239 Mrs. Jashoda Ben waiting to go to Ambaji Shrine, along with Mr. Narendra Modi

239 Mrs. Jashoda Ben waiting to go to Ambaji Shrine, along with Mr. Narendra Modi
239 జశోదా బెన్ గారు, నరేంద్రమోడీ గారితో కలిసి అంబాజీ దేవాలయానికి వెళ్ళటానికి ఎదురు చూస్తున్నారు
చర్చనీయాంశాలు: నరేంద్రమోడీ, జశోదాబెన్, బిజెపి, గోల్ఫ్, గుజరాత్, అంబాజీ

---

చూడండి సార్, ఈయనయే మన చాయ్ వాలా.

శ్రీనరేంద్ర మోడీ గారు ప్రధానమంత్రి కాబోతున్న సందర్భంగా తన తల్లిని సందర్శించి ఆమె దీవెనలు పొందిన ఫొటో పత్రికలలో వచ్చింది.

శ్రీమోడీ గారు ఇంత వరకు, తన estranged wife ధర్మపత్ని శ్రీమతి జశోదా బెన్ గారితో సెల్ ఫోన్ లో నైనా సంభాషించారో లేదో తెలియదు. దేశ సేవ చేయటానికి ధర్మపత్ని శుభ కామనలకు గుజరాత్ లో , భారత్ లో ప్రాముఖ్యం ఉన్నదో లేదో మనకు తెలియదు.

శ్రీ మోడీగారు ప్రధాన మంత్రి అయ్యేంత వరకు, తాను బియ్యంతో చేసిన వంటకాలు తినకూడదని శ్రీమతి జశోదా బెన్ గారు వ్రతం పూనారుట.


శ్రీమతి జశోదా బెన్ గారు మటుకు తన శ్రీవారితో కలసి ఉత్తర గుజరాత్ లో ఉన్న మాతా అంబాజీ దేవాలయాన్ని దర్శించి తన వ్రతాన్ని పూర్తిచేసుకోవాలని కోరుతున్నారుట.

శ్రీ మోడీగారు ధర్మపత్ని కోరికను మన్నిస్తారా, మన్నించరా, అనేది మిలియన్ బిలియన్ ట్రిలియన్ డాలర్ల ప్రశ్న. లేదా , అంబాజీ దేవాలయాన్ని దర్శించాలని కోరినందుకు, ఓవరాక్షన్ చేయద్దని మందలింపులు ఉంటాయా. కొరడా దెబ్బలయితే (రాముడు భీముడు సినిమాలో రాముడికి తగిలించినట్లుగా) ఉండవు.

ఎవరైనా సరే ప్రధానమంత్రి పదవిలోకి రాగానే మీడియా భజన కార్యక్రమంలో విజృంభిస్తుంది. గతంలో చంద్రశేఖర్ కి, రాజీవ్ గాంధీకి, విపీసింగుకి, దేవెగౌడకి, ఐకె గుజ్రాల్ కి , పీవీ నరసింహారావుకి, వాజ్ పేయీకి ఈ భజనలు జరిగినవే. ఉన్న సుగుణాలు, లేని సుగుణాలు కలిపి కొట్టరా కావేటి రంగా అన్నట్లుగా ప్రవర్తిస్తాయి.

కాంగ్రెస్ గెలిచి ఉంటే, ఇప్పటికల్లా రాహుల్ గాంధీని, ఇంద్రుడు, చంద్రుడు అని పొగిడేవాళ్ళు.

ప్రధాన మంత్రి పదవిలో ఉన్నవాడు రోజుకి 18 గంటలు పనిచేయటం లో వింతేమీ లేదు. భారత్ లో ప్రతి పోలీసు కాన్ స్టేబుల్ ఏ ఏసీలు లేకుండానే మండు టెండలో, జోరువానలో 18 ఏమి కర్మ వరుసగా 72 గంటలు డ్యూటీలు చేయటం సర్వ సాధారణం. మీడియా, పదవులలో ఉన్నవాళ్ళ భజన మానేస్తేనే బాగుంటుంది.

ఇంకా సరిదిద్ది వ్రాయాల్సి ఉంది. ఎవరి మనో భావాలైనా గాయపడితే, కామెంట్సులో వ్రాస్తే సరిదిద్దుకుంటాను.

ఈనాటి పాట

చిత్రం: శారద, 1973.
రచన: మహాకవి డాక్టర్ సీ. నారాయణ రెడ్డి.
సంగీతం: చక్రవర్తి.
దర్శకత్వం: విశ్వనాథ్.

వ్రేపల్లె వేచెను వేణువు వేచెను వ్రేపల్లె||
వనమెల్ల వేచేనురా...
నీ రాక కోసం నిలువెల్ల కనులై నీరాక కోసం||
ఈ రాధ వేచేనురా..
రావేలా.. రావేలా..

కోకిలమ్మ కూయనన్నదీ నీవు లేవని, కోకిలమ్మ||
గున్నమావి పూయనన్నది నీవు రాలేదని
humming.

కాటుక కన్నీటి జాలుగా జాలి జాలిగా.. కాటుక||
కదలాడె యమునానది
నీరాక కోసం నిలువెల్ల కనులై
ఈరాధ వేచేనురా
రావేలా.. రావేలా..

మా వాడ అంటున్నది స్వామి వస్తాడని, మావాడ||
నా నీడ తానన్నది రాడు రాడేమని
humming.

రగిలెను నా గుండె దిగులుగా కోటి సెగలుగా, రగిలెను||
రావేలా చిరుజల్లుగా
నీ రాక కోసం నిలువెల్ల కనులై , ఈ రాధ వేచేనురా.

238 Modi cannot solve India's problems. Only Enlightened Marxism can solve.

238 Modi cannot solve India's problems. Only Enlightened Marxism can solve.
238 మోడీ భారత సమస్యలను తీర్చలేడు. కేవలం సందీప్త మార్క్సిజం మాత్రమే తీర్చ గలదు.
చర్చనీయాంశాలు: 238, నరేంద్రమోడీ, మార్క్సిజం, బిజెపి, ఎన్ డిఏ, వడోదారా

---

మతపిచ్చి గల భారతీయులు శ్రీనరేంద్రమోడీపై ఎన్నో ఆశలను పెట్టుకున్నారు. వారి ఆశలలో కొన్నిటిని, అంటే రామాలయ నిర్మాణం వంటి వాటిని, ఆయన తీర్చే అవకాశం ఉంది.

కులం ఆధారంగా, మతం ఆధారంగా, భారతీయులు వోట్లు వేస్తారు, అని గతంలో విశ్రాంత సుప్రీం కోర్టు న్యాయ మూర్తి శ్రీ మార్కండేయ కట్జూ గారు అన్నమాట అక్షరాల నిజమైంది. అయితే భారతీయులలో ఎంత మందికి ఏ మత పిచ్చి ఉంది అనే దానికి లెక్కలు లేవు.

కులమతాల ఆధారంగా కాక ఇతర కారణాల వల్ల కూడ శ్రీ నరేంద్ర మోడీకి , బిజెపికి, ఎన్ డి ఎకి వోట్లు వేసిన వాళ్ళు ఉన్నారు. కేవలం కాంగ్రెస్, సోనియా గాంధీ, రాహుల్ గాంధీ, నెహ్రూ కుటుంబపాలనకి వ్యతిరేకంగా వోటు వేసిన వారికి పెద్ద ఆశలు ఉండవు కాబట్టి వారిని శ్రీ మోడీ నిరుత్సాహ పరిచేది పెద్దగా ఏమీ ఉండదు. శ్రీ మోడీ నేతృత్వంలో భారత్ ఎంతో గొప్ప ఆర్ధిక అభివృధ్ధిని సాధించి గతంలో నెహ్రూ కుటుంబ పాలనలో జరిగిన నష్టాన్ని పూడ్చివేయటం సాధ్యం అని ఆశ పెట్టుకున్నవారు మాత్రం నిరాశ పడక తప్పదు.

భగవంతుడు అనే పదానికి ఎలా అయితే నిర్వచనం లేదో అభివృధ్ది అనే పదానికి కూడ నిర్వచనం లేదు. ఒక్కొక్కరి నిర్వచనం ఒక్కో రీతిలో ఉంటుంది. నన్ను నిర్వచించమంటే, అందరికి ఉచిత గాలి-నీరు-ఆహారం, యూనిఫారం బట్టలు, యూనిఫారం నివాసాలు, వృధ్ధాప్యంలో భద్రత, ఉచిత విద్య, ఉచిత ఆరోగ్యం, నిర్బంధ రోజుకి ఎనిమిది గంటల , వారంలో ఐదున్నర రోజుల పని, అన్నింటిని మించి వ్యక్తి స్వాతంత్ర్యానికి గుర్తింపు, గౌరవంతో కూడిన జీవితం (dignity of life) ఇది అభివృధ్ధి.

మహాకవి శ్రీశ్రీ చేదు పాట

ఔను నిజం, ఔను నిజం
ఔను నిజం, నీవన్నది,
నీవన్నది, నీవన్నది,
నీవన్నది నిజం, నిజం!
లేదు సుఖం, లేదు సుఖం,
లేదు సుఖం జగత్తులో!

బ్రదుకు వృథా, చదువు వృథా,
కవిత వృథా! వృథా, వృథా!
మనమంతా బానిసలం,
గానుగలం, పీనుగలం!
వెనుక దగా, ముందు దగా,
కుడి యెడమల దగా, దగా!

మనదీ ఒక బతుకేనా?
కుక్కల వలె, నక్కల వలె!
మనదీ ఒక బతుకేనా?
సందులలో పందులవలె!
నిజం సుమీ, నిజం సుమీ,
నీవన్నది నిజం సుమీ!

బ్రతుకు ఛాయ, చదువు మాయ,
కవిత కరక్కాయ సుమీ!
లేదు సుఖం, లేదు రసం,
చేదు విషం జీవఫలం!
జీవఫలం చేదువిషం,
చేదు విషం, చేదు విషం!

ఔను నిజం, ఔను సుమా,
ఔను నిజం నీవన్నది!
నీవన్నది, నీవన్నది,
నీవన్నది నిజం, నిజం!

నా దృష్టిలో మనుష్యులు చెట్ల మీద వాలి మరల ఎగిరిపోతూ ఉండే పక్షుల లాంటి వాళ్ళు. అన్ని పక్షులూ చెట్లపై ఒకే సమయం వాలి ఉండవు. కాపురాలూ అంతే. ముందు వచ్చినవి ముందు వెళ్ళాలనీ లేదు, వెనుక వచ్చినవి వెనుక వెళ్ళాలనీ లేదు. ముందు వచ్చినవి వెనుక వెళ్ళ వచ్చు, వెనుక వచ్చినవి ముందు వెళ్ళ వచ్చు. మానవులు ఉన్నంత కాలం వారి జీవితం ఆనందంగా సాగి, మరణం కూడ ఆనందం భరితంగానే ముగిస్తే ఆ సమాజంలోని వ్యక్తులు, ఆసమాజమూ ధన్యులు అవుతారు.

పెట్టుబడిదారీ విధానంలో మనకట్టి ధన్యత్వానికి ఆస్కారమే లేదు.

ఉదాహరణకి, శ్రీనరేంద్రమోడీ మహోదయ్ గుజరాత్ లోని వడోదారాలో పిపిపి (ప్రభుత్వ ప్రైవేటు భాగస్వామ్యంతో నిర్మించబడిన బరోడా నగర బస్ స్టాండునే తీసుకోండి. ఈ అభివృధ్ధికే వడోదారా ప్రజలు ఉబ్బి తబ్బిబ్బయి పోయి శ్రీమోడీకి 5,70,128 వోట్ల మెజారిటీ ఇచ్చి కట్టబెట్టారా, లేక ఆయన మత తత్వానికి మెచ్చుకొని కట్టబెట్టారో గానీ, నేను పైన వ్రాసిన నిర్వచనం పరిథిలోకి మటుకు ఈ అభివృధ్ధి రాదు.

NARENDRA MODI Bharatiya Janata Party 845464
MISTRI MADHUSUDAN DEVRAM Indian National Congress 275336
SUNIL DIGAMBAR KULKARNI Aam Aadmi Party 10101
ROHIT MADHUSUDAN MOHANBHAI Bahujan Samaj Party 5782
TAPAN DASGUPTA SOCIALIST UNITY CENTRE OF INDIA (COMMUNIST) 2249
PATHAN SAHEBKHAN ASIFKHAN Samajwadi Party 2101
JADAV AMBALAL KANABHAI Janata Dal (United) 1382
PATHAN MAHEMUDKHAN RAZAKKHAN Apna Desh Party 1109
None of the Above None of the Above 18053

చూశారు కదా, బొమ్మలను. మీడియా, ముఖ్యంగా పెయిడ్ న్యూస్ కి, భారీ ప్రకటనలకు అలవాటు పడ్డ మీడియా, వడోదారా బస్ స్టేషన్ ను ఎయిర్ పోర్టుతో పోల్చాయి. మనకి తెలుగులో ఒక సామెత ఉంది. ''టంగుటూరు మిరియాలు తాటికాయలంత '' అని. మొదటి చూపులో ఇవి అన్నీ మయసభలాగా కనిపించేలా అలంకరించారు.

ఆంధ్రప్రదేశ్ ప్రజలు విజయవాడ, గుంటూరు, విశాఖ మొ|| బస్ స్టేషన్ లను ప్రజా ఆస్తులుగా, తమ స్వంత ఆస్తులుగానే భావిస్తారు. ప్రతి జిల్లా కేంద్రంలోనూ , జంక్షన్ లోనూ చక్కటి బస్ స్టేషన్ లు ఉన్నాయి. ఇవి అన్నీ ప్రజలవే. తమ స్వంత ఆస్తులుగా భావించటం వల్ల అక్కడక్కడ గుట్కా మరకలు, సిగరెట్ పీకలు కనిపిస్తూ ఉండవచ్చు. ఇవి ఏవీ ప్రభుత్వ డబ్బుతో కానీ, ప్రైవేటు వాళ్ళ డబ్బుతో నిర్మించబడినవి కావు. ప్రజలు స్వేఛ్ఛగా రాత్రిళ్ళు ఈ బస్ స్టేషన్లలో పైసా ఖర్చులేకుండా, నిద్రిస్తూ ఉంటారు. తెల్లారి లేవగానే, తమతమ ఊర్లకు బస్ ను పట్టుకొని హాయిగా వెళ్తారు. కొద్దిగా డబ్బులున్నవాళ్ళు చవక డార్మిటరీలలో ఉంటారు. లేదా, బయట లాడ్జీలలో మడత మంచాలు అద్దెకి తీసుకుని ఉంటారు. మొత్తం మీద , వాళ్ళ డిగ్నిటీ కి లోపం ఏమాత్రం కలుగదు. వాళ్ళని ఇదేమిటి అని వాయించి మెడ పెట్టి గెంటి వేసే వాళ్ళు ఉండరు. బస్ స్టేషన్ల నిర్వహణలో కొన్ని లోపాలు ఉంటే ఉండ వచ్చు. కొన్ని చోట్ల ఆస్తులు అశ్రధ్ధకు గురి అవుతు ఉండవచ్చు. మొత్తంమీద ఇవన్నీ పబ్లిక్ ఆస్తులన్న స్పృహ ఉంది.

మోడీ గారు నిర్మించిన బస్ స్టేషన్ ను తీసుకోండి. దీని పేరు పబ్లిక్ ప్రైవేటు పార్టనర్ షిప్. దోపిడీ చేసుకోమని ప్రైవేటు సంస్థలకు, ప్రజలు తిరిగే స్థలాన్ని అప్పగించేశారు. ప్రజలు డబ్బులు కట్టకుండా, ఫ్రీగా తిరుగ కలిగే స్థలాన్ని తగ్గించేశారు. ఎప్పుడో ముఫ్ఫయి యేళ్ళకో యాభయి ఏళ్ళకో, ఆ భాగస్వామ్యాన్ని తీసుకున్న సంస్థవారు, తిరిగి దీన్ని ప్రభుత్వానికి హోల్ గా ఇచ్చేస్తారు అనేది ఒక పగటి కల. ఆటైముకి వాళ్ళు కోర్టుకి వెళ్ళి ఏదో ఒక కారణం చెప్పి ఖాళీ చేయించకుండా ఇంజన్ క్షన్లు తెచ్చుకొని మరల కొన్ని దశాబ్దాలు లాభాలు పోగేసుకుంటారు. మౌలికం గానే ఈపధ్ధతిలో లోపం ఉందని శ్రీ నరేంద్ర మోడీ గారు గుర్తించలేక పోటం దురదృష్టకరం.

దీనిని చాల లోతుగా చర్చించ వలసి ఉన్నది. ఇంకా వ్రాయాలి. త్వరలో.

237 How to help tenant farmers?

237 కౌలు రైతులను ఎలా ఆదుకోటం?
చర్చనీయాంశాలు: వ్యవసాయం, కౌలు రైతులు, బ్యాంకు ఋణాలు, చంద్రబాబు, Chandra Babu Naidu, tenant farmers

---

రాత్రంతా టపాసుల మోత మార్మోగి పోయింది. పటాఖాలకే రెండు లక్షలు ఖర్చయి ఉంటాయి. ప్రజలకు సేవ చేసే అవకాశం లభించినందుకే ఇన్ని బాంబులు కాల్చాలా? సరే, చంద్రబాబు నాయుడిగారిని ఆనందోత్సవాలు చేసుకోనిద్దాము. ఒక నియోజక వర్గానికే రెండు లక్షలు ఖర్చయితే ఆంధ్ర ప్రదేశ్ మొత్తానికి ఎంత ఖర్చై ఉండాలి.



ఆయన వీలైనంత తొందరగా, శ్రీ నరేంద్ర మోడీ గారి కాళ్ళు పట్టుకొని రైతులకి తాను వాగ్దానం చేసిన ఋణాల మాఫీ పథకాన్ని కేంద్ర ప్రభుత్వ ఆర్ధిక శాఖ చేత, కేంద్ర ప్రభుత్వ బ్యాంకుల చేత, అమలు చేయిస్తాడని ఆశిద్దాము. ఇది స్వంత పొలాలున్న రైతులకు బాగానే ఉంటుంది. భూములను అనధికారిక కౌలుకిచ్చి, తమ పేర్లతో బ్యాంకు లోన్లు తీసుకున్న వాళ్ళకి గాలి వాటం లాభాలు కూడ వస్తాయి. సరే, అది అట్లుండనిండు.

మరి మౌఖిక కౌలుదారీ రైతుల సంగతి ఏమిటి?

ఖరీఫ్ వానలు దగ్గర పడుతున్నాయి. విత్తనాలు కొనుక్కోవాలి. ఎరువులు సిధ్ధం చేసుకోవాలి. ట్రాక్టర్లకు కిరాయిలు ఇచ్చుకోవాలి. మౌఖిక కౌలు రైతులకు బ్యాంకు ఋణాలు ఆంధ్రప్రదేశ్ లో లభించవు అనేది అందరికీ తెలిసిన విషయమే.

తీసుకోవాల్సిన చర్యలు

ప్రభుత్వం తక్షణమే, వీఆర్ వో లను రంగంలోకి దించి ప్రతి గ్రామంలోని యాబ్ సెంటీ లాండ్ లార్డుల పట్టిక తయారు చేయించాలి. ముఖ్యంగా స్వయంగా పొలందున్నించి సాగుచేయించే అవకాశాలు లేని వారిని అంటే వేరే ప్రాంతాలలో పని చేస్తున్న ప్రభుత్వోద్యోగులను, బిజీ డాక్టర్లను, బడా పారిశ్రామిక వేత్తలను, పెద్ద వ్యాపారులను గుర్తించి వారి భూములను నోటీఫికేషన్లు జారీ చేయించి కౌలుకు తీసుకోవాలి. వాటిని గ్రామంలో మౌఖిక కౌలు చేసుకుంటున్నవారికి లాటరీ ద్వారా న్యాయమైన కౌలుకు రెండేళ్ళ కాలానికి కేటాయించాలి.

బ్యాంకులకి, ప్రభుత్వమే హామీ ఇచ్చి వారికి రెండేళ్ళ కాలానికి ఒకే సారి వ్యవసాయ ఋణ పరిమితిని ఇప్పించాలి. పంటకోతల సమయంలో వీ ఆర్ వో ల చేత, వ్యవసాయ అధికారుల చేత , మార్కెట్ యార్డ్ అధికారుల చేత పర్యవేక్షణ చేయించి పంటను బస్తాలు, బోరాలు గా కట్టించి గోడౌన్ లలో స్టోర్ చేయించాలి.

వాటిని మంచి రేటు ఉన్న సమయంలో వేలం వేయించి, వచ్చిన డబ్బులలో తన సేవా ఛార్జీలను మినహాయించుకొని మిగిలింది బ్యాంకులోనుకు, రైతు ఖాతాకు, భూమి యజమాని ఖాతాకు, కరువు|వరదలు|తెగుళ్ళు మొ|| పరిస్థితులను బట్టి దామాషా పధ్ధతిలో జమ చేయించాలి.

రెండవ సంవత్సరాంతానికి కాంట్రాక్టును పూర్తి చేసి, కొత్త కాంట్రాక్టులకు తెర లేపాలి.

236 What is there to inquire about election results?

236 What is there to inquire about election results?
236 ఎన్నికల ఫలితాల గురించి అంత చెవులు రిక్కించుకొని వినాల్సింది, టీవీల్లో కళ్ళు పొడుచుకొని చూడాల్సింది ఏముంది?
చర్చనీయాంశాలు: ధరలు, బూర్జువా పార్టీలు, ఎన్నికల ఫలితాలు, టిడిపి, బిజెపి, తెరాస

---

ఈరోజు 16.05.14 తెల్లవారి రోడ్డు మీది నడవటం ప్రారంభించ గానే, ఒక ఇస్త్రీ బండి అబ్బాయి అడిగాడు, ఏమిటి పరిస్థితి అని. అతడి ఉద్దేశ్యం రాష్ట్ర ఎన్నికలలో పార్టీల పొజిషన్ ఏమిటి , అని.

నా మైండ్ వేరే చోట ఎంగేజ్ అయ ఉన్నది. మా నాన్న గారు 86 ఏళ్ళవాడు, యాత్రల మీద వ్యామోహం, కొంచెం ఎండతగ్గగానే మేము నీకు అన్నియాత్రలు చూపిస్తాము అనిబ్రతిమాలుతున్నా వినకుండా, ఇంట్లో చెప్పకుండా వెళ్ళి మూడురోజులయింది. రైళ్ళు ఎక్కలేడు, బస్సులు ఎక్కలేడు, ఏమయ్యాడో ఏమిటో నని, మేము రైలు బస్సు స్టేషన్ ల చుట్టూ తిరుగుతున్న సమయంలో చివరికి ఫలించి ఆయన ఇంటికి చేరాడు . ఆ ఆనందంలో మేము ఉండి, తెలిసిన వారు ఎదురైనపుడు మీనాన్నగారు వచ్చారా అని వారడగటం, అవునండీ కథ సుఖాంతం అని చెప్పటం ఇలా ''ఊయలలూగే మనసూ'' అన్నట్లయింది.

ఆ ఇస్త్రీ మాస్టర్ నావంక ఎగాదిగా చూసి కథ సుఖాంతం అంటే చంద్రబాబా జగనా అన్నాడు. ఇస్త్రీ పెట్టె మహా వేడి మీద ఉంది. అతడి మనసే, అతడి దగ్గర లేదు. బాబా, జగనా అన్నట్లు అతడి మనస్థితి ఉన్నది.

నేను సుఖాంతం అని చెప్పింది, మానాన్నగారు దొరకటం గురించి. అతడు మా నాన్నగారి గురించి అడుగుతున్నాడేమో ననుకొని ఆయన గురించి చెప్పాను. దీనినే మనం న్యాయ శాస్త్రంలో కన్ సెన్సస్ యడ్ ఇడెమ్ అంటాము. తెలుగులో మీటింగ్ ఆఫ్ దీ మైండ్స్. పరస్పర ఏకీభావం. ఇద్దరూ ఒకే వస్తువుగురించి ఆలోచించటం, వ్యవహరించటం.

బాబా , జగనా, త్వరగా చెప్పండి, ఎన్నికల్లో సుఖాంతం, దుఃఖాంతం ఏమిటి అని అతడు విసుక్కున్నాడు. మీరేదో సుఖాంతం సుఖాంతం, అంటున్నారు. (అతడు నాకు స్క్రూ లూజయిందనుకున్నాడు). ఈలోగా అతడు ఇస్త్రీ చేస్తున్న చొక్కాపై పై పెట్టెను అలాగే వదలివేయటంతో, చొక్కా కాలర్ నల్లగా కమిలింది.

''నేను, నా పొరపాటును అర్ధం చేసుకొని, ఉదయం తొమ్మిదిన్నర అయితే గానీ ట్రెండ్స్ బయటకు రావు. ఎందు కంత తొందర? మీరు వెయ్యాలనుకున్నవారికి మీ వోటు వేశారు కదా?'' అందామనుకున్నాను.

నాకు తెలిసిన ప్రకారం, అతడు తన కుటుంబ వోట్లను చక్కగా అమ్మేసుకుని , తనకు రావలసిన క్యాష్ ను రాబట్టుకొని, తన వోట్లయజ్ఞాన్ని పూర్తిచేశాడు. ఇంక ఎందుకు ఆరాటం? తాను డబ్బులు తీసుకున్న అభ్యర్ధికి వేశాడో, వేరొకరికి వేశాడో మనకి తెలియదు. తాను డబ్బు తీసుకున్న అభ్యర్ధికే వోటువేసి ఉంటే, అతడు గెలుస్తూ ఉంటే, అభ్యంతరం లేదు. తాను డబ్బుతీసుకున్న అభ్యర్ధికి వోటేయకుండా వేరొకరికి వేసి ఉంటే, తన నిర్ణయం సరియైనదా లేదా అని అతడు పరీక్షించుకోవాలనుకుంటున్నాడనుకోవాలి.

''నీకెందుకంత ఆరాటం, నీడబ్బులు నీకు వచ్చాయిగా '', అని అందామనుకున్నాను, కానీ అనకపోటమే మంచిదయింది. అనుంటే, అతడు నన్ను చెప్పు తీసుకొని కొట్టి ఉండే వాడు. ''నేను డబ్బులు తీసుకుంటే నీకెందుకు, తీసుకోకపోతే నీకెందుకు, అని వుతికేసేవాడు.''

విచిత్రమేమిటంటే, నావోటు, నాభార్యవోటు, మా అబ్బాయి వోటు కూడ అమ్ముడు పోయాయి. మా ఏరియాలో ఉండే పెద్దమనుషులు అనుకునేవారు, వారిని పెద్ద మనుషులు అనుకునే అభ్యర్ధుల దగ్గర, మాఇంట్లోని మూడు వోట్లకూ Rs. 1,500 x 3 = Rs. 4,500 చొ|| వసూలు చేసుకున్నాడు. ఆడబ్బులను తానే వాడేసుకున్నాడు. మా అబ్బాయి హైదరాబాదు వెళ్ళటం వల్ల వోటు వేయటం కుదరలేదు. నేను పోలింగు స్టేషన్ కి వెళ్ళుంటే నోటాకి వేసి ఉండే వాడిని. నోటా వల్ల నిష్ప్రయోజనం అని తెలిసింది కనుక, స్టేషన్ దూరంగా ఉండటాన , ఆటో ఖర్చులెందుకులే అని వోటు వేయలేదు. ఈవిధంగా మాఇంట్లో రెండు వోట్లు మురిగి పోయాయి. మూడో వోటు కూడ ఆ డబ్బులిచ్చిన అభ్యర్ధికి పడి ఉంటుందని నేను అనుకోను. ఏది ఏమైతేనేం, వోట్లు కొనుక్కున్న ఆఅభ్యర్ధికి మటుకు, రూ. 4,500 క్షౌరం అయ్యింది. ఈవిషయంలో నేను పోలీసురిపోర్టో, ఈసీకి ఫోన్ చేసినా పెద్ద ప్రయోజనకరమని నాకినిపించలేదు. ఎందుకంటే , మానాన్నగారి మిస్సింగు విషయంలోనే , పోలీసు స్టేషన్ కి వెళ్ళి రిపోర్టు ఇచ్చినపుడు, నేను ఆశించిన పధ్ధతిలో, నాకు వారినుండి సహాయం లభించలేదు. అలాంటప్పుడు ఎవరో , ఇంకెవరి దగ్గరో మీవోట్లకో సం డబ్బులు తీసుకున్నారంటే, మేమెట్లా నమ్మటం , సాక్ష్యాలేమన్నా ఉంటే తీసుకురా అని ఉండే వాళ్లు.

కొన్ని షాకులు మనకి తెలిసినవే అయినా విలవిల లాడిస్తాయి

తెల్లారి లేవగానే, పాలప్యాకెట్ లకి వెళ్తాం. ఇవాళ్టినుండి ప్యాకెట్ రూపాయి పెరిగింది, అని తక్షణమే అమలు లోకి వచ్చింది. పాల ప్యాకెట్ల ధరలు మూడు నెలలకో ఆరునెలలకో పెంచటం మనకి తెలిసిన విషయమే. డీజెల్ కూడ, అంతే, వీటికి షాక్ పొందాల్సిన అవసరం లేదు. ఎన్నికలయి పోయినాయి, సమీపంలో ఐదేళ్ళదాకా ఇంకే ఎన్నికలులేవు, అని తెలిసినపుడు, ఇంక కేంద్ర రాష్ట్ర ప్రభుత్వాలకూ, ప్రైవేటు వారికీ కూడా ఆటవిడుపే.

పెంచిన ధరలో కొంత భాగమైనా, ఉత్పత్తిదారుకి చేరినపుడు పాలధర పెంపుపై మనం నిరసన తెలుపనవసరం లేదు. ఎందుకంటే, మద్యం ధర పెరిగినంత వేగంగా పాల ధర పెరగటంలేదు. సినిమాటికెట్ల ధర పెరిగినా మద్యం ధర పెరిగినా, చికెన్ బిరియానీ ధర పెరిగినా, చెంగు చెంగునా గంతులు వేసుకుంటూ కొనే వాళ్ళే, పాలధర పెరిగినపుడు ఎందుకు ఏడుపు ముఖం పెడ్తారో అర్ధం కాదు.

నాబాల్యంలో మాకు ఒకటి | రెండు గేదెలు ఉండేవి. వాటికొరకు కిలోమీటరు దూరం నుండి గడ్డిమోపులు మోసుకురావటం , పేడతీసి పిడకలు కొట్టటం , ఇళ్ళ దగ్గర పాలు పోసిరావటం, వంటి పనులను నేను చేయటం వల్ల పశుపోషణలోనాకు నరేంద్రమోడీగారు చాయ్ వాలా పనిచేయటం, లాంటి అనుభవమే ఉంది. మా గేదె(లు) ఎండాకాలంలో సరియైన నీడలేక ఎండకి ఎండుతూ ఉండేవి, వానాకాలంలో సరియైన కొష్టం లేక తడుస్తూ ఉండేవి. చలి ఎక్కువైనపుడు పాలు సరిగా ఇచ్చేవి కావు.

ఒక సుఖాంతం కథ

పెద్దయినాక, బ్యాంకులో వ్యవసాయ ఋణాల క్షేత్రాధికారిగా పనిచేస్తున్న కాలంలో, ఒక దరఖాస్తుదారు మహిళ ఒక ప్రభుత్వ పథకం క్రింద రెండుగేదెల కొనుగోలుకు అప్లికేషన్ పెట్టి నా పైవిపరీతమైన వత్తిడి తెచ్చింది. నాకు ఆగ్రామస్తులే చాటుగా సమాచారం అందించారు. ఆమెకు ఇప్పటికే రెండు గేదెలున్నాయి. మీరు గనుక లోన్ ఇస్తే ఆమె తన గేదెలనే చూపించి డబ్బు కొట్టేస్తుంది. ఆమెకు లోన్ ఇవ్వకండి, ఇస్తే మేము పై అధికారులకి ఫిర్యాదు చేస్తాము, తరువాత మమ్మల్ని అడగకండి, అని బెదిరించారు. గ్రామ రాజకీయాలలో ఈ బెదిరింపులు, ఇకిలింపులు, సకిలింపులు ఒక భాగం. అయితే, ఎన్ని రాజకీయాలున్నా, గ్రామస్తులు, తమ స్వార్ధానికి అనుకూలంగా నిజానిజాలను రోడ్డుమీదికి వదులుతూ ఉంటారు. వారు నిజాలు చెప్పినపుడు మనం వాటిని పట్టించుకోకుండా ముందుకు వెళ్తే మేం చెప్పినా వినలేదు, అని ఫిర్యాదులు చేస్తారు. తెలియక పొరపాటు పడటం , చెప్పినా వినకపోటం రెండిటి మధ్యా, చాలాభేదం ఉన్నది.

ఒక రోజు ఆమె బ్యాంకుకు వచ్చి వారేదో చెప్పారని మీరు నాకు లోనివ్వకపోతే ఎలా? నాకు ఏ గేదెలూ లేవని, నేను ఫలానా కులానికి చెందిన దానిననీ, వీడీవో సర్టిఫికెట్ ఇచ్చాడు, ఎంపీడీవో రికమెండ్ చేశాడు. మహిళలన్నా, తక్కువకులాలకు చెందిన వాళ్ళన్నా మీకు చులకనలా ఉంది, అది మంచిది కాదు. గవర్నమెంటు ఇస్తానంటుంటే, మీరెందుకు అడ్డం పడతారు అన్నది. కళ్ళనీళ్ళు కూడ పెట్టుకున్నది.

దీన్ని పరిష్కరించటానికి నేను ఒకరోజు పెందలాడి నిద్దరలేచి, ఆమె ఉన్నగ్రామానికి నడుచుకుంటూ వెళ్ళాను. అది ఇప్పటిలాగానే మే నెల. ఎండ వేడి 45 డిగ్రీలదాకా చేరి ఉంటుంది. ఆమె ఇంటికి వెళ్ళాను. ఇల్లు తాళం వేసి ఉన్నది. ఆవరణలో రెండు బర్రెలు కట్టేసి ఉన్నాయి. మేత చాలక గింజుకుంటున్నాయి. రెండూ, ఎండకి ఎండుతున్నాయి. అవి ఆమె బర్రెలే నని అర్ధం అయ్యాయి. ఆమె ఎండు గడ్డి ఎవరో బదులిస్తానంటే, తేవటం కోసమని వెళ్ళిందని పక్కవాళ్ళు చెప్పారు.

నేను ఈలోగా బాకీలు వసూలు చేసుకోటానికి ఇళ్ళ వెంబడి పోయాను. నా కది అలవాటు. సాధారణంగా బ్యాంకుల క్షేత్రాధికారులు, మేనేజర్లు ఏమి చేస్తారంటే, వాళ్ళు చిన్న బకాయి దారుల ఇళ్ళచుట్టూతిరగరు. ఏ పెత్తందారింట్లోనో కూర్చొని గ్రామ కావలిదారునో, లేక పెత్తందారు జీతగాడినో ఫలానా వెంకమ్మను పిలుచుకు రమ్మని ఫరమాయిస్తారు. వారు అతడిని |ఆమెను పిలుచుకు రావటమో, లేక ఇల్లు తాళం వేసుందనో చెప్తారు. నేను ఇల్లిల్లూ తిరగటం వల్ల వారు అప్పు కట్టలేక పోటానికి కారణాలు ఇల్లు చూసినపుడు అర్ధం అవుతుంది. నేను వాళ్ళింటికి వచ్చి వెళ్ళానని తెలిసాక, బకాయిదారులు సాధారణంగా బ్యాంకుకు వచ్చి తమ సమస్యలు వివరించుకొని వెళ్ళే అలవాటును నేను ప్రోత్సహించాను.

నేను వీధులు కవర్ చేసుకుని , మొదట వెళ్ళిన గేదెల దరఖాస్తుదారు ఇంటికి వెళ్ళేసరికి గాలి దుమారం, వాన వచ్చాయి. ఆ గేదెలు ఆవానకి గింజుకున్నా ఎక్కడికీ వెళ్ళలేక అక్కడే నానుతున్నాయి. ఈసారి ఆమె ఇంటి తలుపులు తెరుచుకు ఉన్నాయి. ఆమె ఇంటిముందు ఒక ఎండు గడ్డిమోపు పడేసి ఉంది.

నన్ను చూసి ఆమె లేచి వచ్చింది. ''చూశారు కదా'', అన్నది. నీకు కావలసింది గేదెలు కాదు, నీకు కావాల్సింది షెడ్ కు లోన్. నీవు గేదెలపేరుతో లోన్ తీసుకున్నా ఆడబ్బుతో కొత్త గేదెలను కొని ఉండేదానివి కాదు. షెడ్ వేసి ఉండే దానివి. కొంత డబ్బుతో గడ్డి కొని ఉండేదానివి. నీకు షెడ్ కొరకే , దానికి అవసరమైనంత లోన్ ఇప్పించే ప్రయత్నం చేస్తాను అని ఆమెను ఓదార్చి నేను కార్యాలయానికి వెనక్కి వచ్చాక, మా బాస్ తో ఈవిషయాన్ని ప్రస్తావించాను. ఆమెకు మనం షెడ్ నిర్మించుకోటానికి ఒక మధ్యకాలిక ఋణం ఇద్దాం, అని ప్రతిపాదించాను. బెంగుళూరు పెంకులు, ఇటుకలు , సిమెంటు స్థంభాలు తెచ్చుకొని, ఆమె షెడ్ వేసుకుంటుంది అన్నాను. ఈవిధంగా, ఆమె సత్యం చెప్పినట్లు అవుతుంది. మనం, అర్హత, అవసరం ప్రాతిపదికగా ఋణం ఇచ్చినట్లవుతుంది. గ్రామస్తులుకూడ కంప్లెయింటు చేయటానికి అవకాశం ఉండదు.

ఆయన నవ్వి , నీకు వాస్తవిక, ఆచరణాత్మక దృక్పథంలేదోయ్. ఇపుడు ఈ ఏడాది షెడ్లకు గవర్నమెంటు పథకాలుగానీ బ్యాంకు డైరక్టులోన్ పథకాలు గానీ లేవు. అవి ఎప్పుడొస్తాయో తెలీదు. ఆమె షెడ్ కట్టాలనుకుంటున్న స్థలం ఆమె కొన్నదో, ఆక్రమించుకున్నదో తెలియదు. రెండు గేదెల పథకం క్రింద, గవర్నమెంటు ఆమెకు సబ్సిడీ ఇస్తుంది. మార్జిన్ ఇస్తుంది. ఆమె మనం ఇప్పించిన గేదెలను అమ్ముకుంటే నీకెందుకూ, ఉంచుకుంటే నీకెందుకు. ఇలా అయితే నీవు ఒక్క స్కీమును కూడ గ్రౌండ్ చేయలేవు అన్నాడు.

నేను కూడ ఆలోచించుకున్నాను. మనం షుగర్ ఫ్యాక్టరీకి లోన్ ఇస్తాము. వాడు కొన్ని కోట్లు తీసుకెళ్తాడు. అందులో వాడు కొన్ని కోట్లను ఏ డిస్టిలరీకో (సారా తయారీ యూనిట్) మళ్ళిస్తాడు. లేకపోతే బియ్యం స్పెక్యులేషన్ చేస్తాడు. వాడి లీలలన్నీ మనకి తెలిసినా, వాడిని మనం నిలదీయట్లేదు కదా. ఈమె తన లోన్ తో షెడ్ వేసుకోటం పాపమా? వస్తుందో రాదో తెలియని ఆ షెడ్ స్కీముపై ఆమెకు ఆశలు పెంచే కన్నా, ఇదే మేలేమో, అని సర్దుకున్నాను.

చివరికి ఆమెకు, మేనేజరు గారి ఆజ్ఞ ప్రకారం, ప్రభుత్వ పథకం క్రింద గేదెలనిప్పించటం, జరిగింది. ఆమె తన రెండు పాత గేదెలలో ఒకదానిని, రెండు కొత్త గేదెలలో ఒకదానిని అమ్ముకున్నది. డబ్బులు మిగిలినట్లున్నాయి. ఒక చిన్న కొష్టాన్ని కూడ నిర్మించు కున్నది. ఒక పాత ఒక కొత్త రెండు గేదెలు సమకూరాయి. లోన్ కొంత కట్టింది. కొంత కట్టలేదు. మిగిలింది రాని బాకీల క్రింద మాఫీ చేయబడింది. మొత్తానికి కథ సుఖాంతం అయ్యింది.

బ్యాక్ టూ ఎన్నికల ఫలితాలు

తెలంగాణలో తెరాస, శేషాంధ్రలో టిడిపి, వైయస్ ఆర్ పీ, అఖిల భారత స్థాయిలో బిజెపి ఎన్ డి ఎ ముందంజలో ఉంటాయనేది బాలీవుడ్ క్లైమాక్సులా మనకు ముందే తెలిసిందే. ఈమాత్రం దానికి ఇస్త్రీ పెట్టెను షర్ట్ మీద వదిలేసి దానిని మాడకొట్టాలా?

కథ సుఖాంతమవుతుందా, దుఃఖాంతమవుతుందా?

బూర్జువా పార్టీల్లో ఎవరు గెలిస్తే ఏమి లాభం? వ్యభిచార గృహాల్లో బంధితులైన స్త్రీల పరిస్థితి ఎలా ఉంటుందో, భారత పౌరుల పరిస్థితి కూడ అంతే. వాడైతేనేం, వీడైతేనేం, ప్యాసింజరనే వాడు, అంగచూషణం చేయమని డబ్బులాశ చూపేవాడే కదా. ఇష్టపూర్తిగా పాల్గొంటే, రేప్ అయినా మధురమే కదా. కొంత అసభ్యంగా వ్రాయవలసి వచ్చినందుకు క్షమాపణ కోరుతున్నాను. ఈదుఃఖ సమయంలో ఇంతకన్నా వ్రాయలేను.

ఏది ఏమైనా, శ్రీ నరేంద్రమోడీ, శ్రీ చంద్రబాబు, శ్రీ కెసిఆర్ లకు మన అభినందనలు.

శ్రీచంద్రబాబు నాయుడు గారు, మద్యనిషేధం విషయంలో రాష్ట్ర ప్రజలను మోసగించారు. మద్యనిషేధ ఉద్యమంలో ప్రముఖ పాత్ర పోషించిన, మల్లాది సుబ్బమ్మగారు కీర్తిశేషురాలు కావటం ఖేదకరం. శ్రీచంద్రబాబు నాయుడుగారిని , మద్య నిషేధాన్ని శేషాంధ్రప్రదేశ్ లో తిరిగి ప్రవేశ పెట్టి, రాష్ట్రమహిళామణులను రక్షించవలసిందిగా ప్రార్ధిద్దాము.

శ్రీ కెసీఆర్, ఆయన కుటుంబం, ఇంక విజృంభించే అవకాశం ఉంది. వారు కుటుంబ నియంతృత్వ దిశగా పయనించినా ఆశ్చర్యపోనవసరం లేదు.

ఆంధ్ర ప్రదేశ్ మాజీ గవర్నర్, మాజీ కేంద్ర మంత్రి శ్రీ ఎన్ డీ తివారి గారు చివరికి ఉజ్వలా శర్మగారిని 89 ఏళ్ళ వయసులో సాంప్రదాయ బధ్ధంగా వివాహంచేసుకొని, ఆమెకు సముచిత స్థానాన్ని కల్పించటం ముదావహం. (ఈ సందర్భంగా శ్రీ ఎన్ డీ తివారీ పై -ఆయన +ఉజ్వల శర్మల- పుత్రుడు చేసిన న్యాయ పోరాటాన్ని గుర్తు తెచ్చుకోండి. శ్రీ నరేంద్రమోడీ గారు కూడ తన ధర్మపత్ని జశోదాబెన్ గారికి సముచిత స్థానాన్ని కల్పిస్తారని ఆశిద్దాము.

(దీనిని ఇంకా కొంత మధురంగా ఉండేలా తిరగవ్రాస్తాను).

235 What is the difference between a donkey, angel and a man?

235 What is the difference between a donkey, angel and a man?
235 గాడిదకు, దేవదూతకు, మనిషికి తేడా ఏమిటి?
చర్చనీయాంశాలు: నరేంద్రమోడీ,మమతాబెనర్జీ,బెంగాల్, మతతత్వం,బంగ్లాదేశ్,శ్రీలంక,తమిళనాడు,కవి చౌడప్ప

---

2014 ఏప్రిల్, మే ఎన్నికల ప్రచారంలో Ms. మమతా బెనర్జీ అన్నారని చెప్ప బడుతున్న కొన్ని మాటలు:--

“Is he bhonda (fool) or gadha (donkey)? Motuas already have voting rights. One of them is a minister of ours and another an MLA. He is saying nonsense like a mad person. A Haridas Pal (useless person), who does not have an MLA here, is promising all these,”

తెలుగు సారం: ఆయన మూర్ఖుడా లేక గాడిదయా? మోటువాలకు (బంగ్లా నుండి భారత్ కు వచ్చిన ఒక హిందూ తెగ) ఇప్పటికే వోటింగు హక్కులున్నాయి. వారిలో ఒకరు మా వద్ద మంత్రిగా ఉన్నారు. ఇంకొకరు ఎం.ఎల్.ఏ గా ఉన్నారు. ఒక పిచ్చివాని వలె ఆయన (మోడీ అని భావం) అర్ధరహితంగా మాట్లాడుతున్నారు. ఒక హరిదాస్ పాల్ (మిస్టర్ నోబడీ అని భావంట), కనీసం ఇక్కడ ఒక ఎం.ఎల్.ఎ. కూడ లేని వాడు, ఈ వాగ్దానాలన్నీ చేస్తున్నాడు.

“It was our courtesy that we had allowed Modi here, otherwise we would not have allowed him to get down from the aircraft. He had said so many incriminating things here, it is so unfortunate,”

తెలుగు సారం: మేము మోడీని ఇక్కడ అనుమతిస్తున్నామంటే అది ఒక మర్యాదయే, లేకపోతే, మేము ఆయనను విమానం నుండి దిగనిచ్చే వాళ్ళము కాము. ఆయన చాల ఇక్కడ నేరపూరితమైన లేక నేరారోపణకి దారితీసే మాటలు అన్నారు, ఇది చాల దురదృష్టకరము.

"We are allowing Modi to campaign in Bengal is our courtesy, we could have sent him back packing from the airport,"

తెలుగు సారం: మేము మోడీని బెంగాల్ లో ప్రచారం చేయనిస్తున్నామంటే, అది మా మర్యాదయే, లేదంటే ఆయనను మేము విమానాశ్రయంనుండే ప్యాకింగు చేయించి వెనక్కి పంపే వాళ్ళం.

"People of Bengal were being dubbed as refugees and shamed. Some people were being called infiltrators. If they try to divide Bengal, if they try to evict anyone, I will guard you. I will not let anyone touch you. He said I respect refugees. Who is a refugee? Does he understand what it means?"

తెలుగు సారం: బెంగాల్ ప్రజలు శరణార్ధులుగా ముద్రించబడుతున్నారు, మరియు అవమానించబడుతున్నారు. వారిలో కొందరు చొరబాటుదారులుగా పేర్కొనబడుతున్నారు. వారు బెంగాల్ ను విభజించాలని ప్రయత్నిస్తే, వారు మిమ్మల్ని (బంగ్లాదేశ్ కి) గెంటి వేయాలని ప్రయత్నిస్తే, నేను మిమ్ములని రక్షిస్తాను. నేను ఎవరిని మిమ్మల్ని ముట్టుకోనివ్వను. ఆయన అన్నాడు, శరణార్ధులను గౌరవిస్తానని. ఎవరు శరణార్ధి? ఆయన ఏమంటున్నాడో ఆయనకు తెలుసా?

"I had raised the issue of bogus ration cards in Bengal."

తెలుగు సారం: నేను బెంగాల్ లోని బోగస్ రేషన్ కార్డుల విషయం లేవనెత్తాను. (శ్రీ మోడీ ఆరోపణ ప్రకారం, చొరబాటు దారుల విషయాన్ని, Ms. మమతా బెనర్జీగారు గతంలో లోక్ సభలో లేవనెత్తారు. ఇపుడు వోట్ల కొరకు ఎలా వెనక్కి వెళ్తారు? మమతా గారి ప్రకారం, ఆమె లోక్ సభలో లేవనెత్తింది బెంగాల్ లో బోగస్ రేషన్ కార్డుల గురించే).

వైబీరావు గాడిద వ్యాఖ్య లు Comments of ybrao a donkey वैबीराव एक गधे की टिप्पणियाँ

మమతా మరియు మోడీ ల మధ్య జరుగుతున్న వాగ్ యుధ్ధం వోటు బ్యాంకు రాజకీయమే. అయినా మూల వివాదాన్ని, దానిలోంచి పుట్టే ప్రశ్నలను, భారత కేంద్ర ప్రభుత్వం నిపుణుల చేత పరిశీలింప చేయవలసి ఉన్నది. అవి:

1. తూర్పు పాకిస్థాన్ (ఇపుడు బంగ్లాదేశ్) , పశ్చిమ పాకిస్థాన్ మరియు భారత్ ల మధ్య 1947లో జరిగిన విభజన మతపరమైనదా కాదా?

2. మత పరమైనదే అయితే జనాభాల మార్పిడి అప్పుడే పూర్తి స్థాయిలో జరిగి ఉండ వలసినది. జరగలేదు. కొందరు హిందువులు అక్కడ ఉండిపోయారు. కొందరు ముస్లిములు ఇక్కడ ఉండి పోయారు.

౩. వోట్ల కోసం గానీ, మరే కారణంచేతనైనా గానీ, మమతా బెనర్జీగారు పశ్చిమ బెంగాల్, మరియు బంగ్లాదేశ్ మొత్తాన్ని ఒక బెంగాల్ దేశం గా చూస్తున్నది. అది రాజ్యాంగ విరుధ్ధం. బంగ్లాదేశ్ పౌరులలో అధికులు బెంగాలీ భాష మాట్లాడినంత మాత్రాన, 1947 తరువాత నుండి పాకీస్థానీలు లేక బంగ్లా దేశీయులే అవుతారే తప్ప , భారతీయ బెంగాలీలు అవరు. ఇదే విషయాన్ని మనం శ్రీలంక తమిళుల విషయంలోనూ గమనించాలి. వోటు బ్యాంకు రాజకీయాల కొరకు తమిళ ప్రాంతీయ పార్టీలు శ్రీలంక తమిళులను భారతీయ తమిళులతో సమానంగా చూడటం, రాజ్యాంగ విరుధ్ధమే అవుతుంది.

4. తమిళం మాట్లాడినంత మాత్రాన శ్రీలంక తమిళులు భారతీయ తమిళులు కాలేరు. బెంగాలీ మాట్లాడినంత మాత్రాన బంగ్లా జాతీయులు భారతీయ బెంగాలీలు కాలేరు. వారు భారతదేశంలోకి అనుమతి పత్రాలు లేకుండా వచ్చారంటే చొరబాటు దారులే అవుతారు. వారిని చట్టప్రకారం గెంటి వేయాల్సి వస్తుంది. వారికి వోటింగు హక్కులు ఇవ్వటం కుదరదు. రేషన్ కార్డులు ఇవ్వటం కుదరదు.

మోడీ గారి మాటలను బట్టి చూస్తుంటే, ఆయన బెంగాల్ నుండి భారత్ లోకి పారిపోయి వచ్చిన, లేక చొరబడ్డ హిందువులకు పౌరసత్వం ఇవ్వటానికి, వారినుండి వోట్లు రాబట్టుకోటానికి సిధ్ధంగా ఉన్నారు. ఆయన దృష్టిలో ముస్లిములను మాత్రమే చొరబాటు దారులుగా పరిగణించాలి.

మమతా గారి మాటలని బట్టి చూస్తుంటే, తనకు వోటేసే వాళ్ళు, బెంగాలీలయి ఉంటే చాలు. హిందువులైనా , ముస్లిములైనా చొరబాటుదారులుగా పరిగణించబడరు.

శరణార్ధుల సమస్య

శరణార్ధికి చొరబాటుదారుకి తేడా మనం గుర్తించటం అవసరం. శరణార్ధి కేవలం తన ప్రాణ రక్షణ కొరకు భారత్ లో కి ప్రవేశిస్తాడు. అతడు సాధారణ నేరగాడు గానీ, ఉపాధి వెతుక్కునే వాడు గానీ కాదు. అతడికి ప్రాణాపాయం లేకుంటే, అతడు భారత్ కి రాడు. వచ్చినా రెండు మూడు సంవత్సరాల కన్నా ఉండకూడదు. అతడికి మనం వోటింగ్ రైట్స్ ఎన్నటికీ ఇవ్వలేం. తాత్కాలికంగా వారిని గుడారాలలో ఉంచి వారికి తాత్కాలిక రేషన్ కార్డులను ఇవ్వాల్సి ఉంటుంది.

ఇక్కడ సమస్య ఏమిటంటే, వారిని వారి మాతృదేశం ఎన్నటికీ వెనక్కి తీసుకోటానికి ఇష్టపడకపోతే వారిని ఏమి చేయాలి? వారికి భారత పౌరసత్వం ఇచ్చి 128 కోట్లమంది భారతీయులలో కలిపేసుకోవాలా? మనది ఇప్పటికే అధిక జనాభా గల దేశం. ఇంక అదనపు జనాభాను మోయలేం. అంతే కాకుండా, శరణార్ధులకు మనం ఉదారంగా పౌరసత్వం ఇస్తున్నామని తెలిస్తే, బంగ్లాదేశ్, పాకిస్థాన్ , శ్రీలంక, చైనా (టిబెట్, ఉలుఘూ ) దేశాలు మనకి శరణార్ధులని సరఫరా చేయటానికి సిధ్ధంగా ఉంటాయి.

మతం గానీ, కులం గానీ, భాష గానీ విఛ్ఛిన్నం అయ్యే స్వభావం కలవాళ్ళను (groups with fissiparous tendencies, separatist tendencies) ఎక్కువ కాలం కలిపి ఉంచలేవని బంగ్లాదేశ్ అవతరణ, తెలంగాణ అవతరణ ఋజువు చేశాయి. తెల్లవాళ్ళు (యూరప్, అమెరికా, ఆస్ట్రేలియా, కెనడా, న్యూజీలాండ్) శ్వేత జాత్యహంకారంతో ఒకటిగా ఉన్నట్లు కనిపించినా , వారిలోనూ లుకలుకలు ఉన్నాయి. లేకపోతే రెండు ప్రపంచ యుధ్ధాలు ఎలా జరుగుతాయి. ఉక్రెయిన్ లో నేడు జరుగుతున్నది రష్యా యూరప్ ల మధ్య ప్రాక్సీ యుధ్ధమే కదా.

కాబట్టి వోట్లకొరకు గానీ, వోట్లేతరం కొరకు గానీ, చొరబాటుదారులను ప్రోత్సహించటం మంచిది కాదు. వారు హిందువులయితే నేను రెడీ అని మోడీ గారనటం, వారు బెంగాలీలయితే ముస్లిములయినా సరే నేను మీరక్షకురాలనని మమతాగారు పోజు కొట్టటం, దేశాన్ని చొరబాటుదారులతో నింపేస్తుంది. ఈ వ్యాఖ్య శ్రీలంక తమిళుల విషయంలో తమిళనాడు పార్టీలకు కూడ వర్తిస్తుంది.

ఈనాటి పద్యం.
కవి చౌడప్ప విరచితం. ఈయన తంజావూరు రఘునాధనాయకుని సమకాలికుడు. బహుశా కొంతకాలం ఆస్థాన కవి అయి యుండ వచ్చు.

ఆడిన మాటలు తప్పిన -
గాడిద కొడు కంచు తిట్టగా విని, మదిలో
వీడా నాకొడు కని ఏడ్చు
గాడిదయును కుందవరపు కవి చౌడప్పా !

సారం: అబధ్ధాలు ఆడే ఒకడిని గాడిద కొడకా అని తిట్తే, గాడిద కూడ, వీడా నా కొడుకు అని ఏడ్చింది.

దీని రెండవ భాగం త్వరలో వ్రాస్తాను.