303 Donakonda or Vijayapuri? Which is better as State Capital?

303 రాష్ట్ర రాజధానిగా దొనకొండ మేలా, విజయపురి మేలా?
చర్చనీయాంశాలు: 302, Donakonda, Vijayapuri, రాజధాని, దొనకొండ, విజయపురి

---

ఈరోజు ఆంధ్రజ్యోతి (19-7-2014) సంపాదకీయం పేజీలో అడుగున ''ప్రకాశంలో కొత్త రాజధాని'' అనే వ్యాసం, శ్రీ కైపు వెలుగొండా రెడ్డి, రిటైర్డ్ ఇంజనీర్ గారు వ్రాసిన వ్యాసానికి, ఇది ప్రతిస్పందన . వారు వ్రాసినవి సబబుగానే ఉన్నాయి. నేను కొత్తాంధ్రప్రదేశ్ రాజధానిగా దొనకొండకు అనుకూలంగా గతంలోనే వ్రాసియున్నాను. పోస్టునంబరు 157 clickచూడండి.


ఈసందర్భంగా మనం ముఖ్యంగా గమనించవలసినది, శ్రీబాగ్ ఒడంబడిక ద్వారా 1937లో రాయలసీమ వారికి రాజధానికి ఇస్తామని మన పెద్దలు వాగ్దానం చేసి ఉన్నారు. దీనిని గౌరవించటం న్యాయం అనేది నా అభిప్రాయం. అయితే, రాయలసీమలో ఏప్రాంతంలో రాజధానిని నెలకొల్పినా, వారు కొత్తనిబంధనలు విధించకుండా బేషరతుగా ఒప్పుకోవాల్సి ఉంటుంది. తెలంగాణలో జరిగినట్లుగా స్థానికులు ముల్కీలు గిల్కీలు అంటే కుదరదు. ఈమురికిని మనం అంటించుకోకూడదు. రాజధాని ఎక్కడ ఉన్నా వలసలు అనేవి తప్పనిసరి.

ఈరోజు గ్రాండ్ ట్రంక్ రోడ్ పై నడచి వెళ్తూ ఉండగా, ప్రక్కన మణుగూరు నుండి కనిగిరి వెళ్ళే ఎపిఎస్ఆర్ టీసీ బస్ నన్ను దాటుకుంటు, వెళ్ళటం నాకు ఆశ్చర్యం కలిగించ లేదు. నాకు వెంటనే తట్టింది, కరువు ప్రాంతమైన కనిగిరి నుండి పొట్టచేత పట్టుకుని కొన్ని వందలు| వేల మంది మణుగూరు , బహుశా బొగ్గు గనులలో పనిచేయటానికి వలస వెళ్ళారనే అభిప్రాయం నాకు కలిగింది. పొట్టచేత పట్టుకుని మన తెలుగువాళ్ళు ఫిజీ, వెస్టు ఇండీస్, దక్షిణ ఆఫ్రికా వంటి సముద్రాంతర దేశాలకే కాక రెక్కలుముక్కలు చేసుకొని ఓడలను విరక్కొట్టటం కోసం, గుజరాత్ లోని అలాంగ్ రేవుకు కూడ వలస వెళ్ళారు. అందుచేత వలసలను ఆపే విధంగా ఎలాంటి డిమాండ్లను చేయకూడదు, ఒప్పందాలను చేసుకోకూడదు.

రాజధాని అనేది బేషరతుగానే ఏర్పాటు కావాలి.

రాజధానిలో ఘరానా వలసదారులు, అతి భారీగా భూములను కొనుగోలుచేసి నివాస స్థలాలకొరత సృష్టించటం, స్పెక్యులేషన్ కి పాల్పడటం, ఈ ఘోరాలను అరికట్టటానికి, దీనికి వేరే చట్టాన్ని చేయాల్సి ఉంటుంది. అయితే, ఇది ఒక ప్రాంతం వారిని వ్యతిరేకిస్తున్నట్లు, వేరొక ప్రాంతం వారిని రక్షిస్తున్నట్లు కాక, అందరికీ వర్తించేలాగా, ప్రాంతీయభేదాలకు దారితీయకుండా ఉండాలి.

దొనకొండ కన్నా కర్నూలు ఏవిషయంలో మెరుగు?

పోస్టు నంబరు 157 వ్రాసిన నాటికన్నా ఈరోజుకి సుస్పష్టం అయిన విషయం ఏమిటంటే, కెసీఆర్-హరీష్-కెటీఆర్ ఏడుపు. నాగార్జునసాగర్ నుండి తాగటానికి 10టిఎంసీల నీళ్ళు ఇవ్వమని గవర్నర్, 3 టిఎంసీల నీళ్ళు ఇవ్వమని కృష్ణాజలాల బోర్డు ఆదేశిస్తే, కెసిఆర్ అడ్డుపడటం విజ్ఞులైన పాఠకులకు తెలుసు.

దక్కన్ క్రానికల్ లో వచ్చిన వార్తలను బట్టి, రాజధానికి 10 టిఎమ్ సీ ల నీరు కావాలి. విజయవాడ, గుంటూరుల మధ్య రాజధానిని నెలకొల్పితే, ప్రకాశం బ్యారేజి వద్ద ఈనీటిని తోడుకోవాలి. అయితే ప్రకాశం బ్యారేజీకి నీటిని వదలటానికి ప్రతిసారీ, కెసిఆర్ ఏడుస్తూ ఉంటాడు. చట్టపరమైన హక్కులు, కేంద్ర పర్యవేక్షణ ఇవన్ని అమలుజరగటం, అంతతేలికేమీ కాదు. రాజధానిలో శాంతి భద్రతలను పర్యవేక్షించటం కొరకు గవర్నర్ కు అధికారం ఇచ్చే విషయంపై గతంలో కాంగ్రెస్, బిజెపి, కేంద్రమంత్రులు ఎన్ని హామీలు ఇచ్చి ఉన్నా, కేంద్ర హోం శాఖ కార్యదర్శి ముడ్డినేలకేసి రాశాడు. ఆవిషయంపై మాట్లాడటానికి కూడ ఆయన ఒప్పుకోలేదని వార్తలు వచ్చాయి. ఈనేపథ్యంలో విజయవాడలో కొత్తరాజధానికి అదనపు నీటిని పంపింగు చేసుకోటం, ఏవరదలో వస్తే తప్ప అసాధ్యం.

కర్నూలులో రాజధానిని నెలకొల్పుకుంటే, మనం తుంగభద్ర నదిలోనే పంపింగు స్టేషన్లు ఏర్పాటుచేసుకుని నీళ్ళు తోడుకోవచ్చు. బహుశా నీళ్ళకరువు ఉండక పోవచ్చు.

ఈసందర్భంగా విజయపురి అర్హతలను మరొకసారి పరిశీలించటం న్యాయం. ఈవిషయం గురించి ఇంతకు ముందు పోస్టునంబర్ 158 లో వ్రాశాను. click.
అయితే ఆపోస్టు వ్రాసిన సమయంలో, త్రాగునీరు ఇవ్వటానికి కెసీఆర్ కెటీఆర్ హరీష్ ల ఏడుపులు లేవు. నదుల ప్రక్కన పంపింగు స్టేషన్లను ఏర్పాటు చేసుకుని తమ వరకు కావలసిన త్రాగునీటిని డ్రాచేసుకోటం ఆప్రక్క గ్రామాల, పట్టణాల సహజ హక్కు కనుక వాటికి ఏట్రిబ్యునల్ ల నీటి కేటాయింపు అక్కరలేదని నాఅభిప్రాయం. మనం రాజధానిని, నాగార్జునసాగర్ దక్షిణతీరంలో, నందికొండకి వెళ్ళే లాంచీలరేవుకి, సాగర్ డామ్ ఎగువకి మధ్యప్రదేశంలో ఏర్పాటు చేసుకుంటే, పంపింగు స్టేషన్ ని నదిలో ఏర్పాటు చేసుకుని కావలసినంత నీటిని డ్రాచేసుకోవచ్చు. ఈప్రాంతం అంతా పుట్టలు, ఎర్రమట్టి దిబ్బలు , కంప ఉన్న అటవీ ప్రాంతం. దీన్ని డీనోటిఫై చేయటానికి అటవీశాఖకూడ అభ్యంతరం పెట్టక పోవచ్చు. కొంత కంప వేస్టుల్యాండ్, సమీప గ్రామాల పరిథిలో ప్రభుత్వభూమిగా కూడ ఉండచ్చు. ఏది ఏమైనా వృధాగా ఉన్నభూమిని మనం వినియోగం లోకి తెచ్చుకున్నట్లు అవుతుంది. భూసేకరణకి ఒక పైసా కూడ ఇవ్వక్కరలేదు.









నాగార్జునసాగర్ ప్రాజెక్టును నిర్మించినపుడే, మాచర్ల విజయపురి రైల్వే మార్గం (సుమారు 17 కిలోమీటర్లు) ను చేపట్టి ఉండ వలసి ఉన్నది. ఆనాడు ఎందుకో ఆపని చేయలేదు. ఇపుడు రూ. 20 కోట్లతో దానిని పూర్తి చేయవచ్చు. ఇపుడు మనం విజయపురి నుండి, లేక మాచర్లనుండి దొనకొండ | దిగువమెట్ట | గిద్దలూరు| కంభంకి ఒక రైల్వే లైను, ఒక నాలుగులేన్ల హైవే నిర్మించుకుంటే, రాయలసీమకు బాగా దగ్గర అవుతుంది. గుంటూరు కర్నూలు రోడ్డు మార్గాన్ని ఇప్పటికే జాతీయ రహదారిగా మార్చటానికి కేంద్రానికి ప్రతిపాదనలు పంపారు. మనం నిర్మించే విజయపురి | మాచర్ల రహదారి ఈగుంటూరు కర్నూలు రహదారిని దోర్నాల త్రిపురాంతకం మార్కాపురం ప్రాంతంలో కలుస్తుంది. నాలుగు రోడ్లకూడలి ఏర్పడుతుంది.

శ్రీ కైపు వెలుగొండారెడ్డి గారు చెప్పినట్లుగా , చందవరం దగ్గర సాగర్ కుడి కాలువలోంచి రాజధానికి నీళ్ళుతోడుకోటం ఆచరణలో కుదరదు. కెసిఆర్ కెటీఆర్ హరీష్ లు ఏడుస్తూ ఉంటే పని నడవదు. పైగా అలా రాజధానికి నీళ్ళు తోడుకోటం వల్ల, చందవరం దగ్గర సాగునీటి కొరత ఏర్పడుతుంది.

కెసీఆర్ కెటీఆర్ హరీష్ ల ప్రవర్తన, కేంద్ర నిర్లక్ష్యం | నిస్సహాయత చూస్తుంటే, ముందు ముందు నాగార్జున సాగర్ కుడి కాలువ భవిష్యత్ ఏమిటా అనే అనుమానం వస్తున్నది.

మనం విజయపురి| మాచర్ల నుండి ఉత్తర దక్షిణాలుగా కనిగిరి, దర్శి , పొదిలి ల వరకు ఒక పారిశ్రామి కారిడార్ ను నిర్మించు కోవచ్చు. తూర్పు పడమరలుగా వినుకొండనుండి ఆదోని లేక గుత్తి వరకు ఇంకొక కారిడార్ ను నిర్మించుకోవచ్చు. నంద్యాల, ఆదోని, గుంటకల్, శ్రీకాళహస్తి (తిరుపతి ఓవర్ క్రౌడెడ్) , కావలి, ఒంగోలు, విజయనగరం, శ్రీకాకుళం, తాడేపల్లిగూడెం, ఏలూరు , తణుకు, తుని, అన్నవరం, పిఠాపురం, సామర్లకోట,(విశాఖ , విజయవాడ, గుంటూరు , రాజమండ్రి, కాకినాడ, ఓవర్ క్రౌడెడ్) లలో కొన్నిరాష్ట్ర స్థాయి కార్యాలయాలను నెలకొల్పుకోవచ్చు. కోరిక, చిత్తశుధ్ధి ఉంటే, ఎన్నో స్నేహపూర్వక మార్గాలు ఉంటాయి.

అంతర్జాతీయ యాత్రిక కేంద్రంగా దక్షిణ విజయపురి

ఆంధ్రప్రదేశ్ రాజధానిగా విజయపురిని, ఫోర్ వే విజయపురి దొనకొండ రోడ్డును నిర్మించుకుంటే, అక్కడ అంతర్జాతీయ విమానాశ్రయాన్ని నెలకొల్పుకుంటే, విదేశీ యాత్రికులను, ఉత్తర భారత, దక్షిణ భారత యాత్రీకులను, హైదరాబాద్ టచ్ చేయనీయకుండా, ముందుగానే విజయపురిలో దించుకోవచ్చు. అక్కడనుండి వారికి శ్రీశైలం, మహానంది, అమరావతి, విజయవాడ,మార్కాపురం, మొ|| శేషాంధ్ర (సీమాంధ్ర) ప్రదేశాలకు ప్యాకేజీ టూర్లను ఏర్పాటుచేసి టూరిజాన్ని అభివృధ్ధి చేసుకోవచ్చు.

అన్నిటికన్నా ముఖ్యం

రాజధాని ఎక్కడ ఏర్పడినా అది పది సంవత్సరాల తాత్కాలిక రాజధానిగానే ఏర్పాటుకావాలి. మనకి మూడు రాష్ట్రాలు కావాలి అనే అసలు విషయాన్ని మరచి పోకూడదు. -- అవి ఉత్తరాంధ్ర, దక్షిణ ఆంధ్ర, రాయలసీమ. అయితే క్రియేట్ చేసే ఇన్ఫ్రా స్ట్రక్చర్ వృధా కాదు. ఇపుడు మనకి చంద్రబాబు గారు కోతలు కోసినట్లుగా సింగపూర్ చేసేందుకు, వేలకోట్లు కేంద్రం గానీ వేరొకరు గానీ ఇవ్వపోటంలేదు. శుష్క వచనాలూ, శూన్యహస్తాలూ మాత్రమే మనకి చూపిస్తారు. కాబట్టి, విజయపురి అయినా, దొనకొండ అయినా కర్నూలు అయినా రాజధాని భవనాలు సహజంగా చిన్నవిగానే ఉంటాయి.

302 Preachings and Practices

302 Preachings and Practices
302 బోధనలు మరియు ఆచరణలు
చర్చనీయాంశాలు: 302, కమ్యూనిజం, క్యూబా, ఫిడెల్ కాస్ట్రో, వాచెస్, లైఫ్ స్టైల్స్

There is a thouand kilometers distance between theories and practices. सिद्धांतों और व्यवहारों के बीच एक हजार किलोमीटर की दूरी है. సిధ్ధాంతాలకూ ఆచరణలకూ మధ్య ఒక వేయికిలోమీటర్ల దూరం ఉంది. Have you seen, in this picture? आप इस तस्वीर में देखा है? ఈచిత్రంలో, మీరు చూశారా??

Highlighted in the large circle is Mr. Fidel Castro, the Head of Cuba. Castro dynasty rules Cuba, just as Kim dynasty rules North Korea.

बड़े वृत्त में प्रकाश डाला श्री फिदेल कास्त्रो, क्यूबा के प्रमुख है. जैसा किम् डैनास्टी उत्तर कॊरिया को पालन कर रहा है, वैसा ही क्यूबा को कास्ट्रो डैनाय्सीटी पालन कर रहा है।

వృత్తంలో హైలైట్ చేయబడింది, క్యూబా ఆధ్యక్షుడు, శ్రీ ఫిడెల్ కాస్ట్రో గారు, క్యూబా రాజ్యాధీశుడు. ఉత్తర కొరియాను ఎలాగైతో, కిమ్ వంశం పాలిస్తున్నదో, క్యూబాను కాస్ట్రో వంశం పాలిస్తున్నది.

Within the smaller ring, on the wrist of Mr. Castro you will find Rollex watch, one of the costliest watches made in the world.

छोटे वृत्त के अंदर, कास्ट्रो साहॆब के मणि बंध पर, दिख रहा है रोलॆक्स वाच, दुनिया मॆं अधिक मूल्यवान घडियों में एक है।

చిన్న వృత్తంలో, కాస్ట్రోగారి మణి కట్టు మీద, కనిపిస్తున్నది, రోలెక్సు రిస్టు వాచీ. ప్రపంచపు అతిఖరీదైన వాచ్ బ్రాండ్ లలో ఒకటి.

In the hall, on the background wall, we can see the photo of Karl Marx.

हाल में, पीछे दिवार पर, हम देख सक्ते हैं, कार्ल मार्क्स के तस्वीर।

హాల్లో, వెనకాల గోడమీద, కార్ల్ మార్క్సు గారి ఫొటోను చూడచ్చు.

In the picture, Mr. Castro is lighting his long cigar.

చిత్రంలో కాస్ట్రో గారు, తన పొడవైన చుట్టను అంటించుకుంటున్నారు.

तस्वीर में कास्ट्रो महाशय अपने लंबे सिगार को जलाना शुरू कर रहा है।

వైబీరావు గాడిద వ్యాఖ్య

మార్క్సిజంలో, కమ్యూనిజంలో , అన్నిటికన్నా, ప్రధాన సిధ్ధాంతం, సర్వ సమానత్వం. సంపన్నుల భోగలాలసత్వానికి వ్యతిరేకంగా, ఆవిర్భవించింది మార్క్సిజం. భోగ లాలసులైన పాత సంపన్నుల స్థానంలో కొత్త అతిభోగలాలసులైన నేతలను ప్రతిష్ఠించటం, మార్క్సిజం, కమ్యూనిజాలలక్ష్యం కానే కాదు. అయితే ఏది భోగలాలసత్వం, అనే దానికి నిర్వచనాలు లేవు. ఒక వ్యక్తి లేదా ఒక గ్రూపు దృష్టిలో భోగంలాగా కనపడేది, మరొక వ్యక్తి లేదా బృందం దృష్టిలో అత్యవసర వస్తువుగా కనిపించవచ్చు. అయితే ఇక్కడ మనం కొన్ని యాంకర్లు లేక దారి చూపే బాణాల గుర్తు --->లాంటి వాటిని ఆసరాగా చేసుకోవచ్చు.

Suppose, everybody in the society has rolex watch on his-her hand. We need not, then, consider it as luxury. Take for example, mobile phones in India. In the past, it was a luxury, because it used to be in the hands of one or two persons, as a demonstrative exhibit of conspicuous consumption. Today, it exists in the hands of one and all. Usefulness has also expanded to a range of 'sending life-saving medical communication', to 'browsing of blue films on internet'. Hence, we can no longer call it a luxury. But, we can't say so in the case of rolex watches. If they reach a state of oversupply of becoming a commonman's item, the Manufacturing Company will immediately curtail supply and issue limited editions with skimming prices. But a watch, is like mobile, an extremely useful tool. Yet, do we need an expensive rolex? No, a vanilla watch will do. Once upon a time, India used to make HMT watches in public sector. Decent, durable and affordable, they were, but there were initial shortages. Later, they became available to everybody. But within no time, the private sector fellows entered the field, dumped and lampooned the market with all sorts of colored and fancy stuff, priced vanilla Rs. 100/-- to super-rich million bucks. Finally, they made HMT sick. Nevertheless, what we need to manage our time is just a simple vanilla type chronometer and not diamond-studded vanilla watches. These Castroes cannot understand it.

తెలుగు సారం: సమాజంలో ప్రతి ఒక్కరి దగ్గర రోలెక్సు వాచీలు ఉన్నాయి అనుకొండి. దానిని మనం భోగంగా భావించనవసరం లేదు. ఇపుడు భారత్ లో మొబైల్ ఫోన్ లను తీసుకోండి. గతంలో అది భోగం, ఎందుకంటే, అది ఏ ఒక్కరి చేతిలోనో ఉండి, ప్రదర్శన వస్తువుగా ఉండేది. నేడు అందరి చేతిలో ఉంటున్నది. ఉపయోగం కూడ అత్యంత ముఖ్యమైన ప్రాణావసర పనుల దగ్గరనుండి, బ్లూఫిలిమ్ ల బ్రౌజింగు వరకు నేడు అవి సార్వజనికం అయ్యాయి. కనుక భోగం అనలేం. రోలెక్సు వాచీని అలా అనలేం. అవి అందరి చేతిలో ఉండి, సార్వజనికం అయ్యే స్థితి వస్తే కంపెనీ వాళ్ళు లిమిటెడ్ ఎడిషన్ అని తీసుకు వచ్చి, తన లాభాలను స్కిమ్మింగ్ చేసుకుంటారు. అయితే వాచీ అనేది, మొబైల్ వలెనే, అత్యంత ఉపయోగకరమైన సాధనం. అయితే రోలెక్సు కావాలా?? అక్కర్లేదు. ఏవ్యానీలా వాచీ అయినా సరిపోతుంది. భారత్ లో ఒకప్పుడు బెంగుళూరులో హెచ్ ఎమ్ టీ వాచీలు తయారయ్యేవి. మొదట్లో డిమాండు ఎక్కువయి కొంత కరువు వచ్చినా, తరువాత అందరికి లభ్యమయ్యాయి. అనతి కాలంలోనే , ప్రైవేటు రంగం వారు దిగి నాసి రకంవాచీలను రంగుల్లో బొంగుల్లో రోడ్లమీదికి దించాక, హెచ్ ఎమ్ టీ భ్రష్ఠు పట్టి పోయింది. ఏది ఏమైనా, ఐస్ క్రీముల్లో వానిలా లాగా మనకు కావాల్సింది, సాధారణ తరగతి వాచీలే. రోలెక్సులు కావు. కాస్ట్రోలు వీటిని అర్ధం చేసుకోలేరు.

ఈనాటి సూక్తి

Money plays the largest part in determining the course of history. -Karl Marx.

తెలుగు సారం: చరిత్ర దిశను నిర్ణయించేది డబ్బే.

301 A Chief Minister resembling Jada Bharata.

301 జడ భరతుడిని పోలిన ఆంధ్రప్రదేశ్ ముఖ్యమంత్రి
చర్చనీయాంశాలు: 301, చంద్రబాబు, రాజధాని, జడభరతుడు, రాయలసీమ, శ్రీబాగ్ఒప్పందం

---

తెలియని పాఠకుల కొరకు: మన భారత దేశంలో భరతుళ్ళు నలుగురు ఉన్నారు.
1. శకుంతలా దుష్యంతుల పుత్రుడు భరతుడు. ఈయన పేరుమీదనే హిందూస్థాన్ కి భారత దేశం అనే పేరు వచ్చింది అంటారు. ఈ భరతుడు గారు చిన్నతనంలో సింహాలతో ఆటలు ఆడేవాడు.
2. రాముడి తమ్ముడు భరతుడు. ఇతడు ధర్మనిరతుడు అని ప్రఖ్యాతి.
3. మూడవవాడు భరత ముని. ఈయన పేరు మీదే భరత నాట్యం వచ్చింది , అంటారు.

4. నాలుగవ వాడు జడ భరతుడు. ఈయన ఒక ముని. ఎంతో ప్రేమతో జింకను పెంచుకుంటూ, ఆజింకపై మోహం వీడలేక , సంగాన్ని వదిలించుకోలేక ప్రాణం వదిలాడు. మరు జన్మలో జింకగా పుట్టాడుట.

మన వెన్నుపోటు సార్వభౌమ, అవకాశవాద ముఖ్యమంత్రి శ్రీ చంద్రబాబు నాయుడు గారిని మొదటి ముగ్గురితో పోల్చటానికి కావలసిన ఉపమాలంకార శోభాయమాన సమాన ధర్మాలు లేవు. నాలుగవ వాడైన జడభరతుడితో పోల్చటానికి ఒక సమాన ధర్మం కనిపిస్తుంది. అయ్యదియే, వీడని మోహం, వదలని సంగం.

మోహం దేనిపైన

హైదరాబాదు నగరం పైన. ఉద్యోగులు అంతా ఆంధ్రప్రదేశ్ నుండే పనిచేయాలని కోరుకుంటున్నారని, శ్రీవారే చెప్పారు. తాను టెంట్లనుండికూడ పని చేయటానికి వెనుకాడనని తానే చెప్పుకున్నారు. షెడ్లైనా మేలేనని, గతంలో వివేకవాన్ సీనియర్ కాంగ్రెస్ నేత శ్రీ పాలడుగు వెంకటరావు గారు సలహా ఇచ్చి కూడ ఎన్నో నెలలు గడిచింది. అయినా, శ్రీచంద్రబాబు నాయుడు గారు హైదరాబాదునుండి కదలటానికి ముందుకు రావటంలేదు.

ఈమధ్య హైదరాబాదులో శ్రీ రామ దూత స్వామి అనే ఆయన చేసిన యజ్ఞానికి కూడ వెళ్ళి వచ్చారు. సికిందరాబాదు ఉజ్జయినీ మహాకాళీ దేవాలయానికి కూడ వెళ్ళి వచ్చారు.
శ్రీ చంద్రబాబు నాయుడుగారికి హైదరాబాదులో ఎన్ని వందలకోట్ల రూపాయల, ఎకరాల ఆస్తులు ఉన్నాయో కానీ, ఆయన హైదరాబాదుపై వ్యామోహం వదలలేకున్నాడు. కెసిఆర్, కెటీఆర్, హరీష్ రావుల బారినుండి, తన ఆస్తులను రక్షించుకోటానికి, ఆయన తపన పడుతున్నట్లు కనిపిస్తుంది. కెసిఆర్, కెటీఆర్, హరీష్ లు శ్రీచంద్రబాబుని గెస్టు గెస్టుగా ఉండాలని ఏడిపిస్తున్నారే తప్ప, తాము ఎన్నోరోజల నుండి బయట పెడ్తాం అంటున్న, బాబుగారి బినామీ ఆస్తుల వివరాలను బయట పెట్టటం లేదు. సాక్ష్యాలేమైనా ఉంటే బయట పెట్టి, కేంద్ర ప్రభుత్వానికి లేఖ వ్రాస్తే, కెసిఆర్ & కో వాళ్ళు తెలుగు ప్రజలకు ఎంతో సేవ చేసిన వాళ్ళు అవుతారు కదా.
లెజెండరీ జడ భరతుడిలాగా హైదరాబాదుపై వ్యామోహం వదలని శ్రీ చంద్రబాబు, వచ్చే జన్మలో పాతడేట్ ముల్కీగా పుడ్తారా లేదా అనే ప్రశ్న కన్నా, ఆయనను హైదరాబాదు నుండి కదిలించి, సీమాంధ్రకు తరలించి తెచ్చి రాష్ట్ర పాలనను సీమాంధ్రనుండి చేపట్టేలాగా చేయటం ముఖ్యం.






అవకాశ వాది యైన శ్రీచంద్రబాబు నాయుడు గారు, రాజధాని విషయంలో, 1937 శ్రీబాగ్ ఒడంబడిక ద్వారా, రాయలసీమకు రాజధానిని ఇస్తామని కోస్తాంధ్రులు చేసిన వాగ్దానాన్నే మరచిపోయారు.

మానవ జీవితంలో అన్నింటికన్నా కష్టమైనది, చేసిన వాగ్దానాన్ని నిలుపుకోటం. కారణం ఏమైనప్పటికీ, 1937 నాటి కోస్తాంధ్ర నేతలు, రాయలసీమకు రాజధానిని ఇస్తామని వాగ్దానం చేసారు. అలా ఇచ్చినందు వల్ల కోస్తాంధ్రకు పెద్ద నష్టం కూడ ఏమీ లేదు. వాగ్దానం నిలుపకోటం వల్ల తెలుగు జాతి ప్రతిష్ఠ పెరుగుతుంది.

రాజధానిని రాయలసీమలో నెలకొల్పటం వల్ల వచ్చే ప్రధాన సమస్య, కోస్తానుండి కొత్తరాజధానికి జరగబోయే భూస్పెక్యులేటర్ల, వలసలు. ఇది కాక పొట్టకోసం లక్షలాది మంది అన్ స్కిల్ డ్, సెమీ స్కిల్ డ్, స్కిల్ డ్ వర్కర్లు, కోస్తానుండి రాయలసీమకు వలస వెళ్తారు. దీనిని ఎవరూ ఆపలేరు. ఇది వారి జన్మహక్కు. (వలస శ్రామికుల జన్మ హక్కు, మానవ హక్కు).

ఈ సమస్యకు ఏకైక పరిష్కారం, ఆంధ్రప్రదేశ్ రాజధానిని పూర్తిగా పదేళ్ళకు పరిమితమైన తాత్కాలిక రాజధానిగా ప్రకటించి, ఉత్తరాంధ్ర, దక్షిణాంధ్ర, రాయలసీమ రాష్ట్రాల ఏర్పాటుకు కృషి చేయటమే. ఇది చంద్రబాబుకు, కిరణ్ కుమారుడికి, జగన్మోహన్ రెడ్డి కీ ఇష్టం ఉండదు. కాని తెలుగు ప్రజల దీర్ఘకాలిక సంక్షేమానికి ఇది అనివార్యం.

300 Why did Mr. Narendra Modi go to Berlin, knowing pretty well that Ms. Angela Merkel would be in Brazil, watching World Cup Foot Ball?

Mr. Narendra Modi, the Hon. Prime Minister of India, seems to have special love for Germany and Berlin. This is, of course, a part of the hard fact that Indian Prime Ministers since 1947 have special love for European countries. They rarely visit African and South American countries. How can, Mr. Narendra Modi be an exception?

ఈనాటి ఆంగ్ల పదం: goof up & faux paus

ఆంగ్లంలో goof అనే క్రియా పదం ఉంది. ఇది గతంలో కలోక్వియల్ (వ్యవహారికమే అయినా, ఇన్ ఫార్మల్ సందర్భాలలో వాడేది. స్టాండర్డు యూసేజిలో వాడనిది).

దీనికి అర్ధం ఆంగ్ల నిఘంటువు ప్రకారం: Commit a faux pas or a fault or make a serious mistake.

faux pas (దీని ఫ్రెంచి వారి ఉచ్చారణ: ఫా పా)కి అర్ధం: a socially awkward or tactless act.

డిక్షనరీ.కామ్ ప్రకారం ఒక slip or blunder in etiquette, manners, or conduct; an embarrassing social blunder or indiscretion. అనగా సాంఘికంగా ఇబ్బంది కలిగించే, లోకజ్ఞత తో కూడిన చాతుర్యలేమి ఫలితంగా చేసే పనులు. ఇతరులతో వ్యవహరించేటపుడు పరస్పర మర్యాదల కనుగుణంగా వ్యవహరించకపోటం.

శ్రీనరేంద్రమోడీ బెర్లిన్ స్టాపేజి లో goof up ఏమి జరిగింది?

జర్మనీ అధ్యక్షురాలు శ్రీమతి ఎంజెలా మెర్కెల్ గారు, శ్రీనరేంద్రమోడీ గారిని బెర్లిన్ లో డిన్నర్ కి ఆహ్వానించారు. దానిని శ్రీ మోడీగారు అంగీకరించారు. అయితే అదే సమయంలో, జర్మనీ బ్రెజిల్ లో జరుగుతున్న ప్రపంచకప్ ఫుట్ బాల్ పోటీలో బాగా ముందుకు వెళ్ళిపోయింది. ఆమె ఫైనల్లో ఆడబోతున్న జర్మనీ జట్టుకు ఉత్తేజాన్ని కలిగించేందుకు బ్రెజిల్ వెళ్ళాల్సి వచ్చింది. ఈవిషయాన్ని జర్మనీ భారత్ కు ముందుగానే తెలియజేసింది. కానీ భారత విదేశాంగ శాఖ, ప్రధానమంత్రి కార్యలయం వారే పట్టించుకోలేదు.

ఫలితంగా శ్రీమోడీ బెర్లిన్ లో దిగే సమయానికి, మెర్కెల్ గారు బ్రెజిల్ వెళ్ళిపోయారు. శ్రీ మోడీగారు బెర్లిన్ లో మెర్కెల్ గారితో డిన్నర్ చేయకుండానే, తాను కూడ బ్రిక్ సమావేశంకి హాజరు కావటానికి, బ్రెజిల్ వెళ్ళిపోవాల్సి వచ్చింది. దేశాధినేత గారుతన రాజధానిలో లేని సమయంలో, మరొక దేశాధినేత డిన్నర్ కి వచ్చి ఉసూరుమంటూ ఇంకో దేశానికి ఎగిరిపోటం అనేది ఒక తరహా గూఫింగ్ ఫలితమే. దీనిని ఒక హిందీ పత్రిక వారు शर्मिंदा శర్మిందా (సిగ్గుచేటైన) అని వర్ణించారు గానీ, అది అంత సిగ్గుచేటు కాకపోవచ్చు.

వైబీరావు గాడిద అభిప్రాయం

ఎవరిగోల వారిది.

అంతర్జాతీయ దౌత్య మర్యాదలైనా, టిటిడీలో శేషవస్త్రం, లేక అజ్మీర్ దర్గాలో షద్దర్ వంటి ప్రార్ధనా సంస్థల మర్యాదలైనా, ప్రాధమికంగా ఎవరి గోల వారి గోలే ''ఎగో వాగో'' పధ్ధతిలోనే ఉంటాయి. వీళ్ళనుండి వాళ్ళేమి ఆశిస్తున్నారు, వారినుండి వీళ్ళేమి ఆశిస్తున్నారు-- అనే లాభనష్టాలు, మర్యాదల ఇంటెన్సిటీని నిర్ణయిస్తాయి.

జర్మనీకి ఇండియాతో పెద్ద మొహమాటాలేమీ లేవు. ఒకసారి వాళ్ళు ఆశించిన భద్రతాసంఘంలో వీటోతో కూడిన శాశ్వత సభ్యత్వం (భారత్ కూడ జర్మనీలాగానే వీటోతో కూడిన శాశ్వత సభ్యత్వం కోరుతున్నది) లభించింది అంటే, ఇంక పరస్పరం ఆశించాల్సిన, ఆధారపడాల్సిన, మద్దతిచ్చుకోవాల్సిన అంశాలేమీ ఉండవు. జర్మనీలోని ఆటో మేకర్లు మెర్సిడెజ్ బెంజి, వోక్స్ వాగన్ , వంటి ఖరీదైన కార్లను తయారుచేసినా, వారికి భారత ప్రభుత్వానికి అమ్మటానికి జర్మనీ ప్రభుత్వం, పైరవీలు చేయాల్సిన అవసరం లేదు. ఇంగ్లండు పీఎమ్, ఫ్రాన్సు అధ్యక్షులకు భారత్ కు విమానాలు, హెలీకాప్టర్లు అమ్మే పనులు ఉంటాయి. వారు భారత్ ను గౌరవిస్తున్నట్లు నటిస్తారుకానీ, నిజానికి పట్టించుకోరు. ఇంక ఏ అవసరాలు లేని జర్మన్ అధ్యక్షురాలు గారు, భారత్ ప్రధాని బెర్లిన్ వస్తున్నాడని తెలిసి, తాను ఫుట్ బాల్ మాచ్ కోసం బ్రెజిల్ వెళ్ళటాన్ని ఎందుకు వాయిదా వేసుకుంటుంది? నేను బెర్లిన లో ఉండటంలేదు, బ్రెజిల్ వెళ్తున్నాను, దయయుంచి మీరు రాకండి , అనిచెప్పటమే గొప్ప మర్యాద. పైగా, జర్మనీ వరల్డ్ కప్ గెలిచాక ఆమె హృదయం ఆనందోత్తుంగ తురంగ డోలాయమానం అయి ఉంటుంది. జర్మనీ ఫుట్ బాల్ విజయం తన టెలిఫోన్లను ఒబామా & కో వారు నిఘా వేసి టాపింగు చేయించటం వల్ల కలిగినహృదయ శల్యాన్ని కూడ ఆమె మర్చిపోటానికి దోహదం చేస్తుంది. ఈ బ్రహ్మానంద సమయంలో , ఆమెకు భారత్ అనే ఒక శ్వేతేతర దేశ ప్రధాని పర్సనా నాన్ గ్రేటా అనే భావం కలుగ వచ్చు.

శ్రీమాన్ మోడీ గారు కొంత జాగ్రత్త తీసుకొని, మెర్కెల్ గారు ఎక్కడ ఉన్నారో చెక్ చేసుకుని, తన విమానాల తండాను బెర్లిన్ దిక్కులో కాకుండా, బ్రెజిల్ రియో డి జెనిరో దిశలోకి ఎగరేసుకుని పోయి ఉంటే, బోలెడు ఇంధనం మిగిలేది. ఈ ఫా పా లు తప్పేవి.

వాల్మీకి రామాయణం గుర్తుకు వస్తున్నది

ఆంగ్లంలో కమ్యూనికేషన్ గ్యాప్ లు అంటూ ఉంటూ ఉంటాము. తెలుగులో సమాచార అగడ్త (సమాచార గండి అంటే బాగుండదేమో) అనచ్చు. వాల్మీకి రామాయణం బాలకాండ 66 సర్గలో, శివ ధనుర్భంగం జరిగాక సీతారాముల కల్యాణం జరగాలి. బాలకాండ 67 వసర్గలో , జనకుడు దశరధుడికి వర్తమానం పంపాడు. దశరధుడు, వశిష్ఠ వామదేవ జాబాలి మార్కండేయాది మునులతో, చతురంగ బలాలతో, మిథిలకు వెళ్ళాడు. 69వ సర్గలో, పనిలో పనిగా , జనకుడి సోదరుల పుత్రికలు, లక్ష్మణుడికి ఊర్మిళను, భరతుడికి మాండవిని, శత్రుఘ్నుడికి శ్రుతకీర్తిని ఇచ్చి వివాహం చేయాలని విశ్వామిత్ర, వశిష్ఠ, జనక, కుశధ్వజ, శతానీకాదులు నిర్ణయించారు.

మిథిలలో ఉన్న దశరధ, వశిష్ఠ వామదేవ జాబాలి మార్కండేయాది మునులు భరతుడి వివాహ విషయాన్ని, దశరధుడిమామ, భరతుడి తాత, కేకేయి తండ్రి అయిన అశ్వపతి మహారాజుకి, ఆయనకొడుకు భరతుడికి మేనమామ అయిన యుధాజిత్తుకి తెలియచేసి, ''భరతుడి వివాహానికి మిథిలకు తరలి రమ్మని '' శుభలేఖలు పంపాల్సిన ధర్మం దశరధుడికి ఉన్నదో లేదో , ఆలోచించారో లేదో తెలియదు.

మిథిలలో ఉన్న దశరధ, వశిష్ఠ వామదేవ జాబాలి మార్కండేయాది మునులు లక్ష్మణ శత్రుఘ్నుల వివాహ విషయాన్ని, దశరధుడిమామ, లక్ష్మణ శత్రుఘ్నుల మాతామహుడు, మేనమామ లకు తెలియచేసి, ''భరతుడి వివాహానికి మిథిలకు తరలి రమ్మని '' శుభలేఖలు పంపాల్సిన ధర్మం దశరధుడికి ఉన్నదో లేదో , ఆలోచించారో లేదో తెలియదు. అసలు సుమిత్ర తండ్రి, సోదరులు బ్రతికి ఉన్నారో లేదో, రామాయణంనుండి మనం గ్రహించలేము.

బాలకాండ 73 వ సర్గలో భరత శత్రుఘ్నుల మేనమామ యుధాజిత్తు మిథిలలో ప్రత్యక్షమయ్యాడు. ఆహ్వాన రహితమే అనుకోండి. ఉభయకుశలోపరి చెప్పుకున్నాడు. తరువాత, తన తండ్రిగారు (కేకయరాజు), భరత శత్రుఘ్నుల క్షేమసమాచారాలు తెలుసుకురమ్మని నన్ను అయోధ్య పంపించగా నేను అక్కడికి వెళ్ళాను. అక్కడవారు మీరు సపరివారంగా మిథిలకు వెళ్ళారని చెప్పటంతో, నా చెల్లెలి కొడుకు (మేనల్లుడి) భరతుడిని చూడాలని, నేను మిథిలకు వచ్చాను అని చెప్పాడు. తరువాత దశరధుడు, యుధాజిత్తు, ఇరువురు ఒకరి నొకరు సమాదరించుకున్నారు.

ఇలాగా ఎవరి అవసరాల కొద్ది వాళ్ళు ఆహ్వానాలు పంపినా, పంపకపోయినా, ఇచ్చిన ఆహ్వానాలు కాన్సిల్ చేసినా, దేశయాత్రలు చేస్తూ ఉంటారు. వాల్మీకి రామాయణ కాలమైనా అంతే, నరేంద్రాయణ కాలమైనా అంతే.

299 What will happen if 10% Indians do not have refrigerators in their homes?

299 పది శాతం మంది భారతీయులకు ఇళ్ళలో ఫ్రిజ్ లు లేక పోతే ఏమవుతుంది?

చర్చనీయాంశాలు: 299, ఫ్రిజ్ లు, విద్యుత్, మద్యం, కాలుష్యం, దిగుమతులు, Refrigerators, Electricity, Pollution, Imports

---

ఫొటో కేవలం రిఫ్రిజిరేటర్ యొక్క బొమ్మ కొరకు మాత్రమే
కేంద్ర ప్రభుత్వం వారి నేషనల్ శాంపుల్ సర్వే సంస్థ ఇచ్చిన తాజా సమాచారం ప్రకారం, భారత్ లో కేవలం పది శాతం గృహాలలో మాత్రమే రిఫ్రిజిరేటర్లు ఉన్నాయి. 90% ఇళ్ళల్లో లేవు.

నా అదృష్టం ఏమిటంటే, ఆ 90% ఇళ్ళల్లో మాఇల్లు కూడ ఉన్నది.

తప్పో రైటో, నేను ధైర్యం చేసి, ఎన్ని కష్టాలు వచ్చినా ఫ్రిజ్ కొనకూడదనే నిర్ణయం తీసుకున్నాను. ఈనిర్ణయం తీసుకుని 20 ఏళ్ళయింది. మాఇంటికి వచ్చిన ప్రతివాళ్ళూ మీఇంట్లో ఫ్రిజ్ నీళ్ళు లేవా, అయ్యో అని నా పై జాలి చూపుతుంటే, నవ్వకుండా, ముఖం మాడ్చుకోకుండా, రాయిలాగా ఉండటం నాకలవాటు అయ్యింది. కుండలో నీళ్ళు ఆఫర్ చేయటం, అతిథులు వాటిని తాగినట్లుగా నటించి వదిలేయటం, దానిని చూడలేక తలదించుకోటం నాకలవాటయింది. వచ్చిన బంధువులు ఫ్రిజ్ లేక పోవటాన్ని ఏదో ఘోరమైన లోపంగా చూడటాన్ని నేను చూడలేక, అసలే స్కెప్టిక్ గా , సినిక్ గా, పెసిమిస్టిక్ గా ఉండేవాడిని, ఇంకాస్త ముదిరిపోయాను.

డిటో, డిటో, ముటాటిస్ ముటాండిజ్ ఎయిర్ కూలర్లకు కూడ వర్తిస్తుంది.

కారణాలు

1. చాలా ఫ్రిజ్ లు రోజుకి రెండు యూనిట్లదాకా కరెంటు ఖర్చు చేస్తాయి. నెలకి 60 యూనిట్ల దాకా బిల్ అవుతుంది. సరే, సలహాలు, టిప్పులు ఇచ్చే వాళ్ళు ఉంటూనే ఉంటారు. బిల్లును మనమే కట్టినా, విద్యుత్ ను అధికంగా ఉత్పత్తి చేయాల్సిన భారాన్ని మనం ప్రభుత్వం పై వేసిన వాళ్లమవుతాం. మనం దేశానికి సేవ చేయలేం బాగానే ఉంది, కాని దేశంపై భారం వేయకుండా ఉండటం కూడ ఒక దేశసేవే అని నేను నమ్ముతాను.

2. ఫ్రిజ్ లను తరచుగా శుభ్రం చేస్తూ ఉండాలి. ఇది పని భారాన్ని పెంచుతాయి. అవి మనకు సేవ చేయటం పోయి వాటికి మనం సేవచేయాల్సి వస్తుంది.

3. నా మూఢవిశ్వాసం ఏమిటంటే, నేను విన్నది ఏమిటంటే, ఫ్రిజ్ లు క్లోరో ఫ్లూరో కార్బన్ లు అనే కాలుష్యకారకాలను వాతావరణంలోకి విడుదల చేస్తాయి.

4. ఈ ఫ్రిజ్ లకు , ఎయిర్ కూలర్లకు, కావాల్సిన విద్యుత్ ను ఉత్పత్తి చేయటానికి బొగ్గును, లేక సహజవాయువును దిగుమతి చేసుకోవాలి.

5. నాన్-వెజ్ బాగా తినే వాళ్ళకి, బాగా మందు కొట్టే వాళ్ళకి ఫ్రిజ్ లు బాగా ఉపయోగిస్తాయని నా నమ్మకం. బీరు, సోడాలు, మొ||| వాటిని శీతలీకరించుకొని, అర్ధరాత్రి మూడ్ వచ్చినపుడు లాగించటానికి పనికి వస్తాయని, శాకాహారులకి ఉపయోగించవని నా మూఢ నమ్మకం.

6. కొత్తిమీర కట్టలకోసం ఫ్రిజ్ అవసరమా అనిపిస్తుంది. సాంబారు వంటి వాటిని ఫ్రిజ్ లో పెట్టి వారం రోజులు తింటున్నారని , అందువల్ల జీవితాలు యాంత్రికంగా తయారు అవుతున్నాయని ఒకఅభిప్రాయం ఉంది.

7. ఈరోజుల్లో, రెఫ్రిజిరేటర్లలో, ఏసీల్లో, టీవీల్లో, కార్లలో, దిగుమతి చేసిన కాంపోనెంట్లు ఎక్కువగా వాడటం వల్ల, ఎస్ కె డీ లు (సెమీ నాక్ డ్ డౌన్ కిట్లు) ఉపయోగించటం వల్ల, దిగుమతుల బిల్లు పేలిపోయి, బ్యాలెన్సు ఆఫ్ పేమెంట్ సమస్యలు విషమించటం, కాడ్ (కరెంట్ ఎకౌంట్ డెఫిషిట్) ఆందోళనకరంగా తయారవుతున్నది. మనం ఇంపోర్టు సబ్-స్టిట్యూషన్ ను సాధించేదాకా, దేశంలో ఫ్రిజ్ లను, ఏసీలను, టీవీలను, కార్లను ఉత్పత్తి చేయటాన్ని, అమ్మటాన్ని నియంత్రించటం మేలేమో నని నా చిన్నబుర్రకి అనిపిస్తుంది.

8. ఫ్రిజ్ వాటర్, నిలవున్న సాంబార్ మొ|| త్రాగటం వల్ల శ్వాసకోశ వ్యాధులు వస్తాయేమోనని, నా మూడ నమ్మకం.

9. ఈ నానా విధ యంత్రాలకు రిపేర్లు వచ్చినపుడు, సర్వీస్ ఇంజనీరునో, మెకానిక్ నో పిలవటం, వాడి రాక కోసం నీరాక కోసం నిలువెల్ల కనులై నీరాధ వేచేనురా అని ఎదురు చూడటం, వచ్చినవాడు పార్టులు పోయినాయి, ఇవి వారంటీ లో కవర్ కావనటం, లేక ఏ చెన్నయి నుండో తెప్పించి వచ్చాక వేస్తామనటం, ఇవన్నీ మన పనులను , యాంగ్జయిటీనీ పెంచుతాయి.

నమస్సులు

ఫ్రిజ్ లు, ఎయిర్ కండీషనర్లు, కార్లు లేని 90% ప్రజలకు నా నమస్సులు. దరిద్రంలో గ్లోరీ ఉందని చెప్పటం నా ఉద్దేశ్యం కానే కాదు. చేతుల్లోకి అన్యాయంగానో, న్యాయంగానో, క్యాష్ వచ్చిపడుతున్నది కాబట్టి లేక ఇన్స్టాల్ మెంటు పధ్ధతిలో అమ్ముతున్నారు కాబట్టి వస్తువులను కొనేయటం ఉత్తములకు శోభించదు. చెల్లియుండియు సైరణ చేయటం వ్యక్తిత్వానికి వన్నె తెస్తుంది.

298 Most Indian Prime Ministers are eternal overseas tourists

298 అత్యధిక భారతీయ ప్రధానమంత్రులు అనంత సముద్రాంతర యాత్రికులే.
చర్చనీయాంశాలు: 297, Prime Ministers,Indira,Nehru,Manmohan,Rajiv,Vajpayee,Narasimha Rao,China,Brazil, Russia, Japan

---

భారత ప్రధాని శ్రీ మాన్ నరేంద్ర మోడీ గారు, రెండు ప్రత్యేక విమానాల్లో (ఒకటి తనకు, తన ఆంతరంగికులకు, రెండవది మిగిలిన వారి. ఇది భారతీయ ప్రధాన మంత్రుల, రాష్ట్ర పతుల ఆచారం) ఎగురుతూ, బ్రిక్ సమావేశానికి బ్రెజిల్ వెళ్ళారు. పోతూ పోతూ హోం మంత్రి రాజ్ నాథ్ సింగుగారిని తన సీటును చూస్తూ ఉండమని చెప్పి వెళ్ళారు. భారత రైల్వేల జనరల్ కంపార్టుమెంట్లలో తిరిగే వాళ్ళకు అనుభవం ఉండే ఉంటుంది. టాయ్ లెట్ కి వెళ్ళేవాడు, తన సీటుపై తువ్వాల్ వేసుకొని, ప్రక్కన ఉన్నావాడికో, ఎదురుగా ఉన్నవాడికో సీటుకాపలా కాయమని చెప్పి వెళ్తాడు. ఈలోపల, ఈరెండోవాడు, కావాలనుకుంటే, అయిదు నిమిషాలు ఆసీటు పై ముడ్డానించుకోవచ్చు, లేక కాలుపెట్టుకోవచ్చు. వెళ్ళిన వాడు టాయ్ లెట్ నుండి వెనక్కిరాగానే, ముడ్డినీ కాలునూ వెనక్కి తీసుకోవాలి.

బ్రిక్ అంటే విజ్ఞులైన పాఠకులకు తెలుసు. బ్రెజిల్, రష్యా, ఇండియా, చైనా.

రష్యాకు తాను ఉక్రెయిన్ లో చేస్తున్న ప్రాక్సీ యుధ్ధానికి, బ్రెజిల్-ఇండియా-చైనా దేశాల మద్దతు కావాలి. పాశ్చాత్యదేశాల మీద, వారు శాంక్షన్లు విధించకుండ, వత్తిడి తేవటానికి ఈ మద్దతు ఉపకరిస్తుంది.

చైనాకు, తాను దక్షిణచైనా సముద్రంలో జపాన్ తోతలపెట్టిన కోల్డ్ వార్ పై, రష్యా-భారత్ ల మద్దతు కావాలి.

బ్రెజిల్ ఇలాటి సమస్యలేమీ లేవు. దాని వాంఛ ఒకటే, ఏనాటికైనా ఐరాస భద్రతా సంఘంలో (దక్షిణ అమెరికా ప్రతినిధి?) శాశ్వత సభ్యత్వం కావాలి. దీనికి బ్రెజిల్ కు భారత్-చైనా-రష్యాల మద్దతు కావాలి.

భారత్ కు చైనాతో ఉన్న అరుణాచల్ ప్రదేశ్, లడఖ్ ల సరిహద్దు సమస్యలకు, బ్రిక్ దేశాలు చేయగలది ఏమీ ఉన్నట్లుగా కనపడదు. భారత్ కు కూడ తనకు తీరని కోరిక, భద్రతా సమితి శాశ్వత సభ్యత్వానికి చైనా అడ్డుపడకుండా ఉంటే చాలని కోరుతుందేమో. అంతకు మించి బ్రిక్ నుండి భారత్ ఆశించాల్సింది ప్రాధమికంగా ఉండదు.

బ్రిక్ దేశాలకు ఒక బ్యాంకు ఉండాలని శ్రీ నరేంద్ర మోడీగారు కోరుకోటం తప్పుకాదు కానీ, ఇవన్నీ విష్ ఫుల్ థింకింగ్ తరగతి లోకి వస్తాయి. చైనా వద్ద విదేశమారక నిధులు భారీగా ఉన్నాయి. అది తన నిధులన్నిటినీ, అమెరికన్, యూరోపియన్ బ్యాంకులలో పెట్టటానికి వెనుకాడుతున్నది. చైనా తన విదేశీ నిధులను బ్రిక్ దేశాల బ్యాంకుకు పెట్టుబడిగా కానీ, డిపాజిట్ గా కానీ సమకూరిస్తే, ఆనంద కరమే కానీ, దేశాలు ప్రాధమికంగా తమకు ఏది లాభమో చూసుకుంటాయి గానీ, స్నేహానికి పెద్ద విలువ ఇవ్వవు.

ఇది ఇలా ఉంటే, ఇపుడు అసలు సమస్యకి వద్దాము.

స్వదేశంలో ఉక్క, భారత ప్రధానులకి విదేశాలే కూలింగ్ సెంటర్లు

భారత జనాభా 129 కోట్లకు చేరుకుంది. మన సమస్యలు ఆహార కొరత, దారిద్ర్యం, ధరల పెరుగుదల, తారాస్థాయికి చేరుకున్నాయి. ఇదికాక పదవులకోసం, నిధులకోసం, సప్లై కాంట్రాక్టుల కోసం పీక్కుతినేవాళ్ళు చుట్టుముట్టుతూ ఉంటారు. ఈఉక్కకు, ఉష్ణానికి తట్టుకోలేక గతంలో మన్మోహన్ సింగు గారు, నేడు శ్రీమోడీగారు విదేశాలంబటి తిరుగుతున్నారా అనే అనుమానం కలుగక మానదు.

అయితే ప్రధాన మంత్రులు శాశ్వత విదేశీ యాత్రికులయ్యే ఆచారం భారత్ లో ఈనాటిది కాదు. ప్రధమ ప్రధాని జవహర్ లాల్ నెహ్రూ గారి కాలం నుండీ వస్తున్నది. కొంత మేరకు లాల్ బహదూర్ శాస్త్రిగారు మినహాయింపు. ఇందిరా గాంధీ, రాజీవ్ గాంధీ, పివి నరసింహారావు, విపి సింగు, అటల్ బిహారీ వాజపేయీ, మన్ మోహన్ సింగు, వీరంతా విదేశీ పర్యటనలలో ఆరితేరిన వారే.

ఇంట్లో ఈగలమోత, బయట పల్లకీలమోత, అన్నట్లుగా ఒక్కోటి వెయ్యేసి కోట్లు ఖర్చుచేసి వివిఐపీ ల ప్రయాణాలకు ప్రత్యేక భద్రతా విమానాలను కూడ కొనుక్కున్నారు.

ఇంగ్లండు, ఫ్రాన్స్, ఆస్ట్రేలియా, సింగపూర్, చైనా, జపాన్ మొ|| దేశాల ప్రధాన మంత్రులకు-అధ్యక్షులకు, భారత ప్రధానులకు-రాష్ట్రపతులకు ముఖ్యభేదమేమిటంటే, ఆదేశాల ప్రధానమంత్రులు, అధ్యక్షులు ఏదేశంలో పర్యటించినా, తమదేశాలకు చెందిన సరుకులను అమ్మటానికి ప్రయత్నిస్తారు. వాళ్ళకు తెలుసు, ఎక్స్పోర్ట్ ఆర్ పెరిష్ అనే సూత్రం పై తమ దేశాలు బ్రతకక తప్పదు. మన ప్రధానులు రాష్ట్రపతులు ఎక్కడికి వెళ్ళినా దిగుమతుల ఒప్పందాలను, సాంస్కృతిక ఒప్పందాలను మూటగట్టుకొని వస్తారు. వెళ్లిన చోట, గౌరవ డాక్టరేట్లు, పౌరసత్వాలు కాక, గేటు దాక వచ్చి సాగనంపటం కాక, ఏవైనా మత్తెక్కిచ్చే పనులేమైనా చేస్తారేమో, కొన్ని సార్లు దీర్ఘకాలికంగా ఇబ్బందులు పెట్టే వాగ్దానాలను చేసి వచ్చి, ఇండియాలో అమలు పరచటానికి ప్రయత్నిస్తూ ఉంటారు. అణు ఒప్పందం పై, శ్రీమన్మోహన్ సింగు గారు, అమెరికాలో చేసి వచ్చిన వాగ్దానాలు, దీనికి చక్కని ఉదాహరణ. వాటిని భారత్ లో అమలు పరచటానికి, లోక్ సభలో నెగ్గించుకోటానికి, ఆయన పార్టీవారు చివరికి పార్లమెంటు సభ్యులను కొనుగోలు చేయవలసి వచ్చింది. అమెరికాకు తాను చేసిన వాగ్దానాన్ని నెరవేర్చటానికి, ఆయన రాజీనామా చేస్తానని బెదిరించ వలసి వచ్చింది. కాంగ్రెస్ అనవసరంగా సిపిఎమ్ వంటి నమ్మకమైన మద్దతు దారుని కోల్పోయింది. పోనీ, అమెరికాతో శ్రీ సింగు గారు చేసుకున్న అణు ఒప్పందం వల్ల మేలు ఏమైనా జరిగిందా అంటే సందేహాస్పదమే.

భారత్ కు ఇద్దరు ప్రధానులు అవసరం

129 కోట్ల జనాభా ఉన్న ఈదేశానికి ఇద్దరు ప్రధానులు ఉండటంలో తప్పులేదు. అధికార వికేంద్రీకరణ కోణంలోంచిచూసినా ఇది అవసరమే. తరచుగా ప్రధాని విదేశ పర్యటనలకు వెళ్తే , ఇక్కడ ఉన్న అసలు సమస్య అవినీతి, దరిద్రం, ఆదాయం-సంపదలలో వ్యత్యాసాలు ఈసమస్యలను ఎవరు పరిష్కరిస్తారు. మితిమీరిన అధికార కేంద్రీకరణ జరిగినందు వల్ల ప్రధాని విదేశాలకు వెళ్ళిన ప్రతిసారీ, పాలన మూలపడుతూ ఉంటుంది. మంత్రులు , బ్యూరోక్రాట్లు, ఆటవిడుపుగా భావించి , అయ్యగారు వెనక్కి వచ్చేదాకా, తాము చెయ్యాల్సింది ఏమీ లేదనుకొని, విందులు వినోదాలతో కాలక్షేపం చేస్తూ ఉంటారు.
భారత్ కు మొదటి ప్రధాని Prime Minister-External, రెండవ ప్రధాని Prime Minister-Internal అవసరం.

Prime Minister-External గారికి కొందరు కేంద్ర మంత్రులను తగిలించ వచ్చు. విదేశాంగ మంత్రి, సరిహద్దుల రక్షణ మంత్రి , రక్షణ కొనుగోళ్ళమంత్రి, విదేశ కామర్సు మంత్రి, సార్కు వ్యవహారాల మంత్రి, విదేశీ పెట్టుబడుల మంత్రి, విదేశీ టూరిజం, విదేశీ విద్య మొ|| కేవలం విదేశీ మరియు అంతర్జాతీయ పధ్ధతులయెడల సరియైన అవగాహన కావలసిన శాఖలను Prime Minister-External గారి చేత పర్యవేక్షింప చేసి ఆయనను బాధ్యుడిని చేయ వచ్చు. ఆయన 24 గంటలు విదేశీ పర్యటనలు చేసుకున్నా మనకు ఇబ్బంది ఉండదు.






ప్రస్తుతం రాజ్ నాథ్ సింగు గారికి శ్రీ మోడీ గారు, గుడిసె కాపలా అప్పగించి వెళ్ళారు. శ్రీ రాజ్ నాథ్ సింగ్ గారి పెద్దరికాన్ని సుష్మా స్వరాజ్, శ్రీ అరుణ్ జైట్లీగారు, ఎంతవరకు మన్నిస్తారో తెలియదు. వారంతా ఒక్కటే అన్నట్లుగా కనిపించినా, సబ్ లిమినల్ గా నేతా సహజమైన కాంక్షలు ఉంటాయి.

ప్రధాని ఇంటర్నల్ గనుక ఉంటే, దేశంలోని ఆంతరంగిక వ్యవహారాలన్నీ ఆయన శ్రధ్ధగా చూసుకోవచ్చు. కేవలంప్రధానమంత్రి విదేశాలనుండి వెనక్కి రావటం కొరకు ఏదీ వేచి ఉండ నవసరంలేదు.

భారతీయ ప్రధానుల ప్రధాన జబ్బు ఏమిటంటే, వారు అధికారాన్ని పంచుకోటంలో వారు ఏకాకులు, పరమ నియంతలు. ఎట్టి పరిస్థితులలోనూ, వారు తమ అధికారాన్ని షేర్ చేసుకోటానికి ఇష్టపడరు.

ఈ సందర్భంగా పోస్టు నంబర్ ౩౧౩ కూడ చూడండి.Click to see 313.

ఇంకా ఉంది.