251 Will the astrologers and vastu persons decide the future of Andhra Pradesh?

251 Will the astrologers and vastu persons decide the future of Andhra Pradesh?
251 ఆంధ్రప్రదేశ్ రాష్ట్రభవిష్యత్ ను జ్యోతిష్కులు మరియు వాస్తయ్యలు నిర్ణయిస్తారా?

చర్చనీయాంశాలు: 251, జ్యోతిష్యం, వాస్తు, ఆంధ్రప్రదేశ్ భవిష్యత్, వేణుగానం, ఈశాన్యం, గడియారాలు, దైనిక్ భాస్కర్

---

ఆంధ్రప్రదేశ్ 2014 సంవత్సర, 1826 రోజుల ముఖ్యమంత్రి చంద్రబాబునాయుడు తేలికగా పూర్తిచేసుకోవాల్సిన ప్రమాణ స్వీకారోత్సవం ఒక జాతరగా చేయబూనటం, నిధులను వృధా చేయటం అందరికీ తెలిసినదే.

ప్రమాణ స్వీకారం చేయాల్సిన జూన్ 8వతేదీనే కాక, సమయం రాత్రి 7.27 నిమిషాలకు ప్రమాణ స్వీకారం చేయాలని జ్యోతిష్కులు నిర్ణయించారట. ఈనాటి హిందూ పత్రిక, ఈముహూర్తాన్ని ఎంతో గొప్ప ముహూర్తంగా ప్రస్తుతించింది. కప్పగంతుల సుబ్బరామశర్మ అనే సిధ్ధాంతిగారు ఈ ముహూర్తాన్ని, శ్రీమోడీగారి ప్రమాణ స్వీకార ముహుర్తం కన్నా మెరుగైనది అన్నారట. కనకదుర్గా దేవాలయ స్థానాచార్యులు శ్రీ శివప్రసాద శర్మగారి ప్రకారం, రాజు పట్టాభిషేకంలో అతి ముఖ్యమైన విషయం మంచి ముహూర్తాన్ని ఎంచుకోటమేనుట.

వైబీరావు గాడిద వ్యాఖ్యలు

ఇంత గొప్పవిషయాన్ని గుడ్డిగా నమ్మిన క్రీ.పూ. 326 క్రీ.శ. 1858 మధ్యకాలపు భారతీయరాజులు ఎంత మంది జ్యోతిష్కులకు రత్న కంకణాలను తొడిగారో? వాళ్ళు తుమ్మినా, దగ్గినా జ్యోతిష్కులను సంప్రదించేవారని ప్రతీతి. మరి రెండవ ప్రతాప రుద్రుడు ఏ జ్యోతిష్కుడిని నమ్ముకున్నాడో, తన రాజ్యాన్ని కోల్పోటమే కాకుండా, ఢిల్లీ సుల్తాన్ సైన్యం చేత బందీగా తీసుకెళ్ళ బడుతూ నర్మదానదిలో దూకి ఆత్మహత్య చేసుకున్నాడు. అళియ రామరాజు, సదాశివరాయలు, అచ్యుతరాయలు, వీళ్ళంతా జ్యోతిష్యం మీద, వాస్తుమీద నమ్మకాలు ఉన్నవాళ్ళే. మరి హంపీకి ఆగతి ఎందుకు పట్టిందో!!

దేవగిరి రాజ్యాన్ని శంకర మహాదేవుడు అనే గొప్ప దేశభక్తుడు , పరాక్రమశాలి అయిన యాదవరాజు పాలించే వాడు. దేవగిరి జ్యోతిష్కులు అసమర్ధులో ఏమో, వారు నిర్ణయించిన ముహూర్తానికే యుధ్ధం చేసినా, శంకరమహాదేవుడిని ఢిల్లీ సుల్తానులు తోలు ఒలిపించి, గడ్డితో నింపిన తిత్తిని హోయసల రాజ్యంలో తిప్పినట్లుగా చారిత్రిక కథనాలు ఉన్నాయి.

మే జూన్ నెలలలో ఆంధ్రప్రదేశ్ లో వహన వర్షాలు ఎక్కువ, సాయంకాలం పూట పడుతూ ఉంటాయి. వేడెక్కిన భూమిపైకి సముద్రంనుండి చల్లని గాలులు వీయటం, ఆవిరి అయిన సముద్రజలాలు ఘనీభవించి వడగళ్ళవానలు వంటివి పడుతూ ఉండటం పరిపాటి. అదిన్నీకాక ఋతుపవనాలు కూడ సమీపంలో ఉంటాయి. కరక్ట్ గా రాత్రి 7.27 నిమిషాలకే సుడిగాలి వచ్చి పెద్దవాన పడితే దానిని శుభశకునంగా మనపండితులు వర్ణించటం ఖాయం. కానీ ఇంటికి తిరిగి వెళ్ళె ప్రజలు అట్టై బుట్టై అన్నట్లుగా అయిపోతారు. సోనియా గాంధీ, సుష్మా స్వరాజ్, నరేంద్రమోడీలు, సీమాంధ్ర ప్రజలపై రుద్దిన ఈ విభజనకు ఆమాత్రం కష్టాలు పడకపోతే ఎలా. విగుంతే సింగపూర్ కావద్దూ.

ఈనాటి హిందీ అభ్యాసం

దైనిక్ భాస్కర్

దైనిక్ భాస్కర్ ఒక అగ్రశ్రేణి హిందీ దిన పత్రిక. నవభారత్ టైమ్స్ మరియు దైనిక భాస్కర్ నుండి మనం రోజుకి రెండు మూడు వార్తలను చదివి ఆకళింపు చేసుకున్నా హిందీలో ఎంతో ప్రగతి సాధిస్తాము. ఉత్తరాది వారితో సంభాషించటంలోనూ, వారితో వ్యాపార లేఖలను, సందేశాలను మార్చుకోటంలో ఎంతో నైపుణ్యం వస్తుంది.

దైనిక్ భాస్కర్ చదవటానికి లింక్: http://m.bhaskar.com/regular/index.php కి వెళ్లటానికి క్లిక్ ఈరోజు దైనిక్ భాస్కర్ లో ఒక ఆసక్తి కరమైన అంశం కనపడింది, తెలుగు వాళ్ళ బెనిఫిట్ కొరకు అనువదించి, నా గాడిద బుధ్ధిలో భాగంగా వ్యాఖ్యానిస్తున్నాను.

1- घर में जो घडिय़ां बंद पड़ी हों, उन्हें या तो घर से हटा दें या चालू करें। बंद घडिय़ां हानिकारक होती हैं। इनसे नकारात्मक ऊर्जा निकलती है। घर के पूर्वोत्तर कोण में तालाब या फव्वारा शुभ होता है। इसके पानी का बहाव घर की ओर होना चाहिए न कि बाहर की ओर।

తెలుగు సారం: ఇంటిలో ఆగిపోయిన గడియారాలేమయినా పడి ఉంటే, వాటిని తిరిగి నడిచేలాగానన్నా చేయండి, లేదా ఇంట్లోంచి నెట్టేయండి. వీటినుండి నకారాత్మక శక్తి బయటకి వస్తుంది. ఇంటికి ఈశాన్యంలో నీటికొలను కాని, ఫౌంటేయిన్ కానీ ఉంటే శుభం. వీటినుండి ప్రవహించే నీళ్ళు ఇంటిలోపలికి ప్రవహించాలి. ఇంటి బయటకు ప్రవహించకూడదు.

2- वास्तु के अनुसार घर में बांसुरी रखना बहुत शुभ माना गया है। कृष्ण की बांसुरी सम्मोहन, खुशी और आकर्षण का प्रतीक मानी गई है। मान्यता है कि बांसुरी में से गुजर कर नकारात्मक ऊर्जा शुभ ऊर्जा में बदल जाती है। साथ ही बांसुरी शांति व समृद्धि का प्रतीक है। घर के मुख्य द्वार के समीप बांसुरी अवश्य लटकाएं।

2. వాస్తు ప్రకారం, ఇంటిలో వేణువులు ఉంచుకోటం ఎంతో శుభంగా భావించ బడుతుంది. శ్రీకృష్ణుడి వేణువు సమ్మోహనకరం, ఆనందం మరియు ఆకర్షణకు ప్రతీక గా గుర్తించబడింది. గుర్తింపు ఏమిటంటే, మురళి నుండి నకారాత్మక శక్తి శుభ శక్తిగా మారి బయటకి వస్తుంది. అంతే కాక పిల్లనగ్రోవి శాంతి, సమృధ్ధి కి ప్రతీక. ఇంటి ముఖ ద్వారం నుండి ఫ్లూట్ ను తప్పనిసరిగా పక్కకి నెట్టేయండి. (ముఖ ద్వారం సమీపంలో వేణువులు ఉండకూడదని భావం కావచ్చు).

వైబీరావు గాడిద వ్యాఖ్యలు

మా ఇంట్లో ఈశాన్యంలో ఉండిన మునిసిపల్ పంపు నీటి గుంటను నేను 1992 లో నీళ్ళురాకపోటంతో, ఎవరైనా పిల్లలు పడిపోయి కాళ్ళు చేతులు విరక్కొట్టుకుంటారేమోనని పూడ్పించాను. ఆప్రదేశం సమీపంలో నే, వాన నీళ్ళు బయటకు పోటానికి ఈశాన్యం ప్రహరీగోడకు తూము పెట్టించాను. ఇంత రివర్సు వాస్తుచేసినా , నాగాడిద బుధ్ధి మనిషి బుధ్ధి కావటానికి జరగవలసిన చెడు జరగలేదు. తత్ ఫలితంగా మనకు మేలు గానీ, కీడు గానీ, జరిగిన సూచనలు ఏనాడూ కనపడలేదు. నాగాడిద బుధ్ధి అలానే స్థిరంగానే ఉన్నది.

మాఇంట్లో 1993 నుండి పది దాకా వేణువులు ఉండేవి. నాకు కోరిక, తీరిక, ఓపిక ఉన్న ప్పుడు సాధన చేస్తూ ఉండే వాడిని. పిల్లులకు వేణునాదానికి కొన్నిసార్లు ఏదైనా సంబంధం ఉండేదేమో, అప్పుడప్పుడు పిల్లులు వేణువు శబ్దం వినగానే దూరంనుండి కూడ వస్తూఉండేవి. అయితే వేణువు శబ్దాలకు, పిల్లుల రాకపోకలకు కార్యకారణ సంబంధం ఎస్టాబ్లిష్ కాలేదు. దానికి చేయవలసిన డబుల్ బ్లైండెడ్ అన్ బయాస్ డ్ స్టడీ పరిశోథనలను చేయవలసిన తీరిక మనకి లేదు.

నిశ్చయం: గడియారాలకు, వేణువులకు, నీటిగుంటలకు మనకు మంచి జరగటానికీ, చెడు జరగటానికీ సంబంధం లేదు.

250 What for is this wasteful oath-taking ceremony of Chandra Babu Naidu?

250 ఈ వృధా పట్టాభిషేక జాతర ఎందుకు?

చర్చనీయాంశాలు: చంద్రబాబు, విజయవాడ, గుంటూరు, తెనాలి, మంగళగిరి, కరుణామయులు, శ్రామికవర్గం, భూస్వామ్యవర్గం, వ్యాపారవర్గం

---

ఈయన మేకపిల్లను భుజం మీద పెట్టుకున్నాడు కాబట్టి, ఈ వెన్నుపోటు సార్వభౌముడికి మేకపిల్లపై ప్రేమ కారిపోతుందని మనం భావించకూడదు. ఆమేక బాగా కండ, మాంసం పట్టగానే, దానిని కసాయి వాడికి అమ్మేయక తప్పదు. ఇది పెట్టుబడిదారీ రీతి. మేక మాంసం తినటానికి పనికిరాకపోతే మేకలను ఎవరూ పెంచరు.

మనము కరుణామయుడు అని భావించే వారందరి చేతులలో, మత ప్రవక్తలతో సహా, మేక పిల్లలను పెట్టి ఎంతటి కరుణా మయులో అని మురిసి పోతూ ఉంటాము. ఆ మరుసటి వారం లోనే ఆమేక కాస్తా ఖైమానో కబాబో అయి వాళ్ళ నోళ్ళలోనే కరకరలాడిపోతుంది.

వెన్నుపోటు సార్వభౌముడి పదవీకాలం, తనను ఎవరూ వెన్నుపోటు పొడవకపోతే 1826 రోజులే. ఈ మాత్రం దానికి ఒక పదికోట్లు ఖర్చుచేసి పట్టాభిషేకం చేసుకోవాలా? ఈ ప్రమాణ స్వీకారం అనేది రాజ భవన్ లో చేసుకుంటే, గవర్నర్ గారి రాజభవన్ ఖర్చులలో కలిసిపోయి ప్రజలు చవకగా బయటపడే వాళ్ళు. శేషాంధ్రకు సచివాలయం లో సెక్షన్ల ఏర్పాటు వంటి వాటిపై దృష్టి నిలపటం కుదిరేది. ఇపుడు ప్రముఖులను తీసుకురావటానికి, విడిది చూపటానికి, అద్దె విమానాలు, అద్దె హెలికాప్టర్లు, అద్దె కార్లు, అద్దె గదులు, పన్నీరు బుడ్లు, మందుబుడ్లు, మెమెంటోల కొరకు ప్రజల వీపు విమానంమోత మోగి పోతుంది.

ఈ ఆర్భాటానికి మురిసిపోయి, కేంద్రం నుండి లక్షలకోట్ల నిధులు, విదేశీ స్వదేశీ పెట్టుబడులు , పొరుగురాష్ట్రాల ముఖ్యమంత్రుల సహకారం వర్షంలాగా కురుస్తుందనుకుంటే అంతకన్నా భ్రమ ఉండదు. కేంద్రం నుండి నిధులు రావటం అనేది ఎన్నో అంశాలమీద ఆధారపడిఉంటుంది కాని జాతరల మీద ఆధార పడి ఉండదు. బిజెపికి, నరేంద్రమోడీకి సంపూర్ణ మెజారిటీ రాకుండా ఉంటే పరిస్థితి ఏవిధంగా ఉండేదో గానీ, ఇపుడు శ్రీ వెన్నుపోటు సార్వభౌమ 1 గారి అవసరం శ్రీవెన్నుపోటు సార్వభౌమ 2 గారికి ఏమాత్రం ఉండదు.

శ్రీచంద్రబాబు జూన్ 8 పట్టాభిషేకానికి చేస్తున్న జాతర వల్ల చిలకలూరిపేట నుండి ఏలూరు వరకు, కోదాడ నుండి ఉయ్యూరు వరకు జాతీయ రవాణా మొత్తం కకావికలు అయ్యే అవకాశం ఉంది. శిక్ష ఎవరికి పడుతుంది? లారీ డ్రైవర్లకు, క్లీనర్లకు, అభం శుభం తెలియని ప్రయాణీకులకు.

డీజీపీలు, ఐజీలు, డీఐజీలు, ఎస్ పీలు, ఏ ఎస్పీలు, కలెక్టర్లు, ఆర్ డీవోలు, ఏసీ కార్లలో తిరుగుతారేమో కానీ, ---- తహసీల్ దార్లు, ఎస్ ఐలు, ఏ ఎస్ ఐలు, కాన్ స్టేబుల్స్, హోమ్ గార్డ్స్ ల బ్రతుకు వడగాడ్పుల పాలైపోయింది.

పటాటోపం అనేది భూకులాలకు, వ్యాపార కులాలకు ఉన్న మాయ రోగం

శ్రామిక వర్గ పార్టీలు అధికారంలోకి వచ్చినపుడు మాత్రమే మనం ఈ పటాటోపాలనుండి బయట పడ గలం.

పట్టాభిషేకం సందర్భంగా, వినుకొండ అడవుల్లోని గ్రామాల్లో సైతం భూములు సెంటు రెండు లక్షలు దాకా పెరిగి పోయాయి. తరువాత దిగిరావచ్చు.

గతంలో, హైటెక్ సిటీ నిర్మాణం జరుగకముందు మాదాపూర్ లోని రాళ్ళూరప్పలు భూములను శ్రీ వెన్నుపోటు సార్వభౌమ గారు బినామీ పేర్లతో కొనేసి , పెరిగిన ధరలతో లాభపడ్డట్లు ఆరోపణలు వచ్చాయి. శ్రీకెసిఆర్ గారు, తాను ముఖ్యమంత్రికాగానే తన గురువు శ్రీ చంద్రబాబునాయుడి గారి బినామీ ఆస్తులను బయట పెడతానన్నారు. ఇపుడు ఆపని చేస్తారా, లేక రహస్య ఒప్పందాలు ఏమైనా చేసుకుంటారా?

అభివృధ్దికి ముందు భూములను కొనేయటం , లాభపడటం వంటి ఆరోపణలు, శ్రీమతి సోనియా గాంధీ అల్లుడు శ్రీ రాబర్ట్ వాద్రా పైకూడ వచ్చాయి. ఆమె ఈవిషయంపై పిత్తిన ముత్తైదువులాగా కూర్చుంటుంది, వేరే సంగతి.

విగుంతే లో రాజధాని రాబోతున్నది అనే సంకేతాన్ని తరచుగా ఇవ్వటం ద్వారా ఏలూరు నుండి చిలకలూరిపేట వరకు ఉన్న భూములన్ని భూ స్పెక్యులేటర్ల గుప్పిట్లోకి చేరాయి. ఈ భూములను కొనటానికి, అడ్వాన్సులు ఇవ్వటానికి, ఎగుమతి వ్యాపారాలకు, పరిశ్రమలకు బ్యాంకులు ఇచ్చిన అప్పులను దారి మళ్ళించి ఉండ వచ్చు. ఎంత తెలివి తక్కువ రియల్ ఎస్టేట్ వ్యాపారి అయినా స్వంత డబ్బుతో వ్యాపారం చేయడు. నిస్సందేహంగా బ్యాంకు ఋణాల దుర్వినియోగం జరిగి ఉండాలి. దీనిని నిరోధించటానికి బ్యాంకులకు సిబ్బంది, సరియైన మెకానిజం లేవు.

ప్రస్తుతానికి ప్రజలకు తెలుగు దేశం పార్టీ నిజంగా చిత్తశుధ్ధి ఉంటే, విజయవాడ గుంటూరు తెనాలి మంగళగిరి ప్రాంతాలలో ఉన్న 500 గజాలకన్నా ఎక్కువ ఉన్న స్థలాల, వ్యవసాయభూముల యజమానుల పేర్లను, చిరునామాలను ప్రభుత్వ వెబ్ సైట్ లో పెట్టాలి.

249 Endorsing Corporate Hospitals

249 Endorsing Corporate Hospitals
249 కార్పోరేట్ హాస్పిటల్స్ ను సిఫార్సు చేయటం ఎంత వరకు సమంజసం?

చర్చనీయాంశాలు: సినీనటులు, హీరో కృష్ణ, విజయనిర్మల, హోమియోపతి, కార్పోరేట్ వైద్యశాలలు

---

నా పోస్టు నంబరు 078 కి ఇది కొనసాగింపు. అందులో మీకు హోమియో వైద్యానికి శాస్త్రీయత లేదనటానికి తార్కిక ఆధారాలను సమకూర్చాను.

21వ శతాబ్దం ప్రారంభం వరకు, హోమియో వైద్యం లోకి కార్పోరేటు వైద్యశాలలు పెద్దగా ప్రవేశించలేదు. హోమియోలో ఆధునిక డయాగ్నోస్టిక్ పధ్ధతులు (కాట్, ఎమ్ ఆర్ ఐ మొ||) వాడకూడదని నిషేధం లేనప్పటికి, సర్జరీలకు ప్రాధాన్యత అంతగా లేనప్పటికీ, హానిమాన్ సిధ్ధాంతాలను చిత్తశుధ్ధితో నమ్మేవారు, పెద్దగా వీటికి ప్రాధాన్యాన్ని ఇవ్వక పోటం గమనార్హం. అందువల్ల గతంలో హోమియో వైద్యం వాణిజ్య స్వార్ధాలకు గురికాకుండా చవకగా దొరికేది. కావలసిన వారు హోమియో మందు సీసాలను ఇంట్లో పెట్టుకుని చాల చవకగా, ఇంచుమించు ఉచితంగా వాడుకునేవారు. హోమియో లో ఔషధ పదార్ధం లేకపోవటం వల్ల కేవలం ఫెయిత్ క్యూర్ లేక ప్లాసిబో (విశ్వాసం లేక నమ్మకం శరీరం లోని స్రావాలపై ప్రభావాన్ని చూపినపుడు, కనీసం కొన్నిరకాల సాధారణ వ్యాధులను నయం చేసే అవకాశం ఉండేది) సహాయంతో కొండంత ఆశలతో జీవితాలను నెట్టుకొచ్చేవాళ్ళు.

ఇపుడు హోమియో లోకి కార్పొరేట్ హాస్పిటల్స్ ప్రవేశించాయి. కార్పోరేట్ వైద్యంలో ఉండే అన్ని రకాల హడావుడులు హోమియో కార్పోరేట్ వైద్యం లోకి కూడ వచ్చాయి. ఇంత వరకు చౌకగా ఉండే హోమియో వైద్యం - గృహ వైద్యం స్థాయి నుండి శాస్త్రీయ వైద్యం స్థాయికి ఎదగలేదు గానీ, ఖరీదైన వైద్యంగా మారింది. ఇక్కడ మనం గమనించాల్సింది ఎల్లోపతి కార్పోరేట్ వైద్యం ఖర్చులను, హోమియోపతి కార్పోరేట్ వైద్యం ఖర్చులను పోల్చి, చూడండి హోమియో ఎంత చవకయో అనటం కాదు. ఔషధం అతిగా పల్చబర్చబడిన హోమియో బిళ్ళలు | గుళ్ళలో కేవలం పంచదార, ఆల్కాహాల్ లేక పాల పంచదార తప్ప వేరేవి లేనప్పడు, ఆవైద్యంలో మనం చెల్లించే బిల్లులకు వి ఎఫ్ ఎం (వ్యాల్యు ఫర్ మనీ చేసే ఖర్చుకు మాచింగ్ విలువ) ఏది?

నిపుణుల శ్రమ, నైపుణ్యం ఉంది కదా

ఔషధ పదార్ధమే లేనప్పుడు నైపుణ్యం దేనికి , నెత్తిన కొట్టుకోటానికా. నిజంగా నిపుణుడైన వాడు, ఆవైద్య శాస్త్రాన్ని ఐదైళ్లో ఏడేళ్ళో చదివేటపుడు ఒక రోజైనా, ఇది శాస్త్రీయమా అని ఆలోచించడా? వేలో లక్షలో ఫీజు కట్టి కోర్సులో చేరాం, ఏళ్ళతరబడి హాస్టళ్ళలో ఉన్నాం కాబట్టి, ఈ చీకటి సొరంగంలో ముందుకు వెళ్ళటమే కాని వెనక్కిరావటం లేదు అని అనుకునే పరిస్థితి వచ్చిందా?

నిపుణులు మనకొరకు సమయాన్ని వెచ్చించి మన శరీర తత్వానికి తగ్గ మందును మనకి ఇస్తున్నారు కదా అనే వాదన ఉంది. మందే లేని, కేవలం ఆల్కాహాల్ చల్లిన పంచదార గుళ్ళు | పాల పంచదార బిళ్ళలు | ద్రవాలు వాడేటపుడు వాటిని నిపుణుడు ఇస్తేనేం, నిపుణుడు కానివాడు ఇస్తేనేం. బెల్లడోనా అనే హోమియో మందును మనం వాడుతున్నామంటే, అందులో నిజంగా బెల్లడోనా ఉండాలి. అపుడు ఆమందుని ఇచ్చిన వాడు నిపుణుడా, కా డా అనే ప్రశ్న వస్తుంది.

హోమియో వైద్యం నిరపాయకరం అంటారు, నిజమేనా?

కొన్ని రకాల వ్యాధులకు మందు ఉండదు. మందు వాడినా ప్రయోజనం ఉండదు. కొన్నిరకాల ఎలోపతి మందులను వాడినపుడు సీరియస్ ప్రాణాంతక సైడ్ ఇఫెక్ట్స్, కొత్త సమస్యలు వస్తాయి అనే అభిప్రాయాన్ని నిపుణులు వ్యక్తం చేసినపుడు పేషెంట్లకు, వైద్యులకు కూడ కేవలం వెయిటింగ్ మాత్రమే మిగులుతుంది. ఇలాటపుడు ఏ మందూ వాడనపుడు, శరీరంలో అప్పటికే నెలకొని ఉన్న వ్యాధి తీవ్రతను బట్టి, ఉత్తేజితమయిన,అవుతున్న తెల్ల రక్తకణాలు మొ|| వ్యాధి నిరోధక శరీర ప్రక్రియలను బట్టి, శరీర పరిస్థితి మెరుగు పడటమో, దిగజారిపోటమో జరుగుతుంది.

మరల మరల వ్రాయాల్సిన విషయం: హోమియో మందులను వాడటం, ఏమందులను వాడక పోటంతో సమానం

హోమియో మందులను వాడటం, ఏమందులను వాడక పోటంతో సమానం కాబట్టి, శరీరంలో అప్పటికే నెలకొని ఉన్న వ్యాధి తీవ్రతను బట్టి, ఉత్తేజితమయిన,అవుతున్న తెల్ల రక్తకణాలు మొ|| వ్యాధి నిరోధక శరీర ప్రక్రియలను బట్టి, శరీర పరిస్థితి మెరుగు పడటమో, దిగజారిపోటమో జరుగుతుంది.

ఇంకా, బీ కామెర్ల వంటి కొన్ని రకాల వ్యాధులు మందు వాడినా వాడక పోయినా నిశ్చిత సమయం తరువాత తగ్గి పోతాయి. ఇలాంటి వ్యాధులకు, హోమియో లో ఔషధ పదార్ధం ఉండదు కాబట్టి, మనం హోమియో వాడుతున్నప్పుడు నిర్ణీత రోజుల తరువాత వ్యాధి నివారణ అవుతుంది. హోమియో నిరపాయకరమైనది అనే భ్రమకు గురియవుతాము.

నిజంగా మందులను వాడాల్సిన తీవ్ర పరిస్థితులలో, మనం ఔషధ పదార్ధం ఉన్న ఏదో ఒక వైద్యవిధానానికి సంబంధించిన మందులను వాడకుండా, హోమియో మందులను వాడుతూ కూర్చుంటే ఏమి జరుగుతుంది.

ఈ వార్త ప్రచురించ బడిన ది హిందూ పత్రిక కు వెళ్లటానికి క్లిక్. http://www.thehindu.com/2009/09/29/stories/2009092956201800.htm

నా హోమియోపతి ఇంగ్లీష్ బ్లాగ్ కి వెళ్ళటానికి క్లిక్: http://homoeopathyyb.blogspot.in/search/label/006

హోమియో మందులను వాడటం, ఏమందూ వాడకపోటంతో సమానం కాబట్టి, రోగి మరణించే అవకాశం ఉంది. ఆస్ట్రేలియాలో జరిగిందిది. భార్యా భర్త ఇద్దరూ భారతీయులే.

పిల్లవాడు ఎగ్జీమాతో (ఒక రకం చర్మ వ్యాధి, దురద) బాధపడుతున్నాడు.

తండ్రి (థామస్ శామ్) పిల్లవాడికి హోమియో వైద్యం చేశాడు. తల్లి మంజు భర్తకు సహకరించింది.

వ్యాధి ముదిరినా తల్లిదండ్రులు తమ వైద్యవిధానాన్ని మార్చుకుని ఆధునిక వైద్యుని సంప్రదించలేదు. మొండిగా హోమియో మందులనే కొనసాగించారు.

తరువాత తండ్రి ప్రకృతి వైద్యులను సంప్రదించాడు. ఈలోగా బాలుడు నల్లని జుట్టు తెల్లనిదిగా మారింది.

అశ్రధ్ధ వల్ల పిల్లవాడి ఇన్ ఫెక్షన్ రక్తంలోకి ప్రవేశించింది. అపుడు ఆధునిక వైద్యశాలకు తీసుకు వెళ్ళారు. ఎమర్జెన్సీ ట్రీట్ మెంట్ ఇచ్చినా ఫలితం దక్కలేదు.

ఫలితంగా పిల్లవాడు మరణించాడు.

ఆస్ట్రేలియా న్యాయస్థానం తండ్రికి ఆరేళ్ళు, తల్లికి నాలుగేళ్ళు జైలుశిక్షవిధించింది.

ఈ సందర్భంగా న్యాయమూర్తి ఇలా వ్యాఖ్యానించారు:

"THOMAS SAM WAS ARROGANT IN HIS APPROACH OF TREATMENT AND PREFERRED HOMOEOPATHY AND HIS WIFE MANJU DEFERRED TO HER HUSBAND WHICH UNFORTUNATELY LED TO (THE) CHILD'S DEATH.

తెలుగు సారం: థామస్ శామ్ తన చికిత్సాపధ్ధతిపై అహంకార ధోరణితో ఉన్నాడు. హోమియోపతిని ఎన్నుకున్నాడు. భార్య మంజు అతడికి సహకరించింది. అది దురదృష్టవశాత్తు బాలుడి మృతికి దారితీసింది.

వైబీరావు గాడిద వ్యాఖ్యలు

భారత్ లో, మరియు ఆస్ట్రేలియాలో సామాజిక, న్యాయ, ఆర్ధిక, స్థితిగతులు వేరు. కనుక ఆస్ట్రేలియన్ కేసును భారత్ కు వర్తించలేము. అదే సమయంలో ఈకేసునుండి మనం నేర్చుకోవలసిన నీతి ఉంది.

తెలివిగల వాళ్ళు ఈ నీతిని ఇప్పటికే నేర్చేసుకున్నారు. అమాయకులే హోమియోను పట్టుకొని, వేలాడుతున్నారు. మాగుంటూరులోనే కొన్నేళ్ళ క్రితం ఒక అర్హత కలిగిన ఎలోపతి వైద్యుడు హోమియో లోకి మారి పత్రికలలో వ్యాసాలు వగైరాలు వ్రాసి హోమియో వైద్యుడిగా మంచి పేరు ప్రఖ్యాతులు సంపాదించాడు. ఒక మాదిరిగా డబ్బు కూడ సంపాదించాడు. తరువాత హార్టు ఎటాక్ వచ్చినట్లుంది. ఎలోపతి కార్పోరేట్ హాస్పిటల్ లో చేరి ఆధునిక చికిత్స తీసుకున్నాడు. బ్రతక లేదనుకోండి. ఈ బ్రతకటం, బ్రతకపోటం అనేది ఎన్నో ఫ్యాక్టర్స్ (ప్రభావితం చేసే కారణాలు, వాటి వెయిటేజి) పై ఆధారపడి ఉంటుంది. మనం హార్డ్ అండ్ ఫాస్టు వ్యాల్యూ జడ్జిమెంట్స్ చేయలేం.
ప్రపంచంలో మాదిరిగానే, భారత్ లో, భారతదేశంలో లాగానే తెలుగు గడ్డ పైనా కూడ, సినీ స్టార్లు, క్రికెటర్లు, స్వాములవార్లు , వాస్తు నిపుణులు, జ్యోతిష్కులు మొ\\ వారి మెడకాయలు,తలకాయలు వెనకాల హాలోలు ఉంటాయి. హాలోలు అంటే చంద్రబింబం లాంటి గుండ్రటి లైటింగు. పూర్వం దేవుళ్ళ చిత్రాల వెనకాల మాత్రమే ఇటువంటి హాలోలు ఉండేవి. రైతులు, కూలీలు, సేల్స్ మెన్ లు, గుమాస్తాలు, దారుశిల్పులు (కార్పెంటర్లు), లోహశిల్పులు (కమ్మరులు, వెల్డర్లు) మొ\\ సకల సాధారణ మానవుల కన్నా, హేలో ఉన్న వృత్తుల వారు శ్రేష్ఠుల క్రింద లెక్క. వారు ఏ వస్తువును సిఫారస్ చేస్తే మనం ఆవస్తువులను ఎంత రేటు పెట్టైనా, ఇంటర్నెట్లో కొనేస్తాం.

ఇపుడు మనం అల్లూరి సీతారామరాజు గారి అవతారంగా భావించే, శ్రీ సూపర్ స్టార్ క్రిష్ణగారు. ప్రపంచం లోనే అత్యధిక చిత్రాలకు దర్శకత్వం వహించిన మహిళామణిగా ప్రఖ్యాతి గాంచిన శ్రీమతి విజయనిర్మల దంపతులు ఒక హోమియో కార్పోరేట్ వైద్యశాలను ఎండార్స్ చేయటం గమనార్హం. అలా ఎండార్సు చేసినందుకు వారు ఆ సదరు కార్పోరేట్ వైద్యశాలనుండి ఎన్నికోట్లు తీసుకున్నారో, మనకు తెలియదు, తెలియబోదు.

ప్రాడక్టులను ఎండార్స్ చేసే సెలబ్రిటీలు కేవలంతాము వాడే వాటినే ఎండార్స్ చేయాలని మనం ఆశించటం ఆచరణలో కుదరదు. ఎండార్స్ చేసే ముందు, ఆ ప్రాడక్ట్స్ మరియు సేవల విశ్వసనీయతలపై సత్యాన్వేషణ చేసే ఓపిక, తీరిక, కోరిక, మన శ్రేష్ఠులనుండి ఆశించటం, దురాశ అవుతుంది.

మన జాగ్రత్తలో మనం ఉండాలి, అని మాత్రమే వ్రాసుకోవచ్చు.

248 MPs and even MLAs may have to improve their Hindi skills

248 MPs and even MLAs may have to improve their Hindi skills
248 ఎంపీలు మరియు ఎం.ఎల్.ఎ. లు తమ హిందీ నైపుణ్యాలను పెంచుకోవాలి.

చర్చనీయాంశాలు: ఎంపీలు, శాసనసభ్యులు, హిందీ, టిడిపి, చంద్రబాబు, हिंदी सुभाषित, तेदेपा,

---

శ్రీచంద్రబాబు నాయుడు ప్రమాణ స్వీకారం చేయబోతున్న శేషాంధ్ర ముఖ్యమంత్రి తన ఎంపీలకు చేసినట్లుగా మీడియలో వచ్చిన నీతి బోధ.

You should immediately hire a tutor if need be and learn Hindi so that you can easily communicate with the BJP leaders.

తెలుగు సారం: మీరు తక్షణమే అవసరమైతే ఒక ట్యూటర్ ను నియమించుకొని హిందీ నేర్చుకోవాలి. బిజెపి నేతలతో తేలికగా హిందీలో సంభాషించ కలగాలి.

ఎన్టీఆర్ ట్రస్టు భవన్లో టిడిపీ పార్లమెంటు పార్టీ సభ్యులను ఉద్దేశించి శ్రీ చంద్రబాబునాయుడు ప్రసంగిస్తూ ఈ ప్రవచనాన్ని చేసారు.

If you speak to a person in the language he understands, then it goes to his head and heart. You may succeed with officialdom with broken English, but to convince the National leaders, on the need to give liberal assistance for Andhra Pradesh, learning Hindi is very important.

తెలుగు సారం: ఒక వ్యక్తితో మీరు అతడి భాషలోమాట్లాడితే, అది అతడి మెదడులోకి, హృదయంలోకి వెళ్తుంది. మీరు అధికారలోకంతో ముక్కలుముక్కల ఇంగ్లీషుతో విజయం సాధించ వచ్చు, కానీ ఆంధ్ర ప్రదేశ్ కి ఉదారంగా సహాయం చేయమని, జాతీయ నేతలను నచ్చ చెప్పటానికి, హిందీ నేర్చుకోటం, చాల ముఖ్యం.

अगर आप किसी व्यक्ती से उस के भाषा में संवाद किए, तो वह संचार उस के बुध्धि और हृदय को छेद कर अंदर प्रवेश होते। आप टूट अंग्रेजी के साथ नौकरशाही अधिकार गणों के साथ सफल हो सकते हैं, परन्तु जातीय नेताओं को आंध्र प्रदेश् को उदार सहायता देने का जरुरत समझाने के लिये हिन्दी सीखना बहुत महत्वपूर्ण और प्रभावशाली रहेगा।

Telangana MPs who were good in communicating in English and Hindi, had succeeded in putting pressure on the UPA Government to bifurcate the street.

తెలుగుసారం: తెలంగాణ ఎంపీలు ఆంగ్లం మరియు హిందీలలో సంభాషించటంలో, సమాచారాన్ని ఇవ్వటంలో మంచి నిపుణులు కావటంతో, వారు యూపీఏ ప్రభుత్వం పై రాష్ట్ర విభజనకు ఒత్తిడి తేవటంలో సఫలీకృతులయ్యారు.

हिंदी तात्पर्य: तेलंगाणा लोक सभा सदस्य, अंग्रेजी और हिन्दी मे संचार करने में बडे निपुण होने से, उनहोंने युपीए सर्कार पर राज्य विभाजन करने के लिये दबाव डालने में सफलीकृत हुए।

In the process, great injustice has been done to Seemandhra and the new Government has a herculean task to implement the promises it has made during the elections. We need to persuade the Union Ministers to come to our rescue. It is not an easy task to convince the Center unless we communicate with them in Hindi.

తెలుగు సారం: ఈ ప్రక్రియలో సీమాంధ్రకు మహా అన్యాయం జరిగిపోయింది. మరియు కొత్తప్రభుత్వానికి ఎన్నికల వాగ్దానాలను అమలుచేయటం కఠిన మైన పనిగా అయ్యింది. మనం , కేంద్రమంత్రులను మన రక్షణకు వచ్చేలా నచ్చజెప్పాల్సిన అవసరం ఉంది. మనం హిందీ లో సమాచార బదిలీచేయకుండా, కేంద్రానికి నచ్చ చెప్పటం తేలిక పని కాదు.

हिंदी तातपर्य: इस प्रक्रिया में सीमांध्रा को महान् अन्याय हो गया। और नए सर्कार् चुनाव वादाओं को अमल् में लाना कठिन हो गया। हम केंद्र मंत्रीयों को हमारो बचाव् के लिये आने को संसिध्घ करने का आवश्यकता है। हिन्दी में संवाद स्थापित करने के बिना, हम केंद्र सर्कार को यकीन देना बहुत् मुष्किल होगा।

Pl. hone your communication skills, as there is a dearth of 'silver-tongued' MPs in the party, who can present a powerful argument on any issue in the Parliament.

మీ సమాచార బదిలీ నైపుణ్యానికి పదును పెట్టుకోండి. పార్లమెంటు నందు ఏవిషయం పైన అయినా బలమైన వాదనను వినిపించగలిగే రజత జిహ్వుల (వెండి నాలుకలు కలిగిన అంటే మంచి వక్తలైన) ఎంపీలకు పార్టీలో కొరత ఉన్నది.

हिंदी तातपर्य: पार्लमॆंट् में किसी मुद्दे पर शक्तिशाली तर्क से वक्तव्य करनेवाले सुभाषित एंपीयों के कमी, हमारे पार्टी में है। अतः आप अपने संचार कौशल को सान दीजिए।