కువైనట్లుగా కనిపిస్తుంది.

గతంలో సిపిఐ నేతలు, సిపిఎమ్ నేతలు పార్టీలు మారటం అనేది చాల అరుదుగా జరిగేది. అసంతృప్తిచెందిన సీపీఐ, సీపీఎమ్ నేతలు క్రొత్త కమ్యూనిస్టు పార్టీలను స్థాపించుకునేవాళ్ళు తప్ప బూర్జువా పార్టీలలో చేరే వాళ్ళుకాదు. ఇపుడు నాగార్జునసాగర్ నుండి పోటీచేస్తున్న తెరాస అభ్యర్ధి శ్రీ ఎం. నరసింహయ్య గతంలో సిపిఎం ఎం.ఎల్.ఏ అని తెలిసినపుడు వామపక్షాభిమానులు తప్త మనస్కులు కాకతప్పదు.

ఇంకా ఉంది, దీనిని కూడ తిరగవ్రాయాల్సిఉంది. ఇంకో సారి వ్రాస్తాను.

216 Who invited Ghazni Mohammed to invade India?

216 Who invited Ghazni Mohammed to invade India?

చర్చనీయాంశాలు: బంగారం, చండీగఢ్, ఘజినీ , లోక్ సభ, పంజాబ్, అక్షయతృతీయ

---

216 భారత్ పై దాడి చేయమని ఘజినీ మొహమ్మద్ ను ఎవరు ఆహ్వానించారు?
ఈ ప్రశ్నను స్కూళ్ళ ఇన్స్పెక్టర్ సమక్షంలో ఒక స్కూల్ టీచరు విద్యార్ధిని అడిగాడట.

ఆ విద్యార్ధి తలగోక్కొని ''నేను కాదండీ '' అన్నాట్ట.

టీచరు ఆవిద్యార్ధిని కొట్టబోతే, స్కూళ్ళ ఇన్స్పెక్టర్ నవ్వి వాడి మొహం, వాడి కేమి తెలుసులే, వాడేలే ఆహ్వానించింది, కాకపోతే పూర్వ జన్మలో, అన్నాట్ట.

భారతీయులకి పూర్వ జన్మ మీద, రాబోయే జన్మమీద నమ్మకం ఎక్కువ.

క్రీస్తు శకం 1000 ప్రాంతంలో ఘజినీ ముహమ్మద్ భారత్ మీద దండెత్తాడు. ఈస్కూలు పిల్లాడు, క్రీస్తుశకం 1000 లో ఏజన్మ ఎత్తి ఉంటాడని ఆ స్కూళ్ళ ఇన్స్పెక్టర్ అన్నాడు? అసలు తాను క్రీస్తు శకం 1000లో ఏజన్మ ఎత్తి ఉంటానని ఆస్కూళ్ళ ఇన్స్పెక్టర్ అనుకున్నాడు?

ఘజినీ మహమ్మదును భారత్ పై దండెత్తమని ఆహ్వానించింది, భారత్ వద్ద, ముఖ్యంగా భారతీయ దేవాలయాల్లో బంగారం, నవరత్నాల మూటలున్నాయనే బహిరంగ రహస్యమే. అంతే కాని పిల్లకాయలు కాదు.

ఘజినీ ఒకసారితో ఊరుకోలేదు. 17 సార్లు దండెత్తాడు. వచ్చిన ప్రతిసారీ గాడిదలపై మణుగులకొద్దీ బంగారాన్ని కొల్లగొట్టుకెళ్ళాడు. ప్రతిసారీ గుజరాత్ సోమనాధ దేవాలయ పూజారులు మా దేవుడు నిన్ను శిక్షిస్తాడులే అని వాడిని శపిస్తూ ఉన్నారు, కానీ వాడికేమీ జరగలేదు. ఒకసారి ఘజినీని రాజస్థాన్ థార్ ఎడారిలో దారి తప్పిద్దామని ప్రయత్నించారు. వాడు జరిగింది గ్రహించి వెనక్కి వచ్చి, తలా నాలుగు తగిలించి, ఇంకా ఎక్కువ బంగారాన్ని కొల్లగొట్టుకుని వెళ్ళాడు.

నాటినుండి నేటి వరకు భారతీయులకి బంగారం పిచ్చి తగ్గలేదు. ప్రపంచంలోనే భారత్ అతిపెద్ద బంగారం కొనుగోలుదారు, దిగుమతిదారు. అక్షయ తృతీయ వచ్చిందంటే చాలు బంగారం వర్తకులకు పండుగే.

2014 ఎన్నికలలో అభ్యర్ధులు ఎన్నికల కమీషన్ కు సమర్పించిన నామినేషన్లలోని అఫిడవిట్లను చూడండి. ఎవరి దగ్గరా 500 గ్రాములకి తక్కువ ఉండదు. అగ్రస్థానం ఉక్కు దిగ్గజం, బొగ్గు మశి నిందితుడు నవీన్ జిందాల్ గారిదే, వీరు కురుక్షేత్ర నియోజకవర్గం నుండి పోటీ చేస్తున్నారుట. 10కిలోల పైన బంగారం, 50 కిలోల పైన వెండి ఉన్నవారు కూడ పలువురు ఉన్నారు. దైనికభాస్కర్ అనే హిందీ పత్రిక వారు ఇట్టి బంగారుతండ్రులు, బంగారు తల్లుల లిస్టులను, ఫొటోలను నెట్ లోపెట్టారు. ఆపత్రిక వారికి మనం జేజేలు చెప్పాలి. ప్రఖ్నాతనటి, లోక్ సభ సభ్యురాలు శ్రీమతి జయప్రదగారి రక్షకుడు శ్రీ అమర్ సింగు గారు కూడ స్వర్ణపురుషుడే.

పైచిత్రంలోని బంగారు తల్లి ఎవరో మీరు కనుక్కోవాలంటే, దైనికభాస్కర్ పత్రికలో పై వార్తకు అనుబంధంగా ఉన్న ఫొటోలను చూస్తే గుర్తుపట్టచ్చు.

215 High Court Stay against arrest of Shri K.V.P. Ramachandra Rao శ్రీ కెవిపి రామచంద్రరావు అరెస్టుపై హైకోర్టు స్టే.

శ్రీ కెవిపి రామచంద్రరావు , రాజ్యసభ సభ్యుడిపై, అమెరికాలో లంచం కేసు తెరపైకి రావటం, ఆయన అరెస్ట్ కు ఇంటర్ పోల్ ద్వారా రెడ్ కార్నర్ నోటీస్ పంపటం , దీనిపై రాష్ట్రంలో రెండు పత్రికలు ప్రత్యేక శ్రధ్ధచూపటం, ఒక పత్రిక వ్యతిరేక శ్రధ్ధ చూపటం, విజ్ఞులైన పాఠకులకు తెలిసినదే. ఈసందర్భంగా శ్రీ కెవిపి ఆంధ్రప్రదేశ్ హైకోర్టును ఆశ్రయించగా, సింగిల్ జడ్జి గారు స్టే విధించటం నేటి వార్త. ఈపిటీషన్లో నివేదించబడిన శ్రీ కెవిపి తరఫు న్యాయవాది తయారు చేసిన వాదనలు అర్ధవంతంగానే ఉన్నాయి. ఒక విషయం తప్ప. నేరం 2006 కాలానికి సంబంధించినది కాబట్టి దానికి కాలదోషం పట్టిందని.

సరే, న్యాయవాదులు పలువురి నమ్మకం ఏమిటంటే, తాము ఎన్నిరకాల వాదనలైనా చేసి తమ క్లయింటును రక్షించుకోవాలని, ఆయన మెప్పు పొందాలని. అయితే సత్యం ఏమిటంటే, భారత్ లో క్రిమినల్ నేరాలకు కాలదోషం అంటూ ఏమీ ఉండదు. సాక్ష్యాలు రూపు మాసిపోనంత కాలం, అవి నిందితులను వెంటాడే అవకాశం ఉంది. లేదంటే, నిందితులు ఏదో తంటాలు పడి నేరాలకు కేసులు బుక్ కాకుండా కాలదోషం పట్టిస్తూ రోజులు గడిపి, ఆనందిస్తూ ఉంటారు.

ఈసందర్భంగా మరొక విషయం కూడ ప్రస్తావనార్హం. న్యాయం జరగటమే కాకుండా, పారదర్శకం జరిగినట్లుగా ఉండాలి. ఈ కేసును సింగిల్ జడ్జి కాకుండా, కనీసం ముగ్గురు జడ్జీలు ఉన్న హైకోర్టు బెంచి చేపట్టి ఉంటే బాగుండేది. ఎందుకంటే, సింగిల్ జడ్జీల తీర్పులలోకి వ్యక్తిగత నమ్మకాలు అనైఛ్ఛికంగా జొరబడే అవకాశం ఉంది. అంతే కాకుండా, నేడు దేశంలో ఉన్న వాతావరణంలో, నిందితులు న్యాయమూర్తులను ప్రలోభాలకు గురి చేయటానికి ప్రయత్నించే అవకాశం ఉంది. గతంలో శ్రీ గాలి జనార్దన్ రెడ్డి బెయిల్ కేసులో, సిబిఐ కోర్టున్యాయమూర్తిని ప్రలోభానికి గురి చేయటానికి ప్రయత్నించటం, ఆ అవినీతి కేసు ఇంకా నడుస్తూ ఉండటం గమనార్హం. ఇలా ప్రతిసారీ జరుగుతుందని కాదు. ప్రతి న్యాయమూర్తి ప్రలోభాలకు గుర అవుతారని కాదు. ముందు జాగ్రత్తల వల్ల అడుసు తొక్కటం , కాలు కడగటం తప్పుతుందని నా గాడిద నమ్మకం. బెంచి సైజు పెరిగినపుడు, ఎక్కువమందిని ప్రలోభ పెట్టటం కష్టమవుతుంది అనేది కూడ కొన్ని సమయాలలో మాత్రమే నిజం.

కేసు యొక్క విషయం సంక్లిష్టమయినది. భారత్ లోని అవినీతి విషయంలో, భారత్ కన్నా విదేశీయులు శ్రధ్ధ వహించటం గమనార్హం. మనదేశంలో కన్నా విదేశాల్లో శిక్షలు కఠినంగా ఉండటం, విచారణకు తక్కువ సమయం తీసుకోటం, మెడికల్ సర్టిఫికెట్ లు, పేరోళ్ళ పాత్ర తక్కువగా ఉండటం వల్ల, ఎక్స్ట్రాడిషన్ అంటే, భారతీయ నిందితులకు కొంత భయం ఉంది. భారతీయ కోర్టులు, కేవలం నిందితులు భారతీయులు కాబట్టి, వారిని రక్షించాలనే దృష్టితో కాక, న్యాయం యొక్క అంతిమ లక్ష్యం పై దృష్టి పెట్తే బాగుంటుందేమో. భారతీయ కోర్టులు కొంతమేరకు అంతర్జాతీయ న్యాయసూత్రాలను , ఆచారాలను పరిగణనలోకి తీసుకోవాల్సి ఉంటుంది. ఇంతటి సాంకేతికంగా క్లిష్టమైన పనిని కొన్ని సమయాలలో సింగిల్ జడ్జీ సమర్ధవంతంగా నిభాయించుకోలేక పోవచ్చు. ఎమికస్ క్యూరీ ల (న్యాయస్థానానికి సహాయకులు) అవసరం పడచ్చు.

భారతీయ కోర్టులలో విచారణ జరిగితే ఎక్కువ న్యాయం జరుగుతుంది, విదేశీ కోర్టులలో జరిగితే న్యాయం జరగదేమో అనే అభిప్రాయానికి ఎంతమేరకు వెయిట్ ఇవ్వవచ్చో నేను వ్రాయలేను. ఏది ఏమైనా, ఈవిషయాన్ని మన హైకోర్టు ప్రధాన న్యాయమూర్తి, లేక వారి నేతృత్వంలో ని కాలేజియం, సుప్రీం కోర్టు ప్రధాన న్యాయమూర్తి, సుప్రీం కోర్టు కాలేజియం సు మోటూగా (తమంత తామే ) పరిశీలిస్తే బాగుంటుంది. దీర్ఘకాలిక చర్యగా, కీలక విషయాలలో సింగిల్ జడ్జీల విచారణలను తగ్గిస్తే బాగుంటుంది.

ఈనాటి పాట

చిత్రం: తెనాలి రామకృష్ణ.


చేసేది ఏమిటో చేసేయి సూటిగా
చేసేయి బాగా ఈ కోటలో. చేసేది..|| 2 సార్లు||

ఎన్ని కష్టాలు రానీ, నష్టాలు రానీ,
నీమాట దక్కించుకో బాబయా.. || 2 సార్లు ||
బాబయ్యా.. చేసేది..||

నాటేది ఒక్క మొక్క, వేసేది నూరు కొమ్మ

కొమ్మ కొమ్మ విరబూసి వేలాదిగా, ..ఆ..||2 సార్లు||
ఇక కాయాలీ బంగారు కాయలు
భోం చేయాలి మీ పిల్లకాయలు ..||2 సార్లు|| చేసేది||

రహదారి వెంట మొక్క నాటి పెంచరా,
కలనాడు, లేనినాడూ నిన్ను తలచురా... ||2 సార్లు||
భువిని తరతరాల నీపేరు నిలచురా
పని చేయువాడే ఫలము నారగించురా. చేసేది||

లోక్ సభ అభ్యర్ధులలో బంగారు తండ్రి , వెండి కొండ, ఎవరు? Who among the Lok Sabha Members, a Mountain of Gold, and a Hill of Silver?

జవాబు: శ్రీ నవీన్ జిందాల్. కురుక్షేత్ర లోక్ సభ నియోజక వర్గ అభ్యర్ధిగా దాఖలు చేసిన ఎన్నికల అఫిడవిట్ ప్రకారం వీరి వద్ద 17 కిలోల బంగారం, 54 కిలోల వెండి ఉందిట. అంతా వోటర్లకు ఇస్తారని కాదు, నిజంగా ఇస్తే మన వోటర్లకు సరిపోతుందా. శ్రీకృష్ణతులాభారంలో సత్యభామ తన ఏడు వారాలనగలను, తండ్రి ఇచ్చిన రోజుకు ఏడుబారువుల బంగారాన్ని పుట్టించే శమంతకమణిని కాటాలో వేసినా శ్రీకృష్ణుడిని తూచలేక పోయింది. రుక్మిణీ దేవి సమర్పించిన, ఒక తులసీదళం సరిపోయింది.

We should not under-estimate Shri Rajkumar Saini, the BJP MP who defeated the Mountain of Gold Shri Naveen Jindal, in the 2014 May Lok Sabha Elections, from Kurukshetra Constituency.


His assets are estimated at Rs. Assets:Rs 13,28,80,476 Rs. 130 million as per the declaration furnished by Shri R.K. Saini, to the Election Commission. Related link: Click here to go to http://myneta.info/ls2014/candidate.php?candidate_id=90. But he has only 450 grams of gold, as against 50 kgs. of Mr. Naveen Jindal.


To continue. सशेष. ఇంకా ఉంది.

214 మంత్రులంటే బానిసలా? Are Ministers slaves?

శ్రీ అమిత్ షా గారు గుజరాత్ రాష్ట్రానికి భూత్ పూర్వ హోం మంత్రి. శ్రీ నరేంద్ర మోడీగారి నికట సహయోగి అంటే కుడి భుజం. శ్రీమోడీ ప్రధానమంత్రి అయితే, దేశానికి హోం మంత్రి లేక, రాజనాథ్ సింగుజీకిఅధికారికంగా హోం శాఖ ఇవ్వాల్సి వస్తే, అదే హోం శాఖకి సహాయమంత్రి కావలసిన వాడు. 2014 సాధారణ ఎన్నికలలో ఉత్తర ప్రదేశ్ లో బిజెపి ఎన్నికల ప్రచారానికి సారధిగా వ్యవహరిస్తున్నారు. వీరి అభిప్రాయం ప్రకారం ఇపుడు మోడీ వేవ్ , మోడీ సునామీ గా పరిణమించింది. వైరి పార్టీలను నామరూపాలను చేసేయగల శక్తిని పుంజుకుందని భావం. శ్రీమన్మోహన్ సింగు ప్రధానమంత్రి పదవిని దిగజార్చారనే అభిప్రాయం సర్వత్రా ఉన్నప్పటికి , ఇది శ్రీమోడీ అభిమానులలో అతితీవ్రంగా ఉన్నట్లు కనిపిస్తుంది.

ప్రధానమంత్రి పదవికి , పార్టీ అధ్యక్ష ప్రధవికి అధికారం కొరకు కొంత తొక్కిసలాట స్వర్గీయ జవహర్ లాల్ నెహ్రూగారి మొదటి రౌండు పాలనలోనే జరిగింది. స్వర్గీయ పురుషోత్తమదాస్ టాండన్, ఆచార్య కృపలానీ వంటివారు, ఆనాటి ప్రధానమంత్రికి ఉన్న ప్రత్యేక ఆదరణకి తట్టుకోలేక వెనక్కి తగ్గవలసిరావటమే కాక, ప్రధానమంత్రి ఒక తరహా నియంతగా మారటం ఆనాడే మొదలయింది.

స్వర్గీయ ఇందిరా గాంధీ పాలనలో నిజలింగప్ప కాంగ్రెస్ అధ్యక్షుడుగా ఉండగా, మరోసారి కాంగ్రెస్ అధ్యక్షుడు గా కామరాజ్ నాడార్ ఉండగా కూడ ఈసమస్య వచ్చి కాంగ్రెస్ నిలువుగా చీలి పోయి ప్రధానమంత్రి (ఇందిర) నియంతగా తయారు కావటం జరిగింది.

సోనియా పాలనలో ఉల్టా అయ్యింది. ప్రధాని ఆటబొమ్మ అయ్యాడు. కాంగ్రెస్ అధ్యక్షురాలు నియంతగా మారింది. ఇదే సందర్భంగా మనం గమనించాల్సిందేమిటంటే, యుపిఏ భాగస్వామ్యపక్షాల ప్రాతినిథ్య మంత్రులు, కాంగ్రెస్ మంత్రులు కూడ, ప్రధానమంత్రిని లెక్కచేయకుండా అవినీతికి పాల్పడటం, దీనిని ఆయన ప్రేక్షకుడిలాగా చూస్తూ ఊరుకోటం గమనార్హం.

ఇపుడు ఈ ఎనాలజీనీ బిజెపికి , శ్రీనరేంద్రమోడీకి అన్వయించాల్సి వస్తే రాబోయే రోజులు ఎలా ఉండబోతున్నాయి.

౧. మంత్రులు స్ట్రాంగ్ గా ఉండి వారికి ప్రధాని మధ్యలో మానసిక శృతిమేళనం (harmony and concordance) ఉంటే అది సుందరంగానే ఉంటుంది. ఉదా: శ్రీ వాజ్ పేయీ, శ్రీ అద్వానీల మధ్య ఉన్న బంధం. శ్రీ మురళీమనోహర్ జోషీ మరియు శ్రీ అద్వానీల మధ్య ఉన్న శృతిమేళనం.

౨. ఇలాంటి శృతి మేళనం శ్రీ మోడీ మరియు శ్రీ అరుణ్ జైట్లీ మధ్య, శ్రీమోడీ మరియు శ్రీమతి సుష్మా స్వరాజ్, శ్రీ మోడీ మరియు శ్రీ రాజ్ నాధ్ సింగుల మధ్య ఉంటుందా? అకాలీ దళ్, శివసేన, బహుశా టిడీపి, వంటి మిత్ర పక్షాల మంత్రులు తమశాఖలలో బానిసలుగా వ్యవహరిస్తారా, వారికేమైనా లీ - వే ఉంటుందా? అధికార వికేంద్రీకరణం అసలు జరగదా? పత్రికలలో వస్తున్నవార్తలను బట్టి బిజెపినేతలు కొందరు ఇప్పటికే కేంద్ర మంత్రివర్గ శాఖలను పంచేసుకున్నారు.
శ్రీ జైట్లీ గారు ఆర్ధికమంత్రి, శ్రీ రాజ్ నాధ్ సింగు గారు హోం మంత్రి, శ్రీ మతి స్వరాజ్ గారు విదేశాంగం ఇలాగా.





శ్రీఅమిత్ షా గారి అభిప్రాయం ప్రకారం, కేంద్ర మంత్రులు తమ శాఖలను జాగీర్లుగా మార్చుకోలేరు.

प्रत्येक व्यक्ति अपनी मिनिस्ट्री का प्रधानमंत्री बन गया था, और इसकी वजह से भ्रम की स्थिति थी।

తెలుగు సారం: ప్రత్యేక వ్యక్తి తనను తన శాఖకు ప్రధానమంత్రిగా తయారు చేసుకున్నాడు. మరియు, ఈకారణం వల్ల భ్రమ స్థితి వచ్చింది.

मंत्रियों को उनके विभागों को जागीर में तब्दील करने की इजाजत नहीं मिलेगी।

తెలుగు సారం: మంత్రులకు తమ శాఖలను జాగీర్లుగా మార్చుకునే అవకాశం దొరకబోదు.

213 Should Sudras weave baskets?

213 Should Sudras weave baskets? 213 శూద్రులు బుట్టలు అల్లుకోవాలా? చర్చనీయాంశాలు: వ్యాసుడు, భాగవతం, శూద్రులు, కులవ్యవస్థ

PART 11, CHAPTER 17, VERSE 19, SANSKRIT:

సంస్కృత వ్యాస విరచిత శ్రీమద్ భాగవతం, ఏకాదశ స్కంధం, ౧౭వ ఆధ్యాయం, ౧౯వ శ్లోకం.
s'us'ruushaNam dvija gavaam devaanaam ca apy amaayayaa
tatra labdheena santooshaha, s'uudra-prakritayas tv imaaha.


శుశ్రూషణం ద్విజ గవామ దేవానాం చ అపి అమాయయా
తత్ర లబ్ధేన సంతోషహః , శూద్ర ప్రకృతయస్ త్వ ఇమాః.
VERSE 49 శ్లోకం ౪౯.

suudra-vruttim bhajeed vais'yaha, s'uudraha kaaru-katha-kriyaam
kricchraan muktoo na garhyeena vruttim lipseeta karmanaa.


శూద్ర వృత్తిం భజేద్ వైశ్యః, శూద్రః కారు కథ క్రియాం క్రిఛ్రాన్ ముక్తో న గార్హ్యేన వృత్తిం లిప్సేత కర్మణా.


ENGLISH GIST: ఆంగ్ల తాత్పర్యం
Serving the Priests, cows, Gods, without cheating and being happy with whatever he gets -- these are the duties of a Suudra.


తెలుగు సారం: బ్రాహ్మణులను (ద్విజులను), ఆవులను, దేవుళ్ళను, సేవించుకుంటూ, మోసగించకుండా, తనకు వచ్చిన దానితో తృప్తి పడుతూ జీవించటం -= ఇవి శూద్రుడి విధులు.
A fourth caste person who cannot find a master to serve, can overcome his difficult situation by weaving baskets and straw mats. Again they should revert back to their original occupations after normalcy occurs. (That means a fourth caste person should find a master and serve again).


నాలుగవ కులం వ్యక్తి సేవించుకొనుటకు యజమాని దొరకనపుడు, ఈ క్లిష్ట పరిస్థితిని బుట్టలు నేయటం, గడ్డి చాపలను నేయటం వంటి పనుల ద్వారా అధిగమించాలి. సాధారణ పరిస్థితులు ఏర్పడినపుడు వారు తమ మామూలు పనులకు వెనక్కి వెళ్ళాలి (అంటే మరల యజమానిని వెతుక్కొని ఆయనను సేవించాలి).

వైబీరావు గాడిద వ్యాఖ్యలు

CRITICAL REMARKS: Who stipulated these duties? Did Krishna stipulate? Or the priests stipulated?

ఈ విధులను ఎవరు నిర్దేశించారు? శ్రీకృష్ణుడు ప్రవేశ పెట్టాడా? పవిత్ర గ్రంధాలలోకి, పూజారులు ప్రవేశ పెట్టారా?

ద్విజులు శూద్రులను మోసం చేయవచ్చా?

ద్విజులు శూద్రులను ఎందుకు సేవించరు? మానవసేవయే మాధవసేవయని కదా ఆర్షనీతి.

ద్విజలు దేవుడిని సేవిస్తూ, తీరిక సమయంలో బుట్టలు, చాపలు ఎందుకు అల్లకూడదు?

ఈగాడిదకు, ఏకులం వారిపైన గానీ ప్రేమ గానీ ద్వేషం గానీ లేదు. కనుక అపార్ధం చేసుకోవద్దని ప్రార్ధన. పైగా, ఇది ఆకాలం నాటి సంగతి కాబట్టి, నేడు మనం దోషులుగా బాధ పడనక్కరలేదు. ఈకాలంలో, ఇటువంటి దోషాలు ఏమన్నా ఉంటే, వాటిని నివారించుకోటమే లక్ష్యం. ఆలక్ష్యానికి నాస్తికత్వం, మార్క్సిజం సహాయం చేస్తాయి.

212 BJP's craze for Los Angeles వద్దు లెండి సార్ లాస్ ఎంజలిస్, శేషాంధ్ర ప్రజలం మేము భరించలేం.

Bharatiya Janata Party promised to make Visakhapatnam City a Los Angeles. Hence, Citizens of Visakhapatnam! Be ready! శ్రీచంద్రబాబు నాయుడు గారు సీమాంధ్రను సింగపూర్ చేస్తానన్నారు. శ్రీజగన్ గారు కూడ సీమాంధ్రను స్వర్ణాంధ్రనో, ఏదో చేసేస్తానన్నాడు. ఎవరు కూడ శేషాంధ్ర ప్రజలను తమ మానాన తమని బ్రతకనిస్తామని అనలేదు. ఇపుడు బిజెపి విశాఖను లాస్ ఎంజలిస్ చేసేస్తానంటున్నది.
ఈ మ్యాప్ గూగిల్ ఎర్త్ వారిపై ఆధార పడింది, నాచే మాడిఫై చేయబడింది. అసలు లాస్ ఏంజలిస్ అంటే బిజెపి వారికి తెలియదో, తెలిసినా లాస్ ఏంజలిస్ లాగానే విశాఖ తయారు కావాలనుకుంటున్నారో తెలియదు.

లాస్ ఏంజలిస్ ప్రపంచంలోని నేరగ్రస్త నగరాలలో ఒకటి. జూద గృహాలు, డ్రగ్ మాఫియాలు, వ్యభిచార గృహాలు, తుపాకులను కోదండాల్లాగా ధరించి తిరిగే మాఫియా ముఠాలు, ఓహో ఎన్నో!! హాంగ్ కాంగ్, షాంఘై, మకాలు, న్యూయార్కులతో పోటీ పడుతూ ఉంటుంది. హాలీవుడ్ ఉందన్న పేరేగాని, మనశ్శాంతి కరువయ్యే నగరం.

బిజెపి కొన్ని వాగ్దానాలను చూడండి.

Thrust on infrastructure to build robust economy బలమైన ఆర్ధిక వ్యవస్థను నిర్మించటానికి ఇన్ ఫ్రాస్ట్రక్చర్ ను అభివృధ్ధి చేయటం.
Completion of Krishnapatnam port క్రిష్ణపట్నం రేవును నిర్మించటం.
Development of Dugarajapatnam as a major port దుగ్గరాజపట్నం రేవును మేజర్ పోర్టుగా అభివృధ్ధిచేయటం.
State Petroleum Corporation on the lines of Gujarat body గుజరాత్ లో లాగా రాష్ట్ర పెట్రోలియం కార్పోరేషన్ ను స్థాపించుట.
Special status period to be increased by five years ప్రత్యేక హోదాను ఇంకోఐదేళ్ళు పొడిగించటం.
Agriculture corpus fund with Rs 1,000 cr వెయ్యి కోట్లతో వ్యవసాయ కార్పస్ ఫండ్.
10% quota in schools, colleges for economically poor upper class students పాఠశాలల్లో కాలేజీల్లో ఆర్ధికంగా వెనుకబడిన అగ్రకులాల వారికి 10% కోటా.
100 acres for film studios in Visakhapatnam విశాఖలో సినిమా స్టూడియోల నిర్మాణానికి 100 ఎకరాలు .

వైబీరావుగాడిద వ్యాఖ్యలు

ప్రజలకు ఏమి కావాలో బిజెపి కి అర్ధంకాలేదనన్నా అనుకోవాలి. లేదా తెలిసి కూడ తెలియనట్లుగా నటిస్తున్నదనుకోవాలి.

ప్రజలకు ఏమి కావాలి. తిండి, గుడ్డ, గౌరవ ప్రదమైన శుభ్రమైన చిన్ని కుటీరం, వృధ్ధాప్యంలో భద్రత.

తిండి ఎలా లభిస్తుంది. ఆహారాన్ని అధికంగా ఉత్పత్తి అన్నా చేయాలి లేదా దిగుమతి చేసుకోవాలి. 1000 కోట్లతో అది అవుతుందా?

మార్క్సిజం తో ఈ తిండి సమస్యను ఎలా పరిష్కరించవచ్చు?

ప్రజలు ఇళ్ళల్లో అన్నాలు వండుకోవాల్సిన పనే లేకుండా, ఆహారం ప్యాకెట్లను వివిధ రకాలుగా శుచిగా రుచిగా తయారు చేయించి ఇంటి వద్ద ఉచితంగా డెలివరీ ఇవ్వ వచ్చు. ఈపధ్దతిలో ధనవంతులకు చికెన్ బిరియానీలు పేదలకు గంజినీళ్ళు, కొరుక్కోటానికి పచ్చిమిరపకాయ కాకుండా వయా మీడియా గా చక్కని ఆరోగ్యకరమైన ఆహారాన్ని అందించ వచ్చు. అపుడపుడు చికెన్ కూడ ఇవ్వచ్చు.

మార్క్సిజం తో ఈ బట్టల సమస్యను ఎలా పరిష్కరించవచ్చు?

ప్రజలందరికీ రెడీమేడ్ దుస్తులను ఉచితంగా ఇవ్వచ్చు. చింకి గుడ్డలు ధరించ వలసిన అవసరమే లేదు. పిచ్చి పిచ్చి బికినీలు, కళ్ళుకూడ కనిపించని ముసుగులు, బురఖాలు ధరించవలసిన పనే లేదు. స్త్రీ పురుషులకు ఆడా మగా తేడా లేకుండా, అందరికీ ప్యాంట్లూ, షర్టులు, చలికాలంలో అవసరానుగుణంగా సూట్లను ఇవ్వచ్చు. వృధ్ధులకు, ప్రత్యేక దేహ సమస్యలు ఉండే వారికి కొన్ని మినహాయింపులను ఇవ్వచ్చు.

మార్క్సిజం తో ఈ నివాస సమస్యను ఎలా పరిష్కరించవచ్చు?

పుట్టినపుడే శిశువుకి ఇల్లు సిధ్ధంగా ఉంటుంది. మొదట్లో ఇళ్ల కొరత ఉన్నా అతి భారీగా ఇళ్ళను నిర్మించి ఈ కొరతను అధిగమించ వచ్చు. మార్క్సిజంలో ఇళ్ళు వారసత్వంగా సంక్రమించవు కాబట్టి, తగిన సంఖ్యలో ఇళ్ళను నిర్మించి, జనాభాను అదుపులో పెట్టుకోటంద్వారా, ప్రతి శిశువుకి పుట్టగానే ఇల్లు రిజర్వు చేయవచ్చు. దీనికి అనుబంధంగా, వివాహ వ్యవస్థను రద్దుచేసే వాగ్దానాన్ని సిసలైన మార్క్సిజం ఇస్తుంది. స్వల్ప స్థలంలో ఈవిషయాన్ని చర్చించలేం కాని, శిశువుకి తల్లిదండ్రులతో సంబంధంలేకుండా, వారిపై భారంలేకుండా ప్రతిదాన్నీ మార్క్సిజం సమకూర్చటం ఆచరణ సాధ్యమే.

మార్క్సిజం తో వృధ్ధాప్యంలో భద్రత సమస్యను ఎలా పరిష్కరించవచ్చు?

పుట్టిన దగ్గరనుండి చచ్చిపోయే దాక తిండి, గుడ్డ, ఇల్లు, విద్య, ఆరోగ్యం, రవాణ, అన్నీ ప్రభుత్వమే ఏర్పాటు చేస్తున్నప్పుడు ఇంక చింత దేని కోసం? ఇప్పటిలాగా కన్న బిడ్డలు వృధ్ధమాతను , వృధ్ధ తండ్రిని స్మశానం ప్రక్కనో, ముళ్ళపొదలలోనో దించి రావలసిన పెట్టుబడిదారీ ఛండాలం దుస్థితి పట్టకూడదు. కన్న తల్లే కన్నబిడ్డను డబ్బు కోసం అమ్ముకోవలసిన పెట్టుబడిదారి నీచ దైన్యం మన భారతీయులకి రాకూడదు.

మరి హీరో కృష్ణంరాజు గారు విశాఖలో హాలీవుడ్ నెలకొల్పటానికి 100 ఎకరాలు కేటాయించామంటున్నారుగా? విశాఖను స్వర్ణాంధ్ర చేస్తామంటున్నారుగా?
ఈచిత్రం వికీపీడియా వారి దయతో. కృతజ్ఞతలు.

జవాబు: జీవితాలు వేరు. సినిమాలు వేరు. ఈకృష్ణంరాజు మహోదయుడు తాను నటించిన సినిమాలనుండి ప్రజలకు నేర్పటం అలా ఉంచి, తానే ఏదైనా నేర్చుకుని ఉంటే 1957 లో స్వర్గీయ మహబూబ్ ఖాన్ నిర్మించిన మదర్ ఇండియా ను గుర్తుకు తెచ్చుకొని ఉండవలసింది. నర్గీస్, సునీల్ దత్, రాజేంద్రకుమార్, రాజ్ కుమార్ మొ|| వారు నటించిన ఈ హిందీ సినిమా తెలుగులో బంగారుతల్లి అనే పేరుతో వచ్చింది. దీనిలో ఈకృష్ణంరాజుగారు రాజ్ కుమార్ వేసిన వేషమో, రాజేంద్రకుమార్ వేసిన వేషమో వేశాడు. తల్లిగా జమున నటించింది. భూమిని గురించిన తపన ఆ సినిమా.


సినిమాలనుండి ప్రజలు మంచిని నేర్చుకోటం, సినిమాలు ప్రజలకు మంచిని నేర్పటం అనే రోజులు పోయాయి. అందుకని సినిమా వాళ్ళకు ఒక వంద ఎకరాలు ఇచ్చినంత మాత్రాన జగమే మారినదీ మధురముగా ఈవేళా కలలు కోరికలు తీరినవీ అనుకోకూడదు. హైదరాబాదులో శ్రీ అక్కినేని వారికి, శ్రీ కృష్ణకు, శ్రీరామానాయుడు మొ|| వారికి ఇట్టి చవక భూములను ఇచ్చారు. వారు సినిమా పరిశ్రమకు కష్టపడలేదు, కృషిచేయలేదు అని నేనన దలుచుకోలేదు. అందులో కొందరు భూములను దుర్వినియోగం చేసిన విషయాన్ని కూడ మనం మరువరాదు. ఈప్రక్రియలో బాగు పడేది కొందరు సినిమా పెద్దలే తప్ప ప్రజా సామాన్యం కాదు.

నేడు సినిమాల నిర్మాణాల వల్ల, సినిమా హాళ్ళ నిర్వహణ వల్లా కొంతమందికి ఉపాధి కలుగుతున్నమాట నిజమే అయినా, సమాజం నుండి సినిమా పెద్దలు కొల్లగొడుతున్న సంపదతో పోలిస్తే కలిగిస్తున్న ఉపాధి స్వల్పమే. పైగా ఈ ఉపాధి నాణ్యత, ఆత్మ గౌరవం లేనిది. ఈవిషయం ఋజువు చేసుకోవాలనుకునేవారు, సినీరంగంలోని జూనియర్ ఆర్టిస్టులను, సినిమా హాళ్ళ గేట్ కీపర్లను ఇంటర్వ్యూ చేసుకోవచ్చు. సినీ పెద్దలు ప్రజలనూ కొల్లగొడుతున్నారు, వర్కర్లనూ కొల్లగొడుతున్నారు. హీరోకు నాలుగు కోట్లు ఫీజు, జూనియర్ ఆర్టిస్టుకు నాలుగువందలు కూలీ అంటే ఇది కొల్లగొట్టటం కాక ఏమిటి. నా అభిప్రాయం తప్పయితే, నిజమేమిటో వ్రాయ వలసినది గా జూనియర్ ఆర్టిస్టులను, గేట్ కీపర్లను ఆహ్వానిస్తున్నాను. క్రింద కామెంట్లు వ్రాయటానికి మీకు పూర్తి స్వేఛ్ఛ ఉంది.

Prof S V Seshagiri Rao గారి ఇండస్ట్రియల్ కారిడార్ ప్రతిపాదన

విశాఖ చెన్నయి ఇండస్ట్రియల్ కారిడార్ ఎవరికి ఉపయోగం? రస్ అల్ ఖైమా వారి సహాయంతో స్వర్గీయ వైయస్ అభివృధ్ధిచేస్తామన్న వాన్ పిక్ లాంటిదే అని చెప్పనక్కరలేదు. 50 లక్షల ఎకరాలదాకా పేదల భూమిని కాజేసే అవకాశం ఉంది. 15 లక్షల కోట్ల దాకా పెట్టుబడి తింటుంది.

దీనికన్నా బంగాళాఖాతం నీటిని కుడాంకుళం ప్రభుత్వ అణు కర్మాగారం వారు అభివృధ్ధి చేసిన సాంకేతిక పరిజ్ఞానంతో శుధ్ధి చేస్తే , ఆనీటిని సాగుకు, తాగటానికి, విద్యుదుత్పత్తికి వాడుకొని తూర్పునుండి పడమరకి ఎగువకి పంపు చేసుకోవచ్చు. నీటికోసం తెలంగాణతో తగాదాలు ఆడవలసిన అవసరం తప్పుతుంది.

ఆంధ్రప్రదేశ్ లో సూర్యశక్తి అభివృధ్ధికి ఉన్న వనరులు అనంతం. లెక్కించటం నావల్ల కాదు. బిజెపి ఈ విషయం గురించి ఎందుకు మాట్లాడదు? కృష్ణపట్నం, దుగ్గరాజు పట్నం ఓడ రేవులను అభివృధ్ధిచేసి బొగ్గు దిగుమతి చేసుకోటం, ఖనిజాలను కొల్లగొట్టి ఎగుమతి చేయటం ఇలాంటి ఛండాలపు ఐడియాలేనా ఎప్పుడూ?

ఇళ్ళలో, గ్రామాల్లో, కొండల్లో, గుట్టల్లో, రోడ్ల ప్రక్కనా సోలార్ ప్యానెళ్ళను ఏర్పాటుచేసుకొని అపారంగా విద్యుత్ ఉత్పత్తి చేసుకుని దానితో కుటీర పరిశ్రమలను నెలకొల్పుకొని, ఉత్పత్తులను అంతర్జాతీయ కార్గో కాంప్లెక్సుల ద్వారా ఎగుమతి చేసుకోటం, ఇది సమతతో కూడిన అభివృధ్ధికి మార్గం. మార్క్సిజం తిండి, గుడ్డ, ఇల్లు, సమకూరుస్తుంది కాబట్టి ప్రజలు కుటీర పరిశ్రమలద్వారా ఉత్పత్తి, ఎగుమతులపై దృష్టి నిలుపుకోవచ్చు.

ఆకాశానికి నిచ్చెనలు వేసే రాజకీయ పార్టీలను తిప్పి కొట్టండి. నాస్తిక వాదాన్ని, మార్క్సిజాన్ని ప్రోత్సహించండి.