చర్చనీయాంశాలు: bifurcation, విభజన, కాంగ్రెస్, బిజెపి
అరుణ్ జైట్లీ గారు బిజెపీ లో ప్రముఖ నాయకుడు. 2000 లో ఉత్తరాఖండ్ మొ|| రాష్ట్రాలను ఏర్పరచినపుడు ఆయన కేంద్ర న్యాయ శాఖా మంత్రిగా పని చేశారు. శ్రీవారు కాంగ్రెస్ కు ఆంధ్రప్రదేశ్ విభజన చేయటం చేత కాలేదనీ, తామైతే బాగా చేసే వాళ్ణమనీ తన బ్లాగులో వ్రాసుకున్నారు. దానిని చదువ దలుచుకున్నవారికి ఇదిగో లింకు.
click to go to http://www.bjp.org/media-resources/press-releases/article-shri-arun-jaitley-on-the-congress-and-telangana
1999 నుండి 2004 వరకు బిజెపి అధికారంలో ఉంది. సామరస్యపూర్వకంగా తెలంగాణ రాష్ట్రాన్ని ఏర్పాటు చేయకుండా వారిని ఎవరు అడ్డుకున్నారు?
2004లో కాంగ్రెస్ అధికారంలోకి వచ్చిన దగ్గరనుండి, బిజెపి నేతలు తెలంగాణలో హింసాత్మక ఉద్యమాన్ని రెచ్చగొడుతూనే ఉన్నారు. 2004 నుండి బిజెపి ఎప్పుడైనా సీమాంధ్ర మరియు తెలంగాణ బిజెపి నేతల మధ్య సామరస్య పూర్వకమైన చర్చలను ఏర్పాటు చేసి ఇరువర్గాలకు ఒకఅంగీకార పూర్వకమైన మార్గానికి తెచ్చిందా? బిజెపి తెలంగాణ నేతలు తెరాసతో జట్టుకట్టి వారి తిట్లు శాపనార్ధాలకు తమ గొంతు కలుపుతున్నప్పుడు బిజెపి కేంద్రనాయకత్వం సామరస్యపూర్వక పరిష్కారం చెప్పిందా? లేదు.
ఇప్పుడైనా బిజేపీ దగ్గర ఉభయులకు అంగీకారయోగ్యమైన పరిష్కార ప్రణాలిక ఉందా? ఉంటే దాని నెందుకు బయట పెట్టరు? లోక్ సభలో తామేదో సవరణలను ప్రవేశ పెట్తామనటం తప్ప వాటిని కాంగ్రెస్ అంగీకరించక పోతే తాము ఏమి చేస్తారో చెప్పరు. ఈరెండిటి గురించి నేను బిజేపీ కేంద్రకార్యాలయానికి కొన్ని ఈ-మెయిల్స్ కూడ పంపాను. కనీసం ముట్టినట్లుకూడ వ్రాయరు.
బిజెపి ప్రణాళిక ఒకటే లాగా కనిపిస్తుంది. ఏదో లాగా కాంగ్రెస్ ను తప్పు పట్టటం, తెలంగాణలో నాలుగు సీట్లకోసం కక్కూర్తి పడటం.
బిజెపికి చిత్తశుధ్ధి ఉంటే
బిజెపి లోక్ సభలో తమ సవరణలను కాంగ్రెస్ ఆమోదించకపోతే తాము బిల్లుకు అనుకూలంగ వోటు వేయకుండా, కొత్త లోక్ సభ ఏర్పడ్డాక రెండు ప్రాంతాల వారికి, ఆంధ్రప్రదేశ్ అసెంబ్లీకి ఆమోదయోగ్యమైన పధ్ధతిలో కొత్తబిల్లును ప్రవేశ పెట్తామని నిర్దిష్టమైన హామీ ఇవ్వాలి.
No comments:
Post a Comment
ఘోరమైన విమర్శలకు కూడ స్వాగతం, జవాబులు ఇవ్వబడతాయి. Harsh Criticism is also welcome.