244 Undue Strain on A.P. Police

244 Undue Strain on A.P. Police
244 నాయకుల నోటి దురద, గ్రాండియోస్ దురద యేమో కాని పోలీసులు, ప్రజలు చచ్చిపోతున్నారు
చర్చనీయాంశాలు: పోలీసువ్యవస్థ, ప్రజాస్వామ్యం, టిడిపి, చంద్రబాబు, వెంకయ్యనాయుడు

పిల్లికి చెలగాటం, ఎలుకకు ప్రాణ సంకటం అన్నట్లుగా నాయకుల నోటి దురద, గ్రాండియోస్ దురద, తయారయింది. గండిపేట మహానాడు ముగిసింది. మహానేత చంద్రబాబు గారి నోటి దురద కొంతమేరకు తీరింది. విరాళాలూ భారీగానే సమకూరాయి. ధర్మరాజుగారి మయసభలాగా గ్రాండియోస్ కోరిక కూడ తీరింది.

కానీ కోరికలు అగ్ని శిఖలలాంటివి. మనం నెయ్యి పోస్తున్నకొద్దీ అవి విజృంభిస్తాయి. చివరికి అవి మనల్నే కబళించినా ఆశ్చర్యపోనవసరంలేదు.

ఇపుడు చంద్రబాబుగారి కోరిక ఏమిటంటే తన సామంతరాజ్య పట్టాభిషేక మహోత్సవం అంగరంగ వైభవంగా జరగాలి. దానికి మోడీ చక్రవర్తి హాజరు కావాలి. పాలెగాళ్ళు, పరివార జనం కైవారాలు చేయాలి.

నాగార్జున విశ్వవిద్యాలయం ఎదురు స్థలంలో జూన్ 8 వ తారీకున తలపెట్టిన ఐదు లక్షల జనాన్ని పోగు చేస్తున్న పట్టాభిషేక మహోత్సవం కూడ ఈతరగతికి చెందినదే. అసలే కోతి, కల్లు తాగింది. నిప్పు తొక్కింది, అన్నట్లుగా చంద్రయ్యగారికి వెంకయ్య కూడా తోడయ్యాడు. ఇంక రాజు తలుచుకుంటేదెబ్బలకు కొదువనా అన్నట్లుగా పోలీసులు, కలెక్టర్లు, ఎస్ పీలు, ఏర్పాట్లు చేయలేక చస్తున్నారు. పాపం, ఈమధ్యనే నిద్రాహారాలు మానేసి ఎన్నికలను పూర్తిచేసి మన ప్రజాస్వామ్యరథాన్ని బాగానే ముందుకు తోసారు. ఇపుడు మరల ఎండలో చావాల్సి వస్తున్నది.

ఇపుడు పులి మీద పుట్రలా రాలీలు, సభలు. కుక్కలను తీసుకువెళ్ళి నేలను వాసన చూపించటం. గ్రౌండు చదును చేయించటం. చలువ పందిళ్ళు వేయించటం. శ్రీరామ పట్టాభిషేకం కోసం నాటి అయోధ్య పౌరులు, దశరధుడి మంత్రులు చేసిన హడావిడి కన్నా ఎక్కువగా ఉన్నది. దీనంతటికి కనీసం ఒక రెండు కోట్లు ఖర్చయినా ఆశ్చర్యపోనక్కరలేదు.

చివరికి నాయకుడు గారు ఏమి చెప్తాడు? వడ్లగింజలో బియ్యపు గింజ. విగుంతే ని సింగపూరు చేస్తాం. మెట్రోరైలు మీ ఇంటి ముందుకే వస్తుంది.

ఈలోగా విగుంతే రియల్ ఎస్టేట్ వ్యాపారులు ఇదిగో పులి అంటే అదిగో తోకలాగా విగుంతే భూములను కొని పారేస్తున్నారు, అమ్మి పారేస్తున్నారు.

నాయకులు గారు తాము చెప్పదలుచుకున్న దానిని, ఒక ఏ 5 కాగితం పై అచ్చు వేయించి, పాల ప్యాకెట్ లను అందులో ర్యాప్ చేయిస్తే , వారు అందించ దలుచుకున్న సందేశం ప్రజలకు చేరుతుంది. కాక పోతే, ప్రజలలో పోయిన చదవటం అనే అలవాటును పునరుధ్ధరించటం ఎలా అనేదే కీలక ప్రశ్న అవుతుంది.

వాల్మీకి రామాయణం, అయోధ్యాకాండ, మూడవ సర్గ, శ్రీరామ పట్టాభిషేకానికి సన్నాహాలు

suvarNaadiini ratnaani baliin sarvaushhadhiirapi || 2-3-8
సువర్ణాదీనీ రత్నాని బలీన్ సర్వౌషధిరపి
పూజకోసం బంగారం మొ|| తెండి. హోమానికి ఓషధులను తెండి.

shuklamaalyaaMshcha laajaaMshcha pR^ithakcha madhusarpishhii |
శుక్లమాల్యాంశ్చా లాజాశ్చ పృథక్చ మధు సర్పిషిః
తెల్లటి పూలమాలలను తెండి. ధాన్యం (మరమరాలు మొ||) తెండి. తేనె నేయి విడిగా తెండి.

ahataani cha vaasaaMsi rathaM sarvaayudhaanyapi || 2-3-9
అహతాని చ వాసాంసి రథం సర్వాయుధాన్యపి
కొత్త బట్టలు, రథం, ఆయుధాలు తెండి.

chaturangabalaM chaiva gajaM cha shubhalakshaNam |
చతురంగ బలం చైవ గజం చ శుభలక్షణం
రధ గజ తురగ పదాతులు అనే చతురంగ బలాన్ని తెండి. మంచి శుభ లక్షణాలున్న ఏనుగును తెండి.

chaamaravyajane shvete dhvajaM chhatraM cha paaNDuram || 2-3-10
చామర వ్యజనే శ్వేతే ధ్వజం ఛత్రం చ పాండురం
విసనకర్రలు (చామరం అనే జంతువు జుట్టునుండి చేసినవి, రవివర్మ రామపట్టాభిషేకం చిత్రం చూడండి) , తెల్ల గొడుగులు తెండి.

shataM cha shaatakumbhaanaaM kumbhaanaam agnivarchasaam |
శతం చ శాతకుంభానాం కుంభానాం అగ్ని వర్చశామ్
ఒక వంద అగ్నిలాగ మెరిసే బంగారు (గోల్డెన్) కుండలు తెండి.

hiraNyashR^iN^gamR^ishhabhaM samagraM vyaaghracharma cha || 2-3-11
హిరణ్యశృంగమృ షాభం సమగ్రం వ్యాఘ్రచర్మ చ
బంగారు కొమ్ములున్న ఎద్దును తెండి. పులి చర్మం తెండి.

upasthaapayata praatar agnyagaaraM mahiipateH.
ఉపస్థాపయత ప్రాతర్ అగ్న్యాగారం మహీపతే.
అన్నీ తెచ్చి రాజుగారి అగ్ని ఆగారం (హోమ శాల) లో పెట్టండి.

yachchaanyatkiJNchideshhTavyaM tatsarvamupakalpyataam | 2-3-12
యఛ్ఛాన్యత్ కించిత్ ఏష్టవ్యం తత్ సర్వం ఉపకల్ప్యతాం
ఇంకా ఏమన్నా కావాల్సి వస్తే అన్నీ సమకూర్చండి.

antaHpurasya dvaaraaNi sarvasya nagarasya cha
అంతః పురస్య ద్వారాని సర్వస్య నగరస్య చ
నగరంలో అన్ని ద్వారాలను, అంతఃపుర ద్వారాలను అన్నిటిని

chandanasragbhirarchyantaaM dhuupaishcha ghraaNahaaribhiH || 2-3-13
చందన స్రగ్భిరర్చ్యంతామ్ ధూపైశ్చ ఘ్రాణహారిభిః
చందనం పొడి పూసి , పూలమాలలతో అలంకరించి ధూపం వేయండి.

prashastamannaM guNavad dadhi kshiiropa sechanam |
ప్రశస్తం అన్నం గుణవద్ దధి క్షీరోప సేచనం
మంచి అన్నం, పెరుగు పాలతో చిలకరించినది సేకరించండి.

dvijaanaaM shatasaahasre yatprakaamamalaM bhavet || 2-3-14
ఒక లక్ష మంది బ్రాహ్మణులకు సరిపోయేలా ఏర్పాటు చేయండి.

satkR^itya dvijamukhyaanaaM shvaH prabhaate pradiiyataam |
సత్ కృత్య ద్విజ ముఖ్యానాం శ్వః ప్రభాతే ప్రదీయతాం
బ్రాహ్మణ ముఖ్యులను సత్కరించి రేపు ప్రొద్దున పెట్టండి.

ghR^itaM dadhi cha laajaashcha dakshiNaashchaapi pushhkalaaH || 2-3-15
ఘృతం దధి చ లాజశ్చ దక్షిణాశ్చాపి పుష్కలః.
నెయ్యి, పెరుగు, మరమరాలు, పేలాలు, పుష్కలమైన దక్షిణ ఇవ్వండి.

suurye.abhyuditamaatre shvo bhavitaa svastivaachanam |
సూ

braahmaNaashcha nimantryantaaM kalpyantaamaasanaani cha || 2-3-16
బ్రాహ్మణాశ్చ నిమంత్ర్యంతాం కల్ప్యంతాం ఆసనాని చ
బ్రాహ్మణులను ఆహ్వానించండి. ఆసనాలను కల్పించండి.

diirghaasibaddhaa yodhaashcha sannaddhaa mR^ishhTavaasasaH || 2-3-19
దీర్ఘాసిబధ్ధా యోధాశ్చ సన్నధ్ధ మృష్టవాససః
పెద్ద పెద్ద కత్తులు ధరించిన యోధులను (ఆధునిక కాలంలో ఏకే ఫార్టీ సెవెన్ గన్స్ లాగా) చక్కగా ఉతికిన బట్టలు ధరించిన వాళ్ళని (ఆధునిక కాలంలో బాగా గంజి పెట్టి ఇస్త్రీ చేసిన డ్రెస్ ధరించిన పోలీసులని)

mahaaraajaaN^gaNaM sarve pravishantu mahodayam |
మహారాజాంగణం సర్వే ప్రవిశంతు మహోదయం
యోధులని అందరిని మహారాజు గారి అంగణంలో ఉదయాన్నే నిల్చోమనండి. (రాష్ట్రపతి భవనం ముందు భాగం ఆవరణంలో ఇటీవల జరిగిన మోడీ పట్టాభిషేకోత్సవాన్ని గుర్తుకు తెచ్చుకోండి). జూన్ ఎనిమిదో తారీకు నాగార్జున విశ్వవిద్యాలయం ఎదురుగా జరిగి హెలీపాడ్ లో జరిగే జాతరలో ఇలాగే నిల్చోవాలి.

పోలీసు ఐజీలకు,డీఐజీలకు, ఎస్పీలకు, డీఎస్పీలకు, సీఐలకు, ఎస్ ఐలకు, ఎఎస్ఐలకు, హెడ్ కాన్స్టెబుల్స్ కి, కాన్ స్టేబుల్స్ కి , హోమ్ గార్డులకి, గుంటలు తవ్వేవాళ్లకి, గుంటలుపూడ్చే వాళ్ళకి, ఇతర సేవకగణాలకు నాహృదయ పూర్వక సానుభూతి.

చరిత్ర పునరావృత్తం కాదని ఎవరన్నారు? భారత దేశంలో పటాటోపం అంతరించి పోతుందని పగటి కలలు కనకండి, తెలుగు వాళ్ళల్లారా.

171 Justice_Just-reporting

171 Justice_Just-reporting

171 Hats off to Justice Ranganathan and HansIndia English Daily.

Topics for discussion, చర్చనీయాంశాలు: చట్ట న్యాయం, సహజ న్యాయం, పోలీసు వ్యవస్థ, క్రిమినల్ న్యాయం, మద్యనిషేధం

జస్టిస్ రంగనాథన్, హాన్స్ ఇండియా

WE should first express our gratitude to Justice Ranganathan for upholding the goals of justice and theHansIndia.Com for writing a glorious editorial on administration of justice. ముందుగా మనం న్యాయం యొక్క ఆదర్శాలను ఉన్నత స్థానంలో నిల్పినందుకు జస్టిస్ రంగనాథన్ గారికి మన కృతజ్ఞతలు మరియు న్యాయ పాలనపై అద్భుత సంపాదకీయాన్ని అందించినందుకు దిహాన్స్ఇండియా.కామ్ వారికి ధన్యవాదాలు చెప్పాలి.

వాకాటి పెంచలయ్య కేసు, ఆంధ్ర ప్రదేశ్ హైకోర్టు

Justice Ranganathan was hearing a plea by Vakati Penchaliah, a 62-year-old worker in a roadside hotel, who was allegedly beaten up by cops in a tussle regarding liquor in August 2013. The petitioner, who sustained injuries, told the court that the police had not registered an FIR even though he registered a complaint and brought the issue to the notice of higher authorities. The Judge then told the AG:

న్యాయమూర్తి రంగనాధన్, అడ్వకేట్ జనరల్ తో ఏమన్నారు?

“We both will attain the age of that poor worker in the next six years. Imagine when we walk on the road, somebody beats up and the police won’t even take our complaint. First, think of the penury of the man who is under pressure to work even at this age. Why is our system turning insensitive towards the plight of the common man? We have reached a stage that even justifies the inaction of the police.”
తెలుగు సారం: రాబోయే ఆరేళ్ళలో మనం కూడ ఆ పేద కూలివాని వలెనె వృధ్ధులమౌతాం. ఊహించండి, మనం రోడ్డు మీద నడుస్తున్నప్పుడు, ఒకడు మనల్ని కొడతాడు. పోలీసులు కనీసం ఫిర్యాదును తీసుకోరు. ముందుగా, ఆ వృధ్ధ వయసులో కూడ కూలి పని చేయాల్సి వచ్చిన ఆ పేదవాడి దీనదరిద్రాన్ని ఊహించండి. సామాన్యమానవుడి దుస్థితి విషయంలో మన వ్యవస్థ ఎందుకింత మొద్దుబారిపోయింది (turned insensitive)? మనం ఏస్థితికి వచ్చామంటే పోలీసుల నిశ్చేతనత్వాన్ని సమర్ధించుకునే స్థాయికి వచ్చాము.

హాన్స్ ఇండియా సంపాదకీయం వారి వ్యాఖ్యానం

That poser should be deemed to be addressed to the entire country because that is what is happening all over the country with more and more officials turning increasingly insensitive to the plight of the poor and the old, possibly because the latter have no godfathers; that seems to be true all the more when one considers how the rich and the well-connected are treated by the very same officials; they are treated like princes.
తెలుగుసారం: ఈప్రశ్న మనం దేశం మొత్తానికీ వేయాలి. ఎందుకంటే అధికారులు నానాటికీ పేదల, వృధ్ధుల దుస్థితి ఎడల మొద్దుబారి పోటం దేశవ్యాప్తంగా జరుగుతున్నది. బహుశా పేదలకు గాడ్ ఫాదర్స్ లేనందు వల్ల ఇది జరుగుతూ ఉండ వచ్చు. ఇదే అధికారులు ధనవంతులు, మరియు మంచి కనెక్షన్లు ఉన్నవారిని రాజకుమారుల లాగా మర్యాదలు చేయటం మనం చూస్తున్నాము.

The AG may be justified in narrating several unruly incidents in the area triggered mainly by unrestricted sale of liquor, but the answer to such incidents should be ban on sale of liquor, at least on unauthorised sale of liquor, not in bashing up poor consumers of liquor, particularly those who have no redress.
తెలుగు సారం: అక్కడ జరిగిన విచ్చలవిడి బాదుడు సంఘటనలను సమర్ధించుకోటానికి, అడ్వొకేట్ జనరల్ గారు విశృంఖలంగా జరుగుతున్న మద్యం విక్రయాల నేపథ్యంలో వివరించటం జరిగిఉండ వచ్చు. దీనికి జవాబు పేద మద్య వినియోగ దారులను, ముఖ్యంగా న్యాయం పొందటానికి శక్తి యుక్తులు లేని వారిని బాదటం కాదు. సరియైన జవాబు అపరిమితంగా జరుగుతున్న మద్యం అమ్మకాలను, ముఖ్యంగా అనథికారిక అమ్మకాలను నిషేథించటమే.

The Judge has done well to give one week to the police to inform the court of the action taken in the matter, but he has meanwhile endeared himself to the masses by showing such rare empathy for the poor and the aged, and may even have shown a way for Judges in the rest of the country how they can relieve the plight of the poor.
న్యాయమూర్తి పోలీసులకు తాము ఏమి చర్యలు తీసుకున్నారో కోర్టుకు వివరించటానికి ఒక వారం సమయం ఇవ్వటం ద్వారా మంచి పనే చేశారు. అదేసమయంలో ఆయన పేదల యెడల, వృధ్ధుల యెడల అసాధారణమైన సహ అనుభూతి చూపటం ద్వారా జనావళికి దగ్గరయ్యారు. పేదల దుస్థితిని మెరుగు పరచటానికి దేశంలోని మిగిలిన న్యాయమూర్తులకు మార్గ దర్శకులయ్యారు.

వైబీరావు గాడిద వ్యాఖ్య

క్రింది స్థాయి పోలీసుల, హోం గార్డుల దుర్భర పని స్థితి గతులపై కూడ అంటే క్రింది స్థాయి పోలీసులు పేదల ఎడల కర్కశంగా వ్యవహరించటం వారు స్వఛ్ఛందంగా చేస్తున్నారా, లేక ఇతరుల వత్తిడులపై చేస్తున్నారా? అనే విషయం పై కూడ దర్యాప్తుకు ఆదేశిస్తే బాగుండేది. కనీసం ఈ పర్టిక్యులర్ కేసులో నయినా ఈ దర్యాప్తుకు ఆజ్ఞాపిస్తే బాగుండేది.

అడ్వోకేట్ జనరళ్ళు, పబ్లిక్ ప్రాసిక్యూటర్లు, గవర్నమెంటు ప్లీడర్లు, చాలా సార్లు పోలీసులు, ప్రభుత్వ ఉన్నతాధికారులు చెప్పమన్నదే చెప్తున్నారు తప్ప తాము సత్యాన్వేషణలో కోర్టులకు సహాయకులం అనే విషయాన్ని పట్టించుకోటం లేదు. అడ్వోకేట్ జనరళ్ళు, పబ్లిక్ ప్రాసిక్యూటర్లు, గవర్నమెంటు ప్లీడర్లు ప్రభుత్వం దగ్గర ఫీజులు, జీతాలు పుచ్చుకుంటున్నా ప్రాథమికంగా వారు కోర్టుకు బాధ్యులుగా ఉండాలే తప్ప పోలీసులు, ప్రభుత్వ ఉన్నతాధికారులకు దాసులుగా ఉండకూడదు.

కావాలనుకుంటే ప్రభుత్వానికి అనుకూలమైన న్యాయ సలహాలను, కుయుక్తులను, దుష్టవాదనలను చెప్పటానికి ప్రభుత్వం ప్రత్యేకంగా అర్ధ---న్యాయవాదులను నియమించుకోవచ్చు. అడ్వోకేట్ జనరళ్ళు, పబ్లిక్ ప్రాసిక్యూటర్లు, గవర్నమెంటు ప్లీడర్లను ఆపనులకు వాడుకోటాన్ని కోర్టులు అనుమతించరాదు.