093 కెసీఆర్ యముడిని ప్రత్యేక తెలంగాణ నరకం సృష్టించమని అడుగుతాడు. KCR will ask for a separate telangANA hell in main hell!

93

కెసీఆర్ యముడిని ప్రత్యేక తెలంగాణ నరకం సృష్టించమని అడుగుతాడు. KCR will ask for a separate telangANA hell in main hell!

---

చర్చనీయాంశాలు: bifurcation, విభజన, తెలంగాణ, సీమాంధ్ర

Main hell is India. We can compare India to a train. Andhra Pradesh is an unreserved second class bOgi. Today telangANA is one compartment and SImAndhra is another compartment in AP. Tomorrow, there will be a separate telangANA coach and SImAndhra coach. If Center can give two big unreserved coaches, we can welcome it. But Sonia mAta is cutting one unreserved coach into two cells/shells with a saw. KCR will ask this arrangement in hell also.

ముఖ్యమంత్రి కిరణ్ కుమార్ రెడ్డిగారికి ఇంగిత జ్ఞానం లేదని, రాజ్యాంగం అంటే కనీస అవగాహన లేదని కెసీఆర్ గారు అన్నారు. నిజమేనా?

జవాబు: కెసీఆర్ గారికి ఉన్నదా!

లోక్ సత్తా అధ్యక్షుడు జయప్రకాశ్ నారాయణకు రాజ్యాంగ రచయిత బీ.ఆర్.అంబేద్కర్ కన్నా ఎక్కువ తెలివితేటలున్నాయా అని కెసీఆర్ ప్రశ్నించారు. దీన్ని ఏమనాలి?

జవాబు: జయప్రకాశ్ నారాయణకు ఉన్నాయో లేవో కానీ, కెసీఆర్ కు ఉండచ్చు. లేదా ఆయన దృష్టిలో నిజాం నవాబుకు ఉండచ్చు.

సీమాంధ్ర పాలకులు చేసిన తప్పులు పొరపాట్ల వల్లనే ఇప్పుడు రాష్ట్రం విడిపోయే పరిస్థితి వచ్చిందని కెసీఆర్ అన్నారు. నిజమేనా?

సీమాంధ్రా పాలకులే కాదు , అఖిలభారత పాలకులు కూడ కలిసి చేసిన తప్పులు. అందరు కలసి హైదరాబాదుపై లక్షల కోట్లు వెచ్చించి మిగిలిన తెలుగు పట్టణాలను, గ్రామాలను ఘోరంగా నిర్లక్ష్యం చేశారు. ఫలితంగా ఇపుడు కెసీఆర్ కు హైదరాబాదుకు 21వ శతాబ్దనిజాంగా ఆవిర్భవించాలని కోరిక పుట్టింది. ఆయనకు తెలంగాణ సుదూర చిన్న పట్టణాలు, గ్రామాలపై ప్రేమ లేదు. కెసీఆర్ తెలంగాణ ఏర్పడ్డాకైనా తెలంగాణ సుదూర చిన్న పట్టణాలు, గ్రామాలపై దృష్టి పెట్తే మేలు. జరగబోయేది, క్రొత్త తెలంగాణా రాష్ట్రంలో, హైదరాబాదుపై పెత్తనానికి, తెలంగాణ స్థానిక నేతలైన శ్రీ దానం నాగేంద్ర, గౌడ్ లు, యాదవ్ లు మధ్య, ఉత్తర తెలంగాణ నంబర్ 1 భూకులం, దక్షిణ తెలంగాణా భూకులం నంబర్ 2 మధ్య కుమ్ములాట మొదలవుతుంది.

అలంపురంనుండి భద్రాచలం వరకు సీమాంధ్ర ప్రాంతం నుండి వచ్చిన వారున్నారని, ఆంధ్రనేతలు ఇప్పుడు విషబీజాలు నాటవద్దని శ్రీ కెసీఆర్ గారన్నారు. దీన్ని ఏమనాలి?

సీమాంధ్రనేతలకు కెసీఆర్ ఆ అవకాశం ఎక్కడిచ్చాడు. ఆవిషబీజాలు నాటే పనిని కెసీఆర్ గారే గుత్తకు తీసుకున్నారు. అంతేకాదు, సీమాంధ్రనుండి తెలంగాణాకు తరలి వెళ్ళిన వారిలో పలువురు, నేడు ఫక్తు తెలంగాణ సమర్ధకులుగా మారి తెలుగు ప్రజలలో విషబీజాలను నాటే పనిలో కెసీఆర్ గారికి తోడ్పడుతున్నారు. సెటిలర్లలో కెసీఆర్ రగిలించిన అభద్రతా భావం, వారి స్థానిక స్వార్ధాలు దీనికి కారణం కావచ్చు. కెసీఆర్ పూర్వీకులుకూడ శ్రీకాకుళంనుండి తెలంగాణకు వలస వెళ్ళిన వాళ్ళే. ఇపుడు, కేసీఆర్ అలంపురంనుండి భద్రాచలం వరకు సీమాంధ్ర ప్రాంతం నుండి వెళ్ళిన సెటిలర్లను పరోక్షంగా బెదిరిస్తున్నట్లు మనం గుర్తించాలి. రిజర్వేషన్ లేని జనరల్ రైలు పెట్టెలో ముందు ఎక్కి తువ్వాలు పరచుకున్నవాడు, కొత్తవాళ్ళు ఎక్కకుండా, తలుపులు మూసేయాలంటాడు. ఒక్క అంగుళంకూడా జరగడు. పెట్టె మొత్తం నాదే అంటాడు.

కెసీఆర్ కి అన్నీ పాకిస్థాన్ సృష్టికర్త జిన్నా లక్షణాలు కదా. అన్ని హామీలు ఇచ్చినట్లు కనిపిస్తాడు కానీ అన్నీ కపటం హామీలే.

మద్రాసు నుండి ఆంధ్రా రాష్ట్రం విడిపోయినపుడు ఆనాటి మద్రాసులో ఆంధ్రులు ఒక్కరోజు కూడ ఉండవద్దని రాజాజీ ఆగ్రహం వ్యక్తం చేశారని, కేసీఆర్ గుర్తు చేశారు. దీన్నేమనాలి?

రాజాజీ గారు నిజంగా అలా అన్నారో లేదో తెలియదు. అని ఉంటే, ఆయనకు శ్రీ ప్రకాశంగారి మీద ఉన్న అక్కసు వల్ల అలా అని ఉండవచ్చు. రాజాజీ గారికి, ప్రకాశంగారికి ఉన్న వివాదాలకు, --- కెసీఆర్ కు చంద్రాబాబునాయుడు గారికి ఉన్న వివాదాలకు కొన్ని పోలికలున్నా , నాటి స్వాతంత్ర్య యోధులైన రాజాజీ, ప్రకాశంలను --- నేటి వెన్నుపోటుదారులైన కెసీఆర్ - బాబు లను ఒకే గాట ఎలా కట్టేయ గలం?

పరోక్షంగా ఇక్కడ, కెసీఆర్ గారు హైదరాబాదు లోని సీమాంధ్రులకు చేస్తున్న హెచ్చరిక ఏమిటంటే, 'మీరు హైదరాబాదులో ఒక్కరోజుకూడ ఉండవద్దనే.'

గవర్నర్ కు ప్రత్యేకాధికారాలు ఉండద్దని కెసీఆర్ గారు అన్నారు. దీన్నేమనాలి?

హైదరాబాదులోని సీమాంధ్రుల భద్రత తన దయా దాక్షిణ్యాలపై ఆధారపడి ఉండాలని కెసీఆర్ కోరిక. అందరు తెరాసకు రక్షణ సుంకం చెల్లించాలని ఆయన అభిప్రాయం కావచ్చు. గవర్నర్ తానే సుంకాలను వసూలు చేసుకోటం ప్రారంభిస్తే? ఒక ఒరలో రెండు కత్తులు ఇమడవు కదా.

ఇప్పుడున్న హైకోర్టును హైదరాబాదుకు ఇచ్చేసి ఆంధ్రలో మరో హైకోర్టును ఏర్పాటు చేయటమే మంచిది. హైకోర్టులోని న్యాయవాదులు ఇప్పటికే నిట్ట నిలువుగా చీలీపోయారు. అని కెసీఆర్ గారు అన్నారు. దీన్నేమనాలి?

కెసీఆర్ అడిగినా అడగక పోయినా, ప్రత్యేక హైకోర్టు కాలగమనంలో ఎలాగో ఏర్పడుతుంది. కెసీఆర్ లో కొద్ది నెలలు, లేదా ఒకటి రెండేళ్ళు ఓర్చుకునే శక్తి కూడా లేదు. కెసీఆర్ కాలధర్మం చెంది యముడి ముందుకు వెళ్ళినా, నరకంలో ప్రత్యేక తెలంగాణ నరకం ఇవ్వమని అగ్నిగుండాలు సృష్టిస్తాడు. యముడు , సోనియా గాంధీని, దిగ్గీని, శ్రీ నారాయణను, శ్రీ విద్యాసాగర్ రావును సలహాలడగాల్సి వస్తుంది.

కెసీఆర్ చేసిన ఇతర డిమాండ్ల సంగతి ఏమిటి?

ఇది అంతం కాదు ఆరంభం మాత్రమే. సోనియా రాజ్యం పోయి మోడీ రాజ్యం వస్తే, శ్రీకిషన్ రెడ్డి, కెసీఆర్ లు మార్చుకోబోయే వ్యాఖ్యానాలను మనం హైదరాబాదు తెరపై చూడాలి.

92 What Draupadi and Subhadra have done during their picnic? ద్రౌపది, సుభద్రలు పిక్నిక్ కు వెళ్ళి ఏమి చేశారు?

---

చర్చనీయాంశాలు: mahabharata, మహాభారతం, వ్యాసుడు, నన్నయ, పద్యకవిత్వం

నన్నయ ఎండా కాలాన్ని ఎలా వర్ణించాడు? (ఈపద్యాన్ని దాచుకొని ఎండాకాలంలో చదువుకుంటే రమ్యంగా ఉంటుంది.

శ్రీమదాంధ్రమహాభారతం, అష్టమాశ్వాసము, 225వ పద్యం.

చంపకమాల.
ఉరుతర దావ పావక శిఖోత్కలిత శ్వసనంబులున్ సితే
తర గతి తీవ్ర తిగ్మ కర ధామ సహస్రములున్ బహు ప్రవా
హరహిత నిమ్నగాతతులు నై కడు దీర్ఘములై నిదాఘవా
సరములు సర్వజీవుల కసహ్యము లయ్యెను దారుణంబులై.

ఇందులో అసహ్యం అనే పదానికి ఆనాటి అర్థం గమనించండి. ఎండలు సహింపరానివి అంటే భరించలేనంత ఎక్కువగా ఉన్నాయి అనే మధ్యస్థాయి అర్ధం. నేడు అసహ్యం అనే అర్ధానికి despicable, abominable అనే నీచార్ధం ఎక్కువవాడుకలోకి వచ్చింది.

ఉదాహరణ: పాయఖానాలు అసహ్యంగా, అశుభ్రంగా ఉండే రాష్ట్రాలలో ఆంధ్రప్రదేశ్ కి దేశంలో మూడవ స్థానం.

మహాభారతంలో సందర్భం: సుభద్రార్జునుల వివాహం అయి పోయింది. అభిమన్యుడు పుట్టాడు. ద్రౌపదికి ఉపపాండవులు పుట్టారు. శ్రీకృష్ణుడు ఇంద్రప్రస్థంలోనే ఉన్నాడు. ఎండలు మండి పోతున్నాయి. అర్జునుడు శ్రీకృష్ణుడితో పిక్నిక్ కి వెళ్దామని ప్రతిపాదిస్తున్నాడు. దీని తరువాతనే ఖాండవ దహన ఘట్టం వస్తుంది. అర్జునుడు అంటున్నాడు, నన్నయ ఎంత సుందరంగా వర్ణించాడో చూడండి.

చంపకమాల.
జలరుహనాభ రమ్యగిరి సాను వనంబుల వేటలాడుచున్
జలుపుదమీ నిదాఘ దివసంబుల నీవును నేనున్ ఉన్మిష
న్సలిల రజ స్సుగంధి యమునా హ్రద తుంగ తరంగ సంగతా
నిల శిశిర స్థలాంతర వినిర్మిత నిర్మల హర్మ్య రేఖలన్.

జలరుహనాభ = పద్మనాభం, అంటే కృష్ణుడు. రమ్యగిరి సాను వనంబులు అంటే అందమైన పర్వతలోయలలో ఉండే అడవులు. వేటాడుతూ రోజులు గడుపుదాము. (ఆరోజుల్లో అదే పని షికారీ. క్రూరజంతువులనుండి ప్రజలను రక్షించటం అనే మిష ఉంటుంది. తిరుమల శ్రీవేంకటేశ్వరుడు కూడ పారువేటకు వెళ్తాడు).

ఆకాలంలో ఎ.సీ.లా పాడా! ఇపుడు కెసీఆర్ మొదలగు నేతలకు ఫారమ్ హౌస్ లు ఉన్నట్లు, ఆరోజుల్లో నదీతీరాల్లో, అడవుల అంచుల్లో రాజులకు భవనాలు ఉండేవి. (భరత్ పూర్ , రాజస్థాన్ రాజప్రాసాదాలు సరస్సుల మధ్యలో ఉన్నట్లుగా. అవి నేడు 5స్టార్ హోటళ్ళుగా మార్చబడ్డాయి).

ఇక్కడ అద్భుతమైన సమాసాన్ని నన్నయ వాడాడు. 'ఉన్మష స్సలిల రజ స్సుగంధి యమునా హ్రద తుంగ తరంగ సంగతా నిల శిశిర స్థలాంతర వినిర్మిత నిర్మల హర్మ్య రేఖలన్.' వచనం.
అని పురందరనందనుండు, గోవిందు ననుమతంబు వడసి మిత్రామాత్య భృత్యసమేతులయి యిద్దఱు నరిగి యథారుచి ప్రదేశంబుల విహరించుచు నొక్కనాఁడు ఖాండవ వన సమీపంబున నొక్క చందనలతా భవన చంద్రకాంత వేదికయందు మందశీతల సురభి మారుతం బనుభవించుచు నిష్ట కథావినోదంబుల నుండునంత.

వైబీరావు గాడిద వ్యాఖ్య

వ్యాసుడి ప్రకారం, ఈపిక్నిక్ కు గోవిందుడితో పాటు సత్యభామ , అర్జునుడితో పాటు ద్రౌపది, సుభద్రలు కూడా వెళ్ళారు.
ఇక్కడ నన్నయ ప్రకారం, గోవిందార్జునులు మిత్రామాత్య సమేతులయి మిత్రామాత్య సమేతులయి భవన చంద్రకాంత వేదికయందు మంద శీతల సురభిమారుతంబనుభవించుచు , అంటున్నాడు. సత్యభామ, ద్రౌపది, సుభద్ర సంగతి చెప్పటంలేదు. (మన్మోహన్ సింగ్ గారు విదేశాలకు పిక్నిక్ లకు వెళ్ళినపుడు, శ్రీమతి సింగ్ గారిని తీసుకు వెళ్తున్నారా లేదా?

నన్నయ ద్రౌపదీ సుభద్రల మద్యపానాన్ని ఎందుకు దాటేశాడు? రాజరాజ నరేంద్రుడికి కోపం వస్తుందనా? కాకపోవచ్చు. నన్నయ ప్రసన్న కథాకలితార్ధయుక్తి పరుడు కదా.

సంస్కృత వ్యాస మహాభారతం, ఆదిపర్వం, 234వ ఆధ్యాయం, 34వ శ్లోకం.

1-248-13 (10787) తతః కతిపయాహస్య బీభత్సుః కృష్ణమబ్రవీత్। ఉష్ణాని కృష్ణ వర్తంతే గచ్ఛావో యమునాం ప్రతి॥
1-248-14 (10788) సుహృజ్జనవృతౌ తత్ర విహృత్య మధుసూదన। సాయాహ్నే పునరేష్యావో రోచతాం తే జనార్దన॥
1-248-15 (10789) వాసుదేవ ఉవాచ। 1-248-16x (1315) కుంతీమాతర్మమాప్యేతద్రోచతే యద్వయం జలే। సుహృజ్జనవృతాః పార్థ విహరేమ యథాసుఖం॥
1-248-16 (10790) వైశంపాయన ఉవాచ। 1-248-17x (1316) ఆమంత్ర్య తౌ ధర్మరాజమనుజ్ఞాప్య చ భారత। జగ్మతుః పార్థగోవిందౌ సుహృజ్జనవృతౌ తతః॥
1-248-17 (10791) `విహరన్ఖాండవప్రస్థే కాననేషు చ మాధవః। పుష్పితోపవనాం దివ్యాం దదర్శ యమునాం నదీం॥
1-248-18 (10792) తస్యాస్తీరే వనం దివ్యం సర్వర్తుసుమనోహరం। ఆలయం సర్వభూతానాం ఖాండవం ఖడ్గచర్మభృత్॥
1-248-19 (10793) దదర్శ కృత్స్నం తం దేశం సహితః సవ్యసాచినా। ఋక్షగోమాయుశార్దూలవృకకృష్ణమృగాన్వితం॥
1-248-20 (10794) శాఖామృగగణైర్జుష్టం గజద్వీపినిషేవితం। శకబర్హిణదాత్యూహహంససారసనాదితం॥
1-248-21 (10795) నానామృగసహస్రైశ్చ పక్షిభిశ్చ సమావృతం। మానార్హం తచ్చ సర్వేషాం దేవదానవరక్షసాం॥
1-248-22 (10796) ఆలయం పన్నగేంద్రస్య తక్షకస్య మహాత్మనః। వేణుశాల్మలిబిల్వాతిముక్తజంబ్వాంరచంపకైః॥
1-248-23 (10797) అంకోలపనసాశ్వత్థతాలజంబీరవంజులైః। ఏకపద్మకతాలైశ్చ శతశశ్చైవ రౌహిణైః॥
1-248-24 (10798) నానావృక్షైః సమాయుక్తం నానాగుల్మసమావృతం। వేత్రకీచకసంయుక్తమాశీవిషనిషేవితం॥
1-248-25 (10799) విగతార్కం మహాభోగవితతద్రుమసంకటం। వ్యాలదంష్ట్రిగణాకీర్ణం వర్జితం సర్వమానుషైః॥
1-248-26 (10800) రక్షసాం భుజగేంద్రాణాం పక్షిణాం చ మహాలయం। ఖాండవం సుమహాప్రాజ్ఞః సర్వలోకవిభాగవిత్॥
1-248-27 (10801) దృష్టవాన్సర్వలోకేశ అర్జునేన సమన్వితః। పీతాంబరధరో దేవస్తద్వనం బహుధా చరన్॥
1-248-28 (10802) సద్రుమస్య సయక్షస్య సభూతగణపక్షిణః। ఖాండవస్య వినాశం తం దదర్శ మధుసూదనః॥
' 1-248-29 (10803) విహారదేశం సంప్రాప్య నానాద్రుమమనుత్తమం। గృహైరుచ్చావచైర్యుక్తం పురందరపురోపమం॥
1-248-30 (10804) భక్ష్యైర్భోజ్యైశ్చ పేయైశ్చ రసవద్బిర్మహాధనైః। మాల్యైశ్చ వివిధైర్గంధైస్తథా వార్ష్మేయపాండవౌ॥
1-248-31 (10805) తదా వివిశతుః పూర్ణం రత్నైరుచ్చావచైః శుభైః। యథోపజోషం సర్వశ్చ జనశ్చిక్రీడ భారత॥
1-248-32 (10806) స్త్రియశ్చ విపులశ్రోష్ణ్యశ్చారుపీనపయోధరాః। మదస్ఖలితగామిన్యశ్చిక్రీడుర్వామలోచనాః॥
1-248-33 (10807) వనే కాశ్చిజ్జలే కాశ్చిత్కాశ్చిద్వేశ్మసు చాంగనాః। యథాదేశం యథాప్రీతి చిక్రీడుః పార్థకృష్ణయోః॥
1-248-34 (10808) వాసుదేవప్రియా నిత్యం సత్యభామా చ భామినీ। ద్రౌపదీ చ సుభద్రా చ వాసాంస్యాభరణాని చ।
ప్రాయచ్ఛంత మహారాజ స్త్రీణాం తాః స్మ మదోత్కటాః॥
1-248-35 (10809) కాశ్చిత్ప్రహృష్టా ననృతుశ్చుక్రుశుశ్చ తథా పరాః। జహసుశ్చ పరా నార్యః పపుశ్చాన్యా వరాసవం॥
1-248-36 (10810) రురుధుశ్చాపరాస్తత్ర ప్రజఘ్నుశ్చ పరస్పరం। మంత్రయామాసురన్యాశ్చ రహస్యాని పరస్పరం॥

స్వర్గీయ కిషోర్ మోహన్ గంగూలీ గారి ఆంగ్లానువాదం, స్వల్ప మార్పులతో.

After a few days, Bibhatsu (Arjuna), addressing Krishna, said, ‴summer days have set in, O Krishna! Therefore, let us go to banks of Yamuna. O slayer of Madhu, sporting there in company of friends, we will, O Janardana, return inevening‴.

Krishna said, ‴O son of Kunti, this is also my wish. Let us, O Partha, sport in waters as we please, in company of friends. having consulted thus with each other, Partha and Govinda, with Yudhishthira‴s leave, set out, surrounded by friends.

Reaching a fine spot (on banks of Yamuna) suitable for purposes of pleasure, overgrown with numerous tall trees and covered with several high mansions that made place look like celestial city and within which had been collected for Krishna and Partha numerous costly and well-flavoured viands and drinks and other articles of enjoyment and floral wreaths and various perfumes, party entered without delay inner apartments adorned with many precious gems of pure rays.

Entering those apartments, everybody, began to sport, according to his pleasure. women of party, all of full rotund hips and deep bosoms and handsome eyes, and gait unsteady with wine began to sport there at command of Krishna and Partha. Some amongst women sported as they liked in woods, some in waters, and some within mansions, as directed by Partha and Govinda.

Draupadi and Subhadra, exhilarated with wine, began to give away unto women so sporting, their costly robes and ornaments. some amongst those women began to dance in joy, and some began to sing; some amongst them began to laugh and jest, and some to drink excellent wines. Some began to obstruct one another‴s progress and some to fight with one another, and to discourse with one another in private.

వైబీరావు గాడిద వ్యాఖ్యలు

చివరిలో గమనించండి. ద్రౌపది, సుభద్రలు వైన్ ఎక్కువై తమ శరీరాలపై ఉన్న బట్టలను, నగలను పరిచారికలకు ఇవ్వటం ప్రారంభించారు.

ఆనాటి రాచరిక స్త్రీలకు ఆమాత్రం మద్యం లేకపోతే పరిచారికల బ్రతుకులు మరీ దరిద్రం అవుతాయి.

---

21వ శతాబ్దం.
నేటి నేతల, వాణిజ్యవేత్తల, ఉన్నతాధికారులను, సినీ నట-నిర్మాత-దర్శకులను, వారి భార్యలను చూడండి. హైదరాబాదులో, ఢిల్లీలో పబ్బుల్లో , క్లబ్బుల్లో తాగి తందనాలాడి అక్కడే దొర్లటం, విశృంఖల లైంగిక చర్యలకు పాల్పడటం, తిరుగు ప్రయాణాల్లో ఖరీదైన కార్లు అతివేగంగా తోలుతూ ఫుట్ పాత్ లపై నిద్రిస్తున్నవారిని పచ్చడి చేయటం, ఎంత మార్పు. వీళ్ళు ఇళ్ళల్లో గ్రామాలనుండి తెచ్చుకున్న మైనర్ బాలబాలికలకు తమ బట్టలను నగలను ఇవ్వటమా? ఎన్నటికి జరగదు.

091 What will be the impact of Congress defeat on Andhra Pradesh? ఐదురాష్ట్రాల ఎన్నికల్లో కాంగ్రెస్ ఘోర పరాజయం ప్రభావం ఎలా ఉండచ్చు?

---

చర్చనీయాంశాలు: రాష్ట్ర రాజకీయం, దేశరాజకీయం, కాంగ్రెస్, బిజెపి, జగన్


ఎగ్జిట్ పోల్స్ నిజమయ్యాయి. తమ పరాజయం నిశ్చయమని సోనియా, రాహుల్ లకు ముందే తెలుసనుకోవాలి.

ఉత్తరాది మొత్తం లో కాంగ్రెస్ గల్లంతయితే, తెరాస సహాయం అవసరం అవుతుంది అని ఆమె నిర్ధారణకు రాబట్టే, ఆమె తెరాస, టీలీడర్ల గొంతెమ్మ కోరికలకంగీకరించి సీమాంధ్ర నేతలను పూచికపుల్లల్లా తీసి పారేసింది. ఇప్పుడు తెరాసను విలీనం చేసుకొని గానీ, పొత్తు (రహస్య లేక బహిరంగ) పెట్టుకొని గానీ తెలంగాణలో కాంగ్రెస్ ఊరట పొందుతుంది.

తెలంగాణలో బిజెపి కాంగ్రెస్ ను మూడవ స్థానానికి నెట్టదా? తెలంగాణలో మోడీ కెరటం ఉండదా?

ఉండకూడదనేమీ లేదు. మధ్యప్రదేశ్, రాజస్థాన్, ఛత్తీస్ గఢ్ స్థాయిలో, తెలంగాణ రాష్ట్రంలో హిందూ మత పిచ్చి లేదు. రాష్ట్రంలో మతమార్పిడీ భారీస్థాయిలో జరిగి పోయింది. కాగితంమీద హిందువుల సంఖ్య అధికంగానే ఉన్నా, వాస్తవంగా అన్యమత వోటర్లు కూడ భారీగానే పెరిగారు. తెరాసనేత యజ్ఞాలు యాగాలు చేయించటం బిజేపి ప్రభావాన్ని తగ్గించేందుకే.

ధరల పెరుగుదల, అవినీతితో అసంతృప్తి చెందిన తెలంగాణ వోటర్లు ఎవరికి వోటు వెయ్యాలి? ఇక్కడ ఆం ఆద్మీ పార్టీ లేదు కదా?

2014 ఎన్నికలకు సంబంధించినంత వరకు, తెలంగాణ వోటర్లు ప్రత్యేక తెలంగాణను సమర్ధించిన పార్టీలకే వోటు వేస్తారని మనం నమ్మవచ్చు. అవినీతితో అసంతృప్తి చెందిన వాళ్ళు, బిజెపీకి వోటు వేసే అవకాశం ఉంది. ఇది తెలంగాణ టీడీపీని, జగన్ పార్టీని దెబ్బ తీయవచ్చేమోకానీ తెరాసను, కాంగ్రెస్ ను దెబ్బతీయదు.

మరి తెలంగాణ సీపీఐ సంగతేమిటి?

అది ఒక పులుసులో ముక్క. తెరాసతో, కాంగ్రెస్ తో అది పొత్తులు పెట్టుకోకపోతే కదా.

సీమాంధ్రలో పరిస్థితేమిటి?

విభజనలో జరిగిన అన్యాయం, ధరల పెరుగుదల, ఏకారణంతో చూచినా కాంగ్రెస్ తుడిచి పెట్టుకు పోక తప్పదు. రాష్ట్రంలో అవినీతి అనేది ఎప్పుడు ఎన్నికల్లో కీలకాంశంకాదు.

ఇప్పుడు గతంలో వీరప్ప మొయిలీ చెప్పిన , జగన్ తో బహిరంగ బేరం చేసుకునే పరిస్థితి వచ్చింది. (రహస్యంగా ఇప్పటికే బేరం జరిగి ఉండవచ్చు). జగన్ కు కొత్తాంధ్ర ప్రదేశ్ ముఖ్యమంత్రిత్వాన్ని అప్పగించి, కేంద్రంలో తనకు సపోర్టు ఇచ్చే గట్టి ఏర్పాట్లను సోనియా చేసుకోవాల్సి వస్తుంది. 30 సీట్లు గెలిస్తే నిర్మాణాత్మక పాత్ర పోషిస్తాం అని జగన్ చెప్పే పాత్ర ఇదే. జగన్ కు ఉమ్మడి బడా ఆంధ్రప్రదేశ్ ముఖ్యమంత్రి కావాలని కోరిక. ఇప్పుడి చాంద్ బిస్కెట్ లాంటి సీమాంధ్ర ప్రదేశ్ తో తృప్తి పడటం ఎలా? పొత్తు పధ్ధతి లో జగన్ ను సీఎం చేస్తే ఢిల్లీకి సూట్ కెసులు ఆగిపోతాయి. తెలంగాణలో తెరాస కూడ సూట్ కేసులు పంపదు. టీలీడర్లు స్వంతంగా కాంగ్రెస్ ను గెలిపించకో కలిగితే, సూట్ కేసులకు లోటు ఉండదు.

బిజెపికి సూట్ కేసులు పంపాల్సిన పార్టీల సంఖ్య పెరుగుతూ ఉండగా, కాంగ్రెసుకు సూట్ కేసు రాష్ట్రాల సంఖ్య తగ్గుతున్నది.

చిరంజీవి ప్రజారాజ్యం పార్టీని బ్రతికిస్తే!

చిరంజీవి తన పార్టీని తీసుకెళ్ళి కాంగ్రెసులో విలీనం చేసినప్పుడే ఆయన ప్రజల విశ్వాసం కోల్పోయాడు.

కిరణ్ కొత్త సమైక్యాంధ్ర పార్టీని పెట్తే?

అప్పుడు కిరణ్, జగన్, బాబు పార్టీల మధ్య హంగ్ అసెంబ్లీ సీమాంధ్రకు అస్థిరతను తెచ్చే అవకాశం ఉంది.

సీమాంధ్రలో బిజేపి పరిస్థితి మెరుగు పడదా?

మొదటి నుండి సీమాంధ్రలో బిజేపీ నామరూపాలు లేని పార్టీయే. మతం మార్చుకున్న వారు ఎక్కువగా ఉన్నందువల్ల మతతత్వాన్ని ప్రేరేపించే బిజేపీకి మద్దతు కష్టం. ఇక్కడి మేధావులలో వామ పక్షభావాలు ఉన్నాయి. వాటిని వోట్లుగా మార్చుకోటంలో, వామపక్షాలు విఫలమయ్యాయి. స్వర్గీయ ఎన్ టీ ఆర్ ఈ సంగతి గ్రహించే వామ పక్షాలను ఇబ్బంది పెట్టకుండా తెలివిగా వ్యవహరించే వాడు. ఒకసారి ఎన్ టీ ఆర్ నక్సలైట్లను దేశభక్తులని కూడా అన్నాడు.

సీమాంధ్రలో టీడీపీ అవకాశాలు మెరుగుకావా? బాబుకి ఇదే చివరి అవకాశం కాదా?

టీడీపీ ఎప్పటిలాగే రెండవ స్థానం దక్కించుకోవచ్చు.

సీమాంధ్ర లో ఆం ఆద్మీ పార్టీని, లోక్ సత్తాను ఎందుకు ప్రోత్సహించకూడదు?

శ్రీజయప్రకాశనారాయణ దృష్టి మొదటినుండి, హైదరాబాదులోని సీమాంధ్ర సెటిలర్లపై ఉంది. ఆయన గెలిచినకుకట్ పల్లి స్థానం కూడ హైదరాబాదు లో ఉన్నది. ఆయన సీమాంధ్రకు వలస వచ్చి సీమాంధ్రపై దృష్టి పెడ్తాడా లేదా అనేది చూడాలి.

90 Even great intellectuals can faulter; ప్రమాదో ధీమతాపి - ఎంతటి ధీమంతులైనా పొరపాటు పడవచ్చు.

నహుషుడు ధర్మరాజుకి చెప్పాడనో, ధర్మవ్యాధుడు కౌశికుడికి చెప్పాడనో, భృగువు భరద్వాజుడికి చెప్పాడవో, సాక్షాత్తూ భగవంతుడే అర్జునుడికి చెప్పాడనో, తిలక్ గారు చెప్పారనో, సర్వేపల్లిరాధాకృష్ణన్ గారు చెప్పారనో,రాజాగోపాలాచారి గారు చెప్పారనో, వివేకానందాగారు చెప్పారనో, సినిమాల్లో ఎన్ టీ ఆర్ గారు చెప్పారనో, ఘంటసాలగారు పాడారనో, అన్యాయాలన్నీ న్యాయాలయి పోవు. అలాగని, పెద్దలను కించపరచటం కూడ న్యాయంకాదు.

Above paragraph, approx. in English: Injustices will not become virtuosities, simply because something is said by Nahusha to YudhishThira, or Dharmavyadha to Kausika, or by Sage Bhrigu to Bharadwaja, or the Supreme GodHead himself to Arjuna, or Lokmanya Tilak (Great Freedom Fighter of India), or Dr. Sarvepalli Radhakrishnan (Second President of India), or Chakravartula Rajagopalachari (First Governor General of Independent India), or Swami Vivekananda, or Late N.T. Rama Rao in mythological films, or sung by Late Ghantasala. At the same time, it will not be correct to underestimate elders, especially freedom fighters.

మన రెండు ఇతిహాసాలు భారతం, రామాయణం. పురాణ గ్రంధం భాగవతం. ఈ మూడు గ్రంధాల మధ్య పూలదండలో దారం లా ఒక సమాన ధర్మానికి పెద్ద పీట వేస్తాయి. అదే కులవ్యవస్థ. మన గుడి మరియు టీవీ ప్రబోధకులు, స్వామీజీలు, అవసరాన్ని బట్టి వాయించేది లేదా దాటేసేది, అన్యాయ పూరితమైన కుల వ్యవస్థ. గీతలో పరమాత్మ చేత నేనే సృష్టించాను అని మరీమరీ చెప్పించిన చాతుర్ వర్ణ్య వ్యవస్థ. ఈవ్యవస్థ కేవలం నాలుగు విభాగాలు చేసి ఊరుకున్నది కాదు. నాలుగు కులాల వారి శరీరాలకు రంగులను రుద్దిన విషయాన్ని ఇది వరకే సాక్ష్యాలతో వివరించాను. వారి మధ్యలో మరీ అన్యాయంగా విథులను నిర్దేశించారు. గీత, మోక్ష సన్యాస యోగంలో, 42,43, 44 శ్లోకాలను చూడండి.

శమో దమస్ తపః శౌచం క్షాంతిర్ ఆర్జవమ్ ఏవ చ ☀ జ్ఞానం విజ్ఞానమ్ ఆస్తిక్యం బ్రహ్మ కర్మ స్వభావజమ్ 1842.

శాంతి, ఇంద్రియ నిగ్రహము, తపస్సు, బాహ్యాంతః శుభ్రత, ధర్మతత్పరత్, వివేకం, పాండిత్యం, దేవుడియందు నమ్మకం, ఇవి బ్రాహ్మణులకు స్వభావసిధ్ధము.

శౌర్యం తేజో ధృతిర్ దాక్ష్యం యుధ్ధేచాపి అపలాయనమ్ ☀ దానమ్ ఈశ్వరభావశ్చ క్షాత్రం కర్మస్వభావజమ్ 1843.

పరాక్రమం, తేజస్సు, ధైర్యం, నేర్పరితనం, యుధ్ధంలో పారిపోకుండుట, దానం, తాము యజమానులమనే భావం (రాజకీయం, నాయకత్వం), క్షత్రియులకు స్వభావసిధ్ధము.

కృషిగోరక్షా వాణిజ్యం వైశ్యకర్మస్వభావజమ్ ☀ పరిచర్యాత్మకం కర్మ శూద్ర స్యాపిస్వభావజమ్ 1844.

వ్యవసాయం, పశుపోషణ, వ్యాపారం, వైశ్యులకు సహజసిధ్ధము.
పరిచర్యలు చేయటం, శూద్రులకు స్వభావ సిధ్ధం.

మహాభాగవతం ఒక్క అడుగు ముందుకేసి, సేవ చేయటానికి యజమానులు దొరకని వారు బుట్టలల్లుకోవాలని చెప్పింది. కావలసిన వారు సంస్కృత వ్యాసభాగవతం చూసుకోవచ్చు. పోతన్నగారి పద్యం తరువాత ఇంకో పోస్టులో వ్రాస్తాను.

శతాబ్దాల కాల గమనం , విదేశీ దాడులు, ఆర్ధికరంగాభివృధ్ధి -- కులాలు, వృత్తులు జన్మకులాల మధ్య సంబంధాల్లో కొంత మార్పుని తెచ్చాయి. కానీ రావలసినంత రాలేదు.

జన్మ క్షత్రియులు అంతరించటమో, రాజేతరమైన వృత్తులను చేపట్టటం జరిగాక, వారి స్థానాన్ని భూయజమానులైన శూద్రులలో కొందరు భర్తీచేసి నేడు నాయకులుగా చలామణీ అవుతున్నారు. నాయకత్వం,అధికారం, క్షాత్రం కొరకు అన్ని కులాలవారూ ఆవేశ పడుతూ ఉండగా అవకాశాలు కొందరికే దక్కుతున్నాయి. అత్యధిక సంఖ్యాకులైన శూద్రులు, పలువురు బ్రాహ్మణులు, వైశ్యులు, నేడు సేవా వృత్తిలోకి ప్రవేశించారు. జన్మచేత ఆపాదించబడిన విభజన రేఖ పూర్తిగా చెరిగి పోయి ఎవరు ఏవృత్తినైనా చేపట్టవచ్చు అనే స్వేఛ్చ 100% రావాలి కానే రాలేదు.

దీనికి తోడు పెట్టుబడిదారీ విధానం, వారసత్వజనిత ఆదాయ సంపద పంపిణీ వ్యత్యాసాలు, వ్యక్తుల స్వార్ధాలు, ప్రజల వెర్రి వ్యామోహాలు,నెహ్రూకుటుంబం వారే ప్రధానమంత్రులు, ఎంపీల కొడుకులే ఎంపీలు, ఎంఎల్ఏ లకొడుకులే ఎంఎల్ఏ లు, హీరోల కొడుకులే హీరోలు, డాక్టర్ల కొడుకులే డాక్టర్లు, ఐఏఎస్ ల కొడుకులే ఐఏఎస్ లు వంటి నూతన కుల వ్యవస్థను మన నెత్తిన రుద్దుతున్నాయి.

స్వాతంత్ర్యోద్యమ కాలం మనకు పలువురు గొప్ప మేథావులను, కార్యయోధులను ప్రసాదించింది.


కార్యయోధులలో అత్యంత అగ్ర గణ్యులు లోకమాన్య బాలగంగాధర తిలక్, మరియు మహాత్మా గాంధీ గారు. వీరిరువురూ గీతచేత అత్యంత అధికంగా ప్రభావితం అయిన వారే. గాంధీజీ గీత చేత ప్రభావితం అయినప్పటికీ, గీతపై సవివరమైన వ్యాఖ్యానం రచించే తీరిక వారికి దొరకలేదు. లోకమాన్యతిలక్ బ్రిటీష్ వారి ఆగ్రహానికి గురి యయి బర్మాలోని మాండలే చెరసాలలో ఏకాంతవాస శిక్ష అనుభవించిన కాలంలో, వారికా సావకాశం దొరికింది. వారిచే రచించ బడిన గీతా రహస్య షుమారు 1500 పేజీల సుదీర్ఘ గ్రంధం. మరాఠీభాషలో ఉంది. దాన్ని వారి మిత్రులే వారి అనుమతితో ఆంగ్లంలోకి అనువదించారు.

ఆనాటి దేశ కాల మాన పరిస్థితులను మనం దృష్టిలో ఉంచుకుంటే తిలక్ మహారాజ్ కుల వ్యవస్థనుగానీ, అది బోధించిన అసమానతలను గానీ వ్యతిరేకిస్తారని మనం ఆశించరాదు. మోక్ష సన్యాస యోగంలో, 42,43, 44 శ్లోకాలపై తిలక్ మహారాజ్ అభిప్రాయాన్ని చూద్దాం. Page 620 of Gitarahasya.

The arrangement of the four classes has come into existence as a result of the differences between the inherently natural qualities; but it is not that this explanation has for the first time been given in the Gita. This explanation about the differences between the qualities has, with nominal differences, appeared in

i) in the conversation between Nahusha and Yudhishthira, and in the conversation between the Brahmin and the Hunter in the Vanaparva of the Mahabharata (vana 180 and 211);

ii) in the conversation between Bhrigu and Bharadvaja in the Santi parva (San 188); and

iii) in the conversation between Uma and mahEsvara in the anuSAsanaparva (Asva. 39. 11).

It has been stated before that the various actvities of the world result from the differences in the constituents of Prakriti; and it has been proved that the four-class-arrangement, which determines what each of these classes has to do, is itself the result of the difference in the constituents of Prakriti. The Blessed Lord now says, that

i)all these Actions must be carried on by everybody with a desireless frame of mind, that is, with the idea of dedicating them to the Paramesvara, as otherwise the world will not go on; that

ii) a man acquires Perfection when he conducts himself in this way; and that

iii) it is not necessary to perform any other austerity for obtaining Perfection.

వైబీరావు గాడిద వ్యాఖ్యలు

నహుషుడు ధర్మరాజుకి చెప్పాడనో, ధర్మవ్యాధుడు కౌశికుడికి చెప్పాడనో, భృగువు భరద్వాజుడికి చెప్పాడనే, సాక్షాత్తూ భగవంతుడే అర్జునుడికి చెప్పాడనో, తిలక్ గారు చెప్పారనో, సర్వేపల్లిరాధాకృష్ణన్ గారు చెప్పారనో,రాజాగోపాలాచారి గారు చెప్పారనో, వివేకానందాగారు చెప్పారనో, సినిమాల్లో ఎన్ టీ ఆర్ గారు చెప్పారనో, ఘంటసాలగారు పాడారనో, అన్యాయాలన్నీ న్యాయాలయి పోవు. అలాగని, పెద్దలను కించపరచటం కూడ న్యాయంకాదు.
తెనాలి రామకృష్ణుడి చాటువు ఒకటి గుర్తుకు వస్తుంది:-

చంపకమాల.
తెలియని వన్ని తప్పులని దిట్ట తనాన సభాంతరంబునన్
పలుకగ రాదురోరి పలు మారు పిశాచపు పాడె గట్ట నీ
పలికిన నోట దుమ్ము వడ భావ్య మెరుంగక పెద్దలైన వా
రల నిరసింతువా ప్రగడ రాణ్ణరసా విరసా తుసా భుసా

అయినా తప్పటంలేదు. నా నోటిలో దుమ్ము పడితే పడును గాక.
పూర్వకాలపు పాలకులు, పండాలు కుమ్మక్కయ్యి, నిమ్న కులాలపై రుద్దిన అసమానతలను, -- తిలక్ మహారాజ్ గారు జన్మతో వచ్చే అసమానతలుగా భావించి , వాటిని ప్రకృతి పైకి నెట్టేశారు. ప్రకృతిలో మనుషుల శక్తియుక్తుల మధ్య కొన్ని అసమానతలు వచ్చేమాట నిజమే అయినా, వాటిని ఈపెట్టుబడిదారీ సమాజం అతిగా చిత్రిస్తున్నది. పృకృతి సహజంగా వచ్చే అసమానతలకు, పాలకులు-పండాలు, చట్టాలు, ఆచారాలు, సృష్టించే అసమానతలకు హస్తి మశకాంతరం ఉంటుంది.

తిలక్ గారే కాదు, మన బోధకులందరు గీతా వాక్యంగా చెప్పేది ఒకటే. చాకిరీ చేసే సమయంలో, పరమాత్మను సేవిస్తున్నాను , పరమాత్మాత్మార్పణం అనుకోమని. వినోబా భావే గారైతే ఒకడుగు ముందుకేసి 'ఒక వృధ్ద వనిత పిడకలు చేస్తు కృష్ణార్పణం అనుకున్నది. ఆపిడకలు వెళ్ళి శ్రీకృష్ణుడి ముఖానికి వెళ్ళి అతుక్కున్నాయి' అని ఒక పిట్ట కథను మనసుకు హత్తుకు పోయాలా జైల్లో ఖైదీలకు చెప్పారు.

అంటే, మన రజకులు మురికి బట్టలు ఉతుక్కుంటూ, చర్మకారులు పశువుల చర్మాలను కడుక్కుంటూ, సఫాయివాలాలు పాయఖానాలను శుభ్రం చేస్తూ, స్వీపర్లు వీధులు ఊడుస్తూ జీవితాంతమూ గడపాల్సిందేనా? అనే ప్రశ్న రాకపోతే మనం సత్య శోథకులం కాలేము.

హీరోల కొడుకులు హీరోలుగా, ఆటో డ్రైవర్ల కొడుకులు ఆటో డ్రైవర్లకొడుకులు ఆటో డ్రైవర్లుగా ఇలా ఎంతకాలం?

సమానతలు అసాధ్యం, సమానావకాశాలు అనే సిధ్ధాంతాన్ని పలువురు పండితులు ముందుకు తెచ్చారు. వారిలో విశ్వవిఖ్యాత పండితుడు డాక్టర్ సర్వేపల్లి రాధాకృష్ణన్ (ష్ణ య్య) గారు కూడ ఉన్నారు. వారి గీతానువాదం 1948లో లండన్ లో ప్రచురించబడి, యూరో అమెరికన్ల ప్రశంసలు కూడ అందుకున్నది. మో.స.యోగం 42,43, 44 శ్లోకాలపై రాధాక్రిష్ణయ్యగారి అభిప్రాయాన్ని మరొకసారి పరిశీలిద్దాం.

సమానత్వం లేకపోతే పోనీ, కనీసం సమానావకాశాలైనా లభిస్తున్నాయా? సమానావకాశాలు లభిస్తే సోనియా గాంధీ కాంగ్రెస్ అధ్యక్షురాలు, రాహుల్ గాంధీ కాంగ్రెస్ ఉపాధ్యక్షురాలు కొద్దీకాలం లోనే ఎలా కాగలిగారు? జిల్లా స్థాయి నేతలు, రాష్ట్ర స్థాయి నేతలు, పలువురు సీనియర్ కేంద్ర మంత్రులు, కాంగ్రెస్ అధ్యక్ష పదవికి, ప్రధాని పదవికి పనికి రాకుండా ఎందుకు పోయారు? సీల్డ్ కవర్ సంస్కృతి ఎలా ప్రవేశించింది?

ఇందిరాగాంధీ పోయిన మర్నాడే రాజీవ్ గాంధీ పట్టాభిషేకం ఎలా జరిగింది? ఆయనను , ఆయన పార్టీని జనం అతి పెద్ద మెజారిటీతో ఎలా గెలిపించారు? ధీరూభాయ్ అంబానీగారి అబ్బాయి ముఖేష్ అంబానీ భారతీయుల్లో అత్యధిక ధనికుడు ఎలా కాగలిగాడు? రాజశేఖర పుత్ర జగన్మోహన్ శాతకర్ణి లక్ష కోట్లకు ఎలా అధిపతి కాగలిగాడు?

శరీర కష్టం అవసరమైన, లేక ప్రమాదకరమైన, లేక ఇబ్బంది కరమైన పనులు చేయటానికి ఎవరో ఒకరు కావాలిగా అనే వాళ్ళు ఉన్నారు. తాము మాత్రమే గొప్ప గొప్ప పనులు చేసి సమాజాన్ని ఉధ్ధరిస్తున్నామనుకునే నేతలు,ఆధికారులు, డాక్టర్లు, యాక్టర్లు, లాయర్లు, క్రికెటర్లు, చార్టటర్డ్ ఎకౌంటెంట్లు, స్వాములవార్లు, రోజుకో రెండు గంటలు ఈ శరీర కష్టం అవసరమైన, లేక ప్రమాదకరమైన, లేక ఇబ్బంది కరమైన పనులు చేయటానికి ముందుకు రావచ్చు. ప్రభుత్వం చట్టాలు, నిబంధనలు, సంస్థలద్వారా ఈ రొటేషన్ ను అమలులోకి తేగలిగితే, నేడు కొన్ని వర్గాలవారిపై మాత్రమే పడుతున్న ఈ భారం అన్ని వర్గాలకు పంచి నట్లు అవుతుంది కదా. ఊరికే dignity of labor అని ఉపన్యాసాలిస్తే ప్రయోజనం ఏముంటుంది?

సామాజికన్యాయంతో కొన్ని వోట్లను పోగేసుకున్న చిరంజీవి గారేమంటారో?

To continue adding / deleting / modifying. सशेष. ఇంకా ఉంది.

౦89 Plight of SImAndhra parents, children and SimAndhra politicians సీమాంధ్ర ప్రజలు, సీమాంధ్రనేతల దుస్థితి.

---

చర్చనీయాంశాలు: bifurcation, విభజన, సీమాంధ్ర

కొందరు తెలంగాణా నేతలు కోరుతున్నట్లుగా, క్రొత్త తెలంగాణా రాష్ట్రానికి సోనియా ల్యాండ్ అని పేరు పెట్టాలి. సీమాంధ్ర ప్రజలు తమ దౌర్భాగ్యానికి తిట్టుకోటానికి అనువుగా ఉంటుంది. సీమాంధ్ర తల్లి దండ్రులు మటుకు తమ పిల్లలకు సోనియా , రాహుల్, ప్రియాంక, అని పేరు పెట్టకూడదు. పెట్టితే, పిల్లలపై కోపం వచ్చినప్పుడు, ఇంకా నాలుగు ఎక్కువ తగిలించే అవకాశం ఉంది. స్కూల్లో టీచర్లు కూడ ఇంకానాలుగు దెబ్బలు ఎక్కువ వేసే అవకాశం ఉంది. ఇప్పటికే ఎవరైనా తల్లిదండ్రులు, తమ పిల్లలకు సోనియా, రాహుల, ప్రియాంక, అని పేర్లు పెట్టిన వాళ్ళుంటే, వాటిని మార్చుకోటం క్షేమదాయకం.

ఊరంతా వడ్లెండ బెట్టుకుంటుంటే, నక్క తోక ఎండ బెట్టుకున్నదట.

ఈసామెత సీమంధ్ర తెలుగు వాళ్ళకి చక్కగా వర్తిస్తుంది. 06-12-2013 చేసిన సీమాంధ్ర బంద్ వల్ల ఎవరు నష్టపోయారు? చిన్నవ్యాపారులు, బండ్ల వ్యాపారులు, కాలిబాట వ్యాపారులు, కనీసం ఒకపూట బేరాలను కోల్పోయారు. కేంద్ర క్యాబినెట్ చేత పూచికపుల్ల లాగా తీసి వేయబడ్డాక కూడ, నలుగులు సీమాంధ్ర కేంద్ర మంత్రులు ప్రధానిని, సోనియాను కలిసి తమ రాజీనామా విషయం ఆమెకు చెప్పాలని నిర్ణయించుకోటం, మనం ఏస్థాయికి దిగజారామో చూపిస్తుంది.


ప్రధాని మన్మోహన్ సింగ్ గారు, చిదంబరం గారి మాటకు ఇచ్చిన విలువ, సీమాంధ్ర క్యాబినెట్ మంత్రులకు ఇవ్వరని ఋజువయ్యింది కదా. అయినా వ్యామోహం ఎందుకు వదలటం లేదు?

వ్యామోహం కన్నా భయం ఎక్కువ ఉంది అని చెప్పుకోవాలి. ఎవరి వ్యాపారాలు వారికి ఉన్నాయి. ఆవ్యాపారాల్లో తెలిసో, తెలియకో తప్పులు జరుగుతూ ఉంటాయి. పన్ను ఎగవేతలు జరుగుతూ ఉంటాయి. దొంగ బిల్లులు పెడుతూ ఉంటారు. తానెందుకు బయట పడటం, సీబీఐ చేతికి చిక్కటం, బ్రతుకంతా బెదిరింపుల పాలవటం ఎందుకు అనే భయం ఉంటుంది.

చిప్ప తెచ్చుకొనరా తిమ్మా అంటే, మరి ఇంకాస్తెయ్యమ్మా అంటారు. కట్టెలు తేరా తిమ్మా అంటే, కడుపులొ నొప్పే మాయమ్మ, అంటారు.

మంత్రి పదవి రావటమే కష్టం. వచ్చిందాన్ని చేతులారా కాలదన్నుకోటానికి ఎవరు ఇష్టపడతారు? ఇప్పుడు మనకు టంగుటూరు ప్రకాశం, పొట్టి శ్రీరాములు, గొల్లపూడి సీతారామ శాస్త్రి, గరిమెళ్ళ సత్యనారాయణ, తిరుమల రామచంద్ర, వంటివారు ఎక్కడ దొరుకుతారు?

As desired by some telangANA leaders, the new TelangANA State should be named "Sonialand". This name will be convenient to enable SImAndhra people to curse their own misfortune. But, SimAndhra parents should not name their children as Sonia, Rahul, PriyAnka. Reason: If parents get angry with their children, such parents there is a danger of adding some additional blows. Teachers in Schools may also add some supplementary blows to children. If any SimAndhra parents have already named their children as Sonia, Rahul, PriyAnka, it will be in the interest of the children to change their names.

कुछ तेलंगाना के नेताओं द्वारा वांछित के रूप में, नए तेलंगाना राज्य "सोनिया ल्यांड" नाम दिया जाना चाहिए. यह नाम अपने स्वयं के दुर्भाग्य अभिशाप SImAndhra लोगों को सक्षम करने के लिए सुविधाजनक हो जाएगा. लेकिन, सीमांध्रा माता - पिता सोनिया, राहुल, प्रियंका के रूप में अपने बच्चों का नाम नहीं होना चाहिए. कारण: माता पिता अपने बच्चों के साथ गुस्सा हो, तो ऐसे माता - पिता कुछ अतिरिक्त वार जोड़ने का एक खतरा है. स्कूलों में शिक्षकों ने बच्चों के लिए कुछ अनुपूरक चल रही जोड़ सकते हैं. किसी भी सीमांध्रा माता पिता पहले से ही सोनिया, राहुल, प्रियंका के रूप में अपने बच्चों को नामित किया है, तो यह उनके नाम परिवर्तित करने के लिए बच्चों के हित में होगा. translation made using translate.google.com. गलतीयों कुछ हो, तो माफी माँगता हूँ.

कुछ तेलंगाना नेताओं द्वारा वांछित के रूप में, नए तेलंगाना राज्य 'सोनियाल्यांड' नाम रखना चाहिए। इस नाम के SImAndhra लोग अपने दुर्भाग्य श्राप को सक्षम करने के लिए सुविधाजनक हो जाएगा। लेकिन, SimAndhra माता पिता अपने बच्चों के रूप में सोनिया, राहुल, प्रियंका का नाम नहीं होना चाहिए। कारण: यदि माता-पिता अपने बच्चों के साथ गुस्सा हो, ऐसे माता-पिता वहाँ कुछ अतिरिक्त चल रही जोड़ने का एक खतरा है। शिक्षकों के स्कूलों में भी बच्चों के लिए कुछ अनुपूरक चल रही जोड़ सकते हैं। अगर किसी भी सीमांध्रा माता पिता पहले से ही अपने बच्चों के रूप में सोनिया, राहुल, प्रियंका का नाम है, यह उनके नामों को परिवर्तित करने के लिए बच्चों के हित में होगा।
अनुवाद: ऐऎम् ट्रान्सलेटर्.नॆट्. गलतीयों कुछ हो, तो माफी माँगता हूँ.

కొందరు తెలంగాణా నేతలు కోరుతున్నట్లుగా, క్రొత్త తెలంగాణా రాష్ట్రానికి సోనియా ల్యాండ్ అని పేరు పెట్టాలి. సీమాంధ్ర ప్రజలు తమ దౌర్భాగ్యానికి తిట్టుకోటానికి అనువుగా ఉంటుంది. సీమాంధ్ర తల్లి దండ్రులు మటుకు తమ పిల్లలకు సోనియా , రాహుల్, ప్రియాంక, అని పేరు పెట్టకూడదు. పెట్టితే, పిల్లలపై కోపం వచ్చినప్పుడు, ఇంకా నాలుగు ఎక్కువ తగిలించే అవకాశం ఉంది. స్కూల్లో టీచర్లు కూడ ఇంకానాలుగు దెబ్బలు ఎక్కువ వేసే అవకాశం ఉంది. ఇప్పటికే ఎవరైనా తల్లిదండ్రులు, తమ పిల్లలకు సోనియా, రాహుల్, ప్రియాంక, అని పేరు పెట్టిన వాళ్ళుంటే, వాటిని మార్చుకోటం క్షేమదాయకం.

088 Great ethics of birds at display in mahAbhArata కొన్నిసార్లు పక్షులే మనుషులకన్నా నీతిపరులు

---

చర్చనీయాంశాలు: mahabharata , మహాభారతం, నన్నయ, పద్యకవిత్వం

కొన్ని కథలను,సంఘటనలను చూస్తుంటే, కొన్నిసార్లు మనుష్యులకన్నా పక్షులే నీతిపరులేమో అని పిస్తుంది. పక్షులకు నీతి శాస్త్రం, ధర్మాధర్మాలు తెలుసా అనే విషయాలను ప్రక్కన పెడితే, నన్నయ భారతంలోని సుందర పద్యాన్ని ఒకదాన్ని చూద్దాం.

నన్నయ విరచిత శ్రీమదాంధ్ర మహాభారతం, ఆదిపర్వం, అష్టమాశ్వాసం, 308వపద్యం నుండి.


మహాభారతంలో సందర్భం: పాండవులు ఇంకా మయసభను నిర్మించలేదు. ధర్మరాజు ఇంద్రప్రస్థం లో రాజ్యం చేస్తున్నాడు. కృష్ణార్జునులు వాహ్యాళికి ఖాండవ వనానికి వెళ్ళారు. అక్కడ వారు విశ్రమిస్తూ ఉండగా, అజీర్ణంతో బాధ పడుతున్న అగ్నిదేవుడు, వనమూలికలతో కూడిన ఖాండవాన్ని తాను దహనం చేస్తే తన అజీర్ణం తగ్గుతుందని సహాయం చేయమని కృష్ణార్జునులను కోరాడు. కృష్ణార్జునులు దానికి అంగీకరించి అగ్నికి బాసటగా నిల్చున్నారు.
ఖాండవదహనం మొదలయ్యింది. వృక్షాలతో పాటు పశు పక్ష్యాదులు కూడ అగ్నికి ఆహుతి ఆవుతున్నాయి. చుట్టు పొగలు కమ్మేశాయి. అగ్నికి ఆహుతి కావలసిన పక్షులలో జరిత అనే ఆడపక్షి, దాని నాలుగు పిల్లలు ఉన్నాయి. వాటికింకా రెక్కలు రాలేదు. మగపక్షి మందపాలుడు తన మొదటి భార్య అయిన లపితతో ఖాండవం బయట విహరిస్తున్నాడు. బయట ఉన్న మందపాలుడు తన పిల్లలను రక్షించమని అగ్నిదేవుడిని వేడుకున్నాడు. అక్కడ జరిత పిల్లలను ఎలారక్షించుకోవాలో , తనను తాను ఎలా రక్షించుకోవాలో తెలియక కళవళ పడుతున్నది.

తండ్రి బాధ్యతారాహిత్యంవల్ల తల్లి పడే బాధను గమనించండి.

304వ పద్యం, కందం.
వీరలఁ దోడ్కొని పోవగ,
నేరను బాలకులఁ బెట్టి నిర్దయబుధ్ధిన్
వీరల తండ్రి క్రియం జన
నేరను విధికృతము గడవ నేరఁగ లావే.

చంపకమాల.
ఇది ప్రళయాగ్ని వోలె దెస లెల్లను గప్పఁగ విస్ఫు లింగముల్
వదలక వాయుసారథి జవంబునఁ దానిట వచ్చె ఏమి సే
యుదు సుతులార యీ బిలము నొయ్యెన పోయి చొరుండు దీనిఁగ
ప్పెద ఘనపాంసుజాలముల భీమశిఖావళి తాక కుండగన్.

ఇంకో చంపకమాల.
కొడుకుల బ్రహ్మ విత్తములఁ గోరిన యట్టుల వీరి నల్వురం
బడసితి నిమ్మహాత్ముల నపాయము నొందక యుండఁ బెంచుచున్
నడవుమటంచు నన్ను మునినాథుఁడు మీ జనకుండు పంచి యి
ప్పుడ యెటయేనిఁ బోయె హుత భుక ప్రళయంబు దలంప కక్కటా.

వైబీరావుగాడిద వ్యాఖ్య: ఇందులో కరుణ రసాన్ని గమనించండి. ఆంగ్లకవులు John Milton జాన్ మిల్టన్ వంటి వారు కూడ ఇటువంటి verses వ్రాయలేరు అని నా వ్యక్తిగత అభిప్రాయం.

వచనం.
అని దుఃఖితయైయున్న తల్లిం జూచి యగ్రతనయుండైన జరితారి యిట్లనియె.

తేటగీతి.
బిలము సొచ్చితిమేని నందెలుక చంపు,
నంద యుండితిమేనిఁ దానేర్చు నగ్ని
యెలుకచేఁ జచ్చు కంటె నీ జ్వలనశిఖలఁ,
గ్రాఁగి పుణ్యలోకంబులఁ గాంతు మేము.

వచనం.
మఱియు మాంపిండంబుల మయి యున్న మాకు బిల ప్రవేశంబున మూషక భయంబు నియతం బింద యుండిన నగ్ని భయంబు సంశయితం బెట్లనిన.

కందం.
జ్వలనంబు వాయువశమునఁ,
దొలఁగుడు జీవనము మాకు దరకొనుఁ గృఛ్రం
బుల సంశయ యుతకార్యం
బులు కర్తవ్యములు నియతములు వర్జ్యమ్ముల్.

వచనం
కావున నీవు మెచ్చిన చోటికిఁ బోవనోపము మావలని మోహంబు విడిచి యరుగుము. ఏము దహన క్లేశంబునం బొందినను జీవించి పుత్రులం బడయ నోపుదువు, నీ పుణ్యవశంబున మాకు నగ్ని భయంబు తొలంగెనేని నీవు మాయొద్దకు వచ్చి యెప్పటియట్ల రక్షింతువని కొడుకులెల్ల మ్రొక్కినం జూచి జరితయు బాష్పపూరిత నయనయై యాసన్న తరు గుల్మ గహన దహన మహోత్సాహుండయి వచ్చు హవ్యవహనుం జూచి ప్రాణభయంబున గగనంబున కెగసి చనెనంత.

కందం.
నలుగురు నాలుగు వేద,
మ్ముల మంత్రము లొప్ప బ్రహ్మ ముఖములు వోలెన్
వెలయంగ సంస్తుతించుచు,
నలఘులు మాకభయ మభయ మనిరయ్య ననలున్.

వచనం.
అగ్ని దేవుండప్పుడు మందపాలు ప్రార్ధనం దలంచి యన్నలువురు శార్ఙకులు నున్న వృక్షంబు భక్షిపక పరిహరించిన జరితయు దానిం జూచి సంతసిల్లి కొడుకుల యొద్దకు వచ్చి సుఖంబుండెన్.
అంత నక్కడ మందపాలుండు పురందరువనంబు దహనుచేత దగ్ధంబగుట యెఱింగి యందున్న జరితను బుత్రులం దలంచి యతి దుఃఖితుడయి లపిత (మొదటి భార్య) కిట్లనియె.

కందం.
తరుణుల నజాత పక్షులఁ,
జరణంబులు లేనివారి శార్ఙేయుల న
ల్వుర నొక్కతె యెట దోడ్కొని ,
యరుగంగా నేర్చు జరిత యాపద గడవన్.

ఇంకో కందం.
మఱచు నొకొ మఱవకుండియు,
నెఱుగక యుండు నొకొ యనలుఁ డెఱిఁగి యు నెడనే
మఱునొకొ పుత్త్రులఁ గానక ,
గుఱుకొని నమ్మంగ నగునె క్రూరాత్మకలకున్.

అనిన విని లపిత యిట్లనియె.

కందం.
నా యొద్దన ప్రార్ధించన,
వాయు సఖుండపుడు నీకు వరదుండయి శా
ర్ఙేయుల నలువురఁ గాతును,
ధీయుత యని పలికె మఱచితే ముని నాథా.

(నీకు అగ్ని దేవుడు వాగ్దానం చేశాడు కదా, అని లపిత గుర్తుచేస్తున్నది.)

వచనం.
ఆలికి నెయ్యుండవయి దాని యోగ క్షెమంబరయం దలంచితది పులుఁగెట యేని యుం బఱచుం గా కేమి యయ్యెడు, వగవకుండుము అనిన మందపాలుండు వసిష్ఠునట్టి పురుషునైన నరుంధతి యట్టి భార్య యైనను నిర్నిమిత్తంబున స్త్రీ విషయంబునందు సంశయింపకుండదిది స్త్రీలకు నైజంబ యని పలికి లపిత వీడ్కొని ఖాండవంబునకు వచ్చి పుత్ర సహితయయి కుశలిని యయి యున్న జరితంజూచి సంతుష్టుండై నిజేచ్చ నరిగె.

అగ్ని దేవుండు నిట్లు నిర్విఘ్నంబున ఖాండవ వనౌషధంబు లుపయోగించి విగత రోగుండయి కృష్ణార్జునుల దీవించే చనియెన్. అంత.

(ఇంద్రుడు అర్జునునకు ఆగ్నేయ, వారుణ, వాయవ్యాది అస్త్రాలను ఇచ్చాడు.)

పక్షి పిల్లల్లో ఇటువంటి ధర్మ బుధ్ధిని చిత్రించటం, భారతీయులకే సాధ్యమేమో. నాన్ ఋషిః కురుతే కావ్యం, అంటే ఋషి కాని వాడు కావ్యం వ్రాయలేడు, అంటారు.

వైబీరావు గాడిద వ్యాఖ్యలు

రు అగ్నికి ఆకలెయ్యటం, ఇష్టం వచ్చినట్లుగా తినటం, మళ్ళీ అజీర్ణం తగ్గటానికి వనమూలికలను తినటం కొరకు అడవిని దహించటం, ఈ మొత్తం fantasy అవుతుంది, తప్ప వాస్తవాలను ప్రతిఫలించదు. ఈకథను నిజం అనుకొని చదవటానికి, సత్యాన్వేషణకు పొంతన ఉండదు. ఒక సాహిత్యవిశేషంగానే చదవాలి. రమ్యమైన పద ప్రయోగాలు, సమాసాలు, ఉపమాద్యలంకారాలు, లోకోక్తులు, ఇవన్ని దండిగానే ఉన్నాయి.

నన్నయ కన్నా వ్యాసుడు చాల సుదీర్ఘంగా వ్రాశాడు. ఇంచుమించు వంద శ్లోకాల దాకా ఉన్నాయి. నన్నయ క్లుప్తీకరించాడు. మందపాలుడిచేత వ్యాసుడు అగ్నిదేవుడికి చేయించిన స్తుతి ఒకసారి చూద్దాము.

ఆదిపర్వం. 255వ ఆధ్యాయం. 23వ శ్లోకం నుండి.

త్వమగ్నే సర్వలోకానాం ముఖం త్వమసి హవ్యవాట్॥ 1-255-23
త్వమంతః సర్వభూతానాం గూఢశ్చరసి పావక। త్వామేకమాహుః కవయస్త్వామాహుస్త్రివిధం పునః॥
త్వామష్టధా కల్పయిత్వా యజ్ఞవాహమకల్పయన్। త్వయా విశ్వమిదం సృష్టం వదంతి పరమర్షయః॥
త్వదృతే హి జగత్కృత్స్నం సద్యో నశ్యేద్ధుతాశన। తుభ్యం కృత్వా నమో విప్రాః స్వకర్మవిజితాం గతిం॥
గచ్ఛంతి సహ పత్నీభిః సుతైరపి చ శాశ్వతీం। త్వామగ్నే జలదానాహుః ఖేవిషక్తాన్సవిద్యుతః॥
దహంతి సర్వభూతాని త్వత్తో నిష్క్రంయ హేతయః। జాతవేదస్త్వయైవేదం విశ్వం సృష్టం మహాద్యుతే॥
తవైవ కర్మవిహితం భూతం సర్వం చరాచరం। త్వయాపో విహితాః పూర్వం త్వయి సర్వమిదం జగత్॥
త్వయి హవ్యం చ కవ్యం చ యథావత్సంప్రతిష్ఠితం। త్వమేవ దహనో దేవ త్వం ధాతా త్వం బృహస్పతిః॥
త్వమశ్వినౌ యమౌ మిత్రః సోమస్త్వమసి చానిలః।

87 Damn it! Plans went bust! డామ్న్ ఇట్ కథ అడ్డం తిరిగింది

---

చర్చనీయాంశాలు: bifurcation, విభజన, రాష్ట్ర రాజకీయం, కేంద్ర రాజకీయం

గురజాడ వారి కన్యాశుల్కంలో గిరీశం డైలాగ్ ఇది. డామ్న్ ఇట్ కథ అడ్డం తిరిగింది (ఎన్ సైలెంట్), గిరీశం డైలాగు. గీరీశం బుచ్చెమ్మను లేవదీసుకొని వెళ్ళిపోవాలని వేసుకున్న ప్రణాలిక సౌజన్యారావు సమయస్ఫూర్తితో భగ్నం కావటంతో , విచారంతో కూడిన ఆశ్చర్యాన్ని వ్యక్తం చేశాడు.

సీమాంధ్ర కేంద్రమంత్రుల పన్నాగాలు, సోనియా, మన్మోహన్ సింగ్ ల రాజకీయ అవసరాల వల్ల బెడిసి కొట్టాయి. కేంద్ర కేబినెట్ లో సీమాంధ్రేతర మంత్రులు , మంత్రులబృందం MOG సభ్యులు కేవలం డూడూ బసవన్నలే. సోనియా, మన్మోహన్ లను తృప్తి పరచటం తప్ప వేరే ఎజెండా ఏమీ లేదు.

సీమాంధ్ర కెంద్ర మంత్రుల అంచనా: రాయలతెలంగాణను సమర్ధిస్తే, కర్నూలు తెలంగాణకు వెళ్తుంది. శ్రీబాగ్ ఒడంబడిక ప్రకారం, కర్నూలుకు రాజధాని ఇవ్వటం తప్పుతుంది. ఆప్రాంతం వారికి మధ్య మధ్య అయినా ముఖ్యమంత్రి ఛాన్స్ ఇవ్వటం తప్పుతుంది. కేవలం చిత్తూరు, కడపల బలహీన రాయలసీమను, కోస్తాంధ్ర రాజకీయవేత్తలు బాగా ఆడించుకోవచ్చు.

విశాఖను రాజధాని చేసుకొని, అక్కడ భూములను, కైవసం చేసుకొని బిల్డింగ్ వ్యాపారాలు లాభసాటిగా చేసుకోవచ్చు. అని ఉత్తరాంధ్ర రాజకీయవేత్తలు అనుకున్నారు.

ఏలూరు రాజకీయవేత్తలకు విజయవాడ అయినా విశాఖ అయినా భూ, బిల్డర్ వ్యాపారాలకు సౌకర్యమే. కర్నూలు సౌకర్యం కాదు.

దక్షిణాంధ్ర రాజకీయవేత్తలకు విజయవాడ గుంటూరు మధ్యకానీ, ఒంగోలు సమీపంలో కానీ, భూ, బిల్డర్ వ్యాపారాలకు అనుకూలం. కర్నూలు సౌకర్యం కాదు. కర్నూలునుండి తప్పించుకోవాలనే క్షుద్ర ప్రయత్నమే రాయలతెలంగాణాను సమర్ధించటానికి కారణం. అయ్యో, ఒక ప్రాంతాన్ని అన్యాయంగా చీలుస్తున్నామే అనే దృష్టి వారికి లేదు.

కర్నూలు, అనంతపురం రాజకీయవేత్తలకు హైదారాబాదు భూ ధంధాలపై మోజు ఉన్నది. ఇప్పటికే వారు అక్కడ ఆపనిలో నిమగ్నం అయి ఉన్నారు. అందుకే వారు సర్పంచులచేత తూతూమంత్రం తీర్మానాలు చేయించి కేంద్రం పై ఒత్తిడి తెచ్చారు.

తెలంగాణ నేతలు, ప్రజలు, తామేదో ఘన విజయం సాధించాం అని అనుకుంటూ ఉండ వచ్చు. ఇది అక్కడ రాబోయే వారి అంతర్గత తుఫానులముందు ప్రశాంతి మాత్రమే. పాకిస్థాన్ ప్రజలు ఇప్పుడు ఎంత సుఖంగా ఉన్నారు?

కథను అడ్డం తిప్పింది ఎవరు? నాలుగు రాష్ట్రాల ఎగ్జిట్ పోల్ అంచనాలు. నాలుగింట్లోనూ కాంగ్రెస్ కు చుక్కెదురవుతుందన్న భయం కాంగ్రెస్ నేతలను ఆవహించింది. ఇంక ఆలస్యం చేయకూడదని ప్రధాని అనటంలో కూడా నిగూఢంగా కొంత ఈభయం దాగి ఉండవచ్చు. నరేంద్రమోడీ అధికారంలోకి వస్తే, కోల్ గేట్ ను, టెలికాం కుంభకోణాన్ని ఇంకా ఇతర కుంభకోణాల్ని కెలికించి, ప్రధానిని, కొందరు కేంద్ర మంత్రులను,ఐయేయస్ అధికారులను తాత్కాలికంగా నైనా జైలుకు పంపే అవకాశం ఉన్నది. సోనియా పదివేలకోట్ల సంపదపై కూడ అనుమానంతో దర్యాప్తు చేపట్టే అవకాశం ఉంది. వాషింగ్ టన్ పోస్టు పత్రిక ఎందుకో వెనక్కు తగ్గింది.


కానీ మోడీ దుస్సాహసి. ఆయన పాకిస్థాన్ తో యుధ్ధం పెట్టుకోక పోతే, కుంభకోణాలను దున్నించే పనికి ప్రాధాన్యం ఇచ్చే అవకాశం ఉంది. ఇప్పడు జగన్ పడుతున్న బాధలను, సోనియా, మన్మోహన్ లు పడ వలసి రావచ్చు. అందుకే వారు, అంధ్రప్రదేశ్, కర్నాటకలు చేయి జారిపోకుండా చూసుకోటానికి నానాబాధలు పడుతున్నారు. కోస్తాలో కనీసం సగం సీట్లైనా వస్తాయి. తెలంగాణలో టీఆర్ఎస్ గెలిచినా, టీకాంగ్రెస్ గెలిచినా లాభమే. అందుకే రాయలతెలంగాణపై టీఆర్ఎస్ ఒక్కరోజు బంద్ ప్రకటించగానే కేంద్రం దిగి వచ్చింది. మోడీ చేతిలో నరకబాధలు పడే కన్నా కెసీఆర్ కు లొంగి పోవటమే నయమని కాంగ్రెస్ అధిష్ఠానం అనుకుందేమో.

హైదరాబాదుకు యూటీ ఇవ్వకపోటంకూడ, ఈలొంగి పోటంలో భాగమే.

ఏది ఏమైతేనేం? ఉత్తరాంధ్ర , దక్షిణాంధ్ర, రాయలసీమ నేతలు నేర్చుకోవాల్సిన పాఠాలు చాలా ఉన్నాయి. ఒక ముతక, బాధాకరమైన సామెత ఉన్నది. తిండి-బట్ట ఇవ్వని తాగుబోతు మొగుడు మానం పగిలి పోయేలాగా గుద్దాడు, అనే లోకోక్తి వాడటం దుఃఖకరమైనా వాడక తప్పదు. తిండి బట్ట ఇచ్చే, తాగుబోతు కాని మొగుడు గుద్దటం చేతకాని వాడైనా ఫరవాలేదా, అని వాదించే వాళ్ళు ఉండ వచ్చు. సంసారులైన స్త్రీ పురుషులకు సందర్భానుగుణంగా తిండీ బట్టలు, గుద్దుళ్ళూ రెండూ కావాల్సిందే. హైదరాబాదులో 1956 నుండి 2013 వరకు కేంద్ర రాష్ట్ర ప్రభుత్వాలు వెచ్చించి అభివృధ్ధి చేసిన సంస్థలు ఇప్పుడు సీమాంధ్ర నిరుద్యోగులకు అందుబాటులో లేకుండా పోతున్నాయి. తమరాజకీయ స్వార్ధం కోసం, కెసీఆర్ ను తృప్తి పరచటంకోసం, సీమాంధ్ర నిరుద్యోగులను చావు దెబ్బ కొట్టారు. 10 సంవత్సరాల ఉమ్మడి రాజధాని వల్ల సీమాంధ్ర ప్రజలకు ఒరిగేదేమీ లేదు. కెసీఆర్ కెటీఆర్ హరీష్ కవిత ల చేత తిట్టించుకోటం తప్ప.

ఇప్పడు ఏంచేయాలి?

స్వార్ధంకానీ, నిస్వార్ధంకానీ, మూడు ప్రాంతాల నేతలకు, ప్రజలకు కూడ కోరికలున్నాయి. అవి నెరవేరాలంటే మూడు రాష్ట్రాలు ఉత్తరాంధ్ర,దక్షిణాంధ్ర, రాయలసీమ తప్పనిసరి.


ఇప్పుడైనా మూడు ప్రాంతాల నేతలు కళ్ళు తెరచి మూడు రాష్ట్రాలను ఏర్పరిస్తే తప్ప, ఇంక ఎంత మాత్రం కుదరదు అని కేంద్రానికి చెప్పాలి. కేంద్రం పట్టించుకోకపోతే, 2014 లోక్ సభ ఎన్నికలను బహిష్కరించాలి లేదా ఉమ్మడి అభ్యర్ధులను గెలిపించుకోవాలి. బలహీన వర్గాల ప్రజల పేదరిక నిర్మూలన పథకాలు దెబ్బతింటాయి కాబట్టి, సీమాంధ్ర రాష్ట్ర శాసన సభకు, ఎన్నికలను జరగనిచ్చి, మంత్రి వర్గాలను పనిచేయనివ్వాలి. మన పేదలకు, మన నిరుద్యోగులకు మనమే దెబ్బలు కొట్టుకోకూడదు. ఇంక, ఎంతమాత్రం అంతఃకలహాల రాజకీయాలను కొనసాగనీయకూడదు.

కేంద్రానికి నిరసనలను తెలపటానికి, ఆదాయపు పన్ను , కేంద్ర ఎక్సైజ్ పన్ను, సేవాపన్నుల చెల్లింపును వాయిదా వేసి ప్రత్యేకంగా సీమాంధ్ర రాష్ట్ర ప్రభుత్వం వద్ద జమ చేయాలి. విద్యార్ధులు తమ చదువు కోల్పోకూడదు. భౌతిక హింసకు, ప్రభుత్వ ఆస్తుల విధ్వంసానికి దిగ కూడదు. నేలమట్టమైన ఆస్తులను పునర్నిర్మించుకోవాలంటే, రాష్ట్ర ప్రజలపై పన్నుల భారం పెంచ వలసి వస్తుంది.

ఆంధ్రులు ఆరంభ శూరులు అంటారు. కానీ Slow and steady wins the race అని ఋజువు చేయాలి.

సారాంశం: మూడు రాష్ట్రాలకన్న గత్యంతరం లేదు. ఉద్యమించటం నేతల విధి.