230 Interviewers vs Interviewees, authors vs editors

230 Interviewers vs Interviewees, authors vs editors
230 ఇంటర్వ్యూయర్లు వెర్సస్ ఇంటర్వ్యూయీలు, రచయితలు వెర్సస్ ఎడిటర్లు
చర్చనీయాంశాలు: మీడియా, పత్రికలు, టీవీ ఛానెళ్ళు, స్వాతంత్ర్యాలు

---

కొద్దిరోజుల క్రితం, భాభాప్ర ప్ర శ్రీ నరేంద్ర మోడీ గారికి దూరదర్శన్ అనగా ప్రసార భారతి వారికి మధ్య జరిగిన వివాదాన్ని గుర్తుకు తెచ్చుకోండి.

ఆ ఇంటర్వ్యూ 30 నిమిషాల సమయానికి ఉద్దేశించినదిట. కానీ, కారణాలేమైనప్పటికీ, మూల వీడియో 45 నిమిషాలదాకా పాకిందిట. ఇలా జరిగినపుడు, సాధారణ వ్యక్తుల విషయంలో నయితే దూర దర్శన్ వారు విచక్షణా రహితంగా కత్తిరించి ఇంటర్వ్యూని 30 నిమిషాలకు కుదించేసి, కనీసం ఇంటర్వ్యూ చేయబడిన వ్యక్తులకు చెప్పకుండా, ఏచీకటి రాత్రో ప్రసారం చేసుండే వాళ్ళేమో.

అధికార పార్టీ అగ్రనేతలైతే, అసలు కత్తిరించే ప్రసక్తే ఉండదు. అరగంటకని ఉద్దేశించింది, రెండు గంటలకు దేకినా, మిగిలిన కార్యక్రమాలను ప్రక్కన పెట్టో, లేక బహుళ ప్రచారంతో సీరియల్లాగో ప్రసారం చేసే వాళ్ళు తప్ప కత్తిరించి పారేయటం జరిగేది కాదు.

సరే, దూరదర్శన్ వారి నిబంధనలు, వారికా అధికారాన్ని కల్పిస్తూ, టైలర్ మేడ్ గా చేయంబడి ఉంటాయి కాబట్టి , వారిని వారు ఎలాగైనా సమర్ధించుకోగలరు.

కత్తిరించిన తరువాత ఆ ఇంటర్వ్యూ సత్యనాశ్ అయిపోయినా వారు పట్టించుకోరు. కానీ ఇంటర్వ్యూ చేయబడ్డవాడికి కడుపులో మండి పోతుంది. కానీ ఏమి చేయగలరు?

ఇంటర్వ్యూ చేయబడ్డ వ్యక్తి భాభాప్రప్ర శ్రీనరేంద్రమోడీ వంటి ప్రతిపక్షాగ్రనేత అయినపుడు ఊరుకుంటారా? ఊరు కోరు. భాభాప్రప్ర కాస్తా అసలు ప్రధానే అయ్యారనుకోండి. కొత్త సూచనా ఔర్ ప్రసార్ మంత్రీజీ వస్తారు. ప్రసార్ భారతికి కొత్త అధ్యక్షుల వారు వస్తారు. ఎడిటర్ల పని పట్టిస్తారు. కొందరిని ఏరికార్డురూములో దుమ్ము దులపటానికో, మ్యూజియంలో టిక్కెట్లమ్ముకోటానికో పంపిస్తారు.

ఇంటర్వ్యూలో శ్రీమోడీ గారు చెప్పిన , కత్తిరించి వేయబడ్డ ''ప్రియాంక నా కూతురు లాంటిది వంటి '' వాక్యాలలో వివాదాలకు దారి తీసేవో, చెత్త విషయాలో ఏమీ లేవు. ఒక విధంగా, ఆమాటలు స్నేహ హస్తం లాంటివే. ఇంటర్వ్యూను ఒక పావుగంట పొడిగించి ప్రసారంచేసినా పెద్ద నష్టం కలిగించనివే. ప్రసార్ భారతి వారు ఆపని ఎందుకు చేయలేదనేది అర్ధం కావటం లేదు. వారు అధికార పార్టీ వత్తిడికి గురి అయి ఉండచ్చు. లేదా స్వంత అహంకారం వల్లే ఆపని చేసి ఉండ వచ్చు.

పెట్టుబడిదారీ ప్రైవేటు ఛానెళ్ళయితే పరిస్థితి భిన్నంగా ఉండేదా?

భాభాప్రప్ర శ్రీమోడీ గారి పూర్తి ఇంటర్వ్యూని ప్రైవేటు ఛానెళ్ళు ప్రసారం చేశాయిట (నేను చూడలేదు). అవి ప్రసారం చేస్తాయంటే, వారికి తాము దూర దర్శన్ కన్నా తాము గొప్పవారమని నిరూపించుకునే అవకాశాన్ని ఎలా వదులుకుంటారు. సాధారణ వ్యక్తుల విషయంలో అయితే, దూర దర్శన్ కి , ప్రైవేటు పెట్టుబడిదారీ ఛానెళ్ళకీ పెద్ద భేదమేమీ ఉండదు. ఎడిటర్లు అనే వాళ్ళు ప్రైవేటు రంగంలో అయితే యజమానులకి, వారి ఉంపుడుగత్తెలకు, ఉంపుడుగాళ్ళకు, ప్రభుత్వరంగంలో అయితే నేతలకు, వారి ఉంపుడు గత్తె లకు, ఉంపుడుగాళ్ళకు, దాసులు. అంతేకాక తమ స్వంత ఉంపుడు గత్తెలకు, ఉంపుడుగాళ్లకు కూడ దాసులు. రెండు రకాల వారు కూడ, సామాన్యులతో వ్యవహరించే టపుడు నియంతల్లాగానే ప్రవర్తిస్తారు.

పెయిడ్ ఇంటర్వ్యూలకి, అన్ పెయిడ్ ఉచిత ఇంటర్వ్యూలకు, రెమ్యునరేటెడ్ ఇంటర్వ్యూలకి మధ్య ఏమైనా తేడా ఉంటుందా?

పెయిడ్ ఇంటర్వ్యూలు అనేవి ప్రకటనల లాటివి. ప్రకటనదారు తన ప్రకటన మధ్యలో ఇంకో ప్రకటన పట్తే ఊరుకోడు. పెయిడ్ ఇంటర్వ్యూ ల మధ్యలో ఛానెళ్ళు తమ ఇతర వ్యాపార ప్రకటనలను ప్రవేశ పెట్తే ఇంటర్వ్యూలకి డబ్బిచ్చినవాడు ఊరుకోడు.

అన్ పెయిడ్ ఉచిత ఇంటర్వ్యూల విషయంలో, ఆ ఇంటర్వ్యూ ఎవరికి అవసరం అనేదానిపై ఆధార పడి ఉంటుంది. ఛానెళ్ళు , పత్రికలు అనే వాళ్ళు ఫక్తు బేహారులు. అవతలవాడు మనకి ఈ ఇంటర్వ్యూని ఫ్రీ గా ఇస్తున్నాడు కదా అనే దయా దాక్షిణ్యాలు ఏమీ ఉండవు. 80% ప్రకటనలు, 20% ఇంటర్వ్యూ తుకడాలతో ఆఇంటర్వ్యూ ప్రసారం అయితే గొప్పే.

రెమ్యునరేటెడ్ ఇంటర్వ్యూల విషయంలో (అంటే, ఇంటర్వ్యూ ఇచ్చినవాడికి ఛానెల్ వాడు డబ్బు చెల్లించి తీసుకున్న ఇంటర్వ్యూల విషయంలో), ఛానెళ్ళ ప్రవర్తన ఆ ఇంటర్వ్యూ ఇచ్చిన వాడు ఎంత ఘరానా వ్యక్తా, వాడితో మనకి పని ఉందా, లేకా మనకే వాడితో పని ఉందా, అనే విషయం పై ఆధారపడి ఉంటుంది. ఏ సల్మాన్ ఖాన్ లేక కరణ్ జోహార్ వంటి వాడికో, కరీనా కపూర్ లేక దీపికా పాడుకోనే లేక ప్రియాంకా చోప్రా వంటి తారామణులకో కొన్ని లక్షలు చెల్లించి తాము పొందే ఇంటర్వ్యూల విషయంలో వారు వెల్వెట్ గ్లోవ్స్ తోనే (అంటే సున్నితంగానే, శిశువులని హ్యాండిల్ చేసినట్లుగానే ) వ్యవహరిస్తారు.

సహజ న్యాయం ఏమి చెప్తుంది?

సహజన్యాయం అనేది చట్టాల చేత నిబంధనల చేతా బంధించ బడదు. సహజ న్యాయ సూత్రాలు , ఇంటర్వ్యూ చేయబడ్డ వాడు ఘనుడా, నిర్ధనుడా అనే దానిపై ఆధారపడవు.

ఇంటర్వ్యూ చేయబోయే ముందే ఇంటర్వ్యూ చేయబడే వాడికి గట్టిగా అరగంట పరిమితి గురించి తెలియచేయటం, ఆఅరగంటలో అధికసమయాన్ని ఇంటర్వ్యూకర్త తినేయకుండా చూసుకోటం ముఖ్యం. ఇంటర్వ్యూ దత్తుడి ఎదురుగా ఒక పెద్ద కౌంట్ డౌన్ స్టాప్ వాచ్ ని పెట్టటం. కౌంట్ డౌన్ పూర్తి కాగానే ఇంటర్వ్యూని యాబ్రప్ట్ గా నిలిపేయకుండా (ఇలా చేస్తే రసభంగం అవుతుంది, ఇంటర్వ్యూ దత్తుడికి మూడ్ పోతుంది. ఉద్రేకంలో ఉన్నప్పుడే ఇంటర్వ్యూ దత్తులు నిజాలు చెప్తారు.) సమయాతీతం అయినా, చివరి దాకా కొనసాగించాలి. ఇంటర్వ్యూ పూర్తి అయినాక ఆ వీడీయోను ప్రయోక్త, ఇంటర్వ్యూ దత్తుడు కలిసి పరిశీలించి, ఉభయులకీ ఆమోదయోగ్యమైన రీతిలో ఇంటర్వ్యూని అరగంటకి కుదించుకోవాలి. కత్తిరింపులన్నీ ఉభయులకీ ఆమోదయోగ్యమైన పధ్ధతిలోనే జరగాలి. ఏకాభిప్రాయం కుదరకపోతే ఎడిటింగును, ప్రసారాన్ని వాయిదా వేసుకోవాలే తప్ప ఏకపక్షంగా కత్తిరించి ప్రసారం చేయకూడదు. లేదా, ఇంటర్వ్యూదత్తులపై కొంత దయ వహించి, పూర్తినిడివి వీడియోను ప్రసారా చేయాలి.

మూడవ వ్యక్తులపై వ్యాఖ్యలను చేసినపుడు (నా అభిప్రాయంలో పొగడ్తలైనా సరే) సంబంధించిన వ్యక్తులకి తెలిపి వారి అనుమతి తీసుకోవాలి. వారు అభ్యంతరాలు తెలిపితే, ఇంటర్వ్యూ దత్తుడిని తిరిగి సంప్రదించాలి, తప్ప కత్తిరించి ప్రసారం చేయకూడదు. ఇక్కడ శ్రీ మోడీగారు, ప్రియాంక తన పుత్రిక వంటిది అంటే (పొగడ్తే అయినా), ప్రియాంక అభ్యంతరం చెప్తే, శ్రీ మోడీగారిని సంప్రదించి ఆయన అనుమతి తీసుకున్నాకే దానిని కత్తిరించి ప్రసారం చేయాలి. అయన అనుమతి ఇవ్వకపోతే, ఆయన అభిప్రాయాన్ని ప్రియాంకా గారికి తెలియజేసి ఆమె సర్దుకుంటుందేమో కనుక్కోవాలి. ఆమె సర్దుకోటానికి సిధ్ధపడకపోతే, మోడీ గారు కూడ సర్దుకోటానికి సిధ్ధపడకపోతే, ప్రసారాన్ని వాయిదా వేయటమే మార్గం.

ఈవిధంగా చూస్తే, దూర్ దర్శన్ వారు, శ్రీ నరేంద్రమోడీగారిని సంప్రదించకుండా కత్తిరింపులు చేయటం, ప్రైవేటు ఛానెళ్ళవారు ప్రియాంకాను సంప్రదించకుండా పూర్తి ఇంటర్వ్యూని ప్రసారం చేయటం, రెండూ కూడా, అసమంజసమే అనాల్సి వస్తుంది.

ఇంకా కొంత వ్రాయవలసి ఉన్నది. ఇపుడు వ్రాసినదాన్నికూడ, సరిదిద్ద వలసి ఉన్నది. మిగిలింది ఇంకోసారి.

229 Will the future Prime Minister of India lose his election, if permission is not given for just one rally?

229 Will the future Prime Minister of India lose his election, if permission is not given for just one rally?

229 కేవలం ఒక్క రాలీకి అనుమతి ఇవ్వనంత మాత్రానే, భావి భారత ప్రధాని గారు ఎన్నికలలో ఓడిపోతారా?

చర్చనీయాంశాలు: బిజెపి, అరుణ్ జైట్లీ, నరేంద్రమోడీ, వారణాసి, నరసింహ శతకం

---

8.5.2014 నాడు వారణాసిలో శ్రీ నరేంద్రమోడీ గారు పాల్గొన వలసిన ఒక ర్యాలీకి, గంగానది హారతికి అనుమతి ఇవ్వటంలో రిటర్నింగు అధికారి అయిన జిల్లా మేజిస్ట్రేటు ఆలస్యం చేసినట్లున్నాడు. ఈ ర్యాలీ జరగ వలసిని బేణీ బాగ్ గతంలో మతకలహాలు జరిగిన ప్రదేశం కావటం వల్ల, శ్రీ నరేంద్రమోడీగారు కొంత ఉద్రేకంతో కూడిన ప్రసంగాలు చేసే వక్త కావటం వల్ల , అనుమతి ఇవ్వటంలో ఊగిసలాడి, చివరికి ఇచ్చినట్లున్నాడు.

ఈసందర్భంగా, బిజెపి సీనియర్ నేత, మాజీ కేంద్ర న్యాయ శాఖా మంత్రి, శ్రీ అరుణ్ జైట్లీ, చెప్పిన విషయాలు (మీడియా ప్రకారం) గమనించ తగ్గవి.

Photo courtesy BJPKarnataka.org. Thanks to them.

"India is not under British rule, it is a free country. To drive on the roads of Varanasi we don't need any damn permission from this returning officer. Just like you can drive, Mr Modi can also drive on the roads."

తెలుగు సారం: భారత్ ఆంగ్లేయుల పాలనలో లేదు. ఇది స్వతంత్ర దేశం. వారణాసి రోడ్లపై డ్రైవ్ చేయటానికి మాకు ఈ రిటర్నింగ్ అధికారి అనుమతి అవసరం లేదు. ఏవిధంగా మీరు డ్రైవ్ చేయగలరో (మీడియా), శ్రీ మోడీ గారు కూడ రోడ్లపై డ్రైవ్ చేయగలరు.

"We are not a banana republic that a prime ministerial candidate is not allowed to address a meeting in his own constituency by a pliant returning officer."

తెలుగు సారం: ఒక రిటర్నింగు అధికారి, ఒక ప్రధాన మంత్రి అభ్యర్ధిని తన స్వంత నియోజక వర్గంలో సభలో ప్రసంగించనీయక పోటానికి, మన దేశం ఒక బనానా రిపబ్లిక్ కాదు.

వైబీరావు గాడిద వ్యాఖ్యలు

శ్రీనరేంద్రమోడీకి, వారణాసి నియోజక వర్గంలో విజయం గ్యారంటీ అని బిజెపి వారే పలుసార్లు మరీ మరీ దేశమంతా హోరెత్తిస్తున్నారు. అలాంటప్పుడు కేవలం ఒక రాలీకో, లేక ఒక సభకో , ఒక హారతికో అనుమతి ఇవ్వనంత మాత్రాన ఆయన ఓడి పోడు కదా. రిటర్నింగు అధికారి ఇతరుల వత్తిడికి లోనయ్యో, లేక తనకే శాంతి భద్రతల రిస్కు తీసుకోటం ఇష్టంలేక గానీ, అనుమతులు ఆలస్యం చేసినంత మాత్రాన, అయన ఇవ్వవలసిన పర్మిషన్ ను ''డామ్న్ పర్మిషన్ '' అనచ్చా? బనానా రిపబ్లిక్ ప్రసక్తి తీసుకు రావచ్చా. కేంద్రంలో న్యాయ శాఖ మంత్రిగా పనిచేసిన వ్యక్తి ఇలాంటి కామెంట్లు చేయటం న్యాయమా?

శ్రీ నరేంద్రమోడీ వడోదారానుండి కూడ పోటీ చేస్తున్నారు. ఒకవేళ వారణాసిలో ఓడిపోయినా, వడోదారాలో గెలువ వచ్చు. అదిగాక, గుజరాత్ ముఖ్యమంత్రి పదవికి శ్రీ మోడీ రాజీనామా ఇవ్వలేదు కాబట్టి ఆరాష్ట్ర ప్రజలకి సేవ చేసే అవకాశం ఎలాగో ఉంది. తనను నమ్ముకున్న రాష్ట్ర ప్రజలను వదిలేసి ఢిల్లీ పీఠం పై అతివేగంగా ఎక్కేయాలన్న ఆరాటం వల్ల ఓర్పులేకుండా వ్యవహరించటం సబబా?

---

నేటి నేత శ్రీ అరుణ్ జైట్లీ సంపద వివరాలు
అమృత్ సర్ లోక్ సభ 2014 ఎన్నికలకు నామినేషన్ లో ఇవ్వబడిన అఫిడవిట్ ఆధారంగా

తనవి, తన భార్యవి కలిపి.

స్థిరాస్తులు: రూ.75.7 కోట్లు. చరాస్తులు: రూ. 37.32 కోట్లు.

కార్లు

పోర్ష్ కారు రూ. 1.02 crore.

మెర్సిడెజ్ బెంజి కారు రూ. 78.89 లక్షలు.

బిఎమ్ డబ్ల్యూ కారు రూ.85.57 లక్షలు.

హోండా ఎకార్డు కారు రూ.20.44 లక్షలు.

టొయోటా ఫార్ట్యూనర్ కారు రూ.23.28 లక్షలు.

మొత్తం కార్లు రూ. 3.10 కోట్లు.

నగదు

తనవద్ద రూ. 1.35 కోట్లు.
భార్య వద్ద రూ. 7.5 లక్షలు.

బ్యాంకు బ్యాలెన్స్: రూ.18.01 కోట్లు.

పిపిఎఫ్: రూ. 2 కోట్లు.

భార్యతో సహా ఇతరుల కిచ్చిన అప్పులు రూ. 10.37 కోట్లు.

బంగారం, వెండి

తన వద్ద బంగారం: రూ. 1.88 కోట్లు. 5.630 కిలోల బంగారం. 15 కిలోల వెండి, వజ్రాలు.

భార్య వద్ద: రూ. 23.44 లక్షలు.

స్థిరాస్తులు

రూ. 75.70 కోట్లు. ఫరీదాబాదులో (హరియానా,ఢిల్లీ సరిహద్దు) ప్లాట్. గుర్ గావ్ సైబర్ పార్కులో వాణిజ్య ఆస్తి. ఢిల్లీ, గుర్ గావ్, గాంధీనగర్(గుజరాత్), లో ఐదిళ్ళు.

2012-13 సంవత్సరానికి ఆదాయం రూ. 2.16 కోట్లు.

అప్పులు: లేవు.

---

వ్యాఖ్య: అప్పులు లేనివాడు నిజంగా ధన్యుడే కదా. అహో.

ఈనాటి పద్యం

గ్రంధం: నరసింహ శతకం.

మహాకవి: తూము నరసింహదాసు.
సీస పద్యం.

తల్లిగర్భమునుండి - ధనము తే డెవ్వడు

     వెళ్లిపోయెడినాడు - వెంటరాదు

లక్షాధికారైన - లవణ మన్నమె కాని

     మెఱుగు బంగారంబు - మ్రింగబోడు

విత్త మార్జనజేసి - విఱ్ఱవీగుటె కాని

    కూడబెట్టిన సొమ్ము - తోడరాదు

పొందుగా మఱుగైన - భూమిలోపల బెట్టి

     దానధర్మము లేక - దాచి దాచి

తేటగీతి.
తుదకు దొంగల కిత్తురో - దొరల కవునొ
తేనె జుంటీగ లియ్యవా - తెరువరులకు?
భూషణవికాస! శ్రీధర్మ - పురనివాస!
దుష్టసంహార! నరసింహ - దురితదూర!

228 Seemandhra people seem nobler than Mahatma Gandhi సీమాంధ్ర ప్రజలు మహాత్మా గాంధీ గారి కన్నా నోబుల్ గా కనిపించు చున్నారా?

Congress Party (Indian National Congress) Top Leadership seems to think that people of Coastal Andhra Pradesh and Rayalaseema are fools. It appears that Ms. Sonia Gandhi has preached innocent people at Jaggampet, East Godavari District, Andhra Pradesh, to show their second cheek, when they are beaten on their first cheek. Our Telugu Media seems to have dumped both the Congress and the Chief Minister Kiran Kumar Reddy's United Andhra Party to dustbin. It is natural, because the top two Telugu Newspapers are indirectly owned by the TDP Leader Mr. Nara Chandra Babu Naidu. If that public impression is not correct, Mr. Chandra Babu Naidu has to disprove it. Then there is another Telugu Newspaper called 'Sakshi', which is openly owned by Mr. Y.S. Jaganmohan Reddy, s/o Late Y.S. Rajasekhar Reddy.

ఈ ఫొటోను చూడండి. సీమాంధ్ర ప్రజలు (నాతో కూడ కలిపి) వేలం వెర్రి గాళ్ళు అని అర్ధం అవుతుంది. ఇది స్వర్గీయ వైయస్ ఆర్ గారి 2009 నాటి ఒక వెబ్ సైట్ నుండి సేకరించింది. తూర్పు గోదావరి జిల్లా జగ్గంపేట. (నాకు గుర్తుకు ఉన్నంత వరకు ఇది రాజోలు వెళ్ళే దారిలో , వశిష్ఠ నదికి ఉత్తర తీరంలో ఉంది. దక్షిణాన నది కవతల పశ్చిమ గోదావరి. అక్కడ ఒక వంతెన కూడ ఉన్నట్లు కూడ గుర్తు.

ఈ ఫొటో 2008లో శ్రీమతి సోనియా గాంధీ గారి జగ్గంపేట సందర్శన సందర్భం. జనాన్ని చూడండి, నేల ఈనినట్లుగా ఉంది కదా.

2014 ఎన్నికలలో గొంతు పిసికే విభజన వల్ల, సీమాంధ్రులకు కోపం వచ్చిందని వెనుకాడిందో, లేక భద్రతా కారణాల వల్లో, లేక తీరిక లేకో సోనియాజీ సీమాంధ్రలో ఒకటి రెండు ప్రదేశాలే సందర్శించింది. ఆమె గుంటూరు సందర్శనలో తరలి వచ్చిన జనాన్ని చూసి నివ్వెర పోయిందిట. తనపై జనానికి ఆగ్రహం కలుగ లేదని సంభావించి ఉంటుంది. ఈసారి అగ్రశ్రేణి తెలుగు పత్రికలన్నీ ఆమె పై కత్తి కట్టినట్లుగా ఆమె గుంటూరు విజిట్ వార్తను ఒక మూలన ప్రచురించాయి. అలాగనుకుంటే, మన అగ్రశ్రేణి తెలుగు పత్రికలు, పాపం మాజీ ముఖ్యమంత్రి కిరణుడిని కూడ పేపర్లో మూలకీడ్చాయి. పత్రికలు, ఛానెళ్ళు అన్నీ పెయిడ్ న్యూస్ కి అంకితమై పోయాయనటంలో సందేహం లేదు. ఓక పక్క మోడీగారి బిజెపి, ఇంకో పక్క శ్రీనాయుడి గారి టీడీపీ పెయిడ్ ఎడ్వర్టైజ్ మెంట్లు దంచుతుంటే, పత్రికల్లో మిగిలిన భాగాలను కూడ వారి వార్తలనే ప్రచురించి తరించపోటమే కాక , టిడిపీ బిజెపి పవన్ కళ్యాణ్ లకు విజయం తథ్యం అని బాదేశాయి. మామూలుగా ఒక సినిమాకి కనీసం మూడు నాలుగు కోట్లు తీసుకునే శ్రీ పవన్ కల్యాణ్ వంటి నటులు శ్రీ మోడీకి, శ్రీచంద్రబాబు కి ఉచిత సేవ చేసి పెట్తున్నారంటే నమ్మటం కష్టంగా ఉంది. శ్రీ మోడీ వారో, శ్రీ బాబు గారో, ఇద్దరో అధికారంలోకి వచ్చి తమను ఆదాయపు పన్ను అధికారుల నుండి రక్షిస్తారనో, భూములను చవకగా ఇస్తారనో, హీరోలు ఆశ పడటం జరగచ్చు.

గాంధీ గారికీ సీమాంధ్రులకీ ఏమిటీ పోలిక?

గాంధీ గారు ఏమి చెప్పారు? ఒక చెంప మీద కొట్తే రెండో చెంప చూపమన్నారు. శ్రీ జగన్ గారు ఇప్పటికే జనానికి ఒక చెంప మీద కొట్టి లక్ష కోట్లదాకా సంపాదించుకున్నారు. ఇపుడు జనానికి రెండో చెంప మీద కొట్టి ఇంకో లక్ష కోట్లు కుమ్ముకోటానికి సిధ్ధం అవుతున్నారు. జనం ఆయన సభలకు తండోప తండాలుగా వచ్చి, ఆయన పార్టీకి వోట్లేయటం ద్వారా, తమ రెండో చెంపను జగన్ జీ కి ఒప్పగించటం జరుగుతున్నది. అంటే గాంధీ గారి కన్నా గొప్పాకాదా?

మరి తెలుగు దేశం

శ్రీ చంద్రబాబు నాయుడు గారి రాజకీయ జీవితంలో గానీ, తొమ్మిదేళ్ళ పాలనలో గానీ శ్రీవారి ఆస్తి రెండెకరాలనుండి రెండువేల కోట్లకి పెరిగింది. రెండువేల కోట్లు సంపాదించటం నిజంగా ఒక గొప్ప విజయమే. కానీ శ్రీజగన్ లక్షకోట్ల విజయం ముందు దిగదుడుపే. లక్షకోట్ల సంపాదనలో విఫలమైనందుకు శ్రీ చంద్రబాబు గారు ఎంతో బాధ పడుతూ ఉండాలి. కొత్త రాష్ట్రానికి సింగపూర్ చేయటానికి 5 లక్షల కోట్లను కేంద్రంనుండి గుంజితే కాని, లక్షకోట్ల టార్జెట్ నెరవేరదు. దీనికోసం బిజెపి సహాయం, రెండు తెలుగు పత్రికల సహాయం, రెండో మూడో ఛానెళ్ళ సహాయం తీసుకుంటే కానీ ఒక వేవ్ ను పుట్టించటం కష్టం. దీని కోసం నిద్రాహారాలను మాని పనిచేయటం అనివార్యం.

సీమాంధ్రులు శ్రీ చంద్రబాబు పాలనను మర్చి పోయినట్లున్నారు. ఎన్ని కోఆపరేటివ్ పంచదార ఫ్యాక్టరీలు మూత పడ్డాయి? ఎన్ని సహకార డెయిరీలు మూతపడ్డాయి? కరువు వచ్చి రైతులు ఆత్మ హత్యలు చేసుకుంటుంటే, పరిహారం కోసమే ఆత్మహత్యలు చేసుకుంటున్నారని అధికారులు చెప్పిన మాటలను ఏకరువు పెట్టిన పాలన అది.

జగన్ , చంద్రబాబు, చిరంజీవి | రఘువీరుడు తప్ప మరొక దిక్కు లేదా

ఇపుడు ఉన్న పార్టీలలో, జైసపా పార్టీ కొన్ని లోపాలు ఉన్నప్పటికీ మెరుగైనదే అని చెప్పాలి. సమైక్యాంధ్ర ఉద్యమాన్ని సమర్ధించినట్లే సమర్ధించి చావు దెబ్బ కొట్టిన ఖ్యాతి సీమాంధ్ర నేతలది. పాపం, కిరణుడి చేత పార్టీ పెట్టించిన పితాని సత్యనారాయణ, సాకె శైలజానాధ్ వంటి వారు పడవను నట్టేట ముంచేసి ఈదుకుంటూ వేరే ఓడల్లోకి మారిపోయారు. కిరణుడు పార్టీ పెట్టటానికి చాలా వెనుకాడాడు. ఒత్తిడికి తట్టుకోలేకే ఆయన కొత్త పార్టీని పెట్టారని చెప్పాల్సి వస్తుంది. సమైక్యాంధ్ర పతాకాన్ని ఎగరేయటానికి చివరికి మన ఎంపీ లలో ఉండవల్లి అరుణ్ కుమార్, అమలాపురం హర్షకుమార్ మాత్రమే మిగిలినట్లున్నారు.

కిరణుడి పైన కూడ అవినీతి ఆరోపణలున్నాయి. చేసినాయన మాజీ డిజిపీ , లక్షకోట్ల జగన్ పార్టీలో చేరిపోయి మల్కాజ్ గిరినుండి పోటీ చేశాడు. త్రాగునీటి పథకం నిధులన్నిటినీ, మిగిలిన జిల్లాలను మాడ్చి చిత్తూరు జిల్లాకి తరలించు కెళ్ళిన ఖ్యాతి కూడ కిరణుడికి ఉన్నది.

సమైక్యాంధ్ర అనే నినాదం కూడ పసలేనిది. ఆంధ్ర ప్రదేశ్ వంటి పెద్దరాష్ట్రం, మధ్యలో నల్లమల కొండలు, అరకుకిరండల్ కొండలు ఉన్న రాష్ట్రానికి దూరాలు పెద్ద సమస్య. హిందూపురం నుండి ఇఛ్ఛాపురానికి ఎంతదూరం? ఏడు వందల కిలోమీటర్ల పైచిలుకే. బస్ ఛార్జీలు పెరిగిపోతున్న ఈరోజుల్లో , లాడ్జింగులు ఫుల్ బుకింగ్ జరిగే ఈరోజుల్లో, ప్లేటు భోజనం 50 రూపాయలకమ్మే ఈరోజుల్లో, రాత్రి పూట రైల్వే స్టేషన్లలో కూడ పండుకోనివ్వని ఈ రోజుల్లో, గ్రామీణులు రాష్ట్ర రాజధానికి ఎలా వెళ్తారు? తమ పనులు ఎలా చేయించుకుంటారు?

కనుక శేషాంధ్రను మూడు చిన్న రాష్ట్రాలుగా విభజించ వలసినదే. ఉత్తరాంధ్ర, దక్షిణాంధ్ర, రాయలసీమ.

విచిత్రమేమిటంటే, విశాఖ నుండి పోటి చేస్తున్న అభ్యర్ధులు, పార్టీలు, విశాఖను కొత్తరాష్ట్రానికి రాజధానిని చేస్తామని ప్రచారం చేసుకున్నారు.

విగుంతే నుండి పోటీ చేస్తున్న అభ్యర్ధులు గుంటూరు సభలో సోనియా గుంటూరును పొగడటాన్ని, ఇక్కడే రాజధానిని పెడ్తారు అనటానికి సంకేతంగా తీసుకుని ప్రచారం చేసుకున్నారు.

కడపలో జైరాం రమేష్ గారు , ముందు కడపలో రాజధాని పెట్టిస్తామని వాగ్దానం చేసితరువాత, అభ్యర్ధనను పంపిస్తామని వాగ్దానం చేసారు.

తిరుపతిలో రాజధాని వస్తుందని అక్కడి ప్రజలు ఎన్నో ఆశలతో ఉన్నారు.

కర్నూలు, సీమాంధ్ర రాష్ట్రానికి పాత రాజధాని. శ్రీ బాగ్ ఒడంబడిక ప్రకారం రాయలసీమకు రాజధానిని ఇస్తామనే వాగ్దానాన్ని నిలుపుకోవాలన్నా, రాజధానికి కర్నూలుకి వెళ్ళాలి.

అందరి కోరికలు తీరాలన్నా మూడు రాష్ట్రాలు రావాల్సిందే.

ఎలాగో సోనియా గాంధీ గారు విశాఖ, విజయవాడ, తిరుపతిల్లో అంతర్జాతీయ విమానాశ్రయాలను ఏర్పాటు చేయిస్తామన్నారు. కనుక మూడు ప్రాంతాలకూ మూడు రాష్ట్రాలను ఇస్తే, ఈమూడు అంతర్జాతీయ విమానాశ్రయాలనూ సద్వినియోగం చేసుకోవచ్చు.

సోనియా గాంధీ గారు తొమ్మిది సీమాంధ్ర పట్టణాలను అభివృధ్ధి చేస్తామన్నారు. అసలు మే 16 తరువాత ఆమె ఎక్కడుంటుందో , ఎలా ఉంటుందో తెలియదు. బిజెపి వారు చూస్తుంటే, ఆమెను, రాహుల్ ను, ప్రియాంకను, రాబర్ట్ వాద్రాను కలిపి మాయా బజార్ సినిమాలో లాగా, పాండవ వనవాసం సినిమాలో లాగా, ఒక దుప్పట్లో ప్యాకింగు చేసి ఇటలీకి ఎయిర్ పార్సెల్ చేయాలని ఉవ్విళ్ళూరుతున్నారు.

మొత్తానికి సీమాంధ్రకు సంబంధించినంత వరకు చాల గడ్డు రోజులు ముందు ఉన్నాయి. ప్రధమంగా, హైదరాబాదు నుండి సీమాంధ్రకు, సీమాంధ్రనుండి హైదరాబాదుకు జరిగే, వస్తువుల రవాణాను అంతర్ రాష్ట్ర రవాణాగా పరిగణించి రెండు రాష్ట్రాల్లో వ్యాట్ , కేంద్ర అమ్మకం పన్ను చెల్లించ మనచ్చు. రెండు రాష్ట్రాల సచివాలయాలు, ఒకే ఆవరణలో ఉండటంతో అక్కడ ఎన్ని కొట్లాటలు జరుగుతాయో.

తెలంగాణ లో తెరాస, సీమాంధ్రలో జగన్ అధికారం లోకి వస్తే సినేరియో ఒక రకం సర్దుబాటుగా ఉండ వచ్చు.

తెలంగాణలో తెరాస, సీమాంధ్రలో శ్రీ నాయుడు అధికారంలో కి వస్తే సీను మారిపోతుంది.

ఈ వ్యాసాన్ని తిరగ వ్రాయవలసి ఉన్నది. To continue adding/deleting/modifying.

227 One suggestion to reduce confusion between Carnatic Music and Hindusthani Music

227 కర్నాటక సంగీతం, హిందూస్థానీ సంగీతం మధ్య కన్ ఫ్యూజన్ తగ్గించటానికి ఒక సూచన
చర్చనీయాంశాలు: సంగీతం, కర్నాటక సంగీతం, హిందూస్థానీ సంగీతం

---

కర్నాటక సంగీతం (దక్షిణ భారత్), హిందూస్థానీ సంగీతం (ఉత్తర భారత్) రెండూ భారతీయాలే అయినప్పటికీ, రెండూ సరిగమల పైనే ఆధారపడి నప్పటికీ, రెండిటి మధ్య పలు ఉమ్మడి అంశాలు ఉన్నప్పటికీ, ఆంధ్రా తెలంగాణా ల మధ్య తగాదా ల్లాగా, ఈరెండు సంగీతాల మధ్యలో కొన్ని తేడాల లోయలు కూడ ఉన్నాయి. వీటి వల్ల కొంత కన్ ఫ్యూజన్ ఏర్పడటం, రెండిటిలో నిష్ణాతులు కావాలని ప్రయత్నించటం తగ్గిపోతున్నది. ఈతేడాలను బ్రిడ్జి చేసే ప్రయత్నంలోనే సూచనా మాత్రమైన ఈవ్యాసాన్ని వ్రాయటం జరిగింది . సంగీతంలో ఎందరో నిష్ణాతులైన పెద్దలు ఉన్నారు. నా ఈ అభిప్రాయ వ్యక్తీకరణను అవిధేయతగా భావించ వలదని ప్రార్ధిస్తున్నాను.

ఇందులో వ్రాస్తున్న అంశాలు ప్రాధమికంగా వేణువు అనే కర్నాటక వాయిద్యం, సితార్ అనే హిందూస్థానీ వాయిద్యం యొక్క సాధనానుభవం పై ఆధారపడి వ్రాస్తున్నది. గాత్రసంగీతానికీ, ఇతర వాయిద్యాలకు ఇది కొన్ని మార్పులతో (mutatis mutandis)పనికి వస్తుంది.

సంగీతంలో , గాత్ర సంగీతమైనా, వాద్య సంగీతమైనా, కర్నాటక ఐనా, హిందూస్థానీ ఐనా, నేను గమనించింది ఏమిటంటే, సాధారణంగా మంద్ర మధ్యమం కిందికీ, తార పంచమం పైకీ వెళ్ళరు. ఈరెండు కనిష్ఠ, గరిష్ఠ హద్దుల మధ్యలో, సుమారు 26 / 27 స్వర స్థానాలు ఉన్నాయి. స్వరాలు ఏడే ఐనా, స్వర స్థానాలు 12 లేక 16 యే అయినా, మంద్ర సప్తకంలోకి కొన్ని, తార సప్తకంలోకి కొన్ని విస్తరించటం వల్ల 26 / 27 కి పెరిగాయి. సితార్ లే సాధారణంగా 20/21 మెట్లు ఉంటాయి. నేను చూసిన మేండలిన్ లో 17 మెట్లు ఉన్నాయి. మెట్లు లేక రంధ్రాలు ఎన్ని ఉన్నా, స్థానాలు 26/27 వస్తాయి.

మంద్ర స్వరాలను సూచించటానికి స్వరాల క్రిందొక చుక్క పెట్టటం ఆచారం.

తార స్వరాలను సూచించటానికి స్వరాల నెత్తినొక చుక్క పెట్టటం ఆచారం.

కర్నాటక సంగీతంలో స్వరాల శృతిలో భేదాన్ని సూచించటానికి , వర్కు మొదట్లోనే స్వరాల శృతులను వ్రాస్తారు. ఉదా: కల్యాణి: చరి, అంగా, ప్రమ, శుధై, కాని. చతుశృతి రిషభము, అంతరగాంధారం, ప్రతి మధ్యమం, శుధ్ధ ధైవతం, కాకలి నిషాదం. వర్కు మధ్యలో ఎక్కడైనా భిన్నమైన శృతి వచ్చినపుడు ఉదాహరణకి ప్రతి మధ్యమం స్థానంలో శుధ్ధమధ్యమం వచ్చినపుడు, వికృత స్వరానికి గుర్తుగా నెత్తిన x గుర్తు పెట్టటం జరుగుతుంది.

హిందూ స్థానీ సంగీతంలో శుధ్ధ స్వరాలకు, కోమల స్వరాలకు మధ్య తేడా చూపించటానికి, కోమల స్వరానికి నెత్తిన ఒక చిన్న నిలువు గీతను గీయటం జరుగుతుంది.

ఈ బాధలన్నిటినీ తప్పించుకోటానికి, ఈక్రింది టేబుల్ సహాయ పడుతుందనుకుంటాను.

వైబీ గాడిద సూచిస్తున్న పధ్దతి
వైబీగాడిద పధ్ధతి वैबीराव गधा पध्धति	కర్నాటక कर्नाटक संगीत	హిందూస్థానీ हिंदूस्थानी संगीत
మంద్రస్థాయి స్వరాలు (పాత పధ్ధతిలో క్రింద చుక్క) मंद्र स्थायि स्वर bass notes
a ఎ,ఏ	శుధ్ధ మధ్యమం. (మంద్రం)	శు.మ. (మంద్రం)शुध्ध मध्यम (मंद्र)
b బి	ప్రతి మధ్యమం (మంద్రం)	తీవ్ర్ మధ్యమ్ (మంద్రం)तीव्र मध्यम (मंद्र)
c సీ	పంచమం (మంద్రం)	పంచమం (మంద్రం)पंचं (मंद्र)
d డీ	శుధ్ధ ధైవతం (మంద్రం)	కోమల్ ధైవత్ (మంద్రం) कोमल् धैवत् मंद्र
e ఈ	చతుశృతి ధైవతం (మంద్రం)	శుధ్ధ్ ధైవత్ (మంద్రం) शुध्ध धैवत् मंद्र
f ఎఫ్ లేక ఫ	కైశికి నిషాదం (మంద్రం)	కోమల్ నిషాద్ (మంద్రం)कोमल् निषाद मंद्र
g జీ	కాకలి నిషాదం (మంద్రం)	శుధ్ధ్ నిషాద్ (మంద్రం) शुध्ध निषाद मंद्र
మధ్యస్థాయి స్వరాలు मध्य स्थायि स्वर
h హెచ్ లేక హ	షడ్జం	షడ్జ్ षड्ज
i ఐ లేక య	శుధ్దరిషభం	కోమల్ రిషభ్ कोमल् रिषभ
j జె	చతుశృతి రిషభం	శుధ్ధరిషభ్ शुध्ध रिषभ
k కె	సాధారణ గాంధారం	కోమల్ గంధార్ कोमल् गंधार्
l ఎల్ లేక ల	అంతర గాంధారం	శుధ్ధ గంధార్ शुध्ध गंधार्
m ఎమ్ లేక మ	శుధ్ధ మధ్యమం	శుధ్ధ మధ్యమ్ शुध्ध मध्यम
n ఎన్ లేక న	ప్రతి మధ్యమం	తీవ్ర్ మధ్యమ్ तीव्र मध्यम
o ఒ లేక ఓ	పంచమం	పంచమం पंचम
p పీ	శుధ్ధ ధైవతం	కోమల్ ధైవత్ कोमल् धैवत
q క్యు లేక కో	చతుశృతి ధైవతం	శుధ్ధ ధైవత్ शुध्ध धैवत
r ఆర్ లేక రే	కైశికి నిషాదం	కోమల్ నిషాద్ कोमल् निषाद
s ఎస్ లేక సే	కాకలీ నిషాదం	శుధ్ధ్ నిషాద్ शुध्ध निषाद
తార స్థాయి స్వరాలు (పాత పధ్ధతిలో పైన చుక్క) तार स्थायि स्वर treble notes
t టీ లేక ట	తార షడ్జం	తార్ షడ్జ్ तार षड्ज
u యు	శుధ్ధ రిషభం (తారం)	కోమల్ రిషభ్ (తారం) कोमल रिषभ तार
v వీ	చతుశృతి రిషభం(తారం)	శుధ్ధ్ రిషభ్ (తారం) शुध्ध रिषभ तार
w వే	సాధారణ గాంధారం (తారం)	కోమల్ గంధార్ (తారం) कोमल् गंधार तार
x షొ	అంతర గాంధారం (తారం)	శుధ్ధ్ గంధార్ (తారం) शुध्ध गंधार तार
y యొ	శుధ్ధ మధ్యమం (తారం)	శుధ్ధ్ మధ్యమ్ (తారం) शुध्ध मध्यम तार
z జొ	ప్రతిమధ్యమం (తారం)	తీవ్ర్ మధ్యమ్ (తారం) तीव्र मध्यम तार
po పొ	పంచమం (తారం)	పంచమ్ (తారం) पंचम तार

కొన్ని పరిశీలనలు

కన్ ఫ్యూజన్ రానంత వరకు స్వర సంకేత నామం అక్షరాన్ని ఏ గుణింతం లోనైనా వాడుకోవచ్చు. ఉదాహరణ: t లేక ట. ఇది పైన టేబుల్ లో చూస్తే తార షడ్జం. దీనిని ట గుణింతంలో ట, టా,టి, టీ,టు,టూ, టె, టే, టొ, టో, త, తా, తి, తీ, తు, తూ, తె, తే, తొ, తో, ఇలా ఉచ్చారణకు అసౌకర్యం కానంత వరకు , స్వరాన్ని పలకటానికి ఇబ్బంది కరం కానంత ఎలాగైనా వాడుకోవచ్చు.

పైన టేబుల్ లో చూడండి. k కె = సాధారణ గాంధారం. q క్యూ లేక కొ= చతుశృతి ధైవతం. ఇక్కడ మనం 'క' గుణింతాన్ని స్వేఛ్ఛగా వాడుకోలేం. అయినా కొన్ని సర్దుబాట్లు సాధ్యమే.

పైనే ఇంకోటి చూడండి. g జి = మంద్ర కాకలి నిషాదం. j జె = మధ్య చతుశృతి రిషభం. జ గుణింతాన్ని మనం రెండిటికీ వాడలేం. g జి కి గ గుణింతాన్ని వాడచ్చుకానీ, ఇది మనం అలవాటు పడ్డ గాంధారం గ అనే స్వరం తో కన్ ఫ్యూజన్ కి దారి తీయచ్చు. అందు వల్ల గ గుణింతాన్ని వాడటం కొంత ఇబ్బంది కరంగా ఉంటుంది. మంద్ర కాకలి నిషాదానికి g జీ లేక జు, మధ్య చతుశృతి రిషభానికి j జ, జె, జొ లను వాడుకోవచ్చు. ఇంగ్లీషు లో కన్ ఫ్యూజన్ లేదు, ఫ్లెక్సిబిలిటీ కూడ లేదు. తెలుగులో ఫ్లెక్సిబిలిటీ ఉంది.

కొన్ని మూర్ఛనల ఉదాహరణలు

మాయామాళవ గౌళ: పాత పధ్ధతి. ఆరోహణ: స,శురి,అంగ,శుమ, ప,శుధై,కాని,తార షడ్జం.

ఇదే మూర్ఛన వైబీరావు గాడిద పధ్ధతి: ఆరోహణ: హాయాలామా ఓపీసేటీ. అవరోహణ: టీసేపీఓ మాలాయాహా .

English: hilm opst. tspo mlih.

హిందూస్థానీ: మాయామాళవ గౌళను హిందూస్థానీలో భైరవ్ (పుంలింగ రాగం. భైరవి కాదు , అది వేరు) అంటారు. మూర్ఛన: హాయాలామా ఓపీసేటీ. అవరోహణ: టీసేపీఓ మాలాయాహా .

ఇపుడు మీరు గమనించే ఉంటారు, హిందూస్థానీ భైరవ్ లోనైనా, కర్నాటక మాయా మాళవ గౌళలో నైనా ఒకటే ఆరోహణ, అవరోహణ: హాయాలామా ఓపీసేటీ. టీసేపీఓ మాలాయాహా .

ఇంకొక ఉదాహరణ: కల్యాణి , యమన్ दूसरा उदाहरण: कल्याणी, और यमन. Second example kalyANi and yaman.

kalyaNi: hjln oqst, tsqo nljh.

కల్యాణి: హాజాలానా ఓకోసేటీ, టీసేకోఓ నలజహ.

యమన్ (హిందూస్థానీ): హాజాలానా ఓకోసేటీ, టీసేకోఓ నలజహ.

మంద్ర స్థాయినుండి, మధ్యస్థాయి మీదుగా తార స్థాయికి వెళ్ళటానికి: beg hjln oqst vxz.

తెలుగులో: బీ ఈ జీ హాజాలానా ఓకోసేటీ వీషోజో. జోషోవీ టీసేకోఓ నాలాజాహా జీఈ బీ.

బాటం టూ టాప్, లేక టాప్ టూ బాటం . వీణలోనైనా, సితార్ లోనైనా , వేణవులోనైనా, హార్మోనియం లేక కేసియో వంటి వాటిలో నైనా చక్కగా కవర్ అవుతుంది అని నమ్ముతున్నాను.

ఈ విధంగా కర్నాటక, హిందూ స్థానీ సంగీతాలను మిలాయించటం కుదురుతుంది. పైన చుక్క, కింద చుక్కల బాధ పోతుంది. సాగా కి అంగా కి (సాధారణ గాంధారానికి అంతర గాంధారానికి) తేడా తేలికగా చూప గలుగుతాము. సాగా = k. కె. అంగా = l. ల.

గ్రహ భేదం చేయాలనుకునేవారికి కూడ ఈపధ్ధతి ఉపయోగించ వచ్చు. ఇంకో సారి వివరిస్తాను.

ఇంకా కొంత ఉంది. సూచనలను, తీవ్ర విమర్శలను ఆహ్వానిస్తున్నాను.

226 Will Congress look after Mother of Shri Narendra Modi? శ్రీనరేంద్రమోడీ గారి తల్లి పోషణ ను కాంగ్రెస్ చేపట్తుందా?

Mr. Rashid Alwi is Spokesman for INdian National Congress. Unable to bear the curses of Shri Narendra Modi, the Congress & Co. seems to have brought into the field Mr. Rashid Alwi, to defend themselves. రషీద్ ఆల్వీ గారు కాంగ్రెస్ స్పోక్స్ మాన్ గారు. శ్రీనరేంద్రమోడీ గారి తిట్లను తట్టుకోలేక కాంగ్రెస్ అధినేత్రి & కో వారు శ్రీ రషీద్ అల్వీగారిని ఫరమాయించినట్లున్నారు. వారు రంగంలోకి దిగి, కొన్ని విషయాలను బయటకి తెచ్చేరు.

శ్రీమోడీ గారి మాతృ మూర్తి 8 x 8 గదిలో కాలం గడుపుతున్నది. మొన్నటి ఎన్నికలలో వోటు వేయటానికి ఆటోలో పోలింగు స్టేషన్ కి వెళ్ళింది.

ఇపుడు శ్రీ రషీద్ ఆల్వీ గారు, శ్రీ నరేంద్రమోడీ గారికి ఒక లేఖ వ్రాసారుట. ఈలేఖ సారం ఏమిటంటే, మీ అమ్మగారి భారం మేము చూసుకుంటాము అని. మీకు 1.25 కోట్ల సంపద ఉన్నా, జెట్ విమానాల్లో తిరుగుతున్నా, డిజైనర్ గడియారాలు, కలాలూ వాడుతున్నా, మీ అమ్మగారికి అవసరమైన వస్తువులను సమకూర్చలేక పోతున్నారు. కాబట్టి మీ అమ్మగారి ఆలన పాలన మేము చూసుకుంటాము అని.

హిందీ పత్రికల్లో వచ్చిన కొంత భాగాన్ని ఇక్కడ ఇస్తున్నాను. నవభారత్ టైమ్స్ వారి కరుణతో.

'मोदीजी, हाल ही में आपने नॉमिनेशन में अपनी संपत्ति 1.25 करोड़ रुपए से ज्यादा बताई। मैं चकित हूं कि इतनी दौलत होते हुए भी आप अपनी मां को जरूरत की चीजें मुहैया नहीं करा पाए। हम लोग लगातार देख रहे हैं कि आप प्राइवेट जेट प्लेन्स हैं और कई लग्ज़री कारों के काफिले में यात्रा करते हैं। हम यह भी जानते हैं कि आपको डिज़ाइनर घड़ियों और मो ब्लां फाउंटेन पेन्स से बहुत प्यार है।'

తెలుగు సారం: అయ్యా మోడీగారూ, మీరేమో మీ నామినేషన్ లో, మీ సంపత్తిని 1.25 కోట్ల కన్నా ఎక్కువగానే చూపారు. నేను ఆశ్చర్యపోయాను, ఎందుకంటే మీకింత సంపద ఉన్నా, మీ అమ్మగారికి అవసరమైన వస్తువులను సమకూర్చలేక పోతున్నారు. మేము చూస్తున్నది ఏమిటంటే, మీరు ప్రైవేటు జెట్ విమానాల్లో ఎగురుతున్నారు. లగ్జరీ కార్లలో తిరుగుతున్నారు. మీకు డిజైనర్ వాచీలు, మో బ్లా ఫావుంటేయిన్ కలాలు అంటే ఎంతో ప్రేమ అని తెలుస్తున్నది.

వైబీరావు గాడిద వ్యాఖ్యలు:

శ్రీ నరేంద్ర మోడీగారు రోజుకొక కుర్తా మారుస్తారు. దీని ఖరీదే వేలల్లో ఉంటుంది. అహమ్మదాబాదులో టాప్ రెడీమేడ్ సంస్థవారు, వీటిని శ్రీ నరేంద్రమోడీగారి కోసం ప్రత్యేకంగా తయారు చేస్తారుట. ఒక డ్రెస్ ఖరీదుపెట్టినా, తల్లిగారి అవసరాలు తీర్చవచ్చు.

శ్రీమోడీ గారిని రోజు ఇంటికి చేర్చటానికి ఒక జెట్ విమానం, రెండు హెలికాప్టర్లను కిరాయికి తీసుకున్నారుట.

అయితే ఇక్కడ ఒక మెలిక ఉంది. అవన్నీ నాస్వంతమా, అవి పార్టీవారివి అని శ్రీమోడీ గారు అనవచ్చు. నా తల్లిగారికీ, నా భార్య (జశోదా బెన్) గారికీ నేను చేయాల్సిన ఏర్పాట్లు నా జేబులోంచి చేయాలి, అనచ్చు. అయితే, శాసన సభ్యునిగా, ముఖ్యమంత్రిగా శ్రీ మోడీ గారికి వచ్చే జీతం, నాతం కూడ కొన్ని వేల రూపాయలు ఉండవచ్చు.

ఈతరహా సమస్యలు కాంగ్రెస్ అగ్రనేతలకు ఉండవా? కేవలం మోడీ గారి కొక్కరికే కాక, అన్ని పార్టీల అగ్రనేతల కందరికీ ఈ త్రవ్వకాలు చేయాల్సి ఉంటుంది.

How about Congress taking care of Ms. Jashoda Ben, honored wife of Shri Narendra Modi?

It is high time, Congress thinks of honoring Ms. Jashoda Ben, w/o Shri Narendra Modi. But Congress will not do it, because many Congress leaders not only neglect their first wives, but also impose the second wives on the first wives to dominate them.

225 Should Jagan or Naidu learn Gujarati? జగన్ గారు కానీ నాయుడు గారు, లోకేషుడు కానీ గుజరాతీ భాష నేర్చుకోవాలా?

ఒకవేళ శ్రీ నరేంద్రమోడీ రాజ్యం వస్తే, ఆయన తన ఏకవ్యక్తి పాలనలో , తన సహచర గుజరాతీల సహాయం తీసుకునే అవకాశం ఉంది. సీమాంధ్రలో జగన్ రాజ్యం వచ్చినా, చంద్రబాబు రాజ్యం వచ్చినా, ఢిల్లీలో పైరవీలు చేయాలనుకునే ఎంపీలకు, ఎం ఎల్ ఏ లకు , గుజరాతీ జ్ఞానం వల్ల ఎక్కువ మేలు చేకూరుతుంది. వారు గుజరాతీ నేర్చుకుంటారా?


నేను గతంలో ఒకసారి వ్రాసింది: పత్రికలలో వచ్చిన వార్తల ప్రకారం , తెలంగాణ నేతలకు హిందీ, ఉర్దూ బాగా వచ్చినందు వల్ల వారు ఢిల్లీలో తమ డిమాండ్లను చక్కగా వివరించి తమ పనులను చక్కపెట్టుకునే వారు. సీమాంధ్ర నేతలకు హిందీ, ఉర్దూలు సరిగా రాకపోవటం వల్ల వారు తమ సమస్యలను ఢిల్లీ నేతలకు సరిగా వివరించలేక చతికిల పడ్డారు. అందుకే సీమాంధ్రకి గొంతుకోయటం తేలికైంది.


ఇపుడు చంద్రబాబు నాయుడు గారు , లోకేశుడు, గుజరాతీ బాగా నేర్చుకోకపోతే శ్రీమోడీ గారి దగ్గరనుండి తాము పొందాలనుకుంటున్న , సీమాంధ్రను సింగపూర్ చేయటానికి అవసరమైన ఐదు లక్షలకోట్లను ఢిల్లీలో, అహమ్మదాబాదులో వివరించి తెచ్చుకోటం కష్టం కావచ్చు.

ఈనాటి హిందీ చాకిరేవులో రోగాల పట్టిక

तीव्र उदर दर्द తీవ్రమైన కడుపు నొప్పి. तीव्र उदर दर्द తీవ్రమైన కడుపు నొప్పి.

चिरकालीन उदर दर्द దీర్ఘకాలిక కడుపు నొప్పి. .

माहवारी न होना (एमेनोरहिया) రజస్వల కాకపోటం.

रक्तहीनता (एनीमिया) రక్తహీనత (ఎనీమియా).

अरुची-अन्नविरक्ति-भूक-नाश-जवाल (अनोरेक्सिया) అరుచి, అన్నవిరక్తి, ఆకలి నాశనం , తిండి తినక కృశించుట (తిండి దొరకక కాదు, చిక్కిపోవాలనే కోరికతో) అనోరెక్సియా..

जलोदर (अस्कैटेस्) జలోదరం (అస్పెక్టెస్).

पीठ मे दर्द (ब्याकेछ) వెన్ను నొప్పి (బ్యాక్ ఏఛ్).

मसूडों से खून (ब्लीडिंग गम्स) చిగుళ్ళనుండి రక్తం (బ్లీడింగ్ గమ్స్).

रक्तचाप - रक्तदाब (बीपी) రక్తచాప్ , రక్తదాబ్ (బీపీ).

उंगलीयो के मिलन (क्लब्बिंग उंगलीया) చేతివ్రేళ్ళు అతుక్కొని పోవుట.

उदर शूल (कोलिक) ఉదరశూల (కోలిక్).

निश्चेतनावस्था, प्रगाढ बेहोशी (कोमा) నిశ్చేతనావస్థ (కోమా).

मुखाकृती और चेहरे के रंग ముఖాకృతి మరియు ముఖం రంగు (ముఖం కంప్లెక్షన్, కలర్). (భారతీయులలో ఈ తెలుపు రంగు పిచ్చి ఎక్కువ. అందుకే ఫెయిర్ అండ్ లవ్లీ క్రీముల వాళ్ళు ప్రజలను దోచుకుంటున్నారు)..

नेत्रश्लेष्मकलाशोथ (कनजनक्टिवा, कनजनक्टिवैटिस्) కండ్ల కలక (కంజుంక్టివైటిస్).

कब्ज-मलावरोध (कानस्टिपेषन) మలబధ్ధకం (కాన్స్టిపేషన్).

खांसी (कफ), దగ్గు (కఫ్).

नीलिमा-श्यावता (सयानोसिस) శరీరం నీలం రంగులోకి మారటం, రక్త మాలిన్యం వల్ల. (సయనోసిస్)..

दस्त-अतिसार-संग्रहणी (डयोरीया) నీళ్ళవిరోచనాలు, అతిసారం (డయోరియా, డిసెంట్రీ).

कष्टार्तव , कष् टमाहवारी (डिस्मेनोरिया) కష్టంతో కూడిన బహిష్టు స్రావం (డిస్మెనోరియా).

सकष्ट-संगम - दर्दनाक संगम (डिसपारेयूनिया) నొప్పితో కూడిన సంగమం, మైధునం (డిస్పారేయూనియా).

निगरण-कष्ट - निगलने में कठिनाइ (डिस्फागिया) మింగటంలో కష్టం (డిస్ఫాగియా).

दमा -दम फलना- दम चढना (डिस्पनोइया) ఊపిరి పీల్చుకోటంలో ఇబ్బంది (డిస్పనోయియా).

हृदय दढकनों का रेखाचित्रण (ईसीजी या इलेक्ट्रो कार्डियो ग्राम) ఈసీజీ, ఎలక్ట్రోకార్డియోగ్రామ్, విద్యుత్ యంత్రంతో హృదయస్పందనల రేఖాచిత్రం.

दिल इजाफा (हार्ट एन लार्जमेंट) గుండె సైజు పెరగటం, గుండె వ్యాకోచం (హార్ట్ ఎన్ లార్జిమెంటు).

नाक से खून (एपिस्टाक्सिस) ముక్కునుండి రక్తం (ఎపిస్ టాక్సిస్).

चॆहरा दर्द (फेस पेयिन) ముఖం నొప్పి (ఫేస్ పెయిన్).

मुह से दुर्गंध, दुरगंधित सांस (हालिटोसिस) నోటి దుర్గంధం, శ్వాస దుర్గంధం (హాలిటోసిస్).

आंखों में बुध्न परिवर्तन (फंडस छेंजेस्) కంటి రెటీనా మూలంలో మార్పులు (ఫండస్ ఛేంజెస్).

बुखार-ज्वर (फीवर्) జ్వరం (ఫీవర్).

रक्तवमन-खून की उल्टी (हेमाटेमेसिस्) రక్తవమనం, రక్తం వాంతులు (హెమాటేమేసిస్).

पेशाब मं खून (हेमाटूरीया) మూత్రంలో రక్తం (హెమాటూరియా).

रक्तकांफ (हेमोपटैसिस) దగ్గులో రక్తం (హెమోపటైసిస్).

बाल (हेयिर) వెంట్రుకలు (హెయిర్).

शिरदर्द (हेड एछ) తలనొప్పి (హెడ్ ఏఛ్).

दिल को जला -अम्लिकोद्गार -हृद्दाह (हार्ट बर्न) గుండెలో మంట (హార్ట్ బర్న్).

पीलिया (जांडैस) కామెర్లు (జాండైస్).

ओँठ - अधर (लिप्स्) పెదవులు (లిప్స్).

जिगर इजाफा - यकृत इजाफा (लिवर एनलारजिमेंट) కాలేయం పెద్దది కావటం (లివర్ ఎన్ లార్జిమెంటు).

लसीका पर्व इजाफा (लिंभ नोड एनलार्जमेंट) లింఫ్ నోడ్ పెద్దది కావటం (లింఫ్ నోడ్ ఎన్ లార్జిమెంటు).

रुधिर कालामल (मेलायेना) నల్ల రక్తం (మేలాయేనా).

अती आर्तव -माहवारी ज्यादा (मेनोरहाजिया) అతి బహిష్టు స్రావం (మెనోరాజియా).

अति काल आर्तव - रक्तप्रदर (मेट्रोरहाजिया) చాలారోజులు జరిగే బహిష్టు స్రావం (మెట్రో రాజియా).

शोफ-फलाव-स्फाय (ओडेमा,एडेमा) వాపు (ఒడెమా, ఎడెమా).

कान मे दर्द (पेयिन इन इयर) చెవులో నొప్పి (పెయిన్ ఇన్ ఇయర్).

दर्द, सुन्नता, झुनझुनी एक अंग मे (पेयिन, नंबनेस, टिंगलिंग इन ए लिंब) శరీరంలో ఒక వైపు అంటే ఎడమ కానీ కుడి కానీ నొప్పి, తిమ్మిరి, టింగ్ లింగ్ (పెయిన్, నంబ్ నెస్, టింగ్ లింగ్ ఇన్ లింబ్).

दर्दनाक आँख (पेयिनफुल ऐ) నొప్పితో కూడిన కళ్ళు (పెయిన్ ఫుల్ ఐ).

जोडों में दर्द (पेयिन्स इन जायिंट्स) కీళ్ళలో నొప్పి (పెయిన్స్ ఇన్ జాయింట్స్).

धडकन - धकधकी (पाल्पिटेषन) దడ (పాల్పిటేషన్).

खुजली योनी (प्रूरिटस् वुलवे) యోని ఇన్ఫెక్షన్ (ప్రూరిటస్ వుల్వే).

नाडी (पल्स) నాడి (పల్స్).

आंख की पुतली (पूपिल) కంటి పాప (ప్యూపిల్).

दीऱ्घकालिक ज्वर-बूखार (क्रानिक पैरेक्सिया) దీర్ఘకాలిక జ్వరం (క్రానిక్ పైరెక్సియా).

कठिन श्वास से कांप और सर्द (रिगर) కఠిన శ్వాస వల్ల కంపం మరియు చలి (రిగర్).

लार-थूक-अधिक लालाजल (सेलैवा) అధిక ఉమ్మ (సెలైవా).

नींद -नींद समस्याए (स्लीप) నిద్ర, నిద్రా సమస్యలు (స్లీప్).

छींकना (स्नीजिंग) తుమ్ములు (స్నీజింగ్).

खर्राट - सोते सोते चकना (स्नोरिंग) నిద్రలో గుర్రు (స్నోరింగ్).

प्लीह वृध्धि - तिल्ली इजाफा (स्पलीन ऎनलार्जमॆंट) స్ప్లీన్ వృధ్ధి (స్ప్లీన్ ఎన్ లార్జిమెంటు).

थूक - लालजल (स्पूटम) ఉమ్మి (స్పూటం).

दक्षिण ऊपर-पेट में सुझन-उभाड-गिल्टी ( स्वेल्लिंग इन रैट हैपोकांड्रियं) కుడి వైపు పొట్టలో వాపు (స్వెల్లింగ్ ఇన్ రైట్ హైపోకాండ్రియం).

स्तन की सुजन (स्वेल्लिंग इन ब्रेस्ट) స్తనాలలో వాపు (స్వెల్లింగ్ ఇన్ బ్రెస్ట్).

हड्डियों मे सुजन-उभडृ-गिल्टी (स्वेल्लिंग रिलेटेट टू बोन्स) ఎముకల వాపు (స్వెల్లింగ్ రిలేటెడ్ టు బోన్స్).

ऐंठ- बेग-मूत्राशय का प्रदाहिक विकार - मलोत्सर्जन वृधा प्रयत्न (टेनेस्मस) మూత్రవిసర్జన, మలవిసర్జనలో ఇబ్బంది (టెనెస్మస్).

थायिरायिड सुजन-उभाड-गिल्टी (थैरायिड स्वेल्लिंग) థైరాయిడ్ గ్రంధి వాపు (థైరాయిడ్ స్వెల్లింగు).

जीभ (टंग्) నాలుక (టంగ్).

कंप-कंपन-स्पंदन (ट्रेमर्स) శరీరం కంపించటం (ట్రెమర్స్).

व्रण - फोडा -नासरे (अलसर) వ్రణాలు (అల్సర్స్).

मूत्र - पॆशाब (यूरिन) మూత్రం (యూరిన్).

योनि स्राव (वाजिनल् डिस्छार्ज) యోని స్రావం (వాజినల్ డిస్ఛార్జి).

वमन -कै - उबकाई - उलटी (वामिटिंग) వాంతులు, వమనం (వామిటింగ్).

योनी सुजन -उभाई -गिल्टी (वुल्वल स्वेल्लिंग) యోని వాపు (వుల్వల్ స్వెల్లింగ్).

224 Shri Modi lacks minimum courtesy and manners

224 శ్రీనరేంద్ర మోడీ కనీస గౌరవ మర్యాదలు చూపించలేని వ్యక్తియా?

చర్చనీయాంశాలు: సోనియా, నరేంద్రమోడీ, బిజెపి, కాంగ్రెస్

---

ఈయనయే గరీబ్ ఆద్మీ, చాయ్ వాలా

శ్రీ నరేంద్రమోడీ అన్నట్లుగా చెప్పబడుతున్న మాటలు:

हमें गर्व है कि हमने कहा कि लोगों को और मत लूटिए। लोगों को जो लूटते हैं उन्हें कहने की जरूरत नहीं है। आपने गरीबों के लिए कुछ भी नहीं छोड़ा है। यह आप जैसे लोगों को कहना है, क्योंकि हमने कभी नहीं लूटा है। तो क्यों नहीं ‘ये दिल मांगे मोर’। केवल सोनिया जी ही क्यों? आपको सम्मानित तरीके से जाने की तैयारी करनी चाहिए।

తెలుగు సారం: ప్రజలను ఇం కా లూటీ చేయటం మానమని చెప్పటానికి మాకు గర్వంగా ఉంది. ప్రజలను లూటీ చేసే వారు ప్రజలకు చెప్పవలసిని అవసరం లేదు. మీరు పేదలకు కొంత కూడ వదలలేదు. మేము ప్రజలను ఎప్పుడూ లూటీ చేయలేదని , మీలాటి వ్యక్తులకు చెప్పాల్సి ఉంది. అలాటపుడు ''యే దిల్ మాంగే మోర్ '' ఎందుకు అనకూడదు? మీరు మర్యాదాకరమైన పధ్ధతిలో వెళ్ళిపోటానికి సిధ్ధపడాలి.

వైబీరావు గాడిద వ్యాఖ్యలు

English: All parties have looted the country and the people. How about the pillage of the iron ore in Karnataka State under BJP Rule, by Shri Gali Janardana Reddy? BJP in Karnataka encouraged iron ore plunderers, and made them Ministers. లూటీలనేవి అన్ని పార్టీల వారూ చేశారు. కర్నాటకలో బిజెపి రాజ్యంలో జరిగిన ఇనుప ఖనిజం లూటీ సంగతేమిటి? ఇనుప ఖనిజం దొంగలను, దానిని ప్రోత్సహించిన నాటి బిజెపి ముఖ్యమంత్రినీ, బిజెపి పెద్దపీట వేసి వెనక్కి ఆహ్వానించింది కదా.

శ్రీ నితీన్ గడ్కారీ పై వచ్చిన అవనీతి ఆరోపణలపై విచారణ జరుగుతుందా?

కాంగ్రెస్ రాజ్యంలో భారీగా అవినీతి జరిగి ఉండ వచ్చు. అయితే ఈ విషయంలో బిజెపి వెనుకంజ వేసి లేదు.

గెలుపూ వోటములు అనేవి రాజకీయాలలో పడుగూ పేకల వంటివి. ఐదేళ్ళ సమయంలోనే, కొన్ని సార్లు మధ్యంతర ఎన్నికలు వస్తే ఇంకా తక్కువ సమయంలో అదృష్టాలు తారుమారు అవుతూ ఉంటాయి. ఒకసారి ఎన్నికలలో ఓడి పోయినంత మాత్రాన రాజకీయ జీవితాలు సమాప్తం కావు కదా. జయంట్ వీల్ లో కూర్చున్న వాళ్ళు కొన్ని సార్లు ఆకాశానికి ఎగురుతారు. మరి కొన్నిసార్లు ఉపరితలానికి వస్తారు.

లూటీల విషయానికి వస్తే, చట్టం తన పని తాను నిశ్శబ్దంగా చేసుకుపోయి అవినీతి పరులకి శిక్షలు పడితే, ప్రజాస్వామ్యానికి న్యాయానికి జరిగినట్లే.

అరిచే కుక్క కరవదు. కరిచే కుక్క అరవదు. శ్రీ మోడీ అధికారంలోకి వస్తే కాంగ్రెస్ కాలం అవినీతిపై విచారణ జరిపించి వారిని నిస్సందేహంగా జైలుకు పంపచ్చు. దీనికి ఆర్భాటం అక్కరలేదు.

ఈ మధ్య శ్రీ మోడీ, రాహుల్, శ్రీమతి సోనియా, ప్రియాంకా అందరూ తిట్లకి లంకించు కుంటున్నారు. ఇది ప్రజాస్వామ్యానికి శ్రేయస్కరం, కాదు.

ఇక, మత తత్వం, కులతత్వం విషయానికి వచ్చినపుడు కాంగ్రెస్, బిజెపి లతో సహా రాజకీయ పార్టీలన్నీ విభజించి పాలించు పధ్ధతిలో నే నడుస్తున్నాయి.

క్రొత్త లోక్ సభ సజావుగా పని చేయాలంటే

లోక్ సభకు శ్రీమతి సోనియా ఎన్నికయినప్పటికీ, ఆమె తన ఆరోగ్య సమస్యల వల్లో సభకు తరచుగా హాజర్ కాక పోవచ్చు. కాంగ్రెస్ తరఫున శ్రీ రాహుల్ గాంధీయే ఎక్కువగా ప్రసంగించ వలసి రావచ్చు.

ఈసందర్భంగా నా అల్ప దృష్టికి , శ్రీ నరేంద్రమోడీ వాక్ తపస్సు చేయటం మేలేమో ననిపిస్తుంది. లోక్ సభ నిబంధనల, సభ సదాచారాల నిపుణులు, మరియు వాయిస్ మాడ్యులేషన్ నిపుణుల దగ్గర ఆయన శిక్షణ పొంది, ఒక ఆదర్శ నేతగా, జాతికి సరియైన మార్గ దర్శకుడుగా రూపొందితే బాగుంటుంది. గతం గతః అనుకోటానికి, ప్రజలు సిధ్ధంగా ఉండ వచ్చు. నా భయం ఏమిటంటే, మోడీ పధ్ధతులకి బిజెపి సీనియర్ నేతలే ఖిన్నులై యున్నారు. ఆయన కొంతైనా ఆత్మ పరిశీలన చేసుకుని, కొంతైనా తన పధ్ధతులను మార్చుకుంటే, జాతికి మహోపకారం చేసిన వారవుతారు. జాతి ఆయనకు ఇస్తున్న ఈ అవకాశాన్ని ఆయన సద్వినియోగం చేసుకోవాలి.

223 What these winners and losers are going to do?

Kenopanishad

Kena- meaning కేన అంటే అర్ధం केना का तात्पर्य

kEna means 'by what'. కేన అంటే దేని వలన. केना का मतलब: किस् से.

जवाब: ब्रह्मम या परब्रह्मं से. from Supreme Spirit. బ్రహ్మం, పరబ్రహ్మం నుండి.

కేనోపనిషత్ దేనికి అనుబంధం

Attachment to: Sama Veda. ఇది సామ వేదానికి అనుబంధం. साम वेद् को अनुलग्नित या अनुबंधित.

కేనోపనిషత్ ఏ బ్రాహ్మణం లోది?

Brahmanam: Talavakaram, 4th chapter. ఇది తలవకరం అనే బ్రాహ్మణం లో, నాలుగవ ఆధ్యాయం లో ఉంది. तलवकरमं ब्राह्मणम्, चौथे आध्याय मे है.
Another name: Talavakaropanishad. ఇంకో పేరు తలవకరోపనిషద్. दूसरा नाम् तलवकरोपनिषद्.

కేనోపనిత్ లో ఎన్ని సెక్షన్లు ఉన్నాయి?

No. of Sections: 4. దీనిలో నాలుగు సెక్షన్లు ఉన్నాయి. इस मे चार सॆक्षन्स है.

కేనోపనిషత్ ముఖ్య విషయం ఏమిటి?

Subject matter: Nature of Brahmam (Supreme Spirit or Supreme God, nameless, formless). ముఖ్య విషయం: బ్రహ్మ (పరబ్రహ్మం. చతుర్ముఖ బ్రహ్మకాదు) తత్వం. मुख्यांश: ब्रह्म तत्व (पर ब्रह्म, चतुर मुख ब्रह्म नहीं है।).
caturAnanam ambhOja nishaNNam bhAratI sakham
aksha mAlA varAbhIti kamanDaludharam bhajE.

చతురాననమ్ అంభోజ నిషణ్ణం భారతీ సఖం
అక్షమాలా వరాభీతి కమండలుధరం భజే.

चतुराननम अंभोज निषण्णं भारतीसखं।
अक्षमाला वराभीति कमण्डलुधरं भजे

(పర)బ్రహ్మం యొక్క బొమ్మను చూపగలరా? CAN you show a picture of (para)brahmam? क्या आप् (पर)ब्रह्म्म का तस्वीर दिखा सक्ते?

అసాధ్యం, అసంభవం. Impossible. असाध्य,असंभव.

Question ప్రశ్న प्रश्न: hard? కఠినము, దుష్కరమా? कठिन और् दुष्कर?

Answer జవాబు जवाब: If something is possible a question arises whether it is easy or hard. ఏదైనా విషయం సాధ్యమైతే, అది తేలికనా, కఠినమా అన్న ప్రశ్న వస్తుంది. किसी चीज साध्य हो तो, कठिन या दुष्कर प्रश्न उठेगा.

First of all , there is no proof of existence of (para)brahmam. Even as per its definition, it has no form or dimensions. Then, where is the question of its having a picture or a sculpture?

మొట్టమొదటగా, అసలు (పర) బ్రహ్మం అనేది ఉన్నదనటానికే ఋజువులు లేవు. నిర్వచనం ప్రకారం కూడ, అది రూపం, కొలతలు, అవధులు లేనిది. అలాటప్పుడు దానికి చిత్రము, శిల్పము ఉంటుంది అనే ప్రశ్న ఎక్కడనుండి వస్తుంది?

सर्व प्रथम, (पर)ब्रह्मम का अस्तित्व निरूपित नहीं हुआ. प्रमाण या साक्ष्य भी नहीं है। निर्वचन से भी उस को रूप या लंबाई चौडाई आयाम या सीमाएं रहित है. ईस दशा मे उसको चित्र या शिल्प रहने का प्रश्न कहाँ से उठेगा?

Noted translators: Aurobindo, Swami Sivananda. ప్రముఖ అనువాదకులు: శ్రీ అరవిందులు, స్వామి శివానంద.

Where is the stem of this Upanishad? ఈ ఉపనిషత్ యొక్క నడుము ఎక్కడ ఉన్నది? ईस उपनिषत् का तना कहाँ रहता है?

The stem of this Upanishad is the story which establishes the supremacy of Brahmam (Supreme Spirit) over demy Gods like Indra (God of Heavens), Agni (God of Fire, Vayu (God of Winds).
ఈ ఉపనిషత్ యొక్క కాండం ఏదంటే, ఇంద్రాగ్ని వాయ్వాది దేవతలతో పోలిస్తే , పరబ్రహ్మం యొక్క సర్వశక్తిమంతత్వాన్ని నిరూపించే కథ .
ईस उपनिषत् का तना यह है कि, इंद्र, अग्नि, वायु आदि देवों से तुलन में परब्रह्म का सर्वश्कतित्व निरूपण करने वाले कहानी।
HOW THIS WAS ACCOMPLISHED. ఇది ఎలా సాధించబడింది? यह कैसा सिध्ध किया गया?
God of Heaven Indra, and his associate demy Gods defeated demons. They developed excess pride from their victories. They started thinking that they can vanquish anybody. Then Supreme Spirit (Brahmam) appeared before them as a glorious light.
స్వర్గాధిపతి ఇంద్రుడు, అతడి సహాయక చిన్న దేవతలు రాక్షసులని జయించారు. జయించాక వారిలో అహంభావం పెల్లుబికింది. మేము ఎవరినైనా జయించగలం అని అనుకోటం మొదలు పెట్టారు. అప్పుడు వారి ముందు, బ్రహ్మం ఒక గొప్ప కాంతి పుంజంగా ప్రత్యక్షమయింది.

स्वर्गाधिपति इंद्र, और उसका सहायक देव ने दानवों को जीता. जीतने के बाद, उन में अहंकार और् मद पैदा हुआ । उन लोग सोचना शुरू किया, कि हम किसी को भी हरा सकते। तब उनके सामने, परब्रह्म एक महा कांति पुंज स्वरूप तरह प्रत्यक्ष हुआ।

ముఖ్యం Important महत्वपूर्व विषय

Brahmam here should not be confused with the four headed Brahma or Creator, who is born from the navel of Lord Vishnu. The four headed Brahma is a part of the Trinity (trimUrtIs) consisting of Brahma, Vishnu and Mahesvara. Brahmam (also known as parabrahmam, sat chid Ananda Brahmam) is considered as supreme even to trinity and Mother Goddess. Parabrahmam is formless and dimensionless.

ఇక్కడ బ్రహ్మం అంటే, విష్ణుదేవుడి బొడ్లోంచి పద్మంపై కూర్చొని పుట్టుకొచ్చిన చతుర్ముఖ బ్రహ్మ గా మనం భావించ కూడదు. చతుర్ముఖ బ్రహ్మ, బ్రహ్మ, విష్ణు, మహేశ్వరుడు అనే త్రిమూర్తులలో ఒకడు. బ్రహ్మం (దీనికే పరబ్రహ్మం, సత్ చిత్ ఆనంద బ్రహ్మం అని మరో పేరు), త్రిమూర్తులకన్నా, ఆదిశక్తికన్నా గొప్పదిగా పరిగణించ బడుతుంది. పరబ్రహ్మం ఆకారం లేనిది, కొలతలు లేనిది.


Demy Gods first asked the Fire God to approach parabrahmam and find out who he/she/it was.
చిన్న దేవతలు , మొదట, అగ్ని దేవుడిని, ఆ శక్తి దగ్గరకి వెళ్ళి అది ఎవరో తెలుసుకొని రమ్మన్నారు. tad abhyadravat tam abhyavadat kO AsIti agnir vA
aham asmi iti abravid jAtavEdA vA aham asmi iti.

తద్ అభ్యద్రవత్ తం అభ్యవదత్ కో ఆసీతి అగ్నిర్ వా
అహం అస్మి ఇతి అబ్రవీద్ జాతవేదా వా అహం అస్మి ఇతి.

तद अभ्यद्रवत तं अभ्यवदत् को आस्ति अग्निर् वा
अहम असमि इति अब्रवीद जातवेदा वा अहम् असमि इति.

Fire God Agni went to Supreme Spirit. Supreme Spirit inquired from Fire God, who he was. Fire God replied that he was Agni and jAtavEda (Omniscient).

అగ్ని దేవుడు పరబ్రహ్మం దగ్గరకి వెళ్ళాడు. పరబ్రహ్మం అగ్నిని నీవెవరవు అని అడిగింది. దీనికి అగ్నిదేవుడు, 'నేను అగ్నిని, జాతవేదుడిని (సర్వజ్ఞుడిని) అని జవాబిచ్చాడు.

tasmim stvayi kim vIryam iti api idam sarvam
dahEyam yad idam prithvyAm iti.

తస్మం స్త్వయి కిం వీర్యం ఇతి అపి ఇదం సర్వం
దహేయం యద్ ఇదం పృథ్వ్యాం ఇతి.

तस्मं स्तवयि किम् वीर्यम् इति अपि इदं सर्वम
दहेयम् यद इदम् पॉथ्व्यां इति.

So in that great you, what powers do you have? (Agni replied) 'On this Earth, I can burn down anything.

పరబ్రహ్మం అతడిని అడిగింది ''అంత గొప్పవాడివైన నీలో ఏమి శక్తులు ఉన్నాయి? ''. దానికి అగ్ని దేవుడు బదులిచ్చాడు: ''నేను ఈ భూమి పైన దేనినైనా దహించివేయగలను.''

tasmai triNam nidadhA vEtad dahEti
tad upaprEyAya sarva javEna tanna
SaSAka dagdhum satata Evaniva vritE naita
daSakam vignAtum yad Etad yaksham iti.

తస్మై తృణం నిదధా వేతద్ దహేతి
తద్ ఉపప్రేయాయ సర్వ జవేన తన్న
శశాక దగ్ధుం స తత ఏవ నివవృతే నైత
దశకం విజ్ఞాతుం యద్ ఏతద్ యక్షమ్ ఇతి.

तस्मै तृणं निदधौ। एतद् दहेति।
तदुपप्रेयाय सर्वजवेन तन्न
शशाक दग्धुम् स तत एव निववृते नैत
दशकं विज्ञातुं यदेतद्यक्षम् – इति॥

Then, the Supreme Spirit placed a blade a grass before Fire God, and asked him to burn it down. In spite of best efforts, the Fire God could not burn it. Then he went back to demy Gods and informed them that he could not understand who the Great Spirit was.

అపుడు, పరబ్రహ్మం అగ్ని ముందు ఒక గడ్డి పరకను ఉంచి, దానిని కాల్చమని చెప్పింది. ఎంత ప్రయత్నించినా దానిని దహించలేకపోయాడు. చివరికి వెనక్కివెళ్ళి తాను ఆదివ్యశక్తి స్వరూపాన్ని అర్ధంచేసుకోలేకపోయానని చెప్పాడు.

परब्रह्मंं ने अग्नि देव के सामने घास के एक ब्लेड रखा, और उन से कहा: इस घास् को जला दो. बहुत् कोशिश करने के बाद भी अग्निदेव् उस घास् को दहा नहीं सका. अंत मे वापस् जाकर छोटे देवताऒं से कहा: मै इस दिव्य शक्ति का महानु स्वरूप को समझ् नहीं सका.
This story, is to continue in the next postings. సశేషం. మిగిలింది రాబోయే పోస్టులలో. सशेष। बाकी अगले पोस्ट्स में।

वैबीराव् गधे का टिप्पणी Observations of ybrao a donkey వైబీరావు గాడిద వ్యాఖ్యలు

The M.L.As and M.P.s whom we are going to elect now seem to take greater pride than Lords Indra, Agni and Vayu.

ఇపుడు మనం ఎన్నుకోబోయే శాసన సభ్యులు, ఎంపీలు కేనోపనిషత్ లోని ఇంద్రుడు, అగ్ని, వాయువు లకన్నా ఎక్కువ గర్వించబోతున్నారు.

अब इन एं.एल्.ए, एंपी लोग, जिन को हम चुन रहे हैं, इन लोग इंद्र, अग्नी, वायु से भी ज्यादा गर्वित हो जायगे.

One man says that he will convert Andhra Pradesh into Singapore. Another person says that he will make Visakhapatnam a Los Angeles. Third person says that he will create Golden Andhra.

ఒకాయన ఆంధ్రప్రదేశ్ ను సింగపూర్ గా మారుస్తానంటాడు. ఇంకొహాయన విశాఖపట్నాన్ని లాస్ ఏంజలిస్ చేస్తానంటున్నాడు. మూడో ఆయన ఆంధ్రప్రదేశ్ ను బంగారు ముద్ద చేస్తానంటున్నాడు.

एक आदमी बोलता है, वह आंध्रप्रदेश को सिंगपूर बनाता है. दूसरा आदमी बोलता है, वह विशाख पट्टणम् को लास् एंजलिस् बनाता है. तीसरा आदमी कहता है, वह आंध्रप्रदेश को सोने का खंड बनाता है.

---

In my view, the power of people, is like the Great parabrahmam. Before it, the politicians, M.L.As., M.Ps., and Ministers are all like the demy Gods Indra, Agni, Vayu et al.

నా అభిప్రాయంలో , ప్రజాశక్తి పరబ్రహ్మం వంటిది. దాని ముందు, శాసన సభ్యులు, ఎంపీలు, మంత్రులు అంతా చిల్లర దేవతలైన ఇంద్రుడు, అగ్ని, వాయువు వంటి వారే.

मेरा ख्याल में, प्रजा शक्ति या जन शक्ति, पर ब्रह्म तुल्य होता है। उस का सामने विधायकों, ससदों, मंत्रियों सब छोटे चिल्लर देव देवता बनते हैं।

Just as how impossible it is to show the picture/sculpture of Supreme Spirit, it is equally impossible to show the picture/sculpture of People's True Power. What we see as the crowds at road junctions in road shows is nothing but a minuscule manifestations of demy Gods.

పర బ్రహ్మం యొక్క చిత్రాన్ని | శిల్పాన్ని చూపించటం ఎలా అసాధ్యమో, అదే విధంగా ప్రజాశక్తి లేక జనశక్తి యొక్క సత్య స్వరూపాన్ని చూపించటం కూడ అంతే కష్టము. ఇపుడు జరుగుతున్న రోడ్ షో లలో, రోడ్ల కూడళ్ళ వద్ద మనకి కనపడే గుంపులు చిల్లర దేవుళ్ళయొక్క చిన్న స్థాయి ఆకారాలే.

पर ब्रह्म का तस्वीर या शिल्प को दिखाना जैसा असाध्य हो, वैसा ही, प्रजा शक्ति या जन शक्ति का सत्य स्वरूप दिखाना भी असाध्य और् असंभव है। हम जिस जन समूहों को रोड षोस् में देख्ते हैं, वे सब चिल्लर देव देवीयों के छोटे रूप होते हैं। परब्रह्म रूप नहीं होते।

To be revised. తిరగ వ్రాయవలసి ఉన్నది. रिवैज् करने का हैं।