120 Don't take water, eat meat only నీళ్ళు తాగద్దు, మాంసం మాత్రమే తినాలి

120 Vivekananda's respect towards cows & vegetarianism

---

చర్చనీయాంశాలు: స్వామి వివేకానంద

స్వామి వివేకానంద గారికి శాకాహారం అన్నా, ఆవులు అన్నా ఎంత గౌరవం ఉండేదో ప్రతి వివేకానంద అభిమాని, గోరక్ష అభిమాని తెలుసుకోటానికి ప్రయత్నించటం అవసరం.

స్వామీజీ భారతీయులకు, 3బీ లు ఉండాలని బోధించేవారు. 1. భగవద్ గీత 2. బైసెప్స్ (కండలు) 3. బీఫ్ (ఆవు మాంసం).

భారతీయులు కండలు లేక పోవటం వల్లనే యుధ్ధాల్లో ఓడిపోయారని, దౌర్బల్యం వల్ల పలు రంగాల్లో వెనుకబడ్డారని, కాబట్టి భారతీయులకి కండ బలం అవసరమని, ఆ కండబలం కావాలంటే బైసెప్స్ వ్యాయామం, మాంససేవనం ఉండాలని స్వామీజీ దృఢనమ్మకం. భారతీయులు తమ పొట్టలను బియ్యంతో నింపటం వల్ల సకల వ్యాధులకు గురి అవుతున్నారని స్వామీజీ బోధన. తన నమ్మకానికి అనుగుణంగా ఆయన షాడ్ చేపలు, తాబేళ్లు, చికెన్, మటన్, వగైరాలు భుజిస్తూ అవి లేనప్పుడు కొంత అసౌకర్యానికి గురి అవుతుండేవారు. వీటికి సాక్ష్యాలు కావలసినవారు స్వామి వివేకానంద జీవిత చరిత్రలను, సంపూర్ణరచనలను కూలంకషంగా పరిశీలించుకోవచ్చు.

ఇక్కడ ఒకే వ్యాసంలో అన్నిటినీ పరిశీలించటం సాధ్యంకాదు, అప్పుడప్పుడు వీలుచిక్కినపుడు చర్చిద్దాం. ఈరోజుకు మచ్చుకు ఒకటి.

ఈఫొటోలో ఉంది ఖేత్రీ సంస్థానానికి రాజు. ఈయన పేరు అజిత్ సింగ్. ఈఖేత్రీ రాజస్థాన్ రాష్ట్రంలో, ఝుంఝున్ను జిల్లాలో ఉన్నది. రాజస్థాన్ లో ఈప్రాంతాన్ని షేకావత్ ప్రాంతం అంటారు. స్వామీజీకి వివేకానందా అనే పేరు ఇచ్చింది ఖేత్రీరాజుగారే. స్వామీజీకి ప్రత్యేక కాషాయ తలపాగ, నడుముకి ప్రత్యేక బెల్టు ఇచ్చింది ఖేత్రీరాజుగారే. శ్రీఅజిత్ సింగ్ గారికి తనకు కలిగిన పుత్రసంతానం స్వామీజీ దయతో కలిగినదే అని నమ్మకం. వివేకానంద అసలు తల్లి భువనేశ్వరి దేవి గారికి నెలకు రూ. 100 భత్యం (ఆనాటి ధరలలో పెద్ద మొత్తమే) ఖేత్రీరాజుగారు ఏర్పాటు చేసారు. ఈఅజిత్ సింగ్ నే, స్వామీజీ 'ఈభూమిపై నాకున్న ఏకైక స్నేహితుడు' అని ప్రకటించారు. తెల్లవాళ్ళకి జపం చేసుకోటానికి, పులితోళ్ళు ఇచ్చి వారితో స్వామీజీ మైత్రి చేసుకోటానికి, ఖేత్రీరాజు గొప్పగా సహకరించేవాడు. ఈఖేత్రీరాజుగారికి చెన్నై ప్రాంత ఊటీనుండి శ్రీవివేకానంద గారు లేఖలు వ్రాశారు.
ఇది ఖేత్రీలో వివేకానంద శ్రీఅజిత్ సింగ్ గారినుండి ఆతిథ్యం పొందిన ప్రదేశ్ కావచ్చు

On our way we had the company of Mr.Ramnath, the charan headmaster of the Jeypore noble's school. He and I had a bout on my first coming out of Khetri years ago, about vegetarianism. He had in the meantime got hold of some American writers and pounced upon me with his arguments from them. His author, he said, has proved to his satisfaction that the human digestive organs including the teeth are exactly like those of the cow. Therefore, man is designed by nature to be a vegetarian animal. He is a very good and nice gentleman and I did not want to disturb his confidence in the American hobbyist but one thing was on the tip of my tongue. If our digestive apparatus is exactly like that of a cow, we ought and must be able to eat and digest grass. In that case poor Indians are fools to die of starvation in famine times while their natural food, grass, is so abundant, and your Highness' servants are fools to serve you while they have only to get up the nearest hillock and get a bellyful of grass instead of undergoing all the trouble of serving others!!! Grand American discovery indeed!!! Only I hope the holy dungs of such human cows may become of great use to the wonderful American author and his Indian disciple. Amen. So much for the cow-human theory.

వైబీరావుగాడిద అభిప్రాయాలు

ఆవు యొక్క దంత నిర్మాణం, మనిషి యొక్క దంతనిర్మాణంలో కొన్ని పోలికలు ఉన్నాయి కాబట్టి మనిషికి శాకాహారం మేలు అని అమెరికన్ లు, రామనాథ్ అనే ఆజైపూర్ నోబుల్ స్కూల్ హెడ్ మాస్టర్ గారు, పొరపాటు పడితే పడి ఉండవచ్చు.
ఇక్కడ ఖేత్రీగారి మెప్పు కోసం వివేకానంద గారు ఆహెడ్ మాస్టారిని ఘోరంగ ఎగతాళి చేయటం అన్యాయం.

కరువు వచ్చినప్పుడు గడ్డితింటే సరిపోదా అని వివేకానంద హేళన చేశారు.

ఒకసారి పెద్దతుఫాను వచ్చి ఆంధ్రప్రదేశ్ లో పంటలన్ని తుడిచిపెట్టుకుపోయాయి. పొలాల్లో గడ్డి భారీగ ఉండటంతో, పాడి, పాలు, పెరుగు దొరికేవిట. కాని ధాన్యం లేకపోటంతో తిండి కరువయ్యిందిట. అపుడు జనం రేగడి మట్టిలో పెరుగు కలుపుకొని తిన్నారట. మన పెద్దలు చెప్తూ ఉంటారు. బియ్యం, గోధుమలు, మొక్కజొన్న, సజ్జ, ఇవన్నీ గడ్డిజాతులే.

మొదట మనిషి శరీర జీర్ణ వ్యవస్థ మాంసాహారానికి అనువుగా రూపొందినప్పటికి, కాలగమనంలో మాంసాహారానికి కొరత వచ్చిగానీ, ఇతర కారణాల వల్లగానీ, శాకాహారానికి అనువుగా జీర్ణవ్యవస్థ పరిణామం పొందటం మొదలయింది. ఇంకా పూర్తికాలేదు. ఇపుడు మనిషి ఆమ్నీవోరస్ అంటే అన్నీ తింటాడు. కార్నీవోరస్ మాత్రమే కాదు. హెర్బీవోరస్ మాత్రమేకాదు.

ఓ మహారాజా, మీ సేవకులు ఇతరులకి సేవకులుగా పడిఉండేకన్నా కొండమీదికెళ్ళి కడుపునిండా గడ్డి తెచ్చుకుంటే సరిపోతుంది కదా అని స్వామీజీ వ్రాయటం ఆయన అపరిపక్వ జ్ఞానాన్ని సూచిస్తుంది.

స్వామీజీ ఈలేఖ 1893లో వ్రాశారు. 1897కల్లా స్వామీజీగారి మధుమేహం (చక్కెర వ్యాధి డయాబెటిస్) బయటపడింది. ఇతర పలు రోగాలు కూడ బయట పడ్డాయి. తన వ్యాధి తగ్గాలంటే, ఇంక నీళ్ళు తాగకూడదని, మాంసాహారం మాత్రమే తీసుకోవాలని స్వామీజి దీక్షపట్టినట్లున్నారు. 26-3-1897 నాడు స్వామీజీ డార్జిలింగ్ నుండి, అమెరికాలోని మిసెస్. ఓల్ బుల్ గారికి వ్రాశారు.

The demonstrations and national jubilations over me are over — at least I had to cut them short, as my health broke completely down. The result of this steady work in the West and the tremendous work of a month in India upon the Bengalee constitution is "diabetes". It is a hereditary foe and is destined to carry me off, at best, in a few years' time. Eating only meat and drinking no water seems to be the only way to prolong life — and, above all, perfect rest for the brain. I am giving my brain the needed rest in Darjeeling, from where I am writing you now.

వైబీరావు గాడిద వ్యాఖ్య

నీతి ఏమిటి? మనకి ఏ జబ్బు వచ్చినా నీళ్ళు తాగకూడదు. మాంసం మాత్రమే తినాలి. కరువు వచ్చినా సరే గడ్డితో తయారయిన బియ్యం, గోధుమలు వంటివి తినకూడదు. ఐస్ క్రీం తినచ్చు.

కుతూహల ప్రశ్న: స్వామీజీ కలకత్తానుండి వ్రాయకుండా డార్జిలింగ్ నుండి ఎందుకు వ్రాస్తున్నారు?

జవాబు: ఓస్ అంతేగా. స్వామీజీకి కూలింగ్ సెంటర్లంటే మక్కువ. ఆల్మోరా, డార్జీలింగ్, ముస్సోరీ, కాశ్మీర్, ఊటీ, ఆల్ప్స్ పర్వతాలు వంటి చల్లటి ప్రదేశాలను మాత్రమే స్వామీజీ ఇష్టపడతారు. అప్పటి కింకా ఏ.సీ. లు రాలేదు. ఇప్పటి స్వామీజీలైతే ఎ.సీ. గదుల్లో సేద తీరుతారు. ఎ.సీ. కార్లలో తిరుగుతారు. మాయవతి ఆల్మోరాలో మంచి ఆశ్రమం నిర్మించుకోవాలని స్వామీజీ కోరిక, విదేశీ శిష్యులు సహకరించనందు వల్ల కుదరలేదు.

119 Service tax on rice

119 Service tax on rice బియ్యం రవాణాపై కేంద్ర ప్రభుత్వ సేవా పన్ను

---

చర్చనీయాంశాలు: taxation, ధరలు, ఆహారం,రవాణా

కేంద్ర ఆర్ధికమంత్రి శ్రీచిదంబరం గొప్ప మేథావి. ప్రజలు ఆహారపదార్ధాల అధిక ధరలతో సతమతమవుతూ ఉండటం అనే విషయంలో శ్రీవారికి సంబంధం ఉండదు. శ్రీ మన్మోహన్ సింగ్ గారి మంత్రివర్గ సభ్యులలో పలువురికి ఈగుణం ఉంది. శ్రీవారికి ఈ బాధా రాహిత్యం (apathy) మరీ ఎక్కువ. ధరల పెరుగుదలను అదుపు చేయటం కేంద్రప్రభుత్వబాధ్యత కాదని శ్రీవారు ఇప్పటికే చెప్పారు.
ఇప్పుడు మరొక అడుగు ముందుకేశారు. బియ్యం వ్యవసాయోత్పత్తి కాదుట. బియ్యం రవాణా వ్యవసాయోత్పత్తుల రవాణా కిందికి రాదట. కాబట్టి బియ్యం రవాణా కంపెనీలు (లారీలు, ట్రక్కర్లు) తాము సంపాదించే డబ్బులపై 12.38% సేవా పన్ను చెల్లించాలిట. ఫుడ్ కార్పొరోషన్, సివిల్ సప్లయిస్ కార్పోరేషన్ మొ|| సంస్థలు లారీలవారినుండి సేవాపన్నుని మినహాయించుకోటానికి సమాయత్తం అవుతున్నాయిట.

క్రూడాయిల్ ధరల పెరుగుదల

అంతర్జాతీయంగా క్రూడ్ ధరలు పెరుగుతున్నాయన్న నెపంతో ఇప్పటికే ఆయిల్ కంపెనీలు డీజెల్ ధరలను ఎప్పటికప్పుడు పెంచేస్తున్నాయి. గజం గజానికీ టోల్ పన్నులతో లారీలవారు ఇప్పటికిప్పుడే ఉక్కిరిబిక్కిరి అవుతున్నారు. ఈగాయలతోనే రోడ్ రవాణా రంగం బ్రతికి బట్ట కట్తుందా కట్టదా అనే అనుమానం వస్తుండగా, బియ్యం రవాణాపై సేవాపన్నును వాయిస్తే, రవాణా సంస్థలవారు తమ కిరాయిలను పెంచేస్తే బియ్యం ధరలు ఆకాశమంటకమానవు. వరదలు, కరువుకాటకాలు, నల్లబజారు తాండవమాడే ఈదేశంలో కొంతవరకు రవాణారంగం బియ్యాన్ని అవసరమైన ప్రాంతాలకు చేరవేయటంలో కీలకపాత్ర వహిస్తున్న విషయం శ్రీ చిదంబరానికి తెలియదా?

మన్మోహన్ సింగ్ గారికి ప్రపంచబ్యాంకు గోలే

మన్మోహన్ సింగ్ గారికి ప్రపంచబ్యాంకు గోలే తప్ప భారతీయుల గోల అసలే పట్టదు.
సోనియా రాహుల్ లకి ఇలాంటి విషయాలను తెలుసుకోవాలనే ఆసక్తే లేదు. మన చాయ్ వాలా నరేంద్ర మోడీగారు
ఏ అస్సోచాం, సీఐఐ, ఫిక్కి వంటి బడాయిలవాళ్ళు సన్మానించి అడిగితే తప్ప ఈవిషయం గురించి ఆలోచించటం కుదరదు.

కాకులను కొట్టి గద్దలకు వేసే పన్నుల వ్యవస్థ

పెట్టుబడిదారీ ప్రజాస్వామ్యమూలసూత్రంలో ముఖ్యభాగం ఏమిటంటే, ప్రభుత్వ నిర్వహణయే ఒకవ్యాపారం. ప్రభుత్వలాభదాయకత ముందు చూసుకోవాల్సిరావటంతో ప్రభుత్వమే అమానుషంగా మారాల్సి వస్తుంది.

మార్క్సిజంలో మెరుగు

మార్క్సిజంలో పరిస్థితి మెరుగుగా ఉంటుంది. ఎందుకంటే ప్రభుత్వాన్ని వ్యాపారంగా నిర్వహించరు.

118 Psoriasis self-care part2

118 Psoriasis self-care part2 చర్చనీయాంశాలు : ఆరోగ్యం, ఆయుర్వేదం, మూలికలు, సోరియాసిస్

సోరియాసిస్ ఉపశమనానికి స్వంత శ్రధ్ధ

ఇంతకు ముందు చేసిన పోస్ట్ కు ఇది ఇంప్రూవ్ మెంట్.

సోరియాసిస్ (బొల్లి) నయం కాదు, అనే ఒక నిరాశాపూరితమైన అభిప్రాయం ఉంది. అది నిజమైనా కాకపోయినా, వైద్యరంగంలో జరుగుతున్న పరిశోథనలను దృష్టిలో ఉంచుకుంటే నిరాశపడ వలసిన అవసరం నాకు కనిపించదు. భయంకర కలరా, మశూచి, పోలియో వంటి వ్యాధులే భారత్ నుండి పారిపోక తప్పలేదు. మన కర్తవ్యం: వ్యాధి ఉపశమనానికి తీసుకోవలసిన జాగ్రత్తలు తీసుకుంటూ, మన ఇతర పనులు ఉత్సాహంగా చేసుకుంటూ ఉండటమే. ఇతరులు ఏమన్నా పట్టించుకోకుండటమే.

డిస్ క్లెయిమర్

నేను వైద్యుడిని గాని, మందులతయారీ దారుని గాని, విక్రేతను గానీ కాదు. జనహితం కోసం సత్యాన్వేషణ చేస్తున్నవాడిని మాత్రమే. కనుక ఇందులో వ్రాస్తున్న విషయాలనువైద్య సలహాలుగా భావించరాదు. అర్హులైన డాక్టర్లతో సంప్రదించుకోటం డబ్బు, సమయం ఉన్నవారికి ఆవశ్యకం. లేనివారి మనశ్శాంతి కొరకు వ్రాస్తున్నాను. కారణాలు
వంశ పారంపర్యమని కొందరి అభిప్రాయం. వత్తిడి (స్ట్రెస్) వల్ల అని మరి కొందరి అభిప్రాయం. సాక్ష్యాలు లేవు. ఎగువ ఊపిరితిత్తుల స్ట్రెప్టోకాకల్ ఇన్ ఫెక్షన్ ల వల్ల కూడ రావచ్చట. క్లోరోక్విన్, క్లోరోప్రొపామైడ్, లిథియం, ప్రాక్టవోల్ వంటి మందుల వల్లకూడ కొన్నిసార్లు ఎక్కువ కావచ్చుట. మెగ్నీషియం లోపం వల్ల వస్తుంది అనే అభిప్రాయం ఉంది.

ముఖ్యంగా ఆకర్షించిన అంశం

ఉపశమనానికి అవిసె విత్తనాల వినియోగం

http://health.india.com/diseases-conditions/treatment-and-self-care-for-psoriasis.
దీనిలో వ్రాసిన సూచనలు ప్రాథమికంగా బాగానే ఉన్నాయి. ఈ హెల్త్.ఇండియా.కామ్ వెబ్ పేజీకి 26 వ్యాఖ్యలు వచ్చాయి. వీటిని చూశాను. వీరందరు బాధితులే. వీరు పరిష్కారాలు కోరుతున్నారు. కొందరు 3 నెలలనుండి బాధపడుతుండగా, ఒకరు 20 ఏళ్ళనుండి బాధ పడుతున్నారు. ఒకరు ఆపిల్ సైడర్ స్వల్పంగా తాగటం గురించి ప్రస్తావించారు.
ఆంగ్లం ఫ్లాక్స్ సీడ్స్. దీనికే మరొక పేరు లిన్ సీడ్ ట. బ్రౌన్, తెలుపు, ఎరుపు రంగులు ఉంటాయి. చిట్కా వైద్యవినియోగం: ఊపిరితిత్తుల ఇన్ ఫెక్షన్లు, విరేచనాలు, కడుపులోమంట, కొన్ని ప్రత్యేక వ్యాధులు(ట).
పైన ఇచ్చిన హెల్త్.ఇండియా.కామ్ లింకులో, అవిసె విత్తనాలకు సంబంధించిన సూచన కోట్ చేస్తున్నాను.

- One home remedy that seems to have helped many people is the intake of flax seeds (Alsi). The omega 3 fatty acids in flax seeds apparently modify the chain of events that cause Psoriasis. Just before breakfast and dinner every day, roast and grind the seeds. Mix with two spoons of water and eat the paste.
షుమారు తెలుగు అనువాదం: చాలమందికి సహాయం చేసినట్లుగా కనిపిస్తున్న ఇంటి దినుసు , అవిసె గింజలను లోపలికి తీసుకోటం. ఈ ఫ్లాక్స్ గింజల్లో ఉన్న ఒమేగా 3 ఫాటీ కొవ్వు ఆమ్లాలు సోరియాసిస్ కు దారితీసే గొలుసుసంఘటనలను మార్పు చేస్తున్నట్లుగా కనిపిస్తున్నది. ఉదయం బ్రేక్ ఫాస్ట్ కు ముందు, రాత్రి డిన్నర్ కు ముందు ప్రతిరోజు ఈగింజలను వేయించి నూరాలి. వీటిని రెండు స్పూన్ల నీళ్ళలో కలిపి పేస్ట్ గా చేసి తినాలి.

ఈవెబ్ పేజీలో ఇచ్చిన కొన్ని సూచనలు

*వైద్యసలహాతో , శరీరం బరువు తగ్గించుకోటం.
*యోగ.
*వాసనలేని షాంపూల వాడకం.
*ఉదయం 9 గంటలముందు, 15 నిమిషాలు సూర్యరశ్మినిపొందటం.
ఫ్లాక్స్ విత్తనాల వినియోగం పై పార్వతిక్రిష్ణన్ అనే న్యూట్రిషన్ ఎక్స్పర్ట్ గారి రైట్ అప్ కు లింకు:
http://health.sify.com/how-to-use-flaxseeds-in-your-diet.
ఈసలహా పని చేసినా పనిచేయకున్నా నా వ్యక్తిగత అభిప్రాయం ప్రకారం, నష్టదాయకం కాకపోవచ్చు. అవిసె గింజలు పెద్ద ఖరీదైనవి కూడ కాదు. ప్రయత్నించి చూడచ్చేమో.

బావంచాలు

సంస్కృతం: బాకుఛీ. హింది: బావాచి. గింజలు తెచ్చి పొడి చేసుకోవచ్చు. పౌడర్ (చూర్ణం) దొరుకుతుంది. టాబ్లెట్ లు కూడ దొరుకుతాయి. రసం తిక్తం(చేదు), కటు (కారం). భావప్రకాశ అనే గ్రంధం, సుశ్రుత సంహిత అనే గ్రంధం ప్రకారం(ట).

ఇంకా, ఇంకా

జూలు అనే ఆఫ్రికన్ తెగ వారి జానపద వైద్యంలో అరటి పండు తొక్కను రుద్దితే ఉపశమనం లభిస్తుందట. సాక్ష్యాలు స్వల్పమే కానీ, ప్రయత్నించినందు వల్ల నష్టం లేదు కాబట్టి ప్రయత్నించ వచ్చు.

బర్ డాక్ వేరు (burdock root) - ముళ్ళతుమ్మ వేరు

ముళ్ళతుమ్మ వేరు, పనిచేస్తుందట. టాబ్లెట్ లు, నూనె దొరుకుతాయి.

ఆముదం , బేకింగ్ సోడా కలిపిన పేస్ట్.

దీనిని, చర్మం పగలకపోతే ప్రయత్నించ వచ్చుట. ఇది చవక కాబట్టి ప్రయత్నిస్తే నష్టం లేదు. ఏక్రీమైనా చర్మం పగిలినపుడు రాయకపోటం మంచిది.

ఆలో వేరా

ఆలోవేరా అనే క్రీం వల్ల రిలీఫ్ ఉంటుంది అంటారు, కానీ సాక్ష్యాలు స్వల్పమే.

చాయన్నె పెప్పర్ అంటే ఎండు మిరపకాయలు.

ఎండు కారం పని చేస్తుందట. ఇది కాప్సాల్ సిన్ జోస్ట్రిక్స్ అనే పేరుతో ఆయింట్ మెంట్ గా దొరుకుతుందట. డబ్బుల్లేనప్పుడు, కొద్దిగా మంట పుట్టినా, ఎండుకారాన్నే స్వల్పంగా ప్రయత్నించవచ్చేమో.

డాండెలైన్ : సింహదంతి.

ఇది పొడిగా కానీ, బిళ్ళలుగా గానీ, యోగం (వేరే వాటిల్లో కలిపిన మిశ్రమం) గాగానీ దొరుకుతుందో లేదో తెలియదు.

వెల్లుల్లి

రక్తాన్ని శుభ్రం చేస్తుందిట. ప్రొద్దున్నే కొద్ది రెబ్బలు తినచ్చుట. ప్రయత్నించతగినదే.

మల్లెపూలు

మల్లెపూలను నూరి బాధిస్తున్న చర్మభాగాలపై రాయచ్చుట.

గుగ్గిలం

పాదరసం వంటి విషపదార్ధాలు కలవని గుగ్గిల ఉత్పత్తులను వాడచ్చు.

వేపనూనె

పనిచేసేవారికి ప్రయత్నించవచ్చు.

పసుపు

లోపలికి, బయటికి కూడ వాడచ్చుట.

బార్ బెర్రి రూట్: మానుపసుపుతో చేసిన టీ

శరీరంలోని విషాలను తగ్గిస్తుందట.

లైకోరైస్ : అతిమధురం తో చేసిన టీ.

వైరస్ లకు వ్యతిరేకంగా పని చేస్తుందట.

కొబ్బరినూనె రుద్దుకోటం

దురదకు ఉపశమనం.

నవకర్షకచూర్ణం

ఇది 11వ శతాబ్దానికి చెందినదిట. దీనిలో వాడబడతున్న మూలికలేవో తెలియటం లేదు. తొమ్మిద మూలికలుంటాయిట. పరిశోథించకుండా వాడటం సమంజసం కాదు.

కాకర రసం, నిమ్మరసం కలిపి తాగటం

అప్పుడప్పుడు చేస్తూఉంటే, ఉపశమనం కలుగుతుందట. బాగానే ఉంది. చవక. ప్రమాదం లేనిది.

బ్లాక్ నైట్ షేడ్ : కామంచి ఆకుల రసం

ప్రయత్నించవచ్చు. ముందు చెట్టును వెతకటమే ఒక సమస్య.

సముద్రస్నానాలు

తరచు సముద్రస్నానాలు చేస్తే ఉపశమనం కలుగుతుందట. చేస్తే గానీ తెలియదు. బాపట్ల, చీరాల, నిజాంపట్నం, విశాఖ, కాకినాడ వంటి ప్రదేశాల్లో ఉండే వారు ప్రయత్నించవచ్చు.

ఎప్సం సాల్ట్ తో స్నానం

ప్రయత్నించవచ్చు. ఇందులో మెగ్నీషియం ఎక్కువగా ఉండటం వల్ల ఉపశమనం కలుగుతుందట. మెగ్నీషియం లోపం వల్ల వచ్చిన సోరియాసిస్ వచ్చినవారికి ఇది పనిచేయవచ్చు. తరువాత ఆలివ్ నూనే రాసుకోవాలిట.

క్యాబేజీ ఆకులు రుద్దుకోటం

ప్రయత్నించి చూడచ్చు. చవక. తేలికగా దొరుకుతాయి. ఆయుర్వేదం ప్రకారం అపథ్యాలు పెరుగు ఎక్కువగా వాడటం. చేపలు, పాలఉత్పత్తులు కలిపి తినకూడదట. నల్లమినుములు ఎక్కువతినకూడదట. పులుపు, ఉప్పు ఎక్కువ తినకూడదుట. ఫ్రిజ్ లో పెట్టి అతిగా ఫ్రీజింగ్ చేసిన వస్తువులు తినకూడదట.

117 Psoriasis self-care

117 Psoriasis self-care సోరియాసిస్ స్వంత శ్రధ్ద

---

చర్చనీయాంశాలు: ఆరోగ్యం, చర్మం,

సోరియాసిస్ (బొల్లి) నయం కాదు, అనే ఒక నిరాశాపూరితమైన అభిప్రాయం ఉంది. అది నిజమైనా కాకపోయినా, వైద్యరంగంలో జరుగుతున్న పరిశోథనలను దృష్టిలో ఉంచుకుంటే నిరాశపడ వలసిన అవసరం నాకు కనిపించదు. భయంకర కలరా, మశూచి, పోలియో వంటి వ్యాధులే భారత్ నుండి పారిపోక తప్పలేదు. మన కర్తవ్యం: వ్యాధి ఉపశమనానికి తీసుకోవలసిన జాగ్రత్తలు తీసుకుంటూ, మన ఇతర పనులు ఉత్సాహంగా చేసుకుంటూ ఉండటమే. ఇతరులు ఏమన్నా పట్టించుకోకుండటమే.

డిస్ క్లెయిమర్

నేను వైద్యుడిని గాని, మందులతయారీ దారుని గాని, విక్రేతను గానీ కాదు. జనహితం కోసం సత్యాన్వేషణ చేస్తున్నవాడిని మాత్రమే. కనుక ఇందులో వ్రాస్తున్న విషయాలనువైద్య సలహాలుగా భావించరాదు. అర్హులైన డాక్టర్లతో సంప్రదించుకోటం డబ్బు, సమయం ఉన్నవారికి ఆవశ్యకం. లేనివారి మనశ్శాంతి కొరకు వ్రాస్తున్నాను.

ఇటీవల చూసిన ఒక లింకు

Click to go to హెల్త్.ఇండియా.కామ్ కు వెళ్ళటానికి
దీనిలో వ్రాసిన సూచనలు ప్రాథమికంగా బాగానే ఉన్నాయి. ఈ హెల్త్.ఇండియా.కామ్ వెబ్ పేజీకి 26 వ్యాఖ్యలు వచ్చాయి. వీటిని చూశాను. వీరందరు బాధితులే. వీరు పరిష్కారాలు కోరుతున్నారు. కొందరు 3 నెలలనుండి బాధపడుతుండగా, ఒకరు 20 ఏళ్ళనుండి బాధ పడుతున్నారు. ఒకరు ఆపిల్ సైడర్ స్వల్పంగా తాగటం గురించి ప్రస్తావించారు.

ఈవెబ్ పేజీలో ఇచ్చిన కొన్ని సూచనలు

*వైద్యసలహాతో , శరీరం బరువు తగ్గించుకోటం.
*యోగ.
*వాసనలేని షాంపూల వాడకం.
*ఉదయం 9 గంటలముందు, 15 నిమిషాలు సూర్యరశ్మినిపొందటం.
ఫ్లాక్స్ విత్తనాల వినియోగం పై పార్వతిక్రిష్ణన్ అనే న్యూట్రిషన్ ఎక్స్పర్ట్ గారి రైట్ అప్ కు లింకు: Click to go to ఫ్లాక్స్ విత్తనాల వినియోగం పై పార్వతిక్రిష్ణన్ అనే న్యూట్రిషన్ ఎక్స్పర్ట్ గారి రైట్ అప్

నన్ను ముఖ్యంగా ఆకర్షించిన అంశం

ఉపశమనానికి అవిసె విత్తనాల వినియోగం

ఆంగ్లం ఫ్లాక్స్ సీడ్స్. దీనికే మరొక పేరు లిన్ సీడ్ ట. బ్రౌన్, తెలుపు, ఎరుపు రంగులు ఉంటాయి. చిట్కా వైద్యవినియోగం: ఊపిరితిత్తుల ఇన్ ఫెక్షన్లు, విరేచనాలు, కడుపులోమంట, కొన్ని ప్రత్యేక వ్యాధులు(ట).
పైన ఇచ్చిన హెల్త్.ఇండియా.కామ్ లింకులో, అవిసె విత్తనాలకు సంబంధించిన సూచన కోట్ చేస్తున్నాను.

...
- One home remedy that seems to have helped many people is the intake of flax seeds (Alsi). The omega 3 fatty acids in flax seeds apparently modify the chain of events that cause Psoriasis. Just before breakfast and dinner every day, roast and grind the seeds. Mix with two spoons of water and eat the paste.
... షుమారు తెలుగు అనువాదం: చాలమందికి సహాయం చేసినట్లుగా కనిపిస్తున్న ఇంటి దినుసు , అవిసె గింజలను లోపలికి తీసుకోటం. ఈ ఫ్లాక్స్ గింజల్లో ఉన్న ఒమేగా 3 ఫాటీ కొవ్వు ఆమ్లాలు సోరియాసిస్ కు దారితీసే గొలుసుసంఘటనలను మార్పు చేస్తున్నట్లుగా కనిపిస్తున్నది. ఉదయం బ్రేక్ ఫాస్ట్ కు ముందు, రాత్రి డిన్నర్ కు ముందు ప్రతిరోజు ఈగింజలను వేయించి నూరాలి. వీటిని రెండు స్పూన్ల నీళ్ళలో కలిపి పేస్ట్ గా చేసి తినాలి.

వైబీరావు గాడిద వ్యాఖ్య

ఈసలహా పని చేసినా పనిచేయకున్నా నా వ్యక్తిగత అభిప్రాయం ప్రకారం, నష్టదాయకం కాకపోవచ్చు. అవిసె గింజలు పెద్ద ఖరీదైనవి కూడ కాదు. ప్రయత్నించి చూడచ్చేమో.

116 Musings on Scholars and Ignoramuses.

116 Who is scholar and who is ignoramus? ఎవరు పండితుడు? ఎవరు శుంఠ? చర్చనీయాంశాలు: bifurcation, విభజన, తెలంగాణ, సీమాంధ్ర, స్వామి వివేకానంద

జైపాల్ రెడ్డి

కేంద్రమంత్రి శ్రీ జైపాల్ రెడ్డి గారి మాటల్లో చూద్దాం:

టంగుటూరి ప్రకాశం పంతులు, బోగరాజు పట్టాభి సీతారామయ్య వంటి ఉద్దండులు పుట్టిన చోట ఇప్పుడంతా పరమ శుంఠలు జన్మించారు.

వ్యాఖ్య:జైపాల్ కూడ ఈగడ్డమీదే పుట్టాడుకదా.

భారత దేశంలో పుట్టినవారు ఎక్కడైనా ఎమ్మెల్యే కావచ్చు, ముఖ్యమంత్రి కూడా కావచ్చు. ఎక్కడో పంజాబ్‌లో పుట్టిన షీలా దీక్షిత్ ఢిల్లీకి మూడు సార్లు ముఖ్యమంత్రి కాలేదా అని ప్రశ్నిస్తూ సీమాంధ్రులకు శక్తి ఉంటే తెలంగాణాకు ముఖ్యమంత్రి కావచ్చు

వ్యాఖ్య: సీమాంధ్రులు తెలంగాణ ముఖ్యమంత్రి కావటం సంగతి అలాఉంచండి. జైపాల్ లాంటి రెడ్డిశ్రీలు, కెసీఆర్ లాంటి వెలమశ్రీలు, ఎప్పటికైనా తెలంగాణలో జన్మించిన బీసీని కానీ, దళితుడిని కానీ ముఖ్యమంత్రి కానిస్తారా? కళ్లుకాయలు కాచేలా వేచి ఉండటమేనా వారు చేయవలసిన పని?

వైబీరావుగాడిద వ్యాఖ్యలు
తిట్లు, శాపనార్ధాలు మామూలుగా చంద్రబాబుగారి రాజకీయపాఠశాలలో నేర్పిస్తారు. ఈవ్యాధి కెసీఆర్ కి ఆయనద్వారా సోనియా రాజకీయపాఠశాలకి వ్యాపించినట్లుగా కనిపిస్తుందికాని, భారతీయలకీ తిట్లరోగం మహాభారత కాలంనుండీ ఉన్నది.
మహాభారతంలో భీముడు, కర్ణుడినుద్డేశించి

నన్నయ ఆంధ్రమహాభారతం, 6వ ఆశ్వాసం, 57వ పద్యం.
తేటగీతి.
ఉత్తమ క్షత్రియ ప్రవరోపయోగ్య
మైన అంగరాజ్యంబు నీ కర్హమగున
మంత్ర పూతమై గురుయజ మాన భక్ష్య
మగుపురోడాశ మదికుక్క కర్హ మగునె.

అప్పటికి భీముడికి కర్ణుడికి లేక పాండవులకు కర్ణుడికి వైరములేదు. అయినా భీముడు కర్ణుడిని తిడ్తున్నాడు. కుక్క యజ్ఞపాయసాన్ని తినటానికి ఎలా అర్హం కాదో నీవు అంగరాజ్యానికి అలా అర్హుడవుకావు , అని భీముడు కర్ణుడిని తిడ్తున్నాడు.

మనం ఈ 150వ జన్మదినోత్సవ శుభసందర్బంలో, తిట్లపురాణంలో స్వామీ వివేకానందగారికి ప్రథమ స్థానం ఇవ్వాలి.

వాళ్ళంతా రాస్కెల్స్, కుచ్చితులు, కలియుగ రాక్షసులు

సందర్భం: స్వామీ వివేకానందగారు, శ్రీహరిదాస్ విహారీదాస్ దేశాయి గారికి లేఖవ్రాశారు. ఈయన, జునాగఢ్ సంస్థానానికి దివాన్. తారీకు: 22.8.1892. వ్రాసింది ముంబాయి నుండి.

"... Poor fellows! Whatever the rascally and wily priests teach them — all sorts of mummery and tomfoolery as the very gist of the Vedas and Hinduism (mind you, neither these rascals of priests nor their forefathers have so much as seen a volume of the Vedas for the last 400 generations) — they follow and degrade themselves. Lord help them from the Raakshasas in the shape of the Brahmins of the Kaliyuga..."

షుమారు సారం: పాపం దరిద్రులు ! రాస్కెల్స్ , మోసగాళ్ళు అయిన పురోహితులు ఏమి బోధించినప్పటికి, చొప్పదంటు కర్మలను, అర్ధరహితమైన ప్రవర్తనను, వేదసారం మరియు హిందుయిజంగా బోధించినప్పటికి, (తెలుసుకోండి, ఈరాస్కెల్స్ అయిన పురోహితులు , వాళ్ళ తాతముత్తాతలు, గత 400 తరాలుగా వేదాలయొక్క ఒకసంపుటంకూడ చూసి ఉండరు). -ఆదరిద్రులు (పురోహితులు బోధించే చెత్తనే) పాటిస్తారు, తమనితాము దిగజార్చుకుంటారు. కలియుగ రాక్షసులైన ఈబ్రాహ్మణులనుండి వారిని ఆభగవంతుడే రక్షించాలి.

వైబీరావు గాడిద వ్యాఖ్య
పురోహితులు రాస్కెల్ స్, కుచ్చితులు, కలియుగ రాక్షసులు. తానేమో గొప్ప ప్రబోధకుడు. పురోహితులు చేసేవన్ని చెత్తపనులు. మరి స్వామీజీ తన ఆఖరురోజుల్లో క్రిస్టీనా గ్రీన్ స్టైడెల్ అనే యువతికి వ్రాసిన లేఖలో ఏమని డబ్బా కొట్టుకున్నారు? ఈదుర్గపూజ సందర్భంగా మేము ఒక మేకను బలి ఇచ్చాం. టపాకాయలు కాల్చాం. తన ప్రాణ రక్షణ కోసం మేకను బలి ఇచ్చే స్వామీజీ చేయించిన పనిని గొప్పపని అనాలా చెత్త పని అనాలా? కానీ బేలూరి మఠ్ వారి అధికారిక వెబ్ సైట్ ప్రకారం, స్వామి వివేకానందా గారి మేకను బలి ఇద్దామంటే, శారదా మాత అంటే రామకృష్ణ పరమహంస భార్య, అరటిపండ్లను నివేదన చేసే ఆచారాన్ని ప్రవేశపెట్టింది. ఈయన గురువుగారు , ఇంకా తెలివైన వాడు. కాళికాదేవికి మేకను బలి ఇస్తే అభ్యంతరంలేదు. కానీ అష్టమినాడు మాత్రమే బలి ఇవ్వాలి. ఆమేక మాంసాన్ని పరమహంసగారు తన నుదుటికి అద్దుకొని ఆరగిస్తారు. ఈపరమహంసగారు గదాధరుడనే బ్రాహ్మణశ్రేష్ఠుడుట.
ఇంకొక ఉదాహరణ: వాళ్ళంతా క్రాంకులు
స్వామి వివేకానంద గారు ఆల్బర్టా సర్జెస్ గారికి వ్రాసినలేఖ. తారీకు 5.12.1895. అట్లాంటిక్ ప్రాంతంలోని ఒక ఓడనుండి వ్రాశారు.

"...In your country, Alberta, the Vedantic thought was introduced in the beginning by ignorant "cranks", and one has to work his way through the difficulties created by such introductions ..."
షుమారు భావం: మీదేశంలో, ఓ ఆల్బర్టా, వేదాంతిక ఆలోచనలను మొదట ప్రవేశపెట్టిన వాళ్ళు అజ్డానులైన క్రాంకులు (పిచ్చివెధవలు). వారిచే ప్రవేశపెట్టబడిని ప్రథమవివరణలలోంచి (introductions) వచ్చే కష్టాల్లోంచి పనిచేసుకుంటూ వెళ్ళాలి.

వైబీరావు గాడిద వ్యాఖ్య
వివేకానందగారి ముందు కొద్దిమంది భారతీయులు అక్కడికి వెళ్ళిన వాళ్ళు తమకు తెలిసిన వేదాంత తత్వవిచారాలను అక్కడివారికి పరిచయం చేయాలని ప్రయత్నించి ఉండవచ్చు. ఆంగ్లభాషా ప్రావిణ్యలేమి వల్లకానీ, వాక్చాతుర్యలేమి వల్లకానీ, వారు అందులో కృతకృత్యులు అయి ఉండకపోవచ్చు. అంతమాత్రానే వారిని క్రాంకులు (పిచ్చివెధవలు) అనాలా. ఈ ఆల్బర్టా అనే అమ్మాయికి వివేకానందా గారు లేఖ వ్రాసిన సమయానికి కేవలం 19 ఏళ్ళే. స్వామీజీ వ్రాసిన వన్నీ నిజమే అని ఆ అమ్మాయి అనుకొని ఉంటుంది. జైపాల్ రెడ్డిగారు సీమాంధ్రనేతలను శుంఠలు అన్నట్లుగా, కొందరైనా తెలంగాణ ప్రజలు నమ్మినట్లుగా.

ఎవరు రెలిజియస్ ఫెనెటిక్ స్ (మత పిచ్చి, అహంకారం కలవారు) ఎవరు కాదు?

భారతీయులలో క్రైస్తవమత ఫెనెటిజం ప్రబలటానికి యూరోపియన్ ల ప్రోత్సాహం, ఇస్లాం మత ఫెనెటిజం ప్రబలటానికి జిన్నా వంటివారు ఎంతకారకులో, హిందూమత ఫెనెటిజం ప్రబలటానికి వివేకానందగారు కూడ అంతే కారకులు అనే విషయాన్ని సర్వశ్రీ సోనియా, మన్మోహన్, మోడీ, అద్వానీ వంటి వారు గ్రహించక పోవటం దురదృష్టకరం. ఫలితంగా, స్వామీజీ 150వ జయంతి ఉత్సవాల ముగింపు సందర్భంగా, సర్వశ్రీ మన్మోహన్, సోనియాల ప్రబోధం వోట్లకొరకు చేసినదో, లేక ఆఉత్సవ నిర్వాహకులు అడిగారు కాబట్టి ఏదో మర్యాదకోసమో చేసినవైనాయి తప్ప, వాస్తవాలు తెలుసుకొని చేసినట్లు కనిపించవు.

ప్రజలలో, పరిశీలకులలో ప్రబలి ఉన్న అభిప్రాయం ఏమిటంటే, కాంగ్రెస్, సమాజవాది, ఆర్ జె డీ, బి ఎస్ పీ వంటి పార్టీలు పరోక్షంగా మైనారిటీ మతతత్వాన్ని పోషిస్తు ఉండగా, బిజెపి మెజారిటి మతతత్వాన్ని పోషిస్తున్నది. ఏపార్టీకా పార్టీ అద్దంలో చూసుకుంటే, తమప్రతిబింబం కనపడుతుంది.

నిజమైన పండితులు, మేధావులు వెలువరించే అభిప్రాయాలకు భారత్ విలువ ఇచ్చేరోజులు రావాలంటే, ప్రజలు పండితులు, మేధావులుగా మారాలి.

శుంఠలు, రాస్కెల్స్, క్రాంకులు, అని తమకు ముందు ఉన్నవారిని, తమపోటీదారులని తిట్టిపోసేవారిని ప్రజలు నమ్మినంతకాలం ఈదేశం బాగుపడదు.

115 herbal cures

115 Six important herbs which every Telugu home should have ప్రత తెలుగు ఇంటిలోనూ ఉండ వలసిన ఆరు ఆయుర్వేద ఔషథమూలికలు

---

చర్చనీయాంశాలు: ఆరోగ్యం, ఆయుర్వేదం, మూలికా వైద్యం, గృహవైద్యం

ఆధునిక వైద్యం

ఆధునిక వైద్యం బడావ్యాపారం గా మారి ప్రతిదానికి స్పెషలిస్టులు, అతి లేబరేటరీ పరీక్షలు, స్కానింగులు, ఎం ఆర్ ఐలు, రక్తం ప్యాకెట్లు కొనటం ఎక్కువయ్యాక, తెలుగు వారి జీవితాలు, ఆరోగ్యకార్డులు ఉన్నా లేకున్నా, దుర్భరంగా మారాయి. ఘరానా ప్రైవేటు హాస్పిటల్ కి నిలువుగా నడుచుకుంటూ వెళ్ళినవాడు అడ్డంగా శవమై ఇంటికి రావటం, ఇళ్ళూ వాకిళ్ళూ పొలాలూ ఆటోలూ తాకట్టుపెట్టుకోటమో, అమ్ముకోటమో జరిగాక, రోగులు, వారి వారసులు వీథిన పడటం చూస్తున్నాము. పక్కింటి వాళ్ళు ఘరానా హాస్పిటల్ కు వెళ్తే మనం వెళ్ళక పోటం అవమానంగా ఫీల్ అవటం అలవర్చుకున్నాము.

హోమియోపతి

హోమియో వైద్యం చూద్దామంటే, అది హుళక్కి అని చాలా మందికి తెలియదు. సైంటిఫిక్ హోమియోపతి, నక్షత్రం హోమియోపతీ అని రకరకాల పేర్లతో ప్రకటనలు విడుదల చేస్తూ బాదుతున్నారు. హోమియో మందులను అతిగా పల్చన చేయటం వలన వాటిలో పంచదార, సారాయి తప్ప వేరేదేమీ ఉండదని చాలా మందికి తెలయదు. తాయిత్తు కట్టించుకోటానికి, హోమియో వాడటానికి తేడా ఏమీ ఉండదని తెలుసుకోవలసిన అవసరం ఉంది. హోమియో వైద్యవిద్యార్ధులు, వైద్యులు ఈవిషయం పై ఆలోచిస్తే మేలే కానీ, ప్రయోజనం ఉండదేమో. ఎందుకంటే, అప్పటికే హోమియో విద్యపై పెట్టుబడి పెట్టటం జరిగి పోతుంది. ఇంక వెనక్కి వెళ్ళటం కష్టమౌతుంది. అందుకనే, హోమియో వైద్యవిద్యార్ధులకు అలోపతి పాఠ్యాంశాలను, ప్రాక్టికల్స్ ను కూడ నేర్పితే వారు అవసరానుగుణంగా అలోపతి మందులను వాడగలుగుతారు.

హోమియో వైద్య విద్య - అలోపతి సబ్జెక్టులు

ఈమధ్య ఆయుష్ శాఖ జాతీయ స్థాయి ఉన్నతాధికారులు హోమియో వైద్య సిలబస్ లో అలోపతి సబ్జెక్టులను చేర్చరాదని నిర్ణయించారట. మహారాష్ట్రలో హోమియో వైద్యులు హోమియో మందులతో పాటు అలోపతి మందులను వాడటం ఎక్కువట. ఆంధ్రప్రదేశ్ లో తక్కువట. నా వ్యక్తిగత అభిప్రాయం అయితే, అత్యవసర పరిస్థితులు వచ్చినపుడు హోమియో వైద్యులు ప్రాథమిక అలోపతి మందులను తక్షణ శమనకాలుగా వాడటానికి అలోపతి సబ్జెక్టును చదవటమే మేలేమో. అలా చదవటం వల్ల, ఎట్టి పరిస్థితులలో పేషెంట్లను అలోపతి పెద్ద స్పెషలిస్టు వైద్యశాలలకు పంపాలో హోమియో వైద్యుడు నిర్ణయించుకో గలుగుతాడేమో. ఈవిషయంలో ఆంధ్రప్రదేశ్ హోమియో వైద్యుల అభిప్రాయం ఏమిటో రిఫరెండం జరగాలేమో.

ఆయుర్వేదం

ఆయుర్వేదం విషయానికి వస్తే ఆమందుల్లో రసవైద్యం డామినేషన్ ఎక్కువ. 76%శాతం మందుల్లో పాదరసం, గంధకం, సీసం, మొ. విష పదార్ధాలతో నిండి ఉండటం వల్ల మన శరీరం క్రమ క్రమంగా విషపూరితం అవుతుంది. ఆసవాల్లో, అరిష్టాల్లో భూమిలో వాసినకట్టుకట్టి 40రోజులు సహజపరిస్థితుల్లో పులిసి ఔషథాల్లో సారాయి అదంతట అదే ఉత్పత్తి(self-generated alcohol) కావాలి. కానీ కొందరు మందుల కంపెనీలవాళ్ళు 40రోజుల దాకా ఆగలేక ప్రభుత్వ కోటాలో వచ్చే ఆల్కాహాల్ ను కలిపేస్తున్నారు. కేరళ పంచకర్మల పేరుతో కూడ పిండుకోటం ఎక్కువైంది.

గృహ మూలికా వైద్యమే దిక్కు

ఈస్థితిలో మనకు కొంత మేరకైనా మూలికా వైద్యం ఇంట్లో వాడే దినుసులు, కాయలు, గింజలు, ఆకులు, పూలు, వేళ్ళు (మూలము అంటే వేరు) మొ. మూలికలే దిక్కుగా మారాయి. ఇవి బజారులో పచారీ కొట్లో చాలా చౌకగా దొరుకుతాయి. రోగాలు తగ్గినా తగ్గక పోయినా సైడ్ ఇఫెక్ట్స్ ఉండవు.

డిస్ క్లైమర్

ఎన్ని జాగ్రత్తలు తీసుకున్నా పొరపాట్లు దొర్లుతు ఉంటాయి. కాబట్టి ఇందులోని విషయాలను నూటికి నూరుపాళ్ళు కరెక్ట్ గా భావించరాదు. అర్హుడైన వైద్యుడు అందుబాటులో లేనపుడు, మనం దుర్భర దారిద్ర్యంతో బాధపడుతున్నప్పుడు, మనం కొన్ని సిధ్ధాంతాలకు కట్టుబడి జీవించాలనుకున్నప్పుడు, ఈచిట్కాలు ఆసరాగా నిలుస్తాయి తప్ప, వీటిని వైద్య సలహాలుగా భావించరాదు. అన్ని వైద్యవిధానాలలో వలెనే, మూలికల వాడకంలోనూ, సమర్ధనలు (claims) ఎక్కువగా ఉన్నాయి. శాస్త్రీయమైన క్లినికల్ రికార్డులు లేవు. ఈవిషయంలో మనం చాల ముందుకు వెళ్ళాలి. అందుకే, చాలా వాటికి నేను క్లెయిమ్స్ చివర 'ట' తగిలించాను. కొన్ని మూలికలను నేను వాడైనా సరే, నిజానిజాలను అనుభవించి ధృవీకరించ దలుచుకున్నాను. అయితే ఒక వ్యక్తికి సత్ఫలితం ఇచ్చిన మూలిక మరొకరికి అంతే సత్ఫలం ఇవ్వాలని లేదు. ఆహార విహారాలలో భేదాలు ఉంటాయి. ఇంటి వాతావరణంలో తేడా ఉంటుంది.

ప్రతి ఇంటిలోను ఉండవలసిన ఆరు ముఖ్యమైన ఆయుర్వేద ఔషథ మూలికలు

కరక్కాయ

మొదటిది కరక్కాయ. సంస్కృతంలో హరీతకి. ఆంగ్లంలో టెర్మినేలియా చెబ్యులా లేక మైరోబాలాన్. కరక్కాయ తల్లి వంటిది, అనే సామెత అతిశయోక్తి కాదేమో. జీర్ణవ్యవస్థ, శ్వాసవ్యవస్థ, మూత్రమండలం. ఆధునిక ఇంగ్లీషు వైద్యంలో వాడే మందులతో పోల్చాలంటే, దీనిని డైయూరెటిక్ కింద లెక్కించ వచ్చు. అంటే మూత్రం సాఫీగా పోయేలా చేస్తుంది. ఆహారనాళంలో (గొంతు, ఈసోఫాగస్ నుండి గుదం వరకు పొట్ట, క్లోమం, కాలేయం, గాల్ బ్లాడర్, స్ప్లీన్, డుయోడినం, జెజునం, చిన్నప్రేవులు, పెద్దప్రేవుల ద్వారా మలాశయం వరకు ఆహారం ప్రయాణించే మార్గం) ఆహారం వేగంగా ముందుకు వెళ్ళటానికి తోడ్పడుతుందిట. మలవిసర్జనకు సహాయం చేయటంలో, దీనికి సునాముఖి తరువాత రెండవ స్థానం ఇవ్వ వచ్చు. పొట్టను శుభ్రం చేయటం వల్ల ఆకలి పెరుగుతుంది. మల విసర్జనకు తోడ్పడుతుంది కాబట్టి , ప్రేగులలో హానికారక బాక్టీరియాను పెరగనివ్వదు, మొలల వ్యాధిని నయం చేస్తుంది అనే అభిప్రాయం ఉంది. శరీరంలో అధికంగా ఉన్న ద్రవాలను ఇది బయటకు పోయేలా చేస్తుంది లేక లోపలే ఆరబెట్తుందిట. బహుశా ఇందుచేతనే, ఇది దగ్గుకి,జలుబుకి మంచి ఉపశమనాన్ని ఇస్తుంది. ఉష్ణవీర్యం కాబట్టి, ఆవునేయితో వాడమని ఒకసలహా ఉంది. కనుక పొడి చర్మంతో బాధపడుతూ, ద్రవాల కొరత శరీరాలు ఉన్నవాళ్ళు కరక్కాయ వాడకపోటం క్షేమం. గర్భిణీ స్త్రీలు కూడ వాడకపోటం మంచిది అనే అభిప్రాయం ఉంది. పూర్వకాలంలో కరక్కాయ అధికంగా వాడబడటంవల్ల, కరక్కాయ వైద్యుడు అని చులకన చేయటం జరిగేదిట. అయితే ఆంగ్లవైద్యంలో లూప్ డైయూరెటిక్స్ కి మంచి స్థానమే ఉంది కాబట్టి, మనం కరక్కాయను మరీ చులకనచేయనవసరం లేదు.

తానికాయ

తానికాయ ఆంగ్లనామం టెర్మినేలియా బెలిరికా. జీర్ణ, శ్వాస వ్యవస్థ. యాంటి హేల్మెంతిక్ అంటే నులిపురుగుల నివారిణి. యాంటి స్పాస్మోడిక్ తెరలుతెరలుగా వచ్చే నొప్పులనివారిణి. యాంటీ పైరెటిక్ అంటే జ్వరనివారిణి. శ్వాస వ్యాథులు దగ్గు , క్షయ , ఆస్తమా , ఎలర్జీల ఉపశమనం. విరేచనాల నివారిణి. లివర్ టానిక్ అంటారు. కేశపోషణి (ట). కంటి చూపు మెరుగు పరుస్తుంది (ట). గుండెజబ్బులకు ఉపశమనం. కరక్కాయ వలెనే కఫాన్ని తగ్గిస్తుంది. సర్పి అనే చర్మ వ్యాధికి ఉపశమనం.

వుసిరికాయ

ఆంగ్లనామం ఫైలాంథస్ ఎంబ్లికా. సంస్కృతం లో ఆమలకం. క్రియాస్థానాలు: జీర్ణ, శ్వాస, రక్తప్రసరణ వ్యవస్థలు. దీనికి ధాత్రి అనే సంస్కృతనామం వల్ల తల్లి అనే భావం ఉంది. కరక్కాయవలెనె, ఇదికూడ సర్వ వ్యాథినివారిణి అనే భ్రమ ఉంది. కాకపోవచ్చు. అయితే పలు వ్యాథులకు పని చేయవచ్చు. చ్యవనప్రాశలో ఒక ముఖ్యదినుసు. హెయిర్ ఆయిల్స్ లో బ్రాహ్మీ అనే మూలికతో కలిపి వాడకం ఎక్కువ. లినోయిక్ ఆమ్లం వల్ల కాలేయ వ్యాథులు తగ్గుతాయిట. వీకీపీడియా ప్రకారం, ఊపిరితిత్తులనుండి రక్తం పడటం తగ్గుతుందట. జాగ్రత్తలు: పిత్తదోషం ఉన్నవారికి, విరేచనాలను కలిగించే అవకాశం ఉందిట.

పిప్పళ్ళు

త్రికటుకాల్లో మొదటిది. కటుకం అంటే కారంగా ఉండే కారంగా ఉండే దినుసు. జీర్ణ, శ్వాస, పునరుత్పత్తి వ్యవస్థలో పని. అనులోమనం అంటే కడుపులోని వాయువులను గుదం ద్వారా బయటకు పంపేది(carminative). నొప్పి శమనకం (analgesic). నులిపురుగుల దమనకం(anthelmintic). లైంగికశక్తిని పెంచుతుందట (aphrodisiac). ఉమ్మిబహిష్కరిణి(expectorant). ఫ్లూ జ్వరశమనకం. కడుపులో పుండ్ల శమనకం. ఆస్తమా శమనకం. జలుబులు, దగ్గులు, మూర్ఛ, గొంతు వ్యాథులు, పక్షవాతం, కీళ్ళనొప్పులు, క్రిమి వ్యాధుల శమనకం. జాగ్రత్తలు: పిత్తాన్ని పెంచుతుంది. కామెర్లవారు, అతివాగుడుగాళ్ళు, వాడకపోటం మేలు.

సొంఠి (సున్నంలో నానబెట్టి ఎండబెట్టిన అల్లం).

త్రికటుకాల్లో రెండవది. జీర్ణ, శ్వాస వ్యవస్థల్లో చర్యలు. అనులోమనగుణం అంటే కడుపులోని వాయువులను గుదం ద్వారా బయటకు పంపేది(carminative). వాంతుల నివారకం (anti-emetic) నొప్పి శమనకం (analgesic). నులిపురుగుల దమనకం(anthelmintic). లైంగికశక్తిని పెంచుతుందట (aphrodisiac). చెమటను పెంచి బయటకు పంపుతుంది (diaphoretic), ఉమ్మిఉత్పత్తిని పెంచి ప్రవహించేలా చేస్తుందిట (sialogogue). ఉమ్మిబహిష్కరిణి(expectorant). ఫ్లూ జ్వరశమనకం. కడుపులో పుండ్ల శమనకం. ఆస్తమా శమనకం. జలుబులు, దగ్గులు, మూర్ఛ, గొంతు వ్యాథులు, పక్షవాతం, కీళ్ళనొప్పులు, క్రిమి వ్యాధుల శమనకం. పటికబెల్లం తో వాడినపుడు పిత్త శమనకంట. తేనెతో వాడితే కఫశమనకం ట. అల్లం రసాన్ని బొడ్డుపై రుద్దుకుంటే, విరేచనాలనుండి ఉపశమనం కలుగుతుందట. యాంటీ కోయాగ్యులెంట్, (రక్తాన్ని గడ్డ కట్టకుండా చేసి రక్తాన్ని పల్చగా ఉంచేది). సుగుణం: రక్తనాళాల్లో అడ్డంకులవల్ల గుండె జబ్బులు, బీపీలతో బాధపడేవాళ్ళకి ఇది ఉపయోగపడాలి.

మిరియాలు

త్రికటుకాల్లో మూడోది. దీపనం అంటే ఆకలిపెంచేది. అనులోమనగుణం అంటే కడుపులోని వాయువులను గుదం ద్వారా బయటకు పంపేది(carminative). కఫహరం అంటే కఫాన్ని తగ్గించేది. ఊపిరితిత్తులు కఫంతో నిండినపుడు శమనం కలిగిస్తుందిట (decongestant) పిత్తాన్ని తగ్గిస్తుందా అనే విషయంలో, భిన్నాభిప్రాయాలు కనిపిస్తున్నాయి. ముఖదుర్గంధహరం అంటే నోటి దుర్వాసన తగ్గించేది. వస్తిశోధకం అంటే మలాశయాన్ని శుభ్రం చేసేది. పాచకం అంటే జీర్ణక్రియలో సహకరించేది. రుచ్యం అంటే నోటి అరుచితగ్గించి రుచిని పెంచేది. కీళ్ళనొప్పుల శమనకం. ఫ్లూ జ్వరశమనకం. కొవ్వుని, లావుని తగ్గిస్తుందట.

(ఈబ్లాగ్ పోస్ట్ ను రివైజ్ చేయవలసి ఉన్నది).