170 Conversions

170 Conversions 170 Why should India discourage conversions of illiterate innocent people? భారత్ నిరక్షరాస్య అమాయకుల మతమార్పిడులను ఎందుకు నిరుత్సాహ పరచాలి

చర్చనీయాంశాలు

మతమార్పిడులు, హిందూత్వ, భారతీయేతర మతాలు, గోవులు, గేదెలు

మత మార్పిడుల వల్ల నష్టాలు

పాతమతం యొక్క లోపాలు, కొత్తమతం యొక్క గొప్పగుణాలు (ఏవైనా ఉంటే) తెలుసుకున్న వాళ్ళు మతం మార్చుకుంటే, వాటిని నిరసించ వలసిన పని లేదు. ఇక్కడ సమస్య ఏమిటంటే, ఏమీ తెలియని అమాయకులు మతమార్పిడులకు గురియౌతున్నారు. వారికి ధనం, ఇళ్ళు వాకిళ్ళు, పిల్లల చదువులు, రోగాలు తగ్గటం వంటివి ఆశ పెట్టటం వల్ల, అమాయకులు అనవసరంగా మతమార్పిడులకి గురి యౌతున్నారు. మతమార్పిడులు చేసేవారికి విదేశాలనుండి డబ్బులు రావటం వల్ల మతమార్పిడులు అనేది, మతసంస్థలను నిర్వహించటం అనేది వ్యాపారంగా మారింది.

భారత్ లోకి కొత్తగా ప్రవేశించిన భారతీయేతర మతాలు భారతీయ జీవిత విధానంతో పూర్తిగా ఇంటిగ్రేట్ కాలేక పోతున్నాయి. వారు గైడెన్స్ కొరకు విదేశాల వంక చూస్తున్నారు. భారతీయేతర మతాలలో స్వంత బుధ్ధిని ఉపయోగించ నివ్వటం నానాటికి తగ్గి పోతున్నది.

స్వంత బుధ్ధి యొక్క ప్రాధాన్యత

భారతీయ మతాలైనా, భారతీయేతర మతాలైనా, ప్రజల స్వంత బుధ్ధికి, ఆలోచనలకు భంగం కలిగించకూడదు. మతాలు ప్రజలకు మత సంబంధం అయిన సమాచారాన్ని అందించటంలో తప్పు లేదు. ఆ సమాచారాన్ని మాత్రమే నమ్మమని, నమ్మకపోతే దేవుడికి కోపం వస్తుందని, సంఘ బహిష్కారం చేస్తామని బెదిరించటం సరియైన పధ్ధతి కాదు.

మతమార్పిడులకు పరిష్కారం

ఇది వరకు ఒకసారి వ్రాశాను. అయినా మరొకసారి వ్రాయటంలో తప్పు లేదనుకుంటాను.

మతం మారాలనుకునే వ్యక్తి తన మతం లోని మత గ్రంధాలను క్షుణ్ణంగా చదవాలి . ఇతర మత గ్రంధాల్లోని విషయాలను క్షుణ్ణంగా తెలుసుకోవాలి. తనమతంలోని వ్యక్తులతో చర్చించాలి. ఇతరమతాల వ్యక్తులతోనూ చర్చించాలి. గుణదోషాలను బేరీజు వేసుకోవాలి. చాలాసార్లు ఒక జీవితకాలం సరిపోదు. ఆషామాషీగా , వ్యాపారులుగా మారిన మతప్రచారకులు చెప్పే కల్లబొల్లి విషయాలను నమ్మి, చడీచప్పుడు లేకుండా మతం మార్చుకోటం, కుటుంబ సభ్యులను కూడా మారమని బలవంతపెట్టటం , తాముకూడా అరకొర మత జ్ఞానంతో మతప్రచారాలకు దిగటం ఏమాత్రం సమంజసం కాదు. తాము ప్రచారం చేస్తున్న మతం యొక్క పవిత్ర గ్రంధాల్లోంచి గట్టిగా రెండు ప్రశ్నలు వేస్తే జవాబు చెప్పలేని ప్రచారకులు ఇతరులకు ఎలా దారి చూపగలుగుతారు? రాజ్యాంగంలో పొందు పరచిన మతప్రచార హక్కును వీరు దుర్వినియోగం చేస్తున్నారు.

నియంత్రణ కోర్టులు

ఇవి కోర్టుల్లాగా పనిచేయాల్సి ఉంటుంది. మతం మార్చుకో దలుచుకున్న వాడు, మతమార్పిడీ అనుమతి కోర్టుకు తన దరఖాస్తును ఇవ్వాలి. న్యాయమూర్తి ఈ విషయాన్ని బహిరంగ ప్రకటన ద్వారా ప్రజలకు తెలియచేసి అభ్యంతరాలను ఆహ్వానించాలి. మార్పిడీ కోరుతున్న వ్యక్తి పూర్తిగా స్వంత బుధ్ధిని, వినియోగిస్తున్నాడా, అన్ని మతాల సారం తెలిసిన వాడేనా, అన్ని మతాల సారం ఒకటే నని తెలిసి కూడా మతం మారటానికి బలవత్తరమైన కారణమేమిటి, అనే విషయంపై దర్యాప్తు చేయాలి. అవసరమైతే దరఖాస్తుదారుకు, అతడిప్రోత్సాహకులకు, లిఖిత పరీక్షలు నిర్వహించాలి. అతడు తన స్వంత విజ్ఞానంతో, ఏ ప్రలోభాలు లేకుండా , నిర్హేతుక భయాందోళనలకు గురి కాకుండా, మతం మార్పిడీకి నిర్ణయించుకున్నాడని ధృవ పర్చుకున్నాకే, అనుమతి డిక్రీ ఇవ్వాలి.

మతమార్పిడీ 100% వ్యక్తిగత విషయం కాదు. ఎందుకంటే తల్లిదండ్రుల మతాల్నీ, కులాల్నీ, ప్రభుత్వం, చట్టం, పిల్లలకు అంటగట్టుతున్నాయి. వీటినిబట్టి రిజర్వేషన్లు మొదలగునవి నిర్ణయం అవుతున్నాయి.

పుట్టుక అనేది యాదృఛ్ఛికం. ఏమతంలో , ఏకులంలో పుట్తారు అనేది ఇంకా యాదృఛ్చికం. నిజానికి 18 ఏళ్ళ వయస్సు వచ్చే వరకు పిల్లలకు కులం, మతం ఉండకూడదు. తాము ఏకులం, ఏమతం అనేది మానసిక పరిపక్వత, మతాలకు సంబంధించిన సమాచారం సేకరణ, విశ్లేషణలు, బంధుమిత్రులు, ఉపాధ్యాయులతో సమాలోచనలు, పూర్తి అయ్యాక, విచక్షణతో, యువతీ యువకులు, తమకు అసలు మతం అవసరమా, అవసరమైతే ఏ మతం, ఆమతంలో ఏవర్గం, అనేది నిర్ణయించుకోవాలి.

భారతీయ జీవన విధానం లోని వైవిధ్యం

భారతీయ జీవన విధానాన్నే హిందూత్వ అనాలి. దీనిలో బహుదేవతారాధన పోలీథీయిజం ఇన్ బిల్ట్ (అంతర్ నిర్మితంగా) ఉంటుంది. భారతీయేతర మతాలు దీనిని పాగనిజంగా నిరసిస్తాయి. తమకు నచ్చిన దేవుడిని తమకు నచ్చిన పేరుతో పూజించటం ప్యాగనిజం ఎందుకు అవుతుంది? భారతీయ జీవన విధానంలో, వ్యక్తులు యెహోవాను, అల్లాను కూడ పూజించ వచ్చు. నేను వ్యక్తిగతంగా ఎవరినీ పూజించను, అని నాస్తికుడిగా కూడ జీవించ వచ్చు. భారతీయేతర మతాల ప్రచారకులు తమ మతం స్వీకరించమని భారతీయులపై వత్తిడి తేవటం, ప్రలోభాలు చూపించటం, భారతీయ దేవతలను నిందించటం, బహు దేవతారాధనను విగ్రహారాధనను నిందించటం గర్హనీయం. వారు చేస్తున్న ఈపని వల్ల ప్రజలలో విద్వేషాలు ప్రబలుతున్నాయి. మతప్రచారకులు చేసే హేట్ స్పీచ్ లను ప్రభుత్వం, కోర్టులు సు మోటు గా (తమంత తామే) విచారణకు తీసుకొని దిద్దుబాటు చర్యలు చేపట్టాలి.

భారతీయేతర మతాలు బహుదేవతారాధనకు, విగ్రహారాధనకు సమ్మతించటంవల్ల వారు భారతీయ జీవన విధానంలో భాగం కాగలుగుతారు. అయితే వారు స్వయంగా బహుదేవతారాధనకి గానీ, విగ్రహారాధనకి గానీ పూనుకోవలసిన పనిలేదు. ఇది మనదేశమైన భారతీయతలో భాగం అని గుర్తిస్తే చాలు. ఎవరి ఇష్టానుసారం వారు చేసుకోవచ్చు. దేవుడనేవాడు ఉన్నాడు అని ఒప్పుకున్నాక, మాదేవుడు వేరు, మీదేవుడు వేరు అనే ప్రసక్తి ఎక్కడుంటుంది? ఎక్స్ అనే పేరుతో పిలిస్తేనే నేను పలుకుతాను, వై పేరుతో పిలిస్తే నేను పలకను అని దేవుడు(ళ్ళు) చెప్పటం కుదరని పని. అది మతప్రచారకుల కల్పన. అవిశ్వాసులను (ఇన్ ఫిడెల్స్) చంపేయమని ఏదేవుడూ చెప్పలేడు. అలా చెప్పాడంటే అతడు దేవుడు అవడు, సైతాన్ అవుతాడు. కాబట్టి భారతీయేతర మతాలవారు తమ ఇరుకు గదుల సిధ్ధాంతాలను మానుకొని వైవిధ్యం ఉన్న భారతీయ జీవన విధానంలో కలిసిపోయి ప్రయాణించాలి. సిధ్ధాంతాల కొరకు విదేశీ హెడ్ క్వార్టర్ల వంక చూడరాదు.

ప్రతి వ్యక్తికీ కులం, మతం ఉండాలా

ప్రతి వ్యక్తికీ కులం, మతం ఉండాలా? అవసరం లేదు. కానీ ప్రభుత్వం భారత్ లో పౌరులను తమ కుల, మతవివరాలు అడుగుతూ పరోక్షంగా వారికి ఏదో ఒక కులం, మతాన్ని కలిగి ఉండటం నిర్బంధం చేస్తున్నది. ప్రభుత్వానికి, పాలకులకు, ప్రజలను కులం, మతం పేరుతో, చీల్చక పోతే నిద్ర పట్టదేమో. మైనారిటీ బెనిఫిట్ లను అంద చేయటానికి మతం గురించిన సమాచారం కోరక తప్పదని ప్రభుత్వం అనచ్చు. దీనికి జవాబులు: మెజారిటీలకు లేని బెనిఫిట్ లు మైనారిటీ లకు ఎందుకు? మైనారిటీ లకు లేని బెనిఫిట్ లు మెజారిటీలకు ఎందుకు? బెనిఫిట్ లు అనేవి ఇవ్వాలనుకుంటే కులాతీతంగా, మతాతీతంగా అందరికి ఇవ్వాల్సిందే. అత్యంత పేదలకు మాత్రమే ఇవ్వాలనుకుంటే పేదరికానికీ, నిరాదరణకు గురియౌతున్న వృత్తులను ప్రాతిపదికగా తీసుకోవచ్చు. అర్హులైన వారిని ఏరటానికి రకరకాల అవినీతికి, అక్రమాలకు తావివ్వని జల్లెడలను (ఫిల్టర్లను) వాడచ్చు. కుల మతాలను అడగాల్సిన అవసరం లేదు.

ఉదాహరణలు: చమర్. అంటే చర్మకార వృత్తి. పెద్ద పెద్ద షూ మేకర్లు కాదు. చిన్న క్షురక వృత్తి (పెద్ద పెద్ ఘరానా ద హెయిర్ డ్రెసర్లు కాదు). బట్టలు ఉతకటం (పెద్ద డ్రైక్లీనర్లు కాదు). వీటిని జల్లెడలుగా వాడచ్చు.

భారతీయ జీవన విధానమే ఒక మతం

ప్రభుత్వం భారతీయ జీవన విధానాన్ని ఒక మతంగా గుర్తించాలి. హిందూత్వ అనే పదం కన్ ఫ్యూజన్ కి దారి తీస్తుంది అనుకుంటే, భారతీయ మతం అనచ్చు. ఈ భారతీయ మతంలో నాస్తికులు, మార్క్సిస్టులు కూడ చక్కగా ఇమిడి పోతారు.

భారతీయ జీవన విధానంలో ఆలోచనా విస్తృతికి ఒక ఉదాహరణ

ఈక్రింద వ్రాసిన విషయాలు స్తూల దృష్టికి సింగినాదం జీలకర్ర లాగా తోచవచ్చు. గోవులో ఇంతమంది దేవుళ్ళు ఉన్నారా లేరా అనే ప్రశ్న కన్నా, భారతీయులు ఇంత విశాలమైన దృష్టితో ఎలా ఊహించ గలిగారు, అనేది ఆలోచించాలి. సురభిగోశాల.కాం వెబ్ సైట్ వారు గోవులో ఉన్నారని చెప్పిన దేవతలు (వారితో మనం ఏకీభవించ వలసిన పనిలేదు):

రెండు కొమ్ముల మూలములో బ్రహ్మ మరియు విష్ణువు ఉన్నారు.
రెండు కొమ్ముల చివర సకల తీర్థాలు
లలాటం మధ్యలో శివుడు .
లలాటము అగ్ర భాగము లో పార్వతి దేవి .
నాసిక పై కార్తికేయుడు ,
నాసిక రంధ్రములలో కంబాల మరియు అశ్వనీ దేవతలు .
చెవుల పై అశ్విని కుమారులు.
కనులలో సూర్య చంద్రులు.
పలు వరుసలో వాయు దేవుడు
నాలుక పై వరుణ దేవుడు .
ఆవు యొక్క భుజముల పై సరస్వతీ దేవి
పెదవుల పై సంధ్యా దేవత.
మెడ పై ఇంద్రుడు.
గంగడోలు పై రాక్షసులు.
గుండెలో సంధ్యా దేవత.
తొడ పై ధర్మ రాజు
డెక్కల మధ్యలో గంధర్వులు.
డెక్కల చివర నాగ దేవతలు మరియు పక్కల అప్సరసలు
పుష్ఠ భాగమున పదకొండు రుద్రులు మరియ యముడు
అవయవ సంధులలో పితృదేవతలు ,
పొట్ట భాగములో ద్వాదశాదిత్యులు .
ఆవు యొక్క తోకలో సోమ దేవుడు
జుట్టులో సూర్య కిరణాలూ
,మూత్రములో గంగా నది
గోమయము(పేడ) లో లక్ష్మి
మరియు యమునా నదులు
పాలలో సరస్వతీ నది
పెరుగు లో నర్మదా నది
నెయ్యిలో అగ్ని
జుట్టులో మూడు కోట్ల దేవతలు
కడుపులో పృథ్వీ,
పొదుగులో సముద్రములు,
మొత్తం శరీరం లో కామధేనువు
కను బొమ్మల మొదట మూడు గుణాలు
కను రెప్పల లో ఋషులు
ఊపిరిలో పవిత్ర మైన అన్ని నదులు
పెదవులపై చంద్రిక
చర్మం పై బ్రహ్మ .
నాసికలలో పువ్వుల యొక్క సుగంధాలు .
తొడలలో సంధ్యా దేవత .
ముఖము లో వేదముల యొక్క ఆరు భాగములు ,
పాదాలలో వేదాల నాలుగు భాగములు
డెక్కల పై భాగములో యముడు
డెక్కల ఎడమ వైపు కుబేర,గరుడలు
డెక్కల కుడి వైపు యక్షులు,
డెక్కల లోపల గంధర్వులు
పాదాలలో ఖేచరులు
కడుపులో నారాయణుడు,
ఎముకలలో పర్వతాలు
పాదాలలో ధర్మార్ధ కామ మోక్షాలు
హుంకారంలో వేదములు ఉన్నాయి.

వైబీరావు గాడిద వ్యాఖ్యలు

ఇవన్నీ నిజాలని మనం ఒప్పుకోవాల్సిన పనిలేదు. కానీ భారతీయుల ఊహా విస్తృతికి ఆశ్చర్యపోక తప్పదు. భగవద్గీతలోని విశ్వరూప సందర్శనలోని వర్ణనకు దీటుగా ఉంది కదా.

మరి ఎద్దులు, గేదెలు, దున్నపోతులు, ఒంటెలు, గాడిదలు, గుర్రాల సంగతి

పై దేవతలంతా, నిజంగా గోవుల్లో ఉంటే వారు గేదెలు, దున్నపోతులు, ఒంటెలు, గాడిదలు, మేకలు, గుర్రాల్లో కూడ ఉంటారు.

ఇంకా ఉంది. పూర్తి చేయటానికి ప్రయత్నిస్తాను.

169 Lok satta

169 Corruption-free parties is a sweet-dream అవినీతి లేని పార్టీలు అనేది ఒక తీయని కల. చర్చనీయాంశాలు: లోక్ సత్తా,జయప్రకాశ్,పవన్ కల్యాణ్,ఎన్నికలు

నైతిక పతనం అంచుల్లో లోక్ సత్తా మరియు దాని నేత జయప్రకాశ్

రాజకీయాల్లోకి ప్రవేశిస్తే లోక్ సత్తాలోకి స్వాగతమని లోక్ సత్తా నేత శ్రీజయప్రకాశ్ నారాయణ్ సినీ హీరో పవన్ కల్యాణ్ ని ఆహ్వానించటం లోక్ సత్తా దిగజారబోతున్నదని సంకేతం ఇస్తుంది.

ఇక్కడ శ్రీపవన్ కల్యాణ్ ఉత్తముడా, మధ్యముడా, అల్పుడా అనేది ముఖ్యం కాదు. లోక్ సత్తా ప్రవచిత రాజకీయ సిధ్ధాంతాలేమిటి? పవన్ కల్యాణ్ ప్రవచిత రాజకీయ సిధ్ధాంతాలేమిటి? రెండిటి మధ్య ఏమైనా పోలికలున్నాయా?

ఎవరు ఎవరిని అప్రోచ్ కావాలి? లోక్ సత్తా సిధ్ధాంతాల మీద గౌరవం ఉంటే శ్రీ పవన్ కల్యాణ్, ఆపార్టీ కేంద్ర కార్యాలయాన్ని తాను పార్టీలో చేరాలనుకుంటున్నాని తెలియచేయాలి. ఆయన లోక్ సత్తా సిధ్ధాంతాలకు అనుగుణంగా ఎంత మేరకు పనిచేయగలడు అనే విషయం పై తగిన వారు దానిని చర్చించాలి. ఆతరువాత శ్రీపవన్ కల్యాణ్ ను దరఖాస్తు చేయమని కోరవచ్చు. లేదా అప్పటికే దరఖాస్తును ఇచ్చి ఉంటే పార్టీలోకి చేర్చుకోవచ్చు.

లోక్ సత్తా పార్టీ శ్రీ పవన్ కల్యాణ్ ను తమ పార్టీలో చేరే విషయాన్ని పరిశీలించమని అర్ధిస్తున్నదంటే మోకరిల్లుతున్నట్లు లెక్క.

నేటి తెలుగు సినీ రంగం దుస్థితి

నేడు తెలుగు సినీరంగం దుస్థితి చూస్తే పాషాణ హృదయులు కాని వారికి మనసు బాధ కలుగక తప్పదు. దీనిని సంస్కరించటం ఏ ఒక్క హీరోకు సాధ్యం కాదన్న మాట నిజమే. అయితే హీరోలలో రెండు రకాల వారున్నారు.

బి కేటగిరీ హీరోలు

ఇంకా నిలదొక్కుకోక బ్రతుకుతెరువుకై బాధలు పడేవారు. వీరు నిర్మాతలు, దర్శకులు చెప్పినట్లు డాన్స్ చేయాల్సిందే. స్వేఛ్ఛ లేని వారు. ఇలా వ్రాయటాన్ని బి కేటగిరి హీరోలు, వారి అభిమానులు అవమానంగా భావించరాదు.

ఏ కేటగిరీ హీరోలు

సినీ సామ్రాజ్యాన్ని ఏలుతున్నవారు. చిరంజీవి, నాగార్జున, వెంకటేష్, మహేశ్ బాబు, పవన్ కల్యాణ్ మొ|| వారిని రెండవ తరగతిలో వర్గీకరించవచ్చు. దీనికి కొలబద్దలుగా వారు ఒక సినిమాకు ఎంత ఛార్జి చేస్తున్నారు, వారి సినిమా మొదటి వారం ఎన్ని థియేటర్లలో విడుదల అవుతున్నది అనే అంశాలను తీసుకోవచ్చు.

వీరు సినీ రంగాన్ని కొంత మేరకైనా సంస్కరణల బాటను పట్టించ గల సమర్ధులు. కానీ వీరు సినీరంగాన్ని సముధ్ధరించటానికి తమ వంతుగా చేసింది ఏమిటి? ఏమీ లేదు. తామున్న, తమకు బాగా తెలిసిన, సినీరంగంలోనే తమ పాత్ర సరిగా నిర్వహించలేని వారు, రాష్ట్ర ప్రభుత్వాల పాలనను, కేంద్ర ప్రభుత్వాల పాలనను ఎలా చక్క పెట్టగలుగుతారు.

అవకాశాలను వినియోగించుకోలేక పోతున్న లోక్ సత్తా

బలవంతంగా, అమానుషంగా సీమాంధ్రపై విభజనను రుద్ది కాంగ్రెస్ తన ఉనికినే కోల్పోయే దశకి వచ్చింది. సీమాంధ్రలో బిజెపికి మొదటినుండి ఉనికి లేదు. రాష్ట్రవిభజనలో కాంగ్రెస్ తో కుమ్మక్కైనాక ఆపార్టీ పరిస్థితి మరీ దయనీయంగా మారాలి. ఆరెండు పార్టీల వారూ భారీ పోలీసు రక్షణ లేకుండా, జనంలో తిరిగే పరిస్థితి లేదు. అందుకే, శ్రీ వెంకయ్య నాయుడు గారు వ్యాపార వర్గాలను ఆశ్రయిస్తున్నారు.


ఈఖాళీని నింపటానికి లోక్ సత్తాకు ప్రథమ అవకాశం దక్కాలి. లక్షకోట్ల అవనీతి జగన్, వెన్నుపోట్ల చంద్రబాబుని రాష్ట్ర ప్రజలు దూరంగా కూర్చో బెట్ట వలసిన సమయం వచ్చింది. వారి స్థానంలో లోక్ సత్తాకి, ఆమ్ ఆద్మీ పార్టీకి అసంతృప్తులైన సీమాంధ్ర ప్రజలు అవకాశాల నివ్వాలి. శ్రీ పవన్ కల్యాణ్ కి కొన్ని లక్షల మంది వోట్లు వేసే అభిమానులు ఉన్నారనుకున్నా లోక్ సత్తా వంటి పార్టీలలో చేరటానికి కావాల్సిన సైధ్ధాంతిక బలం లేదు.

లోక్ సత్తా కు ఆత్మ పరిశీలన అవసరం

ప్రజలలో లోపం వల్ల వారు లోక్ సత్తాను గెలిపించక పోతుంటే దానికి బాధపడాల్సిన అవసరం లోక్ సత్తాకు ఉండకూడదు. తమ కర్తవ్యాన్ని తాము నిర్వహించాము అనే తృప్తి కొరకు వారు ప్రయత్నించాలే తప్ప సినీ నటులను ఆశ్రయించి గెలవాలను కోకూడదు. సినీ నటులను ఆశ్రయిస్తే బిజెపికి, కాంగ్రెస్ కి లోక్ సత్తాకు తేడా ఏమి ఉంటుంది?

ప్రజలలో లోపాలను సరిచేయటం లోక్ సత్తా విథి

ప్రజలలో లోపాలను (తాగుడు, మద్యం సీసాలు తీసుకొని వోట్లు వేయటం, పెళ్ళాం పిల్లలను కొట్టటం, కులాల కొట్లాటలు, వినోదం పేరుతో పిచ్చి సినిమాల కోసం డబ్బు వృథా చేసుకోటం మొ||) సరిచేయటం ప్రజల స్వంత బాధ్యతో అయినా, మంత్రసాని తనం ఒప్పుకున్నాక పిల్ల వచ్చినా పట్టాలి, మలం వచ్చినా పట్టాలి అన్నట్లుగా, స్వఛ్ఛంగా ఉండాలనుకునే రాజకీయ పార్టీలకు అదనపు బాధ్యతలు ఉంటాయి.

గుర్రాలకు గాడిదలకు మధ్య ఉండే, ఉండాల్సిన తేడా ఏమిటో నిరూపించుకోవలసిన బాధ్యత లోక్ సత్తా పార్టీపై, ఆ పార్టీనేత శ్రీ జయప్రకాశ్ నారాయణ పై తప్పక ఉంటుంది. లేకపోతే ఆయన గాడిదల జాబితాలో చేరిపోతాడు.

స్పష్టీకరణ

నేనిలా వ్రాస్తున్నాను కాబట్టి లోక్ సత్తా పార్టీనో, ఆమ్ ఆద్మీ పార్టీనో సమర్ధిస్తున్నానని భావించ వలదు. మన లక్ష్యం సత్యశోథన, సత్వసాధన. వేరొండు కాదు.

ఈనాటి పాట

శ్రీ కృష్ణ పాండవీయం. కొసరాజు. టి.వి.రాజు. ఘంటసాల


వచనం: అపాయమ్ము దాటడాని కుపాయమ్ము కావాలీ
అంధకార మలమినపుడు వెలుతురుకై వెదకాలీ
ముందుచూపు లేనివాడు ఎందునకూ కొరగాడు
సోమరియై కునుకువాడు సూక్ష్మమ్ము గ్రహించలేడు
పాట: మత్తువదలరా… నిద్దుర మత్తువదలరా !! మత్తు వదలరా !!
ఆ మత్తులోన బడితే గమ్మత్తుగ చిత్తవుదువురా…!! మత్తు వదలరా !!

వచనం: జీవితమున సగభాగం నిద్దురకే సరిపోవు… !! జీవితమున !!
మిగిలిన ఆ సగభాగం చిత్తశుద్ధి లేకపోవు…
అతినిద్రాలోలుడు, తెలివిలేని మూర్ఖుడు !! అతినిద్రాలోలుడు !!
పరమార్థం గానలేక వ్యర్థంగా చెడతాడు !!
పాట: మత్తు వదలరా !!

వచనం: సాగినంత కాలం నా అంతవాడు లేడందురు
సాగకపోతే ఊరక చతికిలబడిపోదురు
కండబలము తోటే ఘనకార్యం సాధించలేరు
బుద్ధిబలము తోడైతే విజయమ్ము వరింపగలరు !!
పాట: మత్తు వదలరా !!

పాట: చుట్టుముట్టు ఆపదలను మట్టుబెట్ట్ బూనుమురా !! చుట్టు ముట్టు !!
పిరికితనము కట్టిపెట్టి ధైర్యము చేపట్టమురా…
కర్తవ్యము నీవంతు, కాపాడుట నావంతు !! కర్తవ్యము !!
చెప్పడమే నా ధర్మం, వినకపోతే నీఖర్మం !!
పాట: మత్తు వదలరా !!

168 CPI-CPM

168 All are Bourgeois అందరూ బూర్జువాలే

చర్చనీయాంశాలు: కమ్యూనిజం,మార్క్సిజం,తెలంగాణ,సీమాంధ్ర,సీపీఐ,సీపీఎం,CPI,CPM,Marxism

సీపీఎం

వైఎస్ ఆర్ పీ, తెదేపా లతో పొత్తుకు తమకేమీ అభ్యంతరాలేమీ లేవు. --- న్యూఢిల్లీలో సీపీఎం నేత శ్రీ తమ్మినేని వీరభద్రం.

వైఎస్ ఆర్ పీ తో పొత్తును త్రోసి పుచ్చలేము. --- శ్రీప్రకాశ్ కారత్, సీపీఎం జాతీయ కార్యదర్శి.

ఫ్రంట్ లో చేరటానికి ఎన్ సీ పీ NCP కి స్వాగతం. - CPIM.

అవినీతి మయమైన జయలలిత అన్నా డిఎమ్ కే తో పొత్తుకు సీపీఐ ఎమ్ కి అభ్యంతరం లేదు. ఒకటో రెండో సీట్లు ఎక్కువ విదిలిస్తే చాలు.

ఎన్నికల ఖర్చు గరిష్ఠ పరిమితి పెంచటానికి సీపీఐ ఎం వ్యతిరేకంట.

సీపీఐ

సీపీఐ నారాయణ గారు సిపీఎమ్ ను కూడ బూర్జువా పార్టీలో జమ కట్టారు. తమ పార్టీ బూర్జువా పార్టీ అవునో కాదో శ్రీనారాయణ గారికి తెలియదనుకోవాలా?


విభజనానంతర సీపీఐ రాష్ట్ర కమీటీ విజయవాడ సమావేశంలో శ్రీనారాయణ గారు సీమాంధ్ర అభివృధ్ధికి ఇచ్చిన డిమాండ్ల లిస్టు హాస్యాస్పదంగా ఉంది. ఆయన ఈ డిమాండ్ల లిస్టును విభజనకు ముందు ఇవ్వాల్సింది. కొన్ని డిమాండ్లనైనా కేంద్ర ప్రభుత్వం అమలు చేశాక, ఆయన విభజనకు మద్దతు ఇవ్వాల్సింది. నిన్నటి వరకు ఆయన తెలంగాణ ప్రాంతీయ నేతలాగా చిందులు తొక్కారు. నేడు సీమాంధ్ర ప్రాంతీయనేతల డిమాండ్ల పట్టీ చదువుతున్నారు. ఇదేమన్నా చిల్లర కొట్టునుండి తేవాల్సిన సరుకుల పట్టీనా? అంతా బోగస్. ఇపుడు నారాయణ గారి నేతృత్వం లేకపోయినా విజయవాడలో, సీమాంధ్రలో సీపీఐ బ్రతికే ఉంటుంది. ఎలాగో సీమాంధ్రకు, తెలంగాణకు విడివిడిగా రాష్ట్రస్థాయి కమీటీలు వస్తాయి.


ఈయన కమ్యూనిస్టేనా? ఖమ్మం సీపీఐ నేతగా సుపరిచితులైన శ్రీ పువ్వాడ నాగేశ్వర రావు గారు ఖమ్మంలో ఒక సూపర్ స్పెషాలిటీ హాస్పిటల్ నడుపుతున్నారు. ఇటీవల వార్తలలో వచ్చిన లిక్కర్ కుంభకోణంలో వీరి పేరు కూడ బయటకు వచ్చింది. తమకు అలాంటి లిక్కర్ సంబంధాలేమీ లేవని శ్రీవారు ఖండించారు. లేకపోతే మంచిదే.

మెడికల్ కాలేజీలను నడపటం అంటే సామాన్యం కాదు. ప్రభుత్వాలే మెడికల్ కాలేజీల ఎక్విప్ మెంటు, ప్రొఫెసర్ల జీతాల ఖర్చులు భరించలేక గుడ్లు తేలేస్తున్నాయి. ప్రభుత్వ మెడికల్ కాలేజీలలో కొన్న సౌకర్యాలు, ప్రొఫెసర్ల కొరత ఉన్నా మొత్తం మీద అవి పేద విద్యార్ధులకు భారం కావటం లేదు. మరి మన కమ్యూనిస్ట్ నేత గారి పార్టీ డొనేషన్లు భారీగా వసూలు చేస్తుందా చేయదా? ఆహాస్పిటల్లో కమ్యూనిస్టునేత గారి పెద్ద పటం పెట్టారు. తరువాత విగ్రహం పెడతారేమో. వారి మెడికల్ కాలేజీలో డొనేషన్ల రేట్ల పట్టీ కూడ పెడితే బాగుంటుంది. అక్కడ డొనేషన్లనేవి ఉన్నాయా లేవా?

కమ్యూనిస్టు నేతలు ఎంతవరకు బూర్జువా వ్యాపారాలను చేయవచ్చు అనే విషయంలో స్పష్టత లేదు. సొసైటీలు వ్యాపారాలా అనే విషయంలో కూడ స్పష్టత రావాలి. ట్రస్టుల్లో, సొసైటీల్లో స్థాపకులు తమ, తమ కుటుంబ సభ్యుల కంట్రోల్ ని తగ్గించుకుంటూ పోతే వారి చిత్తశుధ్ధిని శంకించ వలసిన అవసరం రాదు. ప్రస్తుతం శ్రీవారి సంస్థలపై శ్రీవారికి 100 శాతం పట్టు ఉన్నట్లుగా కనిపిస్తున్నది. ఈవిషయంలో తన చిత్తశుధ్ధిని నిరూపించుకుని, సీపీఐని ఉన్నత పీఠంపై నిలబెట్టవలసిన బాధ్యత శ్రీవారి పైనే ఉంటుంది.

ఏవిషయంలో రాజీ పడచ్చు, ఏవిషయంలో రాజీ పడకూడదు అనే దానిపై సీపీఐలో అన్నిస్థాయిలలో చర్చ జరగాలి. లేదంటే బూర్జువాలు కమ్యూనిస్ట్ నేతలుగా చలామణీ అయ్యే అవకాశం ఉంది.
శ్రీ బివి రాఘవులు గారు సీపీఎమ్ నేతగా సుప్రసిధ్దులు. వీరు ఇప్పుడు తేల్చి చెప్ప వలసింది ఒకటే. లక్ష కోట్ల అవినీతికి పాల్పడ్డట్లుగా కోర్టు కేసుల నెదుర్కుంటున్న, కొన్నైనా ప్రాథిమిక ఆధారాలు బయట పడ్డ శ్రీజగన్ నేతృత్వంలోని వైయస్ ఆర్ పీ పార్టీతో ఎలా పొత్తు పెట్టుకుంటారు. పొత్తుపెట్టుకోము అని స్పష్టం చేయాల్సిన బాధ్యత ఈ సీపీఎం నేతపై ఉంది.

ఢిల్లీనుండి వారి కేంద్ర కమీటీ ఆజ్ఞాపించినా సిధ్ధాంతాలకు విరుధ్ధం కాబట్టి ఒప్పుకోకూడదు కదా. తమ పార్టీ పధ్ధతులు నచ్చకపోతే బయటకు రావలసిన బాధ్యత వీరిపై ఉండదా? ఉంటుందా?

వైఎస్ ఆర్ పీ పార్టీతో పొత్తుల కోసం సిపిఎమ్ ఖమ్మం యూనిట్ తొందర పడుతున్నట్లు కనిపిస్తుంది.

పార్టీలు నడిపేటప్పుడు తీవ్ర ఆర్దిక ఇబ్బందులు తలఎత్తినపుడు, నడపకుండా కొంత నెమ్మదించినా ఫరవాలేదు. సిధ్ధాంతాలకో రాజీ పడటం వల్ల పార్టీలు ప్రజావిశ్వాసం కోల్పోతారు. ఈవిషయంలో బూర్జువా పార్టీలకు మిగిలిన పార్టీలకు తేడ్ అవసరం. వాళ్ళు చేస్తున్నారు కాబట్టి మేము చేస్తున్నాం అనే వాదన నిలవదు.

ఎమార్ బౌల్డర్ హిల్స్ స్కాం

దీని గురించి వామపక్షాలు బయటకు ఆందోళనలు చేస్తున్నా, వీరికి కూడ రెండు ప్లాట్లు ముట్టాయా అనే అనుమానాలు ప్రజలలో ఉన్నాయి. తమ నిర్దోషిత్వాన్ని నిరూపించుకోవలసిన బాధ్యత వామపక్షాలపై ఉంటుంది.

ఈ ఆరోపణ|అనుమానం చాల ముఖ్యమైనది. ఎందుకంటే, ఇతర బూర్జువా పార్టీల వలెనే వామపక్షాలకు కూడ బడా నగరాలలో బడా భవనాలు, ఫర్నీచర్లు, ఎసీలు అంటే వ్యామోహం ఉన్నట్లు కనిపిస్తున్నది. కష్టజీవులు సమావేశం కావాలంటే ప్యాలెస్ లే అవసరం లేదు, పార్కులైనా సరిపోతాయి. భవనాలకోసం, విలువైన స్థలాలకోసం కక్కూర్తి పడి బూర్జువా పార్టీలను బయటనుండి సమర్ధించటం, పొత్తులకు దిగటం చేయనవసరం లేదు.

పట్టణాలలో, నగరాలలో స్థలం కొనుక్కోలేక పోతే కమ్యూనిస్టు పార్టీలు గ్రామాల బయట వేస్ట్ లాండ్ కొనుక్కొని రేకుల షెడ్ లలో తమ కార్యాలయాలను నడుపుకోవచ్చు. ప్రాథమికంగా కమ్యూనిస్టు పార్టీలు గ్రామాల పునాదిగా పనిచేయాలి కాబట్టి నగరాలలో తిష్ఠవేయటం, విమానాలలో తిరగాల్సిన అవసరం ఉండదు.

167 Supreme Court has become unpredictable

167 Supreme Court has become unpredictable సర్వోచ్చ న్యాయస్థానం ఊహాతీతంగా తీర్పులిస్తున్నది

---

చర్చనీయాంశాలు: సుప్రీం కోర్టు, ప్రకటనలు, హేట్ స్పీచెస్, హైకోర్టు, 2014 ఎన్నికలు, 2014 elections
దేశంలోని పలు సంస్థలు, వ్యవస్థలు విఫలం కావటంతో ప్రజలు హైకోర్టు, సుప్రీం కోర్టులపై (క్రింద కోర్టులపై కాదు) కారు చీకటిలో కాంతి రేఖలా ఆశలు పెట్టుకున్నారు. ఫలితంగా ఉన్నత న్యాయస్థానాలపై, సర్వోచ్చ న్యాయస్థానాలపై పనిభారం పెరిగి పోయింది. కేంద్ర ప్రభుత్వంనుండి రాజకీయ వత్తిడులు ఎక్కువవుతున్నాయి. సర్వోచ్చ న్యాయస్థానం లోని కొద్దిమంది న్యాయమూర్తులపై అవనీతి, లైంగిక అనుచిత ప్రవర్తన వంటి ఆరోపణలు కూడ వచ్చాయి. వీటన్నిటినుండి సర్వోచ్చ న్యాయ స్థానం ఫ్లైయింగ్ కలర్స్ తో బయట పడుతుందని ఆశించక తప్పదు.

ఈమధ్య సర్వోచ్చ న్యాయస్థానం వెలువరిస్తున్న నిర్ణయాలు ఒకటి రెండు సమంజసమైనవి కావేమో నన్న అభిప్రాయం కలుగు తున్నది. దీనిని వివరించాలంటే ముందుగా ఒక చిన్న కథ వ్రాయాలి.

ఒక ముని ఉండే వాడు. అతడికి ఒక శిష్యుడు. వాళ్ళు ఉండేది ఒక గడ్డిపాక. దానికి పైకప్పుకి చిల్లిపడింది. కురుస్తూ ఉండేది.

ఒకరోజు ముని తన శిష్యుడిని పిలిచి ''మన కుటీరం కప్పు వాన నుండి రక్షణకు పనికి రాకుండా అయిపోయింది. నీవు పాక పైకి ఎక్కి దానిని సరి చేయటానికి ప్రయత్నించు. నేను క్రిందనుండి నీకు సహాయం చేస్తాను. '' అన్నాడు.

శిష్యుడు: ''గురువు గారూ, ఇప్పుడు ఇంకా ఎండా కాలమే. వానా కాలానికి ఇంకా రెండు నెలల సమయం ఉంది. ఇపుడు మనం ఆ కప్పును సరిచేసినా గాలికి నిలవదు. వానాకాలం ప్రారంభం అవుతున్న మొదటి రోజులలో మనం దానిని సరిచేద్దాం'', అన్నాడు.

గురువు గారు ఇది కూడ బాగానే ఉందిలే అని వానాకాలం వచ్చేదాకా ఆగాడు.

వానాకాలం వచ్చింది. ఢమఢమల పిడుగులతో, ఉరుములతో వాన మొదలయ్యింది. గురువు శిష్యుడిని పిలిచి ''ఇపుడు నీవు ఇంటి పైకెక్కు. మనం కప్పును సరిచేద్దాం. '' అన్నాడు.

శిష్యుడు హుహు హుహూ అని వణుకుతూ, ''గురూ గారూ, ఇపుడు కప్పు బాగా తడిసి ఉన్నది. జారుతున్నది. తాటాకులు కూడ నాని ఉన్నాయి. ఇపుడు పైకెక్కితే తాటాకులు చినిగి చిల్లులు పెద్దవి అవుతాయి. వాన తగ్గాక సరి చేద్దాం. '' అన్నాడు.

గురువు సరేలే అని మిన్నకున్నాడు. వాన తగ్గాక శిష్యుడిని మరల అడిగాడు. ఈసారి శిష్యుడు

''వాన తగ్గింది కదా గురువుగారూ. మనం జైసల్మేర్ ఎడారిలో ఉన్నాం. ఇక్కడ ఎప్పుడోకానీ వానలు రావు. ఎప్పుడో వచ్చే వాన కోసం మనం ఇప్పుడే ఎందుకు బాధ పడటం? '' అన్నాడు.

శిష్యుడికి ఒళ్ళు వంగదని గురువు గారికి అర్ధం అయ్యింది. తానే ఇంటి పైకి ఎక్కి కప్పును సరిచేసుకున్నాడు.

పరస్పర విరుధ్ధవైఖరులు

ఆంధ్ర ప్రదేశ్ విభజనలో కేంద్రం ఘోర అన్యాయానికి పాల్పడుతుంటే, సీమాంధ్ర పౌరులు, నేతలు, హైకోర్టుని, సుప్రీం కోర్టుని తగినంత ముందుగానే ఆశ్రయించారు. ప్రతిసారీ హైకోర్టు, సుప్రీం కోర్టులు ''ఇపుడు తగిన సమయం కాదు, ఇపుడు తగిన సమయం కాదు '' అంటు దరఖాస్తులని త్రోసి పుచ్చాయి. చివరికి కేంద్ర ప్రభుత్వం, అధికార పార్టీ, ప్రధాన ప్రతిపక్షం అంతా కుమ్మక్కై లోక్ సభలో అత్యంత భీకర భీభత్స పరిస్థితులలో ఆంధ్రప్రదేశ్ పునర్వ్యవస్థీకరణ బిల్లును పాస్ చేయటమే కాకుండా, ఆంధ్రప్రదేశ్ లో రాష్ట్రపతి పాలనను ప్రవేశ పెట్టి ప్రజల జీవితాన్ని అతలాకుతలం చేసారు. నిజానికి రాష్ట్ర విభజనలో జరిగిన, జరుగుతున్న అన్యాయం సుప్రీం కోర్టు సు మోటు (తనంత తానే) జోక్యం చేసుకో తగినంత గంభీరమైనది, క్లిష్టమైనది. సుప్రీం కోర్టు జోక్యం చేసుకోక పోగా, పౌరులు, నేతలు చేసుకున్న మనవులను కూడ తృణీకరించింది. ఫలితంగా నేడు సీమాంధ్ర ప్రజలు, నేతలు దిక్కు తోచని స్థితిలో పడి పోయారు.

కేంద్ర ప్రభుత్వం, వివిధ రాష్ట్ర ప్రభుత్వాల లోని అధికార పార్టీలు తమతమ పబ్బం గడుపుకోటానికి సర్కారీ ఖజానా ఖర్చుతో పెద్ద పెద్ద ఫుల్ పేజీ రంగుల ప్రకటనలు, టీవీ కలర్ ప్రకటనలను ఎడాపెడా విడుదల చేయటం, ఖజానాను ఖాళీ చేయటమే కాక, న్యూస్ ప్రింటును, విద్యుత్ ను, స్పెక్ట్రం తరంగాలను వృధా చేస్తున్నాయి. ఉదాహరణకి నరేంద్రమోడీ గారి గుజరాత్ ప్రభుత్వం ఆంధ్రప్రదేశ్ మాత్రమే కాదు, దక్షిణ భారత్ మొత్తం విడుదల చేసిన ఈపూర్తి పేజీ ప్రకటన చూడండి. కేంద్రప్రభుత్వం విడుదల చేసిన ప్రకటన చూడండి.



ఈప్రకటనలను విడుదల చేసిన సమయం గమనార్హమైనది. ఈప్రకటనలు కేవలం వోట్లను కురిపించుకోటానికి ఉద్దేశించినవే. పిఐల్ వేసిన పౌరుడు కోరిన విధంగా సుప్రీంకోర్టు తగిన ఆదేశాలు జారీ చేసి ఉంటే కొన్ని వేల రూపాయలు ఆదా అవటమే కాక అధికార పార్టీలు ప్రభుత్వ ఖర్చుతో తమ ఎన్నికల ప్రచారాన్ని చేసుకోకుండా అడ్డుకున్నట్లయ్యేది.

కానీ సుప్రీం కోర్టు ఇలెవన్త్ అవర్ లో వస్తే ఎలాగా అని తోసి పుచ్చింది. ముందు వెళ్ళుంటే ప్రీమెచూర్ అని ఉండే వాళ్లేమో. నిజానికి ఇలాంటి వాటిల్లో పౌరులు కోర్టును ఆశ్రయించక ముందే వారు చొరవతీసుకోవటం న్యాయం. ఏది సరియైన సమయమో కోర్టుకు తెలుస్తుంది కాబట్టి సు మోటు చర్య తీసుకోవాలి. ఇందాక నేను వ్రాసిన ముని కథలో, ముని అడుగకుండానే శిష్యుడు ఇంటి పైకెక్కి ఇల్లు కప్పటానికి ప్రయత్నించాలి. అవసరమైతే గురువు సహాయం తీసుకోవాలి. అట్లు చేయలేదు పో, గురువు కోరనప్పుడైనా క్రియాశీలుడు కావాలి.

హేట్ స్పీచ్ లు: ద్వేషపూరిత, హింసను ప్రేరేపించే ప్రసంగాలు

రాజకీయ నేతలు విధ్వంసక విద్వేష పూరిత ప్రసంగాలు చేయటం నేడు నిత్య కృత్యం అయిపోయింది. శ్రీకెసీఆర్ అండ్ కో చేసిన ప్రసంగాల వల్ల తెలంగాణ లో వందలాది మంది యువకులు ఆత్మహత్యలు చేసుకున్నారు. వందలాది ప్రభుత్వ బస్సులు తుక్కు, బూడిద అయ్యాయి. రోడ్లన్నీ రాళ్ళతో నిండి పోయాయి. చివరికి వారు టాంకు బండ్ పై ఉన్న మహాపురుషుల విగ్రహాలను కూడ ముక్కలు చేశారు. తెరాస నేత కెసీఆర్ పుత్రుడు కెటీఆర్ వాటిని అసెంబ్లీలో ప్రసంగిస్తు ''మట్టి బొమ్మలు'' అన్నాడు.

టాంకు బండు పైన ఉన్న విగ్రహాల పేర్లు

వీళ్ళంతా నీచులు, దుర్మార్గులా?
(సికింద్రాబాదు నుండి వరసగా) .. రుద్రమదేవి • మహబూబ్ అలీ ఖాన్ • సర్వేపల్లి రాధాకృష్ణన్ • సి.ఆర్.రెడ్డి • గురజాడ అప్పారావు • బళ్ళారి రాఘవ • అల్లూరి సీతారామరాజు • ఆర్థర్ కాటన్ • త్రిపురనేని రామస్వామిచౌదరి • పింగళి వెంకయ్య • మగ్దూం మొహియుద్దీన్ • సురవరం ప్రతాపరెడ్డి • జాషువ • ముట్నూరి కృష్ణారావు • శ్రీశ్రీ • రఘుపతి వెంకటరత్నం నాయుడు •త్యాగయ్య • రామదాసు • శ్రీకృష్ణదేవరాయలు • క్షేత్రయ్య • పోతులూరి వీరబ్రహ్మేంద్రస్వామి • బ్రహ్మనాయుడు • మొల్ల • తానీషా • సిద్ధేంద్ర యోగి • వేమన • పోతనామాత్యుడు • అన్నమాచార్య • ఎర్రాప్రగడ • తిక్కన సోమయాజి • నన్నయభట్టు • శాలివాహనుడు

తెలంగాణ వీరులకు సరియైన ప్రాతినిథ్యం ఇవ్వలేదు అనుకుంటే కెటీఆర్ కెసీఆర్ &కో అధికారంలోకి వచ్చినపుడు అదనపు విగ్రహాలను ప్రతిష్ఠించుకోవచ్చు. ఉన్న వాటిని కూలగొట్టటం ఎందుకు? కూలగొట్టి వాటిని మట్టిబొమ్మలు అని అవమానించటం ఎందుకు?

ఎం ఐ ఎం నేతలు, బిజేపీ నేతలు మత విద్వేషాలను రెచ్చగొట్టే ప్రసంగాలు చేయటం పరిపాటి అయ్యింది. అన్యమత మిషనరీలు హిందూ దేవుళ్ళను తిడుతూ ద్వేష పూరిత ప్రసంగాలు, ప్రచారాలూ చేయటం సాధారణం అయిపోయింది. ఇలాటివి జరిగినపుడు వాక్ స్వాతంత్ర్యం యొక్క హక్కు దుర్వినియోగం అవుతున్నది. 128 కోట్ల జనం ఉన్నారు కాబట్టి 128 కోట్ల అభిప్రాయాలు ఉంటాయి. హేట్ స్పీచ్ ల విషయంలో చొరవ తీసుకోటం అంటే వాక్స్వాతంత్ర్యం పై నిషేధం గా భావించటం న్యాయం కాదు. అదే సమయంలో లక్షలాది పౌరులు నిత్యం ఈరోజు సరియైన సమయం అని కోర్టు ఒప్పుకుంటుందేమో, అనుకుంటూ పిటీషన్లు వేస్తే కోర్టుల పని సరిగా నడవదు. కోర్టులే సు మోటూ గా చర్యలు తీసుకోవటం అవసరం. జనరల్ సెన్సారింగ్ అవసరం లేదు.

ఏది హేట్ స్పీచ్, ఏది కాదు అనే దానిలో స్పష్టత లేదు. మేజిస్ట్రేట్ల, అధికార పార్టీల (ప్రాసిక్యూటర్ల) ఇష్టాయిష్టాలను బట్టి కేసులు నత్త నడక నడుస్తూ ఉంటాయి. రాజకీయాలలో హేట్ స్పీచ్ లు సర్వ సాధారణం, ప్రజలే వీటిని విశ్లేషించుకొని నిర్ణయాలు తీసుకోవాలని కోర్టులు ఆశించటం సబబు కాదు. ఎందు కంటే, ప్రజలు దాదాపుగా నిరక్షరాస్యులు వారికి సంతకం చేయటం మాత్రమే వచ్చు, చదివి అర్ధం చేసుకునే శక్తి, విచక్షణా శక్తిలేని వాళ్ళు. వారికి వంశ పారంపర్యంగా వచ్చే కుల, మత, భాషా, ప్రాంతీయ అభిమానాలు, దురభిమానాలు హేట్ స్పీచ్ లను నిజాలని భ్రాంతి పడేలా చేస్తాయి. ఫలితంగా హింస ప్రబలుతుంది. అనర్హులు ప్రజా ప్రతినిధులుగా ఎన్నికవుతారు. ఇది ప్రజాస్వామ్యం మనుగడను తీవ్రంగా దెబ్బ తీస్తుంది.

2014 ఎన్నికల సందర్భంగా చర్యలు తీసుకునే సమయం దాటింది అనుకున్నా, తరువాతైనా హైకోర్టులు, సుప్రీం కోర్టులు, తమ నిర్ణయాలను పునరాలోచించాలని పౌరులు ప్రార్ధించాలి.

దీనిలో కోర్టుల యందు అవిధేయత ఉండదని నా నమ్మకం.

166 TRS Protection

166 Protection from whom? రక్షణ ఎవరినుండి?

---

చర్చనీయాంశాలు: bifurcation,విభజన,

సప్పంబు పడగనీడన కప్ప వసించినట్లు

శ్రీకల్వకుంట తారకరామారావుగారు, తెరాస అధ్యక్షులు శ్రీకల్వకుంట్ల చంద్రశేఖరరావుగారి పుత్రులు. శ్రీవారు ఈమధ్య హైదరాబాదులోని చిత్ర పరిశ్రమలవారికి అభయ ప్రదానం చేశారు. శ్రీవారు ఎవరినుండి చిత్ర పరిశ్రమ వారిని రక్షిస్తారో తెలియదు.

In the past many film personalities have told me that the industry had become a soft target for all political movements. But I assure all industry people that you are safe in Hyderabad and won't get any trouble from any party or people. Hyderabad is very important for Telangana State. ... If any disturbance happens here it will affect all of Telangana. So we want to help everybody for a better future.

తెలుగు సారం: గతంలో చాలమంది సినిమా పెద్దలు సినిమా పరిశ్రమ అన్ని రాజకీయ ఉద్యమాలకు సాఫ్ట్ టార్జెట్ గా మారిందని నాకు చెప్పారు. కానీ, నేను పరిశ్రమలో అందరికీ ''మీరు హైదరాబాదు లో భద్రంగా ఉంటారనీ మీకు ఏ పార్టీనుండి | ప్రజలనుండి ఎలాంటి ఇబ్బందులు కలుగవని'' హామీ ఇస్తున్నాను. హైదరాబాదు తెలంగాణ రాష్ట్రానికి చాలా ముఖ్యం. ... ఇక్కడి ఏదైనా డిస్టర్బెన్స్ జరిగితే, అది తెలంగాణ మొత్తం మీద ప్రభావాన్ని చూపిస్తుంది. కనుక, మేము మంచి భవిష్యత్ కొరకు పరిశ్రమలో అందరికీ సహాయం చేయాలని కోరుకుంటున్నాము. )

ఈ సందర్భంగా గుర్తుకు వచ్చేవి

సుమతీ శతక పద్యం

ఎప్పుడు తప్పులు వెదకెడు
అప్పురుషుని కొల్వ కూడదదియెట్లన్నన్
సప్పంబు పడగనీడన
కప్ప వసించిన విధంబు గదరా సుమతీ.

ఆంధ్రజ్యోతి సంగతి ఏమిటి

శ్రీ కెటిఆర్ హైదరాబాదులో భూసెటిల్ మెంట్లలో జోక్యం చేసుకుంటున్నట్లు, అది ఒరిస్సా దాక విస్తరించినట్లు ఆధారాలతో సహా ఒక వార్త ప్రచురించింది. శ్రీవారు పరువు నష్టం దావా వేస్తామన్నారు. ఆంధ్రజ్యోతి వారు బెదరమన్నారు. తరువాత ఏమి జరిగింది? వారూ వారూ రాజీ పడ్డారా?

కెసీఆర్ అన్న పుత్రిక సంగతి ఏమిటి?

తన ప్రాణానికి భద్రత లేదని, కెసీఆర్ అన్న పుత్రిక రాష్ట్ర మానవ హక్కుల సంఘాన్ని ఆశ్రయించింది. రాష్ట్ర మానవ హక్కుల కమీషన్ వారు కేసును జూన్ 5 కి వాయిదా వేశారు.

అప్పటిదాకా ఆమె ప్రాణాలు గాలిలో దీపమేనా?

విజయశాంతి ప్రాణాల సంగతి ఏమిటి?

మెదక్ తెరాస లోక్ సభ సభ్యురాలు తన ప్రాణాలకు భద్రత లేదని, తన చావుకొరకు తెరాస వారు ఎదురుచూస్తున్నారని మీడియాతో మొత్తుకున్నది.

ఆమెను కాంగ్రెస్ లో చేర్చుకోటాన్ని కెసీఆర్ గారు తప్పు పట్టారు.

ఆమె ఎందుకు అభద్రతాభావానికి గురి అవుతున్నదో చెప్పాల్సిన బాధ్యత కెసీఆర్ కుటుంబం పై ఉంటుంది. ఆమె తెరాసను వదలి ఎందుకు వదలి వెళ్ళవలసి వచ్చిందో ఏమో?

165 Rashtrapati

165 Do we need a President? మనకొక రాష్ట్రపతి అవసరమా?

---

చర్చనీయాంశాలు: రాష్ట్రపతి, లోక్ సభ, రాజ్యసభ, ప్రధాని, సుప్రీం కోర్టు
ఈ భవనాన్ని చూడండి. ఇది రాష్ట్రపతి భవన్. ప్రపంచంలోని రాజ్యాధిపతులు నివసించే భవనాలన్నిటిలో కన్నా, మన నిరుపేద భారతదేశాధిపతి రాష్ట్రపతి భవనమే అతి పెద్దదిట. అంటే దీనికన్నా అమెరికా అధ్యక్షుడి వైట్ హౌస్, రష్యా అధ్యక్షుడి క్రెమ్లిన్, ఇంగ్లీష్ రాణి బకింగ్ హామ్ ప్యాలెస్ అన్నీ దీని గ్రాండ్ యూర్ ముందు దిగదుడుపే.

సర్వే లన్నీ ఎన్ డీ ఏ అధికారం లోకి వస్తుందని చెప్తున్నా, ఆం ఆద్మీ బలం పుంజుకొని కేజ్రీవాల్ గారు అంటున్నట్లుగా 1౦౦ సీట్లు కాకపోయినా 7౦ సీట్లు సాధిస్తే హంగ్ పార్లమెంటు వచ్చినా ఆశ్చర్యపోనవసరం లేదు.

హంగ్ లోక్ సభ వస్తే రాష్ట్రపతి పాత్ర కీలకం కాబోతుంది. కొత్త లోక్ సభలో అతి పెద్ద పార్టీని ప్రభుత్వం ఏర్పాటు చేయమని ఆహ్వానించటం సాంప్రదాయమే అయినా,
శ్రీప్రణబ్ ముఖర్జీగారు రాహుల్ గాంధీని గానీ, లేక యూపీఏ-౩ నేత ఎవరైతే వారిని గానీ, ప్రభుత్వం ఏర్పాటు చేయమని ఆహ్వానించరని ఏమీలేదు.

బ్రిటీష్ వాళ్ళని కాపీ చేయటం వల్ల కష్టాలు

ఇటువంటి పక్షపాత పూరిత పరస్థితులు తలఎత్తటానికి కారణం, మనం బ్రిటీష్ ఆచారాలను పాటించటమే. బ్రిటీష్ రాణి ఎన్నిక కాదు.
వంశ పారంపర్య పాలకగత్తె. భారత రాష్ట్రపతి, భారత ప్రధానమంత్రి కన్నా విస్త్రత నియోజకవర్గం చేత ఎన్నుకోబడిన వాడు. రాష్ట్రాల శాసనసభ్యులు, లోక్ సభ సభ్యులు, రాజ్యసభ సభ్యులు అంతా కలసి ప్రపోర్షనల్ రిప్రజెంటేషన్ త్రూ సింగిల్ ట్రాన్స్ఫరబుల్ వోట్ అనే పధ్ధతి ద్వారా ఎన్నికవుతారు. ప్రధానికి 542 మందిలో, సగం 272 మందిలో సగం అంటే 136 మంది ప్రత్యక్ష మద్దతు, 272 పరోక్ష మద్దతు ఉంటే చాలు. బ్రిటీష్ రాణి నియంతలాగా మారకుండా ఆమెను రబ్బర్ స్టాంపులాగా చేయవలసి రావటంలో అర్ధం ఉంది. భారత రాష్ట్రపతిని అలా రబ్బర్ స్టాంపుగా మార్చ వలసిన అవసరంలేదు.

మరల మెట్ల పైనుండి దొర్లించాలి

రాష్ట్ర శాసన సభ లతో సహా విస్తృతమైన నియోజకవర్గం ఎన్నుకున్న రాష్ట్రపతిని ఇంపీచ్ చేయటానికి కేవలం లోక్ సభ, రాజ్యసభలు సరిపోతాయనటం అర్ధంలేదు. సినిమాల్లో హీరోయిన్ కి మెట్లమీది నుండి దొర్లి పడినపుడు కళ్ళుపోటమో మాట పోటమో జరుగుతుంది. మళ్ఱీ పోయిన కళ్ళు లేదా మాట రావాలంటే ఆమెను దర్శకుడు తిరిగి మెట్లమీదినుండ డొర్లించాల్సిఉంటుంది. రాష్ట్రపతని ఇంపీచ్ చేయాలంటే (తొలగించాలంటే) ఆయనను ఎన్నుకున్న నియోజక వర్గం చేతనే ఆ ఇంపీచ్ మెంటు చేయిస్తే బాగుంటుంది.

రాష్ట్రపతి వల్ల వేయి కోట్ల రూపాయల దండుగ

స్వర్గీయ ఎన్ టీ రామారావు గారు ముఖ్యమంత్రిగా ఉన్నప్పుడు రాష్ట్రాలకు గవర్నర్లు అనవసరం అని చెప్తూ ఉండేవారు. ఈ అభిప్రాయాన్ని మనం రాష్ట్రపతి విషయంలో కూడ వర్తింప చేయవచ్చు. రాష్ట్రపతి పాలన ప్రవేశపెట్టినపుడు గవర్నరు, ఆయన సలహాదారులు అవసరం పడచ్చేమో కానీ సాధారణ పరిస్థితులలో గవర్నర్ యొక్క అవసరం ఉండదు. ఖర్చు దండగే.

రాష్ట్రపతి జీత భత్యాలకు, రాష్ట్రపతి భవన నిర్వహణకు మనకి షుమారు ఏటా రూ. వేయి కోట్లకు పైగానే అవుతున్నది. రబ్బర్ స్టాంపుగా పని చేయటం తప్ప ఆయన చేస్తున్న ఘనకార్యాలేమీ లేవు. బ్రిటీష్ వాళ్ళకి కూడ బ్రిటీష్ రాణి ఆర్ధికంగా బరువే. అయితే చింత చచ్చినా పులుపు చావని చిన్న దీవి తాము అని గుర్తుంచు కోటం బ్రిటిష్ వాళ్ళకి ఇష్టం ఉండదు. అందుకని తమ రాణి మీద వాళ్ళకి విపరీతమైన మోజు. మనకి రాష్ట్రపతి అనేవాడు బ్రిటీష్ వైస్ రాయ్ (రాణి ప్రతినిథి) స్థానంలోకి కావలసి వచ్చాడు. అతగాడిని మొదట్లో గవర్నర్ జనరల్ అన్నారు. రాజ్యాంగాన్ని అమలుచేసుకుని రిపబ్లిక్కు అయ్యాక రాష్ట్రపతి అని పాట పాడుతున్నాం.

ఏడాదికి వేయి కోట్లు మిగలాలంటే రాష్ట్రపతిని, ఆయన పటాటోపాన్ని తుంగలో తొక్కక, త్యాగం చేయక తప్పదు.

రాష్ట్రపతి పదవిని రద్దు చేస్తే ప్రత్యామ్నాయ ఏర్పాట్లు ఎలా? బిల్లులను చట్టాలను ఎవరు నోటిఫై చేస్తారు అనే అనుమానం రావచ్చు.


లోక్ సభ, రాజ్యసభ లలో పాస్ అయిన బిల్లులను, రాష్ట్రపతి సంతకం చేసే బదులు, లోక్ సభ స్పీకర్, రాజ్యసభ స్పీకర్ (ఉపరాష్ట్రపతి అనే జంట పేరు పదవి తీసేయచ్చు. రాష్ట్రపతినే ఎత్తేస్తున్నప్పుడు ఇంక ఉపరాష్ట్రపతి ఎందుకు), సుప్రీం కోర్టు ప్రధాన న్యాయమూర్తి ముగ్గురు కలిసిన కమీటీ బిల్లును చట్టంగా మార్చే సంతకం చేయవచ్చు. నోటిఫికేషన్ కి ఆదేశించ వచ్చు.

సుప్రీం కోర్టు న్యాయమూర్తి బిల్లును చట్టంగా మార్చే ఆదేశంపై సంతకం చేసే ముందు తన సుప్రీం కోర్టు ఫుల్ బెంచిని సమావేశ పరచి ఆబిల్లులో రాజ్యాంగ విరుధ్ధమైనవేమైనా ఉన్నాయా, సహజ న్యాయానికి విరుధ్ధమైనవి ఏమైనా ఉన్నాయా, ఇతర ముఖ్యమైన చట్టాలను నీరుగార్చే సెక్షన్లు ఏమైనా ఉన్నాయా వంటివన్నీ పరిశీలింపచేసి వారి ఏకాభిప్రాయ నిర్ణయం, లేక మెజారిటీ నిర్ణయం (బిల్లు యొక్క తీవ్రతను బట్టి) ద్వారా ఓకే చేయించుకోవాలి. ఇలా చేస్తే బిల్లును చట్టంగా ప్రజలపై రుద్దకముందే దాని జుడిషియల్ రివ్యూ పూర్తి అవుతుంది.

సుప్రీం కోర్టు ఫుల్ బెంచ్ ఏవైనా మార్పులు అవసరం అనుకుంటే, ఆసవరణలను సూచిస్తూ బిల్లును లోక్ సభ స్పీకర్ కు, రాజ్యసభ స్పీకర్ కు పంపవచ్చు. లోక్ సభ, రాజ్యసభలు తిరిగి ఆబిల్లులను పాస్ చేశాక ముగ్గురూ (లోక్ సభ స్పీకర్, రాజ్యసభ స్పీకర్, సుప్రీం కోర్టు ప్రధాన న్యాయమూర్తి) కలసి ఆబిల్లును చట్టంగా ప్రకటిస్తూ సంతకాలు చేసి నోటిఫై చేయించ వచ్చు.

రాష్ట్రపతి లేకపోతే మంత్రివర్గాన్ని ఏర్పరచమని లోక్ సభలో పెద్ద పార్టీ నేతను ఎవరు ఆహ్వానిస్తారు?

కోడి కూయకపోతే తెల్లారదా?

ప్రధాన మంత్రిగా ఎవరు ఉండాలని నిర్ణయించాల్సింది రాష్ట్రపతి నిర్ణయించే కన్నా లోక్ సభ యే నిర్ణయించుకుంటే బాగుంటుంది. ప్రధానమంత్రిని, మంత్రివర్గ సభ్యులను వారి శాఖలతే సహా ఎన్నుకోటానికి రహస్య బ్యాలెట్ పధ్ధతిలో ఎన్నికలు జరుపవచ్చు.

కొత్త లోక్ సభలో అయితే ముందుగా సీనియర్ మోస్ట్ సభ్యుడు ప్రోటెం స్పీకర్ (తాత్కాలిక గౌరవ స్పీకర్) గా వ్యవహరిస్తాడు. శాశ్వత స్పీకర్ ను, డెప్యూటి స్పీకర్లను ఎన్నుకున్నాక, ప్రోటెం స్పీకర్ స్థానంలోకి శాశ్వత స్పీకర్ వచ్చి ప్రధానమంత్రి, మంత్రివర్గ రహస్య బ్యాలెట్ ఎన్నికలను పూర్తి చేయవచ్చు.

ఇంకా ఉంది.

164 KCR cheated dalits and coronated his own Son as Prince कॆसीअर दलितों को धोका दिया और अपने बेटे को युवराजा बन दिया కెసీఆర్ దళితులకు చేయిచ్చి తన కొడుకుకే పట్టాభిషేకం చేసుకున్నాడు

164 IS EVERYTHING A DELUSION? అంతా భ్రాంతియేనా జీవితానా వెలుగింతేనా

---

చర్చనీయాంశాలు: పవన్ కల్యాణ్,కెసిఆర్,సోనియా గాంధీ,కాంగ్రెస్,తెరాస,చంద్రబాబు


శ్రీపవన్ కల్యాణ్ గారు రాజకీయాలలోకి వస్తారట. కిరణ్ వెనుకాడుతున్నందు వల్ల శ్రీపవన్ కల్యాణ్ గారు రాజకీయాల్లోకి దూకే అవకాశం ఉందిట.

పాతనీరు పోయి కొత్తనీరు రావటంగా మనం భావించి స్వాగతం చెప్పటమే మేలు. కొత్తనీరు పాతనీరు కన్నా మురికిగా ఉండకూడదనేమీ లేదు. అయినా కూడ మార్పు ఎల్లపుడూ అభిలషణీయమే.

ఆక్రోశించి ఫలితమేమి?

శ్రీచంద్రబాబు నాయుడు గారు కెసీఆర్ తన దగ్గర పాఠాలు నేర్చుకొని తనకే పంగనామాలు పెట్టాడని కెసీఆర్ పై ఆక్రోసిస్తున్నారు. మరి తానిచ్చిన ట్రెయినింగు ఎలాంటిది? ఇద్దరూ కలిసి ఎన్ టీ ఆర్ కి వెన్నుపోటు పొడవలేదా?

కెసిఆర్ దళితుడికి ముఖ్యమంత్రి పదవి ఇవ్వరా? Won't KCR allow a dalit to become the first Chief Minister of TelangaNa?

సోపన్ జోషి గారి చిత్రం తెహల్కా.కామ్ వారి దయతో.

15.1.2011 నాడు శ్రీ కె చంద్రశేఖర రావు గారు శ్రీ సొపన్ జోషి గారికి ఒక ఇంటర్వ్యూ ఇచ్చారు. అందులో ఏమన్నారో చూడండి.

Are you doing all this to become the CM of the new state? ఇదంతా మీరు కొత్త రాష్ట్రానికి ముఖ్యమంత్రి అవుదామని చేస్తున్నారా?

This is rubbish. I’ve said it not less than a thousand times that the first Telangana CM will be a Dalit. We have not zeroed in on a name right now, but there are so many leaders. When the occasion comes, we will evolve a consensus on a Dalit CM. The Telangana society is in such a mood that nobody can rule here unless they bring us statehood. It is ultimately a political decision. Let wisdom prevail on the Prime Minister and Sonia Gandhi that they deliver on the promise they made to the people of Telangana.

తెలుగు సారం: ఇది చెత్త. తెలంగాణ మొదటి ముఖ్యమంత్రిగా ఒక దళితుడు ఉంటాడని నేను వేయి సార్లకు తక్కువ కాకుండా చెప్పాను. ఇప్పటికిప్పుడు మేము పేరును నిర్ణయించుకునే దశకు రాలేదు. ఆ సమయం వచ్చినపుడు దళిత ముఖ్యమంత్రిపై మేము ఏకాభిప్రాయాన్ని సాధిస్తాము. తెలంగాణ సమాజం ఈరోజు ఏస్థితిలో ఉందంటే, తెలంగాణకి రాష్ట్రాన్ని సాధించకుండా ఇక్కడ పాలన చేయలేని మూడ్ లో ఉన్నది. అది చివరికి ఒక రాజకీయ నిర్ణయము. తాము తెలంగాణ ప్రజలకు చేసిన వాగ్దానాన్ని నెరవేర్చాలనే వివేకం ప్రధానమంత్రి మరియు సోనియా గాంధీలో ఉదయించు గాక.

వైబీరావు గాడిద వ్యాఖ్యలు

సీమాంధ్ర ప్రజలను తీవ్రంగా అవమానించటానికి కూడ వెనుకాడకుండా ప్రధానమంత్రి, సోనియా గాంధీ, తాము అన్నమాటలను నెరవేర్చారు కదా. మరి కెసీఆర్ గారు తాను వేయి సార్లకు తక్కువగా కాకుండా అన్నమాటలను నెరవేర్చరా?

కాంగ్రెస్ లో విలీనానికి తెరాస నిరాకరణ

ఊహించినదే. కెసీఆర్ చంద్రబాబు పాఠశాలలో చదివాడు కదా. అందుకని వెన్నుపోట్లు తప్పవు.

శ్రీమతి సోనియా గాంధీ, దిగ్విజయ్ సింగ్, జయరాం రమేష్ లు కలిసి పాడుకోవాల్సిన ఈనాటి పాట

దేవదాసు నుండి. శ్రీ సి.ఆర్. సుబ్బరామన్ సంగీతం. సముద్రాల రచన. గానం: కె.రాణి.
ప్రస్తుత పరిస్థితి కనుగుణంగా మార్చి.

అంతా.. భ్రాంతియేనా.. జీవితానా.. వెలుగింతేనా
ఆశా.. నిరాశేనా.. మిగిలేది చింతేనా..ఆ ఆ...
మరల అంతా భ్రాంతి||

చిలిపితనాల చెలిమే మరచితివో.. ఓ ఓ ...
మరల.
తల్లిదండ్రుల మాటే దాటా వెరచితివో.. ఓ ఓ ...
మరల.
పేదరికమ్ము ప్రేమపథమ్ము మూసివేసినదా.. నా ఆశే దోచినదా ...

అంతా భ్రాంతియేనా జీవితానా వెలుగింతేనా
ఆశా నిరాశేనా మిగిలేది చింతేనా

మనసునలేని వారి సేవలతో.. ఓ ఓ ...
మరల.
మనసీయగలేని నీపై మమతలతో.. ఓ ఓ ...
మరల.
వంతలపాలై చింతిలుటే మా వంతా తెరాసా.. మా వంతా తెరాసా..

అంతా భ్రాంతియేనా జీవితానా వెలుగింతేనా
ఆశా నిరాశేనా మిగిలేది చింతేనా

163 Paramahamsa

163 Where were these paramahamsas from? ఈ పరమహంసలు ఎక్కడ నుండి వచ్చారు?

---

చర్చనీయాంశాలు: స్వామి వివేకానంద,బెల్గాం,గుట్ఖా,పరమహంస

ప్రార్ధన, వివరణలు, స్పష్టీకరణలు

మనోభావాలు గాయపడే స్వభావం గలవారు ఈబ్లాగులను చదువవలదని ప్రార్ధన. బ్యాక్ బటన్ గానీ ఎక్స్ బటన్ గానీ క్లిక్ చేస్తే పరస్పర సహనం చూపించిన వారమవుతాము.

మీరు క్రైస్తవ మిషనరీయా?

నేను క్రైస్తవ మిషనరీని కానీ, ఇస్లామిక్ క్లరిక్ ని గానీ ఇంకేదైనా మత ప్రచారకుడినీ కాదు.

మీరు మత మార్పిడీ లను వ్యతిరేకిస్తారా లేదా స్పష్టంగా చెప్పండి.

ప్రతి వ్యక్తికీ తమ మతం మార్చుకునే హక్కుని రాజ్యాంగం ఇచ్చింది. అయితే నేడు ఈహక్కు దుర్వినియోగం అవుతున్నది. మతమార్పిడుల కొరకు విదేశీ డబ్బు భారత్ లోకి విచ్చలవిడిగా ప్రవేశిస్తున్నది. మత ప్రచారకులు విదేశీ డబ్బు కొరకు కక్కూర్తి పడే వ్యాపారులుగా మారారు.

మతం మారేవాడు తానున్న మత సిధ్ధాంతాలను, ఆచరణలను క్షుణ్ణంగా అర్ధం చేసుకోవాలి. చేరబోయే కొత్తమతం యొక్క సిధ్ధాంతాలను, క్షుణ్ణంగా అర్ధం చేసుకోవాలి. ప్రస్తుతం మతం మార్చేవారికీ, మతం మారే వారికీ కూడ ఈ శక్తి లేదు. డబ్బును ఆశ చూపటమో, మేము ప్రార్ధన చేస్తాం మీకు వ్యాధులు తగ్గుతాయి, మీకు మంచి జరుగుతుంది, అనే తప్పుడు వాగ్దానాలతో మతమార్పిడులు జరుగుతున్నాయి.

మతం మారాలనుకునే వారికి జిల్లా స్థాయిలో ఒక కోర్టుని ఏర్పాటు చేయాలి. అభ్యర్ధులకు వివిధ మతాల సిధ్ధాంతాలపై వ్రాత పరీక్షలను నిర్ణయించాలి. కోర్టులోని జడ్జీ, కోర్టు నియమించిన వివిధ మతాల న్యాయవాదులు, అభ్యర్ధి మతం మారటానికి గల కారణాలపై సంతృప్తిని చెందాలి. అపుడు అతడి మతాన్ని మారుస్తూ కోర్టు డిక్రీ జారీచేయాలి. ఇటువంటి చట్టాన్ని కేంద్ర ప్రభుత్వం చేయాలి. తండ్రి, తల్లి, ఇరువురిలో ఒక్కరైనా, ఇద్దరైనా మతం మారినపుడు దాని ప్రభావం పిల్లలపై పడుతుంది. పిల్లలకు రావలసిన రిజర్వేషన్ హక్కులు రాకపోవచ్చు.

మీరు డబ్బుకోసం వ్రాస్తున్నారా?

డబ్బు కోసం వ్రాయాలంటే ఇటువంటి బ్లాగులు పనికి రావు. ఈబ్లాగుకి ప్రస్తుతం రోజుకి ౩౦ సందర్శనాలు వస్తున్నాయి. అదే ఇదే తెలుగులో రెండు ఫొటోలు తగిలించి స్వలింగ సంపర్కం గురించి వర్ణనలతో ఒక కథను (బహుశా వాస్తవానుభవం కావచ్చు) బ్లాగ్ గా వ్రాస్తే రోజుకి 6000 సందర్శనాలు వస్తాయి. సాధారణంగా ప్రతి వేయి సందర్శనాలకు ఒక క్లిక్ రావచ్చు అని అధ్యయనాలు చెప్తున్నాయి. క్లిక్ కి రూ. 10 గూగిల్ వారు చెల్లిస్తారనుకుంటే రోజుకి 60 రూపాయలు వస్తే గగనం. అందుచేత బ్లాగుల ద్వారా డబ్బు సంపాదించటం టక్కుటమార విద్యలను ఉపయోగించని సాధారణ బ్లాగులకి కుదరదు.

మరి ఎందుకు వ్రాస్తున్నారు?

వ్రాయటం అనేది ఒక దురద.

సమాజం దయ వల్ల (దేవుడి దయ కాదు) నాకు తిండి, గుడ్డ, నివాసం, సమకూరాయి. ధరలు అతిగా పెరిగితే తప్ప బ్రతుకు తెరువుకై ఆందోళన పడవలసిన అవసరం లేదు.

వృధ్ధుడనే నయినప్పటికి పూర్తిగా మూలపడలేదు. సమాజం తిండి తింటూ, సోమరిగా కూర్చోటం, సమాజానికి భారం కావటం న్యాయం కాదు అనే దృష్టితోనే ఈవ్యాసాలను వ్రాస్తున్నాను. నేను అనుభవిస్తున్న తిండి, గుడ్డ, నివాసం భద్రత సమాజంలో అందరికీ అందాలనే తపన ఈబ్లాగులకు ట్రిగ్గర్ గా పనిచేస్తున్నది.

మార్క్సిజాన్ని ఎందుకు సమర్ధిస్తున్నారు?

మనది అధిక 120 కోట్ల జనాభా గల దేశం, వనరుల కొరత ఉండటాన అందరికి అన్నీ అందుబాటులోకి రావాలంటే పెట్టుబడిదారీ విధానం పనికి రాదనేది నిశ్చయం. రష్యా, చైనా వంటి దేశాలలో కమ్యూనిజం పేరుతో ఆచరించబడిన నియంతృత్వ విధానం విఫలమైనా, భారతదేశంలో ప్రస్తుత కమ్యూనిస్ట్ పార్టీలు విఫలమైనా, ఈదేశానికి ప్రజాస్వామ్య మార్క్సిజమే దిక్కు అనే అభిప్రాయం నాకు కలిగింది. మార్క్సిజంను ప్రజలు బ్యాలెట్ సాక్షిగా ఆమోదించాలంటే వారు దానిని సైధ్ధాంతికంగా అర్ధం చేసుకోవాలి. మార్క్సిజాన్ని ప్రవేశ పెట్టాక రాబోయే సమస్యలపై కూడ క్షుణ్ణంగా చర్చలు జరిగి పరిష్కార పథకాలను, వ్యవస్థలను సిధ్ధంగా చేసుకోవాలి. ఇది హడావుడిగా ప్రజలపై రుద్దేది కాదు.

మీరు రాజకీయాలలోకి ప్రవేశిస్తారా?

నా కలాటి కోరికలేమీ లేవు. ప్రస్తుతం రాజకీయపార్టీలు నడవాలంటే డబ్బులు కావాలి. డబ్బులు లేని రాజకీయ పార్టీల స్థాపనావసరం ఉంది. దీనికి ఖర్చులు తగ్గించుకోటం కీలకం.

స్వామి వివేకానంద గారిపై మీరు శతృత్వం వహించినట్లుగా విమర్శలు వ్రాస్తున్నారు

మొదట్లో మీవలెనే నేను కూడ స్వామీ వివేకానందా గారి అభిమానినే. ఆయన సంపూర్ణ రచనలను ఆమూలాగ్రంగా చదివాక నాకళ్ళు తెరుచుకున్నాయి.

వివేకానంద గారి పాన్ గుట్ఖా అలవాటును, మాంసాహారాన్ని విమర్శించటం అంటే హిందూమతాన్ని వ్యతిరేకించటంగా భావించరాదు. అసలు స్వామీజీయే ఒకసారి నేను హిందువులకు మాత్రమే చెందను, అఖిల ప్రపంచానికి చెందిన వాడిని అని చెప్పుకున్నారు. ఆయన దృష్టిలో భారత్ ఒక కుళ్ళిన శవం. అమెరికా ఒక బంగారు కలల దేశం. ఆయన ఆశించిన స్థాయిలో డాలర్లు రాలేదు కాబట్టి ఆకలల గాలి మేడ కూలింది. స్వామీజీ భారత్ కి వెనక్కు వచ్చి రాత్రి చీకట్లో మూసిన గేటు దూకి బేలూరి మఠంలోకి ప్రవేశించి బజ్జుకున్నారు. ఈవైఫల్యాల నిరాశకు తోడు, ఆహార విహారాదులలో నియంత్రణ లేకపోవటం వల్ల, యోగా తో 150 సంవత్సరాలు బ్రతకచ్చని ఆయన యూరప్ లో ప్రచారం చేసినప్పటికీ, రకరకాల వ్యాధులతో ఆయన 39 ఏళ్ళకే కన్ను మూశారు.

ఈ పర్టిక్యులర్ బ్లాగ్ పోస్ట్ యొక్క సరిహద్దు (స్కోప్) : పరమహంసలు ఎలా ఉండాలి. తనను తాను పరమహంసగా, తమ గురువు శ్రీరామకృష్ణుడిని రామకృష్ పరమహంస గా చెప్పకున్న స్వామీజీ ఎంతవరకు ఈ పరమ హంస నియమాలను పాటించారు?


జి.ఎస్. భాటే గారు, బెల్గాం మహారాష్ట్రలో, స్వామీ వివేకానంద గారికి ఆతిథ్యం ఇచ్చారు. ఇవి శ్రీ భాటే గారి జ్ఞాపకాలలోవి. వివేకానంద గారి ప్రబుధ్ధభారత 1923 సంచికలో ప్రచురితం.

...There was really nothing very wrong in a Sannyasin wanting pan and supari (betel-nut) or tobacco for chewing, but the explanation he gave of his craving disarmed us completely. He said that he was a gay young man and a distinguished graduate of the Calcutta University and that his life before he met Shri Ramakrishna Paramahamsa was entirely different to what he became afterwards. As a result of teachings of Shri Ramakrishna Paramahamsa he had changed his life and outlook, but some of these things he found it impossible to get rid of, and he let them remain as being of no very great consequence. As regards food, when he was asked whether he was a vegetarian or a meat-eater, he said that as a man belonging not the ordinary order of Sannyasins but to the order of the Paramahamsas, he had no option in the matter. The Paramahamsa, by the rules of that order, was bound to eat whatever was offered, and in cases where nothing could be offered he had to go without food. ...

తెలుగు సారం: ...ఒక సన్యాసి పాన్ నమలటంలో కానీ, పొగాకు నమలటంలో కానీ నిజంగా తప్పేమీ లేదు. ఆయన తనకు ఉన్న క్రేవింగ్ (పాన్, పొగాకు నమలాలనే అదుపు లేని వాంఛ)కు ఆయన (స్వామీ వివేకానంద) ఇచ్చిన వివరణ మమ్ములను నిరాయుధులను చేసింది. ఆయన తాను ఉత్సాహవంతుడైన యువకుడనని చెప్పుకున్నాడు. తాను కలకత్తా విశ్వవిద్యాలయంనుండి డిస్టింగ్విష్డ్ గ్రాడ్యుయేట్ (డిస్టింగ్విష్డ్ కి సాధారణ అర్ధం ఇతరులకన్నా భిన్నమైన. డిగ్రీ కోణంలోంచి చూస్తే మెరిట్ కలిగిన అనే అర్ధం తీసుకోవాల్సి వస్తుంది). తాను శ్రీరామకృష్ణ పరమహంసను కలవకముందు తన జీవితానికి, తరువాత మారిన జీవితానికి బాగా తేడా ఉందని చెప్పారు. రామకృష్ణ పరమహంస గారిని కలిసాక తనజీవితాన్ని, తన దృక్పథాన్నిమార్చుకున్నానని చెప్పారు. అయితే ఇలాంటి కొన్ని విషయాలను వదిలించుకోలేక పోయాడుట. అవి అంత ముఖ్యమైనవి కావులే అని ఉండనిచ్చాడుట.

ఆహారం గురించి : ఆయనను అడిగినపుడు తాము పరమహంస సన్యాసుల తరగతికి చెందిన వారమని, పరమహంస తరగతికి చెందిన వారు, పరమహంస నియమాల ప్రకారం ఏది లభిస్తే అది తినాలని, దానిలో ఎంపిక (ఆప్షన్) లేదని చెప్పారు. ఏదీ లభించకపోతే నిరాహారిగా ఉండాలిట.

వైబీరావు గాడిద వ్యాఖ్యలు

మన యువతకి స్వామి వివేకానందా గారు పొగాకు నములుతారని (గుట్ఖా అనచ్చా) తెలీదు. తెలిసినా మన యువత స్థాయి ఎలా తయారయిందంటే, స్వామీజీకి అలాంటి అలవాట్లు ఉంటే, వారు స్వాగతించే స్థాయికి చేరుకున్నారు. ఎందుకంటే స్వామీజీయే పొగాకు మానటం అంత ముఖ్యం కాదని (not of great consequence) చెప్పారు కాబట్టి, తాము (యువకులు) కూడ తమకున్న అలవాట్లను మాననక్కర లేదని హాయిగా తీర్మానించుకోవచ్చు. ఉభయతారకం.

సన్యాసుల మాంసాహారం గురించి: స్వామీ వివేకానంద గారు కాలిఫోర్నియా, అమెరికాలో ప్రసంగిస్తూ తాము తమ సన్యాసంలో భాగంగా భిక్షకు వెళ్ళినపుడు భారత్ లో ఇల్లాళ్ళు, రాళ్ళులాగా మారిన చద్ది చపాతీలు పెట్టారని చెప్పుకొని అమెరికన్ల సానుభూతి పొందాలని ప్రయత్నించారు. భారత్ లో మాంసం, చేపలు ధరలు చాల ఎక్కువ. పేదలు రోజూ మాంసం, చికెన్, చేపలు తినటం అనేది దాదాపు అసంభవం. ఇంట్లో వండుకునేది ఇంటాయనకు, ఇల్లాలికి, ఇంటాయన తల్లిదండ్రులకు, పిల్లలకే చాలదు. ఇంటి ముందుకు వచ్చిన సన్యాసికి వాటిని వడ్డించటం అసాధ్యం. చద్ది చపాతీలకే కరువు. స్వామీజీ మహాభారతం అశ్వమేథ పర్వంలో ధర్మరాజు గారి హోమగుండం బూడిదలో దొర్లాడిన పక్షి కథ చదివి ఉండాల్సింది.

చద్ది చపాతీలకు విసుగుబుట్టి కాబోలు, స్వామీజీ సంస్థానాల చుట్టూ, సేఠ్ల చుట్టూ తిరగటం మొదలు పెట్టినట్లున్నారు. సంస్థానాధీశులకి, ఘరానా ధనవంతుల ఇళ్ళల్లోకి అతిథిగా మారి, ఇంగ్లీషులో మాట్లాడుతూ కోల్ కత్తా విశ్వవిద్యాలయం డిస్టింగ్విష్డ్ గ్రాడ్యుయేట్ గా తనను తాను చెప్పుకుంటూ తన మాంస భుక్ క్రేవింగ్ ను వదలకుండా పరమహంస నని చెప్పుకుంటూ తిరిగినట్లుగా, అనిపిస్తుంది. దక్షిణ భారత్ లో శంకర మఠం వంటి ధనిక మఠాల వారు మాంసం, చేపలు తినరు. నదుల ఒడ్డున కనిపించే బైరాగి సన్యాసులు (MENDICANTS) భిక్షుక జీవనం గడుపుతారు కాబట్టి వారికి లభించే కొద్ది అన్నం ప్రసాదంతో, దైవంతో సమానం. ఎప్పుడైనా ఇల్లాళ్ళు మాంసాన్నో, చేపలనో వేస్తే వేయచ్చు. అడిగి వేయించుకోటం అనేది అసాధ్యం.

స్వామీజీ భావనగర్ సంస్థానాన్ని సందర్శించి అక్కడ ఆతిథ్యం పొంది, వారి నుండి పరిచయ పత్రాన్ని పొంది, అక్కడనుండి, మహారాష్ట్రలోని కొల్హాపూర్ సంస్థానాన్ని సందర్శించి, అక్కడ కూడ ఆతిథ్యాన్ని పొంది, వారినుండి పరిచయ లేఖను తీసుకొని బెల్గాం చేరుకున్నట్లు కనిపిస్తుంది. భావనగర్ కి కొల్హాపూర్ కి మధ్యలో ముంబాయిలో ఒక ధనిక సేఠ్ గారి ఆతిథ్యం పొందారు.

మనస్వామీజీ మాంసం, చేపలు దొరకక పోతే విలవిల లాడిపోతారు. ఈవిషయం స్వామీజీ తిరువాన్కూర్ సంస్థానంలో అతిథిగా ఉన్నప్పుడు కూడ ఋజువయ్యింది.

బెల్గాంలో స్వామీజీ నములుడు పొగాకు కాక చుట్టలు అడిగారో లేదో తెలియదు. అవిలేనిదే, స్వామీ వివేకానంద గారిని ఊహించలేము.

పరమ హంస అనేవాడు ఎలా ఉండాలి?

http://www.yogamag.net/archives/1993/esep93/param.shtml కి వెళ్ళటానికి క్లిక్ చేయండి. గమనిక: ఈ లింకును ఇస్తున్నాను కాబట్టి, వారు అందులో వ్రాసిన విషయాలను అన్నిటినీ సమర్ధించినట్లు కాదు. సత్యశోథన మనవిధి.

శుక్ల యజుర్వేదంలో పరమ హంసో పనిషత్ నాలుగవ ఉపనిషత్ గా ఉన్నది. ఇందులో నాలుగే శ్లోకాలు ఉన్నాయి. వీటి ఆంగ్లానువాదం మనకి నెట్ లో లభిస్తున్నది. ఒరిజినల్ సంస్కృత శ్లోకాలు నాకు పూర్తిగా అర్ధం కాలేదు. అందుకని ఇక్కడ టైప్ చేయటం లేదు. నారదుడు బ్రహ్మని పరమహంస లక్షణాలు ఏమిటని అడుగగా బ్రహ్మ ఇచ్చినట్లుగా చెప్పబడుతున్న వివరణ ఇది. ఈనాలుగిటి సారం ఒకటే. పరమహంస అనేవాడు ఎలా ఉండాలి.

శ్రీరామకృష్ణ పరమహంస గారికి పరమహంస అనే తోకనామం (చివరి పేరు) ఎవరు ఇచ్చారో తెలియదు. గురువు తోతాపురి గానీ, తాంత్రిక గురువు బైరాగి బ్రహ్మణి గాని ఇచ్చినట్లు కనిపించదు. వారెవరూ పరమహంస అనే తోక టైటిల్ ను ఉపయోగించుకున్నట్లు కనిపించదు. శ్రీరామకృష్ణ పరమహంస గారు కూడ ఈ టైటిల్ ను స్వయంగా వినియోగించు కున్నట్లు కనిపించదు. వివేకానందుడు, శ్రీరామకృష్ణ పరమహంస పై గ్రంథాలను రచించిన శ్రీ మహేంద్రనాథ దత్త కలిసి ఈ పరమహంస టైటిల్ ను శ్రీరామకృష్ణుడికి తగిలించినట్లు కనిపిస్తుంది.

1892 నాటి శ్రీవివేకానంద గారు తన అఖిల భారత టూర్ లో తనను తాను పరమంసగా చెప్పుకుంటూ, తన మాంసాహార సేవనాన్ని సమర్ధించుకున్నట్లు కనిపిస్తుంది.

అమెరికా వెళ్ళాక కూడ కొంత కాలం వివేకానంద ఈ పరమహంస తోకటైటిల్ ను వీలుచిక్కినప్పుడు వాడాలని ప్రయత్నించి, అక్కడి వారు అడిగే ప్రశ్నలకు జవాబులు చెప్పుకోలేక తదనంతర కాలంలో వదిలేసినట్లు కనిపిస్తుంది.


ఇపుడు ఈ బొమ్మలను చూడండి. ఇవి స్వామీజీ నిలువెత్తు సైజు విగ్రహాలు. బెల్గాంలోని ఒక సంస్థవారు భారత్ లోని కాలేజీల్లో, విశ్వవిద్యాలయాల్లో, ఒక 1500 విగ్రహాలదాకా స్థాపించాలని లక్ష్యంగా పెట్టుకున్నారట. ఒక్కో విగ్రహం ఎంతవుతుందో ఏమో. చందాలు ఇవ్వటానికి రియల్ ఎస్టేట్ల వ్యాపారులు, బిల్డర్లు, ఉంటారనుకోండి.

బొమ్మల్లో స్వామీజీ ధ్యానమగ్నులై ఎంతో స్ఫూర్తిదాయకంగా కనిపిస్తున్నారు కదా. పొట్టలో మాంసం, నాలుకపైన పొగాకు ఘుమఘుమ లాడించకపోతే ధ్యానం మూలాధార చక్రంనుండి సహస్రారానికి అంటదు. కుండలిని ఓపెన్ కాదేమో.

ఈనాటి పాట

చిత్రం: Ramudu Bheemudu రాముడూ భీముడు

రచన: Kosaraju కొసరాజు.

rElangi రేలంగి
Sarada sarada cigarettu సరదా సరదా సిగరెట్టు
Idi doral tAgu bal cigarettu ఇది దొరలు తాగు బల్ సిగరెట్టు (మరల).

Pattubatti oka dammu laagithe పట్టుబట్టి ఒక దమ్ములాగితే
Swarganike idi tolimettu స్వర్గానికే ఇది తొలి మెట్టు (మరల సరదా సరదా)

girija గిరిజ
Kampugottu ee cigarettu కంపు గొట్టు ఈ సిగరెట్టూ
DInni kalchakoyi naa pai ottu దీన్ని కాల్చకోయి నాపై ఒట్టూ
Kampugottu I cigarettu కంపుగొట్టు ఈసిగరెట్టూ
DInni kalchakoyi naa pai ottu దీన్ని కాల్చకోయి నాపై ఒట్టూ

Kadupu ninduna kaalu ninduna కడుపు నిండునా కాలు నిండునా
Vadilipettavoy nee pattu వదిలిపెట్టవు నీ పట్టూ
మరల (కంపు గొట్టు|| దీన్ని కాల్చకోయి||)

rElangi రేలంగి
Ee cigarettuto aanjaneyudu ఈ సిగరెట్టుతో ఆంజనేయుడు
Lankaa dahanam chesadu లంకాదహనం చేశాడు

girija గిరిజ
Evado kothalu kosadu ఎవడో కోతలు కోశాడూ

rElangi రేలంగి
Ee pogathoti guppu guppuna ఈపొగ తోటి గుప్పు గుప్పునా
Meghaalu srushtinchavacchu మేఘాలు సృష్టించవచ్చు

girija గిరిజ
Meesalu kaalchukovacchu మీసాలు కాల్చుకోవచ్చు

rElangi రేలంగి
Sarada sarada cigarettu సరదా సరదా సిగరెట్టూ
Idi doral tAgu bal cigarettu ఇది దొరల్ తాగు బల్ సిగరెట్టూ

girija గిరిజ
Upirithitthula cancer kidiye ఊపిరి తిత్తుల కాన్సర్ కిదియే
Karanam annaru doctorlu కారణ మన్నారు డాక్టర్లు

rElangi రేలంగి Kaadannarule pedda actrlu కాదన్నారులే పెద్ద యాక్టర్లు

girija గిరిజ
Pasaru perukoni పసరు పేరుకొని
Kaphamu cherukoni కఫము చేరుకొని
Usuru deeyu pommannaru ఉసురు తీయు పొమ్మన్నారు

rElangi రేలంగి
Daddammalu adi vinnaru దద్దమ్మలు అది విన్నారు

girija గిరిజ
Kampugottu I cigarettu కంపుగొట్టు ఈసిగరెట్టూ
DInni kalchakoyi naa pai ottu దీన్ని కాల్చకోయి నాపై ఒట్టూ

rElangi రేలంగి
Pakkanunnavallu ee suvasanaku mukkulu egarestharu పక్కనున్నవాళ్ళు ఈ సువాసనకు ముక్కులు ఎగరేస్తారు
Neeverugavu deeni husharu నీవెరుగవు దీని హుషారూ

girija గిరిజ
Abbo theaterlalo poga taagadame nishedhincharanduke అబ్బో థియేటర్లలో పొగ తాగడమే నిషేధించారందుకే

rElangi రేలంగి Collectionlu levandhuke కలెక్షన్లు లేవందుకే. Sarada sarada cigarettu సరదా సరదా సిగరెట్టు||

girija గిరిజ
Kampugottu I cigarettu కంపుగొట్టు ఈసిగరెట్టూ
DInni kalchakoyi naa pai ottu దీన్ని కాల్చకోయి నాపై ఒట్టూ

rElangi రేలంగి
Kavithvaniki cigarettu కవిత్వానికి సిగరెట్టూ Kasike idi thobuttu కాశికే ఇది తోబుట్టూ

girija గిరిజ
Paithyaniki cigarettu పైత్యానికి సిగరెట్టూ
Badaayi kinda jama kattu బడాయి కింద జమకట్టూ

rElangi రేలంగి
Anandaniki cigarettu ఆనందానికి సిగరెట్టూ
Alochanalanu jilakottu ఆలోచనలకు జిలకొట్టూ

girija గిరిజ
Panilekunte cigarettu పనిలేకుంటే సిగరెట్టూ

Tini kurchunte poga battu తిని కూర్చుంటే పొగబట్టు

rElangi రేలంగి
Ravvalu raalche rockettu రవ్వలు రాల్చే రాకెట్టూ
Rangurangula packettu రంగు రంగుల ప్యాకెట్టూ

girija గిరిజ
Kampugottu I cigarettu కంపుగొట్టు ఈసిగరెట్టూ
DInni kalchakoyi naa pai ottu దీన్ని కాల్చకోయి నాపై ఒట్టూ

rElangi రేలంగి
Sarada sarada cigarettu సరదా సరదా సిగరెట్టూ
Idi doral tAgu bal cigarettu ఇది దొరల్ తాగు బల్ సిగరెట్టూ

girija గిరిజ
Kampugottu I cigarettu కంపుగొట్టు ఈసిగరెట్టూ
DInni kalchakoyi naa pai ottu దీన్ని కాల్చకోయి నాపై ఒట్టూ

ముగింపు

స్వామి వివేకానంద గారికి మరణించేనాటికి ఒక పాతిక దాకా వ్యాధులు ఉండేవి. వాటిలో ఎన్ని పాన్ బీడాల వలన, పొగాకు నమలటం వల్ల, చుట్టలు కాల్చటం వల్ల, వచ్చాయో తెలీదు. డయాబెటిస్ (మధుమేహం) తనకు వంశ పారంపర్యంగా వచ్చిందని వివేకానంద పరమహంస చెప్పుకున్నారు.

162 Narendra Modi

162 Killing the mother during childbirth పురుడు పోసి తల్లిని చంపటం

---

చర్చనీయాంశాలు: Narendra Modi, నరేంద్ర మోడీ,bjp,బిజెపి,సీమాంధ్ర,తిక్కన,విభజన,మహాభారతం
---->ఇతగాడు నాయకుడు కాదు, రక్షకుడు.

పురుడు పోసి తల్లిని చంపేశారు.

...బిడ్డకు జన్మనిచ్చి తల్లిని పురిట్లోనేచంపేసిన చందంగా ఆంధ్రప్రదేశ్ రాష్ట్ర విభజన విషయంలో కాంగ్రెస్ వ్యవహరించింది. ...

... తామే గనుక అధికారంలో ఉండి ఉంటే తల్లీ బిడ్డా ఆరోగ్యంగా ఉండేలా రెండు ప్రాంతాలకూ సమన్యాయం చేసి చూపించే వాళ్ళం. ...

... సీట్ల కోసం సీమాంధ్రకు అన్యాయం చేసిన కాంగ్రెస్ వల్ల తెలంగాణ రాష్ట్రం ఏర్పడ లేదు. 60 ఏళ్ళకి పైగా సుదీర్ఘ పోరాటం, వెయ్యికి పైగా బలి దానాలు, ఎందరో తల్లుల కడుపు కోత వల్లనే ప్రత్యేక రాష్ట్రం సిధ్ధించింది. ...

... సీమాంధ్రకు యూపియే అధినేత్రి చేసిన అన్యాయం పూడ్చలేనిది. అందరూ భారతమాత బిడ్డలే. అన్నదమ్ముల్లా ఉండే తెలుగు ప్రజల మధ్య చిచ్చు పెట్టారు. విభజనతో సీమాంధ్రుల గుండెలు గాయపడ్డాయి. వారందరి వెంటా భాజపా, నరేంద్రమోడీ ఉంటారని భరోసా కల్పిస్తూ కన్నీళ్ళు తుడుస్తా. తెలంగాణ సీమాంధ్ర ప్రయోజనాలు రెండూ ముఖ్యమే. తెలంగాణ పునర్నిర్మాణం లో భాజపా పాత్ర ప్రత్యేకంగా ఉండ బోతుంది. వచ్చే వంద రోజుల అనంతరం రెండు ప్రాంతాలను అభివృధ్ధి దిశగా ముందుకు నడిపేందుకు కృషి చేస్తాం. త్వరలోనే తెలంగాణ, సీమాంధ్రలలో పర్యటిస్తా. ... శ్రీ నరేంద్ర మోడీ.

వైబీరావు గాడిద వ్యాఖ్యలు

పురుడు పోయటానికీ, ఒక రాష్ట్రాన్ని విడగొట్టటానికీ చాల తేడా ఉంది. రాష్ట్రాన్ని విడగొట్టటాన్ని వందరోజులు వాయిదా వేయ వచ్చు. పురుడును వాయిదా వేయలేరు.

లోక్ సభలో అత్యంత ఘోరమైన ఆంధ్రప్రదేశ్ పునర్వ్యవస్థీకరణ బిల్లును అడ్డుకునే అవకాశం బిజెపికి వచ్చింది. వందరోజులలోనే అధికారంలోకి వచ్చి ఇరు పక్షాలకు న్యాయం కలిగేలా విభజన చేయగలమనే ఆత్మవిశ్వాసం, న్యాయం చేయాలనే కోరిక ఉంటే, కాంగ్రెస్ తో కుమ్మక్కయ్యేది కాదు.

తెలంగాణ వోట్లు, సీట్లు లేకుండా తాము అధికారం లోకి రాగలము అనే నమ్మకం బిజెపికి ఉండి ఉంటే, బిల్లును అడ్డుకొని, వంద రోజుల తరువాత రెండు పక్షాలకు న్యాయం కలిగేలా విభజన చేపట్టేది. ఆ కోరిక, తీరిక, ఓపిక బిజెపికి, మోడీకి లేవు.

తెలంగాణ 60 ఏళ్లు ఆలస్యం కావటం వల్ల నష్టపోయింది సీమాంధ్ర ప్రజలే కానీ తెలంగాణ కాదు. ఈ 60 ఏళ్ళలో హైదరాబాదు లో పెట్టబడిన పెట్టుబడులలో కొంత భాగమైనా సీమాంధ్ర పట్టణాలకు చేరి అవి అభివృధ్ధి చెంది ఉండేవి.

చంద్రబాబు లాంటి తెలివితక్కువ నేతలు హైటెక్ సిటీని హైదరాబాదులో స్థాపించి పొరపాటు చేశారు. అలా కాక అన్ని ప్రాంతాలకు అందుబాటులో ఉండే ఏ నాగార్జునసాగర్ లాంటి చోట స్థాపించినా సరిపోయేది. లేదా మూడు హైటెక్ సిటీలు స్థాపితం అయ్యేవి. సినిమా రంగం ఆనాడే హైదరాబాదు, విశాఖ, తిరుపతి మధ్య విభాగితం అయ్యేది.

1972 లో సీమాంధ్ర ప్రజలు జై ఆంధ్రా ఉద్యమం చేశారు. తెలంగాణ నేతలు విభజన మాకు వద్దని అడ్డుకున్నారు. దీని వల్ల 1969 లో తెలంగాణ వారు చేసిన ఉద్యమానికి చెల్లుకు చెల్లు అయిపోయింది.

1999- 2004 మధ్య బిజెపి ఆధికారంలో ఉంది. ఉత్తరాఖండ్, ఝార్ఖండ్, ఛత్తీస్ గఢ్ ల డిమాండ్ కన్నా జైతెలంగాణ, జైఆంధ్ర ఉద్యమాలు పాతవి. పాతసమస్యలను పరిష్కరించకుండా బిజెపి కొత్తరాష్ట్రాలను ఎలా చేపట్టింది? నిజంగా తెలంగాణ ప్రజలమీద, వారి ఉద్యమం మీద బిజెపి కీ సానుభూతి ఉంటే చంద్రబాబు వద్దన్నా, ఉత్తరాఖండ్, ఝార్ఖండ్ రాష్ట్రాలతో పాటు బిజెపి ప్రత్యేక తెలంగాణ , ప్రత్యేక ఆంధ్ర రాష్ట్రాలను ఇచ్చి ఉండేదే. బిజెపి కనీసం ఆదిశలో ప్రయత్నించలేదు. అపుడే తెలంగాణ బిల్లును తయారు చేసి ఆంధ్రప్రదేశ్ శాసనసభకు బిల్లును పంపి అభిప్రాయం కోరి ఉండాల్సింది. ఎందుకు కోరలేదు?

నేడు సీమాంధ్ర ప్రజలను ''అతి భీభత్సంగా తిడ్తున్న కెసీఆర్ '', ఆంధ్రప్రదేశ్ శాసన సభలో తెలంగాణను సమర్ధించే వాళ్ళను ప్రోత్సహించకూడదని ప్రసంగించాడా లేదా? తెలంగాణ ఉద్యమం 60 ఏళ్ళదని నమ్మేవాడు తెలంగాణకు వ్యతిరేకంగా అసెంబ్లీలో మాట్లాడ వచ్చా? మంత్రివర్గంలో స్థానం కోల్పోగానే ప్రత్యేక తెలంగాణ ఉద్యమం ప్రారంభించాలనే తపన ఆయనకు ఎలా కలిగింది?

వేయి మంది తెలంగాణ యువకులు బలి కావటానికి కెసీఆర్ అండ్ కో, కోదండరాం అండ్ కో చేసిన విద్వేషపూరిత ప్రసంగాలే కారణం. వారిపై చర్యలు తీసుకోకపోటం కేంద్ర హోమ్ మంత్రి, ఆంధ్రప్రదేశ్ ముఖ్యమంత్రుల తప్పు.

సీమాంధ్ర ప్రజలను కెసీఆర్ అండ్ కంపెనీ ఛండాలంగా తిడ్తుంటే బిజేపీ గానీ, మోడీగానీ, సుష్మా స్వరాజ్ గానీ, అద్వానీ గానీ, రాజ్ నాథ్ సింగ్ గానీ, వెంకయ్య గానీ ఎప్పుడైనా ఖండించారా? ఎక్కడైనా ఖండించారా? తెలంగాణ బిల్లును ప్రవేశ పెట్టమని వెంట పడ్డారే తప్ప, ఇరు వర్గాలకు ఆమోద యోగ్యమైన బిల్లును తయారు చేయించి, ఎన్ డీఏ బిల్లుగా గానీ, ప్రైవేటు బిల్లుగా గానీ ఎందుకు ప్రవేశ పెట్టలేదు? లోక్ సభ నిబంధనలు, రాజ్యసభ నిబంధనలు, ప్రైవేటు బిల్లులను, ప్రతిపక్షాల బిల్లులను నిషేధించవే?

తెలంగాణను కేవలం వందరోజుల వాయిదా వేసి ఉంటే, ఈరోజు మోడీకి ఈ మొసలి కన్నీళ్ళు కార్చవలసిన అవసరం తప్పేది కదా.

మోడీ గారు ఇక్కడ తెలంగాణ ప్రజల, సీమాంధ్ర ప్రజల కళ్ళనీళ్ళు తుడుస్తూ కూర్చుంటే, అక్కడ శ్రీమతి జశోదా బెన్ గారి కన్నీళ్ళు ఎవరు తుడుస్తారు? ఆమె అశోకవనంలోని సీత వలే ఇంకా ఎన్నాళ్ళు కుమిలి పోవాలి?

సీమాంధ్ర ప్రజలకు తమ దీనస్థితిపై అవగాహన ఉంటే, సీమాంధ్ర ప్రజలు తాగుబోతులు కాకుంటే, చేయవలసిన పని

1. సోనియా గాంధీతో సహా కాంగ్రెస్ నేతలు ప్రసంగించే సభలకు, సీమాంధ్ర ప్రజలే కాదు ఒక చీమ కూడ హాజర్ కారాదు. కేవలం మైకుల వాళ్ళే ఉండాలి. ఇది స్వఛ్ఛందంగా, శాంతియుతంగా జరగాలి.

2. నరేంద్ర మోడీతో సహా బిజేపీ నేతలు ప్రసంగించే సభలకు, సీమాంధ్ర ప్రజలే కాదు ఒక చీమ కూడ హాజర్ కారాదు. కేవలం మైకుల వాళ్ళే ఉండాలి. ఇది స్వఛ్ఛందంగా, శాంతియుతంగా జరగాలి.

ఈనాటి పద్యం

తిక్కన కవిబ్రహ్మ ప్రణీత శ్రీమదాంధ్ర మహాభారతం

శాంతి పర్వం, ప్రథమాశ్వాసము.

సందర్భం.

భారతయుధ్ధం అయిపోయింది. అందరూ చచ్చారు. ధర్మరాజుకి పాపం అంటుకున్నదన్న భీతి పట్టుకుంది. (మొసలి?) కన్నీళ్ళు కార్చటం మొదలు పెట్టాడు. నారదుడు కర్ణుడి జన్మ వృత్తాంతం చెప్పాడు. ధర్మరాజు గారు, ఆడవాళ్ళ నోళ్ళలో నువ్వు గింజ దాగదని ఒక శాపం పారేశాడు. ఈసందర్భంగా అభినయించిన పశ్చాత్తాపంలో ఒక పద్యం క్రింద ఇస్తున్నాను. ఈ పద్యానికి జవాబుగా అర్జునుడు నీతి బోధ చేశాడు.

౪౫వ పద్యం. సీస పద్యం.
జ్ఞాతుల నందఱఁ జంపితి మది యాత్మ
  వధమ కాదే రాజవర్తనంబు
గాల్పు మహింస నిక్కము దాల్మి మత్సర
    వర్జనమిది వనవాసజనుల
కాగమవిహితంబు లటె యింత యొప్పునే,
   వనమున వసియింప వలయు, వింటె
యసుఖదంబైన రాజ్యామిషంబునకుఁ గు
   క్కల భంగిఁ దమలోనఁ గాటులాడి

తేటగీతి.
కులము నెల్లను బొలియింపఁ గుత్సితంపు
బ్రతుకు వచ్చెనె యను వగ పాలు వడఁగఁ
ప్రమద మొసగదు త్రైలోక్యరాజ్యమైనఁ,
కాన యేనొల్ల మహి మీర కైకొనుండు.

తెలుగు సారం: మనం అంతా మాంసం ముక్కల కోసం కుక్కలు కాట్లాడుకున్నట్లుగా రాజ్యం కోసం కొట్టుకున్నాం. అందుకే ఈకుత్సితం బ్రతుకు వచ్చింది. వగపు వచ్చింది. మూడులోకాలపై ఆధిపత్యం కూడ నాకు సంతోషం ఇవ్వదు. ఈభూమి నంతా మీరే ఉంచుకోండి.

ప్రాధమికంగా ధర్మరాజు మొసలి కన్నీళ్ళకు ధృతరాష్ట్రుడు మొసలి కన్నీళ్ళకు తేడా తక్కువ. అదే విధంగా నరేంద్ర మోడీ మొసలి కన్నీళ్ళకు సోనియా గాంధీ మొసలి కన్నీళ్ళకు కూడ తేడా తక్కువయే.

కొసమెఱుపు

29 సంవత్సరాలు ఎంపీగా పని చేసిన శ్రీకావూరి సాంబశివరావు గారు రైతులకు ''నేనేం చేయాలో చెప్పండి'' అని బహిరంగలేఖ వ్రాశారు.

జవాబులు: నిజంగా నిద్ర పోయే వాడిని లేపచ్చు. నిద్ర పోయినట్లు నటించే వాడిని ఎవరూ లేపలేరు.

కేంద్ర మంత్రివర్గ సమావేశంలో విభజన బిల్లును టేబుల్ ఐటం గా ప్రవేశ పెట్టినప్పుడు, మీరు దానిని అధ్యయనం చేయటానికి రెండు రోజులు సమయం అడిగినపుడు ధృతరాష్ట్ర మన్మోహన్ సింగ్ గారి సమక్షంలోనే మీకు అవమానం జరిగింది. చీమూ నెత్తురు ఉన్నవాడయితే మరల ఆ గుడ్డి ప్రధానమంత్రి, ఆ దుష్ట మంత్రుల ముఖం చూస్తాడా?

29 సంవత్సరాలు ఎంపీగా సేవ చేశారు కదా, ఈసారికి ఇంకొకరికి అవకాశం ఇవ్వండి, అని ప్రజలే నిర్ణయిస్తారేమో.

శ్రీ సుశీల్ కుమార్ షిండే

శ్రీ సుశీల్ కుమార్ షిండే గారు హోం మంత్రిగా ఇంక మీకు కన్పిస్తానో లేదో, ఇదే ఆఖరిసారేమో, అని పోలీసు ఉద్యోగులతో అన్నారుట.

పరిష్కారం: టీ ఆర్ ఎస్, బీజేపీల మధ్య పొత్తు జరిగే అవకాశమున్నదని వార్తలు వస్తున్నాయి. శ్రీవారు టీ ఆర్ ఎస్. టికెట్ పై తెలంగాణ నుండి లోక్ సభకు పోటీ చేసి, గెలిచి, తెరాస కోటాలో, నరేంద్రమోడీ గారి మంత్రివర్గంలో హోం మంత్రి అవవచ్చు. ఇంకా తెలంగాణ ప్రజలకు ఏమైనా సేవలు చేసుకోవాలనుకుంటే తేలికవుతుంది.