293 Indian Parliament may need breath-analysers at entrances

293 లోక్ సభ, రాజ్యసభల్లో ప్రవేశ ద్వారాల వద్ద శ్వాస పరీక్షా యంత్రాల అవసరం ఉందేమో.
చర్చనీయాంశాలు: 293, లోక్ సభ, TMC, BJP, Rail Budget, Breath-analysers, బిజెపి, మద్యం

---

ప్రజాస్వామ్యంలో చట్టసభలంటే చాల పవిత్రమైన వ్యవస్థల క్రింద లెక్క. కానీ భారత్ లో (మిగతా దేశాల సంగతి మనకి అంతగా అవసరం లేదు) చట్టసభల పరిస్థితి చూస్తుంటే మనం ఆటవిక సమాజంలో ఉన్నామా అనే అనుమానం కలుగక మానదు. ఋజువు: రైల్వే బడ్జెట్ ను ప్రవేశ పెట్టాక, లోక్ సభలో ధరల పెరుగదల పై తృణమూల్ సభ్యులు ఆందోళన వెలిబుచ్చటానికి పూనుకున్నారు.

వారు కొంత వోవర్ యాక్షన్ చేసి ఉండ వచ్చు. ''నరేంద్ర మోడీ చోర్ హై'' అని నినాదాలు చేయటం మొదలు పెట్టారు. గత ఎన్నో ఏళ్ళుగా జరుగుతున్న ధరల పెరుగుదలకి నరేంద్ర మోడీ బాధ్యత లేదు అనేది అందరికి తెలుసు. ఆయనని దొంగ అనటం తప్పే కావచ్చు. అంతలోనే బిజెపి సభ్యులకి ఆగ్రహం ముంచుకు వచ్చి తృణమూల్ సభ్యులపై దాడి చేసారుట.

ఈ దాడి చేయబడిన వారిలో తృణమూల్ మహిళా సభ్యురాళ్ళు ఇద్దరు ఉన్నారు. వారు చెప్పిన దాని బట్టి చూస్తే దాడిచేసిన బిజెపి సభ్యులు మద్యం మత్తులో ఉన్నారు.

బిజెపి సభ్యులు ఈ ఆరోపణలను ఖండించారనుకోండి.

ఈరోజు నవభారత్ టైమ్స్ పత్రికలో వచ్చిన ఈహిందీ వార్తా భాగాన్ని చదవండి. మొత్తం చదవాలనుకునే వారికి లింకు: క్లిక్ click

''...टीएमसी सांसद काकोली घोष ने इस हंगामे पर कहा, 'हम रेल बजट के विरोध में शांति से नारे लगा रहे थे। बीजेपी के शराब पिए हुए एक सांसद अपने पांच-छह साथियों के साथ हम पर हमला करने के लिए आए। उन्होंने महिलाओं को गंदी गालियां भी दीं।' उधर, बीजेपी सांसद राजभर ने काकोली घोष के इन आरोपों को झूठा करार दिया। तृणमूल की दूसरी महिला सांसद शताब्दी रॉय ने कहा कि हम लोकसभा में शांति से विरोध कर रहे थे, तभी दो बीजेपी सांसद ने हम पर हमला किया और धमकाया। उन्होंने कहा कि उन्हें शक है कि ये सांसद नशे में थे।...''

తెలుగు సారం: తృణమూల్ కాంగ్రెస్ సభ్యుడు కాకోలీ ఘోష్ ఈ హంగామా గురించి ఇలా అన్నారు: ''మేము రైల్వే బడ్జెట్ ను వ్యతిరేకిస్తూ సభలో నినాదాలు చేస్తున్నాము. మద్యం తాగి ఉన్న ఒక బిజెపి సభ్యుడు, తన ఐదారుగురు సహచరులతో పాటు మా మీద దాడి చేయటానికి వచ్చాడు. వాళ్ళు మహిళలను మురికి తిట్లుకూడ తిట్టారు.''. అటునుండి చూస్తే, బిజేపీ సభ్యుడు రాజభర్ గారు , శ్రీ కాకోలీ ఘోష్ గారి ఈ ఆరోపణలను అబధ్ధాలని కొట్టి పారేశారు. తృణమూల్ యొక్క రెండవ మహిళా సభ్యురాలు శతాబ్దీ రాయ్ గారు ఇలా అన్నారు: ''మేము లోక్ సభలో శాంతియుతంగా మా వ్యతిరేకత వ్యక్తం చేస్తూ ఉన్నాము. అప్పుడు ఇద్దరు భాజపా సభ్యులు మాపై దాడి చేశారు మరియు బెదరగొట్టారు. వారు (తృణమూల్ మహిళా సభ్యురాళ్ళు అనుకోవాలి): ఆ సభ్యులు మద్యం మత్తులో ఉన్నారని మాకు అనుమానం.''

వైబీరావు గాడిద అభిప్రాయం

మామూలుగా రోడ్డు మీద పోయే బైకుల వారిని, చిన్నకార్లవారినే, పోలీసులు ఎక్కడ బడితే అక్కడ ఆపి బ్రీత్ ఎనలైజర్లతో పరీక్షించి చలానాలు వ్రాసి జరీమానాలు వేస్తూ ఉంటారు. పనిలో పనిగా తమ జేబులు కూడ నింపుకుంటూ ఉంటారు.

లోక్ సభలో మద్యం మత్తులో ఉన్న సభ్యులు దాడులకి దిగారు అనేది చాల తీవ్రమైన ఆరోపణ. ఏమాత్రం సహించరానిది. అప్పటికప్పుడే లోక్ సభ స్పీకర్ సుమిత్రా మహజన్ గారు బ్రీత్ ఎనలైజర్లను తెప్పించి, పార్టీల తేడాలు చూపకుండా, లింగ వివక్ష చూపకుండా, ఆ తొక్కుడు లో పాల్గొన్న సభ్యులు, సభ్యురాళ్ళ నందరినీ, ఆల్కహాల్ కంటెంట్ పరీక్షింప చేస్తే నిజానిజాలు బయట పడేవి.

బిజెపి సభ్యులందరూ సాధువులు, సంతుల క్రింద లెక్క. వారు మద్యపానానికి లక్ష కిలోమీటర్ల దూరంలో ఉండాలి. మిగిలిన పార్టీల సభ్యులు అందరూ సాధు సంత్ లు కాకపోయినా, ప్రజలందరికి బోధలు చేసే అధికారం ఉన్నవారే కాబట్టి, వారు కూడ మద్యానికి పదివేల కిలోమీటర్ల దూరంలో ఉండాలి. మా శీలాన్నే శంకిస్తూ మమ్మల్నందరినీ తాగుబోతుల క్రింద పరిగణిస్తున్నారా, అని సభ్యులు అవమాన భారంతో బాధ పడనక్కర లేదు. మూసలోపోసి కరిగించబడిన బంగారం ఉష్ణోగ్రతకు గురి యైనా, ప్రకాశించటం మానదు కదా. బంగారానికి విలువ అగ్ని లేక నైట్రిక్ యాసిడ్ పరీక్షకు గురియైనప్పుడేకదా.

సుమిత్రా మహజన్ గారు బ్రీత్ ఎనలైజర్ లను ఎందుకు ఆర్డర్ ఇవ్వలేదో, వివరిస్తే బాగుంటుంది.

292 India has to look into its roots with Latvia, Lithuania, Estonia, Sudovia, Old Prussia and Balkans.

292 భారత్ లాట్వియా, లిథుయేనియా, ఎస్టోనియా, సుడోవియా, పాత ప్రష్యా, మరియు బాల్కన్ దేశాలతో ఉన్న తన మూలాలను అధ్యయనం చేయాలి.
చర్చనీయాంశాలు: 292, లాట్వియా, లిథుయేనియా, సుడోవియా, ఎస్టోనియా, బాల్కన్స్, సంస్కృతం, ఆర్యులు

---

ఈమధ్య ఒక మిత్రుడు తనకు ఉండే ఒక సందేహాన్ని వేరొక మిత్రుడు చాలా చక్కగా నివృత్తి చేశాడని చెప్పాడు. దురదృష్ట వశాత్తు ఆ సందేహాన్ని ఎలాంటి సమాచారంతో, వివరణలతో నివృత్తి చేశాడో అడగటానికి వీలు చిక్కలేదు. సందేహం ఏమిటంటే: భారత దేశంలో ఉండే వైశ్యులు ఆర్యులమని చెప్పుకుంటారు, నిజంగా ఆర్యులేనా?

ఈ ప్రశ్నకు జవాబివ్వటానికి ఎక్కడా చరిత్రరచన శాస్త్రానికి, ఆధునిక సైన్సుకి నిలిచే సరియైన సాక్ష్యాధారాలు లేవు. ఆ నివృత్తి కర్త ఎలా ఈ ప్రశ్నకు జవాబిచ్చాడో గానీ, ఈ ప్రశ్నకు ఎవరూ జవాబివ్వలేరు.

నిజానికి వైశ్యులే కాదు, భారత్ లో ఏ కులం వారు, తెగ వారు కూడ ఫలానా ఆర్యులు, ద్రావిడులు, మంగోలులు, ఇంకొకళ్ళు అనిచెప్పటానికి సాక్ష్యాలు లేవు. వర్ణ సంకరం జరగకూడదని (ఉదాహరణ: మహా భారతంలో, భగవద్గీతలో , అర్జున విషాదయోగంలో అర్జునుడు) కొన్ని వర్గాల వారు ఆరాటపడి కులాంతర వివాహాలు జరగకుండా రకరకాల నియమాలు పెట్టి ప్రజలను నానారకాలుగా వేధించినా, మిక్సింగ్ జరిగిపోయింది. నేడున్న భారతీయులందరు హైబ్రిడ్ విత్తనాల లాంటి వాళ్ళే. వీళ్ళు ఫలానా, వాళ్ళు ఫలానా అని, రంగు బట్టో, ముక్కు బట్టో, జుట్టు బట్టో పెదవులను బట్టో చెప్పటానికి వీలులేదు. భారతీయుల రక్తంలో ఆర్య, ద్రావిడ, ఆఫ్రికన్, మంగోల్, చైనీస్, గ్రీకు (యవన), సెమిటిక్ (పశ్చిమాసియా ప్రాంత) మొ|| నానా జాతుల రక్తం కలసి ఉంది. ఇలా అన్నీ కలసి ఉండటానే, మనం ఎన్ని కష్టాలు వచ్చినా, నిబ్బరంతో ఎదుర్కో గలుగుతున్నాం; హాయిగా తన్నుకోగలుగుతున్నాం.

ఆర్యులు మధ్య ఆసియానుండి భారత్ పై దాడి చేశారని పలువురు చరిత్రకారులు అభిప్రాయపడ్డారు. ప్రస్తుతం ఈ మధ్యఆసియా ప్రాంతాన్ని మనం ఉక్రెయిన్, కజకిస్థాన్, మొ|| సోవియట్ రష్యా విభజిత దేశాలుగా భావించాలి.

ఆర్యులు ధృవ ప్రాంతాలనుండి వచ్చారని స్వర్గీయ లోక మాన్య బాలగంగాధర తిలక్ గారు అభిప్రాయ పడ్డారు.

ఈసందర్భంగా నేను చేసిన అధ్యయనాలు, ఉత్తరధృవానికి అత్యంత సమీపంలో ఉన్న నార్వే, స్వీడన్ దేశాలనుండి (లోకమాన్య తిలక్ గారి అభిప్రాయానికి అనుగుణంగా ) ఆర్యులు బయలుదేరి వాటికి ఆగ్నేయంగా ఉన్న బాల్కన్స్ దేశాల్లో ఉన్న లాట్వియా, లిథుయేనియా, సుడోవియా, ఎస్టోనియా దేశాల్లోకి వచ్చినట్లు, అక్కడనుండి దక్షిణంగా వెళ్ళి పోలెండు, రుమేనియా, బల్గేరియా, ఉక్రెయిన్ దేశాల మీదగా, ఇరాన్ (పర్షియా) కి వెళ్ళినట్లు కనిపిస్తుంది. ఇరాన్ నుండి భారత్ కు అక్కడనుండి, ఇండోనేషియా, మలేసియా, థాయ్ లాండ్, కాంబోడియా, వియత్నాం, దక్షిణ చైనా సముద్రతీరం వరకు వెళ్ళినట్లు కనిపిస్తుంది.

ఈ సిధ్ధాంతానికి భిన్నంగా, ఆర్యులు భారత్ లోనే జన్మించి ప్రపంచం మొత్తాన్ని జయించారనే మతవిశ్వాసాల కనుగుణమైన నమ్మకం కూడ ఉంది.

లాట్వియన్, లిథుయేనియన్, సుడోవియన్, ఎస్టోనియన్, ఓల్డ్ ప్రష్యన్ మొ|| దేశాల భాషల పదజాలములు , వాక్యనిర్మాణములు, సంస్కృతానికి చాల దగ్గరగా ఉంటాయి. ఆంగ్లం, సంస్కృతాలు కూడ ఇండో యూరోపియన్ ప్రొటోటైప్ అనే ప్రాచీన స్కాండినేవియన్, నార్త్ యూరోపియన్ (నార్వే, స్వీడన్, ఉత్తర జర్మనీ, డెన్మార్క, ఫిన్ లాండ్, బాల్కన్స్ దేశాల అతి ప్రాచీన భాష)నుండి పుట్టటాన, అవి సోదర భాషలు గా అయ్యాయి. ఫాదర్-పితృ, మదర్-మాతృ, బ్రదర్-భ్రాతృ, అస్తి-ఈజ్, వయం-వుయ్ (వి), అస్మాకం-అజ్, యువం-యు, ఇలాగ ఆంగ్లంయొక్క అత్యవసర మూల పదాలన్ని ఇండో యూరోపియన్ ప్రొటోటైప్ కి చెందినవే. వీటిని ఆంగ్లం తెలిసిన కొందరు సంస్కృత పండితులు గుర్తించి, సంస్కృతంలోంచే ఆంగ్లం పుట్టింది అనే సిధ్ధాంతాన్ని లేవదీశారు.

దురదృష్టవశాత్తు యూరప్ మొత్తం రోమన్ కేథలిక్కుల దాడికి గురైంది. ఇంగ్లండుకూడ ఫ్రాన్సు, జర్మనీ లనుండి దాడులకు గురి అయ్యింది. ఇంగ్లీషులోకి ఫ్రెంచి, మొ|| భాషల పదాలు జొరబడి, ఇండో యూరోపియన్ ప్రొటోటైపు పదాలను మూలకి నెట్టాయి. లాట్వియన్,లిథుయేనియన్, సుడోవియన్, ఎస్టోనియన్, ఓల్డ్ ప్రష్యన్ (ఈ ఓల్డ్ ప్రష్యా బాల్కన్స్ లోనిది. దీనికి జర్మనీలోని బిస్మార్కుగారి ప్రష్యాకి, ఇరాన్ లోని పర్షియాకి ఏసంబంధం లేదు), భాషల్లోకి కూడ ఆంగ్లపదాలు బాగా చొరబడి, ఇండోయూరోపియన్ మూలాలను వెనక్కి నెట్టేశాయి. అయినా కూడ, బాల్కన్స్ దేశాలు ముఖ్యంగా లాట్వియన్లు, కొంతమేరకు లిథుయేనియన్లు తమ పూర్వ సంస్కృతిని మర్చిపోలేదు. కేథలిక్కులు ప్యాగన్ గా ఛీ కొట్టిన (క్రిస్టియానిటిలో క్రీస్తుని నమ్మని వారంతా ప్యాగన్ లే. ఇస్లాంలో అల్లాని నమ్మని వారంతా కాఫిర్ లే. ఆర్య మతంలో ఆర్య దేవతలను నమ్మని వారంతా మ్లేఛ్ఛులే), తమ ప్రాచీన జానపద సంస్కృతిని వారు పునరుధ్ధరించుకోవాలని ప్రయత్నించటం కనిపిస్తుంది.

ఈసందర్భంగా, లాట్వియా లిథుయేనియా భాషలతో మనకుగల దగ్గర సంబంధాన్ని అధ్యయనం చేయాలనుకునే వారు నా బ్లాగ్ ఇండోయూరోపియన్ డిక్షనరీవైబీ.బ్లాగ్ స్పాట్.కామ్http://indoeuropeandictionaryyb.blogspot.in/ కి వెళ్ళటానికి క్లిక్ ను అధ్యయనం చేయవచ్చు. అక్కడ లాట్వియన్ అనే యూజర్, లాట్వియన్ భాషలోంచి, ఏరి జోడించిన వేయికి పైగా పదాలను గమనించ వచ్చు.

ఈసందర్భంగా లిథుయేనియాలోని అతిథి సత్కారాల సంప్రదాయాన్ని అధ్యయనం చేద్దాం. ఈ కోట్ దక్కన్ క్రానికల్ దినపత్రిక, టాబ్లాయిడ్ పేజీ నంబరు 27, తారీకు 5.7.2014 శనివారం, నుండి సేకరించినది. శీర్షిక పేరు టిపుల్. ఈ శీర్షికను నిర్వహిస్తున్నది మినీ రెబిరో అనే మహిళామణి. శీర్షిక లక్ష్యం, మద్యం యొక్క రసికత్వ విద్యను ప్రోత్సహించటం కావచ్చు.
ఈ శీర్షికలో, పైభాగంలో వ్రాసిన మూడు ఐటమ్స్ లో , కుడివైపు చివరిది డీసీ కరస్ పాండెంట్ గారు వ్రాసినది, మన లిథుయేనియా అంశం.
ఇపుడు ఆంగ్లంలో కోట్ చేస్తాను.

Krupnika defines Lithuania.

Krupnik (Polish), or Krupnikas (Lithuanian), is a traditional sweet alcoholic drink similar to a liqueur, based on grain spirit (usually vodka) and honey, popular in Poland and Lithuania. At 40% ABV, it is a pale yellow-gold spirit with a flowery nose. The mouth-feel is thinner than most sweet liqueurs, and it tastes very much like it smells, except it also tastes very alcoholic. Honey is the main ingredient, but the highlight involves all those spices and 50 different herbs. It may served hot, at room temperature or chilled.

In Lithuania, it is common practice to bring a gift if you are visiting someone's home. An appropriate gift is a bottle of Krupnika. However, whether or not you have brought some, your host should produce a bottle of Krupnika on your arrival and pour you a shot. Tradition has it that you look your host in the eye and say "I sveikata" (cheers), then down that shot. Casually pour a shot for the person to your left, and they should likewise address you before taking the shot. The bottle goes around the table in this way until it is finished. Apparently in Lithuania, a drunk guest is a happy guest. Nobody's complaining.

తెలుగు సారం: కృప్నిక్ (పోలిష్ భాష) లేక కృప్నికాస్ (లిథుయేనియన్ భాషలో) ఒక సంప్రదాయిక , మధుర మద్యం , ధాన్యం ఆధారిత సారాయి (సాధారణంగా వోడ్కా), మరియు తేనె ఆధారితమైనది, పోలెండ్, లిథుయేనియా దేశాలలో జనాదరణ పొందినది. 46% ఆల్కాహాల్ తో, పాలిపోయిన బంగారు పసుపు రంగుతో, ఈ మద్యం పుష్ప సౌరభం కలిగి ఉంటుంది. ఇతర మధుర మద్యాలతో పోలిస్తే నోరంత థిన్నర్ ఫీల్ అవుతుంది. (వైబీగాడిద వివరణ: పల్చన అంటే బహుశా ఇతర స్వీట్ మద్యాలతో పోలిస్తే తక్కువ చిక్కగా ఉండటం వల్ల నోరంతా తక్కువ నిండినట్లు ఫీల్ అవుతుందేమో అని మనం అర్ధం తీసుకోవచ్చేమో. తాగే వాళ్ళకే తెలియాలి). అది ఎలా వాసన వస్తుందో, అలాటి రుచినే కలిగి ఉంటుంది; మినహాయింపుగా, అదనపు ఆల్కాహాలిక్ రుచి కలిగి ఉంటుంది. (వైబీగాడిద: 46% కదా. యూరియాలో నత్రజని శాతంలాగా). ముఖ్య పదార్ధం తేనెయే. అయితే హైలైట్ ఏమిటటే, ఇంకా పలు సుగంధ ద్రవ్యాలు, 50 దాకా మూలికలు కలుస్తాయి. దీనిని వేడిగానూ, గది ఉష్ణోగ్రతలోనూ, శీతలీకరించి గానీ సేవించ వచ్చు.

లిథుయేనియాలో, అతిథులు తమకు ఆతిథ్యం ఇచ్చేవారి ఇళ్ళకు వెళ్ళేటపుడు, ఏదో ఒక బహుమతి తీసుకెళ్ళే కామన్ ఆచారం ఉంది. ఒక కృప్నికా సీసా చక్కని బహుమతిగా అమరుతుంది. మీరు కృప్నికా సీసాను మీ ఆతిథ్యదాత ఇంటికి తీసుకెళ్ళినా, తీసుకువెళ్ళకపోయినా, మీరు వెళ్ళగానే, మీ ఆతిథ్యదాత గారు కృప్నికా బాటిల్ ను తెరిచిమీముందు ఒక షాట్ పోసి మీకు ఆఫర్ చేయాలి. సంప్రదాయం ప్రకారం, మీరు మీ ఆతిథ్యదాత గారి కళ్ళలోకి కళ్ళు పెట్టి చూసి, ''ఐ స్వీకతా (ఛియర్స్)'' అనాలి. అపుడు ఆ షాట్ మద్యాన్ని గొంతులోకి దించుకోవాలి. మీకు ఎడమప్రక్కన కూర్చున్నవారి గ్లాసులోకి కృప్నికాను పోసాక, వారు కూడ అలాగే '' ఐ స్వీకతా '' చెప్పాలి. ఆసీసా అలా రౌండు తిరిగి టేబుల్ చుట్టి వస్తుంది (సీసా ఖాళీ అవచ్చు). లిథుయేనియాలో త్రాగిన అతిథి సంతృప్తుడు గనుక హేపీ గెస్ట్ క్రింద సహించబడతాడేమో. ఫిర్యాదులేమీ ఉన్నట్లు లేవు.

ఇంకా ఉంది.

వైబీరావు గాడిద అభిప్రాయం

త్వరలో వ్రాస్తాను. ఈలోగా ఓపిక ఉన్నవారు, శ్రీరాముడు సీతకు తాగించిన మద్యాన్ని వాల్మీకి రామాయణంలోనూ, శ్రీకృష్ణుడు తన అష్టపత్నులకు త్రావించిన మద్యాన్ని, అర్జునుడు ద్రౌపది, సుభద్రలకు అందించిన మద్యాన్ని మహాభారతంలో ఆదిపర్వం ఖాండవ దహనం ముందు ఆధ్యాయంలో, ఈకృప్నికతో పోల్చి పరిశీలించుకోవచ్చు. ఈ మూడు మద్యాలు కూడ తేనె ఆధారితాలే.

291 Left leaders can never behave like Regional leaders

291 వామ పక్షనేతలు ప్రాంతీయనేతల వలె మాట్లాడటం వామపక్ష సిధ్ధాంతాలకు వ్యతిరేకం.
చర్చనీయాంశాలు: 291, వామపక్షాలు, రాయలసీమ, సిపిఎమ్, సిపిఐ, కోస్తా, రామ్ టెక్

---

ఆంధ్ర ప్రదేశ్ సీపీఎమ్ ప్రధానకార్యదర్శి, మరియు పోలిట్ బ్యూరో సభ్యులు, శ్రీ బివిరాఘవులుగారు ''ఆంధ్ర ప్రదేశ్ రాజధాని రాయలసీమ హక్కు '' అనే సభలో అన్నట్లుగా పత్రికలలో వచ్చిన వార్తను చూడండి.

''...ఆంధ్రప్రదేశ్ ముఖ్యమంత్రి చంద్రబాబునాయుడు, ప్రతిపక్షనేత జగన్మోహన్ రెడ్డి ఇద్దరూ రాయలసీమకు చెందిన వారే అయినప్పటికీ, అక్కడి ప్రజలకు సమన్యాయం జరుగుతుందనే నమ్మకం లేదు. ...''

English gist: "...Though Andhra Pradesh Chief Minister Chandrababu Naidu, Opposition Leader Jaganmohan Reddy, both belong to Rayalaseema, there is no faith that justice will take place to those people. ..."

వైబీరావు గాడిద అభిప్రాయాలు

ఈ మాటలు ఒక ప్రాంతీయ పార్టీ నేత మాట్లాడవలసినవే కానీ, అఖిల భారత పార్టీకి చెందిన నేత మాట్లాడవలసినవి కాదు. ముఖ్యంగా వామ పక్షనేతలు మాట్లాడ వలసినవి కాదు.

అఖిలభారత పార్టీల నేతలు ప్రాంతీయ సమన్యాయం కొరకై కృషి చేయటంలో, వాదించటంలో తప్పు లేదు. కానీ, ముఖ్యమంత్రులు ఒక ప్రాంతానికి చెందిన వారు కాబట్టి వారు ఆప్రాంతానికి దోచిపెట్టటం, అభివృధ్ధి ప్రాజెక్టులను మళ్ళించటం సరియైన పధ్దతి కాదు. ఇలాంటి తమ నియోజక వర్గాలకు నిధులను , ప్రాజెక్టులను దోచిపెట్టే పధ్ధతిని అమలు చేసి, మనకి ఆదర్శంగా ఉండాల్సిన అగ్రనేతలైన సోనియా గాంధీ, ఇందిరా గాంధీ, లాలూ ప్రసాద్ యాదవ్, నితీష్ కుమార్, మమతా బెనర్జీ వంటి వారు, తమతమ నియోజక వర్గాలలో తమ విజయాలను ఖాయం చేసుకున్నారు , కానీ తాము చేస్తున్న విద్రోహం తమను ప్రాంతీయ నేతల స్థాయికి దిగజారుస్తున్న సంగతి మర్చిపోయారు.
ఈ పధ్ధతులకు స్వర్గీయ పివి నరశింహారావు కొంత మినహాయింపు గా ఉండేవారు. అందుకే, ఆయన ఒకే నియోజక వర్గం నుండి రెండు సార్లు గెలవటం కష్టమైపోయి మహారాష్ట్ర రామ్ టెక్ నుండి పోటీ చేసినట్లు గుర్తు.

నిజంగా అఖిల భారత నేతగా జీవించటం వేరు, నటించటం వేరు

శ్రీ జైపాల్ రెడ్డి గారు కేంద్ర మంత్రిగా ఉండగా, కొందరు తెలంగాణ నేతలు ఆయనను కలిసి, ప్రత్యేక తెలంగాణ రాష్ట్రం గురించి అడుగగా, నేను భారత దేశానికి మంత్రిని కానీ, తెలంగాణకు మంత్రిని గాను అన్నట్లు వార్తలు వచ్చాయి. తరువాత ఆమహనీయుడే, తనకు తెలంగాణ ముఖ్యమంత్రి పదవి బంగారు పళ్ళెంలో లభిస్తుందనే ఆశ కలిగే సరికి ప్రాంతీయనేతగా మారిపోయి ప్లేటు మార్చేశాడు.

వామ పక్షాలకు వామ పక్షాల సిధ్ధాంతాలు ప్రాధాన్యం కావాలి, ప్రాంతీయ రెచ్చ గొట్టుడులు కాదు

వామ పక్ష పార్టీల ప్రధాన సిధ్ధాంతం సామ్యవాదం. ఇందులో కీలకం ప్రైవేటు ఆస్తిని నిర్మూలించటం. ధనం యొక్క పాత్రను సమూలంగా పెరికి వేయటం. అసమానతలను కూకటి వేళ్ళతో పెకలించటం. ప్రాంతీయవాదం పై దృష్టి పెరిగిన కొద్దీ మూలసిధ్ధాంతం మూల పడుతుంది. దురదృష్టవశాత్తూ, కాంగ్రెస్ వలెనే, కమ్యూనిస్టులు కూడ మైనారిటీ వోట్లకోసం తహతహలాడుతూ కొంత మతాన్ని నెత్తిన రుద్దుకోటం జరుగుతున్నది. ఫలితంగా, హిందువులందరు, బిజెపి దిశగా వెళ్ళటం జరిగింది. కమ్యూనిజం ప్రకారం మతం అనేది పేదలు తమ బాధలను మర్చిపోవటానికి పెట్టుబడిదారులు వాడే మత్తు మందు. భూస్వాములు, వ్యాపారులు, పారిశ్రామిక వేత్తులు, గుడులు, చర్చీలు, మశీదులు మొ|| ప్రార్ధనా మందిరాలు కట్టిస్తుంటే, పేదలు వాటిలోకి వెళ్ళి ఉన్నాడో లేడో నిర్ధారించబడని దేవుడిని ఎలుగెత్తి ప్రార్ధించుకుంటూ, తమ కష్టాలు ఏనాటికైనా తీరతాయిలే అనే ఆశతోనే చివర రోజులు గడపటం జరుగుతుంది. కాబట్టి కమ్యూనిస్టులు మతాన్ని ఇంటిలోపల జరిగే ప్రార్ధనలకే పరిమితం చేయించే దిశలో ప్రజలకు నచ్చచెప్పాలి. దీని వల్ల సామూహిక స్థలాలలో మతవైషమ్యాలు పెరగవు.

ప్రాంతీయ వైషమ్యాలను రెచ్చగొట్టేది కూడ భూస్వాములు, పెద్ద వర్తకులు, పారిశ్రామిక వేత్తలు, ఘరానా డాక్టర్ లాయర్ యాక్టర్ వంటి ప్రొఫెషనల్సే. వామపక్షాలు వీటికి దూరంగా ఉండాలి. ఉదాహరణకు, సిపిఐ శ్రీనారాయణ గారు తెలంగాణ ఉద్యమంలో అతిగా పాల్గొని చివరికి ఏమి సాధించారు? ఆంధ్రలో వామ పక్షాల స్థితి ఎలా ఉందో తెలంగాణలో కూడ అలానే ఉంది. శ్రీరాఘవులు గారు ఈ సత్యాన్ని గ్రహించక పోతే ఎండమావులలో నీళ్ళున్నాయనుకుని పరుగెత్తి సృహ కోల్పోయి నట్లవుతుంది. శక్తియుక్తులను ప్రాంతీయ, కుల, మత, స్థానిక సమస్యలపై వృధా చేసుకోకుండా, ఏకోన్ముఖంగా కృషి చేసుకోవాల్సి ఉంటుంది.

ప్రశ్న: వామ పక్షాల ఐక్యత అవసరమా?

దేశంలో ఒకటే వామ పక్షం (లేక వామ పక్షాల ఫ్రంటు) ఉంటే ప్రజలు దానితో అసంతృప్తి చెందితే ఎవరికి పట్టం కట్టాలి? బెంగాల్ లో జరిగిందిదే. ప్రధాన ప్రతి పక్షం కూడ వామ పక్షమే అయితే, ఎవరు గెలిచినా కర్షక కార్మిక వర్గమే అధికారంలోకి వస్తుంది కాబట్టి, శ్రామిక వర్గ నియంతృత్వం (dictatorship of proletariat) సాక్షాత్కారమవుతుంది. అందుకని శ్రీ ప్రకాశ్ కారత్ గారు, శ్రీ సీతారాం ఏచూరి గారు, శ్రీరాఘవులు గారు, శ్రీ నారాయణ గారు, ఈ వామ పక్షాల ఐక్యత, ఒకే తాటి క్రిందికి రావాలి అనే అరిగిపోయిన రికార్డును వదిలేసి వామపక్షాలమధ్యే ప్రధానపోటీ అనే కొత్త సిధ్ధాంతానికి ఊపిరి పోయాలి. భూస్వామ్య పార్టీలను, పారిశ్రామికవేత్తల పార్టీలను, రంగంనుండి తప్పుకునేలాగా ప్రజాభిప్రాయాన్ని నిర్మించాలి.

కృష్ణా, గుంటూరు, తూర్పు గోదావరి , పశ్చిమ గోదావరి జిల్లా లు రాయలసీమ కన్నా ఎక్కువ అభివృధ్ధి చెందాయా?

జవాబు: ఇది ఒక భ్రమ. ఈనాలుగు జిల్లాలలో జనాభా వత్తిడి అధికంగా ఉండటం వల్ల, గ్రామాలు దగ్గర దగ్గరగా ఉండటం, గ్రామాలు పట్టణాలుగా మారటం జరిగినందు వల్ల, వీధిలైట్లూ, ఇళ్ళల్లో లైట్లూ ఎక్కువగా వెలుగుతూ ఉండటం, జనాభాకు తగినట్లుగా అధిక సంఖ్యలో దుకాణాలు ఎక్కువగా ఉండటం, రహదారుల వెంట ధాబాలు, వైన్ షాపులు ఎక్కువగా ఉండటం వల్ల ఇక్కడ ఏదో అభివృధ్ధి జరిగిందన్న భ్రమ కలుగుతుంది. ఇళ్ళు, జనం ఎక్కువగా ఉంటే అభివృధ్ధి జరిగింది, ఇంక ఈప్రాంతంలో పేదలు లేరు, లేక ఈపేదలకు ఏమీ చేయనక్కరలేదు అనుకుంటే, అది ఘోర తప్పిదమవుతుంది.

ఈమధ్య నేను, బాగా అభివృధ్ధి చెందిన జిల్లాలుగా ముద్రబడిన తూగోజీ, పగోజీ లలోని అమలాపురం, తణుకు పట్టణాలలో ఇళ్ళు , అపార్టుమెంట్ల నిర్మాణాలపై ఒక సర్వే చేశాను. దానిలో బయట పడిన విషయం విస్మయకరమైనది.

దేశంలో వ్యవసాయయోగ్యమైన భూమికి కరువుగా ఉన్నందున, అందులోను గోదావరి డెల్టా వంటి గ్యారంటీ సాగునీరు ఉన్న భూములకు డిమాండు విపరీతంగా ఉన్నందున భూముల ధరలకు, కౌళ్ళకు రెక్కలు వచ్చాయి. కొన్ని చోట్ల ఎకరం కోటి రూపాయల దాకా పోయింది. కాని వరిసాగు చేస్తే బురదలోకి తాము దిగాల్సిరావటం భూస్వాములకు, మధ్యస్థాయి రైతులకు రుచించలేదు. వారు తెలివిగా, తమ భూములలో ఒక ఎకరాని అధిక ధరకు అమ్ముకొని కొన్ని లక్షలరూపాయలు వస్తే, వాటిలో ఒక 20 లక్షలు దాకా ఖర్చు చేసి తణుకు, అమలాపురం, భీమవరం, రావులపాలెం, రాజమండ్రి వంటి పట్టణాలలో, ఫ్లాట్లు, ఇండిపెండెంట్లు ఇళ్ళు తీసుకొని పిల్లలను ఘరానా ప్రైవేటు స్కూళ్ళలో చేర్చి , ఇంట్లో ఏసీలు బిగించుకొని ఘరానా జీవనం మొదలు పెట్టారు. పొలం అమ్మిన డబ్బులను వడ్డికి తిప్పుతూ, లేక బ్యాంకుల్లోనో, చిట్ ఫండ్లలోనో వేసి నెలవారీ వడ్డీ తింటం, నెలకు 6 వేలు 7 వేలు వచ్చే ఇస్త్రీ గుడ్డలు నలగని ఉద్యోగాలు, వృత్తుల్లోకి దిగటం జరుగుతున్నది. గ్రామాలలో, మిగిలిన పొలాన్ని కౌలుకు తీసుకున్న కౌలురైతులు కౌలు చెల్లించలేక చస్తున్నారు. ప్రభుత్వం ఏదైనా ఋణ మాఫీలు వంటివి ఇస్తే వాటిని కూడ పట్టణాల లోని యజమానులు స్వాహా చేస్తున్నారు.

కోస్తా జిల్లాలలోని (కొందరు) భూస్వాములకి, వ్యాపారులకి, పారిశ్రామిక వేత్తలకి మన చంద్రబాబు నాయుడిగారాలాగా, నరేంద్రమోడీగారి లాగా '' షో '' ఎక్కువ, కోతలు ఎక్కువ, పని చేయటం తక్కువ. సినిమా రంగంలోకి వాళ్ళు ప్రవేశించి, థియేటర్లను గుత్తగా కొని, లేక కిరాయికి తీసుకోటం, రియల్ ఎస్టేట్ వ్యాపారాలు చేయటం, ఏసీ నాన్ వెజ్ హోటళ్ళు, ఫిలిమ్ సిటీలు, హోయ్ హోయ్ ఎమ్యూజ్ మెంటు పార్కులు కట్టటం, రీయింబర్స్మెంటు కాలేజీలు కట్టటం, డొనేషన్లు కట్టి పిల్లలను డాక్టర్లు చేయించటం, మొ|| నానావిధ టక్కుటమార విద్యలలో వాళ్ళు రాటు తేలిపోయారు. అందు వల్లనే చంద్రబాబుగారు ఇలాగా 'రాజధాని విజయవాడ సమీపంలో ఉంటుంది' అనగానే భూములు నాలుగు రెట్లుపెరిగాయి. అదిగో పులి అంటే ఇదిగో తోక అనే లక్షణం ఎక్కువ.

ఈ లక్షణాలన్నీ పేట్రేగి పోయినపుడు కోస్తా జిల్లాలలో అందరూ ధనవంతులే, అనే అభిప్రాయం కలగక మానదు. సత్యం తత్ విరుధ్ధం. రాయలసీమలో వలెనే, ఉత్తరాంధ్రలో వలెనే, తెలంగాణలో వలెనె, మధ్యాంధ్రలో, దక్షిణాంధ్రలో కూడ దరిద్రం తాండవిస్తున్నది. మింగ మెతుకులేదు మీసాలకు సంపెంగనూనె అనే స్వభావం వల్ల, ఇంట్లో ఈగలమోత, బయట పల్లకీలమోత బయట పడటం లేదు.

కాబట్టి వామ పక్షాలు తమ కమ్యూనిస్టు సిధ్ధాంతాల కనుగుణంగా ప్రైవేటు ఆస్తి నిర్మూలనకు, అన్ని వ్యాపారాలను, పరిశ్రమలను ప్రభుత్వరంగంలోనే నడిపి, ప్రతి పౌరుడికి తిండి, గుడ్డ, క్వార్టర్స్, ఫ్రీ ప్రయాణం, వృధ్ధాప్యంలో భద్రత, పని చేసే శక్తి ఉన్నవారందరికి పని గ్యారంటి, ఖాళీగా ఉండకుండా పనిచేయాల్సిన బాధ్యత (పెట్టుబడి దారీ విధానంలో డబ్బుంటే సోమరిగా తిరగచ్చు) వంటి సరియైన సిధ్ధాంతాలతో ముందుకు వెళ్ళాలి.

ప్రభుత్వం ప్రతిదీ ఉచితంగా ఇస్తే, ధరల పెరుగదల అనే ప్రసక్తే ఉండదు. అసలు ధరలే ఉండవు. ఇంక ధరల పెరుగదలకి వ్యతిరేకంగా ఉద్యమాల అవసరం ఉండదు.

ఆంధ్రప్రదేశ్ రాజధాని రాయలసీమ హక్కా?

ముందుగా కొంత చరిత్ర. తెలుగు వాళ్ళకి ఒక రాష్ట్రం కావాలి అనే ఉద్యమం షుమారు 1913 ప్రాంతంలో బాపట్లలో ప్రారంభం అయినపుడు, రాయలసీమ వారికి చెన్నై దగ్గరగా ఉండేది కాబట్టి, వారు ఉద్యమంలో పాల్గొనటానికి ముందుకు రాలేదు. నాటి రాయలసీమ నేతలు రాయలసీమకు రాజధానిని డిమాండుచేయటం వల్ల, శ్రీబాగ్ ఒప్పందం జరిగి, రాయలసీమకు రాజధానిని వాగ్దానం చేయటం జరిగింది. దానిని నిలుపుకోటం కొరకు కర్నూలు లో రాజధానిని, గుంటూరులోహైకోర్టును నెలకొల్పుకోటం జరిగింది. నిన్ని మొన్న పేపర్లో వచ్చిందాన్ని బట్టి ఆకాలంలో కూడ భూస్పెక్యులేటర్లు రాజధాని ఉంటుందనుకున్న విజయవాడ, గుంటూరు, కర్నూలుల లో ధంధాలకు దిగి భూముల రేట్లను పెంచి వేయటం జరిగిందట.

ఆకాలంలో మీటర్ గేజీ గుంటూరు నుండి ధోన్ కి రైలు. అక్కడనుండి ధోన్ నుండి కర్నూలుకి రైలు. అన్నీ పొగబండ్లే. గుంటూరు కర్నూలు మధ్య రోడ్డు ప్రయాణం వాగులు, వంకలు, అడవులు, దొంగలతో భీబత్సంగా ఉండేవి. ప్రజలు, నేతలు, అధికారులు సీమ నుండి కోస్తాకి ప్రయాణాలలో నానా బాధలు పడి ఉంటారు.

మంత్రి పదవుల కొరకు, కీలక శాఖలపై పట్టుకొరకు భూకులాల మధ్య కుమ్ములాట జరిగి ఉండాలి. ఎందుకంటే, చిత్తూరు జిల్లాలోని భూకులానికీ, పగోజీ, కృష్ణా, గుంటూరు జిల్లాలోని భూకులానికి సంబంధ బాంధవ్యాలు ఉండి ఉండాలి. అనంతపురం, కర్నూలు భూకులాల వారు, తెలంగాణ అగ్ర భూకులంతో సంబంధం కలిగి ఉండాలి. మొత్తానికి ఈ కులాల మధ్య ఇంబ్యాలెన్స్ లో ఏమిజరిగిందో గానీ, ఉమ్మడి రాష్ట్ర అగ్ర భూకులం వారు తమ పెత్తందారీ తనం కొరకు ఉమ్మడి ఆంధ్రప్రదేశ్ రాష్ట్రాన్ని ఏర్పరచినట్లు కనిపిస్తుంది. ఆతరువాత తెలంగాణలోని రెండవ అగ్రభూకులానికీ, మొదటి అగ్రభూకులానికీ, చిత్తూరు & మధ్య కోస్తాలోని అగ్రభూకులానికి హైదరాబాదులోని భూముల కబ్జా కొరకు ,సెటిల్ మెంట్ల కొరకు కుమ్ములాటలు మొదలయి. ప్రత్యేక తెలంగాణ ఉద్యమం, ప్రత్యేకాంధ్ర ఉద్యమం, మరల రెండవ తెలంగాణ ఉద్యమం లేచాయి. దీనికి సోనియా గాంధీ, సుష్మా స్వరాజ్ ల, అరుణ్ జైట్లీల స్వార్ధం తోడయి సయామీస్ కవలలని వాళ్ళు చావుదెబ్బతినేలాగా విడతీసినట్లయింది.

ఆంధ్ర ప్రదేశ్ రాజధాని రాయలసీమ హక్కు అనే నినాదం సరియైనది కాదు (శ్రీబాగ్ ఒప్పందమే సరియైనది కాదు). అప్పుడే రెండు రాష్ట్రాలను (ఆంధ్ర, రాయలసీమ) కోరుకొని, ఉద్యమాలు చేసుకొని, కర్నూలు, విజయవాడ రాజధానులుగా రెండు రాష్ట్రాలను ఏర్పరుచుకుని ఉంటే ఎవరికి వారు ఈనాటికి ఎంతో కొంత అభివృధ్ధి సాధించే వాళ్ళు. రెండు రాష్ట్రాల అవతరణలు కొంత ఆలస్యం జరిగినా మొత్తానకి పని అయ్యేది. ఒక భార్యా భర్తలకు ఇద్దరు పిల్లలు ఉండకూడదని లేదు కదా. అలాగే ఒకే తెలుగు వారికి రెండు రాష్ట్రాలు.

17 జిల్లాల సీమాంధ్రకు రాజధాని కావటానికి ఇఛ్ఛాపురం , శ్రీకాకుళం నుండి కల్యాణదుర్గం, రాయచోటి వరకు, తడ, సూళ్ళూరు పేటల వరకు ప్రతి పట్టణానికి అర్హత ఉంది. ముఖ్యంగా జాతీయ రహదారి, రైలు సౌకర్యం ఉన్నవాటికి ఇంకా ఎక్కువ అర్హత ఉంది. ఈకోణంలోంచి చూస్తే గుత్తి , గుంటకల్, కర్నూలు, రేణిగుంట, కడప, ప్రొద్దటూరు, మైదుకూరు, ఒంగోలు, కావలి, గూడూరు, వెంకటగిరి, రాజమండ్రీ, తాడేపల్లిగూడెం, ఏలూరు, (ఈలిస్టు నేను పూర్తి చేయలేను) అందరూ అర్హులే. కేవలం విజయవాడ, గుంటూరు, విశాఖ, తిరుపతులే కాదు. ఈనాలుగు నగరాలూ ఎందుకు అనర్హాలు అంటే, ఇక్కడ ఇప్పటికే జనాభా విపరీతంగా పెరిగిపోయి ఇసకేస్తే రాలటంలేదు. లక్షరూపాయలకు సూదిమొనంత స్థలం కూడ లభించటం లేదు. లక్షరూపాయలు పెట్తే మనం విజయవాడలో, మంగళగిరిలో, గుంటూరులో ఒక చెట్టును కొనగలమేమో అనే పరిస్థితి వచ్చింది.

లేదా డజన్ల కొద్దీ ఉన్న ఈ నగరాల్లో ఏనగరమూ అర్హం కాకపోవచ్చు.

రాయలసీమలో ఎక్కడ రాజధాని పెట్టినా వలస సమస్య వస్తుంది

రాయలసీమలో ఎక్కడ రాజధానిని పెట్టినా లక్షలాది మంది నిరుద్యోగులు ఆపట్టణానికి (మాట వరసకి కర్నూలు) వలసవెళ్తారు. కనీసం ఇడ్లీబండి వేసుకునో, పండ్లమ్మి బతకచ్చనో, అందరూ రాయలసీమ రైళ్ళు ఎక్కుతారు. ఈ వలస దిగుమతులను రాయలసీమ వారు తట్టుకోలేరు. అప్పుడైనా వారు ప్రత్యేక రాయలసీమ రాష్ట్రం, కోస్తా ఆంధ్రులు గోబ్యాక్, అని స్లోగన్లు ఇచ్చి మరల కొందరు యువకులను ఆత్మహత్యలకు ప్రేరేపించవలసి వస్తుంది. తరువాత ఈ కోస్తాంధ్రుల నందరిని కర్నూలునుండి ఎలా గెంటి వేయాలా అని ఆలోచించే, కెసీఆర్, హరీష్ రావు, కెటీఆర్ వంటి ప్రబుధ్దులు తయారవుతారు.

కోస్తా భూస్వాములు, వ్యాపారులు, పారిశ్రామిక వేత్తలు కర్నూలు (లేక కడప లేక ఏదైనా) లో విపరీతంగా భూములు కొని, కబ్జాలు చేసి, కొత్త నగరాన్ని నిర్మిస్తారు. కానీ అదే సమయంలో రాయలసీమ భూస్వాములు, వ్యాపారులు, పారిశ్రామిక వేత్తలకు గుండెకోత మొదలవుతుంది. ముల్కీలు, పెద్దమనుషుల ఒప్పందాలు, కోర్టుతీర్పులు, వంటివి నాలుక గీచుకోటానికి కూడ పనికిరావు. ఇంక వీళ్ళే కాక, బెంగుళూరు, చెన్నయి, ముంబాయి, ఢిల్లీ నుండి కూడ పెట్టుబడిదారులు కూడ వచ్చి కర్నూలులో వాలతారు. కర్నూలు నగరం , నేటి హైదరాబాదు లాగానే రావణాకాష్టం లాగా మారుతుంది. ఉదాహరణకి కుమారి జయలలిత గారికి హైదరాబాదులో భూములు ఉన్నాయని చాలా మందికి తెలియదు. ఆమె కర్నూలులో భూములు కొన్నా ఆశ్చర్యపోనవసరం లేదు. ఇంకోటేమిటంటే, ఈరోజు ఎకరం 20 లక్షలు చేసే భూమిని కర్నూలు రైతు కోటి రూపాయలు వస్తుందని అమ్ముకున్నా తరువాత దుఃఖమే మిగులుతుంది. తరువాత ఆభూమి వందకోట్లు అవుతుంది. అయ్యో నేను కోటికి అమ్ముకున్నానే అని ఆరైతు వంశానికి చెందిన వారంతా బాధ పడాలి.

చంద్రబాబు గారు కమ్మ, కాపు కులాల మధ్య సమతౌల్యాన్ని సాధించారా?

అలాగని పత్రికలలో వచ్చింది. తన కులంవారు లేకపోతే చంద్రబాబు బ్రతకలేడు. అలాగని కాపుల మద్దతు పొంది నిలుపుకోక పోతే, ఈసారి వనవాసమే గతి అవుతుంది. అందుకని ఆయన తనకులానికి, తన మద్దతుదారులకు పెద్దపీట వేస్తూనే, కాపులను సంతృప్తి పరుస్తున్నట్లుగా నటించాడు. నిజానికి చంద్రబాబు పార్టీకి 29.1% వోట్లు వస్తే జగన్ కి 28.9% సీట్లు వచ్చాయి. తేడా కేవలం రెండు శతాంశ పాయింట్లే. కానీ, సీట్లలో 35 సీట్లదాకా తేడా వచ్చింది. అంటే ప్రజాదరణలో ఇరువురికీ పెద్ద తేడాలేదు. అయితే జాగ్రఫికల్ స్ప్రెడ్ లో తేడా ఉంది. నేనేం జగన్ అభిమాని నేమీ కాదు. రాష్ట్ర ప్రజల భవిష్యత్తు ముందు నుయ్యి, వెనుక గొయ్యిలాగా తయారయిందే అనే చింత కాల్చి వేస్తున్నది. పీపుల్ గెట్ దీ గవర్నమెంట్ దే డిజర్వు అని సర్దుకు పోవాలేమో. పీపుల్ గెట్ దీ ఆపోజిషన్ దే డిజర్వు అని కూడ వ్రాసుకోవచ్చు.

సరియైన స్లోగన్

ఆంధ్రప్రదేశ్ రాజధాని రాయలసీమ హక్కు (ఇది కాదు,కింద చూడండి.).
మెరుగైనది:

ఆంధ్రప్రదేశ్ రాజధానిగా రాయలసీమకూ హక్కు.

ప్రస్తుత దేశ, రాష్ట్ర పరిస్థితులను చూస్తుంటే, ఉత్తరాంధ్ర, దక్షిణాంధ్ర, రాయలసీమలు, బేషరతుగా కలసి ఒకే రాష్ట్రంగా కొనసాగటం దాదాపు అసాధ్యం. వచ్చే పదేళ్లలో మనం ఎన్నో ఉద్యమాలను, బందులను చూడాల్సి రావచ్చు.

ఏ ప్రాంత పట్టణాన్ని రాజధాని చేసినా మిగిలిన వాళ్ళు బందులు మొదలుపెట్తారు. బస్సులను కాలుస్తారు (తెలుగు వాళ్ళకి చేతైన మహావిద్యలలో బస్సులను కాల్చటం గొప్పది).

ఏకైక మార్గం

పదేళ్ల తాత్కాలిక రాజధానిగా విజయవాడను ప్రకటించి స్టేడియాలను ఆక్రమించుకొని, మూసేసిన సినిమా హాళ్ళను, ఇంజనీరింగు కాలెజీలను టెండర్లు పిలిచి లీజుకు తీసుకుని, తక్షణమే, పాలనను నార్మల్ టెంపరేచర్ కి తేవటం.

ఆంధ్రప్రదేశ్ అసెంబ్లీ , శాసనమండలి, సమావేశమయి మూడురాష్ట్రాలను కోరుతూ ఏకగ్రీవ తీర్మానం చేసి కేంద్రానికి పంపి, చంద్రబాబు, జగన్, రఘువీరారెడ్డి, చిరంజీవి, మొ|| వారందరు ఢిల్లీ వెళ్ళికూర్చుని చెప్పులు అరగతీసుకొని (నేను నా చేతివేళ్ళను, లాప్ టాప్ కీ బోర్డును, స్క్రీన్ ను అరగతీస్తున్నట్లుగా) మూడు ప్రత్యేక రాష్టాల ఏర్పాటు బిల్లును లోక్ సభలో, రాజ్యసభలో వీలైనంత తొందరగా, గతంలో వాడిన ఆర్టికిల్ 3 ప్రకారమే పాస్ చేయించుకోటం చేయాలి.

ఈలోగా కేంద్ర ప్రభుత్వం రాజధాని నిర్మాణానికి ఏమైనా నిధులను విదిలిస్తే, వాటిని మూడు ప్రాంతాల్లో మూడు పట్టణాలకు కొత్త రాష్ట్రాలజనాభా దామాషాలో పంచుకొని నిర్మాణాలను మొదలు పెట్టుకోటం. మూడు పట్టణాలలోనూ, రాష్ట్రస్థాయికార్యాలయాలను ఏర్పాటు చేసుకొని అంతిమ విభజనకు స్నేహపూర్వకంగా, సర్వసన్నధ్ధంగా ఉండటం.

ఈనాటి స్లోగన్

కలలో, కథల్లో నైనా కలిసి ఉండటం చేతకాని వాళ్లు, స్నేహపూర్వకంగా, పూర్తి స్థాయి ముందస్తు వ్యూహంతో విడిపోటం నేర్చుకోవాలి.

290 Comforts, luxuries and pleasures are like honey on moustaches

290 వొడల్ తిరమే ? చెప్పకు మిట్టి తుచ్ఛ సుఖముల్ మీసాలపైఁ దేనియల్
చర్చనీయాంశాలు: 290, పద్యకవిత్వం, పెద్దన, మనుచరిత్ర, రాహుల్ గాంధీ, ప్రియాంక

---

శ్రీమతి ప్రియాంక వధేరా గాంధీగారు, శ్రీ రాహుల్ గాంధీగారు అమేథీ ఎన్నికల ప్రచారంలో ఇటికరాళ్ళ గుట్టలపై దూకు కుంటూ వెళ్ళి వోటర్లతో మరీమరీ షేక్ హేండ్లిచ్చి, కౌగలించుకున్నంత పనిచేసి వాళ్ళచేత వోట్లు కొట్టించుకున్నారు.

ఇప్పుడు శ్రీమతి ప్రియాంక గాంధీ గారు , శ్రీ రాహుల్ గాంధీ గారు ఏమి చేస్తున్నారు?

జవాబు: మొదట వచ్చిన వార్తల ప్రకారం వారు యూరప్ లో పర్యటిస్తున్నారు. యూరప్ అంటే సహజం గా తాతగారి, అమ్మమ్మ గారి ఊరైన ఇటలీ అయి ఉండచ్చు. లేదా తాము రహస్య నంబర్ల ఖాతాలో ఏమైనా డబ్బులు దాచుకొని ఉంటే, స్విట్జర్ ల్యాండ్, ఐలాండ్ ఆఫ్ మ్యాన్, లండన్ (కూడటాక్స్ హావెనే), లగ్జెంబర్గ్, కేమాన్ ఐలాండ్స్, బెర్మూడా, బ్రిటీష్ వర్జిన్ ఐలెండ్స్ ఇలా ఏవైనా కావచ్చు. సహజంగా అక్కడ కొంత కులాసాగా తిరగటానికి, తాగి పండుకోటానికి, వసతులు కూడా ఉంటాయి.

రియో డి జెనిరోలో వరల్డ్ కప్ ఫుట్ బాల్ ప్రారంభం అయినాక, వస్తున్న వార్తలను బట్టి, శ్రీరాహుల్ గాంధీ, శ్రీ రాబర్ట వధేరా కలిసి రియో డి జెనిరోలో జరుగుతున్న వరల్డ్ కప్ ఫుట్ బాల్ పోటీలను తిలకిస్తున్నారు. ఇంతవరకు ఫొటోలయితే బయటకు రాలేదు.
ఈరోజునుండి లోక్ సభ సమావేశాలు ప్రారంభమవుతున్నాయి. అమేథీ నుండి ఎన్నికైన, శ్రీరాహుల్ గాంధీ లోక్ సభ బడ్జెట్ సమావేశం మొదటి రోజు సభకి హాజరు కా దలుచుకుంటే, ఇప్పటికల్లా భారత్ కు వెనక్కి వచ్చి ఉండాలి. కావాలంటే మరల వెళ్ళ వచ్చు.

బ్రెజిల్ లో కూడ నల్ల, ఎర్ర, తెల్ల, ఆకుపచ్చ డబ్బులు ఉన్నవాళ్ళకి, వాటిని విసిరేయటానికి సిధ్ధంగా ఉన్నవాళ్ళకి అందుతున్న సౌఖ్యాలకు కొదువ లేదు. అక్కడ వ్యభిచారిణులకు ఆంగ్లంలో ఎలా మాట్లాడి ధన దేశాలనుండి వచ్చే రసిక శేఖరులనెలా ఆకట్టుకోవాలో, ప్రత్యేకంగా శిక్షణా సంస్థలు ఏర్పడి హావభావ మందహాసాలలో , హోయలు మీరటంలో బాగా ట్రెయినింగు ఇచ్చాయిట. భారతీయ రసికశేఖరులకు ఏమైనా ప్రత్యేక ట్రీట్ మెంటు ఉంటుందా, లేక అక్కడ కూడ ముల్కీ రూల్సు ఏమైనా ప్రవేశ పెట్టారేమో తెలియదు.

తెలంగాణ, ఆంధ్రప్రదేశ్ లనుండి ఎంతమంది ఫుట్ బాల్ చూడటానికి బ్రెజిల్ వెళ్ళారో మనకు తెలియదు. వారిలో ఎంతమంది రసికాగ్రేసరులో అసలే తెలియదు. తెలుసుకోవలసిన అవసరం ఉందా? అనేవాళ్ళు ఆలోచించాల్సిన అంశాలు రెండు ఉన్నాయి. భారతీయ రసికాగ్రేసరులలో ఎందరు కండోములను నమ్ముకుంటారో, ఎంతమంది దేవుడిని నమ్ముకుంటారో మనకి తెలియదు. ప్రవరుల్లాగా ఉండే వాళ్ళని మనం రసికాగ్రేసరులు అనలేం కాబట్టి, వెళ్ళిన వాళ్ళు ప్రవరులైనా కావాలి, రసికాగ్రేసరులైనా కావాలి, లేక బండరాళ్ళైనా కావాలి.

ఈనాటి పద్యం

ఆంధ్రకవితా పితామహ, అల్లసాని పెద్దనా మాత్యుడు. కావ్యం మను చరిత్ర.

సందర్భం: హిమాలయా పర్వతాలమీద, కాళ్ళకు రాసుకున్న పాదలేపనం కరిగిపోటంతో, ప్రవరుడు చిక్కుకొని దారీతెన్నూ లేక తిరుగుతున్న సందర్భంలో అతడికి వరూధిని అనే అప్సర తారసిల్లింది. వరూధిని ప్రవరుడిపై మోజుపడి అతడిని వశం చేసుకోవాలని చూసింది. పరిపరి విధాల నచ్చచెప్పటానికి ప్రయత్నించింది.


... అనుచుఁ దన్నొడఁ బఱచు నయ్యమరకాంత
తత్తఱముఁ జూచి, యాత్మ నతండు దనకు
సిగ్గు, వెగటును బొడమ, నిస్పృహతఁ దెలుపు
నొక్క చిఱునవ్వు నవ్వి యయ్యువిద కనియె.

(ప్రవరుడికి సిగ్గు, వెగటు కలిగాయి. నిసృహతో ఒక చిరునవ్వు నవ్వి ఇలా అన్నాడు. అయ్యమరకాంత == ఆ అప్సర. త్రికసంధి. అయ్యువిద== ఆ కాంత. త్రిక సంధి. అల్లసాని వారికి (తిక్కనకు కూడ) త్రిక సంధులంటే మహా మక్కువ. )


"ఈ పాండిత్యము నీకుఁ దక్క మఱి యెందేఁ గంటిమే కామశా
స్త్రోపాధ్యాయినినా వచించెదవు మేలోహో ! త్రయీధర్మముల్
పాపంబుల్, రతిపుణ్యమంచు నిఁక నేలా తర్కముల్ ? మోక్షల
క్ష్మీ పథ్యాగమసూత్ర పంక్తి కివె పో మీ సంప్రదాయార్థముల్.

(ఈ పాండిత్యం నీకు తప్ప మరి ఎవరికైనా ఉన్నదా? కామ శాస్త్ర ఉపాధ్యాయిని లాగా మాట్లాడుతున్నావే. బహుశా ఈ త్రయీధర్మాలు ధర్మ, అర్ధ , కామాలు కావచ్చు. (వేరేవైనా కావచ్చు.) ఇవేమో పాపాలు, రతి మాత్రమే పుణ్యం అంటూ ఎందుకీ తర్కాలు? మోక్షలక్ష్మి కి దారి (పథం) చూపే మార్గాలే సంప్రదాయమైన ధర్మార్ధకామాలు.)
నాలుగిటినీ కలిపే చూడాలని కాబోలు భావం. ఈవిషయంలో మహాత్ములైన వ్యాఖ్యాతల గ్రంధాలను పరిశీలిస్తేగానీ వ్రాయలేము.


తరుణీ ! రేపును మాపు హవ్యముల చేతం దృప్తుఁడౌ వహ్ని స
త్కరుణా దృష్టి నొసంగు సౌఖ్యము లెఱుంగన్ శక్యమే నీకు ? నా
కరణుల్ దర్భలు నగ్నులుం బ్రియములైన ట్లన్యముల్గా, వొడల్
తిరమే ? చెప్పకు మిట్టి తుచ్ఛ సుఖముల్ మీసాలపైఁ దేనియల్"

(హవ్యాలంటే యజ్ఞగుండంలో వేసే సమిథలు, నేయి మొ||. హవ్యాలచేత తృప్తి పరచబడిన అగ్నిదేవుడు దయతో ఇచ్చే సుఖాలు తెలుసుకోటం నీకు సాధ్యమా? నాలాంటి వాళ్ళకి దర్భలు, అగ్నులు ప్రియమైనట్లుగా మిగిలినవి ఉండవు. శరీరం స్థిరమా? చెప్పకు!! ఇలాంటి తుఛ్ఛ సుఖాలు మీసాలమీద తేనెల లాటివి. మీసాలమీద పడ్డ తేనె బొట్లను ఎంతనాకినా పూర్తిసుఖము దొరకదు అని భావము కాబోలు.)

మాకు తెలిసింది మీకు తెలీదు, మీకు తెలిసింది మాకు తెలీదు, అనే అర్ధం కూడ ఉందేమో.

ప్రవరుడు తన తపః శక్తిని వినియోగించి తన స్వస్థలానికి వెళ్ళిపోయాడు.

వైబీరావు గాడిద అభిప్రాయం

రియో డి జెనిరోలో మీసాలమీద తేనెలు వెతుక్కునేవాళ్ళు వెనక్కి ఎప్పుడు వస్తారు అనేది పార్లమెంటు సమావేశాల హాజరు బట్టి తెలుస్తుంది.

289 Should the future of Telugu people, always be quarrelling? Can't we put an end to it?

289 Should the future of Telugu people, always be quarrelling? Can't we put an end to it?
289 తెలుగు ప్రజల భవిష్యత్ తన్నుకోటమేనా? దానికి మనం ముగింపుపాడలేమా?
చర్చనీయాంశాలు: 289, తెలంగాణ, సీమాంధ్ర, రాయలసీమ, రాజధాని, హరీష్ రావు, కెటిఆర్, కెసిఆర్

---

సీమాంధ్ర ప్రజలపై శ్రీ కెసిఆర్, హరీష్ రావు, కెటిఆర్ లు పగబట్టినట్లుగా కనిపిస్తున్నది. వాళ్ళు నోరు తెరిస్తే సీమాంధ్ర ప్రజలపై విషం కక్కుతున్నారు. వారి ప్రతిచర్య యొక్క గమ్యం, తెలంగాణ అభివృధ్ధి కన్నా, సీమాంధ్ర ప్రజలను వేధించటమే లక్ష్యం గా కనిపిస్తుంది. వారికి, శ్రీచంద్రబాబునాయుడికి మధ్య పాత పదవీ కుళ్ళు ఏదైనా ఉంటే ఉండవచ్చు. అలాంటివేమైనా ఉంటే వాళ్ళూ వాళ్ళూ చూసుకోవాలి. హైదరాబాదులో శ్రీ చంద్రబాబుకి బినామీ ఆస్తులు ఉన్నాయనీ, తాను ముఖ్యమంత్రి అయితే వాటన్నిటినీ బయట పెడతామనీ గతంలో కెసీఆర్ అన్నారు. ఇపుడా పని చేయవచ్చు కదా? జగన్ అక్రమాస్తులు ఏమైనా ఉంటే వాటిపై చర్య తీసుకోవచ్చు కదా? శ్రీచంద్రబాబు గారు కూడ కెసీఆర్ ధంధాలను బయట పెడతానన్నారు. ఆపని చేసి తెలంగాణ ప్రజలను రక్షించ వచ్చు కదా. చేయరెందుకు?

కెసీఆర్ కుటుంబం, ఒకే ప్రాంతం ప్రజలపై పగబట్టినట్లుగా వ్యవహరించటం సమంజసం కాదు. ఈవిషయంలో, కేంద్ర హోమ్ మంత్రి గారు ఇరు ప్రాంతాల వారిని తన్నుకోవద్దని సలహా ఇచ్చారే కానీ, పార్లమెంటులో తమ రాజకీయ స్వార్ధం కోసం, అతిఘోరమైన తడిగుడ్డతో గొంతును కోసే విభజన బిల్లును పాస్ చేయించి, సీమాంధ్ర ప్రజలను హైదరాబాదులో సరియైన కార్యాలయం లేని వాళ్ళుగా రోడ్డున పడేయటంలో, అఖిల భారత బిజేపి నేతలయైన తమకు, అఖిల భారత కాంగ్రెస్ నేతలకు పాత్ర ఉందని మర్చిపోయారు. ఈసందర్భంగా శ్రీమతి సుష్మా స్వరాజ్ గారు తనను తెలంగాణకు చిన్నమ్మగా చెప్పుకోటాన్ని మర్చిపోరాదు.

ఇపుడు కెసీఆర్ భారత్ లో తెలంగాణను ఒక నిజాం రాజ్యంగా మార్చేశాడు. భారత దేశం ఒక దేశం, ఈ దేశంలో ప్రజలు ఎక్కడనుండి ఎక్కడకైనా పొట్టకోసం వలస వెళ్ళవచ్చు, పరిమితికి లోబడి చిన్న చిన్న ఆస్తులను సమకూర్చుకోటానికి రాజ్యాంగం అనుమతిస్తున్నది, అని ఆయన మర్చిపోయాడు. నియంత్రించ వలసిన కేంద్ర ప్రభుత్వం తనకేమీ పట్టనట్లుగా వ్యవహరిస్తున్నది. రాష్ట్రాలు అనేవి స్వతంత్ర దేశాలు కావు. ఒక రాష్ట్రంలో ఉండే భూమి అంత ఆ ఒక్క రాష్ట్ర ప్రజలది కాదు. ఆభూమి మొత్తం భారత దేశానికి చెందినవి. ఒక నగరానికి వచ్చిన వివిధ ప్రాంతాలవారు, అక్కడ వివిధ రకాల పన్నులను చెల్లిస్తున్నప్పుడు, ఆ పన్నులతో చేపట్టే సంక్షేమ కార్యక్రమాల ఫలితాన్ని అందరూ అనుభవించాలి తప్ప, ఆప్రదేశంలో 1956 కు ముందు అక్కడికి వచ్చిన వాళ్ళు, అక్కడ పుట్టిన వాళ్ళు మాత్రమే కాదు. ఈ దేశంలో అందరూ ముల్కీలే. తెలంగాణా ముల్కీలనీ, సీమాంధ్రముల్కీలని, బీహార్ ముల్కీలని, ఉత్తరప్రదేశ్ ముల్కీలని ప్రత్యేకంగా ఉండరు.

కెసీఆర్ -హరీష్ రావు-కెటీఆర్ ల ప్రవర్తన, రైల్లో టవలు పరుచుకొని సీటుని ఆక్రమించుకొని పండుకున్నవాళ్ళు, మిగతావాళ్ళను గెంటి వేయటానికి బోగీతలుపులు వేయటానికి ప్రయత్నించినట్లుగా ఉన్నది.
తెలంగాణలో బండిలాగే కూలి వాడి కొడుక్కి సీమాంధ్రనుండి వచ్చినా, బీహార్ నుండి వచ్చినా, ఝుంజున్ను నుండి వచ్చినా, వాళ్ళు 1956 ముందు వచ్చారా తరువాత వచ్చారా అనేదానితో సంబంధం లేకుండా సర్వసమాన ఫీజు రీయింబర్సుమెంటు ఇవ్వాల్సిందే. అందరూ ముల్కీలే. ఇక్కడ నిజాం రాజ్యంలేదు.

కేంద్ర ప్రభుత్వానికి ఈ మౌలిక సూత్రం మీద విశ్వాసం ఉంటే, వెంటనే కెసీఆర్ దుష్ట చర్యలను నలిఫై చేస్తూ , రాజ్యాంగ పరిస్థితిని స్పష్టం చేస్తూ పార్లమెంటులో చట్టం చేయాలి. లేకపోతే , దేశంలో, ప్రతిరాష్ట్రంలోనూ కెసీఆర్ లాంటి నిజాములు తయారయి, స్వంత రాజ్యాలను నెలకొల్పుకుంటారు. కేంద్ర ప్రభుత్వం ఇంకా చూస్తూ ఊరుకుంటే, సోవియట్ యూనియన్ వలె , భారత్ కూడ విఛ్ఛిన్నం బాట పట్టే అవకాశం ఉంది.

తోటకూర దొంగిలించిన నాడే పిల్లవాడికి మంచి చెడు నేర్పితే, వాడు మంచి పౌరుడుగా రూపు దిద్దుకునే అవకాశం ఉంటుంది. బాగా చేసావురా అని మెచ్చుకుంటే, తాను చేస్తున్న పని సరియైనదే అనుకొని అతడు మరీ పేట్రేగి పోయే అవకాశం ఉంది.

కేంద్రానికి దేశప్రజలు ఎక్కడినుండి ఎక్కడకైనా స్వేఛ్ఛగా వలస పోవచ్చు, అక్కడి ప్రజలతో సమానంగా జీవీస్తూ, హక్కులను, బాధ్యతలను రెండిటినీ స్వీకరిస్తూ సంచరించే హక్కు ఉన్నది అనే మౌలిక సూత్రం పై నమ్మకం లేక పోతే ఆవిషయమే స్పష్టం చేస్తే బాగుంటుంది. సీమాంధ్ర ప్రజలు ఏనుయ్యో గొయ్యో చూసుకుంటారు.

దీనిని , ఎవరి మనోభావాలైనా దెబ్బతింటున్నాయో గమనించి తిరగ వ్రాయవలసి ఉన్నది.

288 Better to allow Indian Railways to remain safe but vanilla

289 Better to allow Indian Railways to remain safe but vanilla
289 భారతీయరైల్వేలను భద్రమైన ఫ్రిల్స్ లేని వానిల్లా రైల్వేలు గా ఉండనివ్వటమే మంచిది.
చర్చనీయాంశాలు: 289, రైల్వేలు, ప్రైవేటీకరణ, విదేశీకరణ, ధరల పెంపు

---

భారతీయ రైల్వేలు అమెరికా, చైనాల తరువాత, ప్రపంచంలో మూడవ అతిపెద్ద రైల్వే నెట్ వర్క్. భారతీయ రైల్వేలు కొన్ని సమస్యలతో సతమతమవుతున్నప్పటికి, మొత్తం మీద ప్రజలకు ప్రశంసనీయమైన సేవ చేస్తున్నదనే చెప్పాలి.



మన ప్రధాన మంత్రి శ్రీనరేంద్రమోడీగారు, ఉధంపూర్ కట్రా రైల్వే లైన్ ను ప్రారంభిస్తూ మనకు రాబోయే రోజులను గురించిచెప్పారు.

''...We want the railway stations to have better facilities than airports. This is our dream and it is not a difficult thing to do and this is economically viable too. I have discussed it in detail with my Railway friends. You will see a change in near future.''

తెలుగు సారం: విమానాశ్రయాల కన్నా మెరుగైన సౌకర్యాలను మన రైల్వే స్టేషన్ లుకలిగి ఉండాలని మేము కోరుతున్నాము. (వైబీరావు గాడిద వివరణ: ఇక్కడ మోడీ గారి దృష్టిలో మేము అంటే బిజెపి అంటే శ్రీమోడీజీ కావచ్చు. ప్రజలు కోరేది విమానాశ్రయాలకన్నా మెరుగైన సౌకర్యాలు కాదు. గాడిదలులాగా జీవించే మామూలు మనుష్యులకి పనికి వచ్చే వ్యానీలా సౌకర్యాలు మాత్రమే.) ఇది మా కల. దీనిని చేయటం కష్టం కాదు. ఇది ఆర్ధికంగా కూడ సాధ్యమే. నేను మారైల్వే మిత్రులతో వివరంగా చర్చించాను.

''...In that, private parties would also be ready to invest because this is a good project economically and will benefit everyone. This would be a win-win situation project and we want to move ahead in this direction in the coming days...''

తెలుగు సారం: ... దానిలో ప్రైవేటు పార్టీలు కూడ పెట్టుబడి పెట్టటానికి సిధ్ధంగా ఉంటారు. ఎందుకంటే, ఇది ఆర్ధికంగా చాలా మంచి ప్రాజెక్టు. ప్రతివాళ్ళకు లాభం కలిగిస్తుంది. ఇది జయం-జయం స్థితి ప్రాజెక్టు. రాబోయే రోజులలో మేము ఈ దిశలో మేము ముందుకు వెళ్ళాలనుకుంటున్నాము.

ప్రస్తుత హోం మంత్రి, భాజపా అధ్యక్షుడు శ్రీ రాజనాథ్ సింగు గారు లక్నోలో ఏప్రిల్ 2014 లో ప్రసంగిస్తూ ఏమి చెప్పారో చదవండి.

"...My party is not at all in favour of privatisation of Indian Railways. No such thing will happen when BJP comes to power at the Centre..."

తెలుగు సారం: నా పార్టీ భారత రైల్వేలను ప్రైవేటీకరించటానికి ఏమాత్రం అనుకూలం కాదు. బిజెపి అధికారంలోకి వస్తే అలాటిదేమీ జరుగదు.

వైబీరావు గాడిద వ్యాఖ్యలు

దొడ్డిదారిలో ప్రైవేటైజేషన్ ను, విదేశీకరణను, ప్రవేశపెట్టటానికి ప్రయత్నాలు జరుగుతున్నాయని శ్రీమోడీగారి మాటల బట్టి స్పష్టం అవుతున్నది. పిల్లి కాదు మార్జాలం అన్నట్లుంటుంది. మరి శ్రీ రాజ్ నాథ్ సింగు గారు లక్నోలో చేసిన ఎన్నికల వాగ్దానం సంగతి ఏమిటి?

రాజ్ నాథ్ సింగు బిజెపిలో అనామకుడు కాదు. మోడీ ట్రయంవరేట్ లేక మోడీ చతుషటయం లో ఉండే వాడే.

దేశ ప్రజలు ప్రైవేటు వారినీ, విదేశీయులను, తమరైల్వేలకు యజమానులుగా, వాటాదారులుగా, భాగస్వాములుగా, రైల్వేస్టేషన్ల పెత్తందారులుగా ఉండటానికి ఇష్ట పడరు. ప్రజలు తమ రైల్వేస్టేషన్లను ప్రజల ఆస్తిగా త్రికరణశుధ్ధిగా నమ్మి అక్కడ రాత్రి పూట ఉచితంగా పండుకుంటారు. దరిద్రులకు, దీనులకు, కిరాయిలు చెల్లించి లాడ్జీలలో , లౌంజీలలో బసచేయలేని వలసకూలీలకు, మన రైల్వేలు, బస్ స్టాండులు పెద్ద రక్షణాస్థలాలుగా ఉంటున్నాయి. దీనివల్ల, మధ్యతరగతి, ధనికతరగతి వారికి కొన్ని అసౌకర్యాలు కలిగినా, 120 కోట్ల జనాభా ఉన్న, భూమికి కరువున్న నిరుపేద దేశంలో మరో మెరుగైనా ఉచిత లేదా చాల చౌక 'వ్యానిలా ' (సాధారణ) ఏర్పాట్లు చేసేదాకా, పేదలకు అవి అండగా ఉండటం అనివార్యం. ప్రజలు రైళ్లలో, రైల్వే స్టేషన్లలో, కోరుకుంటున్నది వ్యానిలా (సాధారణ) సౌకర్యాలే కానీ , ఎయిర్ పోర్టు సౌకర్యాలు కాదు. శ్రీమోడీగారికి, శ్రీరాజనాథ్ సింగుగారికి, సదానంద గౌడగారికి, రైల్వేలను అభివృధ్ధి చేయటం సాధ్యం కాకపోతే, చేతకాకపోతే, కేవలం భద్రత, మరియు సాధారణ సౌకర్యాలపై దృష్టిపెట్టి, ఈ 1826 రోజులను అంటే 2019 వరకు, గడిపేయాలి. స్వల్పంగా ప్రతి ఏడాదీ ఛార్జీలను పెంచుకుంటూ వెళ్ళినా ప్రజలు బాధ పడకపోవచ్చు. తరువాత ఏమి చేయాలి అనేది, 2019 ఎన్నికలలో బిజెపి ఓవరాల్ పెర్ ఫార్ మెన్సుని బట్టి ప్రజలు నిర్ణయించుకుంటారు.

పట్టాలను చేయం. పెట్టెలనుమాత్రమే చేస్తాం. లేక స్టేషన్ భవనాలను మాత్రమే చేస్తాం అనటంలో అర్ధం లేదు. ప్రైవేటు వాళ్ళు, విదేశీయులు, అరబ్బీ వాడు , ఒంటె కథలోని ఒంటే వంటి లాంటి వాళ్ళు. చలికి వణుకుతున్నది కదా అని కొంచెం మెడను టెంటులోకి పెట్టుకోనిస్తే, ఒంటె టెంటులోకి దూరి టెంటు యజమానినే గెంటి పారేసిన కథ మనకి ఇదే మొదటి అనుభవం కాబోదు. 17 వ శతాబ్దంలో జహంగీరుకు, కాలికట్ రాజు జామోరిన్ కు, చెన్నపట్టణంలో రెండవ వెంకటపతిరాయలకు, వ్యాపారాలను చేసుకోటానికి అనుమతికోసం, నజరానాలను సమర్పించుకున్న విదేశీయులు చివరికి భారత్ నుండి 1961 లో మెడపట్టి గెంటే దాకా బయటకు వెళ్ళలేదు.

ఈ బ్లాగ్ పోస్టును తిరగవ్రాయవలసి ఉన్నది. ఈలోగా కామెంట్లకు స్వాగతం. ముఖ్యంగా ఎయిర్ పోర్టు సౌకర్యాలు వద్దు లెండి, వ్యానిలా సౌకర్యాలు చాలు, అనేదానికి ఆమోదాన్ని కామెంట్లలో ''అవును'' అని వ్రాసి సూచించ వలసిందిగా పాఠకులకు విజ్ఞప్తి.

287 Do you know the development which took place in this country?

287 Do you know the development which took place in this country?
287 ఈ దేశంలో జరిగిన అభివృధ్ధి మీకు తెలుసా?
చర్చనీయాంశాలు: 287, అభివృధ్ధి, అంబానీలు, ఆకాశహర్మ్యాలు, Ambanis, Reliance

---

స్వాతంత్ర్యం వచ్చిం దగ్గర నుండి తమ పాలనలో ఎంతో గొప్ప అభివృధ్ధి జరిగిందని కాంగ్రెస్, బీజెపిలు డబ్బాకొట్టుకునే సంగతి మీకు తెలుసు. ఆ అభివృధ్ధి ఎక్కడ జరిగింది?

జవాబు: యాంటీలియా, ముంబాయిలో జరిగింది.

యాంటీలియా అంటే ఏమిటి?

జవాబు: ఇది దేశంలో అత్యంత సంపన్న పారిశ్రామిక వేత్త శ్రీముఖేష్ అంబానీ గారి నివాస గృహం.

దీని ప్రత్యేకత ఏమిటి?

హఫింగ్ టన్ పోస్ట్ అనే అమెరికా పత్రిక వారి ప్రకారం, ఇది ప్రపంచంలోనే అత్యంత ఖరీదైన నివాస గృహం.

దీని ఖరీదెంత?

జవాబు: ఆ, ఎంతో లేదు లెండి. ఒక బిలియన్ డాలర్లే. అంటే లక్షకోట్ల రూపాయలే.

దీనిలో ఎన్ని అంతస్తులు ఉన్నాయి?

జవాబు: ఆ ఎన్నో లేవు లెండి, ఇరవయి ఏడే.

ఈ భవనంలో, నివాసానికి ఎన్ని చదరపుఅడుగుల స్థలం ఉంది?

జవాబు: ఆ ఎంతో లేదు లెండి, 4 లక్షల చదరపు టడుగులే లెండి.

మనిషికి ఆరడుగుల స్థలం చాలంటారుగా? ఈయనకు 4 లక్షల చదరపు టడుగు లెందుకు?

జవాబు: ఈయనకి ఈ నాలుగు లక్షల చదరపు అడుగులే కాక, మొత్తం 27 అంతస్తులలో, 6 అంతస్తులను వాహనాల పార్కింగుకి ప్రత్యేకించారట. మూడు హెలీ పాడ్లు ఉన్నాయి. అంటే , భవనంపైన మూడు హెలీకాప్టర్లు దిగచ్చు. డాన్సుకి ఒక బాల్ రూమ్ ఉంది. దీని కప్పు క్రిస్టల్ అనే ఒక తరహా స్ఫటికంతో కవర్ చేశారుట. ఒక సినిమా హాలు, బార్ కూడ ఉన్నాయిట.

అర్ధం అయ్యింది.

జవాబు: ఏమి అర్ధం అయ్యింది?

జవాబు: ఈయన ఓఎన్ జీసీ మొ|| ప్రభుత్వ సంస్థలకు ఉద్దేశించిన నూనే బావుల స్థలాలనన్నిటినీ కొట్టేసి, తనకు అనుకూలమైన షరతులతో ఒప్పందాలు వ్రాయించుకొని, ఆయిల్ మరియు గ్యాస్ ఉత్పత్తుల సరఫరాను అదుపు చేస్తూ, తాను అమ్మే ఆయిల్ మరియు గ్యాస్ ధరలను తన ఇష్టం వచ్చినట్లుగా పెంచుకోనివ్వమని , లేకపోతే ఆపేస్తానని బ్లాక్ మెయిల్ చేస్తున్నాడు. ఎందుకా అంటే, ఈసారి 27 అంతస్తులు కాకుండా 72 అంతస్తుల భవనాన్నినిర్మించుకోవాలని. ఈ బ్లాక్ మెయిల్ ఇంక ఆగదు.

లక్షాధికారైన లవణ మన్నమె కాని మెరుగు బంగారముల్ మింగబోడు, అంటారే?

జవాబు: అవును, లక్షాధికారైతే లవణమన్నం మాత్రమే తింటాడు. ముఖేష్ అంబానీ ఎన్ని లక్షలకోట్లకు అధికారియో కదా. మెరుగు బంగారాలు తప్ప అన్నం, చపాతీలు తినలేడు. అందుకని బ్లాకమెయిల్ చేయకుండా, లేక రాజకీయనేతలను, అధికారులను వశ పరుచుకోకుండా, ఆయనకు క్షణం కూడ గడవదు.

దీనికి పరిష్కారం లేదా?

జవాబు: ఉంది, మార్క్సిజమే పరిష్కారం. నూనె బావులను, ఆఫ్ షోర్ ప్లాట్ ఫారాలను ప్రభుత్వం స్వాధీనం చేసుకొని తానే నడపాలి. బ్లాక్ మెయిలింగుకి లొంగకూడదు.

మీకు నాస్తికత్వం, ప్రజాస్వామ్య మార్క్సిజం లపై ఏమైనా సందేహాలుంటే, ఈక్రింది ఈమెయిల్ అడ్రస్ కి మీ ప్రశ్నలు పంపండి. మీ ప్రశ్నలకు చట్టబధ్ధమైన పధ్ధతులలో జవాబులు ఇవ్వబడతాయి. ybhask[at]gmail[dot]com. బహిరంగంగా ఈబ్లాగ్ లో జవాబులివ్వమని కోరండి. అందరూ లాభపడతారు. మీ గ్రామంలో, పట్టణంలో మీ ఇంటి సమీపంలో, నాస్తికత్వం, ప్రజాస్వామ్య మార్క్సిజంలపై అనుమానాల నివృత్తి కొరకు ప్రశ్నలు జవాబులు మీకు కావాలంటే, వైబీరావు గాడిద మీ గ్రామానికి వచ్చి సందేహ నివృత్తికి ప్రయత్నించగలడు. ఇది చట్టబధ్ధమైన పధ్ధతులలోనే జరుగుతుంది కాబట్టి భయపడవలసిన పనిలేదు. మీరేమీ డబ్బు ఇవ్వనవసరం లేదు. మీకేమీ డబ్బు ఇవ్వబడదు.

286 Why France's highest civilian order award is always conferred to Indian film stars only?

Topics for discussion: 286, Awards, షారుక్ ఖాన్, బాలీవుడ్, ఫ్రాన్స్, అవార్డులు

---

Ordre national de la Légion d'honneur

ఫ్రెంచి విదేశాంగ మంత్రి శ్రీ లారంట్ ఫేబియస్ గారు నైట్ ఆఫ్ ది లెజియోన్ ఆఫ్ ఆనర్ అనే ఫ్రెంచి అవార్డును, బాలీవుడ్ హీరో శ్రీ షారూఖ్ ఖాన్ గారికి , ముంబాయి తాజ్ మహల్ హోటల్లో, 1.7.2014 నాడు అలంకరించారు.

English Gist: French foreign minister Laurent Fabius presented the Knight of the Legion of Honor Award to the Bollywood Film Star Mr. Shahrukh Khan, at Tajmahal Hotel, Mumbai, on 1st July 2014.

సత్యజిత్ రాయ్ Satyajit Roy ... 1987.
శివాజీ గణెశన్ Shivaji Ganesan ... 1995.
షాజీ ఎన్ కరుణ్ (సినీ దర్శకుడు) Shaji N. Karun (film director) ...1999.
అమితాభ్ బచన్ Amitabh Bachan ... 2007.
లతా మంగేష్కర్ Lata Mangeshkar ... 2007.
షారుక్ ఖాన్ Shahrukh Khan ... 2014.

సినీరంగం కాక ఇతర రంగాలకు చెందిన భారతీయులకు ఈ అవార్డులను ఎపుడు బహూకరించలేదని కాదు, కాని వారి సంఖ్య తక్కువ.

English Gist: Not that, Indians belonging to other professions have not been conferred these awards, but their share is less.

అన్ని పౌర అవార్డులలోనూ, షెవాలియరే (నైట్) తక్కువ స్థాయిది. కనుక దీనిని మనం భారత్ లో ఇచ్చే పద్మశ్రీ అవార్డుతో సమానమైనదానిగానే పరిగణించాలి. భారత్ లో ఒక అభిప్రాయం ఉంది, ఫ్రెంచి అవార్డులలో కెల్లా, నైట్ ఆఫ్ ది లెజియన్ ఆఫ్ ఆనర్ , అత్యున్నతమైనదని. కానీ, గ్రాండ్ క్రాస్ (పద్మ విభూషణ్ తో సమానమా), మరియు గ్రాండ్ మాస్టర్ (భారతరత్నతో సమానమా) అత్యున్నతమైనవిగా కనిపిస్తున్నాయి. భారతీయులెవరూ, ఫ్రాన్స్ నుండి ఈరెండు అత్యున్నత అవార్డులు పొందలేదు.

English Gist: Chevalier (Knight) is the lowest. Hence we have to equate it with Padma Shri award conferred in India. There is an impression in India, that Knight of the Legion of Honor is the Highest of the genre. Grand Cross and Grand Master seem to be the highest awards. There are no Indian recipients of Grand Cross or Grand Master.

భారత్ లో , ఈ అవార్డులు ఫ్రాన్స్ అరుదుగా ఇచ్చేవి అనే ఒక ముద్ర ఉన్నది. 1803 లో వీటిని ప్రారంభించిన నాటిని నుండి, ఒక మిలియన్ (పది లక్షలు) మంది దాకా ఈ అవార్డులు అందుకున్నారట. కాబట్టి ఇవి అరుదైనవి కావు.

English Gist: There is also an impression in India, that these awards are extremely rare. Since their inception in 1803, nearly a million people seem to have received these awards. Hence, these are not rare.

భారత్ లో మరొక అభిప్రాయం కూడ ఉన్నది. ఫ్రెంచి ప్రభుత్వం తనంత తానే, ఫ్రాన్సుకు భారతీయులు చేసిన సేవకు, ముగ్ధురాలైపోయి ఈ అవార్డులను భారతీయులకు బహూకరిస్తున్నది, అని. కానీ నెట్ లో నా సర్వే ఏమి సూచిస్తున్నదంటే, ఈ అవార్డును కోరే వారు, ఫ్రెంచి కాన్సులేట్ కి నిర్దేశించిన ఫార్మ్ పై దరఖాస్తు సమర్పించుకోవాలి. దానితో పాటు సపోర్టింగు డాక్యుమెంట్లను కూడ దాఖలు చేయాలి.

English Gist: There is an impression in India, that these awards are conferred by French Government with its own initiative and on its own volition. But, my survey on the net suggests that the award seekers have to apply to the French Consulate on prescribed form, and submit required supporting documents.

ఇంకొక సమాచారమేమిటంటే, ఇంగ్లండులో లార్డుషిప్ లో మరియు పీరేజిలు (ఎగువ సభ సభ్యత్వాలు) ధనవంతులైన విదేశీయులకు, రాజకీయ పార్టీలకు నిధులను వసూలు చేసుకున్నాక, ప్రతిఫలంగా బహూకరిస్తారని. ఇంకో విధంగా చెప్పాలంటే, అవి అమ్మకం సరుకే.

English Gist: There is an information that in England lordships and peerages are conferred on rich foreigners after collecting political party funds or some other subscriptions. In other words, they seem to be for sale.

ఫ్రాన్సులో, ఈ షెవాలియర్ (నైట్ హుడ్ లు) అధికారికంగా గానీ అనధికారికంగాగానీ, అమ్ముతారో లేదో, లేక నిజాయితీ గానే, ఏఛార్జీలు లేకుండానే, మెరిట్ ఆధారంగానే ఇస్తారో లేదో స్పష్టంగా తెలియదు. కార్ల్ మార్క్స్ ప్రకారం, మానవ సంబంధాలన్నీ ఆర్ధిక సంబంధాలే. మానవుల మధ్య జరిగే ప్రతి మార్పిడీ ఆర్ధిక మార్పిడీ కావాలి. కాబట్టి, కనీసం అవుట్ ఆఫ్ పాకెట్ ఎక్స్పెన్సెస్ , ఫ్రెంచి విదేశాంగ మంత్రిగారు భారత్ రావటానికి అయ్యే విమానం ఛార్జీలు, వారికి ఫైవ్ స్టార్ హోటల్ లో బస ఖర్చులు, అవార్డు బహూకరించటానికి ఏర్పాటు చేసే ఫంక్షన్, ఫొటోగ్రాఫర్, వీడియో ఖర్చులు అవార్డుకోరిన దరఖాస్తుదారులనుండి (షారూఖ్ ఖాన్) ప్రత్యక్షంగానో, పరోక్షంగానో, వసూలు చేసుకుంటారనే అనుమానం, సాధారణ పౌరులకు కలుగకమానదు.

English Gist:In France, it is not clear, whether these Chevalier (Knight-hoods are sold formally or informally), or conferred genuinely free of charges, based only on merits. After all, according to Karl Marx, all human relations are financial relations. Every human exchange, should therefore be a financial exchange. Hence, the question of recovery of at least, the out of pocket expenses, such as the airfare of the French Foreign Minister to India, arrangements for his stay in a 5 star Hotel etc, costs of arranging the function for conferring the award, photographers and videos etc.

285 Centenaries and commemorations only when there are acres behind!

285 Centenaries and commemorations only when there are acres behind!
285 వెనకాల ఎకరాలు ఉంటేనే శతజయంతులు, సంస్మరణలు
చర్చనీయాంశాలు: 285, శతజయంతులు, సంస్మరణలు, సంజీవ్ దేవ్, చిత్రకళ

---

స్వర్గీయ శ్రీసూర్యదేవర సంజీవ్ దేవ్ మంచి రచయిత, చిత్రకారుడు, ప్రకృత్యారాధకుడు. సంజీవ్ దేవ్ శతజయంతి ఉత్సవాలు ప్రారంభం అయ్యాయి. కాంతిమయి, తెగిన జ్ఞాపకాలు, రసరేఖలు మొ|| 1960 ప్రాంతాలలో వెలువడి మేథోజీవులకు ఉత్తేజం కలిగించాయి.

డాక్టర్ సంజీవ్ దేవ్ చిత్రాలు కాలువలు, చెట్లు, పక్షులు, పూలు, సూర్యోదయ సూర్యాస్తమయాలు, సర్వవిధమైన ప్రకృతి సంపదతో కనువిందులు చేసేవి. గంటల తరబడి బకింగ్ హామ్ కెనాల్ వంక చూస్తూ ఆయన తన్మయులయ్యే వారట.

తెనాలిలో జరిగిన డాక్టర్ సంజీవ్ దేవ్ శతజయంతి ఉత్సవాలకు శ్రీ నాదెండ్ల భాస్కరరావు (భూతపూర్వ ముఖ్యమంత్రి) సారధ్యం వహించారు. డాక్టర్ సంజీవ్ దేవ్ శ్రీమతి సులోచనాదేవిగారిని సన్మానాల సింహాసనంపై కూర్చోపెట్టి సన్మానించారు. ఆచార్య నాగార్జున విశ్వవిద్యాలయ్ భూత్ పూర్వ రిజిస్ట్రార్ శ్రీ రావెల సాంబశివరావు రచించిన, సీనియర్ జర్నలిస్టు శ్రీ బి.ఎల్. నారాయణ ఎడిటింగ్ చేసిన, డాక్టర్ సంజీవ్ దేవ్ జీవిత చరిత్రను ఆవిష్కరించారు. ఈసందర్భంగా ఎన్జీవో కల్యాణ మంటపంలో జరిగిన సభలో శ్రీ నాదెండ్ల భాస్కర రావు, డాక్టర్ సంజీవ్ దేవ్ ను బహుముఖ ప్రజ్ఞాశాలిగా, ప్రకృతి ప్రేమికుడిగా, ఈగడ్డ కు పుట్టిన ముద్దుబిడ్డగా వర్ణించారు.

వైబీరావు గాడిద వ్యాఖ్యలు

రాహుల్ గాంధీ, సోనియా గాంధీ, రాజశేఖర రెడ్డి, చంద్రబాబు, లోకే ష్, కెసిఆర్, హరీష్ రావు, కెటిఆర్, రాయపాటి, కోడెల, జగన్, వంటి వారికి జన్మదినోత్సవాలు జరుగుతూ ఉంటాయి. పెయింటర్లకు, రచయితలకు వారెంతటి బహుముఖ ప్రజ్ఞా శాలురైనా జన్మదినోత్సవాలు, శతజయంతులు అరుదు. పెయింటర్, రచయిత, డాక్టర్ సంజీవ్ దేవ్ కు జరిగిన శతజయంతి ఉత్సవం ఎంతైనా ముదావహం, రాజకీయ డంబాచారానికి కాక మేథస్సుకు జరిగిన సన్మానమే.

అదే సమయంలో, ఒక విషయాన్ని నిర్మొహమాటంగా వ్రాయక తప్పదు.

జన్మదినోత్సవాలు, శతజయంతులు ఘనంగా జరగాలంటే, వెనకాల భూములూ భవనాలు వ్యాపారాలు, లేక మంచి కల్పవృక్షాల్లాంటి ఆదాయవనరులు కలిగిన డాక్టర్లు, స్టార్లు, వంటి వారసులైనా ఉండాలి. వారికి తమ తండ్రి తాతలయందు మంచి గురి, జన్మదినోత్సవాలు, శతజయంతులు ఘనంగా డబ్బు ఖర్చు పెట్టిచేయించాలనే కోరిక ఉండాలి. భూకులానికి చెందిన వారైతే ఉత్సవాలు ఇంకా ఘనంగా జరుగుతాయి.

నాకు అందిన సమాచారాన్ని బట్టి, డాక్టర్ సంజీవ్ దేవ్ గారికి ఒక ప్రాంతంలో 150 ఎకరాల దాకా, మరో ప్రాంతంలో 2౦౦ ఎకరాల దాకా భూములు ఉన్నాయి. ఇది తప్పయితే పాఠకులు నన్ను దిద్దవచ్చును.

ఆంధ్రభూమి 31.03.2012 దినపత్రికలో, తొవ్వముచ్చట్లు, అనే శీర్షికతో, శ్రీజయధీర్ తిరుమలరావు , వ్రాసిన ఈ వ్యాసభాగం చూడండి.(ఆంధ్ర భూమి మరియు శ్రీ తిరుమలరావు గారికి నాకృతజ్ఞతలు).

పోరు ప్రవాహంలో నిలిచిన కవి సుంకర. ఇలాంటి కవులు చాలా తక్కువ. గట్టు మీద కేకలు వేసే ‘మహాకవులు’ చాలామంది. వీళ్ళకే అవార్డులూ, రివార్డులూ. శత జయంతులూ... అన్నీ! వాస్తవాల కప్పదాట్లతో మహాకవిని నిర్మించిన ప్రగతిశీల భూస్వామ్యం మనది. అర్థవలస, అర్ధ భూస్వామ్యం అనే కమ్యూనిస్టుల నిర్వచనం సరైనదే. ప్రగతిశీల, విప్లవ సాంస్కృతిక రంగాలు కూడా అర్థ్భూస్వామ్య భావజాలంనుండి బయటపడలేకపోవడం అనేది వాస్తవం. అంటే- సమాజం ప్రభావం నుండి బయటపడలేకపోవడాన్ని గుర్తించాలి. మహాకవినని, యుగ కవినని తనకుతాను చెప్పుకొనే అహంభావులను మోసే వామపక్ష తెలుగు పల్లకీలు చాలానే ఉన్నాయి.

త్యాగంలో, ఆచరణలో, ప్రజలతో కలవడంలో, సాహిత్యాన్ని ప్రజాపరం చేయడంలో అగ్రగాములను పక్కనపెట్టిన దాఖలాలే ఎక్కువ.

ప్రజాకవుల పరంపరలోనే ధిక్కారం ఉంటుంది. ఈ ధిక్కారాన్ని ఆయా పార్టీలు సహించవు. వారిని సహించకపోవడం బూర్జువా ఆధిపత్య మానసిక తత్వం. భూస్వామ్య అహంభావం కారణం. స్వాతంత్య్రోద్యమాన్ని కదంతొక్కించిన ప్రజాకవి గరిమెళ్ళ సత్యనారాయణ ఆకలికి చచ్చాడు. చివరిరోజుల్లో బిచ్చమెత్తుకున్నాడు. జైలుకెళ్ళాడు. తాను రాసిన వేలాది ప్రతులు తన కళ్ళముందే పోలీసులు దగ్ధం చేస్తే తిరిగి ఆగ్రహించిన కవి గరిమెళ్ళ. ఆయన రాసిన మూడు పుస్తకాలను ఆంగ్లేయ ప్రభుత్వం నిషేధించింది.

‘‘గోలకొండ ఖిల్లా కింద గోరీ కడ్తాం కొడకో నైజాము సర్కరోడా’’ పాట రాసిన యాదగిరి కాల్పులో చనిపోయాడు. సుద్దాల, తిరునగరి వంటివారు అనారోగ్యంతో చావుకి గురయ్యారు. సుబ్బారావు పాణిగ్రాహి కాల్పులకి గురయ్యాడు. ఈ ప్రజాకవులు మన ఆదర్శం కాకుండా పోవడం తెలుగు జాతి దౌర్భాగ్యం.

గరిమెళ్ళ జన్మించిన ప్రాంతానికి చెందిన గురజాడ జమీందారుల వద్ద దివాను. హాయిగా జీవితకాలమంతా ఉద్యోగం చేసుకున్నాడు. ఆయనకి హరిజనులే కాదు, గిరిజనులు కూడా ఎక్కడా కనుపించలేదు. ఆయన సాహిత్యంలో స్థానం లేదు. సామాజిక అనిర్దిష్టత అతని లోకం. ఊహాత్మక సన్నివేశాలు, కథ అతని పరిమితులు. నిర్దుష్టతా రాహిత్యం అతని కవిత్వం. ఐనా మహాకవే.

గరిమెళ్ళ అలా కాదు. ఆంగ్లేయ కోర్టుల స్వభావాన్ని విప్పి చెప్పాడు. ప్రజలు కల్లు తాగొద్దని వివరించి రాశాడు. హరిజనుల సమస్యను అర్థవంతంగా చిత్రించాడు. స్వేచ్ఛకోసం నినదించాడు. అందుకే ప్రభుత్వానికి ఆగ్రహం కలిగింది. నిషేధాలు, జైళ్ళూ, పేదరికం, ఆకలి దప్పుల ఆక్రోషం... అందుకే ఆ తరువాత తరానికి అతను గుర్తించుకోదగిన కవి కాలేదు. ఇటీవలి ప్రగతిశీల కవులకు కనుపించకుండా పోయాడు. ఆకలి కేకలు వేస్తూ ఆత్మత్యాగం చేసినవాడు అనామకుడు. అదేసమయంలో ఒళ్ళు బలిసిన సినిమా రంగపు క్రౌర్యంతో హాయిగా చెట్టాపట్టాలు వేసుకున్న మహాకవి మాత్రం విచిత్రంగా నిత్యస్మరణీయుడయ్యాడు.

గరిమెళ్ళే కాదు. సుంకర సత్యనారాయణ కూడా విస్మృతుడే. గరిమెళ్ళ సత్యనారాయణ ప్రజోద్యమంలో అనేక కష్టాలు అనుభవించాడు. దున్నిన పొలం, కాడెద్దుల్ని కూడా త్యాగం చేశాడు. మంచి విలువలకోసం నానా అగచాట్లు పడ్డాడు. వాసిరెడ్డితో కలిసి ముందడుగు (1945), అపనింద (1946), మా భూమి (1947) వంటి నాటకాలు రాసి నాటక ప్రక్రియ స్థాయిని పెంచాడు. ప్రజల చైతన్య స్థాయిని అనూహ్యంగానే హెచ్చింపచేశాడు. ఉద్యమాల అనంతరం కూడా భూమికోసం, కోతలరాయుడు, గెరిల్లా వంటి అనేక నాటకాలు రాశాడు. ఆయన రాసిన నాటకం కేవలం కాగితాల్లో లేదు. అది దృశ్య కావ్యంగా అవతారమెత్తి ప్రజలకు కనువిందు చేసింది.

అర్ధమయ్యింది.

284 ISIS threat to destroy KABA is only an unverified tweeted threat

284 కాబాను ధ్వంసం చేస్తాము అనే ఐఎస్ఐఎస్ తీవ్రవాద సంస్థ బెదిరింపు ధృవీకరింపబడని ట్వీట్ ఖాతా. ఆఖాతా సస్పెండ్ చేయబడింది.
చర్చనీయాంశాలు: 285, కాబా, మక్కా, ఐఎస్ఐఎస్ తీవ్రవాదం, ట్విట్టర్

---

ఫొటో http://యుక్యు.ఎడ్యు.ఎస్ఎ వారి సౌహార్ద్రతతో.
ఇస్లాం లోని, ప్రతి ముస్లిం నెరవేర్చ వలసిన ముఖ్యకర్తవ్యాలలో , హాజ్ యాత్ర ఒకటి. మహమ్మద్ జన్మస్థలమైన మక్కా సందర్శనం, అక్కడ ఉన్న కాబా అనే పవిత్రస్థలానికి వెళ్ళి అక్కడి కాబాయొక్క గోడను స్పృశించటం హాజ్ యాత్రలోని ముఖ్యమైన అంశం. మక్కా సౌదీ అరేబియా దేశంలో ఉన్నది.

కొద్ది రోజుల క్రితం ఈ పవిత్ర స్థలాన్ని ధ్వంసం చేస్తామని ఐఎస్ ఐఎస్ | ఐఎస్ ఐఎల్ అనే ఒక జిహాదీ తీవ్రవాద సంస్థకు చెందిన ఒక వ్యక్తి ఒకరు ట్విట్టరులో హెచ్చరించారు. తరువాత, ఆ ట్విట్టర్ ఖాతా ధృవీకరించబడనందున, ఆఖాతాను ట్విట్టర్ సంస్థ సస్పెండ్ చేసింది. ఆట్వీట్ ఇలా సాగింది:

ISIS member Abu Turab Al Mugaddasi said: "If Allah wills, we will kill those who worship stones in Mecca and destroy the Kaaba. People go to Mecca to touch the stones, not for Allah."

తెలుగు సారం: ఐఎస్ఐఎస్ సభ్యుడు ఆబూ తురాబ్ అల్ ముగద్దసి అన్నారు: ''అల్లా నిర్దేశిస్తే, మక్కాలో రాళ్ళను పూజించే వాళ్ళను మేము చంపి కాబాను ధ్వంసం చేస్తాము. మక్కా వెళ్ళే ప్రజలు రాళ్ళను ముట్టుకోటానికి వెళ్తారు కానీ, అల్లా కొరకు కాదు.''

అదృష్టవశాత్తు, సమయస్ఫూర్తితో ఈ ట్వీట్ ను తొలగించింది.

సౌదీ అరేబియా ప్రభుత్వం కాబా పవిత్రస్థలానికి రక్షణ ఏర్పాట్లను పెంచాల్సి ఉంటుంది. పై ట్వీట్ ఎక్కడనుండి ట్విట్టర్ లోకి పెట్టబడిందో, అడ్రస్ దారును గాలించి పట్టుకొని ఏదైనా కుట్ర ఉంటే దానిని ఛేదించాల్సి ఉంటుంది.

ఈసందర్భంగా, నెట్ లో దొరికిన కొన్ని అనుబంధిత విషయాలను, ప్రస్తావించటం తప్పు కాదనుకుంటాను.

కాబా పై 1979 లో ఒకసారి Juhayman al-Otaybi నేతృత్వంలో, తీవ్రవాదుల దాడి జరిగింది. సౌదీ అరేబియా ప్రభుత్వం కమెండోల సహాయంతో దానిని భగ్నం చేసింది.

భారత దేశంలో కలియుగాంతానికి ''కల్కి'' అవతరించి చెడును నిర్మూలిస్తాడు అని నమ్మినట్లుగానే, ఇస్లాంలో కూడ ''మెహ్దీ'' అనే అవతారపురుషుడు వచ్చి చెడును నిర్మూలిస్తాడు అనే నమ్మకం ఉంది.

It is believed that the person who will destroy the Kaba will come from Ethiopia and be a Black man. But this will happen when there are no believers left.

తెలుగు సారం: కాబాను ధ్వంసం చేసే వ్యక్తి ఇథియోపియా నుండి వచ్చే నల్ల మనిషి అని నమ్మబడుతున్నది. కానీ ప్రపంచంలో ఇంక విశ్వాసులు అనే వాళ్ళు మిగలని సమయంలోనే ఇది జరుగుతుంది.

Mecca and Medina will be protected from the AC when that time comes around.

తెలుగు సారం: ప్రళయం వచ్చినా, మక్కా మదీనాలు రక్షించబడతాయి.

According to the Quran, the Ka'aba was built by the prophet Abraham and his son Ishmael as a house of monotheistic worhip. However, by the time of Muhammad, the Ka'aba had been taken over by pagan Arabs to house their numerous tribal gods. In 630 A.D., Muhammad and his followers took over leadership of Mecca after years of persecution. Muhammad destroyed the idols inside the Ka'aba and re-dedicated it as a house of monotheistic worship.

తెలుగు సారం: ఖురాన్ ప్రకారం, కాబా-- అబ్రహాం ప్రవక్త మరియు అతడి కొడుకైన ఇష్మాయిల్ చే, ఏకదేవతా పూజా గృహంగా నిర్మించబడింది. కానీ, ముహమ్మద్ నాటికి, కాబా పగాన్ అరబ్బుల చేతికి చిక్కింది; వారి అసంఖ్యాక గిరిజన దేవుళ్ళ గృహంగా మారింది. క్రీ.శ. 630లో ముహమ్మద్ మరియు అతని అనుచరులు ఎన్నో ఏళ్ళ వేధింపులకు గురి అయ్యాక, మక్కా నాయకత్వాన్ని చేపట్టారు. ముహమ్మద్ కాబాలోని విగ్రహాలను ధ్వంసంచేశాడు; కాబాని తిరిగి ఏకదేవతా ప్రార్ధనా మందిరంగా పునరంకితం చేశాడు.

The Five Pillars of Islam:

They make up Muslim life, prayer, concern for the needy, self purification and the pilgrimage. They are:

Shahadah: declaring there is no god except God, and Muhammad is God's Messenger

Salat: ritual prayer five times a day

Zakat: giving 2.5% of one’s savings to the poor and needy

Sawm: fasting and self-control during the blessed month of Ramadan

Hajj: pilgrimage to Mecca at least once in a lifetime if he/she is able to.

తెలుగు సారం: ముస్లిం జీవితాన్ని నిర్మించే, ఇస్లాం యొక్క ఐదు స్తంభాలు;

ప్రార్ధన, పేదలయందు అనురక్తి, ఆత్మశుధ్ధి, మరియు తీర్ధయాత్ర.

షహదా:దేవుడు (అల్లా) తప్ప వేరే ఇతర దేవుళ్ళు లేరు అని గుర్తించటం; ముహమ్మద్ దేవుడియొక్క సౌవార్తికుడు (సందేశాన్ని తీసుకువచ్చిన వాడు).

సలత్: విధిగా రోజుకి ఐదు సార్లు దేవుని ప్రార్ధించటం.

జకత్: తన పొదుపులో 2.5% ని పేదలకు దానం చేయటం.

సవంరమాదాన్ నెలలో ఉపవాసం మరియు ఆత్మ నిగ్రహము.

హాజ్:మక్కాకు తీర్ధయాత్ర.

మనం వివరించుకోలేని ఒక విచిత్రం: సిరియానుండి ఇరాక్ పై దాడి చేస్తున్న ఈ ఐఎస్ ఐఎల్ | ఐఎస్ఐఎస్ జీహాదీలు సున్నీ విశ్వాసులు అంటారు. సౌదీ అరేబియా దేశం, ఆదేశరాజు, అక్కడ అధిక సంఖ్యాకుల విశ్వాసం కూడ సున్నీయే. మరి తేడా ఎందుకు వచ్చిందో అర్ధం కానివిషయం. రాబోయే ఏడాదిలో, పాశ్చాత్య దేశాల ప్రోత్సాహం ఏదైనా ఉందా, వంటి విషయాలు, ఈ సమస్య మూలాలు, స్పష్టంకా వచ్చు.

నెట్ లో లభించే సమాచారం 100% నమ్మతగినవని ఎన్నటికీ చెప్పలేము. కనుక జాగ్రత్తగా పరిశీలించుకోటం అవసరం.

283 Swamijis are entitled to their personal opinions, but people should exercise care in following them

283 స్వామీజీలకు భావ వ్యక్తీకరణ స్వేఛ్ఛ ఉన్నది, కానీ ప్రజలు స్వామీజీల అభిప్రాయాలను పాటించే ముందు జాగ్రత్తగా పరిశీలించుకోవాలి.
చర్చనీయాంశాలు: 283, స్వామీజీలు, చంద్రబాబు, ముహుర్తాలు, కరువులు, విశాఖ

---

స్పష్టీకరణ: నేను బ్లాగ్ పోస్టులలో మతబోధకులు, స్వామీజీలు, రెవరెండ్లు, పాస్టర్లు, ఇమాంలు, క్లరిక్ లు, ఫకీర్లు, మొ|| పదాలను వాడినపుడు అవి అన్నిమతాల బోధకులకూ వర్తిస్తాయి. మార్క్సిజం, మతాలు అన్నిటినీ ప్రజలపాలిట మత్తు మందులు గానే, ట్రీట్ చేస్తుంది. ఎక్కువ తక్కువలు ఉండవు. కాబట్టి మీరు హిందూమతాన్ని మాత్రమే విమర్శిస్తున్నారు, ఇతర మతాలను విమర్శించటం లేదు, అని కినుక వహించ వలదని పాఠకులకు ప్రార్ధన. ప్రతిసారీ అన్ని హోదాలను, పదవులను లిస్టు చేయటం సాధ్యం కాదు కనుక పాఠకులు తమ ఆలోచనా విస్తృతిని పెంచుకుంటారని ప్రార్ధిస్తున్నాను.
విశాఖ లోని స్వామీజీ శ్రీ స్వరూపానందేంద్ర సరస్వతి వారు ఈ క్రింది మాటలు అన్నారని పత్రికలలో, నెట్ లో , వార్తలు వచ్చాయి. (నోట్: షిర్దీ శాయిబాబాను దేవుడు కాదని చెప్పిన శ్రీ స్వరూపనాంద సరస్వతి గారు గుజరాత్ లోని ద్వారక వారు. ఈ విశాఖ స్వామీజీ స్వరూపానంద + ఇంద్ర = స్వరూపానందేంద్రుల వారు. అంటే స్వరూపానందు లలో కూడ ఇంకా గొప్పవాడు.). వీరన్నట్లుగా చెప్పబడుతున్న మాటలు నిజమే అయితే చాలా దురదృష్టకరం.

''..ఆంధ్రప్రదేశ్ ముఖ్యమంత్రి చంద్రబాబు నాయుడు అధికారం చేపట్టిన ప్రతీసారి రాష్ట్రంలో కరువు తాండవిస్తుంది. ...''

English gist: Every time Mr. Chandrababu Naidu takes over as Chief Minister, drought hoofs in the State.

చంద్రబాబు అధికారంలోకి వచ్చిన నాటి నుంచి వర్షాలు కురవటం లేదు. ఆయన ప్రమాణ స్వీకారం చేసిన రోజే ఎంతో మంది చనిపోయారు. ప్రతీ రోజూ చనిపోతూనే ఉన్నారు.

English gist: We are not getting rains, since Chandra Babu took over. Many people died on the day, he took oath. Everyday, (people) are dying.

సూర్యస్తమయం అయిన తరువాత ప్రమాణ స్వీకారం చేయడం పాలకులకు మంచిది కాదు. ... గతంలో ఇలా ప్రమాణ స్వీకారం చేసిన వారు కూడా ఇలాంటి దుష్ఫలితాలు చవిచూశారు.

English gist: It will not be good for rulers to take oath after sunset. ... Those who have taken oath thus in the past have tasted this type of perilous results.

వైబీరావు గాడిద వ్యాఖ్యలు

మతబోధకులు చెప్పేవాటిని మనం వారి వ్యక్తిగత వ్యాఖ్యలుగా భావించటం మేలు.

మతబోధకులు కూడ వ్యక్తిగత, సామూహిక, వర్గ రాగ ద్వేషాలకు అతీతులు కాదు. తమ మతమే గొప్పదే, తాము నమ్మే విషయాలే నిజాలు, మిగిలినవన్నీ అబధ్ధాలు, సాక్ష్యాలు ఉన్నాయా లేవా అన్నది మాకనవసరం, మానమ్మకాలే మాకు ముఖ్యం అని వారిలో చాల మంది అనుకుంటున్నారు.
మతబోధకులు ప్రాచీన కాలం నుండి అనూచానంగా వస్తున్న మన ఆచారాలను, నమ్మకాలను, హేతువు అనే గీటు రాయితో ఎప్పటికప్పుడు పరిశీలించుకుంటు ఉండాలి. పొరపాట్లను దిద్దుకుంటూ ఉండాలి. పాత తప్పుడు నమ్మకాలను వదిలించుకోటంతో పాటు కొత్త ఉత్తమ నమ్మకాలను తగిలించుకోవచ్చు. అలా తగిలించుకునే వాటిని కూడ, మరల కొత్త సాక్ష్యాలు బయట పడ్డప్పుడు దిద్దుకోటానికీ, వదిలించుకోటానికీ వెనుకాడకూడదు.

మతబోధకులు స్మార్టు ఫోన్ లను, ఏసీ కార్లను, ఏసీ గదులను, హంసతూలికా తల్పాలనూ, గొప్ప సౌధాలను వాడటం నేర్చుకుంటున్నారు కానీ, అన్నిటికన్నా ముఖ్యమైన స్వాదుత్వాన్నీ, సాధుత్వాన్నీ వదులుకుంటున్నారు. వారు తరచుగా అలా చేస్తే , ప్రజలకు మతబోధకులపై నమ్మకం పోయే అవకాశం ఉంది.

భారతీయ రాజులకు, సుల్తానులకు, పాదుషాలకు వేయి సంవత్సరాల బానిసత్వ చరిత్ర ఉంది. వీరంతా మతబోధకులు నిర్ణయించిన ముహూర్తాలను, పధ్ధతులను పాటించి గద్దె నెక్కిన వారే. కానీ వారి కోటలు,సామ్రాజ్యాలు తురుష్కుల, పర్షియన్ల, అరబ్బుల, యూరోపియన్ల, మంగోలుల, ఫిరంగులు, తుపాకుల ముందు నిలువలేక మట్టిలో కలిసిపోయాయి.

సాయంత్రం పూట ప్రమాణ స్వీకారం చేసాడు కాబట్టి కరువులు వస్తున్నాయి, ప్రమాదాలు జరుగుతున్నాయి అనేది ఒక నిర్ హేతుకమైన నమ్మకం. ప్రమాణస్వీకారం పగలు చేసినా, రాత్రి చేసినా, ఇవి జరగచ్చు, జరగక పోవచ్చు. రెండిటికీ లింకు పెట్టటం అంటే బోడిగుండుకీ, బట్టతలకీ ముడి పెట్టటమే.

282 May be too late before courts; may not be too late before people!

282 May be too late before courts; may not be too late before people!
282 కోర్టులముందు జాగు అయ్యిందేమో; కానీ ప్రజలముందు బెటర్ లేట్ దాన్ నెవర్!
చర్చనీయాంశాలు: 282, కోర్టులు, లిమిటేషన్, నరేంద్రమోడీ, అఫిడవిట్లు

---

శ్రీనరేంద్రమోడీగారు మూడుసార్లు గుజరాత్ ముఖ్యమంత్రిగా పనిచేసినవారు. వారికి చట్టం తెలియదని ఎవరూ అనుకోలేరు. వారి ధర్మపత్నిపేరు శ్రీమతి జశోదా బెన్ గారు. గుజరాత్ లో ప్రభుత్వ టీచర్ గా పనిచేసి విశ్రాంతి తీసుకుంటు గుజరాత్ లోని ఒక గ్రామంలో ఉంటున్నారు. శ్రీమోడీ గారు సుమారు 45 సంవత్సరాల క్రితమే ఆమెను పుట్టింట్లో వదిలేసి ముఖం తప్పించినప్పటికీ, చట్టప్రకారం, ఆమె శ్రీమోడి గారి భార్యయే. విడివిడిగా ఉంటున్నప్పటికీ, విడాకులు తీసుకోలేదు కాబట్టి, చట్ట ప్రకారం ఎక్కడ భార్య పేరు ప్రకటించ వలసి వచ్చినా, ఆమె పేరును వ్రాయక తప్పదు.

ప్రజాప్రాతినిథ్య చట్టం ప్రకారం, ఎన్నికలలో పోటీ చేసే వారు, నామినేషన్ తో పాటు, తమ భార్యా పిల్లలు వివరాలు, వారిపేర్లతో ఉన్న ఆస్తులు, అప్పులు వివరాలు ప్రకటించాలి. దీనికొరకు నిర్దేశితమైన ఫారం ఉంది. ఉద్దేశ్యం ఏమిటంటే, పారదర్శకత.

శ్రీమోడీగారు గుజరాత్ శాసనసభకు మూడుసార్లు, 2014 లో వడోదారా లోక్ సభనుండి ఒకసారీ, 2014 లో వారణాసి లోక్ సభనుండి ఒకసారీ పోటీ చేసారు. గుజరాత్ శాసన సభకు పోటీచేసిన మూడు సార్లూ ఆయన తన నామినేషన్ లో భార్య పేరు, ఆస్తుల వివరాలు వ్రాయాల్సిన గడిని ఖాళీగా వదిలేశారు. 2012 గుజరాత్ లోని మణినగర్ అసెంబ్లీ నియోజక వర్గ ఎన్నికలలో శ్రీ మోడీ భార్య పేరు గడిని భర్తీ చేయలేదు. దీనినిరిటర్నింగు ఆఫీసర్ పట్టుకొని ఆయన చేత పూర్తిచేయించి ఉండవలసింది. పూర్తిచేయటానికి నిరాకరిస్తే నామినేషన్ ను తిరస్కరించవలసి ఉన్నది. కానీ వారు అలా చేయలేదు. అందువల్ల శ్రీ మోడీ తన భార్యపేరును, ఆమె ఆస్తుల వివరాలను రహస్యంగా ఉంచినట్లయ్యింది.

ప్రజా ప్రాతినిథ్య చట్టం సెక్షన్ 125ఎ.(3) అఫిడవిట్ సమాచారాన్ని దాచటాన్ని నేరం గా పరిగణిస్తుంది. దీని ప్రకారం, ఈనేరానికి ఆరునెలల వరకు జైలు శిక్ష పడచ్చు.

నిశాంత్ వర్మ అనే ఆమ్ ఆద్మీ పార్టీ కార్యకర్త , ముందు రిటర్నింగ్ ఆఫీసర్ ని శ్రీ మోడీ పై చర్య తీసుకొన మనికోరగా, ఆయన పట్టించుకున్నట్లు కనపడదు.

తదుపరి శ్రీ నిశాంత్ వర్మ, సంబంధించిన పోలీస్ స్టేషన్ లో, తప్పుడు అఫిడవిట్ ఫైల్ చేసినందుకు శ్రీ మోడీపై, దానిని పట్టించుకోనందుకు రిటర్నింగు అధికారిపై, ఎఫ్ ఐ ఆర్ ఫైల్ చేయటానికి ప్రయత్నించగా పోలీసు వారు నిరాకరించారు.

రిటర్నింగ్ అధికారి, మరియు పోలీసు వారి ఇన్ యాక్షన్ వల్ల బాధ చెందిన శ్రీ నిశాంత్ వర్మ తప్పనిసరి అయ్యి, ఏప్రిల్ 2014లో అహమ్మదాబాదు రూరల్ కోర్టులో కంప్లెయింట్ ఫైల్ చేయవలసి వచ్చింది.

“...An offence is made out [against Mr. Modi] under Section 123 (A) (3) of The Representation of People Act for leaving the column blank... [However] the complaint has been made after one year and four months. Therefore, cognisance of the offence cannot be taken under Section 468 Cr.PC, ...”

విచారణ జరిపిన ఎడిషనల్ జుడిషియల్ ఛీఫ్ మేజిస్ట్రేట్ శ్రీ ఎమ్.ఎమ్. షేక్ గారు, సెక్షన్ 125.ఎ.3 ప్రకారం నేరం జరిగిందని అభిప్రాయపడ్డారు. కానీ కంప్లెయింటును ఆలస్యంగా ఫైల్ చేసినందువల్ల ''టైమ్ బార్'' అయిందని, క్రిమినల్ ప్రొసీజర్ కోడ్ సెక్షన్ 203 క్రింద తన అధికారం ప్రకారం దానిని తిరస్కరించారు.

ఈసందర్భంగా వారు క్రిమినల్ ప్రొసీజర్ కోడ్ సెక్షన్ 468ని పరిగణనలోకి తీసుకున్నారు. సెక్షన్ 468 మూడేళ్ళ కన్నా తక్కువ శిక్ష పడే నాన్ సీరియస్ కేసులకు కాలదోషాన్ని (లిమిటేషన్) ఒక సంవత్సరంగా నిర్ణయిస్తుంది. కంప్లెయింటును ఏడాదీ నాలుగు నెలల తరువాత, అంటే 4నెలలు ఆలస్యంగా ఫైల్ చేశారు.

శ్రీ వర్మ గారి లాయర్ శ్రీ కె.ఆర్. కోస్తీ గారు, రివిజన్ పిటీషన్ ద్వారా ఈ ఆర్డర్ పై, పైకోర్టుకి వెళ్తామని చెప్పారు.

ఆశ్చర్యకరమైన విషయం ఏమిటంటే, 2012 నాటికే శ్రీమోడీ గుజరాత్ కి రెండు సార్లు ముఖ్యమంత్రిగా పనిచేశారు. పాలన గురించి, చట్టాలగురించి అవగాహన సంపాదించి ఉండాలి. పైగా ఎం.ఎ. పాలిటిక్సు స్నాతకోత్తర పట్టభద్రుడాయే. సమాచారాన్ని దాచటం నేరమని ఆయనకు తెలియదని ఎలా అనుకోటం.

న్యాయశాస్త్రంలో ఒక సూక్తి ఉంది. ఇగ్నోరెన్స్ ఆఫ్ లా ఈజ్ నో ఎక్స్యూజ్. చట్టం గురించి తెలియక పోటం, తప్పించుకోటానికి ఒక నెపంగా పనికి రాదు. దేశంలో ఎన్ని వందల చట్టాలున్నా, ఆచట్టాల గురించి తెలుసుకోవలసిన బాధ్యతను పౌరులపై ప్రభుత్వం, కోర్టులు మోపుతున్నాయి.

2014 లోక్ సభ ఎన్నికలలో కూడ శ్రీమోడీ గారు, తన ధర్మపత్ని గురించిన సమాచారాన్ని దాచేవారేమో. కానీ, 2013లో సుప్రీం కోర్టు ఒక రూలింగు ఇచ్చింది. అఫిడవిట్ లో అన్ని గడులను పూర్తి చేయాలని, ఖాళీలను ఉంచరాదని, నిర్దేశించింది. అందువల్ల శ్రీ మోడీగారు తప్పనిసరి అయ్యే 2014 అఫిడవిట్ లో నిజాన్ని బయట పెట్టవలసి వచ్చింది.

శ్రీమోడీ గారూ, జశోదా బెన్ గారిని కూడ నవ్వించండి

ఈ మధ్య శ్రీ ప్రధానమంత్రిగారు భూటాన్ సందర్శించారు. ఇలాటి సౌహార్ద్ర పర్యటనలలో, రాష్ట్రపతులు, ప్రధానమంత్రులు, దేశాధినేతలు తమతమ భార్యలను తమ వెంట తీసుకు వెళ్ళి ఆయా దేశాధినేతల సతీమణులకు పరిచయం చేయటం, వారూ వీరూ కలిసి నవ్వుకోటం జరుగుతుంది. కొద్దిరోజులు క్రితం ఉపరాష్ట్రపతి శ్రీ అన్సారీ గారు సతీ సమేతంగా చైనా సందర్శించిన ఫొటోను చూడండి.

జశోదాబెన్ గారికి కూడ న్యూయార్కు వంటి ప్రదేశాలను చూడాలని కోరిక ఉండచ్చు. స్టాట్యూ ఆఫ్ లిబర్టీకి స్పీడ్ బోట్ లో ప్రయాణించాలనే కోరిక ఉండచ్చు. ఐఫెల్ టవర్ ఎక్కాలని కోరిక ఉండవచ్చు. చైనా గోడను ఎక్కాలనిపించ వచ్చు. పీఎస్ ఎల్ వీ 23 వంటి సాటిలైట్లను శ్రీహరి కోటలో లాంచ్ చేస్తుండగా, నింగికెగురుతుంటే, ఆనందించాలనిపించ వచ్చు.

స్మృతి ఇరానీ వంటి వారి వలె ఆమె గొప్పసుందరాంగి కాకపోవచ్చు. శ్రీమతి ఆనందీ బెన్ గారి వలె ఆమె గొప్ప సునిశిత బుధ్ధి కలిగినది కాకపోవచ్చు. కానీ, ఆమె ఉపాధ్యాయురాలిగా తన సర్వీసులో వేల మంది భావి భారతపౌరులను తీర్చిదిద్దిన సు-గురువు. పతి అనుగ్రహం కొరకు, క్షేమంకొరకు పూజలు చేసే భారతీయ స్త్రీయొక్క పేరుప్రఖ్యాతులను నిలబెట్టిన గొప్పనారీమణి. ప్రపంచంలో ఏదేశపు స్త్రీలకు కూడ స్వఛ్ఛందంగా ఈ సుగుణం ఉండదు.

ఇతర దేశాధిపతుల, మన దేశాధిపతుల, భార్యలకు, రాష్ట్రపతుల, ఉపరాష్ట్రపతుల భార్యలకు, ప్రధానమంత్రుల భార్యలకు లభించే ఈ ఐశ్వర్యాలను, శ్రీ నరేంద్రమోడీ మహోదయ్ ధర్మపత్నిగా తనకూ లభించాలని ఆమె కోరినా కోరకపోయినా, ఆమెకు అవి లభిస్తే విని ఆనందించాలని , భారతీయ సంస్కృతిని గౌరవించే, సగటు భారతీయ స్త్రీపురుషులు కోరుకోటం తప్పా?

శ్రీనరేంద్రమోడీ దంపతులు అలా ప్రపంచ సందర్శనం చేస్తూ, భారతీయ దాంపత్యజీవనం యొక్క గొప్పదనాన్ని ప్రపంచానికి చాటి చెప్తుంటే, గర్వంతో రొమ్ములు విరుచుకోవాలనీ, రోమాంచాలు పొందాలనీ, ఏభారతీయుడు కలలుకనడు?

శ్రీనరేంద్ర మోడీనుండి ప్రజలు పారదర్శకతను వాంఛించటం తప్పు కాదు. శ్రీదిగ్విజయ్ సింగ్ మహోదయ్ వలె, ఆఖరి క్షణం దాకా ఆగకుండా, శ్రీనరేంద్రమోడీ మహోదయ్, ఇంకా దాచిపెట్టినవేమన్నా ఉంటే, అవన్నీ కూడ ప్రజల దృష్టికి తెస్తే, వారి వ్యక్తిత్వానికే మంచి శోభ కలుగుతుంది. పారదర్శకతగల నేతలు గల జాతిగా, భారతీయ కీర్తి పతాక కూడ ఎగురుతుంది.