Monday, January 27, 2014

122 What a great sharing

122 What a great sharing arrangement? ఎంత గొప్ప భాగస్వామ్యమో?
చర్చనీయాంశాలు: భారతీయ ఆర్ధిక సమస్యలు, Indian Economic Problems, భారతీయ విద్య

26-01-2014 నాడు ఘనంగా గణతంత్రదినోత్సవాలను జరుపుకున్నాం. మన త్రివిధ బలాల సైనిక పాటవాన్ని ఎంతో గర్వంగా ప్రదర్శించుకున్నాం.

కానీ ఏమి లాభం? 64ఏళ్ళ గణతంత్ర రాజ్యం తరువాత, 128 కోట్ల జనాభాగల ఈదేశ ఆర్ధిక ప్రగతి ఏదిశలో వెళ్తున్నదో అర్ధంగాని దశకు చేరుకున్నాం.


డెక్కన్ క్రానికల్ దినపత్రిక 27.1.2014 లో ప్రచురించబడిన ఈ ఆహ్వానం ప్రకటనను చూడండి.
పైప్రకటన I.I.I.T., Kakinada, వారి భవనాల కాంప్లెక్స్ పునాదిరాయి వేయు ఉత్సవానికి ఆహ్వానం.

ప్రారంభకులు కేంద్ర మానవవనరుల అభివృధ్ధి మంత్రి వర్యులు శ్రీ పళ్ళంరాజుగారు. ప్రధాని శ్రీ మన్మోహన్, కాంగ్రెస్ అధ్యక్షురాలు శ్రీమతి సోనియా గాంధీ ఆకాశంలోంచి చూస్తున్నారు. ఎడమ ప్రక్క ముఖ్యమంత్రి కిరణ్ కుమార్ రెడ్డి గారి ఫొటో.

విశిష్ట అతిథులు ఒక కేంద్ర కార్యదర్శి. నలుగురు పీపీపీ పార్టనర్లు (భాగస్వాములు).

ఇలాంటి ఐఐఐటీ లు దేశంలో 20ని ప్రారంభిస్తున్నారుట. ఒక్కోదాని ఖర్చు 125 కోట్లు. బాగానే ఉంది. 50% కేంద్రప్రభుత్వం పెట్టుబడి. 35% రాష్ట్ర ప్రభుత్వానిది. 15% ఆనలుగురు భాగస్వాములది.

ఈ ప్రకటనను చదివాక మీకు ఏమి అభిప్రాయం కలిగిందో క్రింద కామెంట్లలో వ్రాయండి. మీ అభిప్రాయాలు, నాఅభిప్రాయాలు ఏమన్నా కలుస్తాయో లేదో చూద్దాము. నా అభిప్రాయాలు రేపు వ్రాస్తాను.

జవాబు (జనవరి 30, 2014).



15 శాతం, అదీ నలుగురు కలిసి పెట్టుబడి పెట్టి, మిగిలిన 85 శాతం పై పెత్తనం చేయటాన్ని ఏమంటారు?
ఆ 15శాతం పెట్టుబడిని కూడ అక్కడ ఉండనీయరు. సిటింగ్ ఫీజులలోనో, విమానాల టికెట్లలోనో, కాంట్రాక్టులలోనో, ఉద్యోగాలలోనో, ఎక్కడో అక్కడ నొక్కేసి, తమ పెట్టుబడులను వెనక్కి తీసుకోటం, పెట్టుబడిదారీ సంస్థల లక్షణం. సొమ్మొకరిది, సోకొకరిది అంటే ఇదేకదా.

ఇంక ఉద్యోగాలివ్వటం అంటారా, అది వారి వ్యాపారంలో ఒక భాగం. ఇక్కడ కార్ల్ మార్క్స్ ప్రతిపాదించిన విలువ జోడింపు సిధ్ధాంతాన్ని మనం జ్ఞాపకం తెచ్చుకోవాలి.

శ్రామికులు, ఉద్యోగులు, ఒక వస్తువుకి గానీ, సేవకు గానీ, 100రూ. అదనపు విలువను జోడిస్తే, పెట్టుబడిదారు, ఆశ్రామికులకు రూ. 30 జీతంగా ఇస్తే గొప్ప. మిగిలే 70రూ. లోంచి పెట్టుబడిదారులు కొత్తగా చేరే తమ ఉద్యోగులకు శిక్షణ ఇచ్చుకోలేరా? ఈమాత్రం దానికి ప్రభుత్వం 2500కోట్లు పెట్టుబడి పెట్టి 20 ఐ.ఐ.ఐ.టీ లను ఏర్పాటు చేయటమే కాక, వాటి మీద పెత్తనాన్ని పెట్టుబడిదారులకి బంగారు ప్లేట్లలో పెట్టి అప్పగించాలా?

No comments:

Post a Comment

ఘోరమైన విమర్శలకు కూడ స్వాగతం, జవాబులు ఇవ్వబడతాయి.