202 Modi wave or BJP wave or Anti Congress wave?

202 మోడీ కెరటమా, బిజెపి కెరటమా, లేక కాంగ్రెస్ వ్యతిరేక కెరటమా?
topics for discussion, చర్చనీయాంశాలు, चर्चांश, اجینڈا: నరేంద్రమోడీ, అద్వానీ, BJP, మురళీమనోహర్ జోషీ

---

శ్రీ మురళీ మనోహర్ జోషీ గారేమన్నారో చూడండి , సార్!!

"Modi is the representative of the party as the prime ministerial candidate. And whenever a dynamic person moves with the support of the party, he creates a very strong sympathy and support for him, because of his track record also. So its not a highly personalized thing, it is a representative wave. He gets support from different parts of the country, from different sections of society, and from all leaders of BJP. So, he represents the general mood and the desire for change. You may call it a Modi wave, there is no harm in it. But it is a sum total of what is happening inside the country, it represents that,"

మోడీ ప్రధాని అభ్యర్ధిగా పార్టీకి ప్రతినిథి. పార్టీ మద్దతుతో చైతన్యవంతుడైన ఒక వ్యక్తి సంచరిస్తున్నపుడు, అతడు తనకు బలమైన సానుభూతి మరియు మద్దతు సృష్టించవచ్చు, అతడి ట్రాక్ రికార్డ్ వల్ల కూడ (మద్దతు రావచ్చు). కనుక అది మిక్కిలి వ్యక్తిగతమైన వస్తువు కాదు, అది ప్రాతినిథ్య కెరటం. అతడికి దేశంలోని వివిధ ప్రాంతాలనుండి, సమాజంలోని వివిధ వర్గాలనుండి, బిజెపి లోని అందరు నేతలనుండి మద్దతు లభించ వచ్చు. కనుక అతడు ఆ జనరల్ మూడ్ మరియు మార్పు కొరకు కోరికకు ప్రాతినిథ్యం వహిస్తాడు. మీరు దానిని మోడీ కెరటం అనచ్చు, అందులో హాని లేదు. కానీ, అది దేశంలో జరుగుతున్నదానికి వెరసి మొత్తం, జరుగుతున్నదానికి ప్రతినిధి.

(మనోరమా న్యూస్ వారికిచ్చిన ఇంటర్వ్యూను ఉటంకిస్తూ, టైమ్స్ ఆఫ్ ఇండియా వ్రాసిన దాని ఆధారంగా).


It is now the developmental model of the country as presented by BJP. In a country like India, what developmental model is true for Jammu and Kashmir or Arunachal Pradesh, may not be true for Kerala.

ఇప్పుడది (గుజరాత్ అభివృధ్ధి నమూనా) బిజెపి ప్రదర్శిస్తున్న అభివృధ్ధి నమూనా. భారత దేశం లాంటి దేశంలో, జమ్ము కాశ్మీర్ కో , అరుణాచల్ కో సరిపోయే నమూనా, కేరళకు సరిపోవాలని ఏమీ లేదు. (భారత్ వైవిధ్యం ఉన్నదేశం. పిడుక్కి బియ్యానికి ఒకే మంత్రంలాగా అన్నిటికీ గుజరాత్ నమూనానే వర్తింప చేయలేం అని భావం).



"So to say that this model or that model -- no. So some good points may be there, some good points from the government of Tripura will also be there, it is not some straitjacket model,"
తెలుగుసారం: కనుక చెప్పాలంటే ఈ నమూనా, ఆ నమూనా అంటే, --కాదు. అందులో కొన్ని మంచి అంశాలు ఉండచ్చు. త్రిపుర ప్రభుత్వం నుండి కూడ కొన్ని మంచి అంశాలుండచ్చు. అది వ్యక్తులను కట్టివేసే స్ట్రెయిట్ జాకెట్ వంటి బంధక వస్త్రం కాదు.

వైబీరావు గాడిద వ్యాఖ్యలు

ముందుగా శ్రీ మురళీ మనోహర్ జోషీ గారి ధైర్యాన్ని మెచ్చుకోవాలి. ఈ ధైర్యాన్ని శ్రీ అద్వానీ చూపలేక పోటం గమనార్హం. కానీ దేశంలో నేడున్న కెరటాన్ని మోడీ కెరటం, బిజెపి కెరటం, అనే కన్నా కాంగ్రెస్ వ్యతిరేక కెరటం అనటం మేలు. గతంలో బిజెపి బలంగా ఉన్న గుజరాత్, రాజస్థాన్, మధ్యప్రదేశ్, ఛత్తీస్ గఢ్, ఢిల్లీలో బిజెపి గెలవటంలో వింతేమీ లేదు.

కాంగ్రెస్ బలంగా ఉన్న రాష్ట్రాలలో కానీ, ప్రాంతీయపార్టీలు బలంగా ఉన్న ప్రాంతాలలో కానీ బిజెపి విజయ బావుటా ఎగరేసినప్పుడు మాత్రమే మోడీ కెరటం ఉన్నట్లు ఋజువవుతుంది. ఈలోపల ఊదర కొట్టటమే అవుతుంది.

కాంగ్రెస్ వ్యతిరేక కెరటాలకు ముఖ్య కారణాలు: ధరలు ఆకాశానికంటటం, అవినీతి కి హద్దులేకపోటం, ఆధార్ కార్డు వంటి పథకాలతో సామాన్యులను వేధించటం, సైనికులని కూడ మతప్రాతిపదికపై విభజించాలని చూడటం.

అద్వానీ గారేమన్నారు?

“This is the first ever election where it can be felt that people have already made up their minds to throw out the present (UPA) government. There is no doubt that BJP will form government under the leadership of Narendra Modi. I will take up any role which will be offered to me after election,”
తెలుగు సారం: యుపిఎ ప్రభుత్వాన్ని విసిరేయాలని ప్రజలు ఇప్పటికే మనసులో నిర్ణయించుకున్న మొట్ట మొదటి ఎన్నిక ఇది. నరేంద్రమోడీ నాయకత్వంలో బిజెపి ప్రభుత్వాన్ని ఏర్పాటు చేస్తుందనటంలో ఏ సందేహమూ లేదు. ఎన్నికల తరువాత నాకు ఏ బాధ్యతలనప్పగించినా నేను స్వీకరిస్తాను.

వైబీరావు గాడిద వ్యాఖ్యలు

శ్రీవారు , మోడీని విష సర్పంతో పోల్చిన ఒక ట్వీట్ ను రీట్వీట్ చేయటం మనం మరువరాదు. శ్రీమోడీపై ఆ ఆగ్రహమంతా ఇపుడెలా చల్లారింది? తన పాదాలకు నమస్కరించటాన కూలింగ్ అయ్యారా? ఎన్నికల తరువాత శ్రీవారు కొత్త ప్రభుత్వం నుండి ఏ బాధ్యతలను ఆశిస్తున్నారు? రాష్ట్రపతి పదవి ఇవ్వాలంటే ఇంకా నాలుగేళ్ళ సమయం ఉంది. లోక్ సభ స్పీకర్ పదవిని ఆశిస్తున్నారా? గతంలో తాననుభవించిన ఉపప్రధాని కం కేంద్రహోం మంత్రి పదవిని ఆశిస్తున్నారా? ఎన్నికలలో బిజెపి గెలిస్తే , హోం మంత్రి శ్రీ అమిత్ షా అవ్వాలి.

గాంధీనగర్ నియోజక వర్గంలో ఎన్నికల ప్రచార బాధ్యతను అంతకు ముందు శ్రీ అద్వానీ గారి అమ్మాయి చూసుకునేదిట. ఈసారి అబ్బాయిగారికి అప్పగించారు. నియోజకవర్గంలో తన తరువాత సీనియర్ అయిన నేతకు అప్పగించ వచ్చును కదా? నగదు హ్యాండిల్ చేయాల్సిరావచ్చు. గాంధీనగర్ నియోజకవర్గాన్ని అబ్బాయిగారికి రాసిద్దామని అనుకుంటూ ఉండ వచ్చు. అబ్బాయిని అన్నివిధాలు గా ఆదుకుంటామని, శ్రీనరేంద్రమోడీ దగ్గర వాగ్దానం తీసుకొని ఉండ వచ్చు.

ఈనాటి పద్యం

పౌరుష జ్ఞాన కీర్తుల బరగె నేని
వాని జీవన మొక్కపూ ట యైన చాలు
ఉదర పోషణ మాత్రకై ఉర్వి మీద
కాకి చిరకాల మున్ననే కార్యమగును.

ఉడుముండదే నూరేండ్లును
పడియుండదే పేర్మి పాము పదినూరేండ్లున్
మడువున కొక్కెరయుండదె
కడునిల పురుషార్ధపరుడు కావలె సుమతీ.

201 Presidents, Vice Presidents, Prime Ministers, Lok Sabha Speakers, CJIs cannot be ordinary persons.

మనలో పాపం చేయని వాడూ!!

రాష్ట్రపతులు, ఉప రాష్ట్రపతులు, ప్రధాన మంత్రులు, లోక్ సభ సభాపతులు, ప్రధాన న్యాయమూర్తులు, సాధారణ వ్యక్తుల కన్నా ఉన్నతంగా ఉండాలి.

Topics for discussion, చర్చనీయాంశాలు, चर्चांश, اجینڈا: నరేంద్రమోడీ, రాహుల్ గాంధీ, అరవింద్ కేజ్రీవాల్, మూలాయం సింగ్ యాదవ్

---

ఈ దేశంలో ఒక విచిత్రమైన పరిస్థితి నెలకొని ఉన్నది. పోలింగు కేంద్రాల వద్ద వోట్లు వేయటానికి క్యూలలో నిల్చొని, తమ గుర్తింపు కార్డులను మీడియాకు చూపిస్తూ ఉన్న వారిని , వోట్లువేసి ఇంకు పూసిన తమ చూపుడు వేళ్ళను మీడియాకు చూపిస్తూ ఉన్న వారిని , గమనిస్తే ఏమి అర్ధం అవుతున్నది?

లోక్ సభకు వోటు వేయటానికి, శాసనసభకి వోటు వేయటానికి, కార్పోరేషన్, మునిసిపాలిటీ, పంచాయితీ మెంబర్లను ఎన్నుకోటానికి వోటు వేయటానికి కావలసిన పరిణతి, నైపుణ్యాలు, సమాచార జ్ఞానం, మొ|| వాటిలో చాల తేడా ఉంది. లోక్ సభ సభ్యుడి విధులేమిటో చాల మంది వోటర్లకి తెలియదు. అభ్యర్ధులకు, ఎన్నికైన సభ్యులకు, కూడ చాలమందికి తెలియదు. భారత్ ఎదుర్కుంటున్న ఆర్ధిక సమస్యలు చాల సంక్లిష్టమైనవి. అంతర్జాతీయ వాణిజ్యం, దౌత్య సంబంధాలు, న్యాయ వ్యవహారాలు, సాంకేతిక వ్యవహారాలు చాల సంక్లిష్టంగా మారాయి. చాల వ్యవహారాలు డిగ్రీలు, పీజీలు చేసిన వాళ్ళకే అర్ధం కాని స్థితికి చేరుకున్నాయి.

ప్రభుత్వంలో ఒక చప్రాసీ పని చేయటానికి, రైల్వేలో గాంగమాన్, కీమాన్ పనులు చేయటానికి కూడ రకరకాల పరీక్షలు ఉంటాయి. కానీ వోటు వేయటానికి గానీ, వేయించకుని పెద్ద పెద్ద పదవులు అలంకరించటానికి గానీ, ఎటువంటి పరీక్షలు ఉండక పోటం ఆశ్చర్యకరం.

దేశానికి లక్షల కోట్ల రూపాయల నిథులు ఉంటాయి. అవి కాక ఇంకా కొన్ని లక్షల కోట్ల రూపాయల అప్పులు తెస్తూ ఉంటారు. కొన్ని లక్షల కోట్లరూపాయల ఆయుధాలు , విమానాలు కొంటూ ఉంటారు. ఈ నిథులన్నిటినీ కాపాడటానికి, సమర్ధవంతంగా వినియోగించటానికి, ఎంత సమర్ధత, విశ్వసనీయత కావాలి? నేరగాళ్ళను, చదవకపోయినా డిగ్రీలను కొనుక్కున్న వాళ్ళని ప్రతినిథులుగా పాలకులుగా ఎన్నుకుంటే, వారు ప్రజలను నట్టేటిలో ముంచక మానరు.

చాల మంది వోటర్లకి ఈ బలిపీఠం పై ఎన్ని లక్షల కోట్లు నైవేద్యం పెట్తున్నారో తెలీదు, తెలుసునే ఆసక్తి లేదు, ఉన్నా సమయం, శక్తి, యుక్తి, నైపుణ్యం, శారీరిక ధార్ఢ్యం లేవు. వాళ్ళు లోక్ సభ ఎన్నికలలో మా సారా సీసా మాకు పారేసి, నీకు నచ్చినట్లేడువు, అని వోట్లేసినట్లవుతుంది.

కాబట్టి పాలకుల వ్యక్తిగత విషయాలు తెలుసుకోటం ప్రజలకు ఎంతో అవసరం. పారదర్శకంగా జీవించటానికి ఇష్టం లేని నేతలు, ప్రజలను పాలించటానికి ముందుకు రాకపోటమే మంచిది. అయితే పదవులని ఆశించని వారిని ప్రజలు శాసించలేరు.

శ్రీ నరేంద్ర మోడీ గారు ఇన్నాళ్ళ బట్టీ గోప్యంగా ఉంచిన తన వివాహ సమాచారాన్ని, 2014 అఫిడవిట్ లో బయట పెట్టటం ముదావహం. ఇదే పధ్ధతిలో, శ్రీ రాహుల్ గాంధీ గారు, శ్రీ కేజ్రీవాల్ గారు, శ్రీ మూలాయం సింగ్ యాదవ్ గారు, ఇంకా ప్రధాని అవ్వాలని కోరుకునే ఇతరులు, తాము దాస్తున్నవి ఏమైనా ఉంటే బయట పెడితే , వారి వ్యక్తిత్వాలు శోభిస్తాయి.

ఇక్కడ ఒక ముఖ్యవిషయం మనం మరువరాదు. ఎవరో ఒక పౌరుడు ఏదో అన్నాడని, నిండు చూలాలైన భార్యను అడవులలో దించటం వంటి ''అతి'' ధర్మాలను పాలకులు చూపనక్కర లేదు. అలాగని ఈ ధర్మాలు ఇతరుల భార్యలను (లేక భర్తలను) కాజేయటానికి, మభ్యపెట్టి కొట్టేయటానికి దారి తీయకూడదు. కొందరు ముఖ్యమంత్రులు ఆపనులు కూడ చేశారు.

పాలకులకు, సామాన్యపౌరులకి తేడా ఏమిటంటే, పాలకులు వివేకులక్రింద లెక్క. సామాన్య పౌరుడు పెళ్ళాన్ని వేధించటం, వాడి సహజ గుణాలలో ఒకటిగా ఉండ వచ్చు. పాలకుడికి పౌరుల పెళ్ళాలను వేధించటం గాని, తన పెళ్ళాన్ని వేధించటం కానీ ఒక గుణంగా ఉండ రాదు. అయితే అత్యంత ప్రత్యేక పరిస్థితులు వచ్చినపుడు భార్యా భర్తలు విడిగా ఉండటం తప్పు అవదు. కానీ ఏది జరిగినా పారదర్శకంగా జరగాల్సి ఉంటుంది.

వేధింపబడుతున్న భార్యనుండి అభ్యంతరాలు లేవు కదా

వేధింపబడుతున్న భార్యనుండి అభ్యంతరాలు లేవు కదా అనే మాట నిలవదు. ఉదాహరణకి అర్జునుడు సుభద్రను ద్వారక నుండి కిడ్నాప్ చేసి తీసుకు వచ్చినపుడు, ద్రౌపది ఏడ్చింది. సత్యభామను తెచ్చినపుడు రుక్మిణి, జాంబవతిని తెచ్చినపుడు రుక్మిణి, సత్యభామలు ఏడ్వరా? వారిని, శ్రీకృష్ణుడు, అర్జునుడు , కుంతి సముదాయించారనుకోండి, తరువాత వారు కలిసిపోయినట్లుగా కనిపిస్తుంది కానీ, అది హృదయపూర్వకంగా జరిగిందా అనేది ప్రశ్నార్ధకమే. అభ్యంతరాలు రాకపోటానికి వివిధ కారణాలు ఉండ వచ్చు. వారిపై నిఘా ఉండవచ్చు. అక్బర్ జనానాలో 5000 మంది దాకా భార్యలు ఉండే వాళ్ళు. వాళ్లకి నపుంసకుల కాపలా ఉండేది. చీమ చిటుక్కుమన్నా పాదుషాకి వార్త చేరుతుంది. ఇంక వాళ్ళేమి అభ్యంతరాలను లేవదీస్తారు?

సెలబ్రీటీలనుండి విడాకులు తీసుకన్న భార్యలుగా జీవించే కన్నా, వారి పెద్దభార్యలుగా జీవించటమే మెరుగని, ఆవిధంగా వేలకోట్లకి తాము, తమ పిల్లలు వారసులు కావచ్చని, కొందరు స్త్రీలైనా అనుకోవచ్చు. కానీ ఆపధ్ధతి సమాజానికి తీరని అపకారం చేస్తుంది. ఆ పధ్ధతి పెట్టుబడి దారీ విధానం లక్షణం.

పాలకులు, తమ వ్యక్తిగత విషయాలలో స్వాతంత్ర్యాలకు అర్హులే. ఇద్దరు మాజీ భర్తలను కలిగిని వాలెస్ అనే మహిళను వివాహం చేసుకోటంపై వివాదం చెలరేగినపుడు ఎడ్వర్డ్ 8 రాజు, తన రాజ్యాన్నే వదిలేసి (abdication), తన ప్రేమకే ప్రథమ స్థానం ఇచ్చుకున్నాడు. ప్రేమకు, కర్తవ్యానికి మధ్య సంఘర్షణ వచ్చినపుడు ఏమి జరుగుతుందో స్వర్గీయ కల్లూరి చంద్రమౌళి గారు (మాజీ దేవాదాయ మంత్రి) తన రామాయణ సుధాలహరి అనే గ్రంథంలో సువివరంగా చర్చించారు.

అయితే అద్దాల గదులలో ఉండే నేతలు, తాము పోటీపడుతున్న నేతలపై రాళ్ళు విసరటంలో కొంత ప్రమాదం ఉంది. శ్రీ రాహుల్ గాంధీ గారు నరేంద్ర మోడీ గారి వివాహ ప్రకటన అఫిడవిట్ ను ప్రశ్నించటం ఈ తరహాకి చెంద వచ్చు.

ఈ సందర్భంగా బిజెపి నేతలు శ్రీ వెంకయ్యనాయుడు గారు, శ్రీ రవిశంకర్ ప్రసాద్ గారు అన్నట్లుగా చెప్ప బడుతున్న విషయాలను పరిశీలిద్దాం.
శ్రీ వెంకయ్య నాయుడు :

"It will cost Congress heavily. Don't get into this, it will boomerang you,"

తెలుగు సారం: అది కాంగ్రెసుకి చాల భారీ కాస్ట్ ను కలగిస్తుంది. దీనిలోకి వెళ్ళకండి. అది మీపైనే బూమరాంగ్ అవుతుంది.

అది అంటే, వ్యక్తిగత విషయాలను లేవనెత్తటం. వ్యక్తిగత విషయాలను లేవనెత్తితే మీకే నష్టం అని శ్రీ వెంకయ్య నాయుడు గారు హెచ్చరిస్తున్నారు.

శ్రీ రవిశంకర్ ప్రసాద్ గారు అన్నట్లుగా చెప్ప బడుతున్నది:

There are several family issues of the Nehru-Gandhi family that we are aware of. Some of it is also recorded in documents...But we will not discuss it in public because we have a standard..

తెలుగు సారం: నెహ్రూ-గాంధీ కుటుంబానికి చెందిన ఎన్నో కుటుంబ విషయాలు మా కు తెలిసినవి ఉన్నాయి. వాటిలో కొన్ని డాక్యుమెంట్లలో రికార్డ్ అయి ఉన్నాయి. కానీ మేము దానిని పబ్లిక్ లో చర్చించము, ఎందుకంటే మాకు ఒక ప్రమాణం ఉన్నది.

వైబీరావు గాడిద వ్యాఖ్యలు

మాకు చాల విషయాలు తెలుసు, కానీ చెప్పం, అనటాన్ని ఒక తరహా బ్లాక్ మెయిలింగ్ అనాల్సి వస్తుంది. తమకు తెలిసిన , ముఖ్యంగా ఋజువులున్న సమాచారాన్ని , ప్రజా ప్రాముఖ్యం ఉన్నప్పుడు జనానికి విడుదల చేయవలసిన బాధ్యతను విస్మరించటమే కాకుండా, ''బయటకు చెప్తే మీమీదే బూమరాంగ్ అవుతుంది'' అనటం , బయట పెట్టటం కన్నా అల్పమైనది, గుణ హీనమైనది.

ఇంకో విధంగా ఆలోచించాలంటే, కాంగ్రెసూ, బిజెపీ కుమ్మక్కై ప్రజలకు సత్యం తెలియకుండా అడ్డు పడుతున్నట్లవుతుంది.

గతంలో శ్రీ రాజశేఖర రెడ్డి గారు, శ్రీ చంద్రబాబు నాయుడు గారు కూడ ఇటువంటి ఆటనే ఆడారు. ఒకరిపై మరొకరు తీవ్రమైన అవినీతి ఆరోపణలు చేసుకున్నారు. కానీ, ఇద్దరిలో ఒకరు కూడ అవినీతిని సరిదిద్దటానికి చట్టబధ్ధమైన చర్యలు తీసుకోలేదు.

ఈనాటి పద్యం

ఆటవెలది, ఛందస్సు. దీనిలో ౧,౩ పాదాలలో ౩ సూర్యగణాలు, ౨ఇంద్రగణాలు ఉంటాయి. ౨,౪ పాదాలలో ఐదూ సూర్యగణాలే ఉంటాయి. ప్రాస ఉండదు. ౪వ గణం మొదటి అక్షరం యతి. వేమన పద్యాలలో చాల భాగం ఆటవెలదులే.

తప్పులెన్నువారు తండోప తండంబులు
ఉర్విజనుల కెల్ల నుండు తప్పు
తప్పు లెన్నువారు తమ తప్పు లెరుగరు
విశ్వదాభిరామ వినుర వేమ.

ఈనాటి పాట

ఎన్ టీ ఆర్ నటించిన , నేరం నాది కాదు ఆకలిది చిత్రం నుండి.
సంగీతం: సత్యం
రచన: డా. సి. నారాయణ రెడ్డి
పాడింది: ఎస్. పీ. బాలసుబ్రహ్మణ్యం
పల్లవి:
మంచిని సమాధి చేస్తారా..
ఇది మనుషులు చేసే పని యేనా..
మనలో పాపం చేయని వాడు... ఎవడో చెప్పండి..
ఏ దోషం లేని వాడు ఎవడో చూపండి..
మంచిని సమాధి చేస్తారా.. ఇది మనుషులు చేసే పనియేనా..
మనలో పాపం చేయని వాడు... ఎవడో చెప్పండి..
ఏ దోషం లేని వాడు ఎవడో చూపండి..

చరణం 1:

కత్తితో చేధించనిది కరుణతో చేధించాలి.
కక్షతో కానిది క్షమాభిక్షతో సాధించాలి..
తెలిసీ తెలీయక కాలు జారితే..తెలిసీ||
చేయూతనిచ్చి నిలపాలీ
మనలో కాలు జారని వారు.. ఎవరో చెప్పండి..
లోపాలు లేని వారు.... ఎవరో చూపండి...
మంచిని సమాధి చేస్తారా..ఇది మనుషులు చేసే పనియేనా...
మనలో పాపం చేయని వాడు... ఎవడో చెప్పండి..
ఏ దోషం లేని వాడు ఎవడో చూపండి..

చరణం 2:
గుడులలో లింగాలను మింగే బడా భక్తులు కొందరు...
ముసుగులో మోసాలు చేసే మహా వ్యక్తులు కొందరు..
ఆకలి తీరక నేరం చేసే.. ఆకలి తీరక||
అభాగ్యజీవులు కొందరూ
మనలో నేరం చేయని వాడూ.... ఎవడో చెప్పండి..
ఏ దోషం లేని వాడు... ఎవడో చూపండి..
మంచిని సమాధి చేస్తారా.. ఇది మనుషులు చేసే పనియేనా...
మనలో పాపం||

చరణం 3:
తప్పు చేసిన ఈ దోషిని ఇప్పుడే శిక్షించాలి..
మరపురాని గుణపాఠం పదిమందిలో నేర్పించాలి..
ఐతే..
ఎన్నడు పాపం చేయని వాడు...
ఎన్నడు పాపం చేయని వాడు... ముందుగ రాయి విసరాలి...
మీలో పాపం చేయని వాడే... ఆ రాయి విసరాలి..
ఏ లోపం లేని వాడే... ఆ శిక్ష విధించాలి..
మంచిని సమాధి చేస్తారా.. ఇది మనుషులు చేసే పనియేనా..
మనలో పాపం||

200 Nearing truth

200 Nearing truth

Topics for discussion, చర్చనీయాంశాలు, चर्चांश, اَجینڈا: నరేంద్రమోడీ, Narendra Modi, జశోదాబెన్, Jashodaben, బిజెపి, 200

---

ఈ నా 200 వ పోస్ట్ సందర్భంగా చాల సంతోషకరమైన వార్త ఏమిటంటే, భా భా ప్రధానమంత్రి శ్రీనరేంద్రమోడీ గారు, వడోదారా లోక్ సభ నియోజకవర్గ అభ్యర్ధిగా ఫైల్ చేసిన నామినేషన్ అనుబంధ అఫిడవిట్ లో, శ్రీమతి జశోదాబెన్ గారిని తన భార్యగా అంగీకరించటం. గత అసెంబ్లీ ఎలక్షన్ లలో ఆయన తన అఫిడవిట్ లో భార్య కాలమ్ ను ఖాళీగా ఉంచే వాడు.

గతంలో భారతీయులు ఈవిషయాన్ని ఎక్కువగా పట్టించుకోకపోటానికి ముఖ్య కారణం, గుజరాత్ భారత్ లోని 28 (ఇపుడు 29) రాష్ట్రాలలో ఒకటి కావటం. భారతీయులకు ఇంగ్లీషు వాళ్ళనుండి అంటుకున్న జబ్బుల్లో ముఖ్యమైనది, ప్రక్క రాష్ట్రం వాడు చచ్చిపోతున్నా పట్టించుకోక పోటం. ఉదాహరణకి బీహార్ లో వరదలు వస్తే తెలుగు వాళ్ళు పట్టించుకోరు. ఆంధ్రప్రదేశ్ లో వరదలు వస్తే బీహారీలు పట్టించుకోరు.

ఇపుడు శ్రీ మోడి భావి భారత ప్రధాని కనుక తమ ప్రధాని ఎలా ఉండబోతున్నారో తెలుసుకోటం అవసరమైంది.

ఫిబ్రవరి 2014లో జరిగిన ఎన్నికల రాలీలో ఆయన నేను ఒంటి గాడిని, నాకు కుటుంబ బంధాలు లేవు, నేను ఎవరికొరకు అవినీతి చేయాలి!! అని ప్రచారం చేసుకున్నారు. ఆయన నిజానికి చేసిందేమిటి, పెళ్ళైన మూడేళ్ళలోనే చదువుకోమ్మా అని పెళ్ళాన్ని పుట్టింట్లో దించి, అప్పటినుండి ముఖం చాటేశాడు. ఒంటిగాడు అంటే ఇదా!!

ఇపుడు శ్రీమోడీ గారు అఫిడవిట్ లో తన న్యాయవాదుల సలహా ప్రకారం నిజాన్ని బయట పెట్టారా, లేక నిజంగా హృదయ పరివర్తన వచ్చి సత్యాన్ని ప్రకటించారా?

నిజంగా హృదయ పరివర్తన వచ్చి సత్యాన్ని ప్రకటిస్తే జేజేలు. ఇపుడు తరువాత జరగవలసినది, జశోదాబెన్ గారికి గౌరవ ప్రదమైన స్థానాన్ని ఇవ్వటం. దీనిని పలువిధాలుగా చేయవచ్చు. ఎన్నికల రాలీలలో అప్పుడప్పుడు తన ప్రక్కన నిల్చోపెట్టుకోవచ్చు. ఆమె స్వఛ్ఛందంగా ముందుకు వస్తే వడోదారాలో కానీ, వారణాసిలో కానీ, ఎన్నికల ప్రచారంలో పాల్గొనవచ్చు.

జశోదాబెన్ గారు గుజరాత్ కుగ్రామాలలో ప్రాథమిక పాఠశాల అధ్యాపకురాలిగా పనిచేయటం వల్ల, ఆమెకు స్కూల్ డ్రాప్ అవుట్స్ పై మంచి అవగాహన ఉండి ఉంటుంది. దేశంలో ప్రాథమిక విద్యా వ్యాప్తిపై ఆమె ఏవైనా సూచనలు ఇవ్వదలుచుకుంటే వినచ్చు.

సోమాభాయి దామోదర్ మోడీ , శ్రీ నరేంద్రమోడీ గారి సోదరుడు, ఈసందర్భంగా అన్నమాటలు పరిశీలనార్హం:

"...What happened 45-50 years ago should be seen in the context of a poor and superstitious family. ..."

తెలుగుసారం: ''... 45-50 సంవత్సరముల క్రితం జరిగిన దానిని బీద మరియు మూఢవిశ్వాసాల కుటుంబ నేపథ్యంలో చూడాలి. ...''

ఈ ''పేద , మూఢ విశ్వాసాల కుటుంబం'' అనే పదం సోమాభాయి దామోదర్ మోడీ గారు తన కుటుంబానికి వర్తింప చేయాలా , లేక జశోదా బెన్ గారి పుట్టింటి వారి కి వర్తింప చేయాలా, లేక రెండు కుటుంబాలకు వర్తింప చేయాలో చెప్తే బాగుండేది.

నిజానికి ధనిక కుటుంబాల్లో స్త్రీపురుషులు తమ ఇష్టం వచ్చినట్లు కలిసినా విడిపోయినా సమాజానికి పెద్ద ఇబ్బంది కలుగదు. ఉదాహరణకి ఈమధ్య ఒక సేనా పార్టీ పెడుతున్నానని హంగామా చేసిన ఒక తెలుగు హీరోగారు తమ మొదటి భార్యకి, రెండో భార్యకి విడాకులు ఇస్తే జనం పట్టించుకోలేదు, పట్టించుకోవలసిన అవసరం కూడ లేదు. ఎందుకంటే , వారూ, వీరూ, ఘరానా ధనవంతులు కాబట్టి, వాళ్ళకది అలవాటులే మనకెందుకులే గోల అని ఊరుకోవచ్చు.

ముక్కు పచ్చలారని ఒక ముద్దరాలిని, పేద కుటుంబానికి చెందినది, చదువుకోలేదు అనే కారణంతో కనీసం ఫీజు కూడ కట్టకుండా పుట్టింట్లో విడిచేసి ముఖం తప్పిస్తే దానిని ఏమనాలి? శ్రీనరేంద్రమోడీ అన్నలకు, తల్లి దండ్రులకి ఏబాధ్యతలు ఉండవా?

శ్రీ నరేంద్రమోడీ గారు , ఆర్ ఎస్ ఎస్ కార్యాలయం లో ఫుల్ టైమ్ చేరకముందు, బస్ స్టాండు సమీపంలో కొద్ది రోజులు టీ బండి నడిపారు అని వార్తలు ఉన్నాయి. ఆసమయంలో , అవకాశం ఇచ్చి ఉంటే, జశోదా బెన్ గారు, ఆబండి వద్దనే తన భర్తకి చాయ్ తయారు చేసి చేదోడు వాదోడుగా ఉండి ఉండేది. మోడీగారు తన సహధర్మచారిణికి ఆఅవకాశాన్ని దక్కకుండా చేశారు. భారత దేశంలో మనం ఏ పట్టణంలో చూసినా, ఇలా పరస్పరం సహకరించుకుంటూ, చాయ్ బండ్లు, చాయ్ బంకులు నడుపుకునే భార్యా భర్తలు, భవిష్యత్ పై గొప్ప ఆశతో జీవిస్తూ, మనకి అసంఖ్యాకంగా దర్శనమిస్తారు.
శ్రీ మోడీ రోల్ మోడల్ స్వామీ వివేకానందగారికి కాష్మీర్ , ఊటీ, ఆల్మోరా వంటి వేసవి విడుదులంటే మక్కువ, దోమలు అంటే విపరీతమైన భయం, కోట్లు, బూట్లు, చుట్టలు అంటే అభిమానం, అని ఆయన సంపూర్ణరచనలు చెప్తాయి.

శ్రీ వివేకానంద గారు కూడ శ్రీరామకృష్ణుడు మరణించిన కొత్తరోజులలో భిక్షాటన చేసే వాళ్ళమని, ఇల్లాళ్ళు రాళ్ళల్లాగా మారిన చద్ది చపాతీలు వేసేవారని తన క్యాలిఫోర్నియా అమెరికా ప్రసంగం ఒకదానిలో చెప్పుకున్నారు. దాని ఫలితమో ఏమో, తరువాత ఆయన భిక్షాటన మానేసి స్వదేశ సంస్థానాధీశుల చుట్టు, సేఠ్ జీల చుట్టూ తిరగటం, పరమహంసలం అని చెప్పుకోటం అలవర్చుకున్నట్లు కనపడుతుంది.

నేడు రాజకీయవేత్తలు అంబానీలు, టాటాలను ఆశ్రయించుకున్నట్లే, నాడు స్వామి వివేకానంద గారు కూడ లెగ్గెట్ అనే అంతర్జాతీయ టీ వర్తకుడిని ఆశ్రయించుకుని, ఆయనకు చెందిన రిసార్టులో నెలల తరబడి బసచేసే వాడు. స్వామీజీ లెగ్గెట్ గారి టీ వ్యాపారానికి బ్రాండ్ అంబాసెడర్ అయ్యే వాడే (ఆకాలంలో ఆపదం వాడుక లేదు కానీ, బ్రాండులను వ్యాపింప చేయటానికి సెలబ్రిటీలను వాడుకోటం ఉండేది) కానీ, కొద్దిలో ఏదో బెడిసింది.





అలాగే శ్రీమోడీజీకి ఖరీదైన కుర్తాలు, కోట్లు, డ్రెస్ లు అంటే మక్కువ , అహమ్మదాబాద్ లోని అతి ఖరీదైన డ్రెస్ మేకర్ కు ఆయన ప్రధాన ఖాతాదారు అనే విషయం ప్రజలలో చాలామందికి తెలియదు. పార్టీ సమావేశాలకు గోవా వెళ్ళినా సరే, అహమ్మదాబాదు నుండి బుల్లెట్ ప్రూఫ్ కారు గోవాకి వెళ్ళాలి. మనలో లైఫ్ స్టైల్స్ చిననాటి నుండే రూపులు దిద్దుకుంటాయి. అవి అవకాశాలు దొరకనంతకాలం, అణగి మణిగి ఉంటాయి. దొరికినపుడు, విశ్వస్వరూపాలు చూపిస్తాయి.







కనుక సుదీర్ఘ కాలం, బస్ స్టాండ్ వద్ద చాయ్ బండి నడుపుకుంటూ, భార్య సహాయం తీసుకోటం కొందరి ప్రవృత్తులకు, ప్రకృతులకు వ్యతిరేకం అని మనం అర్ధం చేసుకుంటే నేతలను, స్వామీజీలను తప్పు పట్టం.






నీలాంజన్ ముఖోపాధ్యాయ అనే రచయిత గారు శ్రీ మోడీ గారి జీవిత చరిత్ర వ్రాశారుట. దాని ప్రకారం, ఆర్ ఎస్ ఎస్ లో పైకి రావాలంటే, బ్రహ్మచారులకే అవకాశం కాబట్టి శ్రీమోడీజీ తన వివాహ విషయాన్ని గోప్యంగా ఉంచారని వ్రాశారు.

వివాహం కన్ సమ్మేట్ కాకుండానే (అంటే శోభనం, కార్యం జరగకుండానే) శ్రీ మోడీ వివాహం నుండి బయటకి వచ్చేసినట్లు ఆయన సోదరుడు శ్రీ సోమాభాయ్ చెప్పిన మాట నిజమే అయితే, శ్రీ మోడీ సోదరులు , తల్లిదండ్రులు చేయవలసిన పని , న్యాయం గా ఏమి కావాలి? శ్రీమతి జశోదా బెన్ గారి తల్లి దండ్రులతో సంప్రదించి శ్రీ మోడీ గారి చేత ఆమెకు విడాకులు ఇప్పించి, ఇంకొక వరుడిని చూసి వివాహం చేయించి ఉండవలసినది. శోభన కార్యమే జరగనపుడు , మారు మనువు సరియైన పరిష్కారమే అవుతుంది. మొత్తం సమస్యను మాంగల్యబలం సినిమాలో లాగా బాల్యవివాహాలపైకి తోసేయటం కుదరదు.

ఏది ఏమైనా, శ్రీమోడీ గారు సత్యాన్ని ప్రకటించటాన్ని మనం స్వాగతిద్దాం. ఇదే సందర్భంగా ఆయన, బడా పెట్టుబడిదారులు, కార్పోరేట్ ఘరానా వ్యాపారవేత్తల బానిసత్వం నుండి బయట పడాలని ప్రార్ధిద్దాం. గుజరాత్ లో శ్రీమోడీ గారు చేశానని చెప్పుకుంటున్న అభివృధ్ధి అంతా బడా పెట్టుబడిదారులకు రాయితీలిచ్చి వారిని బాగుచేయటమే తప్ప ప్రజలని బాగుచేయటం కాదు. ఆయన నిజంగా ప్రజలను బాగు చేయాలనుకుంటే, కుటీర పరిశ్రమలు, చిన్న మధ్యతరహా పరిశ్రమలకు పెద్ద పీట వేయాలి. అయితే శ్రీ మోడీ రిపేరబుల్ అని నేననుకోటం లేదు.

ఈనాటి పాట

రచన: శ్రీశ్రీ. చిత్రం: మాంగల్యబలం. పాడింది ఘంటసాల, సుశీల. సంగీతం: మాస్టర్ వేణు. కర్నాటక సంగీత రాగం: కల్యాణి. హిందూస్థానీ రాగం: యమన్.





పల్లవి
పెనుచీకటాయే లోకం చెలరేగే నాలో శోకం
విషమాయే మా ప్రేమా విధియే పగాయేయ





చరణం: 1
చిననాటి పరిణయగాధ ఎదిరించలేనైతినే
ఈనాటి ప్రేమగాధ తలదాల్చలేనైతినే
కలలే నశించిపోయే మనసే కృశించిపోయే
విషమాయె మా ప్రేమా విధియే పగాయే.




చరణం: 2
మొగమైన చూపలేదే, మనసింతలొ మారెనా
నా ప్రాణ సతివని తెలిపే అవకాశమే పోయెనా
తొలినాటి కలతల వలనా హృదయాలు బలి కావలెనా
విషమాయె మా ప్రేమా విధియే పగాయే.
పెనుచీకటాయే||

199 Householder vs non-householder

199 Householder vs non-householder

Topics for discussion, చర్చనీయాంశాలు, चर्चा विषय, اَجینڈا: బ్రహ్మచర్యం, గృహస్తాశ్రమం, నరేంద్రమోడీ, వివేకానంద, మహాభారతం, తిక్కన

బోధ, ఉద్ బోధ రెండు పదాలను తీసుకుందాం. ఉద్ అంటే పైకి. బోధ కన్నా ఉద్ బోధ స్ట్రాంగు. జండూ బాం, మహాజండూ బాం లాగా.

ఉద్ బోధలు చేయించుకోటాన్ని ఒక తరహా రుగ్మత అనుకుంటే , ఉద్ బోధలు చేయటాన్ని కూడ రుగ్మత అనచ్చు, లేదా మహా రుగ్మత అనచ్చు.

ఉద్ బోధ లు చేయటం రుగ్మతగా పరిణమించటానికి, లౌడ్ థింకింగు కీ (బిగ్గరగా బయటకు వ్యక్తం అయ్యేలా ఆలోచించటం) విభజన రేఖ స్వల్పమే. అంతర్జాలంలో కొన్ని సార్లు లౌడ్ థింకింగును రాంటింగు (ranting) గా పరిగణించటం జరుగుతున్నది. కానీ రెండిటికీ కూడ భేదం ఉన్నది.

ఈ ఉద్ బోధలు చేయటం అనే రుగ్మత (రుగ్మత అనే కన్నా కొన్ని సార్లు బలహీనత అంటే మేలేమో), మహాత్ముల దగ్గర నుండి సాధారణ వ్యక్తుల వరకు అందరిని ఆవహిస్తునే ఉంటుంది.


ప్రస్తుత కాలంలో , మధ్యతరగతిలో (దిగువ, ఎగువ), ధనిక తరగతులలో ఒక విశ్వాసం ప్రబలినట్లు కనిపిస్తున్నది. అదేంటంటే, గృహస్తాశ్రమం కన్నా బ్రహ్మచర్యం గొప్పది, అని. బ్రహ్మచర్యం అనేది ఒడ్డున కూర్చుని కబుర్లు చెప్పటం లాంటిది. ఈదినప్పుడు కదా ఈతలో మజా తెలిసేది. ఈతలో కష్టాలు నాకు ముందే తెలుసు కాబట్టి నేను ఈదను, మీరు కూడ ఈదకండి. నేను ఈదను కాబట్టి మీకన్నా గొప్ప వాడిని. మీకు బోధించే అర్హత నాకు వస్తుంది. నేను పరమహంసను. మీరు నా కాళ్ళమీద పడుతుంటే, నేను మీ నెత్తి మీద చేతులు పెట్తూ ఉంటాను అనే ప్రవృత్తి మనదేశంలో బుధ్ధుడి కాలం నుండీ ప్రబలి ఉన్నది. అదేంట్రా నాయనా అంటే, నా కాషాయ గుడ్డలే, నా మంత్రదండమే, నా అర్హతలు. ఇలాగా అన్ని మతాలలోని బోధకులు గృహస్తుల నెత్తిన కూర్చోటం అలవర్చుకున్నారు. ఘరానా మఠాల సన్యాసుల కన్నా ఒక విధంగా వీధులలో ముష్ఠెత్తుకునే సాధువులు కొన్ని సార్లు మెరుగని పిస్తారు. ఎందుకంటే వీరు పాదాలు పట్టుకునేటందుకు ఛార్జీలు వసూలు చేయరు.

''వినదగు నెవ్వరు చెప్పిన'' అన్నట్లుగా, మహాభారతంలో ధర్మరాజు గారికి మంచి వినికిడి ఓపిక ఉన్నది. మహాభారత యుధ్ధంలో 18 అక్షౌహిణీల సైన్యం ప్రాణాలు కోల్పోయాక, తాతలు, గురువులు, అందరినీ చంపాక, ధర్మరాజు గారికి కిల్బిష భయం (పాప భీతి) పట్టుకుంది. నేను సన్యాసం పుచ్చుకుంటానంటాడు. ఆసమయంలో ఆయనకు ఉద్ బోధ చేసిన వాళ్ళు చాల మంది ఉన్నారు.

సాధారణంగా, నకుల సహదేవులకి ఉద్ బోధలు చేసే ఛాన్సులు రావు. శాంతి పర్వంలో, ప్రథమాశ్వాసంలో, నకులుడికి అలాంటి ఛాన్స్ ఒకటి వచ్చింది. నకులుడు, సన్యాసం తీసుకోవద్దు, గృహస్తాశ్రమమే మిన్న అని ధర్మరాజుకి ఉద్ బోధ చేశాడు. ఆ ఉద్ బోధలోంచి కొన్ని పద్యాలను ఈక్రింద ఇస్తున్నాను.

తిక్కన ప్రణీత శ్రీమదాంధ్ర మహాభారతం, శాంతి పర్వం, ప్రథమాశ్వాసం, 76వ పద్యం.

కంద పద్యం.
తక్కిన మూడాశ్రమములు
నొక్క దెస, గృహస్థ ధర్మ మొక దెసఁ తులయం
దెక్కింప వానితో న,
య్యొక్కటి సరి తూఁగె నందురు ర్వీశ బుధుల్.

తెలుగు సారం: గృహస్థాశ్రమాన్ని త్రాసులో ఒక పళ్ళెంలో వేసి, రెండవ పళ్ళెంలో మిగిలిన మూడాశ్రమాలను అంటే బ్రహ్మచర్య, వానప్రస్థ (అడవులలో ఉండటం), సన్యాసాశ్రమాలను పడేస్తే, మొగ్గు గృహస్తాశ్రమం వంకే ఉంటుంది అని పండితులు చెప్తారు.

81 వ పద్యం. కందం.
పరుల వధింపక యెవ్వడు,
ధర యేలెం జెపుమ పూర్వ ధరణీశులలోఁ
బొరయరు పాపము సుగతిక,
యరిగిరి వా రీవు నట్ల యగు టొప్పు నృపా.

తెలుగు సారం: ఓ రాజా, పూర్వపు రాజులలో, ఇతరులను చంపక ఏ రాజు భూమిని యేలాడు చెప్పు, వారు సుగతికి అంటే మంచి లోకాలకే వెళ్ళారు, నీవు కూడ అలాగే వెళ్తావు.

82 వపద్యం. కందం.
రక్ష ప్రజ గోరు నిజయో
గ క్షేమార్ధముగ జన సుఖ స్థితి నడపన్
దక్షుడగు రాజు నడప కు
పేక్షించినఁ పాపమొందడే కురు ముఖ్యా.

ఓ కురు ముఖ్యా, జనం తమ యోగ క్షేమాలు చక్కగ సుఖంగా గడచి, రక్షణ కావాలని కోరుతుంటే సమర్ధుడైన రాజు పట్టించుకోకుండా నిర్లిప్తంగా ఉంటే, పాపం పొందడా?

82 వపద్యం. తేటగీతి.
గోవులను ఘోటకంబులఁ, కుంజరముల
దాసులను ప్రీతి నిమ్మెల్ల ధాన్యములను
గ్రామముల మందిరముల నిష్కముల వేడ్క
నొసగు తత్తత్ సుపాత్రత్వ యుక్త విధుల. అర్ధము

తెలుగు సారం: గోవులంటే ఆవులు. ఘోటకాలు అంటే గుర్రాలు. కుంజరాలు అంటే ఏనుగులు. దాసులంటే సేవకులు. ధాన్యాలు, గ్రామాలు, ఇళ్లు, నిష్కాలు అంటే ఆనాటి నాణెములు, ఇలాగా అన్నిటినీ వేడుకతో, ప్రీతితో, రాజు, సుపాత్రులు అంటే అర్హులైన వారికి తగినట్లుగా ఇస్తాడు.

ఆధునిక కాలం

భా భా ప్రధాని శ్రీనరేంద్ర మోడీ గారి రోల్ మాడెల్ స్వామి వివేకానంద గారికి బ్రహ్మ చర్యం గురించి ఉద్ బోధలు చేయటం అంటే మహా మక్కువ. తల్లిని పోషించటానికి, సోదరీ సోదరులను పైకి తీసుకురావటానికి ఉద్ యోగం చేయటం అంటే చిన్న చూపు. ఉద్యోగం అంటే ప్రొద్దున నుండి సాయంకాలం దాకా, కష్ట పడాలి కదా. తన పోషణకు నెలకో వంద రూపాయలు, తల్లి పోషణకు నెలకో వంద రూపాయలు భృతి ఏర్పాటు చేయమని ఖేత్రీ రాజును ఆశ్రయించుకున్నాడు. (ఖేత్రీ రాజుకు తన పుత్ర సంతానం వివేకానందుడి దయ వలన కలిగిందని ఒక నమ్మకం. అందుకే రెండు భృతులూ ఏర్పాటు చేశాడు. అంతే కాక, వివేకానంద గారి కోరికపై ఆయన తెల్లతోళ్ళ శిష్యులకి ధ్యానం కోసం పులి తోళ్ళు ఏర్పాటు చేశాడు).


తత్ శిష్యుడు శ్రీ నరేంద్రమోడీ గారికి కూడ బ్రహ్మ చర్యం పై మక్కువో కాదో మనకి తెలియదు కానీ, శ్రీవారి ధర్మపత్ని జశోదా బెన్ గారు మటుకు, నేను శ్రీవారి ధర్మపత్నినే అని మొత్తుకుంటున్నది. శ్రీవారు అవుననరు, కాదనరు. చదువుకో మ్మా అని పుట్టింట్లో దిగబెట్టి 30 ఏళ్ళు పూర్తయ్యింది. ఆమె 10 పాసయి, టీచర్ ట్రైనింగు పూర్తిచేసి, కుగ్రామాలలో గవర్న్మెంటు టీచరుగా పనిచేసి, రిటైర్ అయి ఒంటరి జీవితం గడుపుతున్నది.

ప్రజాసేవకి గృహస్థాశ్రమం పనికి రాదని, ఆర్ ఎస్ ఎస్ లో అలిఖిత నిబంధన ఏదైనా ఉందో ఏమో గానీ, శ్రీవారికి గృహస్తాశ్రమం యొక్క శ్రేష్ఠతను ఆర్ ఎస్ ఎస్ అగ్ర గురువులు బోధిస్తే న్యాయంగా ఉండేది. ఒకవేళ బ్రహ్మచర్యం అవసరమే అనుకున్నా, అది వివాహం కాకముందు తీసుకోవలసిన నిర్ణయం, అగ్ని సాక్షిగా సప్తపదిని పూర్తిచేసి, నాతిచరామి వంటి ప్రతిజ్ఞలు చేసుకున్నాక శోభించదు అని ఉద్ బోధిస్తే బాగుండేది.

భారత ప్రథమ పౌరుడు రాష్ట్రపతి. అతడు గృహస్థే. తన కొడుకుని రాజకీయాలలోకి దింపి, కూతురుని కూడ దింపాలనుకుంటున్నారు. ప్రొటోకోల్ ప్రకారం, ద్వితీయ పౌరుడు ఉపరాష్ట్రపతి. తృతీయ పౌరుడు ప్రధాని. ఈ శ్రేష్ఠ భారత దేశానికి శ్రీ మోడీ ప్రధాని అయితే శ్రీవారి శ్రేష్ఠ దంపతులు ఉభయులు కనువిందు చేస్తే బాగుంటుందా, లేక ఒక్కడే లింగూ లిటుకూ అంటే బాగుంటుందా?

ఈనాటి పాట

రచన: శ్రీ దేవులపల్లి కృష్ణ శాస్త్రి.
చిత్రం: మంచిరోజులు వచ్చాయి.
ఈ పాట టైపింగు శ్రీ వికీసోర్స్.ఆర్గ్ వారి దానం.

పల్లవి :
నేలతో నీడ అన్నది నను తాకరాదనీ
పగటితో రేయి అన్నది నను తాకరాదనీ
నీరు తన్ను తాకరాదని గడ్డిపరక అన్నది
నేడు భర్తనే తాకరాదని ఒక భార్య అన్నది ||| నేలతో |||

చరణం 1 :
వేలి కొసలు తాకనిదే వీణ పాట పాడేనా
చల్లగాలి తాకనిదే నల్లమబ్బు కురిసేనా
తల్లితండ్రి ఒకరి నొకరు తాకనిదే
నీవు లేవూ, నేను లేనూ, లోకమే లేదులే ||| నేలతో |||

చరణం 2 :
రవికిరణం తాకనిదే నవ కమలం విరిసేనా
మధుపం తను తాకనిదే మందారం మురిసేనా
మేను మేను తాకనిదే మనసు మనసు కలవనిదే
మమత లేదూ, మనిషి లేడూ, మనుగడయే లేదులే ||| నేలతో |||

చరణం 3 :
అంటరానితనము - ఒంటరితనము
అనాదిగా మీ జాతికి అదే మూలధనము
ఇక సమభావం, సమధర్మం సహజీవన మనివార్యం
తెలుసుకొనుట మీ ధర్మం, తెలియకుంటె మీ కర్మం ||| నేలతో |||

వైబీరావు గాడిద లౌడ్ థింకింగ్.

మేను మేను తాకనిదే మనసు మనసు కలవనిదే మమత లేదూ, మనిషి లేడూ, మనుగడయే లేదులే అని శ్రీ దేవులపల్లి వ్రాసిన వాక్యాలు అజరామరాలు. బౌధ్ధం యొక్క ప్రభావానికి లోనైన భారత జాతి గుండ్లు గీయించుకొని, కాషాయాలు కట్టుకుంటుంటే, బయటకి వైరాగ్యం ఆర్భాటం చేసినా, పురుష భిక్షువులు, స్త్రీభిక్షువుల మధ్య వ్యభిచారాల కాలనాగులు తిరిగేవి. అదను చూసి కాట్లు వేస్తూ ఉండేవి.

ఈనాటి కేథలిక్ క్రైస్తవ ప్రపంచాన్ని తీసుకోండి. బ్రహ్మచర్యం పాటించాల్సిన మతగురువులు పలు పాశ్చాత్య దేశాల్లో, ముఖ్యంగా అమెరికాలో బాలురతో మైథునాలు చేసుకుంటూ కోర్టుకేసుల పాలైతే, వాటిని ఎలా సరిదిద్దాలో తెలియక గతంలో పోప్ బెనెడిక్ట్, నేడు పోప్ ఫ్రాన్సిస్ నానా బాధలు పడుతున్నారు. మైథునం అనేది ఒక జననార్తి. దానిని ప్రకృతి సహజమైన స్త్రీ పురుష సంయోగం ద్వారా అప్పుడప్పుడూ సంతృప్తి పరచకుంటే జననార్తులు వికృత మార్గాలు పట్టే అవకాశం ఉంది.

మనం అదుపులో పెట్టుకోవలసినది: సంగం, అంతే కాని లింగం కాదు

సంగం అనే పదం, సంఘం అనే పదం ఒకటి కాదు. సంగం అంటే ఆంగ్లంలో attachment. తెలుగులో బంధం. ఏమిటీ ఈ బంధం, అంటే కనిపించే ప్రతి దాన్ని తనది అనుకోటం. సంగాన్ని వదులుకోమని ప్రతి గృహస్థుని మన ఆర్ష సంస్కృతి బోధించినది.

కలిగి ఉండమని బోధించింది, ఏమిటంటే సత్యాసత్యవివేకం, నిత్యానిత్య వివేకం , మిథ్యా మిథ్య వివేచన . ఈ వివేచన కలిగి ఉండక మొండిగా ప్రవర్తించినపుడు, లక్షకోట్లార్జించినా, చివరికి ఏ విమాన ప్రమాదం లోనో, ఏ గన్ మాన్ కాలిస్తేనో ప్రాణాలు కోల్పోవాల్సి వచ్చి, తాను నిజం, నిజం అని నమ్మిన సంపదకే దూరం కావాల్సి వస్తుంది. మెట్లమీదినుండి కాలు జారితే చాలదా, అంతా అసత్యం, అనిత్యం అని ఋజువు కావటానికి.

లింగాన్ని వదిలేయాలా

లింగాన్ని వదిలేయమని ఎవరూ అనరు. లింగాలకు, భగాలకు వాటి పరిమితులు వాటికి ఉంటాయి. మన కుటుంబ వ్యవస్థయే ఆపరిమితుల సరిహద్దులను కొంత మేరకు నిర్దేశించింది. ఈమధ్య కొందరు న్యాయమూర్తులు, విశ్రాంత న్యాయమూర్తులు, టీవీ ఛానెల్ అధినేతలు, ఐటీ కంపెనీల మహానిర్వాహకులు, దైవమానవులు (గాడ్ మెన్), రకరకాల కారణాల వల్ల విచారణలు ఎదుర్కొంటున్నారు.

కొన్ని కులాలలో ఉపనయనం అనే వ్యవస్థ ఉంది. రోజూ ఉదయాన్నే సంధ్యావందనం అనే ప్రక్రియ ఉంది. ఉపనయనం అంటే sub-eye. మామూలు రెండు కన్నుల కన్నా అదనపు కన్ను అన్న మాట. ఈ అదనపు కన్ను ఏమిటి? జ్ఞాన నేత్రం. ఏమిటా జ్ఞానం? అదే నిత్యానిత్య జ్ఞానం. సదసద్ విజ్ఞానం. మిథ్యామిథ్య వివేచనం. ఈ జ్ఞానం ఏమి చెప్తుందంటే, శరీరం ఒక గుర్రం. అందులో ఉండే మానవుడు రౌతు. రౌతు చెప్పినట్లు గుర్రం వినాలా, లేక గుర్రం చెప్పినట్లు రౌతు వినాలా? లింగాలు, భగాలు అనేవి ఈశరీరంలో భాగాలు మాత్రమే. అంటే రౌతుచెప్పినట్లు నడుచుకోవలసినవే.

ఈపరిశోథనలో భాగంగా అంతర్జాలంలో నేను కొన్ని డజన్ల వెబ్ సైట్లను చూసి కొన్ని వందల వీడీయోలను అథ్యయనం చేయటం జరిగింది. ఈసందర్భంగా గమనించిందేమిటంటే, భారతీయులలో కొన్ని లక్షలమంది ఈ సైట్లను దర్శిస్తున్నారు. తదనంతరం రకరకాలుగా భావోద్వేగాలకు గురియవుతున్నారు. గురువులు పాఠశాలల్లో కీచకులుగా తయారు కావటానికి, తండ్రులు గృహాల్లో కీచకులుగా తయారు కావటానికీ ఈ సైట్ల వలన కలిగే భావోద్వేగాలు ఎంతవరకు కారణం అనే అధ్యయనం న్యూరాలజిస్టులు, సైకియాట్రిస్టులు, సైకాలజిస్టులు , సోషియాలజిస్టులు అధ్యయనం చేయాల్సి ఉంటుంది.

మానవుడి లైంగిక ప్రవర్తన పై మిథ్యాహార, విహారాల ప్రభావం , ఆధునిక జీవనశైలి వల్ల వచ్చే స్ట్రెస్ గూర్చి అధ్యయనాలు జరగాల్సి ఉంటుంది.

మానవ వికాస చరిత్రలో ఇంటర్నెట్ ఒక నూతనాధ్యాయాన్ని తెరిచింది. తాంత్రిక విద్యల కన్నా, దేవాలయాలపై శృంగార శిల్పాలకన్నా మానవులపై ఇంటర్ నెట్ వీడియో ల ప్రభావం లోతుగా ఉండ బోతున్నది. పరాశరాది నాటి ఋషుల వలెనే నేటి సమాజానికి దిశానిర్దేశం చేయాల్సిన మేథావులు ఉద్వేగాలకు లొంగిపోటాన్ని గమనించినపుడు, మనం --- లింగాల, భగాల, ఫెరోమోన్ల శక్తియుక్తులను తక్కువగా అంచనా వేయలేము. ప్రస్తుతానికి మేథావులం అనుకునే వారు తెల్లారి లేవగానే, రాత్రి పండుకునే మందు, ఒక భర్తృహరి శ్లోకాన్ని స్మరించుకోవటం విధాయకం.

brahmAmDa mamDaalI mAtram బ్రహ్మాండ మండలీ మాత్రమ్
kim lobhAya manasvinaha; కిమ్ లోభాయ మనస్వినః
Sapharii sphuritE nAbdhEh (naabdhihi) శఫరీ స్ఫురితే నాబ్ధేః
kshubdhO na khalu jAyatE. క్షుబ్ధో న ఖలు జాయతే.

If a female fish dances and leaps in an Ocean, the Ocean does not get tumultous. The mind of an ascetic in Union does not quiver even if the Universe were accrue to him.

తెలుగు సారం: ఒక ఆడ చేప సముద్రంలో గంతులేస్తే , నాట్యం చేస్తే, సముద్రం కల్లోలితం కాదు. యోగి హృదయం కూడ, సర్వ విశ్వం అతడిని సమీపించినా, ఊగిసలాడదు. మేథావులు కూడ అంతే.

తిండి, గుడ్డ, ఇల్లు, విద్య, ఆరోగ్యం, వృధ్ధాప్యం లో సామాజిక భద్రత

ఇవీ ప్రతి భారతీయుడూ, తపన పడాల్సినవి, అందరు భారతీయులకి అందుబాటులో లేనివి. ప్రతి వ్యక్తి వీటిని తన జీవితకాలంలో సేకరించుకుని తీరవలసినవే. వివిధ కారణాల వల్ల, వారి అదుపులో లేని వివిధ పరిస్థితులలో వలన (factors beyond their control) వారు ఈ లక్ష్యాన్ని చేరుకోలేక పోతే, సమాజం ఈ అవసరాలను పూరించాల్సిందే. పెట్టుబడిదారి విధానం ఈ బాధ్యతను తీసుకోదు. తీసుకున్నట్లుగా నటిస్తుంది. మభ్యపెట్తుంది.


ఈ బాధ్యతను తీసుకునే శక్తి మార్క్సిజానికే ఉన్నది. కాకపోతే అది మావోయిస్టులు భావిస్తున్నట్లుగా తుపాకీగొట్టం ద్వారా రావాల్సినది కాదు. అది బ్యాలెట్ ద్వారా మాత్రమే రావాలి. తుపాకీ గొట్టం ద్వారా వస్తే అది నిలువదు. నియంతృత్వానికి దారి తీసి, పెట్టుబడిదారి విధానం కన్నా దుర్భర ఫలితాలను ఇస్తుంది. గౌ. శ్రీ వరవరరావు వంటి వారు ఉద్ బోధిస్తున్నట్లుగా, ప్రజలు ఎన్నికలను బహిష్కరించినందు వల్ల అది సిధ్ధించదు. ప్రజలు ఎన్నికలలో పాల్గొన వలసినదే. కాకపోతే వారు విజ్ఞాన వంతులైన వోటర్లుగా పాల్గొనటం అవసరం.

ఇంకా ఉంది, ఇంకో సారి.

198 Crows on trees

198 Crows on trees

Topics for discussion, చర్చనీయాంశాలు, चर्चांश, اُجزڈا: సినిమాలు, అలియాభట్, కత్రినా కైఫ్, కరీనా కపూర్, రణ్ బీర్ కపూర్, ప్రణయబంధాలు, బాలీవుడ్


కాఫీ విత్ కరణ్ అనే టీవీ కార్యక్రమంలో ఈ 21 ఏళ్ల బాలీవుడ్ నటి చెప్పిందట.

I remember the first time I spoke to Ranbir.. you called him up when ‘Rockstar’ released and you said, here talk to Ranbir tell him how much you love him. And I just spoke so much rubbish, I was just talking non-stop. But later I have hung out with Ranbir and I still think he is really adorable and I still want to marry him.

తెలుగు సారం: రణ్ బీర్ తో నేను మొదటి సారి మాట్లాడినది నాకు జ్ఞాపకం ఉంది. రాక్ స్టార్ రిలీజ్ అయినపుడు మీరు నన్ను కాల్ చేసి అన్నారు: ఇక్కడ రణ్ బీర్ తో , మీరు అతడిని ఎంత ప్రేమిస్తారో చెప్పండి, అన్నారు. అపుడు నేను చాల చెత్త మాట్లాడాను, నేను ఆగకుండా మాట్లాడుతూ ఉండినాను. కాని, తరువాత నేను రణ్ బీర్ తో మాట్లాడటం జరిగింది. నేను ఇప్పటికి అతడు చాలా ప్రేమార్హుడనే భావిస్తున్నాను. నేను ఇప్పటికి అతడిని వివాహమాడాలనే అనుకుంటున్నాను.

Everybody knows my plan. I have gone on record and said it as you said.. and I am very open about it except to Ranbir.

నా ప్లాన్ ప్రతివాళ్ళకి తెలుసు. నేను రికార్డు గానే చెప్పాను, మరియు మీరన్నట్లుగానే చెప్పాను. నేను దాని గురించి ఓపెన్ గానే ఉన్నాను, రణ బీర్ తో తప్ప.

వైబీరావు గాడిద వ్యాఖ్య

చెప్ప వలసిన వాళ్ళకి చెప్పకుండా మిగిలిన వాళ్ళకి చెప్పి ప్రయోజనమేమి?

ఇంతకు ముందు శ్రీ రణ బీర్ కపూర్ పేరు ౩0 ఏళ్ళ కుమారి కత్రీనా కైఫ్ తో వినిపించింది. వారు 2015 లో ఒక ఇంటి వారవుతారని వార్తలు వచ్చాయి. అయితే ఆమె, తాను కూడ ఈ విషయాన్ని మీడియా ద్వారాతెలుసుకున్నానని (29.3.2014) అన్నది.

I don’t know about this, it has come in media today. It is news to me as I got to know when someone sent me a message about this, till then I was not aware about it.

దీని గురించి నాకు తెలియదు, ఈరోజు మీడియాలో వచ్చింది. నాకు కూడ ఇది వార్తయే, నాకు ఒకరు మెసేజి పంపగా తెలిసింది. అంతవరకు నాకు తెలియదు.

అంతకు ముందు కుమారి దీపికా పాదుకోనే మరియు శ్రీ రణ్ బీర్ కపూర్ ఒక ఏడాది డేటింగు చేసుకొని విడిపోయినట్లు వార్తలు వచ్చాయి.

కుమారి దీపిక కూడ కాఫీ విత్ కరణ్ ఇంటర్వ్యూలోనే తన మనసుని విప్పి చెప్పింది.

"... when I genuinely believed that I had fallen in love." "I think it was a relationship that I thought would go beyond. For whatever reasons, it didn't work out."

తెలుగు సారం: శ్రీ రణ బీర్ తో డేటింగ్ జరిగిన కాలంలో నేను నిజంగానే ప్రేమలో పడ్డానని నమ్మాను. ఆ సంబంధం ముందుకు వెళ్తుందని నేననుకున్నానని అనుకుంటున్నాను. కానీ, కారణాలేమయితేనేం, అది వర్క అవుట్ కాలేదు.

వారు బ్రేక్ అప్ అయినాక కూడ వారు యే జవానీ హై దివానీ అనే చిత్రంలో నటించి 2013 లో ఘన విజయాన్ని సాధించారు.

''...As far as our equation is concerned, the best part is that he and I are very clear about where we are in our lives today. So there’s no reason for anyone is his life or anyone in my life to be worried about or concerned or insecure about our equation."

తెలుగు సారం: మా ఇద్దరి మధ్య సమీకరణానికి సంబంధించినంత వరకు, అన్నిటికన్న మంచి విషయం ఏమిటంటే, మా జీవితాలలో మేము ఎక్కడ ఉన్నాము అనే విషయంలో స్పష్టత ఏర్పడింది. కనుక, ఆయన జీవితంలో ఎవరైనా కానీ, నా జీవితంలో ఎవరైనా గానీ, దిగులు పడాల్సిన, లేక సంబంధించిన విషయంగా భావించటానికి గానీ, మా సమీకరణం గురించి అభద్రత ఫీల్ అవాల్సిన అవసరం లేదు.

వైబీరావు గాడిద వ్యాఖ్యలు

బాలీవుడ్ లో నటీ నటులు ప్రేమలో పడటం, ఇదే మొదటి సారీ కాదు, ఇదే చివరి సారీ కాబోదు. వెర్రి ఏదైనా ఉంటే ప్రేక్షకులకే. ఒక చెట్టుమీదకి ఎన్ని కాకులు వాలుతున్నాయి, ఎన్ని ఎగిరి బయటకు పోతున్నాయో లెక్కేయటం ఎంత కష్టమో నటీ నటులు ప్రేమలు, ప్రేమ వైఫల్యాలు గమనించటం అంతే కష్టం. అందుకే వీటిని కాకుల లెక్కలు అనాలి.

ఎవరు ఏ పని చేసినా డబ్బు కోసం. ఇది పెట్టుబడి విధానపు అనుల్లంఘనీయ నియమం. నటీనటులు చిన్నగోచీలు పెట్టుకోవాలా, పెద్ద గోచీలు పెట్టుకోవాలా, ముద్దులు పెట్టుకోవాలా, ఇంకా ఏమి చేయాలి అనేది నిర్మాతలు చెల్లించే కోట్లపై ఆధారపడి ఉంటాయి.

ఇంక డేటింగులు, ప్రేమలు, పెళ్ళిళ్లు అనేవి జననార్తుల క్రిందకి వస్తాయి.

వారిని మనం సామాన్య మానవులుగా గుర్తించ కలిగితే మనకు జ్ఞానం కలిగినట్లే. ఈ జ్ఞానం కలిగే లోపలే మనం వాళ్ళని ఎంపీలు గా ఎన్నుకుంటూ ఉంటాం.

జస్టిస్ శ్రీ మార్కండేయ కట్జూ గారు అన్నట్లుగా (తరువాత విత్ డ్రా చేసుకున్నట్లుగా), భారతీయులలో 90% మంది మూర్ఖులే. భారతీయుల పరిణామ క్రమం కొంత నెమ్మదిగా జరుగుతున్నది, కాబట్టి చింతించన్ పని లేదు.